အသက်ရှူလမ်းကြောင်းကျန်းမာရေး

ရာသီဥတုက ပူလိုက်အေးလိုက်နဲ့ မတည်ငြိမ်တဲ့အခြေအနေမှာ ဖျားနာလွယ်၊နေမကောင်းဖြစ်လွယ်ကြပါတယ်။ ကျောင်းမှာ၊ အိမ်မှာ၊ ရုံးမှာ တစ်ယောက်ကစဖြစ်လိုက်ရင်လည်း လိုက်မဖျားရင်တောင်မှ နှာချေ၊နှာစေးတာလောက်တော့ ကူးတတ်ကြပါတယ်။ အအေးမိ၊တုပ်ကွေးရောဂါပိုးတွေဆိုတာက အသက်ရှူလမ်းကြောင်းကနေ ကူးစက်တတ်တဲ့သဘာဝဖြစ်နေတော့ တစ်နေရာတည်းမှာအတူရှိနေတဲ့သူအချင်းချင်း လက်ဆင့်ကမ်းကြတာမဆန်းပါဘူး။ အရေးကြီးတာက ကိုယ့်မှာတုပ်ကွေးဖြစ်လာရင် သူများကိုမကူးစက်စေဖို့ ဆင်ခြင်နေထိုင်ဖို့ရယ်၊ ကိုယ့်ရောဂါကိုမြန်မြန်ပျောက်ကင်းအောင်နေတတ်ထိုင်တတ်ဖို့ရယ်၊ ကုသမှုကို တလေးတစားလိုက်နာဖို့ရယ်ပဲလိုပါတယ်။ ဒါပေမယ့်ကုသမှုကိုလိုက်နာတာ၊ သူများကိုမကူးအောင်နေတာ ဂရုစိုက်နိုင်တယ်ထားဦး။ ကိုယ့်ရဲ့ကျန်းမာရေးအသိကမှားယွင်းနေရင် ဒါမှမဟုတ် မှားယွင်းနေတာကို မသိရင် မလိုအပ်ဘဲရောဂါတာရှည်နိုင်တာ သတိထားသင့်ပါတယ်။ တစ်ယောက်ယောက် နေမကောင်းဖြစ်ရင် အရင်ဆုံးပြောတတ်ကြတာကနွေးနွေးထွေးထွေးနေနော်၊ အနွေးထည်ဝတ်ထား၊လေတိုက်မခံနဲ့ စသည်ဖြင့်။ ဒါ့ကြောင့် ဖျားပြီဆို အနွေးထည်လေးဝတ်၊စောင်လေးခြုံပြီးကွေးလိုက်တာ ထကိုမထတော့ပါဘူး။စောင်အထူကြီးခြုံ၊ အနွေးထည်အထူကြီးဝတ်ပြီးချွေးတွေထွက်လာရင် အဖျားကျတယ်၊ သက်သာတယ်ထင်ကြပါတယ်။ တကယ်တမ်းကျ အနွေးထည်နဲ့စောင်အထူကြီးတွေအောက်မှာ ချွေးတွေအထွက်များပြီးပြန်အအေးပတ်သွားတာမျိုးဖြစ်နိုင်ပါတယ်။ပြီးရင် အဖျားပြန်တက်လာတာချည်းပါပဲ။ ချွေးစို့လာရင် အဖျားကျတယ်ဆိုတာ အတန်အသင့် ချွေးထွက်ခြင်းကအရေပြားကိုအေးမြစေပြီး ခန္ဓာကိုယ်အပူချိန်ကို ကျစေလို့ပါ။ ဒါပေမယ့်အရမ်းပူလှောင်ပြီး ချွေးထွက်အရမ်းများတာမကောင်းပါဘူး။ အဖျားတက်လို့ချမ်းတုန်နေချိန်နွေးထွေးအောင်နေတာက လူနာကိုသက်တောင့်သက်သာရှိစေဖို့၊ […]

အဲယားကွန်းဆိုတာ ယနေ့ခေတ်လူနေမှုဘဝမှာ မရှိမဖြစ် အသုံးပြုနေရတဲ့ အရာတစ်ခုဖြစ်တယ်။ အဲယားကွန်းကို ဇိမ်ခံပစ္စည်း အဖြစ် သတ်မှတ်ထားကြပြီး အိမ်၊ကုန်တိုက်၊ ဆေးရုံဆေးခန်း ၊ အလုပ်၊ ကား အားလုံးအားလုံး နီးပါးတွင် အဲယားကွန်း သည် မရှိမဖြစ်ပေ။ အဲယားကွန်းနဲ့ ထိတွေရတာ နေ့တိုင်းအချိန်တိုင်း နီးပါးဖြစ်လာတော့ ကြာလာရင် ကျန်းမာရေး အတွက် ဘာတွေဖြစ်လာနိုင်သလဲ။ အတွင်းပိုင်းကျန်းမာရေးကို မထိခိုက်စေပေမယ့် အပြင်ပိုင်း အသားရေ က အဲယားကွန်းနဲ့ တိုက်ရိုက်ထိတွေ့ရတာဆိုတော့ အပြင်ပိုင်း အသားရေ ထိခိုက်နိုင်ဖို့က ပိုများတာပေါ့နော့်။ လူ့ပတ်ဝန်းကျင် အတွက် အဲကွန်းက ကောင်းတာရော ဆိုးတာကိုရော ဖြစ်စေတယ်ဆိုတော့ ဘာတွေဖြစ်နိုင်လဲ ဆိုတာ ကြည့်ရအောင်။ အဲယားကွန်းရဲ့ ကောင်းကျိုးတွေ။ အကောင်းဆုံး အားသာချက်တစ်ခုကတော့ နွေရာသီဆို အဲ့ယားကွန်းက မရှိမဖြစ်ပဲလေ။ ရာသီဥတု ပူတဲ့ အချိန်ဆို […]

“ညက အမေ အမောဖောက်လာလို့ဆေးရုံတင်လိုက်ရတယ်။” “ဘာဖြစ်တာတဲ့လဲ” “အရင်ထဲကတော့ရင်ကျပ်ရှိတာပဲ။ အခုကျ သွေးတိုး ဆီးချိုပါ ပါနေတယ်ပြောတယ်။ ရင်ကျပ်အတွက် စပ်ဆေးတွေသောက်လို့ဖြစ်တယ်ပြောတာပဲ” “ဆရာဝန်တွေ က တော့အရင်ဆေးရုံအခေါက်တွေ ဆေးရုံတက်ကတည်းက ရှူဆေးသုံးဖို့ပြောနေတာ၊ အမေက ကြောက်လို့မရှူတာ၊ ရှူဆေးတွေက နောက်ဆုံးအဆင့်ဆိုပြီးတော်လေ” “ရှူဆေးက အဲ့လောက်ဆိုးကျိုးမရှိဘူးတဲ့၊ အခုဆေးရုံကဆင်းရင်တော့ရှူခိုင်းမှရမယ်။” “ဟုတ်တယ်၊ အမေ့တုန်းကလည်း အစက မရှူဘဲနေတာ၊ နောက်ပိုင်း ဆရာဝန်က အတင်းတိုက်တွန်းလို့ ရှူဖြစ်သွားတာ၊ အခုတော့လည်း အဆင်ပြေတယ်။ ကြားက ပြောင်းလေးတော့ခံရှူရတယ်။ အမေက ဒီတိုင်းမရှူနိုင်တော့လေ။” ရင်ကျပ်ရောဂါသည်၏ လူနာစောင့်များ ပြောနေကြခြင်းဖြစ်သည်။ ရင်ကျပ်ရောဂါ ရင်ကျပ်ရောဂါ များဟုလူသိထားကြသော ရောဂါများထဲတွင် ပန်းနာရင်ကျပ်(Brochial asthma) နှင့်လေပြွန်ရောင်ရင်ကျပ်ရောဂါ (COPD) ဟူ၍ အဓိက နှစ်မျိုးရှိပါသည်။ ပန်းနာရင်ကျပ်သည်အများအားဖြင့်အသက်ငယ်ငယ်ကတည်းက စဖြစ်လေ့ဖြစ်ထရှိသည်။ ဓါတ်မတည့်ခြင်း၊ မျိုးရိုးရှိခြင်းတို့နှင့်သက်ဆိုင်တတ်သည်။ ဓါတ်မတည့်ခြင်းဟုဆိုရာတွင် အနံ့ထူးထူးဆန်းဆန်းများ (အမွှေးနံ့သို့မဟုတ်အနံ့ဆိုး)၊ ဆေးလိပ်ငွေ့၊ အမွှေးတိုင်၊ ခြင်ဆေးခွေမှထွက်သော အငွေ့များ၊ စက်ရုံအလုပ်ရုံများမှထွက်သော အငွေ့နှင့်အနံ့များ၊ အမှုန်အမွှားများ၊ ပန်းဝတ်မှုန်များ၊ တိရစ္ဆာန်အမွှေးအမျှင်များ […]

လူတွေကြားထဲရောက်လို့ အားလုံးကတိတ်ဆိတ်ငြိမ်သက်စွာထိုင်နေပြီဆိုကာမှချောင်းကဆိုးချင်လာတယ်။အောင့်ထားလို့လည်းမရတော်တော်ဆိုးတဲ့ကိစ္စနော်။ ခုလိုမျိုး ရာသီဥတု မမှန်တဲ့အခါမျိုးဆိုရင် ဖျားချင်သလိုလို လည်ချောင်းထဲကနာသလိုလိုချောင်းဆိုး နှာစေးတာတွေက မဖိတ်ခေါ်ဘဲကိုရောက်လာတတ်တာပါ။ချောင်းဆိုးချင်တာကလည်းအောင့်ထားလို့မရတဲ့ပြဿနာတစ်ခုပါ။ချောင်းဆိုးတာကြောင့်နေ့စဉ်လုပ်ဆောင်မှုတွေ မှာ အနှောင့်အယှက်မဖြစ်စေဖို့ဆိုရင် အခုပြောခဲ့တဲ့နည်းလမ်းလေးတွေကိုသုံးပြီးချောင်းဆိုးသက်သာအောင်လုပ်ဆောင်လိုက်ပါနော်။ ချောင်းဆိုးတာကို သက်သာအောင် အခုလိုလုပ်ဆောင်ပါ အခုပြောပြမယ့်နည်းလမ်းလေးတွေက အပန်းမကြီးဘဲချောင်းဆိုးတာကို သိသိသာသာသက်သာစေမှာပါ။နေ့စဉ်စားသုံးနေတဲ့အစားအစာတွေနဲ့ မီးဖိုချောင်ထဲကနေ အလွယ်တကူရရှိနေတဲ့ အရာတွေနဲ့ချောင်းဆိုးတာကို သက်သာအောင်လုပ်ဆောင်ပေးနိုင်ပါတယ်။ ရေသောက်ပေးပါ - တစ်နေ့တာမှာရေလုံလောက်သောက်သုံးတာက ကိုယ်ခံအားကိုကောင်းစေပါတယ်။ ချောင်းဆိုးတဲ့အခါရေများများသောက်ပေးပါ၊ ချွဲတွေကိုပျော်စေပြီးချောင်းဆိုးတာကို သိသိသာသာသက်သာစေနိုင်ပါတယ်။ ကြက်သွန်ဖြူ စားပေးပါ - ကြက်သွန်ဖြူမှာပါတဲ့Allicin ဆိုတဲ့ဒြပ်ပေါင်းတစ်ခုကချောင်းဆိုးတာကိုဖြစ်စေနိုင်တဲ့ အသက်ရှုလမ်းကြောင်းရောဂါပိုးကူးစက်ဝင်ရောက်တာကိုလျော့ပါးသက်သာစေနိုင်ပါတယ်။ ဒါကြောင့် ကြက်သွန်ဖြူတို့စားတာဖြစ်ဖြစ်၊ ဟင်းခါးချက်တဲ့ထဲကို ကြက်သွန်ဖြူထည့်ချက်တာဖြစ်ဖြစ်လုပ်ပြီး သုံးဆောင်ပေးပါ။ ချင်းလက်ဖက်ရည် -ရေနွေးဆူဆူထဲကို ချင်း လက်တစ်ဆစ်စာလောက်လှီးထည့်လိုက်ပါ။ပြီးရင် ခပ်နွေးနွေးလေးဖြစ်နေတုန်းသောက်သုံးပေးလိုက်ပါ။ချောင်းဆိုးတာကို သိသိသာသာသက်သာစေမှာပါ။ ပျားရည် - ပျားရည်က သဘာဝဆေးဖက်ဝင် စားသုံးစရာတစ်ခုပါ။ သင့်အနေနဲ့ ဆီးချိုရောဂါလိုမျိုး အချိုနဲ့မတည့်တဲ့ရောဂါမျိုးမရှိဘူးဆိုရင်ရေနွေးကြမ်းထဲကို ပျားရည်လက်ဖက်ရည်ဇွန်း ၂ ဇွန်း၊ သံပုရာသီးတစ်စိတ်လောက်ညှစ်ထည့်ပြီး ခပ်နွေးနွေးလေးဖြစ်နေတုန်းမှာသောက်လိုက်ပါ။ ချွဲသလိပ်တွေကိုပျော်စေပြီးချောင်းဆိုးတာကို သက်သာစေမှာပါ။ ကြက်သွန်နီ […]

တီဘီဆေးသောက်ရတော့မည်ဆိုလျှင် “သူက အားနည်းနေတာ ဆရာ၊ တီဘီဆေး သောက်လို့ ဖြစ်ပါ့မလား” တီဘီရောဂါသည်၏အမျိုးသားမှဆရာဝန်ကိုလာမေးလိုက်သော စကားဖြစ်သည်။ “သူဆေးဒဏ်ခံနိုင်ပါ့မလား” “အားမွေးပြီးမှသောက်ရင်ရမလား” “သလိပ်မှာတော့ပိုးမတွေ့ဘူးပြောတယ်၊ တီဘီဟုတ်ပါ့မလား” စသဖြင့်မေးခွန်းများသည်တီဘီရောဂါကုနေသော ဆရာဝန်များ ကြားဖူးနေကျ မေးခွန်းများဖြစ်သည်။ တီဘီရောဂါ သည်အသက်ရှူလမ်းကြောင်းမှတဆင့်ကူးစက်နိုင်သော ရောဂါဖြစ်သည်။ တခြားကူးစက်နိုင်သော နည်းလမ်းများလည်း ရှိသေးသည်။ အသက်ရှူလမ်းကြောင်းမှတဆင့်ကူးစက်သောရောဂါဖြစ်သဖြင့်တစ်ယောက်နှင့်တစ်ယောက်ကူးစက်နိုင်မှုမြင့်မားသည်။ မျိုးရိုးလိုက်သောရောဂါမျိုးမဟုတ်ပါ။ သို့သော်တီဘီပိုးရှိသူနေ အတူနေ မိသားစုများတွင်တော့ရောဂါကူးနိုင်ချေ မြင့်မားသည်။ တီဘီလက္ခဏာများတွင်နာတာရှည်ဖျားခြင်း (အဖျားငွေ့ငွေ့သာ ဖျားနိုင်သည်)၊ ချောင်း ၂ပတ်၃ပတ်ကျော်ဆိုးခြင်း၊ အစားအသောက်ပျက်ခြင်း၊ ကိုယ်အလေးချိန်ကျဆင်းခြင်းစသည်တို့ပါဝင်သည်။ တစ်ခါတစ်ရံအဖျားကြာရှည်ခြင်း တစ်ခုသာ ဖြစ်သည်မျိုးလည်း ရှိတတ်သည်။ တီဘီရောဂါသည်အဆုတ်သာမက တခြားခန္ဓါကိုယ်အစိတ်အပိုင်းများတွင်ပါ ဖြစ်တတ်ရာ နာတာရှည်ဝမ်းလျှောခြင်း၊ ခေါင်းကိုက်ပြီးသတိမေ့မျောခြင်း၊ အကျိတ်များထွက်ခြင်း စသဖြင့်ရောဂါလက္ခဏာမျိုးစုံလည်းဖြစ်နိုင်သေးသည်။ တီဘီရောဂါပိုးသည်ရှာရခက်သော ရောဂါပိုးတစ်မျိုးလည်းဖြစ်သည်။ သလိပ်စစ်၍ ရသော်လည်းသလိပ်ထဲတွင်တီဘီပိုးပမာဏ တော်တော်များမှသာ တွေ့နိုင်သည်။ ထို့ကြောင့်လည်း တစ်ခါတစ်ရံတွင်သလိပ်ထဲပိုးမတွေ့သော်လည်း ရောဂါလက္ခဏာနှင့်ဓါတ်မှန်စသည်တွင်တီဘီနှင့်တူလျှင်ဆေးပေးရသည်များလည်းရှိသည်။ ထိုအခါ လူနာနှင့်လူနာရှင်မှတီဘီမဟုတ်ဆေးသောက်စရာမလိုဟုသံသယရှိသည်မျိုးလည်းကြုံတွေ့ရပါသည်။ သလိပ်တွင်တီဘီပိုးကိုပုံမှန်သလိပ်စစ်ရုံ(Sputum […]

အအေးမိတုပ်ကွေးကြောင့် ဖျားပြီဆိုရင် လည်ချောင်းမနာရင်တောင် နှာစေးချောင်းဆိုးဝေဒနာက ပြေးမလွတ်ပါဘူး။ နေမကောင်းဖြစ်နေတဲ့အချိန်အတွင်း ခံစားရတဲ့ လက္ခဏာတွေက ကုသမှုကြောင့် ပျောက်ကင်းသွားမှာဖြစ်ပေမယ့် ချောင်းလေး တဟွတ်ဟွတ်တော့ ဖြစ်ကျန်ခဲ့နိုင်ပါတယ်။ ဒီတစ်ခေါက်တော့ အဖျားပျောက်ပေမယ့် ကျန်ရစ်ခဲ့တဲ့ချောင်းဆိုးဝေဒနာ သက်သာအောင်ဘယ်လိုလုပ်မလဲ ဆိုတာ ပြောပြပေးချင်ပါတယ်။ အဖျားပျောက်ပေမယ့် ကျန်ရစ်ခဲ့တဲ့ချောင်းဆိုးဝေဒနာ သက်သာအောင်ဘယ်လိုလုပ်မလဲ အဖျားပျောက်ပေမယ့် ကျန်ရစ်ခဲ့တဲ့ချောင်းဆိုးဝေဒနာ သက်သာအောင်ဘယ်လိုလုပ်မလဲ ဆိုတော့ ပူရှိန်းငုံဆေး နဲ့ သကြားလုံးတွေစားပါ။ Menthol နဲ့ တချို့ငုံဆေးတွေက လည်ချောင်းနာဝေဒနာကို သက်သာစေပြီး လည်ချောင်းရှင်းစေပါတယ်။ ပျားရည်စားပါ။ ပျားရည်က ချောင်းဆိုးရော လည်ချောင်းနာပါ သက်သာစေနိုင်တဲ့ ဆေးနည်းတစ်ခု ဖြစ်ပါတယ်။ ရေနွေးကြမ်းထဲ တစ်ဇွန်းလောက်ထည့်သောက်ရုံနဲ့ အဆင်ပြေနိုင်ပါတယ်။ တစ်နှစ်အောက် ကလေးတွေကိုတော့ ပျားရည်မကျွေးပါနဲ့။ အရည်များများ သောက်ပါ။ လည်ချောင်းယား၊ အာခေါင်ခြောက်လာရင်၊ ချောင်းခြောက်ဆိုးလာရင် တစ်ခုခုသောက်နေရမှ၊ အာဆွတ်လိုက်ရမှ နေသာတယ် ထင်ကြပါတယ်။ လည်ချောင်းကို ပိုခြောက်သွေ့စေနိုင်တဲ့ အရက်နဲ့ […]

နေလို့မကောင်းဘူးဆိုတာနဲ့ မစားချင်၊မသောက်ချင်၊ တရှောင်ရှောင်နဲ့နေတတ်ကြပါတယ်။ ခန္ဓါကိုယ်ကနေလို့မကောင်းမှတော့ ခံတွင်းလည်းမကောင်းနိုင်တော့ပါဘူး။ အအေးမိတာပဲဖြစ်ဖြစ် တုပ်ကွေးြဖစ်နေတာပဲဖြစ်ဖြစ်၊ အပူလျှပ်တာပဲဖြစ်ဖြစ် ဖျားနေတဲ့အချိန်မှာ အာဟာရပိုနည်းသွားလို့မဖြစ်ပါဘူး။ ဟိုးအရင်တည်းကအယူအဆတွေအရ နေမကောင်းရင် ဆန်ပြုတ်တစ်မျိုးတည်းစားခိုင်းပြီး လူကြီးတွေက ဘာမှမစားခိုင်းတော့ပါဘူး။ အစားစားရင် အဖျားတက်မယ်ဆိုတဲ့ အယူအဆကရှိနေပါသေးတယ်။ ဒါနဲ့ပဲ အစားနည်းလာပြီး ကိုယ်ခံအားကပိုနည်း၊ ကိုယ်ခံအားမကောင်းလို့ရောဂါပိုးကို မခုခံနိုင်တော့ရောဂါပိုတာရှည်တာ အဖတ်တင်ပါတယ်။ အားမရှိတော့ ဆေးသောက်ရတဲ့ဒဏ်တွေကြောင့်လည်း လူက ပိုပြီးဝန်ပိရပါတယ်။ ဒါ့ကြောင့် ကျန်းမာရေးနဲ့ညီတဲ့အစားအစာတွေကိုထိုက်သင့်သလောက်စားပါ။ကြေလွယ်တဲ့အစားအစာကိုသာရွေးပြီး အပြင်စာတွေ၊ပြုပြင်ထားတဲ့အသင့်စားတွေကိုရှောင်ပါ။နေမကောင်းချိန်မှာ ကိုယ်ခံအားကောင်းစေဖို့ စားသင့်တဲ့အစားအစာတွေကို အခုပြောပြမယ်နော်။ အဖျားအမြန်သက်သာေစမယ့် အစားအသောက်တွေ နေမကောင်းတဲ့အချိန်မှာ ခန္ဓါကိုယ်ကြံ့ခိုင်နေဖို့ ပရိုတင်းဓါတ်ကိုလိုအပ်ပါတယ်။ အသား၊နို့ထွက်ပစ္စည်း၊ အစေ့အဆံတွေကနေ ပရိုတင်းကောင်းကောင်းရနိုင်ပါတယ်။ ပရိုတင်းကြွယ်ဝတဲ့အစားအစာတွေက ဗီတာမင်B6 နဲ့ B12 လို ဓါတ်တွေလည်းပါဝင်တာကြောင့် ကိုယ်ခံအားကိုကောင်းစေပါတယ်။ ဥပမာ ပဲ၊ အာလူး၊ ဟင်းနုနွယ်တို့မှာ ဗီတာမင်B6 ပါဝင်ပြီး အသား၊နို့နဲ့ ငါးတွေမှာ ဗီတာမင်B12 ပါဝင်ပါတယ်။ (၁) […]

အအေးမိတုပ်ကွေးဖြစ်နေချိန်တော့ တကယ်ကို ခံရခက်တဲ့ လက္ခဏာတွေပါပဲ။ ကိုယ်ပူတာ၊လည်ချောင်းနာတာ၊ နှာစေးနှာပိတ်၊ ကိုယ်လက်ကိုက်ခဲမှုနဲ့ ချမ်းတုန်တာတွေ စုံလို့ပါပဲ။ ဆရာဝန်ပြပြီးဆေးကုသမှုခံယူထားတယ်ဆိုပေမယ့်လည်း အအေးမိခြင်းရဲ့သဘာဝအရ သူ့ကာလအတွင်းမှာတော့ နှာစေး၊ချောင်းဆိုး စတဲ့လက္ခဏာတွေခံစားရဦးမှာဖြစ်ပါတယ်။ ဒါတွေသက်သာဖို့၊ ကုသမှုကို ထိရောက်အောင်ပံ့ပိုးနိုင်ဖို့ ကူညီပေးမယ့် နည်းလမ်းတွေရှိပါတယ်။ ဒီတော့ အအေးမိတုပ်ကွေးသက်သာစေမယ့် သဘာဝနည်းလမ်း တွေက ဘာတွေဖြစ်မလဲ အတူတူ ကြည့်လိုက်ရအောင်နော်။ အအေးမိတုပ်ကွေးသက်သာစေမယ့် သဘာဝနည်းလမ်း (၇) ခု အအေးမိတုပ်ကွေးသက်သာစေမယ့် သဘာဝနည်းလမ်း တွေက ဘာတွေများလဲ။ (၁)ရေ သို့မဟုတ် အရည်သောက်ပါ ဖျားပြီဆိုတာနဲ့ ခန္ဓါကိုယ်ကေရဓါတ်လျော့ကျလာနိုင်ပါတယ်။ အထူးသဖြင့် ပျို့အန်တာ၊ ဝမ်းလျှောတာပါဖြစ်ရင်ပေါ့။ ဒါ့ကြောင့်ရေဓါတ်လုံလောက်အောင်ဂရုစိုက်ပါ။ရေ၊ အသီးဖျော်ရည်၊ဓါတ်ဆားရည်၊ ဒါမှမဟုတ် စွပ်ပြုတ်သောက်လို့ရပါတယ်။ရေဓါတ်ပြည့်လား၊ လျှော့နည်းနေလားသိချင်ရင် ဆီးအရောင်ကိုကြည့်ပါ။ဖျော့လွန်းတဲ့အဝါရောင်ဖြစ်နေရင်ရေဓါတ်လုံလောက်လို့၊ ဆီးအရောင်ရင့်နေရင်ရေဓါတ်နည်းနေလို့ဖြစ်ပါတယ်။ (၂) ကြက်စွပ်ပြုတ်သောက်ပါ နေမကောင်းဖြစ်ပြီဆိုတာနဲ့ ကြက်စွပ်ပြုတ်တိုက်တာ အိမ်မှာအမေပြုစုပေးတဲ့မိရိုးဖလာနည်းတစ်ခုပါ။ နေမကောင်းဖြစ်လာရင် စွပ်ပြုတ်ပူပူလေးသောက်ခိုင်းတာပဲ။ ဒီနည်းက တကယ်မှန်ပါတယ်။ ကြက်စွပ်ပြုတ်က အအေးမိဝေဒနာနဲ့အသက်ရှူလမ်းကြောင်းပိုးဝင်ခြင်းကိုဝေဒနာသက်သာလျော့ပါးစေနိုင်ပါတယ်။ (၃)ငြိမ်ငြိမ်သာနေပါ ခန္ဓါကိုယ်က အချက်ပြတဲ့အတိုင်းသာ […]

ပဋိဇီဝပိုးသတ်ဆေးေတွဆိုတာရောဂါပိုးတွေကိုတိုက်ဖျက်ပေးနိုင်တဲ့ အာနိသင်ပြင်းဆေးဝါးတွေအဖြစ် အများစုက နားလည်ထားကြတယ်။ ဒါပေမယ့် သိပ်မသိတာတစ်ခုက ပဋိဇီဝဆေးတွေဟာ ဘက်တီးရီးယားကြောင့်ဖြစ်တဲ့ရောဂါတွေကိုပဲ ကုသပေးနိုင်တယ်ဆိုတာပါပဲ။ ရောဂါဖြစ်စေနိုင်တဲ့ပိုးတွေထဲမှာ ဗိုင်းရပ်စ်နဲ့ ဘက်တီးရီးယား ကွဲပြားသလို သူတို့ကို နှိမ်နင်းကုသရာမှာလည်းဆေးဝါးတွေမတူ၊အာနိသင်တွေမတူကြတာ သိထားသင့်တဲ့အချက်ပါ။ ဘာဝေဒနာဖြစ်လာလာ ပဋိဇီဝဆေး(antibiotics)တွေသောက်ပစ်လိုက်တာပဲဆိုရင်တော့ အနာတခြားဆေးတခြား အဖြစ်တွေနဲ့ရောဂါတာရှည်ပြီး အားပိုနည်းလာတာပဲ အဖတ်တင်ပါလိမ့်မယ်။ဆေးရဲ့ဘေးထွက်ဆိုးကျိုးကိုရောပေါ့။ နေမကောင်းတာ ဗိုင်းရပ်စ်ကြောင့်လား၊ ဘက်တီးရီးယားကြောင့်လားဆိုတာ ဆရာဝန်က ရောဂါရှာဖွေစစ်ဆေးပေးပါလိမ့်မယ်။ အရေးကြီးတာက ပဋိဇီဝဆေးတွေကို ကိုယ့်သဘောနဲ့ကိုယ် မဆင်မခြင်မသောက်ဖို့ပါပဲ။ လေပြွန်ရောင်ခြင်း၊ နားပိုးဝင်ခြင်း၊ နမိုးနီးယား စတဲ့ ဘက်တီးရီးယားကြောင့်ဖြစ်တဲ့ ရောဂါလက္ခဏာတွေအတွက်ပဲ ပဋိဇီဝဆေးတွေကိုသောက်ဖို့လိုတာဖြစ်ပါတယ်။ အအေးမိတိုင်း တုပ်ကွေးမဟုတ် လူတွေက အအေးမိဝေဒနာခံစားနေရတဲ့အချိန် ငါတော့တုပ်ကွေးမိပြီလို့ပြောလေ့ရှိကြတယ်။ အအေးမိတုပ်ကွေးဝေဒနာ ဘာညာရောပြောလေ့ရှိတာကြောင့် အတူတူပဲလို့ အမှတ်မှားကောင်းမှားနိုင်ပါလိမ့်မယ်။ တကယ်တော့ မတူပါဘူး။ အအေးမိတယ်ဆိုတာ ပိုအဖြစ်များပြီး ဗိုင်းရပ်စ်တွေကြောင့်ဖြစ်တာပါ။ သာမန်အအေးမိလက္ခဏာတွေက အန္တရာယ်ပြင်းထန်တာမျိုးဖြစ်ခဲပါတယ်။ တုပ်ကွေးကတော့ influenza ဗိုင်းရပ်စ်ကြောင့်ဖြစ်ရတာဖြစ်ပြီး ပိုပြင်းထန်နိုင်သလို ကလေးငယ်တွေ၊အသက်ကြီးသူတွေနဲ့ ကိုယ်ခံအားမကောင်းသူတွေမှာဆို […]

ရာသီဥတုအေးလာပြီဆို နှာလေးချေလိုက်ရမှ။ ရာသီဥတုအပြောင်းအလဲကို အရင်ဆုံးအချက်ပြလာတာက နှာရည်ကျလာတာပါပဲ။ တချို့ကျတော့ ဒီလောက်နဲ့မရပ်သွားဘဲ အအေးမိ၊တုပ်ကွေးတွေအထိဖြစ်လာတယ်။ ဟိုလူဖျား၊ ဒီလူဖျားနဲ့နေမကောင်းဖြစ်သူတွေ ပတ်လည်ဝိုင်းလာတဲ့အထိပြန့်ပွားလာတတ်ပါတယ်။ အေးတဲ့ရာသီမှာရောဂါပိုးပြန့်ပွားမှုနှုန်း ဘာလို့ပိုမြန်ရတာလဲ၊ ဘာလို့အဖြစ်များတာလဲ ဆိုတော့ ဗိုင်းရပ်စ်ကြောင့်ပါ။ အအေးမိနဲ့ တုပ်ကွေးြဖစ်စေတဲ့ဗိုင်းရပ်စ်တွေက အေးပြီးခြောက်သွေ့တဲ့ လေထုထဲမှာ ပိုပြီးကြာကြာအသက်ရှင်နိုင်တာကြောင့် ဒီရာသီနဲ့ကွက်တိပါပဲ။ အအေးမိနဲ့တုပ်ကွေးဗိုင်းရပ်စ်တွေက အသက်ရှူလမ်းကြောင်းကတဆင့် ခန္ဓါကိုယ်ထဲကို ဝင်ရောက်လေ့ရှိတယ်။ နှာခေါင်းလမ်းကြောင်းနံရံအမြှေးတွေကလည်း ရောဂါဖြစ်စေနိုင်တဲ့ပိုးမွှားတွေကိုကာကွယ်နိုင်တဲ့လုပ်ဆောင်ချက်တွေပိုင်ဆိုင်ထားပါတယ်။ ဒါပေမယ့် နှာခေါင်းက ရှူရှိုက်လိုက်တဲ့လေအေးတွေကြောင့် ချွဲသလိပ်ရှင်းလင်းနိုင်စွမ်းကိုနှေးကွေးစေပါတယ်။ အဲဒီမှာ ဗိုင်းရပ်စ်တွေက ပိုကြာကြာကပ်တွယ်ခွင့်ရသွားပြီး ခန္ဓါကိုယ်ထဲ ဝင်ရောက်ဖို့ကြိုးစားလာတာဖြစ်ပါတယ်။ နေမကောင်းဖြစ်တဲ့လူက နှာချေလိုက်တိုင်း၊ချောင်းဆိုးလိုက်တိုင်းလေထဲကို အမှုန်စက်လေးတွေပျံ့နှံ့သွားပြီး တွေ့ထိမိတဲ့ မျက်နှာပြင်တစ်နေရာရာမှာ ကပ်တွယ်သွားမယ်၊ ဒါမှမဟုတ် အနီးတဝိုက်လေကြောင်းသင့်တဲ့နေရာက လူတစ်ယောက်ရဲ့ အသက်ရှူလမ်းကြောင်းထဲ ပါသွားမယ်ဆိုရင်ရောဂါကူးပြီလေ။ တုပ်ကွေးဗိုင်းရပ်စ်က စိုထိုင်းဆလျော့နည်းပြီး အပူချိန်လျော့နေတဲ့အခြေအနေမှာပိုကပ်တွယ်နိုင်စွမ်းရှိပါတယ်။ ဒါ့ကြောင့်ပဲ ရာသီဥတုအေးနေချိန်အတွင်း အအေးမိတုပ်ကွေး ကူးစက်ပြန့်ပွားမှုပိုများတာဖြစ်ပါတယ်။တုပ်ကွေးေရာ၊ အအေးမိေရာ ကူးစက်လွယ်တဲ့ရောဂါတွေချည်းဆိုပေမယ့် အအေးမိက ပိုအဖြစ်များပြီး […]