ကလေးများတွင် Penumococcus ရောဂါပိုးကူးစက်ခြင်း

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 2 mins read
Share now

Pneumococcal ရောဂါပိုးကူးစက်ခြင်းသည် နှစ်စဉ် ကလေးငယ်ပေါင်း ၅၀၀၀၀၀ ကို သေဆုံးစေပါသည်။ သို့သော် လည်း စစ်တမ်းတစ်ခုအရ မလေးရှားမိခင်များ၏ ၉၆ ရာခိုင်နှုန်းသည် pneumococcus အကြောင်း တစ်လုံးမှ မသိ ပါ။ ၉၇ ရာခိုင်နှုန်းသည် ၎င်းအတွက် ကာကွယ်ဆေးရှိမှန်း မသိပါ။

Pneumococcus ဆိုတာဘာလဲ။

Streptococcus pneumoniae သို့မဟုတ် pneumococcus ဆိုသည်မှာ ၁၉ရာစု အနှောင်းပိုင်းတွင် အဆုပ်ရောင်ရောဂါ ဖြစ်စေသော အဓိကအကြောင်းရင်းဟု သိထားသော ဘတ်တီးရီးယား ရောဂါပိုး တစ်မျိုး ဖြစ်သည်။

ဘယ်သူတွေ အများဆုံး ကူးစက်ခံရနိုင်လဲ။

မွေးခါစမှ ၂၄လအတွင်း ကလေးငယ်များ၏ ခန္ဓါကိုယ် သည် သွေးထဲတွင် pneumococcal antibodies အလွန် နည်းပါသည်။ ထို့ကြောင့် ရောဂါဖြစ်နိုင်ချေ အများဆုံး ဖြစ်သည်။ ကိုယ်ခံအားနည်းသော ကလေးငယ်များ ( မွေးရာပါ သို့မဟုတ် အပြင်ပိုင်းအချက်များကြောင့်) နှင့် နာတာရှည် ရောဂါရှိသော ကလေးများသည် pneumococcal ရောဂါပိုး ကူးစက်မှု ဖြစ်နိုင်သောသူများ ဖြစ်သည်။

ရောဂါလက္ခဏာများ

ဦးနှောက်အမြှေးပါးရောင်ခြင်း

၎င်းသည် အဖျားတက်ခြင်း၊ အလွန်ခေါင်းကိုက်ခြင်း၊ မအီ မသာဖြစ်ခြင်း၊ အော့အန်ခြင်း၊ ဇက်ကြောတက်ခြင်း၊ အလင်း ကြောက်ခြင်း၊ စိတ်ဆိုးလွယ်ခြင်း၊ ထိုင်းမှိုင်းတွေဝေခြင်း၊ ငယ် ထိပ် ဖောင်းကားခြင်းတို့ကို ဖြစ်စေနိုင်သည်။ သတိလစ်ခြင်း၊ တက်ခြင်းတို့လည်း ဖြစ်နိုင်သည်။

သွေးထဲ ဘတ်တီးရီးယားပိုးဝင်ခြင်း

သွေးထဲ ဘတ်တီးရီးယား ပိုးဝင်သောကလေးသည် အဖျားအလွန်တက်ပြီး အမြဲဒေါသ ထွက်နေသည်။ အသက်ရှူလမ်းကြောင်း ရောဂါပိုးဝင်ခြင်း လည်း ဖြစ်နိုင်သည်။

အဆုပ်ရောင်ခြင်း

အဆုပ်ရောင်ခြင်းသည် ကလေးငယ်များကို အသက်ရှူရ ခက်ခဲစေသည်။ ရင်ဘတ်အောင့်ခြင်း၊ ချမ်းတုန်ခြင်း၊ အဖျား တက်ခြင်းနှင့် ချောင်းဆိုးခြင်းတို့သည် ထုံးစံ လက္ခဏာများ ဖြစ်သည်။

နားရောင်ခြင်း

နားရောင်ခြင်းခံစားရပါက ယာယီ အကြားအာရုံ ဆုံးရှုံးခြင်း၊ နားကိုက်ခြင်း၊ အဖျားတက်ခြင်းတို့ ဖြစ်နိုင်သည်။

နှာပိတ်ခြင်း

၁၀-၁၄ရက် အအေးမိခြင်း၊ နှာရည်ယိုခြင်း စသော လက္ခဏာများ ရှိသည်။ လည်ချောင်းနာခြင်း၊ အသက်ရှူ ခက်ခြင်း၊ မအီမသာဖြစ်ခြင်း၊ မောပန်းခြင်းတို့ကို ဖြစ်စေ နိုင်သည်။

Pneumococcal ရောဂါပိုးကူးစက်မှု၏ အစသည် တစ်ခါ တစ်ရံ မပြင်းထန်ဘဲ သိရှိရန်ခက်ခဲသည်ကို သတိပြုပါ။

ကာကွယ်ခြင်း

  • ကြိုတင်ကာကွယ်ခြင်း

သင့်အိမ်ပတ်ဝန်းကျင်ကို သန့်ရှင်းအောင်ထားပါ။ သင့် ကလေးသွားသော ကလေးစောင့်ရှောက်မှု စင်တာကိုလည်း သန့်ရှင်းရေး စည်းကမ်းများ လိုက်နာမှုရှိရန် လုပ်ပါ။ ကား အိပ် ဇောပိုက် သို့မဟုတ် ဆေးလိပ်ငွေ့စသော လေထုညစ်ညမ်းမှု များကို ရှောင်ပါ။ ထို့အပြင် ခန္ဓါကိုယ်မှ အာဟာရ ရယူမှု ကောင်းစေရန် သင့်ကလေးအား အနည်းဆုံး အသက် ၆လအထိ မိခင်နို့တိုက်ပါ။ သင့်ကလေးသည် နေမကောင်း သော လက္ခဏာများပြပါက နေ့ပိုင်းစောင့်ရှောက်မှုစင်တာသို့ မသွားခိုင်းပါနှင့်။

  • ကာကွယ်ဆေးထိုးခြင်း

ယနေ့ခေတ်တွင် ကာကွယ်ဆေး ၂မျိုး ရနိုင်ပါသည်။

Pneumococcal polysaccharide ကာကွယ်ဆေး။ ဤ ကာကွယ်ဆေးကို အသက်၂နှစ်အောက် ကလေးများတွင် အသုံးမပြုနိုင်ပါ။ ကိုယ်ခံအား တုံ့ပြန်မှု လုံလောက်စွာ မလှုံ့ဆော်နိုင်သောကြောင့် ဖြစ်သည်။

Pneumococcal conjugate ကာကွယ်ဆေး။ ၎င်းသည် ၆လ အရွယ်ကလေးများတွင် အသုံးပြုနိုင်သော ကာကွယ်ဆေး အသစ်တစ်မျိုးဖြစ်သည်။ ကိုယ်ခံအားမှတ်ညဏ်နှင့် အစုလိုက် ကိုယ်ခံအားကို ဖြစ်စေသည်။ pneumococcal ရောဂါများကို ဤကာကွယ်ဆေး အမျိုးအစားဖြင့် ကာကွယ်နိုင်သည်

ကာကွယ်ဆေးထိုးခြင်း၏ အရေးပါမှု။ ကာကွယ်ဆေးသည် ကလေးများတွင် ထပ်ခါထပ်ခါ ရောဂါပိုးကူးစက်ခြင်းကို ကာကွယ်ပေးသည်။ ဘတ်တီးရီးယားကို လူထုအတွင်း ကူးစက်ပျံ့နှံ့ခြင်းကို ရပ်တန့်စေသည်။ ထို့အပြင် ကာကွယ် ဆေးထိုးခြင်းသည် ပဋိဇီဝဆေးသုံးရန် လိုအပ်မှုကို လျော့ချ ပေးနိုင်သည်။

ထို့ကြောင့် ဘတ်တီးရီးယားများ ဆေးကိုခုခံခြင်း ကို လျော့ချပေးသည်။ ရောဂါပိုးကူးစက်ခံရပြီးသူများသည် လည်း ကိုယ်ခံအား ရနိုင်ပြီး နောက်တစ်ဖန် မကူးစက်နိုင်ပါ။ ထို့ကြောင့် သင့်ကလေးအား တတ်နိုင်သလောက် မြန်မြန် ကာကွယ်ဆေးထိုးနိုင်ရန် ဆရာဝန်ဆီ သွားရောက်ပြသပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

ဒါတွေလည်းဆက်ဖတ်ပါ:

    သင်ဒါလည်း နှစ်သက်နိုင်ပါတယ်။

    ပုံမှန်မဟုတ်တဲ့ စိုးရိမ်ပူပန်လွန်ကဲခြင်း လက္ခဏာများ

    လူအများစုရဲ့ ဘဝမှာ တစ်ခါလောက်တော့ စိုးရိမ်ပူပန်တာမျိုး ဖြစ်တတ်ကြပါတယ်။ ကျွန်တော်တို့နေ့စဉ်ဘဝမှာ ...

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Ye Myo Myat

    ဝှေးစေ့ကင်ဆာအကြောင်း တစေ့တစောင်း

    လိင်ကျန်းမာရေး အမျိုးသားရောဂါ ကင်ဆာကုထုံး ရောဂါလက္ခဏာများ ဝှေးစေ့ကင်ဆာ ဘယ်သူတွေမှာ အဖြစ်များလဲ ရောဂါရှိမရှိ ဘယ်လိုစစ်ဆေးမလဲ

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Ye Myo Myat

    ဆီးလမ်းကြောင်းပိုးဝင်ခြင်းရဲ့ ရောဂါလက္ခဏာများ

    When invisible germs enter the urinary tract for a variety of reasons, they begin to show symptoms of urinary tract infection. bacteria , Fungal infections; In very rare cases, it can be caused by a virus. Studies ...

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Ye Myo Myat

    လည်ချောင်းခြောက်ပြီး ယားနေတာ ဒါတွေကြောင့် ဖြစ်နိုင်တယ်နော်

    အအေးမိဖျားနာ ဓါတ်မတည့်ခြင်း ခံတွင်းခြောက်ခြင်း ရောဂါလက္ခဏာများ ရာသီအကူးအပြောင်းကာလ အိပ်နေစဉ်အသက်ရှုရပ်တန့်ခြင်း ပျောက်ကင်းသက်သာအောင်ဘယ်လိုလုပ်မလဲ

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Ye Myo Myat

    သင့်အတွက် ရွေးချယ်ထားသည်

    နှလုံးရောဂါ အကြောင်း

    နှလုံးရောဂါ အကြောင်း

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Ye Zon Aung
    ရေးသား ထုတ်ဝေခဲ့သည် အောက်တိုဘာ 20, 2020 . 5 mins read
    ကြက်ညှာချောင်းဆိုးရောဂါ အချိန်မှီကာကွယ်ပါ

    ကြက်ညှာချောင်းဆိုးရောဂါ အချိန်မှီကာကွယ်ပါ

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr. Thiha Phyo Myint
    ရေးသား ထုတ်ဝေခဲ့သည် ဇူလိုင် 3, 2020 . 2 mins read
    မိုးရာသီရဲ့နတ်ဆိုး (သို့မဟုတ်) သွေးလွန်တုပ်ကွေးရောဂါ

    မိုးရာသီရဲ့နတ်ဆိုး (သို့မဟုတ်) သွေးလွန်တုပ်ကွေးရောဂါ

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr. Thiha Phyo Myint
    ရေးသား ထုတ်ဝေခဲ့သည် ဇွန် 8, 2020 . 3 mins read

    ကလေးများတွင်ဖြစ်သော မျက်လုံးတိမ်စွဲခြင်း

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Ye Zon Aung
    ရေးသား ထုတ်ဝေခဲ့သည် ဇန်နဝါရီ 20, 2020 . 2 mins read