လူခြောက် လေးမွေးပြီဆိုရင် မိဘတွေက စီးပွားတက်တယ်။ ဒီကလေးက အိပ်မက်ပေးတယ်။ အသက်ရှိနေတဲ့ ကလေးလိုပဲ ကျွေးရတယ်။ အဝတ်အစားတွေ ဆင်ပေးရတယ်။ အရွယ်ရောက်လာရင် အိမ်ထောင်ထောင်တောင် ချပေးရတယ်တဲ့။ ဒါကတော့ လောကီထဲက အယူတွေပေါ့။
သိပ္ပံပညာမှာတော့ လူခြောက်လေးတွေ ဘယ်လိုဖြစ်လာတယ်ဆိုတာက သိပ်စိတ်ဝင်စားစရာ ကောင်းပါတယ်။
လူခြောက်ဆိုတာက ပြောရမယ်ဆိုရင် သန္ဓေသားလေးက မိခင်ရဲ့ ဝမ်းထဲမှာတင် ဆုံးသွားတာပါ။ ကိုယ်ဝန်ပတ် ၂၀ကျော်ကနေ မမွေးမချင်း မိခင်ရဲ့ ဝမ်းထဲမှာ ဆုံးသွားတာတွေ အကုန်လုံးအကျုံးဝင်ပါတယ်။
အရင်ကတော့ ကိုယ်ဝန်ဆောင်စောင့်ရှောက်မှု ကောင်းကောင်း မရကြလို့ အမေ့ဗိုက်ထဲမှာတင် ဆုံးသွားတဲ့ကလေးတွေ များပါတယ်။ ဒီတော့ လူခြောက်လေးတွေလည်း များပါတယ်။ ခုနောက်ပိုင်းတော့ ကိုယ်ဝန်စောစောအပ်ကြတဲ့ မိခင်တွေ များလာကြတော့ ဒီလိုမျိုးဆုံးတာတွေ နည်းသွားပါပြီ။ ဒီတော့ လူခြောက်လေးတွေလည်း အတွေ့ရနည်းသွားတာပေါ့။ ဒါပေမယ့် ရှိတော့ရှိနေပါသေးတယ်။
ဗိုက်ထဲက ကလေးလေး ဆုံးသွားတဲ့အခါ ပြင်ပကလူတွေ ဆုံးသလိုပဲ ပုပ်သွားတတ်ပါတယ်။ သူပုပ်တာက အချိန်နဲ့အမျှ အဆင့်ဆင့် ဖြစ်ပေါ်နေပါတယ်။
ပုပ်ခြင်းအဆင့် 0
သေဆုံးပြီးကြာချိန်- < ၈နာရီ
လက္ခဏာများ- အရေပြားတွေနီပြီး အပူလောင်တာနဲ့ ဆင်တူပါတယ်။
ပုပ်ခြင်းအဆင့် I
သေဆုံးပြီးကြာချိန်- > ၈နာရီ
လက္ခဏာများ-အရေပြားလေးတွေ အဖက်လန်လာပါပြီ။
ပုပ်ခြင်းအဆင့် II
သေဆုံးပြီးကြာချိန်- ၂-၇ရက်
လက္ခဏာများ –အဖက်လန်တာတွေ ပိုသိသာလာပါပြီ။
-ဗိုက်နဲ့ ရင်ဘတ်တွေမှာ သွေးရောင်တွေနဲ့ နီရဲနေတတ်ပါပြီ။
ပုပ်ခြင်းအဆင့် III
သေဆုံးပြီးကြာချိန်- >= ၈ရက်
လက္ခဏာများ –အသည်းက ဝါနေပါပြီ။
-ကလေးရဲ့ ကိုယ်တွင်းအရည်တွေ နောက်နေပါပြီ။
-ခြောက်ပြီး မာသွားပါပြီ။ (လူခြောက်လေး ဖြစ်သွားပါပြီ။)
အမေတွေက ကလေးဗိုက်ထဲမှာ ဆုံးသွားတာကို ချက်ချင်းသိချင်မှ သိမှာပါ။ ၁ပတ်လောက်ကြာမှ သိလို့ မွေးထုတ်လိုက်ရပြီဆိုရင် လူခြောက်လေးဖြစ်နေပါပြီ။
လူခြောက်လေး ဖြစ်သွားတယ်ဆိုတာက ကလေးက ဗိုက်ထဲမှာတင် ဆုံးပါးသွားလို့ပါ။ ဒီလိုဆုံးရတဲ့ အကြောင်းရင်းတွေကတော့
ဒီလိုအကြောင်းအရင်းတွေ ရှိပေမယ့် ဗိုက်ထဲမှာတင် ဆုံးသွားတဲ့ ကလေး ၃ယောက်မှာ ၁ယောက်က အကြောင်းအရင်းမရှိဘဲ ဆုံးသွားတာပဲ ဖြစ်ပါတယ်။
များသောအားဖြင့်တော့ ကလေးက ဗိုက်ထဲမှာ သိပ်မလှုပ်တော့ဘူးဆိုပြီး စမ်းလိုက်မှ သတိထားမိတာ များပါတယ်။ ပိုသေချာချင်ရင်တော့ အယ်ထွာဆောင်းရိုက်ပြီး အတည်ပြုရပါတယ်။
ကလေးလေးက ဆုံးသွားပြီ။ မွေးဖို့ရက်ကလည်း လိုသေးတယ်ဆိုရင်တော့ ရွေးချယ်စရာ ၃ခုရှိပါတယ်။
မွေးမယ့်ရက်က လိုသေးတယ်ဆိုပေမယ့် အချိန်ကြာကြာစောင့်လို့တော့ မရပါဘူး။ အထူးသဖြင့် မိခင်က ကိုယ်ဝန်ဆိပ်တက်နေတာ၊ ပိုးဝင်နေတာ၊ ရေမြွာပေါက်သွားတာ၊ သွေးရောဂါတွေ ရှိနေရင် ပိုပြီးမြန်မြန်မွေးသင့်ပါတယ်။
ဒါကြောင့် သောက်ဆေးတွေ၊ အကြောဆေးတွေ၊ မိန်းမကိုယ်ထည့် ဆေးတောင့်တွေကို သုံးပြီး ဗိုက်နာလာအောင်၊ မွေးသွားအောင် လှုံ့ဆော်ပေးရပါတယ်။
လစေ့ဖို့ သိပ်မလိုတော့ရင် မွေးရမယ့်အထိ စောင့်ချင်စောင့်နိုင်ပါတယ်။ မွေးရမယ့်ရက်ရောက်ရင် သဘာဝအတိုင်း ဗိုက်နာပြီး မွေးသွားမှာပါ။ ဒါပေမယ့် တစ်ခုရှိတာက ကလေးက ရက်ကြာလာလေလေ အထဲမှာ ပျက်စီးလာလေလေပါ။ မွေးလာတဲ့အခါ ပုံပျက်ပန်းပျက် ဖြစ်နေနိုင်ပါတယ်။
နောက်တစ်ချက်က ကြာကြာထားရင် မိခင်ရဲ့ ကျန်းမာရေးကိုပါ ထိခိုက်လာနိုင်ပါတယ်။ လေ့လာချက်တွေအရ သေဆုံးပြီးသားကလေးကို မွေးရတဲ့ မိခင်တွေကသာမန်ကိုယ်ဝန်ဆောင်တွေထက် သွေးဆိပ်သင့်နိုင်ခြေ ၁၄ဆ၊ ကျောက်ကပ်ပျက်စီးနိုင်ခြေ ၁၃ဆနဲ့ နှလုံးထိခိုက်နိုင်ခြေ ၁၀ဆပိုများနိုင်ပါတယ်။
ဒါကြောင့် စောစောမွေးလိုက်တာ ပိုသင့်တော်ပါတယ်။ တချို့မိခင်တွေကျတော့လည်း ကလေးက ဆုံးသွားတာကို သတိမထားမိဘဲ လစေ့လို့ မွေးလိုက်မှ လူခြောက်လေးဖြစ်နေတာကို တွေ့လိုက်ရပါတယ်။
ဒါကတော့ ပုံမှန်အားဖြင့် ရွေးလေ့မရှိပါဘူး။ ကလေးလည်း အဖက်မတင်ဘဲ ခွဲကြောင်းပဲ အဖက်တင်ခဲ့လို့ပါ။ ရိုးရိုးမွေးတာထက်လည်း အန္တရာယ်များပါတယ်။
