ဘလူးဘယ်ရီသီးလေးတွေက အမြင်လှသလို စားရင်လည်း အရသာရှိပါတယ်။ သူ့ရဲ့ အရည်အချင်းက ဒီလောက်နဲ့ပဲ ပြီးသွားတာလားဆိုတော့ မဟုတ်ပါဘူး။ ကျန်းမာရေးအတွက်လည်း အကျိုးကျေးဇူးတွေရှိနေပါသေးတယ်။

ဘလူးဘယ်ရီကနေ ရရှိမယ့် အာဟာရဓာတ်တွေ

• အမျှင်ဓာတ်
• ဗီတာမင် C
• ဗီတာမင် K
• ဗီတာမင် A
• ဗီတာမင် E
• ဖောလိတ်
• ဓာတ်တိုးဆန့်ကျင်ပစ္စည်း
• မဂ္ဂနိ့
• မဂ္ဂနီဆီယမ်
• နီကာဆင်
• သံဓာတ်
• ကယ်လ်ဆီယမ်
• အခြားအာဟာရဓာတ်တွေပါဝင်နေပါတယ်။

ကျန်းမာရေးအာနိသင်တွေက

စားလို့ကောင်းတဲ့ ဘလူးဘယ်ရီသီးတွေက ကျန်းမာရေးအတွက် အခုလို အထောက်အကူပြုပေးပါတယ်။
• Anthocyanins လို့ခေါ်တဲ့ ဖလေဗာနွိုက်ပါဝင်တာကြောင့် သွေးချိုကျစေနိုင်ပြီး ဆီးချိုသမားတွေအတွက် သင့်တော်ပါတယ်။
• ဆီးလမ်းကြောင်းပိုးဝင်တာကို သက်သာစေနိုင်တယ်။
• သွေးတွင်းကိုလက်စထရောကို ကျဆင်းစေနိုင်ပါတယ်။
• ဓာတ်တိုးဆန့်ကျင်ပစ္စည်းကြွယ်ဝတာကြောင့် ကင်ဆာကာကွယ်ပေးပါတယ်။
• ဝက်ခြံသက်သာစေနိုင်တယ်။ အသားအရေကို ကြည်လင်စေနိုင်တယ်။
• အရွယ်မတိုင်ခင်အိုမင်းရင့်ရော်တာကို ကာကွယ်ပေးတယ်။
• ဆံသားကို ကျန်းမာသန်စွမ်းစေတယ်။
• အရွယ်မတိုင်ခင် ဆံပင်မဖြူအောင်ကာကွယ်ပေးတယ်။
• အမျှင်ဓာတ်ကြွယ်ဝတာကြောင့် အစာခြေစနစ်ကျန်းမာစေနိုင်တယ်။
• ကယ်လ်လိုရီပါဝင်မှုနည်းတာကြောင့် ဝိတ်ကျစေနိုင်တယ်။
• ဆံချည်မျှင်သွေးကြောလေးတွေကို ကျန်းမာစေနိုင်တယ်။
• နှလုံးကျန်းမာစေနိုင်တယ်။
• ကြွက်သားတွေကို ကျန်းမာစေနိုင်တယ်။

ဘလူးဘယ်ရီသီးကို အသီးအတိုင်းစားပေးလို့ရသလို ဒိန်ချဉ်နဲ့တွဲဖက်ပြီးလည်းစားလို့ရပါတယ်။ ဆံသားအတွက်ကတော့ သံလွင်ဆီနဲ့ရောစပ်ပြီး ခေါင်းမလျှော်ခင် နာရီဝက်လောက်ပေါင်းတင်ပေးရုံပါ။ တစ်နေ့ကို ဘလူးဘယ်ရီ တစ်ခွက်စာပုံမှန်စားသုံးပေမယ်ဆိုရင် ခေါင်းအစခြေအဆုံး လှပမှုနဲ့ ရောဂါကင်းပြီးကျန်းမာတဲ့ ခန္ဓာကိုယ်ကိုပါ ပိုင်ဆိုင်နိုင်မှာပါ။

Hello Health Group သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။