ချောင်းဆိုးနေတဲ့ကလေးကို ပြုစုဂရုစိုက်မယ်ဆိုရင်

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win.

ကလေးငယ်လေးတွေရဲ့ ကိုယ်ခံအားစနစ်ကငယ်ရွယ်စဉ်မှာအပြည့်အဝ မဖွံ့ဖြိုးသေးတာကြောင့် အချို့ရောဂါတွေကို ခုခံနိုင်စွမ်းသိပ်မရှိသေးပါဘူး။ ရာသီဥတုကြောင့်ဖြစ်ဖြစ်၊ ပတ်ဝန်းကျင်အနေအထားကြောင့်ဖြစ်ဖြစ် ကလေးတွေမှာ နှာစေးချောင်းဆိုးတာမျိုးဖြစ်တတ်ပါတယ်။ ဒီလိုမျိုးဖြစ်တဲ့အခါ ကလေးကိုဘယ်လိုစောင့်ရှောက်ရမလဲဆိုတာနဲ့ ဘယ်လိုအခြေအနေတွေက ကလေးကိုချောင်းဆိုးစေနိုင်လဲဆိုတာတွေကို နည်းနည်းလောက်ပြောပြချင်ပါတယ်။

ချောင်းဆိုးခြင်း

ချောင်းဆိုးတယ်ဆိုတာက ခန္ဓာကိုယ်က အဆုတ်နဲ့ အသက်ရှုလမ်းကြောင်းစနစ်ရဲ့ အထက်ပိုင်းမှာရောက်ရှိနေတဲ့ ချွဲနဲ့ပြင်ပအရာဝတ္ထုတွေကို ဖယ်ထုတ်ဖို့ တုံ့ပြန်မှုတစ်ရပ် (သို့မဟုတ်) လေပြွန်မှာ ဓာတ်မတည့်မှုတစ်ခုခုခံစားရတဲ့ခန္ဓာကိုယ်က တုံ့ပြန်တဲ့ တုံ့ပြန်မှုဖြစ်ပါတယ်။ချောင်းဆိုတာက ရောဂါတစ်ခုခုကြောင့် ဆိုးတာမျိုးဖြစ်နိုင်သလို တစ်ခါတလေမှာ ခန္ဓာကိုယ်တွင်းကဖြစ်ပျက်နေတဲ့အနေအထားတစ်ရပ်ရပ်ကိုဖော်ပြနေတဲ့ လက္ခဏာတစ်ရပ်လည်းဖြစ်နေတတ်ပါတယ်။ ဒါကြောင့် ချောင်းဆိုးတဲ့အခါ ဘာကြောင့်ဆိုးရတာလဲဆိုတာကို အကြောင်းအရင်းသိအောင်လုပ်ဖို့ကတော်တေ်ာလေးအရေးကြီးပါတယ်။

ကလေးတွေချောင်းဆိုးရတဲ့အကြောင်းအရင်းတွေကဘာတွေလဲ

အပေါ်မှာပြောခဲ့သလိုပဲ ချောင်းဆိုးတာက ခန္ဓာကိုယ်ထဲမှာဖြစ်နေတဲ့ ဓာတ်မတည့်မှုတစ်ခုခု ဒါမှမဟုတ် ချွဲတွေနဲ့ ပြင်ပအရာဝတ္ထုတွေကို ခန္ဓာကိုယ်ပြင်ပကို ထုတ်ပစ်ဖို့ တုံ့ပြန်တာမျိုးဖြစ်နိုင်ပါတယ်။ ဒီအချက်တွေကြောင့်လည်း ချောင်းဆိုးနိုင်ပါတယ်။

  • အအေးမိတာ၊တုပ်ကွေးဖြစ်တာနဲ့ croup (ကလေးလေပြွန်ပိုးဝင်၊ရောင်ရမ်း၊ ချောင်းဆိုး၊ အသက်ရှုရခက်သော croup ရောဂါ) တွေကြောင့်လည်းကလေးတွေမှာချောင်းဆိုးနိုင်ပါတယ်။ တုပ်ကွေးက တစ်ခါတလေပြင်းထန်တဲ့အခါမျိုးမှာ ချောင်းခြောက်ဆိုးတာမျိုးလည်းဖြစ်နိုင်ပါတယ်။
  • စားချဉ့်ရည်ပြန်ဆန်တက်ခြင်း ကြောင့်လည်း ကလေးငယ်တွေမှာချောင်းဆိုးနိုင်ပါတယ်။ မကြာခဏအော့အန်တာ၊ ရင်ပူတာမျိုးတွေလည်းဖြစ်နိုင်ပါတယ်။
  • ပန်းနာရင်ကျပ်ဝေဒနာကြောင့်လည်း ကလေးငယ်တွေမှာချောင်းဆိုးတာမျိုးဖြစ်နိုင်ပါတယ်။ ပန်းနာရင်ကျပ်ရောဂါလက္ခဏာတွေက ကလေးတစ်ယောက်နဲ့တစ်ယောက်မှာ မတူဘဲကွဲပြားတတ်ပါတယ်။
  • ပတ်ဝန်းကျင်က အရာတစ်ခုခုနဲ့ ဓာတ်မတည့်တဲ့အခါမျိုးမှာလည်း ကလေးငယ်တွေအနေနဲ့ လည်ချောင်းယားပြီး ချောင်းဆိုးတာ၊ နှာစေးတာတွေဖြစ်နိုင်ပါတယ်။
  • ကြက်ညှာချောင်းဆိုး (whooping cough) ရောဂါကြောင့်လည်း ကလေးငယ်တွေမှာချောင်းဆိုးတတ်ပါသေးတယ်။ ကလေးကနှာစေးမယ်၊ နှာချေမယ်၊ ကိုယ်လေးနွေးပြီး အဖျားငွေ့ငွေ့လေးရှိနေရင် ကြက်ညှာချောင်းဆိုးဖြစ်နေတာမျိုးဖြစ်နိုင်ပါတယ်။
  • နှာခေါင်းထဲကို အရုပ်သေးသေးလေးတွေဝင်တာ၊လေပြွန်ထဲအစားအသောက်တွေလိုမျိုး ပြင်ပအရာဝတ္ထုတွေ ဝင်ရောက်တဲ့အခါမျိုးမှာလည်း ကလေးငယ်တွေမှာချောင်းဆိုးတာမျိုးဖြစ်နိုင်ပါတယ်။
  • အဆုတ်ပျက်စီးခြင်းကြောင့်လည်းကလေးငယ်တွေမှာချောင်းဆိုးတာမျိုးဖြစ်နိုင်ပါတယ်။ တကယ်လို့ ကလေးက သီတင်းပတ် ၄ ပတ်လောက်ထိ ချောင်းဆိုးတာရှည်နေမယ်ဆိုရင် အဆုတ်ထိခိုက်ပျက်စီးတာကြောင့်ဖြစ်နိုင်သလို အဆုတ်မှာ အနာဖြစ်နေတာမျိုးကြောင့်လည်း ဖြစ်နိုင်ပါတယ်။
  • ဆေးလိပ်ငွေ့နဲ့ ထိတွေ့မှုကြောင့်လည်းချောင်းဆိုးနိုင်ပါတယ်။ ကလေးငယ်တွေအနေနဲ့ တဆင့်ခံဆေးလိပ်ငွေ့ထိတွေ့ခံရတာကြောင့် ချောင်းဆိုးတာမျိုးခံစားရနိုင်ပါတယ်။ ဒါကြောင့်ကလေးငယ်ကို ထားရှိမယ့် ပတ်ဝန်းကျင်ကို ဆေးလိပ်ငွေ့ကင်းမဲ့ဇုန်အဖြစ်ဖန်တီးတာကအကောင်းဆုံးဖြစ်မှာပါ။

ကလေးချောင်းဆိုးတဲ့အခါ ဘယ်လိုစောင့်ရှောက်မှုပေးမလဲ

  • ကလေးကိုအနားယူခိုင်းပြီး အရည်များများတိုက်ပေးပါ။
  • ကလေးလည်ချောင်းနာသက်သာစေဖို့ ပျားရည်တိုက်ပေးလို့ရပါတယ်။ တစ်နှစ်အောက်ဆိုရင်တော့ မတိုက်သင့်ပါဘူး။
  • ကလေးကိုရေနွေးငွေ့ခံပေးပါ။ ၃လအောက်ဆိုရင်တော့ မသင့်တော်ပါဘူး။
  • ပတ်ဝန်းကျင်ကို အစိုဓာတ်ပေးတဲ့ရေငွေ့စက်ပစ္စည်းလေးကိုအသုံးပြုပါ။
  • ရေချိုးခန်းထဲမှာရေပူကိုဖွင့်ထားပြီးအခန်းတစ်ခုလုံးကိုရေနွေးငွေ့တွေနဲ့ ပြည့်နေပါစေ။ပြီးရင် သင့်ကလေးကိုရေချိုးခန်းထဲမှာထိုင်ခိုင်းပြီးစွတ်စိုတဲ့ လေနွေးနွေးလေးတွေကို ဆယ်မိနစ် ဆယ်ငါးမိနစ်လောက်ရှူပါစေ။ ကလေးတွေကိုရေနွေးတွေနဲ့ ဝေးရာမှာနေစေဖို့ကိုတော့ သတိထားပါ။
  • ချောင်းဆိုးပျောက်အောင်နဲ့ အဖျားကျအောင်ထုတ်ထားတဲ့ ဆေးတွေက သာမန်အဖျားကြောင့်ဖြစ်တဲ့ ချောင်းဆိုးတာနဲ့ နှာစေးတာတွေကိုပဲသက်သာစေနိုင်တာပါ။ ကူးစက်ရောဂါတွေကို မသက်သာစေနိုင်ပါဘူး။
  • ဆရာဝန် မညွှန်ကြားဘဲ ချောင်းဆိုးပျောက်ဆေးတွေကို အလွယ်တကူဝယ်တိုက်တာမျိုး မလုပ်ပါနဲ့။
  • အေးမြတဲ့ လေလေးတွေကလည်း အသက်ရှုရ ပိုလို့လွယ်ကူအဆင်ပြေစေတာမို့ ကလေးကိုအိမ်ထဲမှာလှောင်မထားဘဲ အိမ်ပြင်ထွက်ပေးတာမျိုးလုပ်လို့ရပါတယ်။

ဘယ်လိုအခြေအနေမှာ ဆရာဝန်ပြသဖို့လိုမလဲ

  • ကလေးကအားအရမ်းနည်းနေတာမျိုး (သို့မဟုတ်) ကောင်းကောင်းမတုံ့ပြန်နိုင်တော့တဲ့အခါ
  • ကလေးကသိပ်မဆော့ဘဲငြိမ်နေရင်
  • ကလေးကိုကြည့်ရတာ ရင်ဘတ်အောင့်သလိုမျိုးဖြစ်နေရင် (သို့မဟုတ်) ရင်ဘတ်ထဲက ကျပ်နေသလိုမျိုးဖြစ်နေရင်
  • ကလေးကအသက်ရှုရအရမ်းခက်ခဲနေပုံပေါက်နေရင်
  • ကလေးကလုပ်နေကျတုံ့ပြန်မှုတွေကိုတောင် လိုက်မလုပ်တော့ရင်
  • ကိုယ်ပူနေရင်
  • ကလေးကိုကြည့်ရတာ ရေဓာတ်ဆုံးရှုံးနေပုံပေါက်နေရင်
  • ကလေးရဲ့ ချွဲမှာ (သို့မဟုတ်) တံတွေးမှာသွေးပါနေရင် ဆရာဝန်နဲ့ချက်ချင်းသွားပြဖို့လိုပါလိမ့်မယ်။

ဒီအချက်လေးတွေက မေမေဖေဖေတို့အတွက် ရင်သွေးလေးတွေကို စောင့်ရှောက်ရာမှာ အသုံးဝင်နိုင်စေဖို့ ရည်ရွယ်ရင်း။

Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Read also:

သင်ဒါလည်း နှစ်သက်နိုင်ပါတယ်။