ကိုယ်ဝန်ဆောင်စဉ် တင်ပါးစုံလေ့ကျင့်ခန်းအတွက် ယောဂကျင့်စဉ် ၈ မျိုး

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. K Zin Thwe

တကယ်လို့ သင်ဟာ ကိုယ်ဝန်ရှိနေတယ်ဆိုရင် ကလေးမွေးရလွယ်ကူစေဖို့ တတ်နိုင်သမျှ ကိုယ်လက်လှုပ်ရှားမှု ပြုသင့်ပါတယ်။ ဒါပေမယ့် သင်ပြုလုပ်တဲ့ ကိုယ်လက်လှုပ်ရှားမှုတွေဟာ ညင်သာသင့်ပြီး စိတ်ချရသင့်ပါတယ်။ အောက်ပါ လေ့ကျင့်ခန်းတွေကတော့ ကိုယ်ဝန်ဆောင်စဉ် ပြုလုပ်သင့်တဲ့ လေ့ကျင့်ခန်းတွေပဲဖြစ်ပါတယ်။

၁။ တင်ပါးဆုံမသော လေ့ကျင့်ခန်း

ဒါဟာ သင့်တင်ပါးဆုံကို လုံခြုံစိတ်ချပြီး လွယ်ကူစွာ ကလေးမွေးဖို့ လေ့ကျင့်ပေးမယ့် အကောင်းဆုံးလေ့ကျင့်ခန်း တစ်ခုဖြစ်ပါတယ်။ ဒီလေ့ကျင့်ခန်းဟာ ရိုးစင်းပြီး သက်သာပါတယ်။ အိမ်မှာတင် ပြုလုပ်နိုင်ပါတယ်။ အဆင့်တွေကတော့

· ပတ်လက်လှန်ပြီး ဒူးတွေကွေးထားပါ။ ခြေဖဝါးကို ကြမ်းပြင်ပေါ်မှာ ရှိပါစေ။

· သင့်ခါးကို ကြမ်းပြင်ပေါ်မှာ ပြားအောင်ထားပြီး တင်ပါးဆုံကို အပေါ်ကို မပါ။

· ၁၀ မိနစ်လောက်ထားပြီး ဖြည်းညင်းစွာ လွှတ်သင့်ပါတယ်။

၂။ ဘောလုံးသုံးပြီး လေ့ကျင့်ခြင်း

ဒီယောဂ ပုံစံကိုလေ့ကျင့်ဖို့အတွက် လေ့ကျင့်ခန်းဘောလုံးကို အသုံးပြုနိုင်ပါတယ်။ ကျွမ်းကျင်တဲ့ နည်းပြဟာ သင်နဲ့ အတူတစ်ချိန်လုံးရှိနေဖို့ အရေးကြီးပါတယ်။

၃။ လမ်းလျှောက်ခြင်း

လမ်းလျှောက်ခြင်းဟာ သင့်တင်ပါးဆုံကို လေ့ကျင့်ပေးပြီး ကလေးမွေးဖို့ ပြင်ဆင်ပေးတာမို့ သင့်ကိုယ်ခန္ဓါကိုယ်အတွက် အကျိုးများစွာ ရှိပါတယ်။ ဒါ့ပြင် လမ်းလျှောက်ခြင်းဟာ သားအိမ်ကျုံ့ခြင်းကို လျော့ကျစေတာမို့ ကိုယ်ဝန်ရှိနေစဉ် အိပ်ရာပေါ်နေရတဲ့ အမျိုးသမီးတွေ၊ ကိုယ်လက်လှုပ်ရှားမှု မပြုလုပ်ရတဲ့ အမျိုးသမီးတွေအတွက် သင့်လျော်ပါတယ်။

လမ်းလျှောက်ခြင်းဟာ ကလေး သားအိမ်အောက်ပိုင်းကို ဆင်းလာပြီး သားအိမ်ခေါင်းကျယ်လာခြင်းကို ကူညီပေးပြီး ကလေးမွေးဖို့ ပြင်ဆင်ပေးတယ်လို့ ယုံကြည်ကြပါတယ်။

၄။ ကီဂယ်လေ့ကျင့်ခန်း

ကီဂယ်လေ့ကျင့်ခန်းတွေကို တင်ပါးဆုံအောက်ပိုင်း ကြွက်သားလေ့ကျင့်ခန်း တွေလို့ခေါ်ပြီး သူတို့ဟာ ဆီးမထိန်းနိုင်သူတွေသာမက မွေးရက်ကျော်နေတဲ့ အမျိုးသမီးတွေမှာ ကလေးမွေးနိုင်ဖို့ ကူညီပေးနိုင်ပါတယ်။ ဒါ့ပြင် သူဟာ တင်ပါးဆုံအောက်ပိုင်းကြွက်သားတွေကို ကလေးမွေးနိုင်ဖို့အတွက် ကူညီပေးပါတယ်။ တင်ပါးဆုံကြွက်သားတွေ ကျုံ့ခြင်း၊ ဆန့်ခြင်း (ဆီးသွားခြင်းကို ထိန်းချုပ်တဲ့ကြွက်သား) ကို တစ်နေ့ကို ၁၅ မိနစ်ခန့် ပြုလုပ်ခြင်းဟာ ကလေးမွေးခြင်းအတွက် ကောင်းမွန်ပါတယ်။

၅။ လိပ်ပြာလေ့ကျင့်ခန်း

ဒီလေ့ကျင့်ခန်းဟာ ကြမ်းပြင်ပေါ်မှာ တင်ပျဉ်ခွေပုံစံထိုင်ပြီး ခြေဖဝါးချင်းအပ်ထားပါ။ ပြီးရင်တော့ သင့်ပေါင်အတွင်းဘက်ကို ဆန့်စေဖို့အတွက် တံတောင်ဆစ်အသုံးပြုပြီး ဒူးနှစ်ဖက်ကို ကြမ်းပြင်နဲ့ ထိနိုင်သလောက် ဖိချပါ။ ခါးကို ထောက်ပံ့ပေးဖို့ နံရံကို အသုံးပြုနိုင်ပါတယ်။ ဒီပုံစံမှာ ၇-၁၀ စက္ကန့်အထိ နေပြီး ၅-၇ ကြိမ် ပြုလုပ်သင့်ပါတယ်။

၆။ လှေကားတက်ခြင်း

လှေကားတက်ခြင်းဟာ သင့်နှလုံးခုန်နှုန်းကို မြန်စေပြီး ကလေးငယ်ကို မွေးလမ်းကြောင်းအတွင်းရောက်အောင် ကူညီပေးပါတယ်။ ဒါ့ပြင် သူဟာ တင်ပါးဆုံအောက်ပိုင်းကို ပွင့်စေပြီး သားအိမ်ခေါင်းကို ကျယ်စေပါတယ်။ ဒါတွေကြောင့် သားအိမ်ညှစ်ခြင်းကို စတင်ပြီး ကလေးမွေးဖို့ သင့်ကိုယ်ခန္ဓါကို အဆင်သင့်ဖြစ်စေမှာဖြစ်ပါတယ်။

Hello Health Group သည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Share now :

တည်းဖြတ်သည့်နေ့ ဖေ‌ဖော်ဝါရီ 15, 2018 | နောက်ဆုံးတည်းဖြတ်ခြင်း နိုဝင်ဘာ 29, 2019

ရင်းမြစ်များ
သင်ဒါလည်း နှစ်သက်နိုင်ပါတယ်။