မတ်တတ်ပြေးအရွယ်နဲ့မူကြိုအရွယ်ကလေးရဲ့ ကြီးထွားဖွံ့ဖြိုးမှု

မိဘတွေကတော့ ကိုယ့်သားသမီးကို အကောင်းဆုံးတွေချည်းဖြစ်စေချင်တာပဲပေါ့။ အကောင်းဆုံးအာဟာရတွေကျွေးမယ်၊ အကောင်းဆုံးအဝတ်အစားလေးတွေဝယ်ပေးမယ်၊ အကောင်းဆုံးကျောင်းမှာထားပေးမယ်။ ဒါပေမယ့် ရွယ်တူလေးတွေနဲ့ယှဉ်ရင် ကိုယ့်ကလေးက ထွားသင့်သလောက်မထွားဘူးလို့မြင်လာတဲ့အခါ စိတ်တွေမအေးနိုင်တော့ဘူးမဟုတ်လား။ ဒီလောက်ဂရုစိုက်ကြလျက်နဲ့ ဘာလို့ကလေးက ကြီးထွားဖို့နှေးနေရတာလဲလို့ အားမလိုအားမရတွေဖြစ်ကြရပါတယ်။ ကလေးရဲ့ကြီးထွားဖွံ့ဖြိုးမှုမှာ ဘာတွေက သက်ရောက်မှုရှိနေလဲဆိုတော့ အများအားဖြင့် - မျိုးဗီဇနဲ့ဆိုင်တယ်။ စားသောက်ပုံအလေ့အထနဲ့ အာဟာရ ရရှိမှုကအရေးပါတယ်။ ဟော်မုန်းလုပ်ဆောင်ချက်တွေနဲ့ဆိုင်တယ်။ ရောဂါအခံ သို့မဟုတ် ကျန်းမာရေးပြဿနာတစ်ခုခုနဲ့ဆိုင်တယ်။ ကလေးတွေရဲ့ ကြီးထွားဖွံ့ဖြိုးမှုနှုန်းက တစ်ဦးနဲ့တစ်ဦးတော့မတူနိုင်ပါဘူး။ ဒါ့ကြောင့်အမြဲတမ်းတော့ တခြားရွယ်တူကလေးတွေနဲ့ ယှဉ်ကြည့်လို့မရပါဘူး။ဖေဖေမေမေတို့အနေနဲ့လုပ်နိုင်တာက ကိုယ့်ကလေးရဲ့ ကိုယ်အလေးချိန်နဲ့ အရပ်ဖွံ့ဖြိုးမှုကို ပုံမှန်စောင့်ကြည့်ထားဖို့ပါပဲ။ ဒါမှ ကြီးထွားဖွံ့ဖြိုးမှုကရပ်နေသလား၊ ပုံမှန်တိုးတက်မှုရှိနေသလား သိနိုင်မှာပါ။ ကလေးက ထွားသင့်သလောက်မထွားဘဲ သူငယ်ချင်းတွေကြားမှာ လူကောင်သေးနေတယ်ဆိုရင် အသေးစိတ်အားဖြင့် ဒီအချက်တွေကြောင့်ဖြစ်နိုင်ပါတယ်။ ကလေးကို ကြီးထွားဖွံ့ဖြိုးမှုနှေးစေတဲ့အကြောင်းရင်းများ မျိုးဗီဇကြောင့်သာမဟုတ်ဘူးဆိုရင် ကလေးသိပ်မထွားတာ အဓိကအားဖြင့် နောက်ထပ်အကြောင်းရင်းသုံးမျိုးပဲရှိပါတယ် - စားသောက်မှုအာဟာရ၊ ပတ်ဝန်းကျင်ပံ့ပိုးမှုနဲ့ ကျန်းမာရေးပြဿနာအခံတို့ဖြစ်ပါတယ်။ ကျန်းမာရေးပြဿနာအခံ ကလေးမှာ ကျန်းမာရေးပြဿနာရှိနေတာကြောင့်လည်း ဖွံ့ဖြိုးမှုကဖြစ်သင့်သလောက်ခရီးမရောက်တာလည်းရှိပါတယ်။ […]

ကိုယ့်ကလေးက အခြားကလေးတွေနဲ့ ယှဉ်လိုက်တဲ့အခါ ပိုပြီး သေးနေတာမျိုး၊ ဒီထက်တော့ နည်းနည်း ပိုထွားသင့်တယ်ဆိုတာမျိုး နဲ့ အစားသိပ်မစားဘူးဆိုတဲ့ အကြောင်းအရာတွေက ကလေးရှိတဲ့ မေမေတိုင်းရဲ့ ခေါင်းထဲမှာ အမြဲရှိနေတဲ့ အတွေးတွေ ဖြစ်ပါတယ်။ တကယ်လည်း ကိုယ့်ကလေးက ပိန်နေတယ်ဆိုရင် ဘာလုပ်ပေးရမလဲဆိုတဲံ အတွေးကလည်း နောက်မှာ အမြဲ ကပ်ပါလာတတ်ပါတယ်။ ဒီတော့ကိုယ့်ကလေးက ပိန်နေရင် မေမေတို့ ဘာလုပ်ကြမလဲ ။ ။ ( ၁ ) အရင်ဆုံး ကလေးဆရာဝန်ဆီသွားပါ။ ကလေးပိန်တယ် ညက်တယ်ဆိုတာကို အမြင်တစ်ခုတည်းနဲ့ ဆုံးဖြတ်လို့မရပါဘူး။ ကြည့်လိုက်ရင် ပိန်နေသလိုဖြစ်ပေမယ့် သူ့ အရပ် သူ့အသက် နဲ့ ရှိသင့်တဲ့ ကိုယ်အလေးချိန်အတွင်းမှာရှိတယ်ဆိုရင် အရမ်းပိန်နေတယ်လို့ ပြောလို့မရပါဘူး။ ဒ့ါကြောင့် ဆရာဝန်ဆီသွားပြီး အရပ် ကိုယ်အလေးချိန်တို့ကို တိုင်းပါ။ ရှိသင့်တဲ့ ကိုယ်အလေးချိန်အောက် ရောက်မရောက်ကို […]

မိဘတိုင်းက ကိုယ့်ရင်သွေးတွေ ကျန်းမာဖို့၊ ကြီးထွားသန်မာဖို့၊ ညဏ်ကောင်းဖျတ်လတ်ဖို့ ဆိုပြီး အဖို့ဖို့တွေ များစွာနဲ့ သူတို့လေးတွေအတွက် ကောင်းတဲ့အရာရာတိုင်းကို ဖြစ်စေချင်ကြတဲ့သူချည်းပါပဲ။ ကိုယ့်ကလေးကို မပျော်စေချင်တဲ့ မိဘ၊ ညဏ်ထိုင်းစေချင်တဲ့မိဘ ဘယ်မရှိမလဲနော်။ ဒီလို ဥာဏ်ကောင်းပျော်ရွင်တဲ့ ကလေးတွေ ဖြစ်ဖို့ မိဘတွေရဲ့ ပျိုးထောင်မှု၊ ပြုစုစောင့်ရှောက်မှုတွေ က နံပါတ်၁ ထိပ်ဆုံးနေရာက ရပ်တည်နေပါတယ်။ ဒါ့ကြောင့် ဉာဏ်ကောင်းပျော်ရွှင်တဲ့ ကလေးတစ်ယောက်ဖြစ်အောင် မိဘတွေဘက်ကဘာလုပ်ပေးရမလဲ ဆိုတာကို ဝေမျှပေးချင်ပါတယ် ။ ။ ဉာဏ်ကောင်းပျော်ရွှင်တဲ့ ကလေးတစ်ယောက်ဖြစ်အောင် မိဘတွေဘက်ကဘာလုပ်ပေးရမလဲ ၁ - မျှတပြည့်ဝတဲ့ အာဟာရသည်သာ အရေးအကြီးဆုံးပါ ။ ။ အစားအသောက်တွေဆိုတာ ကိုယ်ခန္ဓာကြီးထွားဖို့အတွက်သာမဟုတ် ဉာဏ်ရည်ဖွံဖြိုးမှုနဲ့လည်း တိုက်ရိုက်ဆက်စပ်နေတဲ့ အရာတစ်ခုပါ။ ဒါ့ဆို ဉာဏ်ကောင်းထက်မြက်တဲ့ ကလေးတစ်ယောက်ဖြစ်ဖို့ ပျိုးထောင်ပေးတဲ့နေရာမှာ ဘယ်လို အာဟာရဓာတ်တွေ ပါတဲ့ အစားအသောက်တွေကို […]

မေမေတိုင်းမှာ အမျှော်လင့်မိဆုံးဆန္ဒတစ်ခုရှိတတ်ကြစမြဲပါ။ တစ်ကိုယ်ရေဘဝက ဘာကိုမှ သိပ်မမျှော်လင့်တတ်ကြပေမယ့်မေမေနေရာကိုရောက်လာပြီဆိုရင်မျှော်လင့်တာကမွေးဖွာလာမယ့်ရင်သွေး ဉာဏ်ကောင်းကျန်းမာစေဖို့ပါ။ ဒီဆုတောင်းပြည့်အောင်တကယ်လုပ်ယူလို့ရနေပါပြီနော်။ မေမေတို့ရဲ့ဆုတောင်းပြည့်စေဖို့ ကလေးတစ်ယောက်ကိုမွေးဖွားပြီးမေမေဘဝကိုခံယူတာက အမျိုးသမီးတစ်ယောက်ရဲ့ ဘဝမှာမှတ်တိုင်တစ်ခုစိုက်ထူလိုက်တာပါပဲ။ ကြီးမားတဲ့ပြောင်းလဲမှုကြီးတစ်ရပ်ဖြစ်သလိုစိန်ခေါ်မှုတစ်ရပ်ဆိုလည်းဟုတ်ပါတယ်။မေမေဖြစ်လာရင် ကိုယ့်ကိုယ်ကိုယ်ထက်မွေးဖွားလာတဲ့ ကလေးအတွက်ပိုစိတ်ပူကြပါတယ်နော်။ ဒီလိုစိတ်ပူတဲ့အထဲမှာ ကလေးက အခြားကလေးတွေနဲ့ ယှဉ်လိုက်ရင် ဉာဏ်မကောင်းမှာကလည်းတစ်ခုအပါအဝင်ပဲနော်။ ဒီပြဿနာကိုဖြေရှင်းပေးနိုင်မယ့် အကောင်းဆုံးနည်းလမ်းတစ်ခုရှိနေပါပြီနော်။ ကလေးတစ်ယောက်ရဲ့ ဦးနှောက်က ဘယ်အချိန်မှာ အမြန်ဆုံးဖွံ့ဖြိုးလဲ ကလေးတစ်ယောက်ရဲ့ ဦးနှောက်နဲ့အာရုံကြောစနစ်က အသက် ၃ နှစ်မပြည့်ခင်မှာ အလျင်မြန်ဆုံးဖွံ့ဖြိုးတာပါ။ ဉာဏ်ကောင်းပျော်ရွှင်တဲ့ ကလေးတစ်ယောက်ဖြစ်စေချင်တယ်ဆိုရင် ကလေးကို ဒီအချိန်မှာ အာဟာရအကောင်းဆုံးဖြည့်တင်းပေးဖို့လိုပါမယ်နော်။ ဒီအချိန်မှာ မေမေဖေဖေတို့အနေနဲ့ ကိုယ့်ရင်သွေးကို မျက်ခြည်မပြတ်စောင့်ကြည့်လို့ ဦးနှောက်နဲ့အာရုံကြောတွေကိုအကောင်းဆုံးဖွံ့ဖြိုးအောင် ကူညီပေးလိုက်ပါနော်။ ကလေးရဲ့ ဦးနှောက်နဲ့အမြင်အာရုံဖွံ့ဖြိုးဖို့ အသုံးတည့်မယ့်နည်းလမ်း ကလေးတစ်ယောက် ကျန်းမာပျော်ရွှင်စွာကြီးပြင်းအရွယ်ရောက်စေဖို့ မဖြစ်မနေလုပ်ပေးသင့်တဲ့အချက်တစ်ခုရှိပါတယ်နော်။ ဒါကတော့ ကလေးကို ငယ်စဉ်ကတည်းက အာဟာရပြည့်ဝအောင်ကျွေးတာပါ။ မမွေးခင်နဲ့ နို့တိုက်တဲ့ကာလမှာ လိုအပ်တဲ့အာဟာရကို မေမေကပြည့်ဝအောင်စားရင်ရပြီဆိုပေမယ့် ကလေးက အစားစစားတတ်ချိန်မှာပြည့်ဝစွာပါဝင်ဖို့ကမေမေတို့အတော်အာရုံစိုက်ရပါပြီနော်။ ဒီတော့ ဉာဏ်လည်းကောင်း အမြင်အာရုံလည်းကောင်းစွာဖွံ့ဖြိုးတဲ့ ကလေးတစ်ယောက်ဖြစ်ဖို့ဘာတွေကျွေးရမလဲလို့တွေးနေပြီလား။ […]

ခေတ်ဆိုတာလည်း အဆန်းသားဗျ။ ကျွန်တော်တို့ ကလေးဘဝတုန်းက အားလပ်ချိန်ဆိုတာနဲ့ အပြင်ထွက်ပြီး ဘောလုံးကန်မယ်၊ စာအုပ်ဖတ်မယ်၊ လူကြီးတွေနဲ့ လျှောက်လည်မယ်၊ မုန့်စားမယ်၊ ဒါတွေလောက်ပဲ ရှိခဲ့တာလေ။ အိုင်တီခေတ်လို့ ခေါ်တဲ့ ဒီဘက်ခေတ်ကြီးထဲမှာ ကလေးတွေကို ကြည့်လိုက်တာနဲ့ ဖုန်းအသုံးများ ပြီး တီဗီ၊ ကွန်ပျူတာရှေ့မှာ ထိုင်ပြီးတော့ပဲ အချိန်ကုန်နေတတ်တာကိုတွေ့ရပါတယ်။ အရင်တုန်းကဆို ကျွန်တော်တို့ အရမ်းဆော့လွန်းလို့ လူကြီးတွေကတောင် မဆော့ပါနဲ့၊ စာလုပ်ပါလို့ ဆူပူခဲ့ရတဲ့ ခေတ်ကနေ အပြင်ထွက်ကစားပါဆိုပြီး ကလေးကို ပြန်ပြောရတဲ့ ခေတ်ကို ဆယ်စုနှစ်လေး အနည်းငယ်အတွင်းမှာ ရောက်သွားတာ အံ့သြစရာပါပဲ။ ကောင်းတဲ့ နေရာက ကြည့်ရင် ဒီလိုနည်းပညာတွေ တိုးတက်လာတော့ ကလေးတွေလည်း ရှာဖွေချင်တဲ့ အရာတွေ လွယ်လွယ်ကူကူရှာဖွေလို့ ရတယ်၊ အချိန်ကုန်၊ လူပင်ပန်း မဖြစ်တော့ဘူးပေါ့။ မကောင်းတဲ့ဘက်က ကြည့်မယ်ဆိုရင် ဖုန်းအသုံးများ […]

ဆံပင်ဆိုတာ ဒုတိယမျက်နှာပါ။ ဆံပင်ပုံကျမှ၊ ဆံသားကောင်းမှ၊ ဆံပင်ထူမှ လူတစ်ယောက်ရဲ့ အလှအပက ပြည့်စုံတာပါ။ ဆံပင်ထူမှ လှတာပါ။ ဆံပင်ပါးလို့လှတယ်ဆိုတာ မရှိပါဘူး။ ဒါကြောင့် ပြည့်စုံလှပတဲ့ ဆံပင်ရဖို့အတွက် ငယ်ငယ်တည်းက ထိန်းသိမ်းခဲ့ဖို့တော့ လိုပါတယ်။ ကလေးတိုင်း မတူကြပါဘူး။ တချို့ကလေးတွေရဲ့ ဆံပင်ကထူပြီး ဆံပင်ပေါက်သန်သလို တချို့ကလေးတွေ ကျတော့ ဆံပင်ပါးပြီး ဆံပင်ပေါက်နှေးကြပါတယ်။ ဆံပင်ထူအောင် ငယ်ငယ်တည်းက မေမေတို့ မလုပ်ပေးခဲ့ရင် အရွယ်ရောက်လာတဲ့အချိန်မှာလည်း သ့င်ကလေးဆံပင်ပါးပါးလေးပဲ ရှိမှာပါ။ ဒါကြောင့် ဆံပင်ပါးနေတဲ့ သင့်ကလေး ကို ဆံပင်ထူလာအောင်၊ သန်လာအောင် လုပ်ပေးဖို့ မေမေတို့မှာ တာဝန် အပြည့်ရှိပါတယ်။ ။ (၁) ဆံပင်အတွက် လိုအပ်တဲ့ အာဟာရတွေ ကလေးကို များများကျွေးပါ။ ။ အာဟာရ ပြည့်ဝတဲ့ အစားအသောက်တွေ စားပေးခြင်းဟာ ဆံပင်သန် […]

ကလေးတွေများ မျက်စိေကာင်းလိုက်တာ၊ နားပါးလိုက်တာ ဆိုပြီး အဖိုးအဖွားတွေပြောလေ့ရှိကြတယ်နော်။ သူတို့က ငယ်သေးတာကိုး ဆိုပြီး အားကျတဲ့လေသံလေးနဲ့ ကိုယ့်ငယ်ဘဝကိုပြန်တမ်းတမိတတ်တာမြေးလေးတွေထိန်းရင်းနဲ့ပေါ့။ ဒါပေမယ့် လူကြီးတွေ မေ့လျော့နေကြတဲ့အချက်က ငယ်ရွယ်နေတိုင်း အရာရာဖွံ့ဖြိုးမှုအရမ်းကောင်းနေမှာမဟုတ်ဘူးဆိုတာပါပဲ။ ကလေးဆိုတာနဲ့ မျက်စိကောင်း၊ နားပါး၊ ကျန်းမာထက်မြက်နေမှာ၊ သူ့အလိုလို ဖွံ့ဖြိုးလာမှာ လို့တော့ တစ်ထစ်ချမထင်ထားပါနဲ့။ ကလေးဆိုတာ ကြီးထွားဖွံ့ဖြိုးဖို့ အရှိန်ယူနေဆဲ နုနယ်တဲ့အရွယ်မို့ အမြင်အာရုံ၊ အကြားအာရုံ စတဲ့ ခန္ဓါကိုယ်ရဲ့ဘယ်လုပ်ဆောင်ချက်တွေမှာမဆို ပံ့ပိုးမှုလိုကိုလိုအပ်ပါတယ်။ အသက်အရွယ်အလိုက် အစာအာဟာရပံ့ပိုးမှုတွေကို အားကိုးခဲ့ရတဲ့အပြင် လူကြီးတွေဆီကမြင်ရ၊ကြားရတာတွေ၊ချော့မြှူတာတွေဆီက အရာရာသင်ယူရပါတယ်။ ထိန်းကျောင်းတာ၊ကျွေးမွေးတာ၊ သင်ပေးတာတွေရဲ့ ပံ့ပိုးမှုတွေပေါ့။ ဒါတွေမရှိဘဲ ဘယ်ကလေးမှ ကျန်းမာသွက်လက်ဉာဏ်ထက်မြက်နေမှာမဟုတ်ပါဘူး။ ကလေးရဲ့အမြင်နဲ့အကြားအာရုံကောင်းအောင် ဘယ်လိုပံ့ပိုးကြမှာလဲ အမြင်၊အကြား၊ အနံ့၊ အရသာ နဲ့ အထိအတွေ့ ဆိုတဲ့အာရုံခံနိုင်စွမ်းတွေမှာကောင်းကောင်းဖွံ့ဖြိုးလာအောင် ပံ့ပိုးဖို့ မေမေတို့ မမေ့လျော့သင့်တဲ့ အချက်တချို့ကို အကြံပေးချင်ပါတယ်။ (၁) အာဟာရဓါတ်ေတွပြည့်ဝအောင် အလေးထားပါ ထမင်းအများကြီးစားတိုင်း၊ […]

ကိုယ့်ဝမ်းနဲ့လွယ်ပြီးမွေးထားတဲ့ ရင်သွေးလေးကိုတောက်ပတဲ့အနာဂတ် မပိုင်ဆိုင်စေချင်တဲ့ မိဘမရှိပါဘူး။ သားသမီးတွေကို အကောင်းဆုံးဖြစ်လာဖို့ကိုပဲ မျှော်လင့်ပြီး အကောင်းဆုံးအရာတွေကိုပဲ ပေးချင်တာက မိဘတိုင်းရဲ့ စိတ်ကူးဆန္ဒပါ။ ကလေးတွေဟာ ငယ်ရွယ်စဉ်မှာ ဖယောင်းလေးတွေလိုပဲ ပုံသွင်းလို့ရပါတယ်။ ငယ်စဉ်မှာ အကောင်းဆုံးသော ဂရုစိုက်ပျိုးထောင်မှုတွေပြုလုပ်ပေးမယ်ဆိုရင် ကျန်းမာပျော်ရွှင်ဉာဏ်ကောင်းစွာနဲ့ အရွယ်ရောက်လာမှာပါ။ ကျန်းမာပြီး ပျော်ရွှင်တဲ့ကလေးတစ်ယောက်ဖြစ်အောင် ဘယ်လိုပြုစုပျိုးထောင်မလဲဆိုတဲ့ အကြံပြုချက် (၈)ချက်ရှိပါတယ်။ ကျန်းမာပျော်ရွှင်တဲ့ ကလေးတစ်ယောက်အဖြစ်ကြီးပြင်းစေဖို့ (၁) ချစ်ခင်မှုကို ခံစားရပါစေ -ကလေးကို မချစ်တဲ့ မိဘရယ်လို့မရှိလောက်ဘူးဆိုပေမယ့် ချစ်တာကိုဖော်ပြပေးဖို့မေ့မနေပါနဲ့။ အချို့မိဘတွေကချစ်တာကိုဖော်မပြဘဲ ရင်ထဲမှာ သိမ်းထားတတ်ကြပါတယ်။ ကလေးကိုမြင်သာအောင်ချစ်ပြဖို့ မမေ့ပါနဲ့။ ချစ်ခြင်းမေတ္တာဆိုတာ နွေးထွေးနူးညံ့တဲ့အရာတစ်ခုပါ။ အဲဒါကို ကလေးခံစားရပါစေ။ (၂) ကလေးနဲ့အတူတူ အချိန်ဖြုန်းပေးပါ။ ကစားပေးပါ -ကလေးက ကစားစရာအဖော်တွေရှိနေတယ်ဆိုပေမယ့်တောင်မှ မိဘတွေအနေနဲ့ပျော်ရွှင်စရာ ကစားနည်းလေးတွေကို ကလေးနဲ့ အတူတူကစားပေးလို့ရပါတယ်။ ဒါမှ ကလေးနဲ့မိဘကြားမှာ ချစ်ခြင်းမေတ္တာတိုးလာပြီး ကလေးရဲ့ ခန္ဓါကိုယ် […]

ကလေးဆိုတာ စားချိန်တန် စား၊ ကစားချိန်တန် ကစား၊ စာလုပ်ချိန်တန် စာလုပ်ရမယ့် ကြီးထွားဖွံ့ဖြိုးဆဲ အရွယ်ကောင်းဖြစ်ပါတယ်။ ဒီလိုအရွယ်မှာ နေ့စဉ်လိုအပ်တဲ့ ဗီတာမင်နဲ့ သတ္တုဓါတ်တွေ လုံလောက်စွာ မရတဲ့အခါ ကြီးထွားဖွံ့ဖြိုးမှု နှေးပြီး ရောဂါတွေ အလွယ်တကူဖြစ်လာနိုင်တာ သဘာဝပါပဲ။ ကလေးတွေအတွက် လိုအပ်တဲ့ ဗီတာမင်နဲ့ အာဟာရဓါတ်တွေကို အဓိက အစားအသောက်ကနေ ရရှိပါတယ်။ ဖွံ့ဖြိုးဆဲနိုင်ငံတွေမှာ ကလေးတွေဟာ နေ့စဉ် လုံလောက်တဲ့ အာဟာရဓါတ်တွေ မရရှိကြပါဘူး။ အဆီ၊ အငန်၊ အချို စားသုံးမှုများပြီး အဝလွန်ကြတယ်။ အာဟာရဓါတ်တွေ ချို့တဲ့နေတဲ့ ကလေးတွေမှာ တခြားကလေးတွေနဲ့ ယှဉ်လိုက်ရင် ကိုယ်ခန္ဓါအရွယ်အစား သေးငယ်နေတယ်။ နောက်ဆက်တွဲ ကျန်းမာရေးပြဿနာတွေ ဖြစ်ဖို့ အလားအလာ ပိုများလာပါတယ်။ ကလေးအာဟာရမှာ ဘာတွေ ပါဝင်ရမလဲ။ ကလေးအရွယ်မှာ ကျန်းမာကြံ့ခိုင်ပြီး ရောဂါဘယ ကင်းဝေးစေဖို့ တစ်နေ့တာလိုအပ်တဲ့ […]

ကလေးဘဝကတည်း အရိုးသန်မာအောင် အကောင်းဆုံး အုတ်မြစ်ချပေးနိုင်မှာ အရွယ်ရလာတဲ့အခါတော်ကာကျမှပါ။ အရိုးတွေရဲ့ ဖွံ့ဖြိုးမှုကို အများဆုံးတည်ဆောက်ခဲ့တဲ့ကာလအပိုင်းအခြားဟာ ငယ်စဉ်အရွယ်ကနေစလို့ ဆယ်ကျော်သက်အရွယ်အတွင်းမှာပါ။ အသက် ၂၀လောက်ရောက်လာတဲ့အခါ အရိုးဖွံ့ဖြိုးမှုကပြီးစီးသလောက်ကိုရှိသွားပါပြီ။ အရွယ်ရောက်ပြီးသူတွေမှာဖြစ်တဲ့ အရိုးဖွံ့ဖြိုးမှုဆိုတာက ကျိုးပဲ့ပျက်စီးသွားတဲ့နေရာမှာ အစားပြန်ဖြည့်တဲ့ အဆင့်သာဖြစ်ပြီး ဖွံ့ဖြိုးမှုနှုန်းကတော်တော်လေးနှေးပါတယ်။ အရိုးက ဒီလောက်အထိအရေးပါတာပါ အရွယ်ရလာလေ အရိုးတွေရဲ့ ကြံ့ခိုင်သန်စွမ်းမှုကလည်း ကျဆင်းလာလေပါ။ ကလေးအရွယ်မှာက အရိုးတွေဖွံ့ဖြိုးနိုင်တဲ့ အခွင့်အရေးအများဆုံးကာလပါ။ ငယ်စဉ်ကတည်းက အရိုးကောင်းစွာဖွံ့ဖြိုးပါမှ အသက်အရွယ်ရလာတဲ့အခါ အရိုးပွတာ၊ အရိုးကျိုးလွယ်တာမျိုးအန္တရာယ်ကနေကာကွယ်နိုင်မှာပါ။ ဒါကြောင့် ကိုယ့်ချစ်ရတဲ့ ရင်နှစ်သည်းချာတွေကို အသက်အရွယ်ကြီးရင့်လာတဲ့အခါ အရိုးဆိုင်ရာပြဿနာတွေမခံစားရစေဖို့အတွက် ငယ်စဉ်ကတည်းသေချာလေးဂရုစိုက်ပေးပါနော်။ အရိုးတွေကျန်မာကြံ့ခိုင်မှာ အသက်အရွယ်ကြီးရင့်လာတဲ့အထိ ကိုယ့်အားကိုယ်ကိုးပြီး အကောင်းဆုံးလှုပ်ရှားသွားလာနိုင်မှာပါ။ ကိုယ့်ခြေထောက်ပေါ်ကိုယ်ရပ်ပြီး သူများအကူအညီမပါဘဲ လှုပ်ရှားရမှုက အဖိုးမဖြတ်နိုင်လောက်အောင်ကိုတန်ဖိုးရှိတာပါ။ စိတ်သွားတိုင်းကိုယ်ပါဖို့ဆိုတာ အရိုးတွေ သန်စွမ်းကြံ့ခိုင်ဖို့ မဖြစ်မနေလိုအပ်ပါတယ်။ အရိုးကျန်းမာသန်စွမ်းစေဖို့ လုပ်ဆောင်ပေးရမယ့် နည်းလမ်းများ အရိုးအတွက်အဓိကလိုအပ်တဲ့ ဒီအချက်လေး ၃ ခုကို ဂရုတစိုက်လုပ်ပေးရုံနဲ့ ကလေးကကျန်းမာသန်စွမ်းတဲ့အရိုးတွေနဲ့ […]