စိတ်ကျန်းမာရေး

Phobia (ကြောက်ခြင်း)သည် စိုးရိမ်စိတ်လွန်ကဲသောပြဿနာများထဲမှ တစ်ခုဖြစ်ပြီးအမှန်တကယ်မရှိ(သို့) အန္တရာယ်မရှိသည့် တစ်ခုခုကို အဆမတန်ကြောက်ရွံနေခြင်းဖြစ်သည်။ ထိုကဲ့သို့အရာများကိုရှောင်ရှားရန် ကြိုးစားခြင်းအားဖြင့် ကြောက်ရွံစိတ်ကိုပို၍ဖြစ်စေသည်။ အတွေ့ရများတဲ့ကြောက်ရွံ့မှုတွေအကြာင်းကို လေ့လာကြည့်ကြရအောင်။ ကြောက်ခြင်းအကြောင်း မြွေတို့၊ ရေတို့ကိုကြောက်လန့်သည်မှာ ပုံမှန်ပင်ဖြစ်သည်။ သို့သော် ထိုကြောက်ရွံစိတ်သိပ် ပြင်းထန်လျှင် သင်ကိုဖိအားများစေသည်။ ၎င်းကိုကြောက်ရွံခြင်းဟု ခေါ်သည်။ ကြောက်ရွံခြင်းတို့သည် ငယ်စဉ်ဘဝကတည်းက ဖြစ်တတ်ပြီး ကြွက်၊ ပိုးကောင်၊ ကျောင်း၊ သွားဆရာဝန်၊ ရေ၊ မြွေ၊ လူအုပ်(သို့) တစ်ယောက်တည်းဖြစ်နေခြင်းတို့ကို ကြောက်တတ်ကျသည်။ ပုံမှန်အားဖြင့် လူတို့သည် အရာဝတ္ထုများသက်သက်ကို မကြောက်ပါ။ သို့သော် ၎င်းတို့က ဘယ်အရာတွေကိုဖြစ်စေသည် သင့်အပေါ်မည်သို့ သက်ရောက်စေနိုင်သည်ကို သင်ကြောက်ရွံ့ခြင်းဖြစ်နိုင်ပါသည်။ ကြောက်ရွံခြင်းကိုသေချာမကုသလျှင် ၎င်းသည် သင့်ကိုစိတ်ဓါတ်ကျခြင်းနှင့် အခြား စိတ်ရောဂါဝေဒနာများ(သို့) ကျန်းမာရေးညံ့ဖျင်းမှုများ ဖြစ်စေနိုင်ပါသည်။ နေစဉ်လုပ်ငန်းဆောင်တာများဖြစ်သည့် အလုပ်လုပ်ခြင်း၊ အိပ်ခြင်းတို့ကိုလည်းထိခိုက်နိုင်ပါသည်။ ကြောက်ခြင်းအမျိုးအစားများ • Acrophobia; အမြင့်ကြောက်ခြင်း။ သင်ကိုယ်သင် အမြင့်တွင်မနေနိုင်ဟုခံစားရမည်။ […]

တကယ်လို့ လူတိုင်းဟာ သင့်ကို ထားခဲ့နိုင်တယ်လို့တွေးပြီး ကြောက်နေတယ်ဆိုရင်၊ မကြာခဏ ပျင်းပြီး အဓိပ္ပါယ်မရှိဖြစ်နေတယ် ဆိုရင် (သို့) တစ်ယောက်တည်းနေလို့မဖြစ်ဖူးလို့ ခံစားနေရတယ်ဆိုရင် သင့်မှာ Borderline personality disorder ရှိနေနိုင်ပါတယ်။ Borderline personality disorder ဟာ သင့်စိတ်ကျန်းမာရေးရော ကိုယ်ခန္ဓါ ကျန်းမာရေးအထိတောင် ထိခိုက်နိုင်တဲ့ စိတ်ပိုင်းဆိုင်ရာ ပြဿနာ တစ်ခု ဖြစ်ပါတယ်။ Borderline personality disorder ဆိုတာဘာလဲ။ Borderline personality disorder ဟာ ပြင်းထန်တဲ့ စိတ်ရောဂါ အခြေအနေတစ်ခု ဖြစ်ပါတယ်။ Borderline personality disorder ရှိတဲ့သူတွေဟာ စိတ်မတည်ငြိမ်ပဲ ဆက်ဆံမှုဆိုင်ရာ၊ အပြုအမူပိုင်းဆိုင်ရာ၊ လုပ်ငန်းဆောင်တာ ပိုင်းဆိုင်ရာ၊ ကိုယ့်ကိုယ်ကို တွေးတော ယူဆပုံပိုင်းဆိုင်ရာမှာ ပြဿနာရှိတတ်ကြပါတယ်။ ဒီရောဂါဟာ ကိုယ့်ကိုယ်ကို တွေးတောပုံနဲ့ […]

စိတ်ကျရောဂါရှိသည့် လူတစ်ယောက်ကိုကူညီခြင်းသည် မလွယ်ကူဘဲအလွန်ခက်ခဲပါသည်။ အကယ်၍ ထိုလူသည် မိသားစုဝင်ဖြစ်ပါက ပို၍ခက်ခဲပါသည်။ သင့်ကူညီမှုသည် သင့်မိသားစုဝင်၏ ပြန်လည်ကောင်းမွန်မှုတွင် ကြီးမားသောသက်ရောက်မှုရှိသည်ကို သိသင့်ပါသည်။ စိတ်ကျရောဂါလက္ခဏာများကိုနားလည်ခြင်း စိတ်ကျရောဂါရှိသူကို aစာင့်ရှောက်ခြင်း၏ပထမအဆင့်မှာ သူတို့၏အခြေအနေကိုနှင့် ရောဂါလက္ခဏာကို နားလည်ရန်လိုကာ သူ(သို့) သူမအပေါ် ဘာတွေတိကျစွာလုပ်ပေးရမည်ကို သိနိုင်မည်ဖြစ်သည်။ စိတ်ကျရောဂါ၏ အတွေ့များသောလက္ခဏာများမှာအောက်ပါတို့ဖြစ်သည်။ • ခံတွင်းပျက်ခြင်း(သို့) ရုတ်တရက်အလေးချိန်ကျခြင်း • အစားအသောက်ပြဿနာဖြစ်ခြင်း (သို့)မိမိကိုယ်ကိုခံယူချက်အားနည်းခြင်း • အမြဲတမ်းဝမ်းနည်းခြင်း၊ မျှော်လင့်ချက်မဲ့ခြင်း၊ စိတ်အနှောင့်အယှက်ဖြစ်ခြင်း၊ ရင်ထဲဘာမှမရှိခြင်းတို့ခံစားနေရခြင်း • လွယ်ကူစွာစိတ်ဆိုးခြင်း၊ စိတ်တိုခြင်း(သို့) ဝမ်းနည်းခြင်း • အအိပ်ပြဿနာ၊ အိပ်မပျော်ခြင်း(သို့) အလွန်အမင်းအိပ်ခြင်း • အားအင်ကုန်ခမ်းပြီးအမြဲပင်ပန်းနေခြင်း • စိုးရိမ်စိတ်များခြင်း၊ စိတ်တိုခြင်း၊ ဂဏာမငြိမ်ဖြစ်ခြင်း • လူမှုဆက်ဆံရေးတွင် ပြဿနာများရှိခြင်း၊ အတွေးနှင့် တုန့်ပြန်မှုနှေးခြင်း၊ အာရုံစိုက်ခြင်း၊ ဆုံးဖြတ်ချက်ချခြင်း၊ အကြောင်းအရာများ ပြန်တွေးခြင်းတို့တွင် ခက်ခဲခြင်း၊ • သေဆုံးခြင်း၊ မိမိကိုယ်ကိုသတ်သေရန် အတွေးများ၊ သတ်သေရန်ကြိုးပမ်းခြင်းတို့ကိုမကြာခဏစဉ်းစားခြင်း • ခေါင်းကိုက်ခြင်း၊ ကျောအောင့်ခြင်း(သို့) အစာအိမ်အောင့်ခြင်းစသည့် ရုပ်ပိုင်းဆိုင်ရာ ပြဿနာများရှိခြင်းတို့ဖြစ်သည်။ အထက်တွင်ဖော်ပြထားသည့် လက္ခဏာများသည် လူတစ်ဦးနှင့် တစ်ဦးကွဲပြားနိုင်သည်။ သို့သော် ယေဘူရအားဖြင့် စိတ်ကျခြင်းသည် နေ့စဉ်ကိစ္စများတွင် […]

အိမ်တွင်းအကြမ်းဖက်ခြင်းကို ဘယ်လိုဖြေရှင်းမလဲ။ အိမ်တွင်းအကြမ်းဖက်ခြင်း ဆိုတာက ခင်ပွန်းသည်၊ လက်တွဲဖော်၊ ကလေး၊ အသက်ကြီးသူ(သို့) အခြားမိသားစုဝင်တို့အတွင်း တွေ့ရသည့် အရာတစ်ခုဖြစ်ပါတယ်။ ဒါက ဘယ်သူ့ဆီမှာမဆို ဖြစ်နိုင်ပြီးထိခိုက်ခံရသူရဲ့ ရုပ်ပိုင်းဆိုင်ရာသာမက စိတ်ပိုင်းဆိုင်ရာပါ သက်ရောက်မှုရှိပါတယ်။ အကြမ်းဖက်သူများက ကြောက်ရွံခြင်း၊ အပြစ်ရှိခြင်း၊ ရှက်ရွံမှုတို့ကို အသုံးပြုပြီး သင့်ကို စိတ်ပင်ပန်းအောင် (သို့) ထိခိုက်အောင် လုပ်သလိုမျိုး သင်နဲ့ သင့်နားရှိလူများကိုလည်း ခြိမ်းခြောက်နိုင်ပါတယ်။ အိမ်တွင်းအကြမ်းဖက်ခြင်းရဲ့ ပြဿနာများနဲ့ လက္ခဏာများကို နားလည်ထားခြင်းက သင် အကြမ်းဖက်ခံရတဲ့အခါ ဘယ်လိုကိုင်တွဲမလဲနဲ့ ကိုယ့်ကိုကိုယ် ကူညီနိုင်ဖို့ အထောက်အပံ့ပေးပါတယ်။ အိမ်တွင်းအကြမ်းဖက်ခြင်း ဆိုတာဘာလဲ။ ရုပ်ပိုင်းဆိုင်ရာ (ကာယပိုင်းဆိုင်ရာ) အကြမ်းဖက်ခြင်းနဲ့ အိမ်တွင်းအကြမ်းဖက်ခြင်း ရုပ်ပိုင်းဆိုင်ရာအကြမ်းဖက်ခြင်း ဆိုတာက လူတစ်ယောက်ကို ထိခိုက်စေလိုတဲ့ (သို့) အန္တရာယ်ရှိစေနိုင်တဲ့ ရည်ရွယ်ချက်များနဲ့ အင်အားသုံး အနိုင်ကျင့်ခြင်းဖြစ်ပါတယ်။ အကြမ်းဖက်ခံရသူရဲ့ ခန္ဓာကိုယ်မှာ […]

အကောင်းမြင်တတ်ခြင်းသည် လူတွေသူတို့၏ ဘဝဇာတ်လမ်းများကို မည်ကဲ့သို့ တုန့်ပြန်သည်ဆိုသ်ည့အချက်အပေါ် သိသာသောသက်ရောက်မှုဖြစ်စေသည်။ သင်သည်ပြီးပြည့်စုံသော ကျန်းမာရေးအခြေအနေတွင်ဖြစ်စေ၊ ရင်သားကင်ဆာကဲ့သို့ သေစေသောရောဂါနှင့် ရုန်းကန်ရသည်ဖြစ်စေ အကောင်းမြင်တတ်သော ကင်ဆာရောဂါသည်သည် ပို၍ကျန်းမာနိုင်သည်။ ကင်ဆာဟုသိရှိပြီးနောက် လူနာများသည် ကုသမှုပေါင်းများစွာကို ဖြတ်သန်းရမည်ဖြစ်သည်။ ကုသမှုများကို ရင်ဆိုင်နိုင်ရန် လူနာများအကောင်းဘက်တွေးအောင်နဲ့ ကြိုတင်ပြင်ဆင်တတ်အောင် အားပေးကာဖန်တီးယူကြရမည်ဖြစ်သည်။ ရင်သားကင်ဆာကုသမှု၏ သက်ရောက်မှုများကို ခံရပြီးနောက်တွင် အပြုံးပန်းဆင်ထားနိုင်ဖို့ဆိုတာ မလွယ်ကူသောအရာတစ်ခုဖြစ်သည်။ ထို့ပြင် အခြားလူများနှင့်ဆက်ဆံရာတွင်လည်း ခက်ခဲသောပြဿနာပင်ဖြစ်သည်။   ရောဂါကို မည်သို့တုံပြန်မည်နည်း။ ပုံမှန်တွင် ရင်သားကင်ဆာလူနာများသည် ရောဂါကိုမည်သို့တုန့်ပြန်ရမည်နှင့် ပတ်သက်၍ စိတ်ရှုပ်ထွေးနိုင်ပါသည်။ အချို့မှာ ထိုကဲ့သို့ဖြစ်ပေါ်နေသော်လည်း အပေါ်ယံဟန်ဆောင်ကာ အကောင်းမြင်စိတ်ရှိသလို နေတတ်ကြသည်။ အကြောင်းမှာ အခြားသူများအနေဖြင့် သူတို့၏ ကျန်းမာရေးကို အလွန်အမင်းမစိုးရိမ်ရလေအောင်ဖြစ်သည်။ သို့သော် ထိုကဲ့သို့ ဟန်ဆောင်နေခြင်းသည် မည်သည့်ကောင်းကျိုးမှမပေးဘဲ လူနာအတွက် ဖိအားသာဖြစ်စေသည်။ စိတ်ဓါတ်ကျခြင်း၊ ဝမ်းနည်းခြင်း၊ စိုးရိမ်ခြင်းတို့သည် ဘဝ၏ အဓိကပြောင်းလဲမှုများကို […]

စိတ်ဓါတ်တက်ကြွနေအောင်ဘယ်လိုနေမလဲ သင့်အနေနဲ့ ပြောင်းလဲဖို့အချိန်တန်ပြီလို့ ဆုံးဖြတ်လိုက်တာနဲ့ လေ့ကျင့်ခန်းပုံမှန်လုပ်သွားဖို့ လွယ်လွယ်ကူကူစတင်နိုင်မှာပါ။ ဒါပေမယ့် စပြီးတဲ့နောက်မှာဆက်လုပ်ဖို့ကတော့ လူတော်တော်များများအတွက် စိတ်ခေါ်မှုတစ်ခုပဲ ဖြစ်ပါတယ်။ အခက်အခဲတစ်ခုစ နှစ်ခုစတွေ့နိုင်တာပုံမှန်ပါပဲ။ ဒါကိုကိုင်တွယ်ဖို့ အစီအစဉ်တော့ ရှိရပါမယ်။ အလုပ်တွေပိပြီးလေ့ကျင့်ခန်းအတွက် လုံးဝအချိန်မပေးနိုင်တဲ့နေ့မျိုး ကြုံလာနိုင်ပါတယ်။ ဒီလိုကြုံရရင် အရှိအတိုင်းလက်ခံပြီးအကောင်းဖက်ကတွေးပေးဖို့ပါပဲ။ နောက်တစ်နေ့မှာပုံမှန်ပြန်လုပ်နိုင်မှာပါ။ မိမိကိုယ်ကိုအကောင်းမြင်အောင် ဘယ်လိုအားပေးမလဲဆိုတဲ့အကြောင်းလေ့လာပါ။ ဒီအချက်ဟာအခက်အခဲတွေကိုကျော်ဖြတ်ဖို့ အမှန်တကယ် အထောက်အကူုပြုပါတယ်။   သင့်လှုပ်ရှားမှုများကိုမှတ်တမ်းလုပ်ထားပါ သင့်လှုပ်ရှားမှုများကိုမှတ်တမ်းတစ်ခုထားပြီးသင်ပုံမှန်လုပ်စရာရှိတာတွေ လုပ်ဖြစ်နေအောင် ကြိုးစားပါ။ ဒီလိုလုပ်ခြင်းကြောင့် သင်ဟာဘယ်အချိန်တွေမှာလေ့ကျင်ခန်းအတွက် အချိန်မပေးနိုင်သလဲ၊ ဘယ်အချိန်တွေမှာအချိန်ပေးနိုင်သလဲဆိုတာအထောက်အကူပြုပါလိမ့်မယ်။ မှတ်တမ်းတစ်ခုဟာသင့်ရဲ့လုပ်ပုံကိုင်ပုံတွေကိုပိုမြင်သာစေပြီးပုံမှန်လုပ်ငန်းဆောင်တာတွေကိုဘယ်လိုပိုကောင်းအောင်လုပ်မလဲဆိုတာချိန်ဆနိုင်ပါတယ်။ တစ်ပတ်တာအတွင်းမှာလေ့ကျင့်ခန်းအချိန်မပေးနိုင်အောင် အလုပ်များတဲ့နေ့ရှိသလား။ ပြေးမယ့်အစားရေကူးတာဟာသင့်အတွက်အချိန်ပိုကုန်စေပါသလား။ သင် ပိုပြီးလုပ်ချင်တဲ့ လေ့ကျင့်ခန်းတွေ ရှိပါသလား။   ငြီးငွေ့နေပြီလား။ အောက်ဖော်ပြပါထဲကတစ်ခုကို ကြိုးစားကြည့်ပါ။ ငြီးငွေ့မှု ဟာသင်ကြုံရတဲ့အခက်အခဲတစ်ခုဖြစ်နိုင်ပါတယ်။   (၁) ပုံမှန်လုပ်ငန်းဆောင်တာတွေကိုပေါင်းစပ်လိုက်ပါ သင့်ပုံမှန်လုပ်ဆောင်စရာတွေကိုသင်နှစ်ခြိုက်တဲ့ လှုပ်ရှားမှုတွေနဲ့ပေါင်းစပ်မိဖို့ အရေးကြီးပါတယ်။ လုပ်စရာရှိတာတွေ ပေါင်းစပ်လိုက်ရင် သင့်ကိုယ်ခန္ဓါရဲ့မတူညီတဲ့ကြွက်သားအားလုံးကိုအလုပ်ပေးရာရောက်နိုင်ပါလိမ့်မယ်။ သင်ဟာအာကစားရုံထဲမှာနေ့တိုင်းမိနစ်သုံးဆယ်လုပ်နေရတာကို ငြ်ီးငွေ့လာပြီဆိုကြပါစို့။ အပြောင်းအလဲအနေနဲ့ နှလုံးလေ့ကျင့်ခန်းလုပ်တဲ့ဆီတစ်ပတ်မှာတစ်ရက်သွားလိုက်ပါ။ နောက်တစ်ရက်မှာလမ်းမြန်မြန်လျှောက်တာ၊ သူငယ်ချင်းနဲ့ စက်ဘီးစီးတာမျိုးလုပ်ပါ။ ဘယ်လိုပဲလုပ်ရခက်ခဲနေပါစေ၊ သင့်လှုပ်ရှားမှုတွေကိုအမျိုးမျိုးပြောင်းလဲပေးတာဟာကိုယ်ခန္ဓါရဲ့ ကြွက်သားတစ်ခုခုကိုအလွန်အကျွံသုံးရလို့ ဒဏ်ဖြစ်တာမျိုးလည်းမရှိတော့ပါဘူး။   (၂) လေ့ကျင့်ဖော် ရှာပါ တစ်ယောက်ယောက်နဲ့ ဒါမှမဟုတ် […]

ကိုယ့်ကိုယ်ကိုယ်အကောင်းပြောအားပေးခြင်းကခြားနားမှုဖြစ်စေနိုင်လား ကိုယ့်ကိုယ်ကိုစကားပြောတယ်ဆိုတာကစိတ်ထဲမှာသင့်ကိုယ်ကိုသင်စကားပြောနေခြင်းပါ။ ယုံချင်ယုံ၊ မယုံချင်နေပါ။ သင့်ကိုယ်သင်ဘယ်လိုပြောလဲဆိုတာကသင့် စိတ်ခံစားချက်နဲ့အပြုအမူအပေါ်အများကြီးသက်ရောက်မှုရှိပါတယ်။ ဒါကြောင့်လည်းသင့်ကိုယ် သင် ပြောဖြစ်တဲ့ကိုယ်လက်လှုပ်ရှားမှုအကြောင်းတွေ၊ ကျန်းမာရေးအကြောင်း တွေကိုသတိပြုမိဖို့လိုပါတယ်။ ဒါကသင့်ရဲ့အစီအစဉ်အတိုင်းလုပ်လုပ်မလုပ်လုပ်သင့်ရဲ့လုပ်ဆောင်ချက်တွေအပေါ်အကျိုးသက်ရောက်နိုင်ပါတယ်။ သင့်ကိုယ်သင် “ငါကကြံ့ခိုင်တဲ့အကောင်မှမဟုတ်တာ၊ဒီလိုလေ့ကျင့်ခန်းတွေဆက်လုပ်နိုင်မှာ မဟုတ်ပါဘူး” ဒီလိုမျိုးသင်ကျရှုံးစေနိုင်မယ့်စကားတွေမပြောပါနဲ့။ ကံကောင်းစွာနဲ့ပဲသင့်ရဲ့မကောင်းမြင်တဲ့မိမိကိုယ်ကို ပြောစကားတွေကိုလက်တွေ့ကျတဲ့အကောင်းမြင်တဲ့အတွေးတွေအနေနဲ့ ပြောင်းလဲနိုင်ပါတယ်။ နောက်တစ်ခါ လေ့ကျင့်ခန်းတွေနဲ့ပတ်သက်ပြီးသင့်အနေနဲ့မကောင်းတဲ့အတွေးတွေးမိရင်အဲဒီမကောင်းတဲ့အတွေးကိုပစ်ချပြီး ကောင်းမွန်တဲ့အားပေးစကားကိုမိမိကိုယ်ကိုပြန်ပြောနိုင်အောင်ကြိုးစားပါ။   အဆိုးမြင်အတွေးများနဲ့အကောင်းမြင်အတွေးများ   အဆိုးမြင်အတွေး ဥပမာ-ငါအရင်တစ်ပတ်ကတစ်ရက်မှလမ်းမလျှောက်ခဲ့ဘူး။ ငါဟာလေ့ကျင့်ခန်းဘက်မှာလုံးဝအရှုံးသမားပဲ။ အကောင်းဘက်ကပြန်တွေးရင်အရင်အပတ်က၇ရက်မှာ၄ရက်လမ်းလျှောက်ခဲ့တယ်။ ဘာလေ့ကျင့်ခန်းမှ မလုပ်တာထက်စာရင်တော့ပိုကောင်းတာပေါ့။   အကောင်းကိုအဆိုးတွေးခြင်း ဥပမာ-ငါကားကိုစတိုအပေါက်ဝကနေ အဝေးကြီးမှာ ပါကင်ထိုးတာက အနီးမှာထိုးစရာပါကင်ရှာမတွေ့လို့။ အကောင်းဘက်ပြန်တွေးရင် ။ ။ ငါလမ်းလျှောက်ရတာကြိုက်လို့၊လမ်းလျှောက်တာကကျန်းမာရေးလည်းကောင်းလို့။   အကြမ်းဖျင်းတွေးတောခြင်း ဥပမာ-ငါမပြေးနိုင်ဘူး။ ဒါကြောင့်ငါကျန်းမာရေးကောင်းဖို့လုံလောက်တဲ့လေ့ကျင့်ခန်းမရခဲ့ဘူး။ အကောင်းဘက်ပြန်တွေးရင်။ ။ ငါလမ်းလျှောက်ဖြစ်တာဝမ်းသာတယ်။ ဘာလေ့ကျင့်ခန်းမှမလုပ်တာထက်စာရင်တော့ပိုကောင်းတာပေါ့။   အဆိုးဘက်ကအဓိပ္ပါယ်ကောက်ခြင်း ဥပမာ-ဆရာဝန်ကငါလေ့ကျင့်ခန်းမလုပ်ခင်ခြေထောက်ကိုစစ်ဆေးခိုင်းတယ်။ ဒါက လေ့ကျင့်ခန်းလုပ်တာကငါ့ခြေထောက်အတွက်မကောင်းလို့နေမယ်။ အကောင်းဘက်ကတွေးရင်။ ။ ငါ့မှာဆီးချိုရှိတဲ့အတွက်ငါ့ခြေထောက်ကိုဂရုစိုက်ရမယ်။ ဆရာဝန်ကစစ်ဆေးခိုင်းလိုက်တာကောင်းတယ်။   တစ်ကိုယ်ကောင်းအတွေး ဥပမာ-မိုးလေဝသကငါနဲ့ဆန့်ကျင်ဘက်ပဲ။ ငါလမ်းလျှောက်ဖို့စီစဉ်ထားပေမယ့် မိုးက သည်းကြီးမည်းကြီး တောက်လျှောက်ရွာနေတယ်။ အကောင်းဘက်ကပြန်တွေးရင်။ ။ မိုးလေဝသဆိုတာခန့်မှန်းလို့မှမရပဲ။ ငါဒီနေ့လိုမျိုးမိုးရွာတဲ့နေ့တွေမှာအိမ်ထဲမှာပဲ လေ့ကျင့်ခန်းလုပ်မယ်

သင်ဟာ ရုတ်တရက်ကြောက်လန့်ခြင်းဖြစ်ပြီး ထိုကြောက်လန့်မှုကို မိနစ်ပေါင်းများစွာကြာသည်အထိ ခံစားရတာမျိုးဖြစ်ဖူးပါသလား။ ဒီအခြေအနေတွင် သင်ဟာ တခြားဘာကိုမှမစဉ်းစားနိုင်အောင် သို့ အလုပ်ဆက်မလုပ်နိုင်အောင် ဖြစ်နိုင်ပါတယ်။ ဒီအခြေအနေကို အကြောက်လွန်ရောဂါလို့ ခေါ်တယ်။ အကြောက်လွန်ရောဂါအကြောင်းကို သင်ကြားဖူးလား။ ဆန်းစစ်ကြည့်ရအောင်။ သင့်ရဲ့လက္ခဏာတွေကို ဆန်းစစ်ကြည့်ပါ။ လူတော်တော်များများဟာ သူတို့ရဲ့ဘဝမှာ အကြောက်လွန်ခြင်းကို တစ်ကြိမ် သို့မဟုတ် နှစ်ကြိမ်ခံစားဖူးကြတယ်။ အကြောက်လွန်ခြင်းဟာ အလွန်ထိတ်လန့်စရာကောင်းပါတယ်။ အကြောက်လွန်နေချိန်တွင် သင်ဟာ ဘာကိုမှမတွေးနိုင်၊ အသက်မရှူနိုင်အောင် အသိစိတ်လွတ်နေတတ်တယ်။ အမှန်တကယ်အန္တရာယ်မရှိသော်လည်း အလွန်အမင်းစိတ်ပူနေတတ်တယ်။ စိတ်ဒဏ်ရာရစေတဲ့ စိတ်ဖိစီးမှု ကိုဖြစ်စေတဲ့ အဖြစ်အပျက်တွေကျော်လွန်သွားတဲ့အခါ ဒီလက္ခဏာတွေဟာ သက်သာသွားတတ်တယ်။ တချို့လူတွေက အကြောက်လွန်ခြင်းကြောင့် နှလုံးရပ်သွားတဲ့အထိ ပြင်းပြင်းထန်ထန်ဖြစ်သွားတတ်ကြတယ်။ အကယ်၍ သင့်မှာ အကြောက်လွန်ရောဂါရှိမယ်ဆိုရင် သင်ဟာဒီလက္ခဏာတွေကို ခံစားရနိုင်တယ်။ • သင်ဟာ ရုတ်တရက် အကြောက်လွန်ခြင်းနှင့် စိုးရိမ်ပူပန်ခြင်းကို ထပ်ခါထပ်ခါ ခံစားရနိုင်တယ်။ ဒီခံစားချက်က အမြဲလွှမ်းမိုးနေတတ်တယ်။ • တခါတလေ သင်ဟာ […]

သင်ဟာ ဆိုးဝါးတဲ့ ချစ်သူ တစ်ယောက်ဖြစ်နေပြီလို့ သင်စဉ်းစားဖူးပါသလား။ အကယ်၍ သင်တို့ရဲ့ အချစ်ရေးဟာ ကြမ်းတမ်းနေတယ်။ ဒါပေမယ့် အဖြေကို ရှာမတွေ့ဘူး ဆိုရင်တော့ သင့်ကိုသင် ပြန်လည်းဆန်းစစ် ကြည့်သင့်ပါပြီ။ သင်ဟာ ဆိုးဝါးတဲ့ ချစ်သူ တစ်ယောက် ဖြစ်နေပြီဆိုတာ ပြောနိုင်တဲ့ အချက် ၅ချက်ရှိပါတယ်။ https://hellosayarwon.com/healthy-mind/healthy-relationships/%E1%80%9E%E1%80%AC%E1%80%9A%E1%80%AC%E1%80%95%E1%80%BB%E1%80%B1%E1%80%AC%E1%80%BA%E1%80%9B%E1%80%BD%E1%80%BE%E1%80%84%E1%80%BA%E1%80%90%E1%80%B2%E1%80%B7-%E1%80%81%E1%80%BB%E1%80%85%E1%80%BA%E1%80%9E/ သင်က ဆိုးဝါးတဲ့ ချစ်သူ ဖြစ်နေပြီဆိုတာပြတဲ့ အချက်၅ချက် သင်ကဆိုးဝါးတဲ့ ချစ်သူ ဖြစ်နေပြီဆိုတာပြတဲ့ အချက်တွေက ၁။ အရာရာတိုင်းဟာ သင့်ကိစ္စပဲ ဖြစ်နေခြင်း သင်တို့ နှစ်ယောက်ဟာ ဘာပဲ စီစဉ်ထားထား အရာရာတိုင်းဟာ သင့် အရေးကိစ္စပဲ အမြဲဖြစ်နေတတ်ပါတယ်။ သင်တို့နှစ်ယောက် လုပ်မယ့် အရာတွေမလုပ်ခင်မှာ သင့်ရဲ့ ခွင့်ပြုချက်တွေကို ယူနေရတာမျိုးတွေ၊ သူ့မှာ ဘာကိစ္စပဲရှိပါစေ သင့်ရဲ့ဘေးမှာ တစ်နေ့လုံး ရှိနေစေချင်တာမျိုးတွေ၊ သင်ဟာ သူ့ရဲ့ အရေးအကြီးဆုံးနဲ့ […]

လူသားတိုင်းရဲ့ဘဝတွင် စိတ်ခံစားချက်နှင့် အတွေးအခေါ်တွေအပေါ် သက်ရောက်စေသော အကြောင်းအရင်းများစွာရှိတယ်။ လုပ်ငန်းခွင်ပြဿနာ၊ အိမ်ထောင်ရေးအဆင်မပြေမှုနှင့် ငွေကြေးပြဿနာတွေက လူတွေကို သတ်သေလိုစိတ်ဖြစ်စေနိုင်ပါတယ်။ ဒီဆောင်းပါးက လူတွေကို သတ်သေလိုတဲ့စိတ်ခံစားမှု နဲ့ အတွေးအခေါ်တွေကို ကျော်လွှားနိုင်အောင် ကူညီပါလိမ့်မယ်။ သင့်ရဲ့စိတ်ကို သန်မာအောင် ပျိုးထောင်ပါ။ ကြံ့ခိုင်သန်မာတဲ့ စိတ်ဓာတ်နှင့် ကိုယ်ခန္ဓာက သင့်ကို သတ်သေချင်တဲ့ အတွေးအခေါ်၊ ခံစားချက်နှင့် အပြုအမူတွေကနေ ကာကွယ်ပေးလိမ့်မယ်။ သင့်ရဲ့ ခံနိုင်ရည်နှင့် သည်းခံနိုင်မှုကို အောက်တွင်ပြထားတဲ့အချက်တွေက ကူညီနိုင်ပါလိမ့်မယ်။ •သင့်မိသားစုဝင်များ သူငယ်ချင်းများနှင့် ခိုင်မာတဲ့ဆက်ဆံရေးတည်ဆောက်ပါ။ သင့်ကို ကူညီထောက်ပံ့နေတဲ့သူတွေနဲ့ အဆက်အသွယ် မပြတ်ပါစေနဲ့။ သင်ဟာ တခြားလူတွေနှင့် ဝေးကွာနေတယ်လို့ ခံစားနေရပါက ပြန်လည်ဆက်သွယ်ဖို့ ကြိုးစားပါ။ သင်အကူအညီလိုပါက သူတို့က သင့်ကို ကူညီနိုင်ပါလိမ့်မယ်။ • လိုအပ်ပါက အကူအညီတောင်းပါ။ သင်ပျော်ရွှင်စေမယ့် အရာတွေလုပ်ဆောင်ပါ။ သင့်ပြဿနာဖြေရှင်းတဲ့ စွမ်းရည်ကို တိုးတက်အောင်လုပ်ပါ။ • […]