15 လအရွယ်ကလေးငယ်

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020
Share now

၁၅လသားကလေးငယ်လေးကို စောင့်ရှောက်ဖို့ ဘာတွေသိဖို့လိုအပ်သလဲ။

ဖွံ့ဖြိုးကြီးထွားမှုနဲ့ အပြုအမူ

ကလေးကြီးထွားဖွံ့ဖြိုးလာဖို့ ဘယ်လိုလုပ်သင့်လဲ။

သင့်ကလေးဟာခုတော့၁၅လပြည့်ခဲ့ပါပြီ။ ခုချိန်မှာသူဟာလမ်းလျှောက်နေနိုင်ပြီဖြစ်သလိုလမ်းလျှောက်စပြုနေတာလည်းဖြစ်နိုင်ပါတယ်။ သူလမ်းလျှောက်ဖို့ အခန်းလေးလုပ်ထားပေးပါ။ သူလဲကျရင်လည်းလဲကျပါစေ။ ဒီလိုနဲ့ပဲသူ့ပတ်ဝန်းကျင်ကို သူလေ့လာနိုင်ပြီးတဖြည်းဖြည်းနဲ့ အံဝင်ခွင်ကျဖြစ်လာမှာပါ။ သေတ္တာလေးတွန်းပြီးတော့ပဲဖြစ်ဖြစ် တွန်းလှည်းလေးနဲ့ပဲဖြစ်ဖြစ်သင်သူ့ကိုကူညီနိုင်ပါတယ်။ ဒါကသူအလျင်အမြန်တိုးတက်လာဖို့ အကူအညီဖြစ်မှာပါ။

သင့်ကလေးဟာခုဆိုအရင်ကထက်ပိုပြီးကိုယ့်ဖာသာရပ်တည်နိုင်နေတာကိုတွေ့ရမှာပါ။ သူဟာထမင်းစားပွဲမှာသူ့ကလေးထိုင်ခုံမှာထိုင်ရတာနဲ့စာရင် သင်နဲ့တူတူထိုင်ချင်နေပါလိမ့်မယ်။ ဒီအချိန်မှာသင်ဟာသူနဲ့အပြိုင် ပါဝါလုရတော့မှာပါ။ ဒီလိုအခြေအနေမျိုးဟာကလေးကိုကားခုံပေါ်မှာထိုင်ခိုင်းတာဒိုင်ပါလဲပေးရာသွားတိုက်ပေးဖို့ကြိုးစားတာစတဲ့အချိန်မျိုးတွေမှာအများဆုံးကြုံတွေ့ရပါတယ်။ အရမ်းကြီးလည်းစိတ်မပျက်ပါနဲ့။ သင့်ကလေးကသူဟာအကူအညီမပါဘဲနေနိုင်တယ်ဆိုတာကို ပြနေတာပါ။ ဒီအချိန်မှာသင်ကပျာယာမခတ်သွားဖို့အရေးကြီးပါတယ်။ အေးအေးဆေးဆေးနဲ့ သင့်ရဲ့အမိန့်သံပါနေတဲ့စကားကိုမေးခွန်းပုံစံလေးပြောင်းပြီးပြောကြည့်ပါ။ ဥပမာ “သွားတိုက်စမ်း”လို့ပြောမဲ့အစား “ပျော်ဖို့ကောင်းတာလေး တစ်ခုခုလုပ်ကြရအောင်လေ မေမေတို့သွားအတူတူတိုက်ကြမလား” စသဖြင့် ပြောင်းပြောကြည့်ပါ။ အနည်းဆုံးတော့ Mood ပြောင်းသွားတာကိုတွေ့ရမှာပါ။

သင့်ရဲ့ ၁၅နှစ်အရွယ်ကလေးငယ်လေးဟာ အောက်ပါအချက်တွေကိုလည်းလုပ်နေနိုင်ပါတယ်။

  • အနည်းဆုံး စကား၃လုံးပြောနိုင်ပါတယ်။
  • ရိုးရှင်းတဲ့ စကားလုံးလေးတွေကိုနားလည်ပါတယ်။ (မဟုတ်ဘူး ။ ပေး။ )
  • ခန္ဓါကိုယ်အစိတ်အပိုင်းတွေကို ပြတတ်ပါတယ်။
  • ရောင်စုံခဲတံလေးတွေနဲ့ လျှောက်ခြစ်တတ်ပါတယ်။
  • ဘောလုံးပစ်တာ၊ ပြေးတာ၊ လှေကားတက်တာစသဖြင့် လုပ်နိုင်ပါတယ်။
  • သူ့ဖာသာလမ်းလျှောက်နိုင်ပါတယ်။

ကလေးကိုဘယ်လိုထောက်ပံ့ပေးမလဲ။

သင့်ကလေးကိုထောက်ပံ့ဖို့အကောင်းဆုံးနည်းလမ်းကတော့ စာအုပ်လေးတွေ ပုံမှန်ဖတ်ပြပါ။ ဒီအရွယ်ကလေးတချို့ဟာ ငြိမ်ငြိမ်လေးထိုင်နေနိုင်ပေမဲ့ တချို့ကတော့ ထိုင်နိုင်ဦးမှာမဟုတ်သေးပါဘူး။ ဒါကြောင့် သင်စာဖတ်ပြနေတဲ့အချိန်မှာသင့်ကလေးကတည့်တည့်မတ်မတ်လေးမထိုင်နိုင်ဘူးဆိုရင်လည်းစိတ်မလျှော့လိုက်ပါနဲ့။ ဇွဲရှိရှိနဲ့ လုပ်ပါ။ သင့်ကလေးကိုစာအုပ်တွေဖတ်ဖတ်ပြရင်း ကြာလာတဲ့အခါမှာသူဟာငြိမ်ငြိမ်လေးထိုင်ပြီးပုံပြင်နားထောင်ရတာသဘောကျလာမှာပါ။ နောင်နှစ်ပေါင်းများစွာကြာတဲ့ထိစာဖတ်ခြင်းဟာသင်တို့နှစ်ယောက် အတူတူလုပ်ဖူးတဲ့အလုပ်တွေထဲကအကောင်းဆုံးလုပ်ရပ်တစ်ခု ဖြစ်လာပါလိမ့်မယ်။ ကလေးငယ်လေးတွေဟာပုံပြင်တစ်ပုဒ်တည်းကိုပဲခဏခဏနားထောင်ချင်နေတတ်ကြပါတယ်။ ဒါကိုပဲအထပ်ထပ်ပြောပြခြင်းကနေသူစကားလုံးတွေကိုသင်ယူပြီးပုံပြင်နဲ့ ရင်းနှီးလာပါတယ်။ “အဟားအဲ့လိုဖြစ်မယ်ဆိုတာသားသိနေတယ်” ဆိုတာလေးကကျေနပ်စရာပါ။

သင့်ကလေးငယ်လေးဟာတစ်ယောက်တည်းစိတ်ကူးတွေနဲ့နေပြီးတိတ်ဆိတ်နေတတ်ရင် ကလေးကိုရှက်တတ်လိုက်တာလို့ တံဆိပ်မကပ်ပါနဲ့။ အခြားလူတွေကိုနွေးနွေးထွေးထွေးဆက်ဆံတတ်ဖို့ နည်းနည်းကြာတတ်မှာဖြစ်ပေမဲ့ ကလေးငယ်အများစုက ပတ်ဝန်းကျင်အသစ်ကိုရောက်သွားရင် ရှက်ကြောက်သလိုပြုမူတတ်ကြပါတယ်။ ခွဲခြားတတ်တဲ့စိုးရိမ်စိတ်ကသူတို့ရဲ့ပေါင်းသင်းဆက်ဆံရေးနဲ့ ပြောရဲဆိုရဲစိတ်လေးတွေကိုပိုပြီးပျောက်ကွယ်သွားအောင်လုပ်နိုင်ပါတယ်။ ကိုယ့်ကိုကိုယ် ယုံကြည်မှုကင်းမဲ့စေပြီးပိုပြီးလည်းလူကြောက်တတ်သွားစေတယ်။

စိတ်ဖိစီးစရာကောင်းတဲ့ ပတ်ဝန်းကျင်အခြေအနေကိုရောက်နေပြီဆိုရင် သင်နားလည်ကြောင်းသူသိအောင်ပြောပါ။ သူ့လက်လေးကိုကိုင်ပြီး “ ဒီပွဲကအရမ်းဆူတယ်နော် ဟုတ်တယ်မလား” စသဖြင့် ပြောပေးပါ။ ဒီအခြေအနေတွေနဲ့ရင်းနှီးဖို့ သူ့အတွက် အချိန်ပိုပေးပါ။ တွန်းအားတွေမပေးပါနဲ့။ တစ်ယောက်တည်းတိတ်တိတ်ဆိတ်ဆိတ်နေနေတာနဲ့စာရင် ပတ်ဝန်းကျင်အသိုင်းအဝိုင်းထဲ ရောနှောနိုင်ရင် ချီးကျူးပေးပါ။ သင့်ကလေးကိုအားပေးဖို့ ဘောလုံးလေးတွေဝယ်ပေးသင့်ပါတယ်။ ဘောလုံးကိုလှိမ့်လိုက်ပြီးသင့်ဆီပြန်လာတဲ့အခါ သင့်ကလေးကိုဘယ်လိုပြန်ဖမ်းရလဲသင်ပေးခြင်းအားဖြင့် အားပေးပါ။ သူဟာဘောလုံးကိုအချိန်တိုင်းဖမ်းမိနေမှာတော့မဟုတ်ပါဘူး။ ဒါပေမဲ့ သူဘောလုံးကိုလိုက်ဖမ်းနေရတာနဲ့တင် ပျော်ရွှင်နေပါလိမ့်မယ်။

ကိုက်တတ်တဲ့ အကျင့်မဖြစ်အောင်လုပ်ပါ။ ပထမဆုံးအကိုက်ခံရတဲ့ကလေးကိုအာရုံစိုက်ပေးပြီးတစ်ခုခုဖြစ်သွားသေးလားကြည့်ပါ။ ကလေးနှစ်ယောက်လုံးအပေါ် အေးအေးဆေးဆေးဆက်ဆံပါ။

ကိုက်တဲ့ကလေးကိုအော်လိုက်ခြင်းဆူလိုက်ခြင်းနဲ့ အပြစ်ပေးလိုက်ခြင်းဟာ သူ့ကိုပိုဒေါသထွက်စေပြီးထိန်းချုပ်ရခက်ခဲတာမျိုးအနည်းငယ်ဖြစ်နိုင်ပါတယ်။ လက်တွေ့မှာကိုက်တဲ့ကလေးကအကိုက်ခံရတဲ့ကလေးထက်ပိုပြီးငိုတတ်ပါတယ်။ “မကိုက်ရဘူးနော်”လို့ခပ်တင်းတင်းလေးပြောပြီးအာရုံလွှဲပေးလိုက်ပါ။ ဒီကိစ္စတွေဖြစ်တဲ့အချိန်မှာဘာတွေဖြစ်ခဲ့တာလဲဆိုတာမှတ်သားပါ။ သင့်ကလေးကအနိုင်ကျင့်ခံရတာလားအစခံရတာလားဒါမှမဟုတ် သူ့နေရာကိုလာကျူးကျော်လို့လား။ အဲ့ဒီအချိန်ကနေ့ခင်းတစ်ရေးအိပ်ချိန်နဲ့များနီးနေသလား။ ဖြစ်ပွားရတဲ့အကြောင်းရင်းကိုသိပြီဆိုတာနဲ့ ပြဿနာကိုဖြေရှင်းနိုင်မှာပါ။

ကျန်းမာရေးနှင့်လုံခြုံရေး

ဆရာဝန်နဲ့ဘာတွေတိုင်ပင်ဆွေးနွေးသင့်သလဲ။

ခုကသင့်ကလေး၁၅လပြည့် စစ်ဆေးရမယ့်အချိန်ပါ။ သင့်ဆရာကအောက်ပါမေးခွန်းတွေမေးနိုင်ပါတယ်။

  • သင့်ကလေးအစာစားချင်စိတ်ဘယ်လိုရှိလဲ။ တစ်ရက်ကိုထမင်းနဲ့ မုန့်တွေ ဘယ်နှစ်ကြိမ်လောက်စားလဲ။
  • ပုံမှန်ဝမ်းသွားသလား။ ကျွေးတဲ့အစာပေါ်မူတည်ပြီးပြောင်းလဲသေးသလား။
  • အိပ်ချိန်နဲ့ နေ့ခင်းအိပ်ချိန်တွေဘယ်လိုရှိလဲ။ ၁နှစ်ကနေ ၂နှစ်ကလေးတွေဟာတစ်ရက်ကို ၁၃နာရီကနေ ၁၄နာရီထိ မျက်လုံးအိပ်ဖို့လိုအပ်ပါတယ်။

ဒီမေးခွန်းတွေဟာကလေးရဲ့ဖွံ့ဖြိုးမှုနဲ့ ကျန်းမာရေးအခြေအနေတွေကိုအကဲဖြတ်တဲ့နေရာမှာအကူအညီပေးပါလိမ့်မယ်။ သင့်မှာရှိနေတဲ့ အခြားစိတ်ပူစရာအခြေအနေတွေကိုလည်းပြောပြတိုင်ပင်နိုင်ပါတယ်။

ဘာတွေသိသင့်လဲ။

ဒီလမှာသင့်ကလေးဟာဖွံ့ဖြိုးတာအရမ်းမြန်နေပါလိမ့်မယ်။ ၁၅လမှာ သင့်ကလေးရဲ့အတိုင်းအတာတွေဟာ

  • အလေးချိန် : 9.2kg မှ 13.6kg ထိ (ကျား)
  • 8.6kg မှ 12.5kg ထိ (မ)
  • အရပ်အမြင့် : 74cm မှ 84cm (ကျား)
  • 73cm မှ 83cm (မ)
  • ဦးခေါင်းအတိုင်းအတာ : 45cm မှ 50cm (ကျား)
  • 44cm မှ 48cm (မ)

ဖွံ့ဖြိုးမှုပြဇယားဟာသင့်ကလေးရဲ့ ရုပ်ပိုင်းဆိုင်ရာဘယ်လောက်ဖွံ့ဖြိုးလာလဲဆိုတာသင့်ကိုပြပါလိမ့်မယ်။ ကလေးအထူးကုကသင့်ကလေးဟာကျန်းကျန်းမာမာနဲ့ပုံမှန်ကြီးထွားလာသလားဆိုတာသိဖို့ ကလေးရဲ့ အလေးချိန် အရပ်အမြင့်နဲ့ ဦးခေါင်းအရွယ်အစားကိုတိုင်းတာပါလိမ့်မယ်။ လွန်ခဲ့တဲ့ ၁၅လကနဲ့ ခုအတိုင်းအတာတွေနဲ့ ဘယ်လောက်ကွာခြားလဲဆိုတာနှိုင်းယှဉ်ကြည့်လိုက်ပါ။

စိုးရိမ်ပူပန်မှုများ

ဘာကိုစိတ်ပူနေတာလဲ။

သင့်ကလေးကိုကိုက်တတ်တဲ့ကလေးတစ်ယောက်မဖြစ်လာအောင်ဘယ်လိုထိန်းရမလဲလို့ သင်စိတ်ပူကောင်းစိတ်ပူနေပါလိမ့်မယ်။ ဒါကအကျင့်ကောင်းတစ်ခုမဟုတ်တာတော့သေချာပါတယ်။ သင့်ကလေးကိုက်ရတဲ့အကြောင်းရင်းဟာသူအနိုင်ကျင့်ခံရတာအစခံရတာမျိုးကြောင့်ဖြစ်နိုင်ပါတယ်။ သူကဘယ်လိုပြန်ပြောရမယ်မှန်းသိမှာမဟုတ်ပါဘူး။ သဘာဝအကျဆုံး တုံ့ပြန်မှုကတော့ (ပုံမှန်အားဖြင့်) ကိုက်ပစ်တာပါပဲ။ ဒါကိုထိန်းဖို့အကောင်းဆုံးနည်းလမ်းကတော့ ပထမဆုံးသင့်ကလေးကိုက်လိုက်တဲ့လူတစ်ခုခုဖြစ်သွားသေးလားသေချာအောင်လုပ်ပါ။ ပြီးတော့ သင့်ကလေးကိုလေသံတင်းတင်းလေးနဲ့“မကိုက်ရဘူး”လို့ပြောပါ။ အော်ဟစ်နေဖို့ မလိုပါဘူး။ သင့်လေသံကနေပြီးဒါဟာမကောင်းတဲ့အကျင့်မှန်းသူသိသွားပါလိမ့်မယ်။ နောက်တော့ ဘာကြောင့်သင့်ကလေးကအနှောက်အယှက်လို့ခံစားနေရတာလဲဆိုတာနားလည်အောင်လုပ်ပါ။ တစ်ခါတလေမှာကိုက်တဲ့လူကအကိုက်ခံရသူထက် ပိုပြီးငိုတတ်ပါတယ်။ အကိုက်ခံရတာဘယ်လိုခံစားရသလဲသိအောင်ဆိုပြီးတော့တော့ သင့်ကလေးကို ပြန်မကိုက်ပြလိုက်ပါနဲ့။ အဲ့လိုလုပ်လိုက်ခြင်းဟာကိုက်လိုက်တာကအဆင်ပြေတယ်ဆိုပြီးနားလည်မှုလွဲသွားနိုင်ပါတယ်။

HelloHealth Groupသည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ။

Read also:

    ဒီဆောင်းပါးက သင့်အတွက် အသုံးဝင်ပါသလား။
    happy unhappy"
    ရင်းမြစ်များ

    သင်ဒါလည်း နှစ်သက်နိုင်ပါတယ်။

    အမျှင်ဓာတ်အကြောင်း သိသင့်သမျှ

    အမျှင်ဓာတ် အာဟာရဓာတ် အစာအိမ်အူလမ်းကြောင်း သတ္တုဓာတ် ကိုယ်အလေးချိန် ဗိုက်ကယ်ခြင်း သံဓာတ် သရေစာ ရေများများသောက်ပါ အစားအစာ စားသုံးမှု

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr.Thant Zin

    စားလို့ကောင်းတဲ့ ချဉ်ပေါင်ရွက်ကို ဘယ်လိုချက်ချက် ကြိုက်တဲ့သူလေးတွေ ရှိလား………..

    မျှစ် ချဉ်ပြုံးပြုံးအရသာ ငါး ငရုတ်သီး ကျန်းမာရေး သတ္တုဓာတ် ကယ်လ်ဆီယမ် အာဟာရဓာတ် ဗီတာမင် C သံဓာတ် ဗီတာမင် A ချဉ်ပေါင်ရွက် ဆေးဖက်ဝင် အအေးမိ၊ ဖျားနာ

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Aye Thi Mon

    ကလေးများ နို့အန် တဲ့အခါ

    နို့အန် Posseting နို့တိုက် Vomiting အာဟာရ နို့စို့နိုင် ကိုယ်အလေးချိန် လေတက် GERD လေထုတ် လမစေ့ ပေါင်မပြည့် cerebral palsy

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr. Htet Htet Zaw Win

    နို့ချိုတိုက်ကျွေးခြင်း ရပ်တန့်ထားရာမှ ပြန်လည်တိုက်ကျွေးခြင်း

    နို့တိုက်မိခင် ရင်သွေး အကျိုးကျေးဇူး မိခင်နို့ရည် ရာသီစက်ဝန်း nipple shield ကိုယ်အလေးချိန် နို့ဘူး ရင်သား နို့ရည် နို့ထွက်အောင် ရောဂါပိုး

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr. Thiha Phyo Myint

    သင့်အတွက် ရွေးချယ်ထားသည်

    နုနယ်လှတဲ့ မျက်ဝန်းအစုံကို ဂရုစိုက်ကြမယ်

    နုနယ်လှတဲ့ မျက်ဝန်းအစုံကို ဂရုစိုက်ကြမယ်

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr. Thiha Phyo Myint
    ရေးသား ထုတ်ဝေခဲ့သည် မေ 31, 2020
    သားသားမီးမီးတို့ကို လေ့ကျင့်ခန်း လုပ်ခိုင်းပါ

    သားသားမီးမီးတို့ကို လေ့ကျင့်ခန်း လုပ်ခိုင်းပါ

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Aye Thi Mon
    ရေးသား ထုတ်ဝေခဲ့သည် မေ 28, 2020
    ယုဇနပန်း လှလှလေး ကပေးတဲ့ ကျန်းမာရေး

    ယုဇနပန်း လှလှလေး ကပေးတဲ့ ကျန်းမာရေး

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Aye Thi Mon
    ရေးသား ထုတ်ဝေခဲ့သည် မေ 28, 2020
    သားသားမီးမီးတို့အတွက် အသင့်တော်ဆုံး လေ့ကျင့်ခန်းလေးများ

    သားသားမီးမီးတို့အတွက် အသင့်တော်ဆုံး လေ့ကျင့်ခန်းလေးများ

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Aye Thi Mon
    ရေးသား ထုတ်ဝေခဲ့သည် မေ 27, 2020