မိခင်နို့တိုက်ကျွေးတဲ့မိခင်တွေ နှလုံးရောဂါဖြစ်နိုင်ခြေပိုနည်း

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win

မိခင်မေတ္တာဆိုတာ စုန်ရေလို့ပြောကြပါတယ်။ ကိုယ့်ဝမ်းနဲ့လွယ်ပြီးမွေးခဲ့ရတဲ့ သားသမီးလေးတွေကို ကိုယ့်ရဲ့အသွေးအသားကဖြစ်တဲ့ မိခင်နို့ရည်တိုက်ကျွေးကြတာ မေတ္တာအပြည့်နဲ့ပါ။ ဒီလိုမေတ္တာကြီးတဲ့မေမေတို့အတွက် သဘာဝက ပြန်ပေးထားတဲ့လက်ဆောင်တစ်ခုကို သုတေသနအသစ်ကဖော်ထုတ်ပြလိုက်ပါတယ်။

ကလေးကို မိခင်နို့တိုက်ကျွေးတဲ့အမျိုးသမီးတွေဟာ အသက်ကြီးလာတဲ့အခါ နှလုံးရောဂါဖြစ်နိုင်ခြေပိုနည်းတယ်လို့လေ့လာတွေ့ရှိခဲ့ကြပါတယ်။ မိခင်နို့တိုက်တဲ့ကာလကြာလေ နှလုံးရောဂါအန္တရာယ်ပိုနည်းလေဖြစ်ပါတယ်တဲ့။

လေ့လာမှုမှာ သုတေသီတွေကသွေးဆုံးပြီးအမျိုးသမီးတွေရဲ့ နှလုံးနဲ့သွေးကြောကျန်းမာရေးကိုစစ်ဆေးပြီး အရင်က မိခင်နို့တိုက်ကျွေးမှု အကြောင်းနဲ့ပတ်သက်ပြီး ဆန်းစစ်ခဲ့ပါတယ်။

ကိုယ်အလေးချိန်၊အသက်အရွယ်၊ကိုလက်စထရောပမာဏနဲ့ဆေးလိပ်သောက်တဲ့အမူအကျင့် စတဲ့ နှလုံးကျန်းမာရေးကို သက်ရောက်မှုရှိနိုင်တဲ့ တခြားအချက်တွေကို ချိန်ညှိပြီးတဲ့နောက်မိခင်နို့တိုက်ကျွေးတဲ့အမျိုးသမီးတွေဟာ အသက်ကြီးလာတဲ့အခါ နှလုံးရောဂါဖြစ်နိုင်ခြေပိုနည်းတယ်လို့ကောက်ချက်ချခဲ့တာဖြစ်ပါတယ်။

ကလေးကို နှစ်ကြာတဲ့အထိ မိခင်နို့တိုက်ခဲ့တဲ့ အမျိုးသမီးတွေမှာ ဒီအကျိုးကျေးဇူးက အသိသာဆုံးဖြစ်တယ်လို့ သုတေသီတွေကပြောပါတယ်။

“ ဒီတွေ့ရှိချက်က ကနဦးအဆင့်ပဲရှိသေးတာဖြစ်ပါတယ်။ ဒီလိုသက်ရောက်မှုရှိစေတဲ့နောက်ခံအကြောင်းရင်းတွေကိုသေချာလေ့လာဖော်ထုတ်နိုင်ဖို့ကို စိတ်ဝင်စားနေပါတယ်။” လို့ ဂရိနိုင်ငံ University of Athens မှ သုတေသီIrene Lambrinoudaki ကပြောပါတယ်။

ဒီသက်ရောက်မှုကို သက်သေပြနိုင်ရင် အမျိုးသမီးတွေအနေနဲ့ သူတို့နဲ့ကလေးတွေအပေါ်ရရှိလာမယ့် အရင်တည်းကသိပြီးသား ရေတို၊ရေရှည်အကျိုးကျေးဇူးတွေအပြင် ကလေးကိုမိခင်နို့တိုက်တဲ့ အကြောင်းရင်းတစ်ခုထပ်ရတာပေါ့ လို့ သူကထပ်ပြောပါတယ်။

အရင်သုတေသနတွေမှာတော့ မိခင်နို့တိုက်ကျွေးခြင်းက ကလေးမွေးပြီး စိတ်ဓါတ်ကျခြင်းနဲ့ ကင်ဆာဖြစ်နိုင်ခြေတွေ ပိုနည်းစေတဲ့အြောကာင်းတွေ့ရှိထားတာဖြစ်ပါတယ်။ မိခင်နို့တိုက်ကျွေးတာဟာမေမေတို့အတွက် ကျန်းမာတဲ့ကိုယ်အလေးချိန်ထိန်းသိမ်းနိုင်ဖို့ကူညီပေးပြီးသွေးတွင်းသကြားဓါတ်ကို ထိန်းညှိပေးပါတယ်။

ဒီလိုကျန်းမာရေးအကျိုးကျေးဇူးတွေဟာ နို့တိုက်မိခင်တွေမှာprolactinဟော်မုန်းမြင့်မားမှုနဲ့ ဆက်နွှယ်နေနိုင်တယ်လို့ သုတေသီတွေကပြောပါတယ်။

prolactinဟော်မုန်းက နှလုံးရောဂါအန္တရာယ်သိပ်များစေတဲ့ ဆီးချိုသွေးချိုရောဂါဖြစ်နိုင်ခြေကိုလျော့နည်းစေတယ်လို့ မကြာသေးခင်က သုတေသနတွေကဖော်ပြထားပါတယ်။

Hello Health Groupသည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။

Read also:

Share now :

တည်းဖြတ်သည့်နေ့ မေ 27, 2019 | နောက်ဆုံးတည်းဖြတ်ခြင်း မေ 28, 2019

သင်ဒါလည်း နှစ်သက်နိုင်ပါတယ်။