ကလေးငယ်

ဆရာဝန်တွေကတော့ မေမေတွေကို ရင်သွေးကို မိခင်နို့တိုက်ကျွေးတာက အကောင်းဆုံးလို့ပြောမှာပါပဲ။ ဒါမှန်ပါတယ်။ ကလေးအတွက် မိခင်နို့သာ အကောင်းဆုံးနဲ့ အာဟာရအပြည့်ဆုံး ဖြစ်တာကြောင့် အနည်းဆုံး ၆လအထိ မိခင်နို့ကို တိုက်ပေးရမှာပါ။ ဒါ‌ပေမဲ့ မိခင်ရဲ့ ကျန်းမာရေးအခြေအနေ၊ ‌သောက်နေတဲ့ ဆေးဝါးတွေကြောင့် မိခင်နို့ တိုက်လို့ မရတဲ့အခြေအနေတွေလည်း ရှိပါတယ်။ ဒါဆိုရင်တော့ နို့မှုန့် တိုက်ရမှာပါ။ ဒါဆိုရင် ကလေးအတွက် အကောင်းဆုံးနို့မှုန့် ကို ဘယ်လိုရွေးချယ်ရမလဲဆိုတာ သိထားသင့်ပါတယ်။ နို့မှုန့်အမျိုးအစားတွေက ဘာတွေလဲ နို့မှုန့်တွေက အဓိကအားဖြင့်တော့ ၄ မျိုးရှိနေပါတယ်။ ဒါတွေကတော့ နွားနို့ကို အခြေခံပြီးထုတ်ထားတဲ့ နို့မှုန့် ဆိတ်နို့ကို အခြေခံပြီးထုတ်ထားတဲ့ နို့မှုန့် hydrolysed protein ကို အခြေခံပြီးထုတ်ထားတဲ့ နို့မှုန့် ပဲနို့ကို အခြေခံပြီးထုတ်ထားတဲ့ နို့မှုန့် တို့ပဲဖြစ်ပါတယ်။ ဒါ့ပြင် လက်တို့စ်မပါ နို့မှုန့်၊ […]

ကလေးကို ဟိုဟာမတည့်ဘူး မစားနဲ့နော်၊ ဒါမစားနဲ့၊ မေမေဘာပြောထားလဲ၊ချောင်းဆိုးလိမ့်မယ်၊ နေမကောင်းဖြစ်လိမ့်မယ်ဆိုပြီး မိဘတွေရဲ့ပြောသံ မကြာခဏကြားရပါတယ်။ ကလေးဆိုတာ တားလေ ပိုလုပ်ချင်လေ သဘာဝကို ပိုင်ဆိုင်သူတွေမို့ ဒီလိုမျိုးဘယ်လောက်ကြာကြာ ထိန်းထားနိုင်မယ်ထင်ပါသလဲ။ သူများစားတာ လိုက်စားချင်မယ်၊ ကျန်းမာရေးအတွက်ကောင်းတာမကောင်းတာသူမသိဘဲ ကြိုက်တဲ့အစားအသောက်ကို ကြိုက်သလို ခိုးစားမယ်၊ (မိဘမသိအောင်) မိသားစုဆွေမျိုးတွေကိုဝယ်ကျွေးခိုင်းမယ် စတာတွေဖြစ်လာနိုင်ပါတယ်။ တကယ်တော့ ကလေးကိုကျွေးမယ့် အစားအသောက်ကိုမိဘက ပုံသေသတ်မှတ်ပြီး အတင်းကျွေးတာထက် အာဟာရပြည့်ကျန်းမာတဲ့အစားအစာတွေပြင်ဆင်ပေးထားတဲ့အထဲကမှ ကလေးကိုရွေးချယ်ခွင့်ပေးတာပိုကောင်းပါတယ်။ ကလေးတွေရဲ့သဘာဝကိုက လူကြီးတွေလို ကိုယ်တိုင်ရွေးချယ်ခွင့်ရတာ၊ အရာရာကိုယ်တိုင်လုပ်ခွင့်ရတာ၊ ချုပ်ကိုင်မှုကလွတ်ကင်းတယ်လို့ခံစားရတာကို အရမ်းတောင့်တကြပါတယ်။ ဒါ့ကြောင့် ကျန်းမာရေးနဲ့ညီပြီး ဖွံ့ဖြိုးကြီးထွားမှုကိုအထောက်အကူပြုမယ့်အစားသောက်တွေဖြစ်အောင် ပြင်ဆင်ပေးပြီးပေးရွေးလိုက်ပါ။ ကိုယ်လိုချင်တဲ့အတိုင်းဖြစ်လာဖို့ ဘယ်အရာကိုမှအတင်းအကြပ်မလုပ်ဘဲ ကလေးကိုယ်တိုင်ကျေနပ်လက်ခံလာအောင် ပရိယာယ်သုံးပြီးစိတ်ရှည်ရှည်နဲ့ဆွဲဆောင်ရတာ မိဘတွေရဲ့ပညာပါပဲ။ ဒီအချက်တွေကို မဖြစ်မနေ ထည့်စဉ်းစားပါ (၁) ဒါအကုန်စားရမယ် ဆိုတာမျိုး မပြောပါနဲ့ ကလေးက ဗိုက်ပြည့်နေပြီဆိုရင် အတင်းဆက်မစားခိုင်းပါနဲ့။ မိဘတော်တော်များများက ဒီလောက်တော့ကုန်ရမယ်၊ဒီလောက်တော့ကုန်အောင်စားပါ နဲ့ […]

ကလေးကထွားလိုက်တာ လို့အပြောခံချင်တာက ကိုယ်ဝန်စရှိကတည်းကပါ။ လကရင့်လာပြီ ဗိုက်ကမထွက်သေးဘူး၊ ကလေးကညှက်မှာလား မသိဘူးဆိုတဲ့ သုံးသပ်မှုတွေကို မေမေလောင်းတွေမကြားချင်ပါဘူး။မွေးပြီဆိုလည်း ဘယ်နှပေါင်လဲ လို့မေးကြတာထုံးစံ။ ကလေးကထွားတယ်၊ ဘယ်နပေါင်တောင်ရှိတာ လို့ ဒီဘက်ကလည်းပြန်ကြွားချင်တာပေါ့။ ဒီလိုကလေးအတွက်ပျော်ရွှင်မော်ကြွားရဖို့ကို ကိုယ်ဝန်ဆောင်စဉ်တည်းက ဂရုတစိုက်နေထိုင်ခဲ့ရပေမယ့် တကယ့်အရေးကြီးတဲ့အချိန်က အခုမှစမှာပါ။ မွေးပြီးနောက်ပိုင်း ကလေးရဲ့ကြီးထွားဖွံ့ဖြိုးမှုမှန်သမျှကလည်းမေမေတို့လက်ထဲမှာပါပဲ။ ဒါ့ကြောင့် ကလေးရဲ့ဖွံ့ဖြိုးမှု၊ ကြီးထွားမှုတွေကို ဘယ်အချက်တွေက သက်ရောက်မှုရှိနေသလဲဆို သိထားသင့်တယ်လေ။ သိထားမှလည်း အချိန်မီ ပိုဂရုစိုက်သင့်တာစိုက်၊ အတိုးအလျှော့လုပ်နိုင်တော့မှာပေါ့။ ကလေးရဲ့ကြီးထွားဖွံ့ဖြိုးမှုမှာ လွှမ်းမိုးသက်ရောက်နေတဲ့အချက် (၆) ချက် (၁) မျိုးဗီဇ ကလေးတွေက မိဘဆီက မျိုးဗီဇတွေကို လက်ဆင့်ကမ်း ဆက်ခံကြတာသဘာဝပါ။ အရပ်အမောင်း၊ ကိုယ်အလေးချိန်၊ ခန္ဓါကိုယ်တည်ဆောက်ပုံ၊ မျက်လုံးအရောင်၊ ဆံပင်အရောင်၊ ဉာဏ်ရည်ဉာဏ်သွေး၊ပင်ကိုစွမ်းရည် စတဲ့ အပိုင်းတွေအားလုံးကို လွှမ်းမိုးနိုင်တဲ့အချက်တွေဖြစ်ပါတယ်။ ဒါတွေအပြင် နှလုံး၊ ဆီးချို၊အဝလွန် စတဲ့ရောဂါတွေကိုလည်း မျိုးဗီဇကနေ ဆက်ခံရရှိတတ်ပြီး ဒီအချက်ကြောင့် […]

ကစားစရာတွေနဲ့ ကလေးတွေဆိုတာ ခွဲထားလို့မရတဲ့ သူငယ်ချင်းတွေပါပဲ။ ကလေးတွေရဲ့ပျော်ရွှင်မှု၊ တက်ကြွမှု၊ ဖွံ့ဖြိုးမှုတွေကို ကစားစရာပစ္စည်းလေးတွေက အထောက်အကူပြုနေသလို ကလေးဘဝရဲ့အမှတ်တရများစွာကိုလည်း ဖန်တီးပေးနိုင်ပါတယ်။ ကလေးပစ္စည်းအရောင်းဆိုင်တွေရောက်ရင် အသစ်အဆန်းလေးတွေ၊ ကိုယ့်ကလေးကြိုက်လောက်တဲ့ အမျိုးအစားတွေမြင်ရင် ဝယ်ချင်လာကြမှာ မိဘတိုင်းပါပဲ။ဆွေမျိုးတွေနဲ့မိတ်ဆွေတွေကလည်း ကလေးအတွက်ကစားစရာလက်ဆောင်တွေပေးကြမှာပဲ။ သူကလေ အိမ်မှာ ကစားစရာတွေ၊ အရုပ်တွေပုံနေတာ၊ အရုပ်သူဌေး ဆိုပြီး မိဘတွေကပြောတတ်ကြပါတယ်။ ကလေးမှာ ကစားစရာများတိုင်း အကုန်ပေးမကိုင်သင့်ပါဘူး။ ဘာ့ကြောင့်လဲဆိုတော့ ကလေးတွေအတွက်ဘေးကင်းစိတ်ချရစေဖို့ အသက်အပိုင်းအခြားအလိုက် ခွဲခြားထားတဲ့ကစားစရာတွေကိုပဲပေးသင့်ပါတယ်။ ဥပမာ ပလတ်စတစ်ဓါးလို အရာမျိုးကို တစ်နှစ်ဝန်းကျင်ကလေးကို မပေးသင့်တာမျိုး။ ကလေးငယ်လေးတွေအတွက် အရေးကြီးဆုံးကဘေးအန္တရာယ်ကင်းကင်းနဲ့ကြီးပြင်းလာဖို့ဖြစ်တဲ့အတွက် ကစားစရာရွေးချယ်ရာမှာလည်း ကလေးနှစ်သက်တာ၊လှတာ၊ဈေးကြီးတာတွေထက်ဘေးကင်းရေးကိုပိုအလေးထားသင့်ပါတယ်။ ဒါဆိုကလေးအတွက် အန္တရာယ်ကင်းတဲ့ကစားစရာဘယ်လိုရွေးရမလဲ။ သိပ်တော့မခက်ပါဘူး။ ဒီအချက်လေးတွေဖတ်ထားရင်ပဲတော်တော်လုံလောက်နေပါပြီ။ ခဲဓါတ်ပါတာတွေရှောင်ပါ ခဲဓါတ်ကို အိမ်သုတ်ဆေးတွေထုတ်လုပ်ရာမှာထည့်သွင်းအသုံးပြုလေ့ရှိပြီး ကလေးကစားစရာတွေမှာတော့ သုံးတဲ့ဆေးရောင်၊ ပလတ်စတစ် ဒါမှမဟုတ် သံသတ္တုတွေမှာပါတဲ့ခဲဓါတ်ကိုတွေ့ရတတ်ပါတယ်။ သတ္တု သို့မဟုတ် ပလတ်စတစ်တွေနဲ့လုပ်တဲ့ အရုပ်ကားလေးတွေ၊ စက်ရုပ်တွေမျိုးကို နည်းနည်းအရွယ်ကြီးလာတဲ့ […]

လူ့လောကထဲရောက်လာတဲ့ အဖွဲ့ဝင်အသစ်လေးကို ကြိုဆိုတဲ့နေရာမှာ ဗဟုသုတတွေလေ့လာသင့်သလောက်လေ့လာထားမှတော်ကာကျပါတယ်။ ကိုယ်လုပ်နေကျအတိုင်း ကလေးကို ဖြစ်ကတတ်ဆန်းလုပ်ပေးရင် တကယ်တမ်း တစုံတခုဖြစ်လာတဲ့အခါ ကိုယ်ပဲရင်နာရမှာပါ။ နုနယ်လွန်းတဲ့ ကလေးလေးတွေရဲ့ဝေယျာဝစ္စတွေက လူကြီးတွေနဲ့မတူပါဘူး။ အသေးစိတ်ကအစ အရာရာဂရုစိုက်ရပါတယ်။ ကလေးကိုပြုစုစောင့်ရှောက်တဲ့နေရာမှာ မိဘတွေကသန့်ရှင်းရေးကို အရမ်းဂရုစိုက်ကြပါတယ်။ရောဂါဝင်မှာကြောက်ပြီး ပစ္စည်းတွေသန့်မှ၊ ပတ်ဝန်းကျင်သန့်မှဖြစ်မယ်လို့ လက်ခံထားကြတာပါ။ ကလေးကိုလည်း သန့်ရှင်းနေမှဖြစ်မယ်ဆိုပြီးရေချိုးပေးဖို့ ကြိုးစားကြပါတယ်။ တကယ်တော့မွေးကင်းစအရွယ်တွေကိုရေချိုးပေးဖို့မလိုသေးပါဘူး။ သူတို့ရဲ့အရေပြားက အရမ်းကိုခြောက်သွေ့လွယ်တဲ့အပြင် ချက်ကြိုးတွေမကြွေသေးတဲ့ကလေးကိုရေပတ်တိုက်သန့်စင်တာပဲ လုပ်ပေးသင့်ပါတယ်။ တစ်လမပြည့်သေးတဲ့ ကလေးငယ်ကိုနေ့တိုင်းရေချိုးပေးဖို့မလိုအပ်ပါဘူး။ အမြဲသန့်စင်ပေးဖို့လိုအပ်တဲ့ မျက်နှာ၊ လည်ပင်းနဲ့ပေါင်ကြားဧရိယာတွေကိုပဲရေမြှုပ် သို့မဟုတ်ရေဝတ်လေးနဲ့သန့်စင်ပေးလို့ရပါတယ်။ ကလေးကို တစ်ပတ်ကို နှစ်ကြိမ်လောက်ထက် ပိုပြီးရေမချိုးပေးပါနဲ့။ ရေပတ်တိုက်ပေးပါ မွေးကာစကလေးငယ်ကိုရေမြှုပ် သို့မဟုတ် တဘက်နုနုလေးကို ကြက်သီးနွေးရေလေးဆွတ်ပြီးရေပတ်တိုက်သန့်စင်ပေးတာအကောင်းဆုံးပါ။ မျက်နှာလေးနဲ့လက်လေးတွေကို မကြာခဏ သန့်စင်ပေးပါ။သေးခံ diaper လဲပြီးတိုင်းပေါင်ကြားတဝိုက်ကို ညင်သာစွာသန့်စင်ပေးပါ။ လိုအပ်တဲ့အသုံးအဆောင်ပစ္စည်းတွေအသင့်ပြင်ထားပါ ကလေးကိုရေချိုးပေးမယ်ဆိုရင် လိုအပ်မယ့်ပစ္စည်းတွေအသင့်ပြင်ထားဖို့လိုပါတယ်။ရေချိုးဆပ်ပြာ၊ တဘက်၊ ကလေးခေါင်းလျှော်ရည်၊ရေချိုးဇလုံ၊ရေနွေး စတာတွေအပြင်ရေချိုးပြီးရင် ကလေးကိုခြုံပေးမယ့် အနှီး၊ ဝတ်ပေးမယ့် အဝတ်အစားတွေကို အသင့်ပြင်ဆင်ထားပါ။ရေပတ်ပဲတိုက်မယ်ဆိုရင်ရေဝတ်တဘက်နုနု၊ […]

မိဘတိုင်းဟာ ကိုယ့်သားသမီးကို ဒီကမ္ဘာပေါ်မှာ အချောဆုံး၊အလှဆုံး၊အတော်ဆုံး၊အထက်မြက်ဆုံး ဖြစ်စေချင်ကြတာ သဘာဝပါ။ ကိုယ့်ဗိုက်ထဲက ရင်သွေးလေး ထွက်လာပြီဆိုတာနဲ့ ကိုယ်လက်အင်္ဂါစုံရဲ့လား၊တခြားပြဿနာ ဘာများရှိနေသလဲ စတဲ့ ပူပန်စိုးရိမ်မှုလေးတွေ ရှိကြစမြဲပါပဲ။ တကယ်လို့ ရင်သွေးလေးမှာ တခုခု ချွတ်ချော်ယွင်းမှားနေပြီဆိုရင် ခေါင်းမိုးကြိုးပစ်ခံလိုက်ရသလို မိုက်ခနဲ၊ဒိန်းခနဲ ဖြစ်သွားတတ်ပါတယ်။ ဒါဟာ သဘာဝပါ။ ဒါပေမယ့် ဒီလိုပြဿနာနဲ့ ရင်ဆိုင်နေရတာ သင်တယောက်တည်း မဟုတ်ပါဘူး။ ရောဂါထိန်းချုပ်ရေးနဲ့ကာကွယ်ရေး ဗဟိုဋ္ဌာန (စီဒီစီ)ရဲ့ ထုတ်ပြန်ချက်အရ အမေရိကန်ပြည်ထောင်စုလို နိုင်ငံမှာတောင် နှစ်စဉ်ကလေးပေါင်း ၁၂၀၀၀၀ ဟာ မွေးရာပါချို့ယွင်းချက်တမျိုးမျိုးနဲ့ မွေးဖွားလာတယ်လို့ သိရပါတယ်။ ဒါကြောင့် သင်နဲ့ သင့်ရင်သွေးလေးကို ကူညီပေးနိုင်မယ့် နည်းလမ်းတွေ၊ကျွမ်းကျင်သူလူပုဂ္ဂိုလ်တွေဟာ သင့်လက်တကမ်းမှာပဲ ရှိနေတယ်ဆိုတာကို သိထားဖို့ အထူးအရေးကြီးပါတယ်။   မွေးရာပါ ချို့ယွင်းချက်ဆိုတာ ဘာလဲ   မိခင်ဝမ်းထဲက ကျွတ်ပြီဟေ့ဆိုတဲ့အချိန်မှာပဲ ကလေးနဲ့ အတူတကွ ပါရှိလာတဲ့ […]

ကလေးလေးကိုရေချိုးပေးဖို့ ဘယ်လိုချိုးပေးရမှန်းမသိဘူးဖြစ်နေလား။ရေချိုးတာကတစ်ကိုယ်ရေသန့်ရှင်းရေးအတွက် မဖြစ်မနေလိုအပ်တဲ့အရာတစ်ခုဖြစ်တာကြောင့် အရွယ်မရွေးရေချိုးဖို့လိုပါမယ်။ အရွယ်ရောက်နေသူအတွက်ကတော့ရေချိုးတာက ခက်ခဲရှုပ်ထွေးမှုတစ်ခုမဟုတ်သလို အန္တရာယ်များတဲ့ ကိစ္စတစ်ခုလည်းမဟုတ်ဘူးလေ။ ကလေးငယ်ငယ်လေးတွေကို အန္တရာယ်ကင်းကင်းနဲ့ရေချိုးပေးဖို့ကတော့ မိဘတိုင်းအတွက် အရေးကြီးတဲ့ကိစ္စတစ်ခုပေါ့။ရေချိုးပေးတဲ့အခါ ရင်သွေးလေးကို ထိခိုက်တာတွေ အန္တရာယ်ဖြစ်တဲ့အနေအထားတွေမဖြစ်စေဖို့အတွက် မဖြစ်မနေသတိထားရမယ့်အချက်လေးတွေရှိနေပါတယ်။ ဘာတွေများဖြစ်မလဲ........ ဘေဘီကို အန္တရာယ်ကင်းကင်းနဲ့အခုလိုရေချိုးပေးပါ ရေချိုးတဲ့အချိန်ဟာ မိဘနဲ့သားသမီးကြားကသံယောဇဉ်ကြိုးကို အခိုင်မာဆုံးရစ်နှောင်ပေးနိုင်တဲ့ အချိန်ဖြစ်တာကြောင့် ကလေးကိုရေချိုးချိန်ဟာ အန္တရာယ်ကင်းပြီးပျော်စရာကောင်းတဲ့အချိန်ဖြစ်အောင်ဖန်တီးပေးလိုက်ပါ။ ကလေးငယ်လေးကိုဘေးကင်းကင်းနဲ့ရေချိုးပေးဖို့ဆိုရင် ဒီပစ္စည်းလေးတွေလိုအပ်နိုင်ပါတယ် ကလေးကိုရေချိုးပေးတဲ့ရေချိုးကန် ကလေးကိုရေချိုးပေးချိန်မှာ တင်ထားလို့ရမယ့် အခင်းပြား ရေပိုက်ခေါင်းမှာစွပ်တဲ့ ချစ်စရာအရုပ်လေးတွေ လေထိုးရေချိုးကန်အသေးစား ရေချိုးတဲ့အခါဆော့လို့ရတဲ့ရော်ဘာဘဲရုပ်လိုမျိုးအရုပ်လေးတွေ ဒီပစ္စည်းလေးတွေက ကလေးငယ်ကို ထိခိုက်မှုမဖြစ်အောင် အထောက်အပံ့ပေးပါတယ်။ ဘေဘီကိုရေချိုးပေးရင် လိုက်နာရမယ့်အချက်တွေက ကလေးကိုရေချိုးပေးတဲ့အခါ တစ်ယောက်တည်းထားခဲ့တာမျိုးမလုပ်ပါနဲ့ - ကလေးကိုရေချိုးပေးတဲ့အခါရေချိုးပေးနေရင်းဖုန်းလာလို့ဖြစ်ဖြစ် တစ်ခုခုလိုလို့ဖြစ်ဖြစ် ကလေးကိုတစ်ယောက်တည်းထားခဲ့တာမျိုးမလုပ်ပါနဲ့။ မတော်တဆဖြစ်တာမျိုးတွေဖြစ်လာနိုင်တာကြောင့်ပါ။ ကလေးကိုရေမချိုးခင်ကတည်းက လိုအပ်မှာတွေကို တစ်ခါတည်း ယူထားပါ။ ဧည့်သည်လာနေရင်တောင် တံခါးဖွင့်ပေးဖို့ဆိုရင် ကလေးကိုပါကောက်ပွေ့ခေါ်သွားလိုက်ပါ။ ရေရဲ့အပူချိန်ကို စစ်ဆေးပါ -ကလေးတွေက အချမ်းမခံနိုင်ကြပါဘူး။ ဒါကြောင့်ရေချိုးခန်းထဲဝင်တဲ့အခါရေကအရမ်းအေးနေလားဆိုတာကို အရင်ဆန်းစစ်ပါ။ရေအရမ်းအေးနေရင် […]

မေမေတစ်ယောက်ဖြစ်ရတာ ခက်ခဲတယ်ဆိုတာကို လူတိုင်းသိပြီးဖြစ်မှာပါ။ ဒီတစ်ခေါက်တော့မေမေတို့ကြုံရနိုင်တဲ့ အခက်အခဲတွေထဲက တစ်ခုဖြစ်တဲ့ နို့ကြောင်းပိတ်တဲ့ပြဿနာအကြောင်းလေးပြောပြပေးပါရစေ။ နို့ကြောင်းပိတ်တဲ့အခါ ရင်သားက နာကျင်ရသလို ရင်သွေးလေးကို နို့ချိုတိုက်ရာမှာလည်း အခက်အခဲဖြစ်ရပါတယ်။ မေမေတို့ကြုံရတဲ့ နို့ကြောင်းပိတ်တဲ့ပြဿနာ ရင်သွေးလေးကို ၆ လအထိမိခင်နို့တစ်မျိုးတည်းကို တိုက်တာအကောင်းဆုံးဖြစ်မယ်ဆိုတာပြောနေစရာတောင် မလိုအောင်ပါ။မေမေတိုင်းမှာလည်း ရင်သွေးလေးကို နို့ချိုတိုက်ကျွေးလို့ ကျန်းကျန်းမာမာကြီးပြင်းလာစေချင်တဲ့ဆန္ဒက ရင်နဲ့အပြည့်ပါ။ ဒီတော့မေမေတစ်ယောက်က ရင်သွေးလေးကို နို့ချိုတိုက်ကျွေးချင်ပေမယ့် နို့တွေခဲနေလို့ နို့ကြောင်းပိတ်ပြီးနာကျင်နေလို့ မတိုက်ရတာမျိုးတွေတွေ့ရနိုင်ပါတယ်။ ဒီအကြောင်းလေးကိုဆွေးနွေးပါရစေ။ နို့ကြောင်းပိတ်ရတာက နို့တိုက်မေမေတွေမှာအဖြစ်များတဲ့ ရင်သားပြဿနာတစ်ခုပါ။ ရင်သွေးလေးကို နို့တိုက်တဲ့အခါ ကလေးရဲ့ ပါးစပ်ထဲက ဘက်တီးရီးယားတွေ ကူးစက်တာကြောင့်ဖြစ်ရတာပါ။ ဒီအခြေအနေက ကလေးမွေးပြီး ၁ လကနေ ၃ လအတွင်းမှာ အဖြစ်များပါတယ်။ ဒါပေမယ့် တစ်ခါတလေမှာ ဒီပြဿနာက ကလေးမွေးမထားတဲ့ အမျိုးသမီးတွေမှာဖြစ်နိုင်သလိုသွေးဆုံးပြီးတဲ့ အမျိုးသမီးတွေမှာလည်းဖြစ်နိုင်ပါတယ်။ ဒါပေမယ့် ဒီလိုဖြစ်တာက ကျန်းမာနေတဲ့အမျိုးသမီးတွေမှာဖြစ်ခဲပြီး ဆီးချိုရောဂါရှိသူတွေ နဲ့ အခြားနာတာရှည်ရောဂါရှိသူတွေမှာ […]

နို့တိုက်မိခင် ဗီတာမင်ချို့တဲ့ခြင်း “နင်နော်အစားတွေ တွေ့ကရာ လျှောက်မစားနဲ့၊ ငါ့မြေးနေမကောင်းလို့ကတော့နင်ပဲ”မမိုးမိုးတစ်ယောက်ယောက္ခမဖြစ်သူ၏ ပြောစကားကိုထမင်းစားရင်း ပြန်ကြားယောင်နေသည်။ ထမင်းကိုငါးကြော်လေးနှင့်သာ စားနေခြင်းဖြစ်သည်။ တစ်နေ့တစ်နေ့ထိုဟင်းနှင့်သာ စားနေရ၍ငြီးငွေ့နေသော်လည်း ယောက္ခမကို ကြောက်ရသည်က တစ်ကြောင်း၊ နို့တိုက်နေချိန်မိမိစားချင်တာအစုံစားလိုက်မိလျှင်နို့စို့နေသော ၃ လသား မိမိသားလေး ထိခိုက်နိုင်သည်ဟူသော စကားကို ယုံကြည်မိသည်က တစ်ကြောင်း အစားတော်တော်ဆင်ခြင်နေရသည်။ “နို့တိုက်မိခင်ဆိုတာအစားမရှောင်ရဘူး။ အာဟာရပြည့်အောင်စားရတယ်” ဟု ရပ်ကွက်ထဲမှသားဖွားဆရာမလေးကပြောသော်လည်း “နင့်ဆရာမက ငါမွေးမှငါ့သမီးအရွယ်ပါအေ၊ ငါပြောတဲ့အတိုင်းလုပ်စမ်းပါ” ဆိုသော ယောက္ခမစကားကိုမလွန်ဆန်နိုင်ခဲ့။ “အမေ အစားရှောင်နေတာလား၊ ဒီလောက်သေချာမှာနေသားနဲ့၊ အခုတော့ကလေးကဆေးရုံအရောက်နောက်ကျသွားပြီ၊ ဆုံးသွားပြီ” “ဟုတ်ရဲ့လား သေချာကြည့်ပေးပါဦး။ သားလေးက နို့တောင်ပုံမှန်စို့နေသေးတာ၊ ခုနကမှ ပြာပြီးမောလာတာ။ ခဏလေးပဲ ရှိသေးတာ” ဆေးရုံအရေးပေါ်တွင်ပြောနေကြခြင်းဖြစ်သည်။ မမိုးမိုး၏ သားလေး နို့စို့ရင်း ရုတ်တရက်တအားမောပြီး ပြာလာ၍ ဆေးရုံအမြန်ခေါ်လာကြခြင်းဖြစ်သည်။ ဆေးရုံရောက်တော့ဆရာဝန်၏ စကားကရင်နင့်စရာ၊ ကလေးက အသက်မပါလာဘူးတဲ့။ “ပြောရတာတော့စိတ်မကောင်းပါဘူး။ ကလေးက ကလေး ဘယ်ရီဘယ်ရီ(Infantile beri […]

ကလေးလေးတွေက မိသားစုတွေဆီကိုပျော်ရွှင်ခြင်းတွေယူဆောင်လာပေးတဲ့ အိန်ဂျယ်လ်ပိစိလေးတွေပေါ့။ သူတို့လေးတွေ ကိုယ့်ဘဝထဲရောက်လာတာနဲ့နေ့စဉ် သူတို့လေးတွေ ကျန်းမာဖို့က မိဘဖြစ်တဲ့ကိုယ်တွေအတွက် အရေးကြီးဆုံးအရာပဲနော်။ သူတို့ရဲ့ အစားအသောက် ကစလို့ ခန္ဓာကိုယ်တွင်းကိုယ်ပ ကျန်းမာဖို့ကအဆုံး အရာရာကို မပြတ်ဂရုစိုက်ရပြီလေ။ ဒီလိုဂရုစိုက်တဲ့အခါဘေဘီလေးရဲ့ အသားအရေကိုလည်း မဖြစ်မနေထည့်သွင်းရပြီပေါ့။ ဒီတစ်ခေါက်တော့ ဘေဘီလေးတွေနဲ့သနပ်ခါး။ ဘယ်လိုကောင်းကျိုးတွေရှိလဲ။ ဆိုတာလေးကို ပြောပြပေးချင်ပါတယ်။ ဘေဘီလေးတွေနဲ့သနပ်ခါး။ ဘယ်လိုကောင်းကျိုးတွေရှိလဲ။ ဘေဘီလေးတွေနဲ့သနပ်ခါး။ ဘယ်လိုကောင်းကျိုးတွေရှိလဲ။ ဆိုတော့ အတူတူ ဆက်ကြည့်လိုက်ရအောင်လား။ ဘေဘီလေးရဲ့ အသားအရေ မွေးကင်းစဘေဘီလေးတွေရဲ့ အရေပြားက ထိခိုက်လွယ်ပါတယ်။ဘေဘီလေးတွေရဲ့ ကိုယ်ခံအားစနစ်ကလည်းပြည့်ပြည့်ဝဝ မဖွံ့ဖြိုးသေးပါဘူး။ ဒါကြောင့် ကလေးလေးတွေဟာ ဓာတုပစ္စည်းတွေ၊ ရနံ့တွေ၊ အဝတ်အထည်တွေမှာ အသုံးပြုထားတဲ့ ဆိုးဆေးတွေ၊ ဆပ်ပြာမှုန့်တွေ နဲ့ ကလေးတွေအတွက်ထုတ်ထားတဲ့ ပစ္စည်းအချို့မှာပါနေတဲ့ ဓာတုပစ္စည်းတွေကြောင့် အရေပြားခြောက်သွေ့တာတွေ၊ ထိခိုက်တာတွေဖြစ်နိုင်ပါတယ်။ ဒါကြောင့် ထိခိုက်လွယ်တဲ့ဘေဘီလေးတွေအသားအရေအတွက် အသင့်တော်ဆုံးက သဘာဝပစ္စည်းစစ်စစ်တွေပါ။ ဒါဆိုဘေဘီလေးတွေအတွက် အသင့်တော်ဆုံးဖြစ်မယ့် အသားအရေထိန်းသိမ်းမှုကို ဘယ်လိုလုပ်ပေးရမလဲတွေးရခက်နေလားမေမေဖေဖေတို့.... မိရိုးဖလာအသုံးပြုခဲ့တဲ့ […]