ဆယ်ကျော်သက်အရွယ်ဖွံ့ဖြိုးမှုအဆင့်ဆင့်

ညီမငယ်လေးတို့ရေ။ အပျိုဖော်ဝင်ချိန် မိန်းကလေးတွေမှာ ပုံမှန်အားဖြင့် အသက် ၁၂ နှစ်လောက်မှာ ဓမ္မတာ စပြီးလာတတ်ပါတယ်။ ဒါ မိန်းကလေးတိုင်း ရှောင်လွှဲမရတဲ့ကိစ္စပါ။ ဆယ်ကျော်သက်အရွယ်မို့ ခန္ဓါကိုယ်မှာလည်း အရွယ်ရောက်လာတဲ့ ဖွံ့ဖြိုးမှုအပြောင်းအလဲတွေ ရှိလာချိန်မှာ ရုတ်တရက်ကြီး ရာသီသွေးစပေါ်လာတဲ့အခါ ဘာမှန်းမသိ၊ ဘာမှသိမထားရင် ညီမလေးတို့ စိတ်ညစ်ရမှာပေါ့။နေရထိုင်ရတာလည်းအဆင်မပြေဘဲ အခက်အခဲတွေအများကြီးရင်ဆိုင်ရနိုင်ပါတယ်။ ဒီအတွက် ညီမလေးတို့ ဘာတွေကြိုသိထားရမလဲ၊ ဘယ်လိုပြင်ဆင်ထားမလဲ အကြံဉာဏ်လေးတွေပေးလိုက်မယ်နော် ။ ရာသီပန်းနဲ့ပတ်သက်ပြီး ဒါတွေ သိထားသင့်တယ် မကြုံဖူးသေးတဲ့ ညီမလေးတွေအတွက် သိချင်နေလောက်တဲ့မေးခွန်းလေးတွေ နည်းနည်းခန့်မှန်းပြီးပြောပြမယ်နော်။ ရာသီသွေးပေါ်ခြင်း(ဓမ္မတာလာခြင်း) ဆိုတာဘာလဲ ရာသီလာတယ်ဆိုတာ သားအိမ်အတွင်း အက်စထရိုဂျင်ဟော်မုန်း ပမာဏများလာပြီး သားအိမ်နံရံအမြှေးတွေထူလာမယ်၊ ၂၈ ရက်ရာသီစက်ဝန်းရှိတဲ့အမျိုးသမီးတွေမှာ အလယ် ၁၄ ရက်လောက်ဆိုရင် မျိုးဥအိမ်ကနေ မ မျိုးဥကကြွေလာမယ်၊ မမျိုးဥက သုက်ကောင်နဲ့ထိတွေ့မှုမရှိဘူးဆိုရင် ဒါမှမဟုတ် မျိုးမအောင်ဘူးဆိုရင် သားအိမ်နံရံအမြှေးက ကွာကျလာမှာပါ။ ပြီးရင် […]

ဒီအရွယ် ကလေး မဟုတ်တော့ဘူးလို့ လူတွေကပြောကြတယ်။ လူကြီး ဖြစ်ပြီလားဆိုတော့လည်း အရွယ်မရောက်သေးဘူးတဲ့။ ဖွံ့ဖြိုးမှုက ကလေးတဝက် လူကြီးတဝက်အဆင့်မှာပဲရှိသေးတဲ့ မြီးကောင်ပေါက်အရွယ်တဲ့လေ။ ဟုတ်ပါတယ်၊ သမီးတို့ကလည်း ကလေးလိုမနေတော့သလို ခန္ဓာကိုယ် ရောစိတ်ကပါ သဘာဝအလျောက် လူကြီးဖြစ်လာဖို့ ပြင်ဆင်နေပါပြီ။ ခန္ဓာကိုယ်မှာ ဖွံ့ဖြိုးပြောင်းလဲတာတွေ စပြီးဖြစ်လာတဲ့အပြင် စိတ်ကလေးတွေလည်း ပြောင်းလဲလာပါပြီ။ ဒီအချိန်မှာ အရေးကြီးတာက ဆယ်ကျော်သက်အရွယ်ရဲ့ သဘာဝဖြစ်တဲ့ အပြောင်းအလဲတွေကို စိတ်ညစ်မနေဖို့၊ ကျင့်သားရအောင် နေတတ်ထိုင်တတ်ဖို့၊ ဒီအပြောင်းအလဲတွေက ကိုယ့်အတွက်ဘယ်လိုကောင်းကျိုးရှိတာလဲဆိုတာ သိထားဖို့၊ အခက်အခဲတွေရှိရင် ကျော်လွှားနိုင်ဖို့ပါပဲ။ ဆယ်ကျော်သက်မိန်းကလေးတစ်ယောက်အနေနဲ့ ဒါတွေသိထားသင့်တယ်နော် မကြာခင်မှာ ကျန်းမာလှပတဲ့ အရောင်အသွေးစုံလိပ်ပြာလေးတွေ ဖြစ်လာတော့မယ့် ဆယ်ကျော်သက်မိန်းကလေးတစ်ယောက်အနေနဲ့ ကိုယ့်အတွက် အကျိုးရှိစေမယ့် အရေးကြီးတဲ့ ဒီငါးချက်ကို သိထားသင့်ပါတယ်။ (၁) ရာသီလာတာ စိတ်ညစ်စရာမဟုတ်ဘူး လွတ်လပ်ပေါ့ပါးစွာနဲ့ ပျော်ရွှင်နေခဲ့တဲ့ ကလေး တစ်ယောက်က ရုတ်တရက် ကြုံလာရတဲ့ မိန်းကလေးဓမ္မတာကြောင့် ကန့်သတ်ချက်တွေရှိလာသလို […]

သားသမီးတွေရဲ့ အနာဂတ်ဆိုတာမိဘတွေရဲ့ ထိန်းသိမ်းစောင့်ရှောက်ကွပ်ကဲမှုအပေါ်မှာ အများကြီးမူတည်ပါတယ်။ အထူးသဖြင့်စိတ်ထိခိုက်လွယ်တဲ့ သမီးလေးတွေကို ဆုံးမသွန်သင်ရတာပိုပြီးခက်ခဲနိုင်ပါတယ်။ ဒီတော့ ကိုယ့်ရဲ့ ဆယ်ကျော်သက်သမီးငယ်လေးတွေကို ဘယ်လိုနည်းလမ်းမှန်မှန်နဲ့ဆုံးမ မလဲဆိုတာ ဒီဆောင်းပါးလေးထဲမှာ ကြည့်လိုက်ရအောင်လား မေမေတို့ရေ....... ဆယ်ကျော်သက်သမီးငယ်လေးတွေကို ဆုံးမတဲ့အခါ မိဘတွေအနေနဲ့ ဘယ်လိုအမှားတွေလုပ်မိလေ့ရှိလဲ....... ဆယ်ကျော်သက်သမီးငယ်လေးကို ဆုံးမတဲ့အခါ ဒါမျိုးတွေများလုပ်မိနေလား မေမေတို့ ကိုယ်တိုင်ဆန်းစစ်ကြည့်လိုက်ပါနော်။ ပြဿနာကို ကိုယ်တိုင်ဖြေရှင်းခွင့်တစ်ခါမှမပေးတာ အစားအသောက်ကို စည်းကမ်းအတိုင်းဖိအားပေးစားသောက်ခိုင်းတာ ဝတ်ပုံစားပုံကိုလည်း အရမ်းထိန်းချုပ်ထားတာ ပညာရေးနဲ့ပတ်သက်ပြီးလိုတာထက်ပိုပြီး ဖိအားပေးတာ မျက်စိဒေါက်ထောက်စောင့်ကြည့်တာ မိဘတွေအနေနဲ့ အခုပြောခဲ့သလိုအမှားတွေလုပ်မိတဲ့အခါ သမီးငယ်လေးတွေအနေနဲ့ လိုတာထက်ပိုပြီး စိတ်ဖိစီးမှုတွေ ဖြစ်လာနိုင်တဲ့အပြင် ဆုံးဖြတ်ချက်တွေမှားယွင်းတာ၊ မလိုလားအပ်တဲ့ပြဿနာတွေ ပိုဖြစ်လာတာတွေ တွေ့ကြုံရနိုင်ပါတယ်။ မိဘတွေနဲ့ ဆယ်ကျော်သက်သမီးငယ်လေးတို့ကြားမှာ ပြဿနာကင်းဲ့ ဆက်ဆံရေးပိုင်ဆိုင်နိုင်စေဖို့ အပေါ်မှာ ပြောခဲ့သလိုပြဿနာတွေ မေမေတို့နဲ့ သမီးငယ်လေးတို့ကြားမှာ ဆက်မဖြစ်စေဖို့ ဘာတွေလုပ်သင့်လဲဆိုတော့ ဆက်ကြည့်လိုက်ရအောင်နော်။ ပြဿနာတစ်ခုဖြစ်လာရင် ကိုယ်တိုင်ဖြေရှင်းတတ်အောင် သင်ပေးပါ - ကလေးတစ်ယောက်ကို အရွယ်မရောက်ခင်မှာ ပြဿနာတွေကိုဖြေရှင်းပေးတာမှန်တယ်ဆိုပေမယ့် […]

ကိုယ့်ရဲ့ သမီးလေးကို အမြဲတက်ကြွလန်းဆန်းတာပဲမြင်ချင်တဲ့မေမေတွေရှိလား။ ဒါဆိုရင်တော့ ဒီဆောင်းပါးလေးက သမီးကို အမြဲတက်ကြွလန်းဆန်းစေချင်တယ်ဆိုတဲ့မေမေတို့သိချင်နေတာတွေကို အကောင်းဆုံး အဖြေထုတ်ပေးနိုင်မှာပါ။ အားအင်ပြည့်ဖို့ လိုက်နာရမယ့်အချက် နေ့ရက်တိုင်းမှာ ခွန်အားပြည့်ပြီးလိုက်နာနေဖို့လိုအပ်တဲ့ အခြေခံအချက်လေးတွေရှိပါတယ်။ ဒါကတော့ တစ်နေ့ကို သုံးနပ်ပုံမှန်စားပေးဖို့ပါ။ စားပေးတဲ့ သုံးနပ်က အချိန်မှန်ဖို့လိုသလို အာဟာရပြည့်မီဖို့လည်း လိုပါမယ်။ပြီးရင် သင့်တင့်တဲ့ ကိုယ်လက်လှုပ်ရှားမှုနဲ့ရေဓါတ်ပြည့်မီအောင်ဖြည့်ဖို့ပါ။နောက်ဆုံးတစ်ချက်ကတော့ပြည့်ဝတဲ့ အိပ်စက်အနားယူချိန်ပေါ့။ ဒီအချက်တွေ အကုန်လုံးပြည့်မီသွားပြီဆိုရင်တော့ ခန္ဓါကိုယ်က အားအင်ပြည့်နေမယ်ဆိုတာပြောနေစရာတောင်မလိုတော့ပါဘူး။ အပျိုဖော်ဝင်စ သမီးငယ်လေး အားအင်ပြည့်နေစေဖို့ လိုအပ်မယ့် အာဟာရဓါတ်တွေ မိန်းကလေးတစ်ယောက် အပျိုဖော်ဝင်လာပြီဆိုရင် လိုအပ်မယ့် အာဟာရဓါတ်တွေက ပိုများလာပါပြီ။ အရင်ကထက် နှစ်ဆလောက်အဟာရဓါတ်တွေဖြည့်ပေးနိုင်မှ ခန္ဓါကိုယ် အားပြည့်ဖို့အတွက်ရော ကြီးထွားဖွံ့ဖြိုးဖို့နဲ့ပြောင်းလဲလာတဲ့ ခန္ဓါကိုယ် အနေအထားအတွက် အာဟာရလိုအပ်ချက်တွေပြည့်မီစေမှာပါ။ ဒီတော့ သတိထားပြီး သမီးလေးအတွက် ဒီအာဟာရဓါတ်ေတွပြည့်မီအောင်ဖြည့်ပေးပါလို့အကြံပြုပါရစေနော်။ ပရိုတင်း ခန္ဓါကိုယ်ကြီးထွားဖွံ့ဖြိုးဖို့နဲ့ အင်အားပြည့်နေစေဖို့ မရှိမဖြစ်လိုအပ်တဲ့ အာဟာရဓါတ်တစ်မျိုးပါ။ ကြွက်သားတွေကြီးထွားဖို့အတွက်လိုအပ်သလို ဖွံ့ဖြိုးစ ဆယ်ကျော်သက်အရွယ်မှာ ညှက်တာမျိုး ဖွံ့ဖြိုးမှုအားနည်းတာမျိုး […]

ပိုးမွေးသလိုမွေးလာခဲ့ရတဲ့ ငါ့ကလေးတောင်တော်တော်အရွယ်ရောက်လာပြီပဲလို့ ကိုယ့်သမီးလေးကို ထိုင်ကြည့်ပြီးတွေးမိဖူးလား။ ကလေးဘဝကနေ လူကြီးတစ်ယောက်အဖြစ်ကိုကူးပြောင်းဖို့က ဆယ်ကျော်သက် သို့မဟုတ်မြီးကောင်ပေါက်အရွယ်လို့ခေါ်တဲ့ စပ်ကူးမပ်ကူးကာလကိုကျော်ဖြတ်ရပါသေးတယ်။ ငယ်ငယ်က ဘယ်လိုပဲ ဂရုစိုက်ကျွေးမွေးလာခဲ့ပါစေ ဒီအချိန်မှာ ဂရုစိုက်ပျိုးထောင်ပေးတာကသမီးလေးရဲ့နောက်ပိုင်းဘဝအတွက် သိပ်ကိုအရေးကြီးတဲ့ကာလအပိုင်းအခြားပါ။ ဘာလို့ဆို အပျိုဖော်ဝင်တော့မှာကိုး။ ပျိုဖော်ဝင်ရင်ဟော်မုန်းအပြောင်းအလဲတွေဖြစ်မယ်၊ ခန္ဓါကိုယ်မှာအပြောင်းအလဲတွေဖြစ်မယ်၊ လူကြီးတစ်ယောက်ဖြစ်လာဖို့ အပြည့်အဝဖွံ့ဖြိုးတော့မယ့်အချိန်လေ။ ဒါသဘာဝပဲ၊ သူ့ဘာသူအချိန်တန်တော့ဖြစ်လာလိမ့်မယ်လို့ မေမေတို့ဘက်က ပေါ့ပေါ့ထားလိုက်ပြီး မသိလိုက်မသိဘာသာနေလို့ မဖြစ်ပါဘူးနော်။မေမေ့မေတ္တာနဲ့နွေးထွေးမှုတွေက သူတို့အတွက် အဖိုးမဖြတ်နိုင်တဲ့ခွန်အားတွေဆိုတာ မမေ့လိုက်ပါနဲ့။ အပြောင်းအလဲတွေဖြစ်လာတဲ့အခါ သမီးလေးမှာကြုံလာရမယ့် စိတ်ပိုင်းဆိုင်ရာအခက်အခဲ၊ ရုပ်ပိုင်းဆိုင်ရာ အခက်အခဲတွေကို ကူညီဖြေရှင်းပေးနိုင်တာမေမေပါပဲ။ ဒီလို ကူညီနိုင်ဖို့ ကိုယ့်တုန်းက အတွေ့အကြုံတွေနဲ့ယှဉ်ပြီး သူတို့ကို နားလည်ပေးဖို့လိုပါတယ်။ ဒါ့ကြောင့် ဆယ်ကျော်သက်အရွယ်သမီးလေးရှိတဲ့မေမေတိုင်း ဒီ (၅) ချက်ကို သတိရသင့်ပါတယ်။ စပ်ကူးမပ်ကူးကာလမှာ ကလေးက - (၁) ပျိုဖော်ဝင်တဲ့အပြောင်းအလဲတွေကြောင့် အခက်အခဲရှိနေနိုင်တယ် မိန်းကလေးတွေပျိုဖော်ဝင်တဲ့အခါ ခန္ဓါကိုယ်မှာဖြစ်လာတတ်တဲ့ အပြောင်းအလဲတွေ၊ ဖွံ့ဖြိုးမှုတွေနဲ့ပတ်သက်ပြီး ရှက်ရွံ့တာ၊ […]

ဆယ်ကျော်သက်အရွယ် ဆိုတာ ကလေးတစ်ယောက်ဘဝကနေ လူကြီးတစ်ယောက်ဖြစ်ဖို့ အစပျိုး ပြောင်းလဲမှုတွေ စိန်ခေါ်မှုတွေ အများကြီး တွေ့ကြုံရမယ့် ကာလပါ။ ရုပ်ပိုင်းဆိုင်ရာ၊ စိတ်ပိုင်းဆိုင်ရာ ပြောင်းလဲမှုတွေ အပြင် အသက်ကလေးရလာတော့ အပေါင်းအသင်းလေးလည်း များလာ၊ ပတ်ဝန်းကျင်ကလည်း ဂရုစိုက်တာ များလာတော့ အရင်ကလေးတုန်းကနဲ့ မတူတော့တာ အမှန်ပါ။ ဒီတော့ ဆယ်ကျော်သက်အရွယ်လေးရောက်လာပြီဆို ဘယ်လိုပြောင်းလဲမှုလေးတွေ ကြုံတွေ့ရမှာလဲ။ မသိသေးတဲ့သူတွေအတွက်တော့ ဗဟုသုတ၊ သိပြီးသားသူတွေအတွက်တော့ ခုပြောမယ့်အကြောင်းလေးတွေကို စမြုံ့ပြန်လို့ရတာပေါ့။ ငါတို့တုန်းက ဒီလိုတွေ ကြုံဖူးခဲ့တာ ဘာညာပေါ့။ ဆယ်ကျော်သက်အရွယ် လေဒီလေးတစ်ယောက်အနေနဲ့ ဘယ်လိုပြောင်းလဲမှုတွေ ကြုံတွေ့ရမှာလဲ။ ဆယ်ကျော်သက်အရွယ်လေးတွေ ကြုံတွေ့ရတာ အများစုက အပျိုဖော်ဝင်တာနဲ့ သက်ဆိုင်နေပါတယ်။ အပျိုဖော်ဝင်တယ်ဆိုတာ ကလေးဘဝကနေ လူကြီးဘဝကို ပြောင်းလဲစေတဲ့ ကြားထဲက အဆင့်တစ်ခုပဲ ဖြစ်ပါတယ်။ အပျိုဖော်ဝင်လာပြီဆိုတာနဲ့ ကိုယ်ခန္ဓာမှာ ဘာတွေ ပြောင်းလဲလာမှာလဲ။ အရပ်လေးတွေ ရှည်လာမယ် […]

အပျိုဖော်ဝင်လာတဲ့ သမီးငယ်လေးကို အကောင်းမွန်ဆုံး ကျွေးမွေးဖို့က မေမေတစ်ယောက် မဖြစ်မနေထမ်းဆောင်ရမယ့် တာဝန်တစ်ခုပါ။ ဒီတာဝန်ကို မေမေက အကောင်းဆုံးလုပ်ဆောင်ပေးနိုင်မှ သမီးလေးက ကျန်းမာပျော်ရွှင်တဲ့ ကလေးတစ်ယောက်အဖြစ် ကြီးပြင်းအရွယ်ရောက်လာမှာပါနော်။ ဒီတစ်ခေါက်တော့ ကိုယ့်ရဲ့ သမီးလေးကို အပျိုဖော်ဝင်စ အချိန်မှာ ကြီးထွားဖွံ့ဖြိုးလှပတဲ့ သမီးလေးအဖြစ်ကြီးပြင်းလာစေဖို့မေမေတို့အနေနဲ့ ဘယ်လိုမျိုးကျွေးမွေးရမလဲဆိုတာကိုပြောပြပေးပါရစေ။ အပျိုဖော်ဝင်တယ်ဆိုတာ အပျိုဖော်ဝင်တယ်ဆိုတာက ကလေးတစ်ယောက်ရဲ့ အရွယ်ရောက်ပြောင်းလဲမှုပါ။ ဒီအချိန်က အလျင်အမြန်ဖွံ့ဖြိုးကြီးထွားတဲ့ အရွယ်ဖြစ်တာကြောင့် အာဟာရလိုအပ်ချက်ကလည်း ပုံမှန်ထက်ပိုများနိုင်ပါတယ်။ ဒီအချိန်မှာ ကလေးက ခန္ဓာကိုယ် အခြေအနေ၊ စိတ်နေစိတ်ထားနဲ့ တွေးခေါ်မှုတွေကအစ အရာရာ စတင်ပြောင်းလဲနေတာပါ။ ကြီးထွားဖွံ့ဖြိုးလာပြီး ခန္ဓာကိုယ်ရဲ့ပြောင်းလဲမှုအတွက် လိုအပ်တဲ့ အာဟာရတွေကို ပြည့်စုံအောင်ကျွေးမွေးနိုင်မှလည်း ကလေးက ရွယ်တူတွေထဲမှာ ညှက်နေတာမျိုး မဖြစ်မှာပါ။ ကိုယ့်ရဲ့ သမီးလေးကို လှပကြော့ရှင်းတဲ့ လေဒီလေးဖြစ်အောင် အကောင်းဆုံး ပုံသွင်းပေးနိုင်မယ့် အချိန်ဆိုလည် မမှားပါဘူး။ အပျိုဖော်ဝင်စ သမီးလေးကို […]

မိခင်တစ်ယောက်ရယ်လို့ ဖြစ်လာပြီဆိုတာနဲ့ ကိုယ့်ရင်သွေးလေးရဲ့ အနာဂတ်လှပအောင်ကို ဘယ်လို သေချာပြုစုပျိုးထောင်ပေးရမလဲဆိုတဲ့ အကြောင်းတွေးပြီး ပူပန်တတ်ကြသူချည်းပါပဲ။ သမီးမိန်းကလေး မွေးထားတဲ့ မေမေတွေဆို ပိုဆိုးတာပေါ့။ သမီးမိန်းကလေးတွေကို ပျိုးထောင်တယ်ဆိုတာ နှင်းဆီပန်းလေး တစ်ပင် ယုယုယယကို စိုက်ပျိုးရတာနဲ့တူပါတယ်။ ပန်းတိုင်းအလယ် တင့်တယ်တဲ့ နှင်းဆီပန်းလေးတစ်ပင်ဖြစ်ဖို့အတွက် နှင်းဆီပန်းလေး ထွားလာအောင် မြေသြဇာကျွေးရတယ်။ တစ်စ တစ်စ ဖူးပွင့်လာအောင် ရေလောင်းပေးရတယ်။ အခြား ပိုးကောင်တွေ ရန်ကနေလည်း ကာကွယ်ပေးရပါတယ်။ ကျန်းမာပျော်ရွှင်တဲ့ သမီးမိန်းကလေး တစ်ယောက်ဖြစ်အောင် ဘယ်လို ပျိုးထောင်ပေးရမလဲ ။ ။ ဒီလိုပါပဲ ကျန်းမာပျော်ရွင်ထက်မြက်တဲ့ သမီးမိန်းကလေး တစ်ယောက်ဖြစ်အောင် ပျိုးထောင်ပေးဖို့အတွက် လိုအပ်တဲ့ အချက်တွေရှိပါတယ်။ ဒါတွေကို မေမေတို့သိထားဖို့လိုတယ်လေနော်။ ကျန်းမာရေးအတွက် အာဟာရသည်သာ နံပါတ်တစ်ပါ ။ ။ ဖူးပွင့်စ ဆယ်ကျော်သက် သမီးမိန်းကလေးတစ်ယောက်ရဲ့ ကိုယ်ခန္ဓါက အရာရာ ပြောင်းလဲစပြုနေတဲ့အချိန်၊ […]

လူပျိုဖော်ဝင် တဲ့ အရွယ်ဆိုတာ ကလေးတွေအတွက်တော့ ကြီးမားတဲ့ ပြောင်းလဲမှုပုံစံကို စတင်တွေ့ရတာပါပဲ။ ကိုယ်ခန္ဓာက ကြီးထွားလာတယ်။ အသံတွေက ခပ်သြသြဖြစ်လာတယ်။ ကလေးတုန်းကလို မဟုတ်တော့ဘဲ ပိုသန်စွမ်းလာတယ်။ လိင်အင်္ဂါတွေ ဖွံ့ဖြိုးလာမယ်။ လိင်စိတ်တွေ စတင်ဖြစ်လာမယ်။ မိဘတွေ သတိမထားလိုက်ခင်မှာပဲ ကိုယ့်သားလေးက ယောက်ျားငယ်လေးအဖြစ် စတင်ပြောင်းလဲတဲ့ အရွယ်ဖြစ်နေပါပြီ။ ဘယ်အသက်အရွယ်မှာ လူပျိုဖော်ဝင် လဲ။ မိန်းကလေးတွေနဲ့ ယှဉ်လိုက်ရင်တော့ ယောက်ျားလေးတွေ လူပျိုစဖြစ်တဲ့အသက်က နည်းနည်းနောက်ကျပါတယ်။ ပုံမှန်အားဖြင့် အစောဆုံး အသက် ၉ နှစ်၊ နောက်အကျဆုံး အသက် ၁၄ နှစ်အရွယ်မှာ လူပျိုစတင်ဖြစ်ပါတယ်။ တချို့ယောက်ျားလေးတွေမှာ ကိုယ်ခန္ဓာနဲ့ ရုပ်ပိုင်းဆိုင်ရာ ပြောင်းလဲမှုဟာ ပိုပြီးမြန်နေတတ်ပါတယ်။ မိဘတွေအနေနဲ့ သတိမထားမိပေမဲ့ ကိုယ့်ကလေးကတော့ ရေချိုးနေတဲ့အချိန်၊ အဝတ်လဲနေတဲ့အချိန်ဆိုရင် ဒီပြောင်းလဲမှုတွေကို တွေ့နေမှာပါ။ ဒီပြောင်းလဲမှုတွေနဲ့ ပတ်သက်ပြီး စိတ်ထဲမှာ ဘယ်သူမှ […]

လူသားတိုင်း မဖြစ်မနေ ကျော်ဖြတ်ရမယ့် ဘဝအချိန်တွေထဲမှာ လူပျိုဖော်၊ အပျိုဖော်ဝင်ကာစ အချိန်ဟာလည်း တစ်ခုအပါအဝင်ပါပဲ။ ကလေးဘဝကနေ လူကြီးဘဝကို ကူးပြောင်းစပြုတဲ့ ဒီအချိန်မှာ ကလေးတွေအတွက်တော့ အထူးအဆန်းတစ်ခုလို၊ ကြောက်ရွံ့စရာ ကိစ္စ တစ်ခုလို ဖြစ်နေမှာပါ။ ဘာကြောင့် လူပျိုဖြစ်တာ နောက်ကျတာလဲ။ အစောဆုံး အသက် ၉နှစ်ကနေ ၁၄နှစ်အတွင်း ယောက်ျားလေးတွေ လူပျိုဖော်ဝင်နိုင်ပါတယ်။ ပုံမှန်အားဖြင့်တော့ ယောက်ျားလေးတွေ အသက် ၁၂ နှစ်အရွယ်မှာ စတင်ပြီး လူပျိုဖြစ်စ ပြုပြီး ကိုယ်ခန္ဓာမှာ ပြောင်းလဲမှုတွေ စတင်နေပါပြီ။ မိဘမျိုးရိုးက လူပျို၊ အပျိုဖော်ကာဝင်စ အချိန်နောက်ကျတယ်ဆိုရင် ကလေးတွေမှာလည်း လူပျိုဖြစ်တာ နောက်ကျနိုင်ပါတယ်။ ၁၄ နှစ်ရောက်တဲ့အထိ လူပျိုဖြစ်တဲ့ လက္ခဏာ၊ ပြောင်းလဲမှုတွေ မတွေ့ရဘူးဆိုမှ လူပျိုဖြစ်တာ နောက်ကျတယ်လို့ သတ်မှတ်လို့ ရပါပြီ။ တချို့ယောက်ျားလေးတွေမှာ testosterone လို့ ခေါ်တဲ့ […]