အချင်းကပ်ခြင်း

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇူလိုင် 14, 2020 . 2 mins read
Share now

အချင်းကပ်ခြင်းဆိုတာ ဘာလဲ။

အချင်းကပ်ခြင်း ဆိုသည်မှာ အချင်းသည် မိခင်၏ သားအိမ်နံရံထဲတွင် တွယ်ကပ်နေခြင်းဖြစ်ပြီး ထိုသို့ဖြစ်ခြင်းသည် ကိုယ်ဝန်ဆောင်ချိန်တွင်ကြီးမားသော နောက်ဆက်တွဲ ဆိုးကျိုးများကို ဖြစ်ပေါ်စေပါသည်။

ယေဘူယျအားဖြင့် ကလေးမွေးပြီး ချိန်တွင် အချင်းသည် သူ့ အလိုလို ကွာကျပါသည်။ သိုကသော် အချင်းကပ်နေသူများတွင်မူ အချင်းစများသည် သားအိမ်နံရံတွင် ကပ်နေပြီး သွေးထွက်လွန်ခြင်း၊ အသက်အန္တရာယ်ထိခိုက်ခြင်းတို့ဖြစ်စေနိုင်ပါသည်။

ထို့ကြောင့် သင့်ဆရာဝန်က သင့်ကို အချင်းကပ်နေကြောင်း သံသယရှိပါက ကလေးကို ခွဲမွေးပြီး သားအိမ်ကိုပါ ခွဲစိတ်ဖြတ်ထုတ်ရမည်ဖြစ်သည်။

အချင်းကပ်ခြင်း၏ရောဂါလက္ခဏာများက ဘာလဲ။

အချင်းကပ်ခြင်းသည် သေနိုင်သော အခြေအနေဖြစ်သော်လည်း သိသာသော လက္ခဏာများ မတွေ့ရပါ။

တစ်ခါတရံတွင် ကလေးမွေးပြီးသည့်တိုင်အောင် မတွေ့ရသည်များလည်းရှိပါသည်။ အချို့သော မိခင်လောင်းများတွင် အသံလှိုင်းဓာတ်မှန်ရိုက်ခြင်း၊ ကိုယ်ဝန် လနှောင်းပိုင်းတွင် မိန်းမကိုယ်မှ သွေးထွက်ခြင်း စသည့် အရေးကြီးသော ရောဂါလက္ခဏာများကို တွေ့ရတတ်သည်။

ထို့ကြောင့် သင်သည် ကိုယ်ဝန်နှောင်းပိုင်းတွင် သွေးဆင်းခြင်းများဖြစ်ပါက သင့်ကျန်းမာရေးစောင့်ရှောက်သူကို ချက်ခြင်းပြောပြရမည်ဖြစ်ပါသည်။

(အထက်တွင် မဖော်ပြထားသော လက္ခဏာများလည်း ကျန်ရှိနိုင်ပါသည်။ တိကျသော သတင်းအချက်အလက်များရရှိရန် ဆရာဝန်နှင့် တိုင်ပင်သင့်ပါသည်။)

အချင်းကပ်ခြင်းကို ဖြစ်စေသော အကြောင်းများ

အချင်းကပ်ခြင်းကို ဖြစ်စေသော အကြောင်းများကို တိကျစွာ မသိရသေးသော်လည်း ယင်းသို့ဖြစ်ခြင်းသည် အချင်းအရှေ့ရောက်ခြင်း၊ ယခင်က ဗိုက်ခွဲပြီး ကလေးမွေးဖူးခြင်းများနှင့် ဆက်စပ်မှုရှိနိုင်ပါသည်။

လေ့လာချက်များအရ အချင်းအရှေ့ရောက်သော ကိုယ်ဝန်ဆောင်များ၏ ၅-၁၀ % တွင် အချင်းကပ်ခြင်းဖြစ်ကြောင်းတွေ့ရသည်။

ထို့ပြင် ကလေးကို ဗိုက်ခွဲမွေးခြင်းသည်လည်း ရေရှည်တွင် ကိုယ်ဝန်ပြန်ဆောင်လျှင် အချင်းကပ်ခြင်းဖြစ်နိုင်ချေရှိကြောင်း တွေ့ရပါသည်။

အချင်းကပ်ခြင်း ၏ နောက်ဆက်တွဲဆိုးကျိုးများနှင့် နောက်ဆက်တွဲကျန်းမာရေး ပြသနာများ

အချင်းကပ်ခြင်းကြောင့်အဖြစ်အများဆုံးမှာ လမစေ့ဘဲ ကလေးမွေးခြင်း နှင့် နောက်ဆက်တွဲဆိုးကျိုးများဖြစ်ခြင်းတို့ဖြစ်ပါသည်။ အချင်းကပ်နေသူများတွင် လမစေ့ဘဲမွေးခြင်းသည် ပိုပြီး အတွေ့ရများပါသည်။

နေ့စေ့ လစေ့ မွေးသောသူများတွင်မူ အချင်းသည် အလိုလိုကွာကျရန်ခက်သောကြောင့် သားအိမ်ထဲကို လက်ထည့်ပြီး ခွာရခြင်းများဖြစ်ကာ မိခင်သည် သွေးထွက်လွန်ပြီး အသက်အန္တရာယ်ရှိပါသည်။ ထို့ပြင် ထိုသို့ပြုလုပ်ခြင်းဖြင့် သားအိမ်တစ်ရှူးများ ထိခိုက်ပျက်စီးခြင်းဖြစ်နိုင်ပါသည်။

အချင်းကပ်ခြင်းကို ဘယ်လိုသိနိုင်မလဲ။

သင့်တွင် အချင်းကပ်နေကြောင်း ဆရာဝန်က သံသယရှိပါက သင့်အခြေအနေကို စစ်ဆေးပြီး အချင်းသည် သားအိမ်တွင် တည်ရှိနေသော အနေအထားကို သိရှိရန် လိုအပ်လျှင် အသံလှိုင်းဓာတ်မှန်ရိုက်ခြင်း၊ သံလိုက်ဓာတ်မှန်ရိုက်ခြင်းတို့ပြုလုပ်ပါမည်။

ထိုစစ်ဆေးမှုများသည် နာကျင်ခြင်းမရှိသလို သင်နှင့် သင့်သန္ဓေသားအတွက်လည်း စိတ်ချရသော စစ်ဆေးမှုများလည်းဖြစ်ပါသည်။ ထို့ပြင် သွေးစစ်ခြင်းဖြင့် သန္ဓေသားမှထွက်သော alpha-fetoပရိုတင်းဓာတ်ကို သိရှိနိုင်ပါသည်။ alpha-fetoပရိုတင်းဓာတ်သည် အချင်းကပ်သူများတွင် မြင့်မားနေနိုင်ပါသည်။

အချင်းကပ်ခြင်းကို ဘယ်လိုကုသနိုင်မလဲ။

သင့်တွင်အချင်းကပ်နေပြီဟု ရောဂါရှာဖွေချက်များက အတည်ပြုပြီးလျှင် သင့်ဆရာဝန်က သင့်ကိုယ်ဝန်ကို ဂရုစိုက်စောင့်ရှောက်ခြင်း၊ သားအိမ်ကို ဖြစ်နိုင်လျှင် ဖြတ်ထုတ်စရာမလိုဘဲ ခွဲမွေးနိုင်ရန် အချိန်ဇယားများရေးဆွဲခြင်း စသည့်လိုအပ်သည်များကို ပြုလုပ်ပါလိမ့်မည်။

ထို့ကြောင့် သင်သည် နောက်ထပ် ကလေးယူရန် ဆန္ဒရှိမရှိကို ခွဲစိတ်ဆရာဝန်နှင့် တိုင်ပင်သင့်ပါသည်။ ထို့ပြင် ခွဲစိတ်ကုသနိုင်မည့် နည်းလမ်းများကိုလည်း တိုင်ပင်ကာ သင်နှင့် အသင့်တော်ဆုံးကို ရွေးချယ်သင့်သည်။

အချင်းကပ်ခြင်းနှင့် ဆက်နွယ်နေသည့်အရာများ

အချုပ်ဆိုရသော် သင့်ဆရာဝန်က အချင်းကပ်ခြင်းကို သံသယရှိပါက သင်သည် သင့်ကိုယ်ဝန်၊ သန္ဓေသားနှင့် နောက်ထပ်ကိုယ်ဝန်များနှင့် ပက်သက်ပြီး အလွန်စိုးရိမ်သွားပါလိမ့်မည်။ ထိုစိုးရိမ်စိတ်များကို ဖယ်ရှားရန်အတွက် သင်သည် အချင်းကပ်ခြင်းနှင့် ပက်သက်ပြီး သိသင့်သည့် သတင်းအချက်အလက်များကို ရှာဖွေလေ့လာပါ။

ထို့နောက်ထိုအကြောင်းအရာများနှင့် ပက်သက်ပြီး သိလိုသည်များကို သင့်ကျန်းမာရေးစောင့်ရှောက်သူများအားမေးမြန်းခြင်း၊ ဘဝတူကိုယ်ဝန်သည်များနှင့် မျှဝေခြင်းများပြုလုပ်သင့်ပါသည်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကိုယ်ဝန်ဆောင်မေမေ ကိုယ်ခံအားကောင်းစေဖို့ ဘာတွေ စားမလဲ

ကိုယ်ဝန်ဆောင်ချိန်မှာ မိခင် ကျန်းမာမှ ဗိုက်ထဲက ဘေဘီလေးက ကျန်းမာမှာပါ။ ကိုယ်ဝန်ဆောင်နေရတဲ့ လေဒီတွေ အနေနဲ့ ကိုယ်ခံအား ကောင်းအောင် စားသောက်ဖို့ လိုပါမယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကိုယ်ဝန်ဆောင်မေမေ Detox Water သောက်လို့ရလား။

ကိုယ်ဝန်ဆောင်မေမေ Detox Water သောက်လို့ ရလား။ ကိုယ်ဝန်ဆောင်မေမေ Detox Water မသောက်ပါနဲ့လို့ ပြောရတဲ့ အကြောင်းအရင်း။ ကိုယ်ဝန်ဆောင်နဲ့Detox Water။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကလေးလေးတွေကို နွေးနွေးထွေးထွေး ပွေ့ဖက် ပေးပါ

ချစ်ခင်ကြင်နာစွာ ပွေ့ဖက် ပေးခြင်းက ချစ်ရတဲ့ ကလေးတွေ အတွက် အကျိုးကျေးဇူးတွေ အများကြီး ရနိုင်တယ်ဆိုတာ ဖေဖေမေမေ တို့ သိထားသင့်ပါတယ်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

သင့်ကလေးကို စကားပြောတတ်အောင် ဘယ်လိုသင်ပေးမလဲ

စကားပြော ဖွံ့ဖြိုးမှုမှတ်တိုင် ဦးနှောက်ဖွံ့ဖြိုးမှု ကိုယ်ဝန်ဆောင် ကလေးကိုမြူ စာဖတ်ပြ ဘာသာစကား သီချင်းသံ အသက်၂နှစ် မွေးစကလေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

Covid ကာလမှာ ကလေးနေမကောင်း ရင် ဘယ်လိုပြုစုပေးရမလဲ

Covid ကာလမှာ ကလေးနေမကောင်း ရင် ဘယ်လိုပြုစုပေးရမလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Yun Sandi Nan Mon
ရေးသား ထုတ်ဝေခဲ့သည် စက်တင်ဘာ 16, 2020 . 1 min read
ကိုယ်ဝန်ဆောင်မေမေနဲ့ သင့်တော်မယ့် လေ့ကျင့်ခန်းများ

ကိုယ်ဝန်ဆောင်မေမေနဲ့ သင့်တော်မယ့် လေ့ကျင့်ခန်းများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 10, 2020 . 2 mins read
ကျွန်မဖျောက်ဖျက်ပစ်ခဲ့တဲ့ မိဘအမွေ

ကျွန်မဖျောက်ဖျက်ပစ်ခဲ့တဲ့ မိဘအမွေ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် စက်တင်ဘာ 1, 2020 . 3 mins read

ဟော်မုန်းအပြောင်းအလဲကြောင့်ဖြစ်သော ခေါင်းကိုက်ခြင်းဝေဒနာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် ဩဂုတ် 30, 2020 . 3 mins read