ကျန်းမာစေမည့်အလေ့အကျင့်များ

Thirdhand smoke ဆိုတာ ဘာလဲ ၊ ဘာကြောင့် အရေးကြီးတာလဲ ဆးလိပ်သောက်ခြင်းဟာ ကင်ဆာ၊ နှလုံးရောဂါနဲ့ ငယ်ငယ်ရွယ်ရွယ်သေဆုံးမှုတွေကို ဖြစ်စေတယ်ဆိုတာ သက်သေပြနိုင်ဖို့ ဆယ်စုနှစ်များစွာ ကြာခဲ့ပါတယ်။ အဲဒီလိုပဲ သူတစ်ပါးသောက်တဲ့ ဆေးလိပ်ငွေ့တွေကို ရှူရှိုက်မိခြင်းကလည်း အန္တရာယ်ပေးတယ်ဆိုတာသိဖို့ အချိန်တွေ ယူခဲ့ရပါတယ်။ အခုအခါမှာတော့ သိပ္ပံပညာရှင်တွေက ဆေးလိပ်နဲ့သက်ဆိုင်တဲ့ နောက်ထပ်တွေ့ရှိချက်တစ်ခုကို ထုတ်ဖော်လိုက်ပါပြီ။ အဲဒါကတော့ Thirdhand smoke လို့ခေါ်တဲ့ ဆေးလိပ်ငွေ့ကြောင့် အခန်းတွင်းမှာ ကျန်နေခဲ့တဲ့ နီကိုတင်းနဲ့ တခြားဓါတုပစ္စည်း အကြွင်းအကျန်တွေပါပဲ။ အဲဒီအကြွင်းအကျန်တွေဟာ အခန်းထဲမှာရှိနေတဲ့ ညစ်ညမ်းပစ္စည်း အိုဇုန်း၊ နိုက်ထရပ်စ်အက်ဆစ်တို့နဲက ပေါင်းသွားရင် နောက်ထပ်ပစ္စည်းတစ်ခု ဖြစ်သွားပါတယ်။ အဲဒီအငွေ့တွေက ဖုန်မှုန်တွေနဲ့ရောပြီး ကောဇောပေါ်၊ ပရိဘောဂပစ္စည်းတွေပေါ် ရောက်ကုန်ပါတယ်။ နောက်ပြီး ဆံပင်၊ အရေပြား၊ အဝတ်အစားနဲ့ လက်သည်းတွေပေါ်မှာလည်း ရှိနေနိုင်ပါတယ်။ […]

အကိုက်ခံရခြင်း ဆိုတာဘာလဲ။ အများစုအားဖြင့် ရန်ဖြစ်ကြတဲ့အခါမှာ ကလေးအချင်းချင်း ကိုက်မိတတ်ကြပါတယ်။ ငယ်ရွယ်တဲ့ကလေးတွေမှာ ဖြစ်တတ်ပြီး လက်မောင်း သို့မဟုတ် လက်ဖျံမှာ ဖြစ်တတ်ပါတယ်။ နည်းနည်းကြီးသွားရင် လက်သီးနဲ့ထိုးရင်း သွားနဲ့ထိခိုက်မိတာမျိုး ဖြစ်တတ်ပါတယ်။ တိရစ္ဆာန်ကိုက်တာထက်စာရင် လူကကိုက်ခြင်းက ပိုပြီး ပိုးဝင်လွယ်ပါတယ်။ လက်မှာဖြစ်ရင်တော့ နောက်ဆက်တွဲပြဿနာတွေ ပိုများတတ်ပါတယ်။ ကိုက်ခံရခြင်းရဲ့ ရောဂါလက္ခဏာတွေက ဘာတွေလဲ။ အနာတစ်ဝိုက်မှာ ရဲလာမယ်၊ ရောင်လာမယ်၊ ထိလိုက်တာနဲ့ နာမယ်၊ ပြည်ထွက်မယ်။ အနာမှာတင်မကတော့ဘဲ ပြန်ရည်ကြောတစ်လျှောက်မှာ ရောင်ရမ်းနာကျင်မှုတွေ ဖြစ်လာမယ်။ အကြိတ်တွေ ထွက်လာမယ်။ အဖျားကြီးမယ်၊ ချမ်းတုန်လာမယ်။ သင့်အနေနဲ့ ဘာလုပ်သင့်သလဲ။ ထိုးသွင်းဒဏ်ရာနဲ့ စုတ်ပြဲဒဏ်ရာဖြစ်ရင် ဖြစ်ဖြစ်ချင်း စီးဆင်းနေတဲ့ရေအောက်မှာ ဆပ်ပြာနဲ့ ၁၀မိနစ်ခန့် ဆေးချပစ်ပါ။ သင့်ကလေးကို မေးခိုင်ကာကွယ်ဆေးထိုးထားမထား ပြန်စစ်ပါ။ ပြတ်ရှမှုများအတွက် ဆပ်ပြာ၊ ရေတို့နဲ့ ၅မိနစ်ခန့် ဆေးပါ။ ဒီအတိုင်းထားလည်း ရသလို၊ ညစ်ပတ်လွယ်တဲ့ နေရာမျိုးမှာဖြစ်ရင်တော့ […]

ဆေးလိပ်ဖြတ်တာက အချိန်ကြာမြင့်စွာလုပ်ဆောင်ရမယ့် အရာတစ်ခု ဖြစ်ပါတယ်။ တစ်နေ့တည်း တစ်ရက်တည်းနဲ့လုပ်လို့ရတဲ့ ကိစ္စရပ်မျိုးတော့မဟုတ်ပါဘူး။ ဒါပေမယ့် ဆေးလိပ်သောက်သုံးတဲ့ပမာဏကို တဖြည်းဖြည်းချင်းလျော့ချသွားတာက အချိန်တိုအတွင်းမှာ နီကိုတင်းစွဲလမ်းမှု ပြဿနာကနေပြန်လည်သက်သာလာစေနိုင်ပါတယ်။ ဆေးလိပ်စွဲလမ်းမှုကနေ ပြန်လည်ကောင်းမွန်လာစေတဲ့ နည်းလမ်းတွေထဲမှာ ဆေးလိပ်သောက်ချင်စိတ်ဖြစ်ပေါ်မှုကို ဘယ်လောက်အထိခွဲခြားသိမြင်သလဲဆိုတဲ့အချက်နဲ့ ဆေးလိပ်သောက်ချင်စိတ်ဖြစ်ပေါ်တဲ့အခါ အစားစားခြင်း၊ အိပ်စက်ခြင်း (သို့) လေ့ကျင့်ခန်းလုပ်ဆောင်ခြင်းလိုမျိုး ဆေးလိပ်သောက်တာထက် ပိုမိုကောင်းမွန်တဲ့နည်းလမ်းနဲ့ တုံ့ပြန်ဖြေရှင်းမှုတွေပါဝင်နေပါတယ်။ လှုပ်ရှားဆောင်ရွက်မှုတွေ၊ စိတ်ခံစားမှုတွေနဲ့ ဆေးလိပ်သောက်သုံးမှုတို့ကြားမှာ ဆက်စပ်မှုတွေရှိနေပါတယ်။ စိတ်လှုပ်ရှားတဲ့အခါမျိုးမှာလည်းဆေးလိပ်သောက်သုံးသလို စိတ်ဆိုးဒေါသဖြစ်တဲ့အခါမျိုးမှာလည်း စိတ်တည်ငြိမ်အောင် ဆေးလိပ်သောက်ကြပါတယ်။ စိတ်ဆိုးတဲ့အခါ ဆေးလိပ်သောက်လိုက်ရင် စိတ်တည်ငြိမ်သွားတယ်လို့ ခံစားမိပါတယ်။ စိတ်လှုပ်ရှားတဲ့အခါမှာလည်း စီးကရက်တစ်လိပ်သောက်သုံးလိုက်ရင် စိတ်တည်ငြိမ် သွားတယ်လို့ယူဆတတ်ပါတယ်။ ဗိုက်ဆာတဲ့အခါမျိုးမှာလည်း စီးကရက်တစ်လိပ်လောက်တော့ သောက်လေ့ရှိကြပါတယ်။ သည်အလေ့အထတွေကိုလုပ်မိပြီးရင်း လုပ်မိနေတတ်ကြပါတယ်။ ရုပ်ပိုင်းဆိုင်ရာ နီကိုတင်းစွဲလမ်းမှုနဲ့ စိတ်ပိုင်းဆိုင်ရာစွဲလမ်းမှုတို့ကြားမှာ ဆက်စပ်မှုရှိနေပြီး အဆိုပါဆက်စပ်မှုက ကျွန်တော်တို့ကိုဆေးလိပ်စွဲအောင် လုပ်ဆောင်နေတာပဲဖြစ်ပါတယ်။ ကိုယ်ကိုကိုယ် စိတ်ရှည်ရှည်ထားပေးပါ။ […]

တစ်ဆင့်ခံဆေးလိပ်ငွေ့ဆိုတာက မီးညှိထားတဲ့စီးကရက်ကနေ ထွက်လာတဲ့ မီးခိုးငွေ့နဲ့ ဆေးလိပ်သောက်သုံးသူက မှုတ်ထုတ်လိုက်တဲ့ ဆေးလိပ်ငွေ့တွေ ပေါင်းစပ်မှုကြောင့်ဖြစ်ပါတယ်။ တစ်ဆင့်ခံဆေးလိပ်ငွေ့မှာလည်း ဆေးလိပ်သောက်သုံးသူ ရှူရှိုက်လိုက်သော အန္တရာယ်များတဲ ဓါတုပစ္စည်းတွေ ပါဝင်တာချင်းအတူတူပဲဖြစ်ပါတယ်။ တစ်ဆင့်ခံ ဆေးလိပ်ငွေ့မှာ ဓါတုပစ္စည်း ၇,၀၀၀ ကျော်ပါဝင်ပါတယ်။ ဓါတုပစ္စည်း ရာပေါင်းများစွာက အဆိပ်ဖြစ်စေပြီး ၇၀ ကတော့ ကင်ဆာဖြစ်စေနိုင်ပါတယ်။ တစ်ဆင့်ခံဆေးလိပ်ငွေ့က နှလုံးသွေးကြောဆိုင်ရာ ရောဂါဖြစ်စေနိုင်ပါတယ်။ ကိုယ်တိုင်ဆေးလိပ်သောက်သုံးသူလိုပဲ တစ်ဆင့်ခံဆေးလိပ်ငွေ့ရှုရှိုက်မိတာကလည်း နှလုံးရောဂါအမျိုးမျိုးကိုဖြစ်ပေါ် စေနိုင်ပါတယ်။ တဆင့်ခံဆေးလိပ်ငွေ့က ဆေးလိပ် မသောက်သုံးသူတွေမှာတောင် နှလုံးသွေးကြောဆိုင်ရာ ရောဂါတွေ ခံစားရနိုင်ခြေများစေပါတယ်။ နေအိမ်မှာတစ်ဆင့်ခံဆေးလိပ်ငွေ့ကို ကာလရှည်ကြာ ရှူရှိုက်နေမိသူတွေမှာ ဆေးလိပ်ငွေ့ နဲ့လုံးဝမထိတွေ့မိသူတွေနဲ့ နှိုင်းစာရင် နှလုံးရောဂါဖြစ်နိုင်ခြေ ၂၅ ရာခိုင်နှုန်းကနေ ၃၀ ရာခိုင်နှုန်း အထိပိုများနေတာကို တွေ့ရှိရပါတယ်။ တစ်ဆင့်ခံ ဆေးလိပ်ငွေ့ကို ရှူရှိုက်နေရသူတွေမှာ နှလုံးရောဂါ ဖြစ်နိုင်ချေ အန […]

ဆေးလိပ်ဖြတ်ပြီး ဝလာတာက အမြဲမဖြစ်တတ်ပေမယ့် အတွေ့ရတော့များပါတယ်။ သိပ်စိတ်ပျက်စရာ မလိုပါဘူး။ ဆေးလိပ်ဖြတ်လိုက်တာဟာ ကောင်းမွန်တဲ့ အလုပ်တစ်ခုကို လုပ်လိုက်တာပါပဲ။ ဆေးလိပ်ဖြတ်လိုက်ရင် ဝလာတာနဲ့ ပတ်သက်ပြီး တစ်ယောက်နဲ့တစ်ယောက် မတူကြပါဘူး။ ပိန်သွားတဲ့လူရှိသလို အနည်းစုကတော့ ပေါင် ၂၀ကျော်လောက်အထိ တက်လာတာမျိုးတွေလည်း ရှိပါတယ်။ တကယ်လို့ ဝလာတာက သင့်အတွက် ပြဿနာ ဖြစ်နေရင်တော့ အကူအညီရယူနိုင်ပါတယ်။   ဘာကြောင့် အဲဒီလို ဝလာတာလဲ အကြောင်းရင်းတချို့ကြောင့် ဖြစ်တတ်ပါတယ်။ • ဆေးလိပ်ဖြတ်လိုက်ရင် ကိုယ့်ကိုယ်ကိုယ်ဆုချတဲ့အနေနဲ့ အစားစားတာ၊ သွားရည်စာစားတာတွေ လုပ်မိတတ်ပါတယ်။ • လက်နဲ့ပါးစပ်နဲ့ထိတွေ့ရတဲ့ ခံစားမှုကို အစားထိုးဖို့ အစားစားမိတတ်ကြပါတယ်။ • နီကိုတင်းက ဇီဝဖြစ်စဉ်တွေကို မြန်ဆန်စေတာမို့ ဆေးလိပ်ဖြတ်လိုက်ပြိးနောက်မှာ ပုံမှန်ပြန်ဖြစ်လာပြီး ကိုယ်အလေးချိန်လည်း ပြန်တက်လာတတ်ပါတယ်။ • နီကိုးတင်းက အစာစားချင်စိတ်ကို နည်းစေတာကြောင့် ဆေးလိပ်ဖြတ်စ ရက်အနည်းငယ်မှာ ပုံမှန်ထက် ပိုဆာနေတာမျိုး ခံစားရနိုင်ပါတယ်။ အချိန်ကြာလာတာနဲ့အမျှ […]

နီကိုတင်းအစားထိုးကုထုံးဆိုတဲ့ အသုံးအနှုန်းကို ကြားဖူးပါသလား။ သည်အသုံးအနှုန်းဟာ ဆေးလိပ်မသောက်တဲ့ သာမန်သူတွေအတွက်တော့ ထူးဆန်းနေနိုင်ပါတယ်။ ဒါပေမယ့် နီကိုတင်းစွဲလန်းနေတဲ့သူတွေအတွက်ကတော့ စဉ်းစားသင့်တဲ့အချက်တစ်ချက်ပါ။ နီကိုတင်းအစားထိုးကုထုံးဆိုတာက ဆေးလိပ်သောက်သုံးသူတွေကို နီကိုတင်းဆေးပြားတွေ၊ ပီကေ၊ ပူရှိန်ပြား ဒါမှမဟုတ် နီကိုတင်း ရှူဆေးဘူးတွေကို အသုံးပြုပြီး စီးကရက်သောက်သုံးမှု အနေအထားကို ပြောင်းလဲအောင် လုပ်ဆောင်ပေးမယ့် ကုထုံးတစ်ခုဖြစ်ပါတယ်။ သည်ကုသမှုကို ဆေးလိပ်သောက်သုံးသူတွေက ခံနိုင်စွမ်းရှိမလားဆိုတဲ့ စိုးရိမ်မှုတွေကတော့ ကြီးထွားလာနေပါတယ်။ အရင်ဆုံးအနေနဲ့ ကုထုံးခံယူမယ့်သူက ဆေးလိပ်သောက်သုံးမှုနဲ့ နီကိုတင်းအစားထိုးကုထုံး (NRT) တို့ကို ပိုနားလည်သွား အောင်လုပ်လိုက်ကြပါစို့။ အရာရာတိုင်းက ဒိုဖာမင်း (dopamine) ကနေအစပြုတာဖြစ်ပါတယ်။ ဒိုဖာမင်းကကျွန်တော်တို့ကို စိတ်ကျေနပ်မှုရစေနိုင်တဲ့အရာလို့ ယူဆနိုင်ပါတယ်။ တစ်ခုခုကိုအောင်မြင်တဲ့အခါမျိုး၊ ပြိုင်ပွဲမှာအနိုင်ရတဲ့အခါမျိုး၊ ရွှေခါးပတ်ဆုရှင်ဖြစ်တဲ့အခါမျိုးနဲ့ လိင်ဆက်ဆံမှုမှာ စိတ်ကျေနပ်မှုရတဲ့အခါမျိးတွေမှာ ကျွန်တော်တို့တွေရဲ့ ဦးနှောက်က ဒိုဖာမင်လို့ခေါ်တဲ့ဓါတ် ပစ္စည်းလေးကို ထုတ်လွှတ်ပေးပါတယ်။ ရိုးရိုးရှင်းရှင်းပြောရမယ်ဆိုရင်တော့ သည်ဓါတ်ကစိတ်ကျေနပ်မှုကို […]

အခုခေတ်မှာေ ဆးလိပ်ဖြတ်နိုင်မယ့်နည်းတွေ အများအပြားရှိပါတယ်။ ဒါပေမယ့် နည်းလမ်းအားလုံးက ပြင်းပြင်းထန်ထန်ကြိုးစားဖို့တော့ လိုအပ်ပါတယ်။ နီကိုတင်းအစားထိုး ကုသမှုကုထုံးကလည်း ဆေးလိပ်ဖြတ်တဲ့ကုထုံးတွေထဲက တစ်ခုပဲဖြစ်ပါတယ်။ NRT (နီကိုတင်း အစာထိုးကုထုံး) က စီးကရက်မှာပါဝင်တဲ့ နီကိုတင်းပမာဏထက်နည်းပါးတဲ့ နီကိုတင်းဓါတ်ကို ထောက်ပံ့ပေးတဲ့ အစားထိုးကုထုံးဖြစ်ပါတယ်။ သည်ကုထုံးက နီကိုတင်း ငုံဆေးပြား၊ ပီကေ ၊ ပူရှိန်းပြား၊ ရှူဘူးနဲ့ စပရေး (ဖျန်းဆေး)တွေကို အသုံးပြုပြီး ဆေးလိပ်ပြတ်အောင်ကုသတဲ့နည်းလမ်းဖြစ်ပါတယ်။ NRT (နီကိုတင်းအစားထိုး) ကုထုံးကို အသုံးပြုခြင်းအားဖြင့် ဆေးလိပ်သောက်သုံးသူဟာ တဖြည်းဖြည်းချင်း ဆေးလိပ်ပြတ်လာတဲ့ လက္ခဏာတွေကိုတွေ့ကြုံခံစားလာရပြီး ဆေးလိပ်ဖြတ်ဖို့ပိုမိုလွယ်ကူတဲ့နည်းလမ်းတွေကို တွေ့ရှိလာရမှာဖြစ်ပါတယ်။ သည်မှာတော့ NRT ကုထုံးအမျိုးအစားအများအပြားရှိပါတယ်၊ ကိုယ်နဲ့အဆင်ပြေမယ့် နည်းတစ်ခုကိုတော့ရွေးချယ် ရမှာဖြစ်ပါတယ်။ နီကိုတင်း ပီကေ -နီကိုတင်းပီကေကို ဆေးဆိုင်တိုင်းမှာဝယ်ယူလို့ရပါတယ်။ အထူးစီမံထားတဲ့ သည်ပီကေက နီကိုတင်းပမာဏကို လျော့ချထည့်သွင်းထား တာကြောင့် […]

ဆေးလိပ်ဖြတ်တာက ခက်ခဲတဲ့ကိစ္စဆိုပေမယ့် သင်လုပ်ဆောင်နိုင်မှာပါ။ ဆေးလိပ်ကိုဖြတ်ပြီး ဆေးလိပ်မသောက်တဲ့သူတစ်ဦးအနေနဲ့နေထိုင်နိုင်မယ့် အကောင်းဆုံးသောအခွင့်အရေးရှိနေပါတယ်။ သင့်အနေနဲ့ ဘယ်အပေါ်မှာ မှီခိုစွဲလမ်းနေသလဲဆိုတာကို သိရှိဖို့လိုအပ်သလို သင်ဆန္ဒရှိတဲ့အရာက ဘာလဲဆိုတာကိုသိရှိဖို့လည်း လိုအပ်တဲ့အပြင် အကူအညီရရှိနိုင်ဖို့အတွက် ဘယ်နေရာမှာ အကူအညီရယူရမလဲဆိုတာကိုလည်း သိရှိဖို့လိုအပ်ပါတယ်။ ဘာကြာင့်ဆေးလိပ်ဖြတ်ချင်ရတလဲဆိုတာကို ကိုယ့်ကိုကိုယ် မေးကြည့်သင့်သလို ဆေးလိပ်ဖြတ်တာက အခြားသူတွေအတွက်လည်း တော်တော်လေးခက်ခဲတဲ့အရာဆိုတာကိုသိထားဖို့လိုအပ်ပါတယ်။ Blame nicotine နီကိုတင်းဓါတ်ဟာ ဆေးရွက်ကြီးမှာသဘာဝအတိုင်းတွေ့ရလေ့ရှိတဲ့ ဘိန်းဖြူနဲ့ကိုကင်းတို့လိုမျိုးစွဲလမ်းစေနိုင်တဲ့ ဆေးဝါးတစ်မျိုးဖြစ်ပါတယ်။ အချိန်တော်တော်များများမှာ လူတွေဟာရုပ်ပိုင်းဆိုင်ရာအရ နီကိုတင်းအပေါ်မှာ မှီခိုနေသလို စိတ်ပိုင်းဆိုင်ရာအရ နီကိုတင်းကိုစွဲလမ်းနေတာမျိုးလည်းရှိပါတယ်။ ရုပ်ပိုင်းဆိုင်ရာအရနီကိုတင်းစွဲလမ်းမှုက ဆေးလိပ်ဖြတ်ဖို့ကြိုးပမ်းတဲ့အခါ စိတ်မသက်မသာဖြစ်စေတဲ့ ဆေးလိပ်ဖြတ်တဲ့လက္ခဏာတွေကိုခံစားရစေနိုင်ပါ တယ်။ စိတ်ပိုင်းဆိုင်ရာအရ နီကိုတင်းကိုစွဲလမ်းမှုကတော့ ဆေးလိပ်ဖြတ်ပြီးတဲ့အခါမှာလည်း နီကိုတင်းနဲ့ခပ်ကင်းကင်းနေဖို့ခက်ခဲလှပါတယ်။ လေ့လာမှုတွေမှာ ဆေးလိပ်ဖြတ်တဲ့နည်းနဲ့ ဆေးလိပ်ဖြတ်ပြီး ဘယ်လိုနေထိုင်ရမလဲဆိုတာကို ဖော်ပြထားပါတယ်။ ဆေးလိပ်သောက်သုံးသူတွေဟာ ရုပ်ပိုင်းဆိုင်ရာနဲ့စိတ်ပိုင်းဆိုင်ရာအရစွဲလမ်းမှုတွေကို ကိုင်တွယ်ဖြေရှင်းသင့်တယ်လို့လည်းဖာ်ပြထားပါတယ်။ ဆေးလိပ်ငွေ့ကိုရှုရှိုက်လိုက်တဲ့အခါ နီကိုတင်းဓါတ်က အဆုတ်ထဲကိုနက်နက်ရှိုင်းရှိုင်းရောက်ရှိသွားပါတယ်။ ဒီနီကိုတင်းဓါတ်ဟာသွေးကြောထဲကို လျင်လျင်မြန်မြန်ပြန့်နှံ့ရောက်ရှိသွားပြီး သွေးကြောအတွင်းမှာစီဆင်းနေတဲ့ […]

ဆေးလိပ်စစဖြတ်ချင်းမှာတော့ သင့်စိတ်ထဲမှာ ပျင်းလာမယ်။ စီးကရက်သောက်ချင်စိတ်တွေ ဆက်တိုက်ဖြစ်လာမယ်။ သေချာသတိထားကြည့်မယ် ဆိုရင်တော့ ဒီလိုဆေးလိပ်ကိုတောင့်တစိတ်ဖြစ်လာတဲ့ အချိန်အများစုဟာ သုံးမိနစ်ကနေ ငါးမိနစ်လောက်ပဲ ကြာမြင့်တတ်တာကို သထိထားမိပါလိမ့်မယ်။ ဆေးလိပ်ကို အရမ်းတောင့်တလာပြီးတော့မှ တဖြည်းဖြည်း တောင့်တစိတ်လျော့ပါးလာလေ့ရှိပါ တယ်။ ဆေးလိပ်ဖြတ်လိုက်တဲ့ အစပိုင်းရက်တွေမှာ ခံစားရတတ်တဲ့ တောင့်တမှုနှစ်မျိုးရှိပါတယ်။ ၁ ) ရုပ်ပိုင်းဆိုင်ရာတောင့်တမှုဆိုတာ နီကိုတင်းကို ဖြတ်နိုင်ဖို့ သင့်ခန္ဓါကိုယ်ရဲ့ တုံ့ပြန်မှုဖြစ်ပါတယ်။ သင့်ရဲ့ လည်ချောင်းထဲ ဒါမှမဟုတ် ဗိုက်ထဲမှာ မအီမသာခံစားရနိုင်ပြီး စိတ်ဖိစီးမှုနဲ့ထိတ်လန့် ပူပန်စိတ်တွေဖြစ်လာတတ်ပါတယ်။ ၂) စိတ်ပိုင်းဆိုင်ရာတောင့်တမှုကတော့ သင့်ရဲ့နေ့စဉ် ဘဝမှာဖြစ်နေကျကိစ္စတွေကြောင့် ဖြစ်လာတတ်ပါ တယ်။ ကျွန်တော်တို့အားလုံးက ကိုယ့်ကိုယ်ကိုယ်မသိဘဲ လုပ်မိတဲ့ကိစ္စတွေ အများကြီးရှိကြပါတယ်။ ကျွန်တော်တို့က အလိုအလျောက် ဆေးလိပ်သောက်ဖို့ လုပ်မိတတ်ပါတယ်။ ဆေးလိပ်ကိုဖြတ်ပြီဆိုရင်တော့ အကျင့်ပါနေတဲ့ ဒီလုပ်ရပ်တွေကနေ အငမ်းမရသောက်ချင်စိတ်ကို ဖြစ်လာစေပါတယ်။ ကားမောင်းခြင်း၊ အစားစားခြင်း၊ ကော်ဖီ […]

ဆေးလိပ်ဖြတ်ဖို့ဆုံးဖြတ်တာက ကြီးမားတဲ့ဆုံးဖြတ်ချက်တစ်ရပ်ဖြစ်သလို စိန်ခေါ်မှုတွေလည်းကြီးမားပါတယ်။ သင့်အနီးဝန်းကျင်မှာ ဆေးလိပ်သောက်သုံးသူတွေရှိနေတာက ဆေးလိပ်ဖြတ်မယ်ဆိုတဲ့ ဆုံးဖြတ်ချက်ကို ကြီးကြီးမားမားထိခိုက်စေနိုင်ပါတယ်။ လူတိုင်းလူတိုင်းမှာ ဆေးလိပ်သောက်သုံးမှုကိုဖြစ်စေတဲ့ အကြောင်းရင်းခံတွေအမျိုးမျိုးရှိနေနိုင်ပါတယ်။ အသိမိတ်ဆွေတွေနဲ့တွေ့ဆုံတာလိုမျိုး နေ့စဉ်လုပ်ဆောင်နေကျအလေ့အထတွေနဲ့ စိတ်ဖိစီးမှုတွေကိုဖြေလျော့တဲ့အနေနဲ့ ဆေးလိပ်သောက်တာမျိုးတွေရှိတတ်ပါတယ်။ သင့်ကိုစီးကရက်သောက်စေရတဲ့အကြောင်းအရင်းတွေကို သိရှိအောင်လုပ်ဆောင်တာက သင့်ရဲ့စီးကရက်ဖြတ်မယ့် အစီအစဉ်ကိုပိုပြီးချောချောမောမောဖြစ်အောင်ကူညီပေးနိုင်မှာဖြစ်ပါတယ်။   ဆေးလိပ်သောက်ရတဲ့အကြောင်းအရင်းခံဆိုတာကဘာလဲ။ ပုံမှန်အားဖြင့်တော့ လူတစ်ဦးဟာဆေးလိပ်စသောက်တဲ့အချိန်မှာ သူတို့ဆေးလိပ်သောက်သုံးရတဲ့အကြောင်းရင်က အခြားအကြောင်းအရာအဖြစ်အပျက်တွေနဲ့ နီးနီးစပ်စပ် ဆက်စပ်နေနိုင်ပါတယ်။ အခြေခံအားဖြင့်တော့ ဆေးလိပ်သောက်သုံးသူတွေ့ရဲ့ အတွေ့အကြုံကို လေ့လာရသလောက်တော့ ဆေးလိပ်သောက်သုံးသူတွေကို ဆေးလိပ်သောက်စေရတဲ့အကြောင်းအရင်း အဓိကအားဖြင့် ၄ မျိုးရှိပါတယ်။ စိတ်ခံစားမှုကြောင့် ဆေးလိပ်သောက်ချင်တဲ့ဆန္ဒဖြစ်ပေါ်ရခြင်း စိတ်ဖိစီးမှုတွေနဲ့ စိတ်ထိခိုက်စရာအကြောင်းအရာတွေနဲ့ ကြုံတွေ့ရတဲ့အခါ လူတော်တော်များများဟာ စီးကရက်တစ်လိပ်လောက်သောက်ချင်လာတဲ့ စိတ်ဆန္ဒကိုဖျောက်ဖျက်ပစ်လို့မရနိုင်ဘူး ဖြစ်တတ်ပါတယ်။ စီးကရက်သောက်ချင်တဲ့ဆန္ဒက စိတ်ခံစားမှုကောင်းမွန်အောင် ဆေးလိပ်သောက်လိုက်တဲ့အခါ ဒါမှမဟုတ် မကောင်းတဲ့စိတ်ခံစားချက်ကို ဖျောက်ဖျက်ဖို့ ဆေးလိပ်တစ်လိပ်သောက်လိုက်တဲ့အခါ ဆေးလိပ်သောက်ချင်တဲ့ စိတ်ဆန္ဒကလျော့ပါးသွားပါ တယ်။ ကောင်းမွန်တဲ့စိတ်ခံစားချက်ရော မကောင်းမွန်တဲ့စိတ်ခံစားချက်ကပါ ဆေးလိပ်သောက်ဖြစ်အောင်လှုံ့ဆော်ပေးပါတယ်။ စိတ်ခံစားမှုဆိုင်ရာဆေးလိပ်သောက်ချင်စိတ်ဖြစ်ပေါ်မှုကို ကိုင်တွယ်ဖြေရှင်းဖို့အတွက် […]