ကိုယ်ဝန်ဆောင်မိခင်တွေ ဖောလစ်အက်ဆစ် သောက်သင့်တဲ့အကြောင်းရင်း

    ကိုယ်ဝန်ဆောင်မိခင်တွေ ဖောလစ်အက်ဆစ် သောက်သင့်တဲ့အကြောင်းရင်း

    ကမ္ဘာတစ်ဝှမ်းရှိ ကလေး၁၀၀၀ခန့်မှာ တစ်ယောက်ဟာ ဦးခေါင်းခွံမပါဘဲ မွေးလာခြင်း၊ ကျောရိုးနှစ်ခွဖြစ်ခြင်းစတဲ့ မွေးရာပါ ချို့ယွင်းချက်တွေ ပါလာတတ်ကြပါတယ်။ လေ့လာချက်များစွာအရ ဖောလစ်အက်ဆစ် ပုံမှန်သောက်သုံးတဲ့ ကိုယ်ဝန်ဆောင်မိခင်တွေဟာ မွေးရာပါချို့ယွင်းချက်တွေရှိတဲ့ ကလေးများကို မွေးနိုင်ချေနည်းပါးတယ်လို့ သိရှိရပါတယ်။

    ဖောလစ်အက်ဆစ်ဆိုတာကတော့ အားဆေးအချို့နှင့် ဖြည့်စွက်စာတွေမှာ ပါဝင်လေ့ရှိတဲ့ ဗီတာမင်B9ရဲ့ အသွင်တစ်မျိူးပဲ ဖြစ်ပါတယ်။ကိုယ်ခန္ဓာကြီးထွားဖွံ့ဖြိုးစေခြင်း၊ သွေးနီဥတွေ ပိုမိုထုတ်လုပ်နိုင်အောင် ကူညီပေးခြင်း၊ ကလေးရဲ့ ကိုယ်တွင်းအစိတ်အပိုင်းတွေဖွံဖြိုးစေဖို့ ကူညီပေးခြင်းစတဲ့ အရေးကြီးလုပ်ငန်းဆောင်တာတွေကို ဖောလစ်အက်ဆစ်က လုပ်ဆောင်ပေးပါတယ်။

    ကိုယ်ဝန်ဆောင်မိခင်တွေအနေနှင့်ကတော့ အောက်ပါအချက်ငါးချက်ကြောင့် ဖောလစ်အက်ဆစ်ကို နေ့စဉ်သောက်သုံးသင့်တာ ဖြစ်ပါတယ်။

    (၁) သန္ဓေသားလေးရဲ့ ဦးနှောက်နှင့် မဏ္ဍိုင်အာရုံကြော(Neural tube) ချိူ့ယွင်းမှုများကို ကာကွယ်ပေးခြင်း

    သန္ဓေသားလေးရဲ့ Neural tubeကနေ တဖြည်းဖြည်းနှင့် ဦးနှောက်နှင့် ကျောရိုးမတိုင်အဖြစ် ကြီးထွားလာပါတယ်။ဒီလို ကနဦးအာရုံကြောစနစ်ဖွံ့ဖြိုးမှု ဖြစ်ပေါ်နေစဉ်မှာ ချိူ့ယွင်းချက်တွေမဖြစ်စေဖို့ ဖောလစ်အက်ဆစ်က ကာကွယ်ပေးပါတယ်။

    (၂)သွေးနီဥများ ထုတ်ပေးခြင်း

    ကိုယ်ဝန်ဆောင်ကာလမှာ သွေးအားနည်းရောဂါဟာ အဖြစ်များတဲ့ ပြဿနာတစ်ခုဖြစ်ပါတယ်။ ဒါကို ကာကွယ်ဖို့အတွက် ဖောလစ်အက်ဆစ်ကို သောက်ပေးသင့်ပါတယ်။ ဘာလို့လဲဆိုရင်တော့ ဖောလစ်အက်ဆစ်ဟာ သွေးနီဥတွေကို ပိုမိုထုတ်လုပ်စေဖို့ အားပေးတာကြောင့် ဖြစ်ပါတယ်။

    (၃) ရင်သွေးလေးကို ဆိုးကျိူးများမဖြစ်အောင် ကာကွယ်ပေးခြင်း

    မွေးလာမယ့် ရင်သွေးလေးမှာ နှုတ်ခမ်းကွဲ အာခေါင်ကွဲဖြစ်ခြင်းကိုလည်း လျှော့ချပေးပါတယ်။ လမစေ့ဘဲ ကလေးမွေးခြင်း၊ ကိုယ်ဝန်ပျက်ကျခြင်း၊ ကလေးမထွားခြင်း၊ ပေါင်မပြည့်ဘဲ ကလေးမွေးခြင်းတို့မဖြစ်အောင်လည်း ကာကွယ်ပေးပါတယ်။

    (၄) မေမေ့ကို ဆိုးကျိူးများမဖြစ်အောင် ကာကွယ်ပေးခြင်း

    နေ့စဉ်လိုအပ်တဲ့ ဖောလစ်အက်ဆစ်ပမာဏကို ပုံမှန်သောက်သုံးပေးမယ်ဆိုရင်တော့ ကိုယ်ဝန်ဆိပ်တက်ခြင်း၊ နှလုံးရောဂါ၊ ကင်ဆာရောဂါနှင့် အယ်ဇိုင်းမားရောဂါတို့ကိုလည်း ကာကွယ်ပေးမှာ ဖြစ်ပါတယ်။

    (၅) အခြားသောအကျိူးကျေးဇူးများ

    DNAများ ထုတ်လုပ်ခြင်း ၊ပြုပြင်ခြင်းနှင့် ကောင်းစွာအလုပ်လုပ်နိုင်ဖို့လည်း ဖောလစ်အက်ဆစ်ကို လိုအပ်ပါတယ်။ အချင်းနှင့် ကလေးရဲ့ ကြီးထွားမှုအတွက်လည်း အရေးကြီးတဲ့အခန်းဏ္ဍက ပါဝင်ဆောင်ရွက်ပေးပါတယ်။

    ဘယ်အချိန်မှာ ဖောလစ်အက်ဆစ် ကို စတင်သောက်သုံးသင့်လဲ

    • ကိုယ်ဝန်စတင်ယူတော့မယ်လို့ ဆုံးဖြတ်ထားတဲ့ အချိန်ကပင် စတင်သောက်သုံးသင့်ပါတယ်ကိုယ်ဝန်ဆောင်ကာလ အစကနေအဆုံးထိ သောက်သုံးပေးနိုင်ပါတယ်။
    • နေ့စဉ်လိုအပ်တဲ့ ပမာဏကတော့

      ကိုယ်ဝန်မဆောင်မီတွင် 400mcg

    ကိုယ်ဝန်ပထမသုံးလတွင် 400mcg

    ကိုယ်ဝန်ဒုတိယနှင့်တတိယသုံးလတွင် 600mcg

    နို့တိုက်ကာလတွင် 500mcg ဖြစ်ပါတယ်။

  • ဖောလစ်အက်ဆစ်အားဆေးပြားများကို နေ့စဉ်မှီဝဲနိုင်သလို ဖောလစ်အက်ဆစ်ကြွယ်ဝသော အစားအစာတွေကိုလည်း စားပေးနိုင်ပါတယ်။ ဒီအစားအစာတွေကတော့ ဟင်းနုနယ်၊ Cereal၊ ပဲကြား၊ ကညွတ်၊ ဆန်၊ မြေပဲပင်ပေါက်၊ ထောပတ်သီး၊ ပဲစိမ်း၊ ဂေါ်ဖီထုပ်၊ မှို၊ ပြောင်းဖူး၊ ဂရိတ်ဖရုသီး၊ လိမ္မော်သီး၊ အစေ့အဆန်များ၊ ကြက်ဥ စသည်တို့ ဖြစ်ပါတယ်။
  • ဒါဆိုရင်တော့ မေမေတို့အနေနှင့် ဖောလစ်အက်ဆစ် ရဲ့ အရေးပါပုံကို သိရှိကြပြီဖြစ်တဲ့အတွက် ကိုယ်ဝန်မဆောင်ခင် သုံးလလောက်ကတည်းက ကြိုတင်ပြီး သောက်သုံးကြဖို့ အကြံပြုလိုက်ပါတယ်။

    ရေးသားသူ Dr Rose

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    မှ အချက်အလက် စစ်ဆေးထားပါသည်။

    Dr. Thurein Hlaing Win


    Dr. Htet Htet Zaw Win မှ ရေးသားသည်။ · 26/09/2022 တွင် အသစ်ဖြည့်စွက်ခဲ့သည်။

    advertisement
    advertisement
    advertisement
    advertisement