ကလေးငယ်

သင့်ကလေးကိုပြုစုစောင့်ရှောက်ရာတွင်ကလေးကိုချီခြင်း သို့မဟုတ် မခြင်းတို့သည် သင့်ခန္ဓါကိုယ်ကိုပြင်းထန်စွာ ဒဏ်ရာရစေနိုင်ပါသည်။ သို့ဖြစ်၍ ထိခိုက်ဒဏ်ရာရခြင်းမှရှောင်ကြဉ်နိုင်ရန် သင့်ခန္ဓါကိုယ်အနေအထားနှင့်ပတ်သက်ပြီးဂရုစိုက်ပါ။ သင့်ကလေးကိုချီမရာတွင်ထိခိုက်ဒဏ်ရာရခြင်းကိုကာကွယ်ပေးနိုင်မည့်နည်းလမ်းများ ထိခိုက်ဒဏ်ရာရခြင်းကိုရှောင်ရှားရန်ဒူးထောက်ပါသို့မဟုတ်ဆောင့်ကြောင့်ထိုင်ပါ။ သင်သည်သင့်ကလေးကိုကားခုံတွင်ခါးပတ်ပတ်ပေးသောအခါတွင်သင့်ခန္ဓါကိုယ်သည်အပြင်တွင်ရပ်နေလျက်နှင့်ကားထဲသို့ကိုယ်တစ်ပိုင်းလိမ်ဝင်၍ခါးပတ်ပတ်ပေးလိမ့်မည်။ သင်သည်ကလေးရှေ့တွင် ဒူးထောက်ပြီးသို့မဟုတ်ဆောင့်ကြောင့်ထိုင်ပြီးပြုလုပ်ခြင်းအားဖြင့်လေ့ကျင်ခန်းလုပ်ပြီးသားဖြစ်သကဲ့သို့ကိုးရို့ကားယားအနေအထားကိုလည်းရှောင်ရှားနိုင်လိမ့်မည်ဖြစ်သည်။ သင့်ကလေးကိုလက်တစ်ဖက်တည်းနှင့်အချိန်အကြာကြီးမချီပါနှင့်။ အကယ်၍သင်သည်တစ်ချိန်လျှင်လက်တစ်ဖက်ပြောင်းသုံးခြင်းဖြင့်သင်၏လက်များသည်အလွယ်တကူမညောင်းနိုင်ပါဘူး။ ကိုယ်ကိုလိမ်ပြီးကလေးကိုမမပါနှင့်။ ကိုယ်ကိုလိမ်ပြီးကလေးကိုမခြင်းသည်သင့်ခါးရိုးနှင့်အာရုံကြောမကြီးကိုထိခိုက်စေနိုင်ပါသည်။ ခါးနာစေနိုင်ပါသည်။ သင့်ကလေးကိုအရင်မပါ။ ပြီးမှတစ်ဖက်သို့လှည့်နိုင်ပါသည်။ လေ့ကျင့်ခန်းလုပ်ဖို့သို့မဟုတ် အားကစားခန်းမသို့သွားဖို့အချိန်ယူပါ။ သင်သည် သင့်ကလေးကို ပြုစုစောင့်ရှောက်နေရသောအခါတွင် စိတ်ပိုင်းဆိုင်ရာရော ခန္ဓါကိုယ်ပိုင်းဆိုင်ရာပ အင်အားလိုအပ်ပါသည်။ ထို့ကြောင့်သင်၏ကျန်းမာရေးကိုလစ်လျူမရှု့သင့်ပါ။ သင့်ကျန်းမာရေးမကောင်းလျှင် သင်၏ကလေးကိုလည်း ကောင်းမွန်စွာဂရုမစိုက်နိုင်သောကြောင့်ဖြစ်သည်။ ထို့အပြင် သင်ကိုယ်ဝန်ဆောင်စဉ်ကတည်းကပင် သင့်ဝမ်းဗိုက်နှင့် ပင်မကြွက်သားများအားနည်းနေတတ်ကြသည်။ သို့ဖြစ်၍သင်သည်သင့်ကြွက်သားများကိုကူညီရန်သင့်အဆစ်များကိုလှုပ်ရှားရလွယ်ကူစေရန်ကူညီပေးမည့်အားကစားလုပ်ဆောင်ချက်များလုပ်ဆောင်ပါ။ ယောဂ၊ရေကူးခြင်းစသည်တို့ကိုပြုလုပ်ပါ။ အချိန်အကြာကြီးမတ်တပ်မရပ်ပါနှင့်။ အလုပ်အရမ်းမလုပ်ပါနှင့်။ ဖြစ်နိုင်လျှင် အချိန်ခွဲခွဲပြီးလုပ်ပါ။ ကိုယ်လုပ်နိုင်သောအတိုင်းအတာကိုကိုယ့်ဘာသာကိုသိပါစေ။ အကယ်၍ထိခိုက်ဒဏ်ရာရခဲ့လျှင်ဘာလုပ်ရမည်နည်း ရုတ်တရက်သင်ထိခိုက်ဒဏ်ရာရခဲ့လျှင်သင်လုပ်နေသောအရာကိုချက်ချင်းရပ်လိုက်ပါ။ ထိုင်ချလိုက်ပါ။ ခဏနားပါ။ ထို့နောက်ရေခဲအိတ်ကိုသုံး၍ထိခိုက်ဒဏ်ရာနာကျင်ခြင်းကိုသက်သာပါစေ။ ဆရာဝန်သို့မဟုတ်ကျန်းမာရေးစောင့်ရှောက်သူနှင့်ဖြစ်နိုင်သမျှမြန်မြန်ဆက်သွယ်ပါ။ လေ့ကျင့်ခန်းအပျော့စားလေးများနှင့်ခန္ဓါကိုယ်ဆန့်ခြင်းများကိုခဏခဏပြုလုပ်ပါ။ ထိုအရာသည်သင့်ကြွက်သားများကိုပိုမိုအားရှိစေပြီး အဆစ်များ လှုပ်ရှားမှုကို ပိုမိုကောင်းမွန်စေသည်။ သင်သည်တီဗီသို့ မဟုတ် အင်တာနက်တွင်ပါသော […]

ကလေးတွေကိုအုပ်ထိန်းရတာ လွယ်ကူတော့ကိစ္စတော့မဟုတ်ပါဘူး။ ကျွန်တော်တို့ဟာ ကလေးတွေလူမှုဆက်ဆံရေးကောင်းမွန်အောင် တစ်နေ့တာလုံးမှာ မရေမတွက်နိုင်လောက်အောင် ထိန်းသိမ်းပြုပြင်နေရတာတောင် တစ်ခါတစ်ရံမှာ ကလေးတွေဟာ ရိုင်းပြတဲ့အပြုအမူတွေ၊ မကောင်းတဲ့အမူအကျင့်တွေ ပေါ်လာတတ်တာကြောင့် ပိုပြီးအခက်တွေ့ကြရပါတယ်။ ကလေးတွေရဲ့ မကောင်းတဲ့အမူအကျင့်တွေကို ထိန်းသိမ်းနိုင်မယ့် ထိရောက်တဲ့အုပ်ထိန်းနည်းလေးတွေကို အောက်မှာဖော်ပြပေးထားပါတယ်။ စိတ်ကိုထိန်းပါ။ ဒေါသကိုငြိမ်အောင်ထိန်းတာက ကလေးတွေရဲ့ရိုင်းပြတဲ့အပြုအမူတွေ ထိန်းချုပ်နိုင်မယ့် သော့ချက်ပါ။ အော်ဟစ်တာနဲ့ စိတ်ဆိုးတာကိုထင်ရှားစေတဲ့အပြုအမူမျိုးပြတာက သူတို့ကိုပိုဆိုးသွားစေပါတယ်။ သူတို့ဟာ သင်ပြောတဲ့စကားတွေကို မကြားရတာ သို့မဟုတ် တစ်လုံးတစ်လေမှ နားမလည်တာကြောင့် စိတ်ထွက်လွယ်ကြပါတယ်။ မိဘတွေဟာ သူတို့ရဲ့တစ်နေ့တာမှာ စိတ်ရှု့ပ်စရာ စိတ်ဖိစီးစရာတွေအများကြီးကိုလည်း ရင်ဆိုင်နေရသေးတာကြောင့် ဒီအချက်ကိုလိုက်နာဖို့ရာ ပြောသလောက်တော့လွယ်မှာမဟုတ်ပါဘူး။ ပင်ပန်းခြင်းဟာ သူတို့ရဲ့ခံစားမှုတွေကိုထိန်းချုပ်နိုင်ဖို့ပိုပြီးခက်ခဲစေပါတယ်။ မိဘတွေဟာ အသက်ပြင်းပြင်းရှူသင့်ပြီး ကလေးတွေကိုစကားမပြောခင်မှာ သေချာဂရုတစိုက်စဉ်းစားပြီးပြောသင့်ပါတယ်။ ဒါ့အပြင် စကားပြောတဲ့နေရာမှာ အေးချမ်းကြည်လင်ပြီး တည်ငြိမ်တဲ့အသံနဲ့ပဲပြောပါ။ ကလေးတွေရဲ့ ရိုင်းစိုင်းတဲ့အပြုအမူတွေနဲ့ရင်ဆိုင်ရတဲ့အခါမှာ မျှတခိုင်မာပြီးတင်းကြပ်တဲ့နည်းလမ်းတွေနဲ့ကိုင်တွယ်သင့်ပါတယ်။ ဘာတွေကိုဘယ်လိုလုပ်ရမယ်မှန်းမသိတော့တဲ့အခါတွေ သို့မဟုတ် ဒီအခြေအနေတွေကို လက်မြှောက်အရှုံးပေးချင်တဲ့အခါမျိုးတွေမှာ […]

ကလေးများသည် တစ်နေ့လုံး သကြားလုံး စားရရင်တောင်ရိုးအီသွားသည်ဟုမရှိပါ။ ထမင်းစားချိန်တွင်တောင်မှ အအေးများ၊ အချိုရည်များ သောက်ချင်ကြပါသည်။ ထိုအခါ မိဘများအနေနှင့် စဉ်းစားရခက်ပါသည်။ ကလေးများ၏ လိုအင်ဆန္ဒကိုဖြည့်ဆည်းပေးရမလား။ သကြားဟာကလေးတွေအတွက် မကောင်း၍ သူတို့လိုအင်ဆန္ဒကိုဆန့်ကျင်ပြီး မကျွေးဘဲနေရမလား။ ဘယ်အရာသည်မှန်ကန်သောရွေးချယ်မှုလဲ။ ၁။ ကလေးများသည်အဘယ်ကြောင့် သကြားများစွာ မစားသင့်တာလဲ။ ယေဘုယျအားဖြင့် လူအတော်များများဟာ နေ့စဉ်သကြားများစွာ စားသုံးလျက်ရှိကြပြီး တစ်နေ့တာ စားသုံးသည့်သကြားပမာဏကို လျော့ချသင့်သည် ဆိုသောအကြံပြုချက် တွေကိုလည်း ရရှိလျက်ရှိသည်။ သကြားကို အစားအစာများ၊ ဖျော်ရည်များ၊ ပျားရည်၊ ကလေးသောက်ဆေးရည်အပြင် သကြားမပါဝင်သော သစ်သီးဖျော်ရည်ဟု တံဆိပ်ကပ်ထားသောပစ္စည်းများတွင်တောင်မှ သကြားကို ထည့်လေ့ရှိကြပါသည်။ ဤအစားအစာများတွင် သစ်သီးများ၊ ဟင်းသီးဟင်းရွက်များနှင့် နို့တွင်ပါဝင်သော သဘာဝသကြားများ ပါဝင်လေ့မရှိကြပါ။ အကယ်၍ သင့်ကလေးကို ကောင်းမွန်စွာကြီးထွားစေချင်သည်ဆိုပါက ကလေးစားသောသကြားပမာဏကို ကန့်သတ်ပေးရပါမည်။ သကြားသည် ကောင်းကျိုးထက်ဆိုးကျိုးကိုပိုဖြစ်စေပါသည်။ သကြားပါသောအစားအစာများ စားခြင်းအားဖြင့် အာဟာရဆိုင်ရာပြဿနာများအပြင်၊ […]

မိခင်နို့သည်ကလေးများအတွက် အကောင်းဆုံးအာဟာရအရင်းအမြစ်တစ်ခုဖြစ်ပါသည်။ ကမ္ဘာ့ကျန်းမာရေးအဖွဲ့အစည်းမှ မိခင်များကို မိမိတို့၏ကလေးငယ်များအား အသက်ခြောက်လ အထိ မိခင်နို့တစ်မျိုးတည်း တိုက်ကျွေးခြင်းဖြင့် ကောင်းမွန်စွာဖွံ့ဖြိုးတိုးတက်ပြီး ကျန်းမာစေဖို့အတွက်လမ်းညွှန်ထားပါသည်။ အောက်တွင် အသက်ခြောက်လအထိမိခင်နို့တစ်မျိုးတည်း ဘယ်လိုအောင်မြင်စွာ တိုက်ကျွေးမလဲဆိုသည့်နည်းလမ်းများကို ဖော်ပြပေးထားပါသည်။ အသက်ခြောက်လအထိမိခင်နို့တစ်မျိုးတည်းတိုက်ကျွေး ခြင်း၏အကျိုးကျေးဇူးများ မိခင်အတွက် ကယ်လိုရီများလျော့ကျပြီးကိုယ်အလေးချိန်မြန်မြန်ကျစေသည်။ သားအိမ်မြန်မြန်ကျုံ့စေသည်။ ကလေးမွေးပြီး သားအိမ်သွေးသွန်ခြင်းကို လျှော့ချပေးသည်။ ဆီးချို၊နှလုံးရောဂါ၊အရိုးပွ၊ ရင်သားကင်ဆာရောဂါဖြစ်နိုင်ခြေများ လျှော့ချပေးသည်။ သွေးတွင်းသကြားဓါတ်နှင့် ကိုလက်စထရောထိန်းချုပ်မှု အားကောင်းစေသည်။ ကလေးအတွက် ဉာဏ်ရည်ဖွံ့ဖြိုးတိုးတက်စေသည်။ ဓါတ်မတည့်ခြင်း၊ ဆီးချို၊ ပန်းနာရင်ကျပ်ဖြစ်ပွားမှုများ လျော့ကျစေသည်။ ရောဂါများပိုးမွှားများကိုကိုယ်ခံအားပိုမိုကောင်းစေသည်။ သွားပိုးပေါက်ဖြစ်ခြင်းမှာကာကွယ်ပေးသည်။ ယနေခေတ်တွင်ကြုံတွေ့ရသော အခက်အခဲများ တကယ်လက်တွေ့တွင် ကလေးငယ်များ၏ တစ်ဆယ့်ငါးရာခိုင်နှုန်း အောက်ကိုသာလျှင် အသက်ခြောက်လပြည့်သည်အထိ မိခင်နို့တစ်မျိုးတည်းတိုက်ကျွေးနေကြပါသည်။ အသက်ခြောက်လအထိမိခင်နို့တစ်မျိုးတည်းတိုက်ကျွေးဖို့မိခင်များအတွက်ဘာကြောင့်ခက်ခဲနေသလဲဆိုရင် မိခင်များသည်အသက်ခြောက်လအထိနို့ လုံလောက်စွာမထုတ်နိုင်ဘူးဟု အထင်အမြင်မှားကြသည်။ နို့တိုက်၍နာကျင်မည်ကိုကြောက်ကြသည်။ အလုပ်လုပ်ရခြင်းတွေကြောင့် အလုပ်ရှုပ်ပြီးမိခင်ကိုပင်ပန်းနွမ်းနယ်စေသည်ဟု ထင်ကြသည်။ ဆရာဝန်များနှင့်မိသားစုဝင်များထံမှ နှစ်သိမ့်အားပေးမှုနှင့်ပညာပေးမှုမရရှိကြပါ။ လူကြားထဲတွင် ကလေးနို့တိုက်ရမည်ကို ရှက်ကြသည်။ ခြောက်လအထိမိခင်နို့တစ်မျိုးတည်းဘယ်လိုတိုက်ကျွေးမလဲ။ မိခင်နို့တိုက်ကျွေးဖို့အတွက် လိုအပ်သောအကြံဉာဏ်နှင့် […]

သင်၏ကလေးအစာ စစားသောအချိန်တွင် မိဘများအနေဖြင့်ကျန်းမာသော အစာအာဟာရများကိုဘယ်လိုရွေးချယ်ရမည်၊ ကလေးကိုကျန်းမာရေးနှင့်ညီညွတ်သော အစာစားခြင်းပုံစံ ဘယ်လိုလေ့ကျင့်ပေးရမည်ဆိုသည်နှင့်ပက်သက်၍ တွေဝေတတ်ကြပါသည်။ အကယ်၍သင်ဟာ သင့်ကလေးကိုငယ်စဉ်ကတည်းက ကျန်းမာရေးနှင့် ညီညွတ်သောအစာစားခြင်း အလေ့အကျင့်ကိုပြုစုပျိုးထောင်ပေးနိုင်ပါက ကလေးများအတွက် တသက်တာ အကျိုးကျေးဇူး ရရှိမည်ဖြစ်ပါသည်။ ၁။ ဘယ်အချိန်မှာအစာစားခြင်း ရပ်တန့်ရမည်ဆိုတာကိုသင်ကြားပေးပါ။ လူကြီးတွေအနေနဲ့ဗိုက်ပြည့်သွားရင် အစာစားဖို့ရပ်တန့်သင့်ပြီဆိုတာကို နားလည်သော်ငြားလည်း ကလေးများအနေဖြင့်သူတို့ကြိုက်နှစ်သက်သော အစားအစာ စားနေသောအခါတွင် ရပ်တန့်ခိုင်းဖို့ခက်ခဲပါသည်။ ထိုအခါသင်သည် သင့်ကလေးအား “ဗိုက်ပြည့်သွားပြီလား” “ဒီအစားအစာကို အများကြီးပိုစားလျှင် ဗိုက်အောင့်ဗိုက်နာမှာလား” စသည်ဖြင့် မိမိကိုယ်ကိုမေးခွန်းတွေ မေးတတ် ဖို့သင်ပေးပါ။ဤသို့မေးခွန်းမေးခိုင်းခြင်းက သင်၏ကလေးကိုသူတို့ဗိုက်ပြည့်ပြီလား၊အစာအလွန်အကျွံမစားသင့်ဘူးလားဆိုတာက ဆုံးဖြတ်နိင်ဖို့စွမ်းအင်ပေးစွမ်းမည်ဖြစ်ပါသည်။ ၂။ အစာစားချိန်တွင်ရေသို့မဟုတ်ဟင်းချိုများအမြဲတမ်းထားရှိပါ။ မိဘများကြုံတွေ့ရသည့် အခြားပြဿနာတစ်ခုကတော့ကလေးများ အစာစားနေစဉ်အတွင်း ရေသို့မဟုတ်ဟင်းချိုစွတ်ပြုတ်စသည့်အရည်ပါသော အစားအစာစားခိုင်းရခြင်းပင်ဖြစ်ပါသည်။ အစာစားပြီးချိန်တွင်သစ်သီးဖျော်ရည်သောက်ခြင်းက အာဟာရများနှင့်လိုအပ်သော စွမ်းအင်ပမာဏရရှိပေးနိုင်သော်လည်း အစာစားချိန်တွင်သောက်သုံးနိုင်ရန် ရေ သို့မဟုတ်ဟင်းသီးဟင်းရွက် စွပ်ပြုတ်ထားရှိပေးပါ။ ၃။ မနက်စာစားခြင်း မနက်စာကျွေးခြင်းက လွယ်ကူသောအလုပ်တစ်ခုဟု ထင်ရပါသည်။ သို့သော်သင်၏ကလေးကိုကျန်းမာရေးနှင့်မညီညွတ်သော မနက်စာများစားစေခြင်းဖြင့် အလေ့အကျင့်မပြုလုပ်ပေးသင့်ပါ။ […]

ကလေးမွေးဖွားပြီးမကြာမီတွင် မွေးကာစကလေးများသည် သင်၏လက်မောင်းများကို လိုအပ်ပါသည်။ ဆိုလိုသည်မှာ ပွေ့ဖက်မှုဂရုစိုက်မှု အကြင်နာပေးမှုနူးညံ့သော စကားလုံးများနှင့်သားချော့တေးများကိုလိုအပ်ပါသည်။ သင်၏ချစ်ခင်မှုကိုနေ့စဉ်ဖော်ပြခြင်းသည် မိခင်နှင့်ကလေးကြား ဆက်သွယ်မှုကို ပိုမိုအားကောင်းစေရုံသာမက သင့်ကလေးဦးနှောက်ဖွံ့ဖြိုးမှုအတွက် ကူညီပေးပါသည်။ ထို့အပြင်ကလေး၏ ရုပ်ပိုင်းဆိုင်ရာစိတ်ပိုင်းဆိုင်ရာနှင့် ဉာဏ်ရည်ပိုင်းဆိုင်ရာ ဖွံ့ဖြိုးတိုးတက်မှုများကိုလည်း ကူညီပေးပါသည်။ မိခင်နှင့်ကလေးကြား ယုံကြည်စိတ်ချရသော ဆက်နွယ်မှုဖန်တီးပေးခြင်းသည် ကလေး၏ဖွံ့ဖြိုးတိုးတက်မှုအတွက် အရေးပါသောအခန်းကဏ္ဍမှပါဝင်ပါသည်။ မိဘများသည်ကလေးများနှင့် ဆက်နွယ်မှုချက်ချင်းရနိုင်သော်လည်း အချို့မိဘများသည် ကလေးများနှင့် ဆက်နွယ်မှုရဖို့ အချိန်ယူရပါသည်။ ကျွမ်းကျင်သူများ၏ ပြောကြားချက်အရ မိဘများသည်ကလေးကို အထူးအာရုံစိုက်သင့်သည်။ ကလေးများ၏မျက်လုံးကို ချစ်ခင်ရင်းနှီးစွာငေးကြည့်သင့်သည်။ ထို့အတူကလေးများ၏ လိုအပ်ချက်ကို ဂရုတစိုက်ဖြည့်ဆည်းပေးသင့်ပါသည်။ အောက်တွင်အချက်(၇)ချက်ဖော်ပြထားပါသည်။ ၁။ ကလေးမမွေးခင်ကျန်းမာရေး ကောင်းမွန်သောအာဟာရရရှိရန်လေ့ကျင့်ခန်းမှန်မှန်လုပ်ရန်မိမိကိုယ်ကိုဂရုစိုက်ရန်လိုအပ်ပါသည်။ သင့်ကလေး၏ဦးနှောက်သည်ရက်သတ္တပတ်ခြောက်ပတ်မှကိုယ်ဝန်ငါးလအတွင်းတွင်ဆဲလါပေါင်းတစ်ရာဘီလီယံဖွံဖြိုးပါသည်။ ၂။ ကလေးကိုချီပါထိတွေ့ပါ။ ပွေ့ဖက်ပါ။ ထိုအရာသည်သင့်ကလေးအားသူ့ကိုချစ်ကြောင်းပြသသည့်အရာပင်ဖြစ်သည်။ ထို့အပြင်ကလေးကိုစိတ်ဖိစီးမှုကင်းဝေးပြီးတည်ငြိမ်အေးချမ်းစေသည်။ တည်ငြိမ်သောကလေးသည်ပတ်ဝန်းကျင်ရှိကြည့်စရာများအသံများအနံ့များကိုစိတ်ဝင်စားနိုင်သည်။ ၃။ ဟန်ချက်ညီပါစေ။ သင့်ကလေးမည်သည်ကိုခံစားနေသည်ဆိုခြင်းနှင့်ပက်သက်ပြီးမိဘများအနေဖြင့်သိနားလည်သည်ဆိုသည်ကိုကလေးအားသိစေခြင်းအားဖြင့်ကလေး၏ခံစားမှုပိုင်းဆိုင်ရာဉာဏ်ရည်ကိုတည်ဆောက်ပါ။ဥပမာပြောရလျှင်အကယ်၍ကလေးသည်သင့်ကိုပြုံးပြီးကြည့်သည်ဆိုလျှင်ပြန်ပြုံးပြပါ။ ခေါင်းညိတ်ပြပါ။ ကလေးကိုစကားပြောပါ။ ထိုအရာသည်သင့်ကလေးကိုအခြားသူများနှင့်ဘယ်လိုဆက်သွယ်ရမလဲဆိုတာကိုသင်ကြားပေးပါသည်။ သင့်ကလေးကသင့်ကိုလိုအပ်သောအခါတွင်သင့်ကလေးအနားတွင်ရှိပေးနေပြီးကလေးကိုချစ်ပေးခြင်းအားဖြင့်သင့်ကလေးကိုလုံခြုံစိတ်ချရသကဲ့သို့ခံစားရစေပါသည်။ ၄။ အခြားသူများနှင့်ဆက်သွယ်ပေးခြင်း သင့်ကလေးကိုအရေးကြီးသောလူအနည်းငယ်နှင့်ခိုင်မာသောလူမှုရေးဆိုင်ရာသံယောစဉ်များတည်ဆောက်နိုင်ရန်ကူညီပေးပါ။ ၅။ သင့်ကလေးကိုစကားပြောပါ။ သူပြောတာကိုလည်းနားထောင်ပေးပါ။ သိပ္ပံပညာရှင်များ၏ပြောကြားချက်အရ ဘာသာစကား ဆက်နွယ်မှုများကို […]

လွယ်ကူသည်ဟု ထင်ရသော်လည်း မိခင်များအတွက် နို့တိုက်ခြင်းသည် တကယ်တော့ ခက်ခဲပါသည်။ အထူးသဖြင့် သားဦးမိခင်များတွင် ပို၍ခက်ခဲတတ်ပါသည်။ သဘာဝအလျောက်သူ့ဘာသာ သူတတ်ကျွမ်း သွားနိုင်သော်လည်း အလေ့အကျင့်တော့ လိုပါသည်။ အကယ်၍ သင်သည် ကလေးနို့တိုက်ရာတွင် အခက်အခဲဖြစ်နေသည်ဆိုပါက ဤ နို့တိုက်နည်း လေးသွယ်က သင့်အားပိုမိုလွယ်ကူအောင် ကူညီပေးပါမည်။ မိခင်နို့တိုက်နည်း ၄ နည်း အကြောင်း လေ့လာနိုင်ရန် ဖော်ပြပေးလိုက်ပါသည်။ မိခင်နို့တိုက်နည်း ၄ နည်း မိခင်နို့တိုက်နည်း ၄ နည်း မှာ အောက်ပါအတိုင်း ဖြစ်ပါသည်။ ၁။ ဘက်တူလက်နှင့် နို့တိုက်နည်း အခြေခံကျဆုံးနည်းလမ်းဖြစ်သည်။ ညာဖက် နို့ကို တိုက်မည်ဆိုလျှင် ကလေးကို ညာဖက်လက်နှင့် ချီပါ။ ဘယ်ဖက်နို့နှင့် တိုက်မည်ဆိုလျှင် ကလေးကို ဘယ်ဖက်လက်နှင့် ချီပါ။ ကလေး၏ ခေါင်းကို သင်၏ လက်မောင်းကွေး ဆုံရာတွင် ထားလျက် […]

မိခင်နို့တိုက်ကျွေးခြင်းဟာကလေး၏ကျန်းမာရေးကိုပိုမိုကောင်းမွန်စေပြီး အသက်ရှင်နှုန်း ပိုမိုတိုးတက်စေသည်ဆိုတာကိုကျွန်ုပ်တို့ အားလုံးသိရှိကြပြီးဖြစ်ပါသည်။ မိခင်နို့ဟာ အာဟာရများစွာရရှိရာနေရာ ဖြစ်သည့်အပြင်ကလေး၏ ကြီးထွားဖွံ့ဖြိုးမှုအတွက်အရေးပါသော နေရာတွင်လည်း ပါဝင်ဆောင်ရွက်ပေးပါသည်။ မိခင်နို့သည်ကလေး၏ကိုယ်ခံအားတိုးတက်စေပြီး ဉာဏ်ရည်ပိုမိုကောင်းမွန်စေကာ အစာစားချင်စိတ်ပိုမိုဖြစ်ပေါ်စေသည်။ မိခင်နို့တိုက်ကျွေးခြင်းနှင့်ပက်သက်ပြီး လူအများ၏ယုံကြည်မှု(၅)ရပ်ကို ဖော်ပြပေးလိုက်ပါသည်။ ၁။ မိခင်နို့တိုက်ကျွေးခြင်းသည် ရင်သားများကိုအန္တရာယ်ဖြစ်စေသည်။ အမျိုးသမီးအများစုသည်မိခင်နို့တိုက်ကျွေးပါက သူတို့၏ရင်သားများ ဆွဲဆောင်မှု လျော့ကျသွားမည်ဟုထင်ကြပါသည်။ တကယ်တော့ သင့်ကလေးကို သင်၏မိခင်နို့တိုက်ကျွေးခြင်းဟာ ရင်သားပိုးဝင်ခြင်းမှ ကာကွယ်ပေးပါသည်။ အကယ်၍သင့်ကလေးကိုနို့မတိုက်ပါက မိခင်နို့ များသည်နို့ချောင်းပြွန်များထဲတွင် ပိတ်ဆို့သွားပြီး ဘက်တီးရီးယားပိုးမွှားများ ပေါက်ပွားလာကာ သင်၏ရင်သားတစ်ရှူးများ အတွင်း ရောင်ရမ်းမှုကိုဖြစ်ပေါ်စေပါသည်။ ထို့အပြင် ရေရှည် နို့ချိုတိုက်ကျွေးခြင်းအားဖြင့် ရင်သားကင်ဆာနှင့် သားဥအိမ်ရောဂါများကို ကာကွယ်ပေးပါသည်။ ထို့အပြင်မိခင်နို့ချိုတိုက်ကျွေးခြင်းဖြင့် သင်၏ကလေးနှင့် ရင်းနှီးချစ်ခင်မှုပိုမိုရရှိစေပါသည်။ ၂။ မိခင်နို့တိုက်တဲ့ကလေးတွေဟာ ကြီးထွားနှုန်းနှေးကွေးသည်။ မကြာသေးမီက လေ့လာတွေ့ရှိချက်များအရ ပထမသုံးနှစ်အတွင်းမိခင်နို့တိုက်ကျွေးသောကလေးများသည် အသက်ကြီးလာပါက အစာစားချင်စိတ် ပိုမိုဖြစ်ပေါ်စေပါသည်။ မိခင်နို့တိုက်ကျွေးသောကလေးများသည် ကိုယ်ခံအားပိုမိုကောင်းမွန်ပြီး အစာချေစနစ်ပိုမိုကောင်းမွန်ပါသည်။ ကြိုတင်ညှစ်ထုတ်ထားသော […]

မိခင်တွေဟာ သူတို့သားသမီးတွေအပေါ် အပြစ်ရှိတယ်လို့ ကိုယ့်ကိုယ့်ကိုယ်အပြစ်တင်ကာ တခြားလူတွေဆီကပါ အဝေဖန်ခံရတဲ့ ကိစ္စလေးတွေရှိတတ်ပါတယ်။ အမေတော်တော်များများ တွေ့ကြုံရတတ်တဲ့ အဖြစ်အများဆုံး ကိစ္စလေးတွေကတော့……..   မိမိကလေးနှင့်ကစားပေးချိန်မရှိတဲ့အခါ ဒါဟာမိခင်အများစုကြုံရတတ်တဲ့ ကိုယ့်ကိုယ်ကိုယ်အပြစ်တင်ရတဲ့ အကြောင်းအရင်းတစ်ခုပါ။ ရုံးမှာ အလုပ်တွေတောင်ပုံရာပုံ ပုံနေတတ်ပြီး အိမ်ပြန်လာချိန်မှာလည်း အိမ်အလုပ်တွေတစုံတပင်ဖြစ်နေတတ်တာကြောင့် သင်ပင်ပန်းတာဟာ သဘာဝကျပါတယ်၊ ဒါပေမယ့် မိမိကလေးလေးအတွက် အချိန်မပေးနိုင်တဲ့အတွက် အပြစ်ရှိသလိုတော့ ခံစားရတာပေါ့။ “မေမေ သမီးအကြိုက်ဆုံးဂါဝန်လေးဘယ်မှာလဲ” ကလေးတွေဟာ လျှော်ပြီးတာမလျှော်ပြီးတာအပထားလို့ သူတို့ကြိုက်တဲ့ ဂါဝန်လေးတွေ အဝတ်အစားလေးတွေကိုပဲ ထပ်တလဲလဲဝတ်ချင်တတ်ကြပါတယ်၊ သင်က ကလေးကို တခြားဟာဝတ်ဖို့ ချော့လိုက်နိုင်တယ်ဆိုရင်တောင်မှ သူ့မျက်နှာပေါ်ကဝမ်းနည်းသွားတဲ့ အရိပ်အယောင်လေးကြောင့် သင်စိတ်မကောင်းဖြစ်သွားရတတ်ပါတယ်။ “ငါဘာပြောလိုက်မိပါလိမ့်” တခါတရံမှာ မိမိခင်ပွန်းကိုဖြစ်ဖြစ်၊ တခြားသူငယ်ချင်းတစ်ယောက်ကို ဖုန်းထဲကနေဖြစ်ဖြစ် ရင့်ရင့်သီးသီးသုံးနှုန်းမိသွားတတ်ပါတယ်။ ဒါကို ကလေးကကြားပြီး လိုက်ပြော လိုက်သုံးနှုန်းတတ်ပါတယ်။ သင်ကမပြောရန်ဆုံးမတဲ့လို့ ‘အမေတို့ကျပြောလို့ရပြီး သားကျ/သမီးကျ ဘာလို့ပြောလို့မရတာလဲ’ လို့ပြန်မေးတဲ့အခါ ကိုယ့်ကိုယ်ကိုယ်အပြစ်တင်မိမှာပါ။ သူတို့ရဲ့အလုံးစုံကိုမသိနိုင်တဲ့အခါ သူတို့တွေကျောင်းမှာဖြစ်ပျက်လာတာတွေ၊ လုပ်ဆောင်ရတာလေးတွေကို သင်သိနေနိုင်ပေမယ့် […]

ဗီတာမင် ဘီ အုပ်စုတွင် ပုံစံများစွာ ရှိပါသည်။ ဗီတာမင်B1၊ဗီတာမင်B2 ၊ဗီတာမင်B6၊ဗီတာမင်B12 ၊ဗီတာမင် B3(နိုင်ရာစင်)၊ဘိုင်အိုတင်၊ပန်တိုသီးနစ်အက်ဆစ်စသောပုံစံများဖြစ်ပါသည်။ ဗီတာမင် ဘီ အုပ်စုသည်ခန္ဓါကိုယ် မှစွမ်းအင်ထုတ်လုပ်ခြင်းနဲ့ လိုအပ်သောအခါထိုစွမ်းအင်ကို ထုတ်လွှတ်ပေးသောဇီဝရုပ်ဖြစ်ပျက်ခြင်းဆိုင်ရာ လုပ်ဆောင်ချက်များတွင်အဓိက အခန်းကဏ္ဍမှာပါဝင်ပါသည်။ သွေးနီဥများ ခန္ဓါကိုယ်တစ်လျှောက် အောက်ဆီဂျင်သယ်ယူပို့ဆောင်ရာတွင်လည်း ဗီတာမင်ဘီ အုပ်စုကို လိုအပ်ပါသည်။ ဤဗီတာမင်ဘီ အုပ်စုသည် ကလေးများ၏ စိတ်ပိုင်းဆိုင်ရာနှင့် ရုပ်ပိုင်းဆိုင်ရာ ကြီးထွားဖွံ့ဖြိုးမှုတွင် အလွန်အရေးပါပါသည်။ ၁။ ဗီတာမင် B1 (Thiamine) ဗီတာမင်B1သည် စွမ်းအင်ထုတ်လုပ်ခြင်း အတွက်အဓိကအရေးပါသည်။ ၎င်းသည်သကြားနှင့်အခြား ကာဗိုဟိုက်ဒရိတ်များကိုစွမ်းအင်အဖြစ်သို့ ကူညီပြောင်းလဲပေးသည်။ ၎င်းသည်အာရုံကြောအဖွဲ့အစည်းကို ထိခိုက်ခြင်း၊ပျက်စီးခြင်းများမှလည်း ကာကွယ်ပေးသည်။ အာရုံကြောအဖွဲ့အစည်း မှသတင်းအချက်အလက်များကို ခန္ဓါကိုယ်၏အခြားအင်္ဂါအမျိုးမျိုးသို့ပို့ဆောင်ပေးရာတွင်လည်းအသုံးဝင်သည်။ ကလေးများသည်တစ်နေ့လျှင်ဗီတာမင် B1 ငါးရာမှကိုးရာ မိုက်ခရိုဂရမ်ထိလိုအပ်သည်။ ဗီတာမင် B1 ကို နေကြာစေ့အခွံ့မာသီးများ၊ ပဲပြုတ်၊ပဲစိမ်း၊ဂျုံဖြင့်ပြုလုပ်သော ပေါင်မုန့်များမှရရှိနိုင်သည်။ သို့သော်ဗီတာမင် B1 […]