home

What are your concerns?

close
Inaccurate
Hard to understand
Other

သို့မဟုတ် လင့်ခ်ကူးယူမည်

ဘာကြောင့်တရားဝင်ကလေးဖျက်ချခြင်းကမီးဖွားခြင်းထက်ပိုဘေးကင်းတယ်ပြောရသလဲ

ဘာကြောင့်တရားဝင်ကလေးဖျက်ချခြင်းကမီးဖွားခြင်းထက်ပိုဘေးကင်းတယ်ပြောရသလဲ

တရားဝင်ကလေးဖျက်ချခြင်းအန္တရာယ်များ

တရားဝင်ကလေးဖျက်ချခြင်းကြောင့် အမျိုးသမီးတစ်ယောက်မှာ ဖြစ်လာနိုင်တဲ့အန္တရာယ်အများအပြားရှိပါတယ်။ အဲ့ဒါတွေကတော့-

သားအိမ်ပိုးဝင်ခြင်း

ကိုယ်ဝန်ဖျက်ချခြင်း ၁၀ ခုမှာ ၁ ခုလောက်တော့ အမြဲသားအိမ်ပိုးဝင်ပါတယ်။ ပဋဇီဝပိုးသတ်ဆေးဖြင့်ကုသရတယ်။

ကိုယ်ဝန်ဆောင်ခြင်းအစိတ်အပိုင်းများကျန်ခဲ့ခြင်း

ကိုယ်ဝန်ဖျက်ချပြီးတဲ့အခါ ကိုယ်ဝန်ဆောင်စဉ်က တချို့သောအစိတ်အပိုင်းများ လုံးဝအစင်ဖယ်မပစ်နိုင်တာမျိုး ရှိနိုင်ပါတယ်။ ထိုအခြေအနေမျိုးဆိုရင်တော့ ဆက်လက်ပြီးကုသမှုခံယူရပါမယ်။ ကလေးဖျက်ချခြင်း အခါ ၂၀ မှာ တစ်ခုလောက်တော့ ထိုအခြေအနေမျိုးဖြစ်တတ်တယ်။

သားအိမ်ခေါင်းထိခိုက်ခြင်း

သားအိမ်အဝင်ဝဖြစ်တဲ့ သားအိမ်ခေါင်းထိခိုက်ခြင်းဟာ ကိုယ်ဝန်ဖျက်ချခြင်း အခါ ၁၀၀ မှာ ၁ ခါရှိပါတယ်။

သားအိမ်ထိခိုက်ခြင်း

တရားဝင်ခွဲစိတ်ကလေးဖျက်ခြင်းအခါ ၁၀၀၀ မှာ ၂၅၀ သားအိမ်ထိခိုက်ခြင်းရှိတယ်။

သွေးထွက်လွန်ခြင်း

ကိုယ်ဝန်ဖျက်ချခြင်းအခါ ၁၀၀၀ မှာ တစ်ခါဖြစ်နိုင်ပါတယ်။ ပြင်းထန်တဲ့အခြေအနေတွေမှာ သွေးသွင်းဖို့လိုလိမ့်မယ်။

မီးဖွားခြင်းရဲ့အန္တရာယ်များ

မီးဖွားခြင်းရဲ့အန္တရာယ်တွေကတော့-

မွေးဖွားချိန်ကြာမြင့်ခြင်း

သားဦးမိခင်တွေဟာ ဒီအခြေအနေကြုံတွေ့ရတတ်ပါတယ်။ ထိုအခြေအနေဟာ မိခင်ရောကလေးပါအန္တရာယ်ဖြစ်စေနိုင်ပါတယ်။

ကလေးအနေအထားမမှန်ခြင်း

ကလေးအနေအထား မွေးဖွားရန်ခက်ခဲနေခြင်းဖြစ်တယ်။

ချက်ကြိုးကျွံခြင်း၊ ချက်ကြိုးတွင်းသွေးမစီးနိုင်ခြင်း

ချက်ကြိုးမှာဖြစ်တတ်တဲ့မူမမှန်ခြင်းတွေဖြစ်တယ်။

ဘာကြောင့်တရားဝင်ကလေးဖျက်ချခြင်းကမီးဖွားခြင်းထက်အန္တရာယ်နည်းရသလဲ

တရားဝင်ကလေးဖျက်ချခြင်းဟာ အမျိုးသမီးတစ်ယောက်အတွက် ရုပ်ပိုင်းဆိုင်ရာရော၊ စိတ်ပိုင်းဆိုင်ရာပါ နာကျင်စေတဲ့ အတေ့ွအကြုံတစ်ခုပါ။ ဒါပေမယ့် အံ့သြစရာကောင်းအောင်ပဲ သုတေသနတွေက တရားဝင်ကလေးဖျက်ခြင်းက မီးဖွားခြင်းထက် ပိုအန္တရာယ်နည်းတယ်ဆိုပါတယ်။

ကလေးမီးဖွားခြင်းနဲ့ တရားဝင်ကလေးဖျက်ချခြင်းကြောင့်ရနိုင်တဲ့ ဘေးအန္တရာယ်တွေကို သားဖွားမီးယပ်ပညာက လေ့လာခဲ့ပါတယ်။ လေ့လာမှုတွေအရ မီးဖွားခြင်းနေစဉ် သို့ မီးဖွားအပြီးမှာ မီးဖွားခြင်းကြောင့်သေဆုံးရတဲ့ အမျိုးသမီးအရေအတွက်ဟာ ကလေးဖျက်ချခြင်းကြောင့်ရတဲ့ အန္တရာယ်ထက် ၁၄ ဆများတယ်ဆိုပါတယ်။

လေ့လာမှုတွေအရ ၁၉၉၈ နဲ့ ၂၀၀၅ ခုနှစ်ကြားကာလတွေမှာ ၁၁၀၀၀ သောကလေးများမွေးဖွားခြင်းနဲ့အတူ မိခင်တစ်ယောက် သေဆုံးနေပါတယ်။ ထိုအချိန်မှာ တရားဝင်ဆရာဝန်နဲ့ ကလေးဖျက်ချခြင်း ၁၆၇၀၀၀ အကြိမ်မှာသာ မိခင်တစ်ယောက်သေပါတယ်။ အဓိကအကြောင်းအရင်းကတော့ ကိုယ်ဝန်ဆောင်ခြင်းဟာ ၉ လတာကြာမြင့်ပါတယ်။ ထိုရှည်လျားတဲ့ကာလအတွင်းမှာ မမျှော်လင့်တဲ့နောက်ဆက်တွဲပြဿနာတွေများစွာဖြစ်နိုင်ပါတယ်။ ချီကာကိုမှာရှိတဲ့ အီလီနွိုက်တက္ကသိုလ်က သားဖွားမီးယပ်ဆရာဝန် Bryna Harwood ကတော့ တရားဝင်ကိုယ်ဝန်ဖျက်ခြင်းဟာဘေးကင်းတယ်လို့ဆိုပါတယ်။ ခုနောက်ပိုင်းမှာပြုလုပ်လာကြတဲ့ ဆေးဝါးဖြင့် သို့ ခွဲစိတ်မှုဖြင့် ကလေးဖျက်ချခြင်းတွေဟာ နှစ်မျိုးစလုံးဘေးကင်းတယ်ဆိုတယ်။ နောက်ဆက်တွဲရောဂါပြဿနာဖြစ်နိုင်ပေမယ့် အမတန်သေးငယ်ပြီး ခွဲစိတ်ဖျက်ခြင်းကတော့ ရောဂါပိုးဝင်နိုင်ချေရှိကာ ဆေးဝါးဖြင့်ဖျက်ခြင်းကတော့ ဆေးဓါတ်ပြုခြင်းတွေဖြစ်နိုင်တယ် ဆိုပါတယ်။

Hello Health Group မှ အခြားသောဆေးဘက်ဆိုင်ရာအကြံဉာဏ်များ၊ ရောဂါရှာဖွေမှုများ၊ ကုသမှုများမပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

Why Abortion Is Less Risky than Childbirth. http://healthland.time.com/2012/01/25/why-abortion-is-less-risky-than-childbirth/Accessed April 24, 2017

 

Risks of an abortion http://www.nhs.uk/Conditions/Abortion/Pages/Risks.aspxAccessed April 24, 2017

 

Risks of childbirth http://www.webmd.com/baby/features/childbirth-complications#1Accessed April 24, 2017

စာရေးသူ ဓာတ်ပုံbadge
Dr.Aye Myat Myat Noe မှ ရေးသားသည်။ 02/07/2020 တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။