ကိုယ့်ကလေးမှာ ဒီလက္ခဏာတွေတွေ့ရင် မပေါ့ဆနဲ့နော်

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

ငါ့ကလေးများ တစ်ခုခုဆို ရင်ကျိုးရချည်ရဲ့လို့မေမေတို့ပြောလေ့ရှိတယ်။ ရင်မကျိုးရဖို့က ကလေးရဲ့ကျန်းမာရေးကို မျက်ခြေမပြတ်ဖို့တော့လိုပါတယ်နော်။ သားသမီးကိုအရမ်းချစ်ပေမယ့် လိုချင်တာအကုန်ပေးထားရုံနဲ့ မလုံလောက်ပါဘူး။နွေးထွေးမှုနဲ့ဂရုစိုက်မှုတွေပေးဖို့၊ ကလေးရဲ့အပြုအမူ၊အနေအထိုင်၊အပြောင်းအလဲမှန်သမျှ မိဘကသိနေဖို့ အရေးကြီးပါတယ်။ ကိုယ့်ကလေးမှာဘာတွေဖြစ်နေလဲဆိုတာစောစောသိရင်စောစောကာကွယ်လို့၊ ကုသလို့ရနိုင်ပါတယ်။
ကလေးတွေမှာ ဝေဒနာတစ်ခုခုဖြစ်ရင် လူကြီးတွေလိုသေချာမပြောပြတတ်တော့ အမူအရာလေးတွေပဲပြောင်းလဲနေတတ်ပါတယ်။ ဒါကို လူကြီးတွေက သတိထားမိမှ မဖြစ်သင့်တာမဖြစ်အောင် ကာကွယ်စောင့်ရှောက်နိုင်မှာပါ။ ကလေးနေမကောင်းလည်းသေးသေးမွှားမွှားဝေဒနာလေးပါဆိုပြီးဆေးမြီးတိုလောက်နဲ့ ကိုယ့်သဘောအတိုင်းကုနေုလို့မရပါဘူးနော်။ လိုအပ်တဲ့ကုသမှုတွေလုပ်နိုင်ဖို့ ဆရာဝန်ပြသင့်တဲ့ လက္ခဏာတွေဖြစ်နေသလားဆိုတာမေမေတို့ဘယ်လိုသိနိုင်မလဲ။ ဘယ်အရွယ်ဖြစ်ဖြစ် ကိုယ့်ကလေးမှာ ဒါတွေဖြစ်လာရင် မပေါ့ဆပါနဲ့တော့။
ကလေးက –

အသံတွေကို တုံ့ပြန်မှုမရှိဘူး

မွေးစ ကလေးတွေဆိုရင် သူ့နားထဲမကြားရတဲ့အကြောင်းဖော်ပြနိုင်တဲ့ လက္ခဏာကတော့ အသံတွေကို မတုံ့ပြန်တာပါပဲ။ ကိုယ်တွေကခေါ်ပေမယ့် ဘာသံကြားကြား အသံကျယ်ကျယ်တွေကြားရတာတောင်သူ့ဘက်က တုံ့ပြန်မှုအမူအရာတစ်ခုခုမရှိဘူးဆိုရင် ကလေးကို နားကြားမကြားစစ်ဆေးမှုတွေခံယူသင့်ပါတယ်။

အာရုံမစူးစိုက်နိုင်ဘူး

လေ့လာသင်ယူနေဆဲ ကလေးတွေက သူတို့အမြင်အာရုံတွေ မကြည်တာ၊ မျက်စိ အာရုံစူးစိုက်မရတာတွေကို မပြောပြတတ်သေးပါဘူး။ ကိုယ့်အနီးတဝိုက်က အရာဝတ္ထုတွေကိုတောင် ကလေးက မမြင်တာ၊ မရှာနိုင်တာမျိုးတွေ့ရရင် ဆရာဝန်ပြပါ။ စာအုပ်ဖတ်တာ၊ ပုံပြစာအုပ်တွေကြည့်တာတွေမှာ အခက်အခဲဖြစ်နေပုံတွေ့ရင် ဒါမှမဟုတ် တီဗီနဲ့အရမ်းနီးကပ်ပြီးရှေ့တိုးကြည့်တာမြင်ရင် ကလေးရဲ့မျက်စိကျန်းမာရေးကိုစစ်ဆေးသင့်ပါတယ်။

အဖျားတက်ပြီးခေါင်းကိုက်နေမယ်

ကလေးတွေမှာ အစာအိမ်ဗိုင်းရပ်စ်တွေနဲ့တခြားရောဂါပိုးတွေကြောင့် မကြာခဏဖျားတတ်ပါတယ်။ ရိုးရိုးဖျားတာထက် အဖျားလည်းတက်နေရင်း ကလေးကတော်တော်လေးခေါင်းကိုက်နေတဲ့အမူအရာဖြစ်နေတာ၊ မျက်လုံးတောင်မဖွင့်နိုင်တာဆိုရင်တော်ရုံအဖျားကျဆေးနဲ့ငြိမ်မနေပါနဲ့။ ဟိုမေးဒီမေးလုပ်နေမယ့်အစားဆေးခန်းအမြန်ပြေးတာ ကလေးမြန်မြန်သက်သာနိုင်ပါလိမ့်မယ်။ ဦးနှောက်အမြှေးရောင်ရောဂါလို အန္တရာယ်ရှိတဲ့ရောဂါတွေရဲ့လက္ခဏာဖြစ်နေနိုင်လို့ တတ်နိုင်သလောက်စောစောကုသတာကောင်းပါတယ်။

  • ဝမ်းဗိုက် ညာဘက်အောက်နားကအောင့်တာ
  • အန်တာ
  • ဝမ်းပျက်တာ
  • ဗိုက်ကို အထိမခံနိုင်တာ။

အစာအိမ်လေနာကြောင့်ဗိုက်အောင့်တာနဲ့ နောက်ထပ်ကွာခြားတဲ့အချက်က အူအတက်ကြောင့်ဆိုရင် ဗိုက်အောင့်တဲ့အချိန်ပိုကြာပြီး နာကျင်မှုက အချိန်နဲ့အမျှ ပိုတိုးလာတတ်ပါတယ်။

အရမ်းမောပန်းလွယ်တယ်

ကလေးကနည်းနည်းတောင် အမောမခံနိုင်ဘူး၊ပုံမှန်လှုပ်ရှားနေကျအလုပ်တွေတောင် အားမရှိသလိုဖြစ်နေတယ်ဆိုရင်ပြဿနာရှိနေပါပြီ။မောပန်းအားကုန်လွယ်စေတဲ့အကြောင်းရင်းအများကြီးရှိနိုင်ပါတယ်။ ကလေးကသွေးအားနည်းနေတာလား၊ အာဟာရဓါတ်တခုခု ချို့တဲ့နေတာလားဆိုတာ ဆရာဝန်က စစ်ဆေးကုသပေးပါလိမ့်မယ်။

အသက်ရှူရတာပြဿနာရှိနေတယ်

ကလေးတွေမှာ ပန်းနာရင်ကျပ်က အဖြစ်များပါတယ်။ ပန်းနာရင်ကျပ်ရှိနေရင် ကစားတဲ့အချိန်၊ လှုပ်ရှားတဲ့အချိန်မှာ အသက်ရှူရတာအဆင်မပြေ၊ တရွှီရွှီသံမြည်တတ်တယ်၊မောတယ်၊ ကျပ်တယ် စတာတွေဖြစ်တတ်ပါတယ်။ ပန်းနာရင်ကျပ်ဆိုတာသေချာမကုသရင်ပေါ်လာတဲ့အခါတိုင်း အသက်ရှူရပြဿနာရှိနိုင်တာမို့ ဒီလက္ခဏာတွေကို သတိထားကြည့်ပါ။ ကုသမှုခံယူပါ။

ကိုယ်အလေးချိန်ကျလာတယ်

အကြောင်းရင်းမသိဘဲ ကိုယ်အလေးချိန်ကျတာဟာ စိုးရိမ်စရာကောင်းပါတယ်။ နည်းနည်းပါးပါးအတက်အကျရှိတာ ပုံမှန်ဆိုပေမယ့် သိသိသာသာကြီး အကြောင်းရင်းမသိရဘဲ ပိန်လာတာက ရောဂါလက္ခဏာတစ်ခုဖြစ်နေနိုင်ပါတယ်။ ဆရာဝန်ပြပြီး အကြောင်းရင်းကိုရှာဖွေပါ၊ အကြံဉာဏ်ရယူပါ။ တခြားလက္ခဏာတွေပေါ်လာချိန်ထိ မစောင့်ပါနဲ့။

ရေအရမ်းငတ်တယ်

ပြေးလွှား၊ဆော့ကစားတာကြာလာရင်ရေဆာတာတော့ သဘာဝပေါ့။ ဒါပေမယ့်နေရင်းထိုင်ရင်း အမြဲလိုလိုရေပဲတောင်းနေတာ၊ မကြာခဏ ရေအရမ်းငတ်နေတဲ့လက္ခဏာဆိုရင်တော့ တခုခုပါပဲ။ ဆီးချိုသွေးချိုအန္တရာယ်ကိုလည်း မေ့ထားလို့မရပါဘူး။ ဆရာဝန်ပြပြီး ကျန်းမာရေးစစ်ဆေးပါ။ ဆီးအရမ်းသွားသလား၊ အရမ်းဆာသလား၊ ကိုယ်အလေးချိန်ကျသလား၊မောပန်းနေလား စတဲ့ လက္ခဏာတွေရှိနေလားဆိုတာလည်း သတိထားရပါမယ်။

Hello Health Groupသည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

မဖြစ်မနေ သိထားရမယ့် COVID-19 လက္ခဏာများ

COVID-19၊ ရောဂါလက္ခဏာ၊ ကွာရန်တင်း၊ Positive၊ ဖျားနာ၊ ခရစ္စမတ်၊ Swab၊ အအေးမိ၊ ဆံပင်၊ ပင်ပန်းနွမ်းနယ်၊ နှလုံးဆိုင်ရာပြဿနာ၊ အစာခြေစနစ်၊ တုပ်ကွေး၊ Antibody Test

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

ကိုယ်ဝန်ဆောင်မေမေ ကိုယ်ခံအားကောင်းစေဖို့ ဘာတွေ စားမလဲ

ကိုယ်ဝန်ဆောင်ချိန်မှာ မိခင် ကျန်းမာမှ ဗိုက်ထဲက ဘေဘီလေးက ကျန်းမာမှာပါ။ ကိုယ်ဝန်ဆောင်နေရတဲ့ လေဒီတွေ အနေနဲ့ ကိုယ်ခံအား ကောင်းအောင် စားသောက်ဖို့ လိုပါမယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

COVID-19 ရောဂါပိုး ဆံပင်မှာ ကပ်ငြိရှင်သန်နိုင်သလား

COVID-19၊ ကမ္ဘာတစ်လွှား၊ မာကျောတဲ့မျက်နှာပြင်၊ ချောင်းဆိုး၊ Mask၊ ဆံပင်၊ အမျိုးသမီး၊ ပိုးသယ်ဆောင်သူ၊ ခေါင်းလျှော်၊ ဦးရေပြား၊ အဆီလွှာ၊ antimicrobial effect

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

မိသားစုဝင်အချင်းချင်း အဖျားမကူးစက်အောင် ဘယ်လိုကာကွယ်ကြမလဲ

ကိုဗစ်ရောဂါ၊ တုပ်ကွေးမိ၊ အအေးပတ်၊ ဗိုင်းရပ်စ်၊ ဘက်တီးရီးယား၊ ကာကွယ်ဆေး၊ ဆပ်ပြာ၊ ရေ၊ လက်သန့်ဆေးရည်၊ ကူးစက်ပြန့်နှံ့မှု၊ အစားအသောက်၊ Social Distancing

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သင့်အတွက် ရွေးချယ်ထားသည်

အဖြစ်များသော အစာအိမ်အူလမ်းကြောင်းပြဿနာများ

အဖြစ်များသော အစာအိမ်အူလမ်းကြောင်းပြဿနာများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် အောက်တိုဘာ 23, 2020 . 2 mins read
ကလေး အစာမကြေဖြစ်နေလား ဘယ်လိုသိနိုင်မလဲ ..ဘယ်လိုကာကွယ်ကြမလဲ

ကလေး အစာမကြေဖြစ်နေလား ဘယ်လိုသိနိုင်မလဲ ..ဘယ်လိုကာကွယ်ကြမလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 18, 2020 . 2 mins read
Covid ကာလမှာ ကလေးနေမကောင်း ရင် ဘယ်လိုပြုစုပေးရမလဲ

Covid ကာလမှာ ကလေးနေမကောင်း ရင် ဘယ်လိုပြုစုပေးရမလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Yun Sandi Nan Mon
ရေးသား ထုတ်ဝေခဲ့သည် စက်တင်ဘာ 16, 2020 . 1 min read
သိထားဖို့ လိုမယ့် ခွေးရူးပြန် ရောဂါပိုးအကြောင်း

သိထားဖို့ လိုမယ့် ခွေးရူးပြန် ရောဂါပိုးအကြောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 10, 2020 . 2 mins read