ကလေးငယ်

ကလေးတွေကငယ်သေးတဲ့အချိန်မှာ စကားမပြောနိုင်တာကြောင့်သူတို့ရဲ့ဆန္ဒကိုဖော်ပြဖို့သုံးနိုင်တဲ့ တစ်ခုတည်းသောနည်းလမ်းက ငိုတာပါ။ မအီမသာဖြစ်တဲ့အခါမျိုးမှာလည်း ကလေးတွေက ငိုတတ်ကြပါသေးတယ်။ ဒါပေမယ့် ကလေးတွေငိုတဲ့အခါ မိဘတွေကဘာဖြစ်လို့ဖြစ်မှန်းမသိဘဲ ထူပူစိုးရိမ်နေတတ်ကြပါတယ်။ ဒီတစ်ခါတော့ဘေဘီလေးတွေက ဘာကြောင့်ငိုတတ်လဲဆိုတာနဲ့ ကလေးတွေငိုရင် အငိုတိတ်အောင်ဘယ်လိုလုပ်ရမလဲဆိုတာကိုပြောပြပေးချင်ပါတယ်။ ကလေးတွေဘာကြောင့်ငိုတာလဲ ကလေးငယ်တွေငိုရတဲ့အကြောင်းတွေအများကြီးရှိပါတယ်။ ငိုတာက ကလေးတွေရဲ့တစ်ခုတည်းသော လူမှုဆက်ဆံရေးနည်းလမ်းပါ။ ဒီနည်းနဲ့ လူကြီးတွေရဲ့ အာရုံစိုက်မှုကိုရယူတာဖြစ်သလို သူတို့ရဲ့လိုအပ်ချက်ကိုတောင်းဆိုတာလည်းဖြစ်ပါတယ်။ ကလေးငယ်လေးတွေမှာ ငိုပုံငိုနည်းကအမျိုးမျိုးကွာခြားပါတယ်။ အစပိုင်းမှာတော့ ကလေးတွေရဲ့ ငိုသံကို နားလည်နိုင်ဖို့တော်တော်လေးခက်ပါလိမ့်မယ်။ ဒါပေမယ့် အချိန်ကြာလာတာနဲ့အမျှ ကလေးငယ်တွေရဲ့ ငိုသံတစ်ခုချင်းစီကိုနားလည်လာပါလိမ့်မယ်။ ကလေးတွေက စိတ်ကျဉ်းကျပ်တဲ့အခါမျိုးနဲ့ စိတ်ရှုပ်ထွေးတဲ့အခါမျိုးတွေမှာလည်း ငိုတတ်ကြပါသေးတယ်။ ကလေးငယ်တွေငိုရတဲ့ အကြောင်းအရင်းတွေ ဗိုက်ဆာတဲ့အခါ ပင်ပန်းတဲ့အခါ ပူလွန်း အေးလွန်းတဲ့အခါ သေးခံက စိုနေတာ၊ ညစ်ပေနေတာကြောင့် လဲပေးစေချင်တဲ့အခါ လေထုတ်ပေးဖို့လိုတဲ့အခါ ချီစေချင်တဲ့အခါ ဗိုက်ထဲမှာလေပွနေတဲ့အခါ နို့ဆာတဲ့အခါမျိုး သူ့ကိုယ်သူ မလုံခြုံဘူးလို့ထင်တဲ့အခါမျိုး အလင်းရောင် အရမ်းစူးတာ ဒါမှမဟုတ် အသံတွေအရမ်းဆူတဲ့အခါ […]

ကလေးငယ်လေးကို ဆီတစ်မျိုးမျိုးသုံးပြီး နှိပ်နယ်ပေးတာက ကလေးကို သက်တောင့်သက်သာဖြစ်စေသလို မိခင်နဲ့ရင်သွေးကြားမှာ ရင်းနှီးချစ်ခင်မှု ပိုမိုရရှိစေနိုင်ပါတယ်။ ကလေးကို အဆီတစ်မျိုးမျိုးသုံးပြီး နှိပ်နယ်ပေးတာက ရရှိနိုင်မယ့် အကျိုးကျေးဇူးတွေကအများကြီးရှိပါတယ်။ ကလေးကို သက်တောင့်သက်သာဖြစ်စေမယ် ကလေးကို အဆီတစ်ခုခုသုံးပြီးနှိပ်နယ်ပေးတာက ခန္ဓါကိုယ်က အကြောတွေကိုပြေလျော့စေနိုင်သလိုကောင်းကောင်းအိပ်ပျော်စေနိုင်ပါတယ်။နောက်တစ်ချက်က ကလေးလေနြာဖစ်တာကို သက်သာစေပြီး ဝမ်းမှန်ေစနိုင်ပါတယ်။ ကလေးကို စိတ်ဖိစီးမှုကင်းဝေးစေပြီး ကြွက်သားတွေနာကျင်တာ၊ သွားကြိတ်တာတွေကို ကင်းဝေးစေမှာပါ။ ကလေးရဲ့ ခန္ဓါကိုယ်ဖြစ်စဉ်တွေကိုကောင်းမွန်စေနိုင်တယ် ကလေးကို နှိပ်နယ်ပေးတာက ကလေးရဲ့သွေးလည်ပတ်မှုစနစ်၊ အစာခြေစနစ်၊ ကိုယ်တွင်းဟော်မုန်းတွေနဲ့ ကိုယ်ခံအားစနစ်၊ ကလေးရဲ့ ကြွက်သားဖွံ့ဖြိုးမှုနဲ့ ကြီးထွားမှုတွေကိုကောင်းမွန်စေနိုင်ပါတယ်။ ဒါတွေတင်မဟုတ်ဘဲ ကလေးရဲ့ သင်ယူနိုင်မှုစွမ်းရည်နဲ့ အာရုံစူးစိုက်နိုင်စွမ်းကိုကောင်းမွန်စေနိုင်ပါသေးတယ်။ ချစ်ခြင်းမေတ္တာတိုးစေပြီး ယုံကြည်မှုတိုးလာစေတယ် ကလေးကို နှိပ်နယ်ပေးတာက ကလေးနဲ့ မိဘကြားမှာ ချစ်ခင်ရင်းနှီးမှု ပိုတိုးလာစေနိုင်သလို ကလေးရဲ့မိဘအပေါ်မှာ ယုံကြည်မှုတိုးလာစေနိုင်ပါတယ်။ ကလေးနဲ့ စကားပြောဆိုဆက်သွယ်မှုမလုပ်နိုင်သေးပေမယ့် ဒီလိုလေးထိတွေ့မှုက ရင်သွေးလေးနဲ့ ကိုယ်နဲ့ကြား မမြင်နိုင်တဲ့ ချစ်ခြင်းမေတ္တာနဲ့ နားလည်နိုင်မှုတွေ တိုးပွားလာစေမှာပါ။ ကလေးကိုနှိပ်ပေးမယ်ဆိုရင် ကလေးကိုနှိပ်ပေးတဲ့အခါ […]

ခရီးသွားမယ် မိသားစုလိုက်ပေါ့။ ဘာတွေများလိုမှာလဲ။ အဝတ်အစားနည်းနည်းပါးပါးပဲယူသွားမယ်လို့တွေးနေလား။ လူကြီးတွေပဲဆိုရင်တော့ ခရီးသွားရင် အများကြီးသယ်သွားစရာမလိုဘူးပေါ့။ ကလေးလေးတစ်ယောက်လောက်ကို ခရီးသွားလို့ခေါ်သွားမယ်ဆိုရင်တော့ စဉ်းစားစရာတွေများလာပြီပေါ့။ ကလေးသေးသေးလေးမို့ဆိုပြီး အထင်မသေးလိုက်နဲ့နော်။ဘေဘီလေးတွေခရီးသွားရင် ထည့်သွားရမယ့် ပစ္စည်းတွေကတော်တော်လေးများပါတယ်။ဘေဘီလေးတွေနဲ့ခရီးသွားတဲ့အခါ ထည့်သွားစရာတွေက များသလို အသက်အရွယ်လိုက်ပြီး ထည့်သွားရမယ့် ပစ္စည်းတွေကွာခြားနိုင်ပါတယ်။ အိန်ဂျယ်လ်ပိစိကွေးလေးတွေနဲ့ ခရီးသွားတော့မယ်ဆိုရင် အမြဲမမေ့သင့်တဲ့စကားတစ်ရပ်က ကြိုတင်ပြင်ဆင်ပါ။ လိုအပ်တာအကုန်ယူသွားပါ။ ဆိုတာပါ။ အိန်ဂျယ်လ်ပိစိကွေးလေးတွေနဲ့ ခရီးသွားတော့မယ်ဆိုရင် ဘာတွေယူသွားမလဲ ကလေးဆပ်ပြာ - ကလေးငယ်လေးတွေရဲ့ အသားအရည်က ထိခိုက်လွယ်တာမို့ လူကြီးတွေသုံးတဲ့ ဆပ်ပြာနဲ့မတိုက်ပေးမိပါစေနဲ့။ ကလေးအတွက် သီးသန့်ထုတ်ထားတဲ့ ဆပ်ပြာရည်ကို သတိထားယူသွားပေးပါ။ ဘေဘီရှန်ပူ - ခရီးသွားရင်ဘေဘီလေးတွေကို ခေါင်းလျှော်ပေးဖို့လိုလာတဲ့အခါလျှော်ပေးလို့ရစေဖို့အတွက် ခရီးသွားတိုင်း Baby Shampooလေးဆောင်သွားပေးနော်။ သွားတိုက်ဆေး - ကလေးတွေရဲ့ ထွက်သစ်စ သွားလေးတွေ ကြံ့ခိုင်စေဖို့နဲ့ ခံတွင်းပြဿနာတွေကင်းစေဖို့နေ့စဉ် အသုံးပြုနေကျ သွားတိုက်ဆေးလေးကို ခရီးသွားတဲ့အခါ တစ်ပါတည်းယူသွားပါ။ သွားပွတ်တံ - တစ်နေ့နှစ်ကြိမ်လုပ်ရမယ့် […]

ဘေဘီလေးတွေ နဲ့ခရီးသွားတာက စွန့်စားခန်းကြီးတစ်ခုနော်။ ခရီးသွားတဲ့အခါ ခရီးတိုပဲသွာသွား ရက်ရှည်ခရီးပဲထွက်ထွက် အိတ်ထဲမှာ အရင်ဆုံးမပါမဖြစ်ထည့်မိတာက ကလေးအတွက်လိုအပ်မယ့် ပစ္စည်းတွေပါ။ ပျော်ချင်လို့ ခရီးသွားပါတယ်ဆိုမှာဘေဘီလေးမှာနေထိုင်မကောင်းတာတွေဖြစ်မယ်၊ အရေပြားပြဿနာတွေဖြစ်မယ်ဆိုရင် ခရီးစဉ်ကပျော်စရာမကောင်းတော့ဘဲဖြစ်သွားနိုင်ပါတယ်။ ဒါကြောင့် နွေရာသီမှာ အပန်းပြေစေဖို့ ကမ်းခြေခရီးသွားရင် စိတ်ဖိစီးမှုကင်းကင်းနဲ့ ပျော်ရွှင်စရာ ကမ်းခြေခရီးစဉ်ဖြစ်စေဖို့ဘေဘီလေးအတွက်ဘာတွေယူသွားဖို့လိုမလဲဆိုတာကိုပြောပြပေးမယ်နော်။ ဘေဘီလေးနဲ့ ကမ်းခြေခရီးစဉ်အတွက်လိုအပ်မှာတွေက ကလေးနဲ့ ခရီးသွားတော့မယ်ဆိုရင် ပုံမှန်ထည့်သွားနေကျ ပစ္စည်းတွေအတိုင်းယူသွားဖို့ဆိုတာမဖြစ်နိုင်ပါဘူး။ ဘေဘီအတွက် လိုအပ်သမျှတွေပါမှဖြစ်မှာပါ။ ဒီတော့ဘေဘီလေးနဲ့ ကမ်းခြေခရီးသွားတော့မယ်ဆိုရင် - ကလေးသုတ်တဘက် - ကမ်းခြေသွားမယ်ဆိုတော့ ရေစိုမှာကတော့ အသေအချာပဲလေ။ ဒီတော့ရေသုတ်ဖို့ တဘက်ကို မဖြစ်မနေယူသွားဖို့လိုမှာပေါ့။ ကလေးအသားအရေက နူးညံ့ထိခိုက်လွယ်တာကြောင့် တွေ့ကရာတဘက်နဲ့ မသုတ်ဖို့ပြောပါရစေ။ UV ကာကွယ်ပေးတဲ့ ထီးယူသွားပေးပါ - ကမ်းခြေသွားတဲ့အခါ မဖြစ်မနေနေရောင်ကတော့ထိမှာပဲလေ။ နေရောင်ခြည်ကြောင့်ဘေဘီလေးရဲ့ အသားအရေကို မပျက်စီးစေချင်ဘူးဆိုရင်တော့ UV ကာကွယ်ပေးတဲ့ထီးလေးကို ယူသွားမှဖြစ်မှာပါ။ ကိုယ်တိုင်အတွက်မလိုရင်တောင်မှ ဘေဘီအတွက်တော့ယူသွားလိုက်ပါ။ စောင်ပါးပါးလေးတစ်ထည် - ကလေးကိုခရီးသွားတဲ့အခါ […]

ဆောင်းရာသီက ကဗျာသမား၊ စာသမားတွေအတွက် စိတ်ကူးယဉ်စရာ လွမ်းမောဖွယ်ရာ ရာသီဆိုပေမယ့် ဖေဖေမေမေတို့အတွက်တော့ စိတ်ပူစရာကောင်းတဲ့ရာသီပေါ့။ အကြောင်းကတော့ ဆောင်းရာသီမှာ ဘေဘီလေးတွေ အလွယ်တကူဖျားနာ နိုင်တာကြောင့်ပါ။ စိတ်ကူးယဉ်ပျော်ရွှင်ဖွယ်ကောင်းတဲ့ ဆောင်းရာသီအေးအေးလေးကို အပူအပင်ကင်းကင်းနဲ့ ဖြတ်သန်းကုန်ဆုံးချင်တဲ့ ဖေဖေမေမေတို့အတွက် ဒီဆောင်းပါးလေးကနေတဆင့် သတင်းကောင်းလေးပါးပါရစေ။ ဗီတာမင်တွေက အအေးမိဖျားနာတာကို ကာကွယ်ပေးနိုင်လား ဆောင်းရာသီလိုမျိုး အလွယ်တကူဖျားနာနိုင်တဲ့ ရာသီမှာဘေဘီလေးတွေကို ကျန်းမာစေချင်တယ်ဆိုရင်နေ့စဉ်စားသုံးတဲ့ အစားအစာတွေကို အာဟာရမျှတအောင်စားသုံးဖို့လိုပါမယ်။ ဒီနေရာမှာမေးစရာတစ်ခုရှိလာပါပြီ အာဟာရြပည့်ဝအောင်စားရုံနဲ့ အအေးမိဖျားနာတာတွေကို ကာကွယ်နိုင်မှာလားဆိုတာပါ။နေ့စဉ်စားသုံးတဲ့အစားအစာတွေထဲမှာ ခန္ဓါကိုယ်အတွက်လိုအပ်တဲ့ ဗီတာမင် နဲ့ အာဟာရတွေပြည့်ဝအောင်စားသုံးမယ်ဆိုရင်ရောဂါပိုးတွေကို ထိထိရောက်ရောက် ကာကွယ်ပေးနိုင်မှာပါ။ ကိုယ်ခံအားစနစ်ကောင်းမွန်ဖို့နေ့စဉ်စားသုံးတဲ့အစားအစာတွေထဲမှာ ဗီတာမင် A၊ ဗီတာမင် C၊ ဗီတာမင် D၊ဗီတာမင် E၊ Omega - 3၊ဖောလစ်အက်ဆစ်၊ သံဓါတ်နဲ့ အခြားသောအာဟာရနဲ့ဗီတာမင်တွေပါဝင်ဖို့လိုအပ်မှာပါ။ ဗီတာမင်တွေကို တကူးတကပြင်ဆင်ပေးဖို့မလိုပါဘူး။နေ့စဉ်စားသုံးတဲ့အစာအစာလေးတွေထဲမှာ ထည့်သွင်းပြီးပြင်ဆင်ပေးရုံနဲ့ဘေဘီလေးတွေကိုဆောင်းရာသီမှာ အအေးဒဏ်ကြောင့် နာမကျန်းမှုဖြစ်မှုတွေကနေ ကာကွယ်ပေးနိုင်မှာပါ။ ဆောင်းအအေးဒဏ်ကို […]

အေးအေးချမ်းချမ်းနဲ့ နှစ်တစ်နှစ်ကုန်ဆုံးခါနီးအချိန်မှာ အားလုံးကပျော်နေမှာ အသေအချာပဲပေါ့။ ဒါပေမယ့် အပြည့်အဝမပျော်နိုင်တဲ့သူတွေတော့ရှိနေပါတယ်။ ဒါကတော့ ပူပူနွေးနွေးဘေဘီပိစိကွေးလေးပိုင်ဆိုင်ထားတဲ့ဖေဖေမေမေတွေပေါ့။ အသစ်စက်စက် မိဘဖြစ်သူတွေမှာ ပိုဆိုးမှာအသေအချာပါ။သေးသေးကွေးကွေး ကလေးလေးကိုနွေနွေးထွေးထွေးဖြစ်စေဖု့ိနဲ့ ဖျားနာမှုတွေမဖြစ်စေဖို့အတွက် အရမ်းကို ဂရုတစိုက်လုပ်နေရတဲ့အချိန်ပေါ့။ ကလေးက ငယ်လွန်းတာကြောင့် အရမ်းနုနယ်သေးသလို ပတ်ဝန်းကျင်ကဒဏ်တွေကို ထိခိုက်ခံနိုင်စွမ်းကလည်း အရမ်းကိုနည်းပါတယ်။ ဒါကြောင့်ဆောင်းတွင်းလိုအေးတဲ့ ရာသီဥတုအခြေအနေမှာ ကလေးငယ်လေးတွေကို အသေအချာဂရုစိုက်နိုင်မှတော်ကာကျမှပါ။ ဒီလိုမျိုးအေးလွန်းတဲ့ရာသီမှာ အိမ်ရဲ့ဆည်းလည်းဘေဘီပေါက်စလေးတွေကို ဘယ်လိုဂရုစိုက်ပေးရမှန်းမသိတဲ့ဖေဖေမေမေတွေအတွက် နည်းလမ်းကောင်းလေးတွေပြောပြပေးပါရစေ။ ဆောင်းရာသီမှာ ဘေဘီလေးတွေကို ကျန်းမာစေမယ့်နည်းလမ်းတွေက ကလေးကိုနွေးနွေးထွေးထွေးထားပါ - ကလေးလေးတွေကသေးတစွတ်စွတ်ပေါက်တတ်တဲ့အရွယ်ဖြစ်တာကြောင့် ကလေးကိုသေးစိုနေလား၊ အဝတ်အစားတွေစိုနေလားဆိုတာကို အမြဲမပြတ်ဂရုစိုက်ပြီး စိုနေတာတွေ့တာနဲ့ချက်ချင်းလဲပေးပါ။ ကလေးကို အအေးမခံပါစေနဲ့။နွေးနွေးထွေးထွေးဖြစ်စေမယ့် အဝတ်အစားတွေ ဝတ်ဆင်ပေးပါ။ ကလေးကို အာဟာရမျှတအောင်ကျွေးမွေးပါ - ကလေးက နို့စို့အရွယ်ဆိုရင်တော့ မိခင်က အာဟာရပြည့်ဝအောင်စားသုံးပြီး ကလေးကို နို့ကနေတဆင့် အာဟာရပြည့်ပြည့်ဝဝရရှိအောင်လုပ်ဆောင်ပေးပါ။ ကလေးက အစားစားနိုင်ပြီဆိုရင်တော့ ကလေးကို အစာကြေလွယ်ပြီး အာဟာရပြည့်ဝတဲ့အစားအစာတွေကို ကျွေးမွေးပေးပါ။ […]

ကလေးငယ်လေးတွေဟာ မမွေးဖွားခင်မိခင်ဝမ်းထဲမှာနေစဉ် ကိုယ်ဝန် ၅ လလောက်မှာကတည်းက ဆံပင်တွေက စထွက်လာနေတာပါ။ ကလေးမွေးဖို့ ၄ ပတ်လောက်အလိုမှာကတည်းက ကလေးဆံသားတွေကတော်တော့်ကိုထူထူထဲထဲဖြစ်နေပါပြီ။ ကလေးကမွေးစကနေ ၆ လအရွယ်လောက်ရောက်လာတဲ့အခါ မှာဆံပင်ကျွတ်တာမျိုးဖြစ်နိုင်ပါတယ်။ ဒါကဖြစ်နေကျမို့ စိုးရိမ်စရာမရှိပါဘူး။ ကလေးကအမြဲ အိပ်နေရတာ၊ ပက်လက်အနေအထားနေရတာတွေကြောင့် ဆံပင်ကျွတ်တာက မလွဲမသွေဖြစ်မှာပါပဲ။ ဆံသားကျန်းမာလှပတာက အလှတိုးစေနိုင်တဲ့အရာတစ်ခုဖြစ်တာကြောင့် မိဘတွေအနေနဲ့ ကိုယ့်ရင်သွေးလေးတွေကို ငယ်စဉ်ကတည်းကသေချာဂရုစိုက်ပေးဖို့လိုပါမယ်။ မီးမီးလေးတွေဆိုရင်တော့ ဆံသားလှပဖို့ ပိုလိုအပ်မှာသေချာပါပဲ။ ကလေးငယ်လေးတွေကို ငယ်စဉ်ကတည်း အစားအသောက်တွေကို မျှတအောင်ကျွေးမယ်ဆိုရင် ကျန်းမာလှပတဲ့ ဆံသားပိုင်ရှင်ဘေဘီလေးတွေအဖြစ်ကြီးပြင်းလာမှာပါ။ ဘယ်လိုအစားအစာတွေကျွေးရင်ဘေဘီလေးတွေရဲ့ ဆံသားကျန်းမာလှပစေမှာလဲဆိုတာကိုပြောပြပေးချင်ပါတယ်။ ဆံသားလှပဖို့ အရေးကြီးဆုံးက ဘာများလဲ ဆံသားလှပစေဖို့ အရေးအကြီးဆုံးအချက်က အာဟာရပြည့်ဝအောင်ကျွေးမွေးတာပါ။ အာဟာရမျှတအောင်စားသုံးမှုက ခန္ဓါကိုယ်အစိတ်အပိုင်းအားလုံး ကျန်းမာစေဖို့အတွက်တော်တော့်ကိုအရေးပါပါတယ်။ ဒါပေမယ့် လူတော်တော်များများက အာဟာရပြည့်ဝအောင်စားသုံးရမယ်ဆိုတဲ့ အချက်ကိုမေ့နေတတ် ကြပါတယ်။ ကလေးတွေအတွက်အာဟာရပြည့်ဝစေမယ့် အကောင်းဆုံးအစားအသောက်တွေကတော့ အိမ်မှာပြင်ဆင်ချက်ပြုတ်ထားတဲ့ သန့်ရှင်းလတ်ဆတ်တဲ့ အစားအသောက်တွေပဲဖြစ်ပါတယ်။ အာဟာရမျှတတဲ့ […]

ကလေးငယ်လေးတွေကို ခေါင်းလျှော်ပေးရတာက လွယ်ကူတဲ့ကိစ္စတစ်ခုမဟုတ်ဘူးဆိုတာကိုဘေဘီလေးတွေရဲ့ မိဘတိုင်းသိကြမှာပါ။ ကလေးတွေက ခေါင်းလျှော်တဲ့အခါ ခေါင်းပေါ်ကနေရေလောင်းချတာကြောင့် မျက်လုံးဖွင့်မရတဲ့ ခံစားချက်နဲ့ ရေမွန်းတာကိုတော်တော်လေး ကြောက်ကြပါတယ်။ အချို့ကလေးလေးတွေဆိုခေါင်းလျှော်ပေးရင် အော်ငိုတာ၊ လျှောက်ပတ်ပြေးနေတာမျိုးတွေတောင် ရှိတတ်ပါသေးတယ်။ ဒါကြောင့် ခေါင်းလျှော်ရခက်တဲ့ ကလေးကို နည်းစနစ်မှန်မှန်နဲ့ ဘယ်လိုခေါင်းလျှော်ပေးမလဲ ဆိုတာ ပြောပြပေးချင်ပါတယ်။ အချို့ကလေးလေးတွေက မွေးကင်းစအရွယ်မှာကတည်းက ဆံပင်ပါလာတတ်ပေမယ့် အချို့ကလေးငယ်လေးတွေကတော့ ဆံပင်မပါဘဲ မွေးဖွားလာတာမျိုးရှိကြပါတယ်။ ဒါပေမယ့် ဘယ်လိုပဲဖြစ်ဖြစ် ကလေးကို ခေါင်းကတော့ လျှော်ပေးရမှာပါပဲ။ ဆံပင်ရှိရင် ဆံပင်ကိုလျှော်ပေးရမှာဖြစ်ပြီး ဆံပင်မရှိရင် ဦးရေပြားကို လျှော်ပေးရမှာဖြစ်ပါတယ်။ ကလေးကို နည်းစနစ်မှန်မှန်နဲ့ ဘယ်လိုခေါင်းလျှော်ပေးမလဲ ၁) ကလေးကို နေ့တိုင်းခေါင်းလျှော်ပေးဖို့မလိုပါဘူး ကလေးရဲ့ ဆံပင်ကိုနေ့တိုင်းလျှော်ပေးဖို့ မလိုဘူးဆိုတာကိုတော့ သိထားဖို့လိုပါမယ်။ ကလေးငယ်လေးတွေက လေ့ကျင့်ခန်းမလုပ်ကြသလို လူကြီးတွေလိုမျိုး ညစ်ပေတာမျိုးလည်းမရှိပါဘူး။ ကလေးငယ်လေးတွေရဲ့ ဆံပင်က သာမန်အားဖြင့်တော့ လူကြီးတွေထက်သန့်ရှင်းပါတယ်။ ကလေးဆံပင်က အရမ်းညစ်ပတ်နေရင်တော့ လျှော်ပေးရပါမယ်။ ၂) […]

ဘေဘီလေး တစ်ယောက်ကို ကောင်းမွန်ကြီးပြင်းလာစေဖို့ဆိုတဲ့ ကြီးလေးတဲ့တာဝန်ကို ထမ်းဆောင်ထားရသူမေမေ တစ်ယောက်ရဲ့အကြီးမားဆုံးဆန္ဒက ဘာများဖြစ်မလဲ........ ကျန်းမာရေးနဲ့ညီညွတ်ပြီး အာဟာရပြည့်ဝတာကိုကျွေးဖို့ပေါ့။ ဒီလိုကွေးဖို့ဆိုရင်  ဘေဘီလေးကို ကျန်းမာရေးနဲ့ညီညွတ်တဲ့ အစာအာဟာရတစ်ခုဖြစ်ဖို့ လိုအပ်မယ့် လိုအပ်ချက်တွေကို သိဖို့လိုပါမယ်။ ဒီတော့ မေမေ့ရဲ့ ဆန္ဒပြည့်စေဖို့ ဒီဆောင်းပါးလေးကနေတဆင့် ဖြည့်ပေးပါရစေလား.... ဘေဘီလေးအတွက် လိုအပ်မယ့်အာဟာရတွေက ဘာတွေများလဲ.......... အကောင်းဆုံးကြီးထွားဖွံ့ဖြိုးဖို့ အရှိန်ယူနေတဲ့ ဘေဘီလေးကို ပြင်ဆင်ပေးမယ့်အစားအစာတွေထဲမှာ ပရိုတင်း- အရိုးနဲ့ကြွက်သားတွေသန်မာစေဖို့၊ ကိုယ်ခံအားကောင်းဖို့ နဲ့ ကောင်းမွန်စွာကြီးပြင်းအရွယ်ရောက်လာစေဖို့ အကောင်းဆုံးထောက်ပံ့ပေးပါတယ်။ သံဓာတ် - သွေးအားနည်းရောဂါမဖြစ်အောင် ကာကွယ်ဖို့ အာရုံစူးစိုက်နိုင်စွမ်းကောင်းမွန်စေဖို့ နဲ့ ကိုယ်ခံအားကောင်းစေဖို့လိုအပ်ပါမယ်။ ကယ်လ်ဆီယမ် -အရိုးနဲ့သွားတွေအကောင်းဆုံးဖွံ့ဖြိုးစေဖို့ လိုအပ်ပါတယ်။ ဗီတာမင် C - ကိုယ်ခံအားကောင်းစေဖို့ နဲ့ အရေပြားပြဿနာတွေကင်းစေဖို့ အရေးပါပါတယ်။ ဗီတာမင် D - ကယ်လ်ဆီယမ်စုပ်ယူမှုအားကောင်းစေဖို့ စိတ်ခံစားမှုကောင်းစေဖို့ အရေးပါတဲ့ ဗီတာမင်တစ်ရပ်ပါ။ Omega-3 fatty Acid - ဦးနှောက်နဲ့အမြင်အာရုံအကောင်းဆုံးဖွံ့ဖြိုးစေဖို့ […]

ဘေဘီလေးအရွယ်ရောက်လာတဲ့အခါမေမေဖွားဖွားတို့နဲ့အတူ မီးဖိုခန်းထဲဝင်ပြီးပြင်ဆင်ချက်ပြုတ်တာက အဆန်းတကြယ်တော့မဟုတ်လှပါဘူး။ ဒီလိုချက်ပြုတ်မှုကပဲ မိသားစုရဲ့ ဟင်းချက်မှုပုံစံ၊ သုံးစွဲတဲ့ ဟင်းခတ်အမွှေးအကြိုင်တွေကို မျိုးဆက်တစ်ဆက်စီကနေ တစ်ဆက်စီကို လက်ဆင့်ကမ်းပေးနိုင်မှာဖြစ်ပါတယ်။ ဒါက ဒီလောက်နဲ့တင်ပြီးသွားတာလားဆိုတော့ မဟုတ်သေးပါဘူး။ဘေဘီလေးကို ကိုယ်နဲ့အတူ ဟင်းလျာတွေပြင်ဆင်တာကဘေဘီလေးကို အစားကောင်းကောင်းစားစေဖို့ အကောင်းဆုံးထောက်ပံ့ပေးနိုင်မှာပါ။ ဘေဘီလေးနဲ့အတူ အစားအသောက်တွေပြင်ဆင်တော့မယ်ဆိုရင် ဘေဘီလေးနဲ့အတူ အစားအသောက်တွေကိုပြင်ဆင်တော့မယ်ဆိုရင် ဒီအချက်တွေက အသုံးတည့်မှာပါ။ ဘာတွေချက်မလဲပြင်ဆင်ပါ ဘေဘီလေးကို ချက်ပြုတ်ဖို့အတွက် ဟင်းလျာတွေ စီစဉ်တဲ့အခါ ပါဝင်ဆွေးနွေးခိုင်းပါ။ ဒီလိုလုပ်တာက ကလေးကို ကျန်းမာတဲ့အစားအစာတွေစားသုံးတတ်သူဖြစ်လာအောင် ပျိုးထောင်ပေးရာလည်းရောက်ပါတယ်။ ဒါကြောင့် ကလေးကို တစ်ပတ်ကို တစ်ကြိမ်လောက်တော့ အနည်းဆုံး ဟင်းလျာစီစဉ်သူဖြစ်ခွင့်ပေးလိုက်ပါ။ အတူတူဈေးဝယ်ထွက်ပါ ကလေးကို ကိုယ်နဲ့အတူဈေးဝယ်ခေါ်သွားပါ။ ဒီလိုလုပ်ပေးတာက ကလေးကို မိသားစုတွေအတွက် ဟင်းလျာပြင်ဆင်ရာမှာ အကောင်းဆုံးကူညီပေးနိုင်သူအဖြစ် သူ့ကိုယ်သူမြင်လာစေပြီး သူ့ကိုယ်သူအရေးပါတဲ့သူအဖြစ် အသိအမှတ်ပြုလာစေပါတယ်။ ဒီလိုလုပ်ဆောင်ပေးမှုက ကလေးကို ကိုယ့်ကိုကိုယ်ယုံကြည်မှုတိုးစေဖို့ အကောင်းဆုံးထောက်ပံ့ပေးနိုင်မှာပါ။ ကလေးနဲ့အတူတူဈေးဝယ်ထွက်တဲ့အခါ ကလေးကို အထုတ်တွေစစ်ခိုင်းတာ ဝယ်ရမယ့်ပစ္စည်းတွစုံရဲ့လား စစ်ခိုင်းတာမျိုးလုပ်ပေးပါ။ ဘေးကင်းလုံခြုံရေးအတွက် ဂရုစိုက်သင့်တာတွေကို […]