ငှက်ပျောသီးလို့ ပြောလိုက်ရင် အခွံနွှာ စားရမယ် အခွံက စားလို့ မရဘူးလို့ တော်တော်များများက လက်ခံထားကြတယ်နော်။ ဒီလိုဆိုရင် ငှက်ပျောခွံကို စားလို့ရမလား! ဆိုတာကို အတူတူ ကြည့်လိုက်ရအောင်နော်။
ငှက်ပျောသီးလို့ ပြောလိုက်ရင် အခွံနွှာ စားရမယ် အခွံက စားလို့ မရဘူးလို့ တော်တော်များများက လက်ခံထားကြတယ်နော်။ ဒီလိုဆိုရင် ငှက်ပျောခွံကို စားလို့ရမလား! ဆိုတာကို အတူတူ ကြည့်လိုက်ရအောင်နော်။
ငှက်ပျောခွံကို စားလို့ ရပါတယ်။ အသင့်အတင့် ပမာဏပေါ့။ ငှက်ပျောခွံကို ကြွပ်ကြွပ်လေး ကြော်ပြီး စားလို့ရသလို smoothie ထဲထည့်ကြိတ်ဖျော်ပေးလို့လည်း ရပါတယ်။ ငှက်ပျောခွံကို အများကြီးစားတာက လေပွပြီး ဗိုက်အောင့်စေနိုင်တာကြောင့် အသင့်အတင့်လောက်ပဲ စားပေးပါ။
ငှက်ပျောခွံမှာ အခုလို အာဟာရတွေ ပါဝင်နေပါတယ်။
ငှက်ပျောခွံကို စားပေးတာက အခုလို အကျိုးကျေးဇူးလေးတွေကို ရရှိစေနိုင်ပါတယ်။
ငှက်ပျောခွံမှာ ဓာတ်တိုးဆန့်ကျင်ပစ္စည်းတွေ ကြွယ်ဝစွာ ပါဝင်နေတာက ခန္ဓာကိုယ်မှာ ကင်ဆာဖြစ်နိုင်ခြေကို လျှော့ချပေးနိုင်ပါတယ်။ဒါကြောင့် ခန္ဓာကိုယ်မှာ ဓာတ်တိုးပစ္စည်းတွေကြောင့် ထိခိုက်တာမျိုး မဖြစ်စေဖို့ဆိုရင် ငှက်ပျောခွံကို စားပေးလို့ ရပါတယ်။
ငှက်ပျောခွံမှာ ဗီတာမင် B6 ပါဝင်နေတာကြောင့် စိတ်ခံစားမှု ကောင်းစေပြီး စိတ်ဓာတ်ကျတာကို သက်သာစေနိုင်ပါတယ်။ ဒါကြောင့် စိတ်ဖိစီးတာကို ပြေလျော့ပြီး ကောင်းကောင်းအိပ်ပျော်စေဖို့နဲ့ စိတ်ဓာတ်ကျတာကို သက်သာစေဖို့ ဗီတာမင် B6 ပါတဲ့ ငှက်ပျောခွံကို အသုံးပြုပေးလို့ ရပါတယ်။
ငှက်ပျောသီးမှည့်ရဲ့ အခွံက ကျန်းမာစေဖို့ ထောက်ကူပေးနိုင်သလို သွားတွေကို ပွတ်တိုက်ပေးမယ်ဆိုရင်လည်း သွားတွေကို ဖြူစေဖို့ ထောက်ကူပေးနိုင်ပါတယ်။ ဒါကြောင့် သွားဖြူချင်တယ်ဆိုရင်တော့ ငှက်ပျောခွံ အတွင်းသားနဲ့ သွားကို ပွတ်တိုက်ပြီး ၂ မိနစ် ကနေ ၃ မိနစ်လောက် ထားပေးပါ။ ပြီးရင်တော့ သွားကို ပုံမှန်အတိုင်း တိုက်ပေးလိုက်ရုံပါ။
ငှက်ပျောခွံမှာ ဗီတာမင် C ပါဝင်နေတာက အရောင်ကျစေနိုင်သလို အသားအရေကိုလည်း ကြည်လင်စေပါတယ်။ ဝက်ခြံဖြစ်နိုင်ခြေကို လျှော့ချပေးပြီး အရေပြားပေါ်က နေလောင်ကွက်တွေကိုလည်း သက်သာစေနိုင်ပါတယ်။ အသုံးပြုနည်းကတော့ သေချာသန့်စင်ထားတဲ့ အသားအရေပေါ်မှာ ငှက်ပျောခွံကို ကပ်ပေးရုံပါ။ ပြီးရင်တော့ ပုံမှန်အတိုင်း မျက်နှာကို ဆေးကြောသန့်စင်ပေးရုံပါ။
ငှက်ပျောသီးခွံကို ဆံပင်တွေ နက်မှောင်စေဖို့တဲ့ ဆံပင်ကျွတ်တာကို သက်သာစေဖို့ အသုံးပြုပေးလို့ ရပါတယ်။ ဒါကြောင့် ဆံသားကျန်းမာလှပစေဖို့ ငှက်ပျောခွံကို အသုံးပြုပေးလို့ ရပါတယ်။
ငှက်ပျောသီးရဲ့ အခွံမှာ ပျော်ဝင်နိုင်တဲ့ အမျှင်ဓာတ်ရော မပျော်ဝင်နိုင်တဲ့ အမျှင်ဓာတ်ပါဝင်နေတာက သွေးတွင်းကိုလက်စထရောကို ကျဆင်းစေနိုင်ပြီး နှလုံးသွေးကြောတွေကို ကျန်းမာစေဖို့ ထောက်ကူပေးနိုင် ပါတယ်။ ဒါကြောင့်သွေးတွင်း အဆီကျစေဖို့နဲ့ နှလုံးကျန်းမာစေဖို့လည်း ငှက်ပျောခွံကို အသုံးပြုပေးလို့ ရပါတယ်။
မျက်လုံးတွေ မို့အစ်တာကို သက်သာစေဖို့ မျက်လုံးပေါ်မှာ ငှက်ပျောခွံကို ကပ်ပေးလို့ ရသလို မျက်လုံး ကျန်းမာစေဖို့လည်း ထောက်ကူပေးနိုင်ပါတယ်။
အမျှင်ဓာတ် ကြွယ်ဝတဲ့ ငှက်ပျောခွံက အစာခြေစနစ်ကို ကျန်းမာစေပြီး ဝမ်းမှန်စေဖို့ ထောက်ကူပေးနိုင်ပါတယ်။ ဒါကြောင့် ဝမ်းချုပ်တတ်တယ်ဆိုရင် ငှက်ပျောခွံကို အသုံးပြုပေးလို့ ရပါတယ်။
အမြဲလိုလို လွှင့်ပစ်နေတဲ့ ငှက်ပျောခွံက အခုလို ကျန်းမာရေး ကောင်းကျိုးလေးတွေကို ပေးစွမ်းနိုင်ပါတယ်။ ဒါပေမယ့် ငှက်ပျောခွံကို စားမယ်ဆိုရင် ရေသေချာဆေးပါ။ အနာအဆာမပါစေဖို့ ဂရုစိုက်ပါ။ အလွန်အကျွံ မစားပါနဲ့။ အရေပြားမှာ အသုံးပြုမယ်ဆိုရင်လည်း အရင်ဆုံး တည့်မတည့် စမ်းကြည့်ဖို့ လိုပါတယ်။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
ဆက်စပ် အကြောင်းအရာများ
မှ အချက်အလက် စစ်ဆေးထားပါသည်။
Aye Thi Mon
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။