ကျန်းမာပျော်ရွှင်သော လိင်မှုဘဝလမ်းညွှန်

အဓိပ္ပါယ်ဖွင့်ဆိုချက်Chlamydia (ကလက်မိုင်ဒီးယား) ကဘာလဲ။ Chlamydia ဆိုတာလိင်ဆက်ဆံရာမှ တစ်ဆင့်ကူးစက်နိုင်သောဘက်တီးရီးယားရောဂါပိုးဖြစ်ပါတယ်။ မိန်းမကိုယ်၊ ပါးစပ်၊ စအိုနှင့် လိင်ဆက်ဆံခြင်းတွေမှ တစ်ဆင့်ကူးစက်နိုင်ပါတယ်။ မိခင်မှ တစ်ဆင့် ကလေးဆီကိုလည်း ကူးစက်နိုင်ပါတယ်။ ကူးစက်ခံရပြီဆိုရင် လူတော်တော်များများမှာ အစောပိုင်းဘာရောဂါ လက္ခဏာမှ မတွေ့ရတတ်ပါဘူး။ Chlamydia ရောဂါပိုးဝင်တာကို ကုသဖို့ မခက်ခဲပါဘူး။ ဒါပေမယ့် မကုဘဲထားရင်တော့ ပိုပြီးဆိုးရွားတဲ့ ကျန်းမာရေး ပြသနာတွေဖြစ်စေနိုင်ပါတယ်။ Chlamydia (ကလက်မိုင်ဒီးယား) က ဘယ်လောက်အဖြစ်များသလဲ Chlamydia ရောဂါပိုးဝင်တာက အလွန်အဖြစ်များပါတယ်။ လိင်ဆက်ဆံရာမှ တစ်ဆင့်ကူးစက်တတ်တဲ့ တဲ့ရောဂါတွေထဲမှာ Chlamydia ရောဂါပိုးဝင်တာက အဖြစ်အများဆုံးလို့တောင် သိရပါတယ်။ ယောက်ျားလေးတွေထက်စာရင် မိန်းကလေးတွေမှာပိုဖြစ်ပါတယ်။ ဘယ်အသက်အရွယ်မှာမဆို ဖြစ်နိုင်ပါတယ်။ Chlamydia ရောဂါပိုးဝင်တာကို အားပေးတဲ့ အချက်တွေကိုလျော့ချခြင်း ခြင်းအားဖြင့် ဒီရောဂါကိုထိန်းချုပ်လို့ရပါတယ်။ နောက်ထပ်အချက်အလက်များနဲ့ပတ်သက်ပြီး ဆရာဝန်နဲ့ ဆက်လက်ဆွေးနွေးနိုင်ပါတယ်။ လက္ခဏာများChlamydia (ကလက်မိုင်ဒီးယား) ရဲ့လက္ခဏာတွေကဘာတွေလဲ ရောဂါစစဝင်ချင်း […]

မုဒိမ်းကျင့်ခံရတာကြောင့်ရတဲ့ ဒါမှမဟုတ် သွေးသားချင်းရတဲ့ ကိုယ်ဝန်မျိုးကို ဖျက်ချတာ အကောင်းဆုံးလို့ လူအများအပြားက ယူဆကြပါတယ်(လိင်အကြမ်းဖက်ခံရတာနဲ့ လိင်ပိုင်းဆိုင်ရာ အလွဲသုံးစားလုပ်ခံရတဲ့ အမျိုးသမီးတွေနဲ့ မိန်းကလေးငယ်တွေကို ကူညီဆောင်ရွက်ပေးနေတဲ့ သူတွေတောင်အပါအဝင်ပေါ့)။ ဒါပေမယ့် သုတေသနပြု လေ့လာချက်တွေအရ လိင်ပိုင်းဆိုင်ရာ စော်ကားခံရတာကြောင့် ကိုယ်ဝန်ရှိလာတဲ့ အမျိုးသမီး အများစုဟာ ကိုယ်ဝန်ကို မဖျက်ချချင်ဖူးလို့ ဆိုပါတယ်။ ဒီလို ကိုယ်ဝန်ကို ဖျက်ချတာဟာ သူတို့ရဲ့ စိတ်ဒါဏ်ရာကို ပိုလို့တောင်ဆိုးလာစေတယ်လို့ ပြောကြပါတယ်။   ငြင်းကြခုန်ကြတဲ့ ဘက်နှစ်ဘက်လုံးက သဘောတူကြတာကတော့ လိင်ပိုင်းဆိုင်ရာ စော်ကားမှုကနေ ရလာတဲ့ ကိုယ်ဝန်ကို ဖျက်ချဖို့ လိုကောင်းလိုမှာဖြစ်ပြီး ဒီလို ဖျက်ချလိုက်တာဟာ သူတို့ကို အိပ်မက်ဆိုးကြီးထဲက(ဝါ) အရိပ်မည်းကြီးထဲက ရုန်းထွက်နိုင်အောင် အထောက်အကူပေးတယ်ဆိုတဲ့ ယေဘုယျ ကောက်ချက်ကိုပဲ ဖြစ်ပါတယ်။ ဒါပေမယ့် တကယ်တမ်းကျတော့ မိခင်နဲ့ကလေးကို လုံလောက်တဲ့ ကျန်းမာရေး၊လူမှုရေး စောင့်ရှောက်မှုပေးနိုင်ဖို့ဆိုတာ တကယ်ကိုပဲ […]

သင်ဟာ မိဘတစ်ယောက်အနေနဲ့ သင့်ရဲ့ကလေးကို အထူးသဖြင့် HIVကဲ့သို့ ရောဂါဆိုးကြီးမှ ကင်းဝေးပြီး အမြဲကျန်းမာအောင် ကာကွယ်ချင်မှာပါ။ ယခုခေတ်ကာလမှာ HIV ရောဂါပိုး ရှိတဲ့လူငယ်လူရွယ် အရေအတွက်ဟာ အရမ်းကို များပြားလာပြီဖြစ်တဲ့အတွက် သင့်ကလေးမှာ ဒီလိုရောဂါပိုး ကူးစက်ခြင်းမှ ရှောင်ကြဉ်ဖို့ရာ နည်းလမ်းများကို သင်ကိုယ်တိုင် ရှာဖွေစုဆောင်းထားဖို့ အရမ်းအရေးကြီးပါတယ်။ ဒါ့အပြင် တကယ်လို့ သင့်ကလေးမှာ HIVရောဂါပိုး ရှိလာမယ်ဆိုရင်လည်း ဘယ်လိုကူညီထောက်ပံ့မှုပေးရမယ်ဆိုတာကို လေ့လာထားဖို့ရာ အရမ်းအရေးကြီးပါတယ်။   သင့်ကလေးကို HIVရောဂါပိုးအကြောင်း ဘယ်လိုပညာပေးမလဲ။ သင်ဟာ သင့်ကလေးရဲ့ စံနမူနာကောင်း ဖြစ်အောင် နေထိုင်ပါ။ သင့်ကလေးဟာ သင့်ရဲ့ အပြုအမူအလေ့ အထတွေကို အတုခိုးပါတယ်။ ဒါကို ကြည့်ခြင်းအားဖြင့် သင်အနေနှင့်လည်း သင့်လျော်တဲ့အပြုအမူအနေအထိုင် အလုပ်အကိုင် စသဖြင့် စံပြုရလောက်အောင် ဖြစ်နေဖို့လိုအပ်တယ်ဆိုတာကို တွေ့ရမှာဖြစ်ပါတယ်။ ဒီလိုအပြုအမူတွေကနေ ပြဿနာ ဖြေရှင်းရာ၊ ဆုံးဖြတ်ချက်ချရာ […]

HIV ရောဂါကြောင့် သေဆုံးသူဦးရေဟာ ယခုလက်ရှိအချိန်မှာ ခန့်မှန်းခြေ ၃၉ မီလီယံ ရှိနေပြီဖြစ်တဲ့အတွက် အချိန်ကြာလာတာနှင့်အမျှ ကမ္ဘာတစ်ဝန်းလုံးမှာ အဖြစ်အများဆုံး ရောဂါတစ်ခုလို့ ဆိုနိုင်ပါတယ်။ သို့သော် လူအများဟာ ၎င်းရောဂါကြောင့် ဖျားနာတဲ့အခါ ကူးစက်ခံရတဲ့ အဓိကအကြောင်းအရင်းများကို နားမလည်ခြင်း၊ ခန္ဓါကိုယ်ကိုဘယ်လိုဒုက္ခပေးတယ်၊ ကူးစက်လာတဲ့အခါ ဘယ်လိုတွေ တွေ့ရတယ် စတာတွေကို ယခုထိ နားမလည်နိုင်ကြသေးပါဘူး။ ယခု ဆောင်းပါးကနေ သင် သို့မဟုတ် လူအများကို HIV ရောဂါအကြောင်း အမှတ်မှားနေကြသည်များကို ဖွင့်ဟပြောပြပြီး ကူညီနိုင်ပါလိမ့်မယ်။ လူအများ၏ ယုံမှားသံသယများကိုလည်း ဖြေရှင်းရန် ကူညီပေးနိုင်ပါတယ်။   လွဲမှားယုံကြည်ခြင်း နံပါတ်(၁) - လူအများဟာ တက်တူးထိုးခြင်းသို့မဟုတ် ခန္ဓါကိုယ်အရေပြားကို တစ်စုံတစ်ခုဖြင့် ဖောက်ခြင်း စတာတွေကနေ HIVပိုး မကူးစက်နိုင်ဘူးလို့ ယုံကြည်နေကြပါတယ်။ သင်ဟာ HIVပိုးရှိသူ တစ်စုံတစ်ဦးနှင့် အပ်ကို […]

HIV ပိုးရှိသူတွေမှာ ဆယ်ကျော်သက်ဦးရေ ပိုပိုပြီးများပြားလာပါတယ်။ ဒါကိုကြည့်ခြင်းအားဖြင့် ဆယ်ကျော်သက်တွေဟာ HIV ရောဂါပိုးကို ဘယ်လိုကာကွယ်ရမယ်ဆိုတာမသိခဲ့ရင် သူတို့ဟာလည်း ရောဂါပိုးကူးစက်ခြင်းခံရနိုင်ပါတယ်။ ဒါကြောင့် ဆယ်ကျော်သက် လူငယ်လူရွယ်တွေမှာ HIV ရောဂါပိုးနှင့်ပတ်သက်တဲ့ အသိပညာ၊ ဗဟုသုတတွေကို ပေးနိုင်ဖို့ရာအတွက် အရမ်းအရေးကြီးပါတယ်။ သို့မှသာ သူတို့ကိုယ်တိုင် တစ်ကမ္ဘာလုံးပျံ့နှံ့ နေတဲ့ ရောဂါဆိုးကြီးကနေ ကာကွယ်နိုင်မှာဖြစ်ပါတယ်။ HIVဆိုတာဘာလဲ။ ဆယ်ကျော်သက်လူငယ်အရွယ်တွေ အရင်ဆုံးသိရမယ့် အကြောင်းအရာကတော့ HIVဆိုတာ ဘာလဲဆိုတာပဲ ဖြစ်ပါတယ်။ HIV ရောဂါဆိုတာ လူသားများရဲ့ ခုခံအားစနစ် ကိုကျဆင်းစေတဲ့ ဗိုင်းရပ်စ်ရောဂါ ပိုးဖြစ်ပြီး ၎င်းရောဂါပိုးဟာ လူရဲ့ ခုခံအားစနစ် ကို အားနည်းယုတ်လျော့လာအောင် လုပ်ပါတယ်။ ၎င်းရောဂါပိုး ဝင်လာတဲ့အခါ ခန္ဓါကိုယ်မှ ခုခံ တိုက်ခိုက်တဲ့ အရေးကြီးတဲ့ဆဲလ် တွေကို ဖျက်ဆီးပစ်ပါတယ်။ အဲဒီနောက် HIV […]

တကယ်လို့သင့်သူငယ်ချင်းထဲက တစ်ယောက်ယောက်ဟာ HIVရောဂါပိုးရှိတယ်လို့ ဆေးစစ်ပြီး သိရတဲ့အခါ သူတို့ဟာအရမ်းကို စိတ်လှုပ်ရှားပြီး စိုးရိမ်ပူပန်နေပါလိမ့်မယ်။ အချိန်ကြာလာတာနဲ့အမျှ တစ်ဦးတည်းသီးခြားနေနိုင်ပြီး အလွန်ကြောက်ရွံ့ စိုးရိမ်နေပါလိမ့်မယ်။ ဒီလိုအချိန်မှာသင်ဟာ သူတို့အတွက် ယုံကြည်စိတ်အချရဆုံးနှင့် ရင်ဖွင့်စရာ သူငယ်ချင်း အဖော်ကောင်း တစ်ယောက်အဖြစ် သင်ရှိနေနိုင်ပါတယ်။ သို့သော်တကယ်လို့ သင်ဟာ သူတို့ကိုကောင်းကောင်းမကူညီနိုင်ဘူးဆိုရင်တော့ သင်လုပ်ပေးသမျှတွေက သူတို့ကိုပိုပြီးထိခိုက်စေ စိတ်ဓါတ်ကျစေတာလည်း ဖြစ်စေနိုင်ပါတယ်။ အောက်မှာဖော်ပြထားတဲ့ အချက်တစ်ချို့က သင်ဟာ သင့်ရဲ့ HIV ရောဂါပိုးရှိတဲ့ သူငယ်ချင်းကို ကူညီပေးနိုင်တဲ့အချက်တွေပဲ ဖြစ်ပါတယ်။   မိမိကိုယ်ကို မိမိယုံကြည်မှုရှိခြင်းဟာ အကောင်းဆုံးဆိုတာကို သတိရအောင် ပြောပြပေးပါ။ သင့်သူငယ်ချင်းဟာ သူရဲ့ရောဂါအကြောင်းကို သင့်ကို ဖွင့်ပြောလာပါက ဒါဟာ သင့်ကို အယုံကြည်ဆုံးမို့လို့ပြောပြခြင်း ဖြစ်ပါတယ်။ သူတို့ဟာ သူတို့မယုံကြည်ရတဲ့သူတွေအကြောင်းကိုလည်း သင့်ကိုပြောပြနိုင်ပါတယ်။ သင့်သူငယ်ချင်းဟာ သူရဲ့ရောဂါအကြောင်းကို ဖွင့်ဟပြောဆိုမယ့်လူကို သူကိုယ်တိုင်ပဲရွေးချယ်ရတာဖြစ်ပါတယ်။ […]

မကြာသေးမီက ပြုလုပ်ခဲ့တဲ့ လေ့လာမှုတစ်ခုအရ ၉၀% သော အမျိုးသား အချင်းချင်း လိင်ဆက်ဆံတဲ့ အမျိုးသားတွေနဲ့ ၅% ကနေ ၁၀% သော လိင်ဆက်ဆံတဲ့ အမျိုးသမီးတွေဟာ စအိုအဝအတွင်း ထိုးသွင်းဆက်ဆံခံရမှုကို နှစ်သက်ကြပါတယ်။ ဒီလို စအို နဲ့ လိင်ဆက်ဆံခြင်း ပြုလုပ်တဲ့အခါ သတိထားရမယ့် ကျန်းမာရေးပြဿနာလေးတွေ ရှိပါတယ်။ စအို နဲ့ လိင်ဆက်ဆံခြင်း Anal sexလို့ အလွယ်ခေါ်ကြတဲ့ စအို နဲ့ လိင်ဆက်ဆံခြင်း  ဟာ လိင်တံကို စအိုအတွင်းကို ထိုးသွင်းတဲ့ လိင်ပိုင်းဆိုင်ရာ အပြုအမူကို ဆိုလိုပါတယ်။ စအိုဟာ အာရုံခံနိုင်စွမ်းမြင့်မားတဲ့ အာရုံကြောတွေနဲ့ ပြည့်နှက်နေတာကြောင့် ခံစားမှု ကောင်းနိုင်ပါတယ်။ ထိုးသွင်းခံရသူအတွက် စအိုဟာ လိင်လှုံ့ဆော်မှုကို တုံ့ပြန်တဲ့ ရမ္မက်ကြွလွယ်တဲ့ နေရာ တစ်ခု ဖြစ်ပါတယ်။ သူဟာ လိင်တံ […]

လိင်ဆက်ဆံမှုနှင့် ပတ်သက်ပြီးသင်သိထားသင့်သော အချက်များ က ဘာတွေဖြစ်မလဲ ဆိုတာကို အတူတူ ကြည့်လိုက်ရအောင်နော်။ လိင်ဆက်ဆံမှုနှင့် ပတ်သက်ပြီးသင်သိထားသင့်သော အချက်များ လိင်ဆက်ဆံမှုနှင့် ပတ်သက်ပြီးသင်သိထားသင့်သော အချက်များ ကတော့ - ၁။ လိင်ဆက်ဆံတဲ့ ပထမဆုံးအကြိမ်မှာတင် ကိုယ်ဝန်ရသွားနိုင်တယ်။ မိန်းကလေးတစ်ယောက်ဟာ ပထမဆုံးအကြိမ် လိင်ဆက်ဆံလိုက်ရုံနဲ့ ကိုယ်ဝန်မရနိုင်ဘူးလို့ ကြားကောင်းကြားမိပါလိမ့်မယ်။ တကယ်တမ်းကတော့ ယောကျာ်းလေးနဲ့ မိန်းကလေး အကာအကွယ်မပါဘဲ ဆက်ဆံလိုက်မယ်ဆိုရင် ဒါဟာ ပထမဆုံးအကြိမ် ဖြစ်စေ၊ အရင်က ဆက်ဆံခဲ့ဖူးတာဖြစ်စေ၊ ကိုယ်ဝန်ရသွားနိုင်ပါတယ်။ ယောကျာ်းလေးတစ်ယောက်ဟာလည်း သူ့ရဲ့ ပထမဆုံးအကြိမ်မှာတင် မိန်းကလေးကို ကိုယ်ဝန်ရစေနိုင်တယ်။ တကယ်လို့ ကိုယ်က မိန်းကလေးတစ်ယောက်ဖြစ်မယ်၊ လိင်ဆက်ဆံလိုက်မယ်ဆိုရင် မမျိုးဥကြွေတဲ့အရွယ် ရောက်တာနဲ့ ကိုယ်ဝန်ရနိုင်မှာ ဖြစ်ပါတယ်။ အပျိုဖြစ်ပြီဆိုရင် ခန္ဓါကိုယ်ထဲမှာ မမျိုးဥအရင်ကြွေပါတယ်။ ကြွေပြီးလို့ သန္ဓေမအောင်လိုက်ဘူးဆိုမှ အဲဒီမမျိုးဥလေးက သေသွားပြီး အပြင်ကို ရာသီသွေးအဖြစ် ဆင်းလာတာပါ။ ဒါကြောင့် […]

တကယ်လို့ သားဆက်ခြားနည်းတခုခု သောက်ဖို့ မေ့ရလောက်အောင် စိတ်ဆန္ဒတွေ ပြင်းထန်သွားသလား၊ ဒါမှမဟုတ် နည်းတခုခုကို မှားယွင်းစွာ အသုံးပြုမိလိုက်သလား။ စိတ်မပူပါနဲ့။ ဒီအဆင့်(၃)ခုကို လုပ်ဆောင်လိုက်လို့ ရပါတယ်။ အကာအကွယ်မဲ့ ဆက်ဆံမှုပြုမိလိုက်ပြီဆိုရင် လိင်ကတစ်ဆင့် ကူးစက်တဲ့ရောဂါတွေ ရသွားမှာ၊ မမျှော်လင့်ဘဲ ကိုယ်ဝန်ရသွားမှာကတော့ စိတ်အပူကြဆုံးပါပဲ။ လိင်ဆက်ဆံတော့မယ်ဆိုရင် အကာအကွယ်ယူထားသင့်တာတော့ မှန်ပေမယ့် ကွန်ဒုံးပေါက်ပြဲသွားတာ၊ နေ့စဉ်သောက်ဆေးကဒ်ကို သောက်ဖို့ မေ့သွားတာ၊ ကြိုတင်မပြင်ဆင်ထားဘဲ အတူနေမိလိုက်တာ၊ လုံးဝကို မေ့လျော့သွားတာ စတဲ့ အကြောင်းရင်းတွေကြောင့် အကာအကွယ်မဲ့ ဆက်ဆံမိတာမျိုးတွေ ရှိနိုင်ပါတယ်။ အဲဒါတွေကြောင့်ပဲ ရောဂါတွေ ကူးစက်ခံရတာ၊ မလိုချင်ဘဲ ကိုယ်ဝန်ရတာတွေ ရှိလာပါတယ်။ အဲဒီလိုမဖြစ်အောင် ဒါတွေ လုပ်လို့ ရပါတယ်။   (၁) ပုံမမှန်တာတွေကို သတိထားကြည့်ပါ လိင်မှတစ်ဆင့် ကူးစက်တဲ့ရောဂါတွေ ရသွားမယ်ဆိုရင် ကိုယ့်ကိုယ်ကိုယ် ရောဂါရှိမှန်းမသိခင်ကတည်းက လက္ခဏာတွေ ရှိနေတတ်ပါတယ်။ တကယ်လို့ ခုပြောမယ့် […]

အိပ်ခ်ျအိုင်ဗီရောဂါပိုးဟာ ကူးစက်တတ်ပြီး ကူးစက်ခံရရင် ပျောက်ကင်းအောင် မကုသနိုင်ပါဘူး။ ဘယ်သူမဆို ကူးစက်ခံနိုင်ပါတယ်။ ဒါပေမယ့် တချို့ဟာ ရောဂါကူးစက်နိုင်ခြေ ပိုများပါတယ်။ လိင်တူဆက်ဆံသူနဲ့ လိင်အလုပ်သမားများအပြင် ကူးစက်နိုင်ခြေ ပိုမြင့်သူများအကြောင်းကို ဆက်လက် ဖော်ပြပေးပါမယ်။ မူးယစ်ဆေးထိုးသူများ မူးယစ်ဆေးကို အကြောထဲထိုးသူများဟာ အိပ်ခ်ျအိုင်ဗီ ရောဂါပိုး ကူးစက်နိုင်ခြေ ပိုများပါတယ်။ သူတို့ဟာ အပ်၊ ဆေးထိုးပိုက်နဲ့ တခြားပစ္စည်းတွေကို ဝေမျှသုံးစွဲ ကြပါတယ်။ တယောက်ယောက်မှာ အိပ်ခ်ျအိုင်ဗီ ရောဂါပိုးရှိနေရင် သူ့ရဲ့သွေးကတဆင့် ကူးစက်နိုင်ပါတယ်။ ထိုးသွင်းတဲ့ဆေးတွေဟာလည်း လိင်ကိစ္စကို လှုံ့ဆော်မှုတွေ ရှိနိုင်ပြီး လိင်မှတဆင့် ကူးစက်နိုင်ခြေကို မြင့်တက်စေပါတယ်။ အကာအကွယ်မသုံးမိတဲ့အပြင် အိပ်ခ်ျအိုင်ဗီရောဂါပိုး ကိုဆန့်ကျင်တဲ့ဆေးတွေ မသောက်မိကြပါဘူး။ လိင်လုပ်သားတွေနဲ့ ဆက်ဆံမိတာ၊ အဖော်များစွာနဲ့ ဆက်ဆံမိတာ ဖြစ်နိုင်ပါတယ်။ ဆေးသုံးသူတွေဟာ ငယ်ရွယ်သူတွေ များပါတယ်။ ဒါကြောင့် လူငယ်ပိုင်းတွေဟာ အိပ်ခ်ျအိုင်ဗီရောဂါပိုး ကူးစက်နိုင်ခြေ များပါတယ်။ […]