ကလေးပြုစုစောင့်ရှောက်ခြင်း

Omega 3 ကို လူတွေရဲ့ ကျန်းမာရေး၊ အထူးသဖြင့် ကလေးတွေ ဖွံ့ဖြိုးမှုအတွက် ကောင်းကျိုးအများရရှိမှုနဲ့ ပတ်သက်ပြီး သိကြတာ ကြာပါပြီ။ ဒါပေမယ့် omega 3 ချို့တဲ့တဲ့ အစားအသောက်သာ စားရတဲ့ ကလေးတွေ အများအပြားရှိပါသေးတယ်။ သင့်ကလေးတွေရော။ Omega 3 ဆိုတာဘာလဲ။ Omega 3 fatty acids ဆိုတာ သင့်ခန္ဓါကိုယ်မှာ အရေးကြီးတဲ့ အခန်းကဏ္ဍကနေ ပါဝင်နေတာပါ။ omega 3 အဓိကအရေးကြီးတဲ့ အမျိုးအစား ၂မျိုးရှိပါတယ်။ EPA နဲ့ DHA ပါ။ ဒါ့အပြင် ALA လည်းပါဝင်ပါတယ်။ လူတွေရဲ့ ခန္ဓါကိုယ် အထူးသဖြင့် ကလေးတွေရဲ့ ခန္ဓါကိုယ်ဟာ ကျန်းမာရေး အန္ထရာယ်အတော်များများကို ရှောင်ရှားဖို့နဲ့ လုပ်ငန်းဆောင်တာတွေ ကောင်းမွန်စွာ လည်ပတ်နိုင်ဖို့ omega […]

ဗီတာမင်ဆိုတာကတော့ အခြေခံအားဖြင့် ရှင်သန်ခြင်းရဲ့ အဓိက ရင်းမြစ်လို့ အဓိပ္ပါယ်ရပါတယ်။ ဗီတာမင်တွေနဲ့သတ္တုဓါတ်တွေဟာ ကျွန်တော်တို့ခန္ဓါကိုယ်တွေ အထူးသဖြင့် ကလေးတွေအတွက် အရေးပါတဲ့ ကွန်ပေါင်းတွေပါပဲ။ ဗီတာမင်နဲ့ သတ္တုဓါတ်တွေဟာ ကျွန်တော်တို့ ကြီးထွားဖွံ့ဖြိုးဖို့အတွက် ကူညီပေးပါတယ်။ မြင်သာအောင်ပြောရမယ်ဆိုရင် အရိုးတွေ၊ ကြွက်သားတွေ၊ အရည်ပြားတွေနဲ့ ကိုယ်တွင်းအင်္ဂါတွေ တည်ဆောက်နိုင်ဖို့အတွက်နဲ့ ကူးစက်ရောဂါတွေကိုလည်း ရင်ဆိုင်နိုင်စေဖို့ ကူညီပေးပါတယ်။ ဗီတာမင်နဲ့ သတ္တုဓါတ်တစ်ခုခု ချို့တဲ့ခြင်းဟာ ပြင်းထန်တဲ့ ပြဿနာတွေအများစုကို ဦးတည်စေတတ်ပါတယ်။ ဗီတာမင်နဲ့ သတ္တုဓါတ်များ ၊ အခြေခံများ သင့်ကလေးဟာ သူ့ရဲ့ကြီးထွားမှုနဲ့ ဖွံ့ဖြိုးမှုအတွက် မရှိမဖြစ်လိုအပ်တဲ့ ဗီတာမင်နဲ့ သတ္တုဓါတ်တွေ (essential vitamins and minerals)ကို လိုအပ်ပါတယ်။ ဒီထဲမှာတော့ ဗီတာမင် A, B, C, D, E စသဖြင့်နဲ့ ကယ်လ်စီယမ်၊ သံဓါတ်၊ အိုင်အိုဒင်း၊ […]

မူကြိုအရွယ် ဆိုသည်မှာ ကလေးငယ်များ မူလတန်း ကျောင်းတွင် အတန်းပညာ မတက်မီ အသက် ၃နှစ်မှ ၅နှစ် အရွယ်ကို ခေါ်ပါသည်။ ယေဘုယျအားဖြင့် မူကြိုကလေး များသည် ၁၁ နာရီမှ ၁၃နာရီအထိ အိပ်စက်ရန် လိုအပ်သည်။ ထိုအသက်အရွယ်တွင် လုံလောက်စွာ မအိပ်ခြင်းသည် ပြဿ နာတစ်ခု ဖြစ်ပြီး ဆိုးကျိုးများစွာကို ဖြစ်ပေါ်စေသည်။ အခုတစ်ခေါက်မှာတော့ မူကြိုအရွယ်တွင် လုံလောက်စွာ မအိပ်စက်ခြင်း၏ အကျိုးဆက်များ အကြောင်းကို ပြောပြပေးချင်ပါတယ်။ မူကြိုကလေးများတွင် အိပ်ရေးပျက်ခြင်း၏ လက္ခဏာများ အဖြစ်အများဆုံး လက္ခဏာများမှာ မနက်တွင် အိပ်ယာ ထရန် ခက်ခဲခြင်း၊ နေ့ဘက်တွင် အာရုံမစိုက်နိုင်ဘဲ ဆက်တိုက် အိပ်နေခြင်းတို့ ဖြစ်သည်။ ကလေးများတွင် အိပ်ရေးပျက်ခြင်း ၏ အခြားလက္ခဏာတစ်ခုမှာ အာရုံစိုက်မှုမရသော အလွန် တက်ကြွသောရောဂါ (Attention […]

ဖြည့်စွက်စာကျွေးတာက အမေတွေအတွက်သာမက ကလေးတွေရဲ့ ဘဝအတွက်ပါ အရေးပါပါတယ်။ တကယ်လို့ သင်ဟာ ဖြည့်စွက်စာကျွေးဖို့ အခက်တွေ့နေတယ်ဆိုလျှင် အောက်ပါအချက်အလက်တွေက သင့်ကို ကူညီပါလိမ့်မယ်။ ဘယ်အချိန်မှာ ဖြည့်စွက်စာကျွေးဖို့ အကောင်းဆုံးလဲ။ အမေရိကန် ကလေးကျန်းမာရေးပညာပေး အဖွဲ့အစည်းရဲ့ အဆိုအရ ကလေးတွေကို မွေးပြီး ၆လအထိ မိခင်နို့တစ်မျိုးထဲကို တိုက်သင့်ပြီး အဲ့နောက်ပိုင်း မိခင်နို့နဲ့ အစားနဲ့ကို ကလေးအသက် ၁နှစ်အထိ ကျွေးသင့်ပါတယ်။ မိခင်နို့တိုက်ကျွေးတာကို သင်နှင့် သင့်ကလေးဆန္ဒရှိတဲ့ အချိန်အထိ တိုက်ကျွေးနိုင်ပါတယ်။ သင့်ကလေးကို ဘယ်အချိန်မှာ ဖြည့်စွက်စာ စသင့်တယ်ဆိုတာက သင့်ရဲ့ ဆုံးဖြတ်ချက်ပဲ ဖြစ်ပါတယ်။ ဖြည့်စွက်စာ စကျွေးတော့မယ်ဆိုလျှင် ဘာမှမစခင် သင်နဲ့ သင့်ကလေးရဲ့ လိုအပ်ချက်ကို အရင်ဆုံးစဉ်းစားပါ။ သင့်အခြေအနေကို တခြားမိသားစုတွေနဲ့ မနှိုင်းယှဉ်ပါနဲ့။ တကယ်လို့ သင်ဟာကိုယ်ဝန်ဆောင် သို့မဟုတ် သင့်ကလေးက မွေးခါစဖြစ်လျှင် ဖြည့်စွက်စာကို […]

ယနေ့ခေတ်တွင် လိင်တူစုံမက်ခြင်းကို ပုံမှန်မဟုတ် သော ကိစ္စတစ်ခုအဖြစ် သတ်မှတ်ခြင်း နည်းလာပြီ ဖြစ်သည်။ ယနေ့ လူမှုဘဝတွင် လိင်တူစုံမက်ခြင်းကို ပုံမှန် နေထိုင်မှု တစ်ခုဖြစ်အောင် ကြိုးစားနေကြသည်။ ထို့ကြောင့် မီဒီယာ များတွင် လိင်တူစုံမက်ခြင်းကို ဖော်ပြနေပြီး သင့်ကလေးမှ ၎င်းကို သတိပြုသွားနိုင်သည်။ သင့်ကလေးသည် ထိုကိစ္စ အကြောင်းကို စူးစမ်းသိချင်ပါက သင် ဘယ်လိုအဖြေမျိုး ပေးမည်နည်း။ အမှန်အတိုင်း အတည်ပြုပြောဆိုပါ။ ပထမဦးစွာ သင်သည် လိင်ကွဲစုံမက်ခြင်းသည် ဘယ်လို ဆိုတာကို ရှင်းပြသင့်သည်။ ထို့နောက် လိင်တူအတွဲများတွင် ဘယ်လိုကွဲခြားသလဲကို ထောက်ပြပါ။ လိင်တူစုံမက်ခြင်း သည် မနှစ်မြို့စရာ ကိစ္စတစ်ခု မဟုတ်တော့ကြောင်းကို သေချာ ပြောပြပါ။ လိင်တူလက်ထပ်ခြင်းကို ပေါ်တူဂီ၊ တောင် အာဖရိက၊ စပိန်၊ ဆွီဒင်၊ အမေရိကန် ပြည်ထောင်စု၊ အင်္ဂလန် […]

Puberty လို့ခေါ်တဲ့ အရွယ်ရောက်ခြင်းဟာ ကလေးခန္ဓါကိုယ်ကနေ လူကြီးဘဝပြောင်းလဲလာခြင်း ကဏ္ဍမှာ ပြောင်းလဲမှုတွေအများကြီးကို ဖြစ်ပေါ်စေနိုင်ပါတယ်။ ချွေးထွက်ခြင်းနဲ့ ခန္ဓါကိုယ်ရဲ့ အနံ့တွေဟာ ဒီပြောင်းလဲမှုရဲ့ အစိတ်အပိုင်းတစ်ခုပါပဲ။ မိဘတစ်ယောက်အနေနဲ့ဆိုရင်တော့ သင်အခုလုပ်ရမယ့်အလုပ်ဟာ ဒီပြောင်းလဲမှုတွေနဲ့ရင်ဆိုင်နေရတဲ့ သင့်ကလေးကို ရိုးရှင်းတဲ့သန့်ရှင်းရေးနည်းလမ်းအချို့နဲ့ ကူညီပေးဖို့ပါပဲ။ ချွေးနဲ့ ခန္ဓါကိုယ်အနံ့များ ကလေးအများစု အထူးသဖြင့် ယောက်ျားလေးတွေဟာ နေ့တိုင်း ရေမချိုးကြပါဘူး။ ဒါပေမဲ့ အရွယ်ရောက်ဖို့ ပြောင်းလဲမှုတွေစတင်လာတဲ့အခါမှာ ကလေးတွေဟာ သာမန်ထက် ပိုပြီးချွေးထွက်လာတတ်ပါတယ်။ ချွေးထွက်စမှာတော့ ဘာအနံ့မှမရှိပေမယ့် ဒီချွေးတွေဟာ သူတို့ အရည်ပြားတွေ ဒါမှမဟုတ် အဝတ်အစားတွေပေါ်မှာ စုလာပါတယ်။ ဒါဟာ ဘက်တီးရီးယားတွေခိုဝင်ဖို့ အခွင့်အရေးတစ်ခုဖြစ်ပြီး ဒါကပဲ ခန္ဓါကိုယ်အနံ့ဆိုးတွေကို ထွက်ပေါ်စေတာပါ။ ဒါကြောင့် နေ့စဉ် ရေချိုးခြင်းနဲ့ အဝတ်အစားလဲခြင်းတို့ကိုမဖြစ်မနေ လုပ်ဆောင်ပေးဖို့ လိုအပ်ပါတယ်။ အောက်ပါ တစ်ကိုယ်ရည်သန့်ရှင်းရေးနည်းလမ်းတွေက သင့်ကလေးအတွက်တော့ အလုပ်ဖြစ်နိုင်ပါတယ်။ တစ်ရက်ကို […]

ဆေးပညာအရ အောက်စီဂျင်မရခြင်းဟုခေါ်သော အသက်ရှူ မွန်းကြပ်ခြင်း ဆိုသည်မှာ ခန္ဓါကိုယ်တွင် အောက်စီ ဂျင်ပမာဏ အလွန်နည်းပါးသွားခြင်း ကြောင့်ဖြစ်သော သေစေ နိုင်သော အခြေအနေတစ်ခု ဖြစ်သည်။ ကမ္ဘာတစ်ဝန်း အသက် ၆နှစ်အောက်ကလေး များတွင် သေစေနိုင်သော အကြောင်းရင်းကြီးတစ်ခု ဖြစ်သည်။ ထို့ကြောင့် ကျွန်တော်တို့ ကလေးများကို အသက်ရှူမွန်းကြပ်ခြင်းမှ ဘယ်လိုကာကွယ် သင့်သလဲ။ ထိုကဲ့သို့ သေဆုံးတော့မည့် အခြေအနေရောက် နေသော လူတစ်ယောက်ကို တွေ့ပါက ဘာလုပ်သင့်သလဲ။ ဘယ်သူတွေမှာ ဖြစ်နိုင်ချေ အများဆုံးရှိသလဲ။ အသက်ရှူ မွန်းကြပ်ခြင်းသည် ကမ္ဘာတစ်ဝန်း မွေးကင်းစ ကလေးငယ်များနှင့် လေးဖက်သွားကလေးများတွင် သေစေ နိုင်သော အဓိကအကြောင်းရင်းတစ်ခု ဖြစ်သည်။ သုတေသန များအရ အသက်ရှုမွန်းကြပ်ပြီး သေဆုံးခြင်း အများစုသည် မွေးကင်းစ တစ်နှစ်သားများတွင် ဖြစ်ပွားပြီး အသက် ၉-၁၁ […]

ကလေးများကို ကောင်းကောင်းမွန်မွန်ပြုမူစေချင်သည့်အခါ သင့်စကားနားထောင်စေချင်သည့်အခါ ချိုချဉ်၊ သကြားနှင့်လုပ်သည်များကို မပေးပါနှင့်။ လူတိုင်းလိုလို ထိုသို့ပြောကြပါသည်။ ရာစုနှစ်များစွာကြာသည်အထိ သကြားသည် ကလေးများတွင် အငြိမ်နေခြင်း ဆူပူသောင်းကျန်းခြင်းနှင့် ဆက်စပ်ကြောင်း ယုံကြည်ခဲ့ကြသည်။ အကျိုးအပြစ်ဆက်စပ်မှုကို တိတိကျကျလေ့လာပြီးနောက် ထိုယုံကြည်မှုသည် အချက်အလက်တစ်ခုအနေနှင့်ဖြစ်လာပါသည်။ အံ့သြစရာကောင်းသည်က မကြာသေမီကလုပ်ထားသော သုတေသနများတွင်တော့ ၎င်းနှင့်ဆန့်ကျင်ဖက်ကို သက်သေပြထားနိုင်ခဲ့ပါသည်။ သကြားနှင့် ကလေးအငြိမ်မနေခြင်း ဆက်စပ်ပုံကို ဘာကြောင့် လူတွေကယုံကြည်ကြတာလဲ။ - လမ်းလျှောက်တတ်စအရွယ်များတွင် သကြားနှင့် အငြိမ်မနေခြင်း ဆက်စပ်မှုရှိကြောင်းကို ၁၉၇၃ ခုတွင် ဓာတ်မတည့်မှုကျွမ်းကျင်သူ Benjamin Feingold, M.D သည် Feingold diet (ဖြည့်စွက်ပစ္စည်းကင်းသည့် အစာ) အကြောင်း တင်ပြခဲ့သည်။ ထိုမှတ်တမ်းသည် သူ၏ယခင်သုတေသနဖြစ်သော ဖြည့်စွက်ဓာတုပစ္စည်းများနှင့် ကလေးများ၏ အငြိမ်မနေမှုအပေါ် ဆက်စပ်ချက်ပေါ် အခြေခံထားခြင်းဖြစ်သည်။ Feingold diet ဆိုသည်မှာ အရသာတု၊ […]

ပင်ပန်းခြင်း၊ ငြီးငွေ့ခြင်း ဒါမှမဟုတ် ဒေါသတွေဟာ အမူအကျင့်ဆိုးတွေကို ဖြစ်စေနိုင်ပါတယ်။ ဒါပေမဲ့ ကလေးတွေ ဘာစားသလဲဆိုတာကလည်း သူတို့ရဲ့ အမူအကျင့်တွေနဲ့ သွယ်ဝိုက်သောနည်းအားဖြင့် ဆက်စပ်နေပါတယ်။ အသင့်စား အစားအသောက်တွေဟာ အဓိက တရားခံတွေဖြစ်ပြီး ကလေးတွေရဲ့ စားသောက်မှုပုံစံထဲက အသင့်စား အစားအစာတွေကိုထုတ်ထားခြင်းဟာ အချို့သော အမူအကျင့်ဆိုးတွေကို ဖျောက်ဖျက်ပစ်နိုင်တဲ့ နည်းတစ်နည်းပါပဲ။ အသင့်စားအစားအသောက်တွေကို အမှိုက်သဖွယ် အသုံးမကျဖြစ်အောင်လုပ်နိုင်တဲ့ ပါဝင်ပစ္စည်းများ အသင့်စား အစားအသောက်တွေဟာ အကြောင်းအမျိုးမျိုးကြောင့် စားချင်စရာလေးတွေ ဖြစ်နေတတ်ပါတယ်။ စိတ်ကျေနပ်မှုတွေ၊ ဈေးနှုန်းတွေနဲ့ အရသာတွေပါ အပါအဝင်ပေါ့။ ကလေးတွေအတွက်ဆိုရင်တော့ သူတို့တွေဟာ သူတို့စားလိုက်တဲ့အစာတွေကြောင့် နေမကောင်းဖြစ်နိုင်တယ်ဆိုတာ မသိသေးတဲ့အပြင် အသင့်စားအစားအစာတွေကလည်း စားချင်စိတ်ကို ပိုဖြစ်စေပါတယ။် အချိုဓါတ်များတဲ့စားစရာတွေဟာ ကလေးတွေရဲ့ အမူအကျင့်ဆိုင်ရာ ပြဿနာတွေအတွက် မကြာခဏဆိုသလို အဓိက ရင်းမြစ်ဖြစ်နေတတ်ပြီး အခြားသော ကျန်းမာရေးနဲ့မညီတဲ့ စားစရာတွေမှာလည်း တာဝန်ရှိပါတယ်။ ဆိုးဆေးတွေနဲ့ […]

စူပါဟီးရိုးများသည် ကျွန်တော်တို့၏ ယနေ့ခေတ်ယဉ်ကျေးမှုတွင် အထင်ကရဖြစ်လာပြီး ကလေးများ အထူးသဖြင့် ယောက်ျားလေးများအပေါ် လွှမ်းမိုးလျက်ရှိသည်။ စူပါဟီးရိုးများသည် ကလေးများ၏ ဖန်တီးနိုင်စွမ်းကို လှုံစော်ရာတွင် အကူအညီရနိုင်သလို အရေးကြီးသည့် စံပြပုဂ္ဂိုလ်များနေရာမှလည်း ပါဝင်နေပါသည်။ သို့သော် စူပါဟီးရိုးဇာတ်လမ်းများကို အလွန်အကျွံနှစ်သက်သည့် ကလေးများတွင်တော့ အန္တရာယ်ရှိလာနိုင်ပါသည်။ လက်တွေ့မကျသော သို့မဟုတ် အန္တရာယ်ရှိသော အပြုအမူများ လုပ်မလာပဲ ရိုးရိုးကြိုက်နှစ်သက်ရုံလောက်သာဆိုလျှင် ကိစ္စမရှိပါ။ စူပါဟီးရိုးတွေက ကလေးများအတွက် မကောင်းတဲ့စံပြပုဂ္ဂိုလ်တွေ ဖြစ်သွားနိုင်မလား။ တီဗီအစီအစဉ်များ ဇာတ်ကားများတွင် ခဏခဏပါတတ်သော Batman တို့ Hulk တို့လို စူပါဟီးရိုး ဇာတ်ကောင်များရော၊ လူပျင်းဇာတ်ကောင်များပါ ကလေးများအတွက် မကောင်းသည့်စံပြပုဂ္ဂိုလ်များ ဖြစ်လာနိုင်၏။ စူပါဟီးရိုးအဖြစ်သရုပ်ဆောင်သူသည် လူအများအပေါ် လွမ်းမိုးနိုင်သည့် အစွမ်း၊ အမျိုးသမီးများအပေါ် ခေါင်းပုံဖြတ်တာမျိုး၊ သူတို့၏ ချမ်းသာမှုကို ကြွားဝါတတ်တာမျိုး၊ အရွဲ့တိုက် အထက်စီးပုံစံတွေကနေတစ်ဆင့် သူတို့၏ကျားဆန်မှုကို ဖော်ပြတတ်သည်။ တစ်ခြားတစ်ဖက်တွင် […]