နှလုံးနှင့်သွေးကြော ကျန်းမာရေး

သွေးတိုးကြောင့် ခေါင်းကိုက်စေတယ်လို့ တွေးရတာလွယ်ကူပါတယ်။ တစ်ခါတစ်လေသင်တွေးမယ်။“နှလုံးကအရမ်းခုန်တာကြောင့် သွေးက သွေးကြောနံရံတွေကိုအားနဲ့တွန်းပြီးစီးဆင်းသွားတယ်။ ဒါကြောင့် ငါ့ဦးခေါင်းခွံကပါလိုက်ခုန်လာတာများလား” ဆိုပြီးတော့ပေါ့။ ဆက်စပ်မှုရှိမရှိဆိုတဲ့ အဖြေကမသေချာပါဘူး။ လေ့လာမှုတွေမှာတော့ ခေါင်းကိုက်နဲ့ သွေးတိုးဆက်စပ်မှုကိုအနည်းငယ် တွေ့ရပါတယ်။ အောက်မှာ သွေးတိုးနဲ့ခေါင်းကိုက်ဘယ်လိုဆက်စပ်နေလဲဆိုတဲ့အကြောင်းအရင်းအမှန်ကိုပြောပြသွားပါ့မယ်။ လွန်ခဲ့တဲ့ဆယ်စုနှစ်လောက်ကလူတွေဟာ ခေါင်းကိုက်တာက သွေးတိုးရဲ့လက္ခဏာဖြစ်တယ်လို့ယုံခဲ့ကြပါတယ်။ တကယ်တော့ လေ့လာမှုတွေအရ ခေါင်းကိုက်တာနဲ့ သွေးတိုးတာကသိသာတဲ့ဆက်စပ်မှုမရှိခဲ့ပါဘူး။ ဒါပေမယ့်ယနေ့ခေတ်ရဲ့လူတော်တော်များများနဲ့ဆရာဝန်တွေကပါခေါင်းကိုက်တာက သွေးတိုးရှိလို့ဆိုပြီးထင်နေကြတုန်းပါဘဲ။ အာရုံကြောဆရာဝန် Deborah Friedman ကခုနကပြောသွားတဲ့အချက်နဲ့ပတ်သက်ပြီးအကြောင်းပြချက်တွေပေးထားပါတယ်။ • သွေးတိုးကကြီးကြီးမားမားနာကျင်မှုတွေနဲ့ဆက်စပ်ချင်ဆက်စပ်နေလိမ့်မယ်။ • ခေါင်းကိုက်ခြင်းက တချို့သွေးတိုးကျဆေးတွေရဲ့ဘေးထွက်ဆိုးကျိုးကြောင့်လည်းဖြစ် နိုင်တယ်။ • ပြောင်းပြန်အားဖြင့် သွေးတိုးကျဆေးများသည် ခေါင်းကိုက်ဝေဒနာကို ကာကွယ်ပေးကောင်းပေးနိုင်တယ်။ ထို့ကြောင့်လည်းဆေးကုသမှု ခံယူနေသောသွေးတိုးလူနာများတွင် ခေါင်းကိုက် ဖြစ်နိုင်ချေ နည်းပါတယ်။   ခေါင်းနည်းနည်းပဲကိုက်တဲ့ သွေးတိုးဝေဒနာရှင်တွေဘာလို့ရှိနေတာလဲ ? နော်ဝေမှာရှိတဲ့ လေ့လာမှုတွေကသွေးတိုးရှိတဲ့ ဒေသခံတွေက ခေါင်းသိပ်မကိုက်ကြဘူးလိုပြောပါတယ်။ လေ့လာမှုအဖွဲ့သားတွေကအရွယ်ရောက်ပြီးသူ၂၂၀၀၀ခန့်ကို၁၁နှစ်ခြားပြီးစမ်းသပ်ခဲ့ပါတယ်။ အပေါ်သွေး(Systolic blood pressure) ၁၅၀အထက်မှာရှိတဲ့သူတွေကခေါင်းကိုက်နိုင်ချေ၃၀ရာခိုင်နှုန်းပိုနည်းပါတယ်။ အပေါ်သွေး(Systolic figure)ဆိုတာက သွေးတိုးတိုင်းရာမှာအမြင့်ဆုံးဂဏန်းကိုဆိုလိုတာပါ။ လေ့လာသူတွေကလည်းhypalgesia (နာကျင်မှုကိုအာရုံခံစားနိုင်စွမ်းလျော့ခြင်း) […]

သွေးတိုးကျစေတဲ့ဆား ဆရာဝန်တွေအနေနဲ့ဆားကိုသင့်တင့်မျှတစွာထိန်းစားခြင်းကသွေးတိုးကို လျော့ကျစေတယ်လို့သိထားကြပါတယ်။ ကျွန်တော်တို့စားနေကျးစရာတွေမှာပါတဲ့တခြားဆိုဒီယမ်မဟုတ်တဲ့ဓါတ်တွေက သွေးတိုးကျစေတယ်ဆိုတာကိုတော့သိသူနည်းပါတယ်။ ပိုတက်ဆီယမ်ကယ်လ်ဆီယမ်နဲ့မက်ဂနီဆီယမ်ဓါတ်ကြွယ်ဝတဲ့စားစရာတွေကသွေးတိုးလျှော့ချပေးပါတယ်။ လူတိုင်းကဆားလျှော့စားခြင်းက သွေးတိုးကျစေတယ်လို့သိထားကြပါတယ်။ သိပ်မကြာခင်ကဘဲဒီအချက်မှာအငြင်းပွားစရာလေးတွေနည်းနည်းရှိလာပါတယ်။ တချို့လူတွေကဆား/ဆိုဒီယမ်ဒဏ်ကို သူများထက်ပိုပြီးမခံနိုင်ဖြစ်တတ်ကြပါတယ်။ နောက်ပြီးသွေးတိုးကိုသက်ရောက်မှုရှိတဲ့တခြားဓါတ်တွေလည်းရှိပါသေးတယ်။ဥပမာ - ပိုတက်ဆီယမ်၊ကယ်လ်ဆီယမ်၊မက်ဂနီဆီယမ်တို့ပဲဖြစ်ပါတယ်။ လေ့လာမှုတွေအရဆိုဒီယမ်စားသုံးမှုများတဲ့လူတွေမှာ သွေးတိုးရှိကြောင်းပြပါတယ်။ ဒါကအသက်ကြီးလေပိုဖြစ်လေဖြစ်ပါတယ်။ တချို့ဆား/ဆိုဒီယမ်လုံးဝမစားသုံးတဲ့လူမျိုးတွေက သွေးတိုးရှိသူတော်တော်နည်းတာတွေ့ရပါတယ်။ အဲဒီလူတွေကအဝလွန်ခြင်းမရှိအရက်လည်းမသောက်သလိုကိုယ်လက်လေ့ကျင့်ခန်းလည်းလုပ်ကြပါတယ်။ ကျွန်တော်တို့အသက်ကြီးလာတာနဲ့အမျှဆားရဲ့ဆိုးကျိုးသက်ရောက်မှုကလည်းတိုးလာပါတယ်။ ထို့ကြောင့် ဆားလျော့စားရမည်ဟူသောထုံးကိုသမ္မာကျမ်းစာအမှန်တရားကဲ့သို့လက်ခံကျင့်သုံးလာခဲ့သည်။ ထူးဆန်းစွာပင် မကြာသေးမီကအမေရိကားနိုင်ငံမှလေ့လာစမ်းသပ်မှုများအရဆားကိုလျော့စားခြင်းသည် အသက်တိုစေသည်ဟုဆိုသည်။ ထို့ပြင်ဆားကိုအလွန်အကျွံလျော့စားသူများသည် သွေးတိုးပင် ဖြစ်လာနိုင်သည်ဟုဆိုသည်။ ကယ်လ်ဆီယမ် ပိုတက်ဆီယမ်နဲ့မက်ဂနီဆီယမ် ဆိုဒီယမ်တစ်ခုဘဲ သွေးတိုးရောဂါအပေါ်သက်ရောက်မှုရှိတာမဟုတ်ပါဘူး။ ကယ်လ်ဆီယမ်မက်ဂနီဆီယမ်နဲ့ပိုတက်ဆီယမ် တွေက သွေးတိုးနှုန်းကိုပုံမှန်လည်ပတ်နိုင်ဖို့ကူညီပါတယ်။ သူတို့ရဲ့သက်ရောက်မှုကတော့အကောင်းဘက်ကပါ။ ဒီဓါတ်တွေကသင့်အစားအသောက်ထဲမှာပါမယ်ဆိုရင်သူတို့က သွေးတိုးကိုလျှော့ချပေးနိုင်ပါတယ်။ အာဟာရဓါတ်တွေကြွယ်ဝစွာပါဝင်တဲ့စားစရာတွေကလည်း သွေးတိုးကို လျှော့ချပေးနိုင်တယ်လို့လေ့လယမှုတွေကဆိုထားပါတယ်။ ဒါပေမယ့်လေ့လာမှုတွေအရအပေါ်ကပြောသွားတဲ့ဓါတ်တွေအာဟာရတွေကို ဆေးအနေနဲ့ထုတ်လုပ်တဲ့အခါအစားအသောက်မှာပါတဲ့ဓါတ်တွေလောက်သွေးတိုးကိုမထိန်းချုပ်နိုင်ဘူးလို့ဆိုပါတယ်။ ကယ်လ်ဆီယံ ကယ်လ်ဆီယမ်မှာအရိုးသန်မာစေတဲ့အချက်အပြင်တခြားကျန်းမာရေးကိုအထောက်အကူပြုတာတွေအများကြီးရှိပါသေးတယ်။ ကယ်လ်ဆီယမ်ပါဝင်တဲ့အစားအစာတွေကိုစားတဲ့သူတွေမှာ သွေးတိုးကျကြောင်းအဝလွန်မှုမရှိ၊အဆီပိုမရှိ၊ဆီးချိုမရှိကြောင်း တွေ့ရပါတယ်။DASH စားသောက်မှုပုံစံ (ဆီးချိုသမားများအတွက်ဆီးချိုထိန်းစားသောက်မှုပုံစံတစ်မျိုး)ကတစ်ရက်ကိုအဆီပါဝင်မှုနည်းတဲ့စားစရာတွေကိုပဲစားသောက်စေပါတယ်။ လူတစ်ယောက်ကတစ်ရက်ကိုကယ်လ်ဆီယမ်1200 mg ရအောင်အဆီမပါတဲ့နို့ထွက်ထုတ်ကုန်တွေကိုနှစ်ခါမှသုံးခါစားသင့်ပါတယ်။ နို့ထွက်ထုတ်ကုန်တွေနဲ့ပတ်သက်တဲ့ကောင်းကျိုးတွေကအရမ်းအံ့သြဖို့ကောင်းပါတယ်။ သင့်ရဲ့စားသောက်မှုပုံစံထဲကိုနို့ထွက်ထုတ်ကုန်တွေထည့်စားတာသင့်အတွက်အရမ်းကိုအကျိုးရှိစေမှာပါ။ လွန်ခဲ့တဲ့နှစ်သုံးဆယ်လောက်ကအမေရိကန်မှာနို့သောက်သုံးမှုသိသိသာသာလျော့နည်းလာပါတယ်။ လေ့လာသူတွေကဒီအချက်ဟာအဝလွန်ခြင်းနဲ့သွေးတိုးရောဂါများလာခြင်းတို့နဲ့ဆက်စပ်နေတယ်လို့ဆိုပါတယ်။ တစ်ခုအရေးကြီးတာကအဆီပါဝင်မှုနည်းတဲ့နို့ထွက်ထုတ်ကုန်တွေကို ရွေးပါ။ နို့ထွက်ထုတ်ကုန်တွေထဲမှာပါတဲ့အဆီက high saturated […]

သင့်သွေးတိုးကို လျှော့ချဖို့လွယ်ကူတဲ့နည်းလမ်းများ ဆားလျှော့စားခြင်းက သွေးတိုးကျဖို့တစ်ခုတည်းသောနည်းလမ်းလို့သင်ထင်ပါသလား ? မဟုတ်ပါဘူး။ အခုပြောပြသွားမှာကတော့ သွေးတိုးကျစေမယ့်နည်းလမ်းတွေပါ။   (၁) သကြားမုံလာ (Beets) သင်ငယ်ငယ်တုန်းကဟင်းသီးဟင်းရွက်တွေကိုမုန်းခဲ့ဖူးပါသလား ? သကြားမုန်လာတွေမှာအာဟာရဓါတ်များစွာပါဝင်ပြီး သွေးကြောတွေကိုပွင့်စေတဲ့အတွက်ကြောင့် သွေးတိုးကျစေပါတယ်လို့ Georgia State University က Professor Christine Rosenbloom ကပြောပါတယ်။ သူတို့ကို လေ့ကျင့်ခန်းမလုပ်ခင်စားခြင်း၊ဖျော်ရည်အနေနဲ့ သောက်ခြင်းကသင့်ကြွက်သားတွေအလုပ်လုပ်ဖို့ အောက်ဆီဂျင်လိုအပ်တဲ့နှုန်း ကို လျှော့ချပေးပါတယ်။ ဆိုလိုတာက သင့်ကြွက်သားတွေ ကအချိန်ပိုကြာကြာ ကြံ့ခိုင်သန်စွမ်းနေမှာဖြစ်ပါတယ်။   မီးဖိုချောင်တွင်းပြုလုပ်နည်း သကြားမုန်လာတွေကိုခဲပတ်နဲ့ပတ်ပြီးမီးဖိုထဲမှာ 400°F နဲ့မိနစ် လေးဆယ်လောက်ထားပါ။ ပြီးရင်လှီးပြီးသံလွင်ဆီဖြစ်ဖြစ်တခြားဆီဖြစ်ဖြစ်ထည့်စားပါ။ တကယ်လို့ဖျောက်ရည်အနေနဲ့ သောက်ချင်တယ်ဆိုရင်တော့လေ့ကျင့်ခန်းမလုပ်ခင် လေးအောင်စလောက် သောက်သွားရပါမယ်။   (၂) ဒိန်ချဉ် ဒိန်ချဉ်ကမိန်းမတွေအတွက်ပဲမဟုတ်ပါဘူး။ သူကကြွက်သားတွေကိုတည်ဆောက်ပေးပြီးအရိုးတွေကိုသန်မာစေပါတယ်။ တစ်ရက်ကိုဒိန်ချဉ် ခြောက်အောင်စလောက် သောက်သုံးခြင်းနဲ့တင် သင့်သွေးတိုးကိုပုံမှန်နှုန်းမှာထိန်းထားနိုင်ပါပြီ။Plain Greek ဒိန်ချဉ်ကို ရွေးချယ်ပါ။ သူ့မှာအဆီပါဝင်မှု 2% ပဲရှိတဲ့အတွက် ကောင်းကျိုးမှန်သမျှရပါလိမ့်မယ်။ မီးဖိုချောင်တွင်းပြုလုပ်နည်း ။ ။ ဒိန်ချဉ်မှာ Blueberries လေးတွေ […]

သွေးတိုးခြင်းအတွက် လေ့ကျင့်ခန်းအကြံပေးချက်တွေကဘာတွေလဲ လေ့ကျင့်ခန်းလုပ်ခြင်းကသင့်ရဲ့သွေးတိုးကိုကျစေပါတယ်။ လေ့ကျင့်ခန်းကသင့်ကိုခွန်အားတွေပေးတဲ့အပြင်သင့်ရဲ့စိတ်ဖိစီးမှုတွေကိုကျော်လွန်ပြီးနေလို့ကောင်းစေပါတယ်။ သင်ကလောလောဆယ်လှုပ်ရှားမှုသိပ်မရှိဘူးဆိုရင်သင့်ဆရာဝန်နဲ့အရင်တွေ့ပါ။ သူကသင့်ကိုလေ့ကျင့်ခန်းလုပ်ဖို့အဆင်သင့်ဖြစ်အောင်ကူညီပေးပါလိမ့်မယ်။ လှုပ်လှုပ်ရှားရှားနေခြင်းကသင်သွေးတိုးအတွက်ကောင်းစေတဲ့အတွက်သင့်ဆရာဝန်ကအားကြိုးမာန်တက်ကူညီပါလိမ့်မယ်။ သင်ကြိုက်တဲ့လှုပ်ရှားမှုကိုလုပ်နိုင်ပြီးဒီအတွက် Gym သွားဖို့မလိုပါဘူး။ သင်လှုပ်ရှားနေပြီးနှလုံးခုန်အနည်းငယ်မြန်စေပြီးနည်းနည်းမောနေရင်အဆင်ပြေပါတယ်။ ဒါတွေထဲမှာအမြန်လမ်းလျှောက်ခြင်း၊ ပြေးခြင်း၊ ရေကူးခြင်း၊စက်ဘီစီးခြင်း၊အလေးမခြင်းနဲ့ခြံအလုပ်လုပ်ခြင်းတွေပါဝင်ပါတယ်။ သင့်အတွက်လှုပ်ရှားမှုရွေးချယ်ဖို့ကသင့်ကိုယ်ကိုပြန်မေးရမယ့်မေးခွန်းနှစ်ခုရှိပါတယ်။ ဘာကပျော်စရာကောင်းလဲ ။ တစ်ယောက်တည်းလေ့ကျင့်ခန်းလုပ်မှာလား ။ အဖွဲ့နဲ့လုပ်မှာလား။ ဘယ်လိုလေ့ကျင့်ခန်းမျိုးကအကောင်းဆုံးလဲ။ အခြေခံအားဖြင့်လေ့ကျင့်ခန်းသုံးမျိုးရှိပါတယ်။ နှလုံးနဲ့သွေးကြောလေ့ကျင့်ခန်းများ/အေရိုးဗစ်လေ့ကျင့်ခန်းများစတာတွေကသင့်ရဲ့သွေးတိုးကိုကျစေပြီးသင့်ရဲ့နှလုံးကိုပိုပြီးသန်မာစေပါတယ်။ဥပမာ - လမ်းလျှောက်ခြင်း၊ ပြေးခြင်း၊ကြိုးခုန်ခြင်း၊စက်ဘီးစီးခြင်း၊စကိတ်စီးခြင်း၊ လှေလှော်ခြင်း၊အေရိုးဗစ်ရေကူးခြင်းနဲ့ ရေထဲတွင်အေရိုးဗစ်ကစားခြင်း ခွန်အားလေ့ကျင့်ခြင်းကသင့်ရဲ့ကြွက်သားတွေကိုသန်မာအောင်တည်ဆောက်ပေးပါတယ်။ ဒါကသင့်ရဲ့ကယ်လိုရီတွေကိုတစ်နေ့လုံးပိုမိုလောင်ကျွမ်းစေပါတယ်။ ဒါကသင့်ရဲ့အဆစ်နဲ့အရိုးတွေအတွက်လည်းကောင်းပါတယ်။ အကြောလျှော့ခြင်းကသင့်ကိုပိုပြီးပျော့ပြောင်းစေတဲ့အပြင်သင့်ကိုပိုပြီးလှုပ်ရှားလို့အဆင်ပြေစေကာအနာတရဖြစ်ခြင်းမှကူညီကာကွယ်ပေးပါတယ်။   လေ့ကျင့်ခန်းကိုဘယ်လောက်တစ်ခါလုပ်သင့်လဲ အမြန်လမ်းလျှောက်ခြင်းလိုမျိုးအလယ်အလတ်လှုပ်ရှားမှုတွေဆိုရင်တစ်ရက်မိနစ်၃၀နှုန်းနဲ့တစ်ပတ်၅ရက်လုပ်ပါ။ တကယ်လို့အချိန်အဲဒီလောက်မရဘူးဆိုရင်ပြေးခြင်းလိုမျိုးပြင်းထန်တဲ့လေ့ကျင့်ခန်းကိုတစ်နေ့မိနစ်၂၀နှန်းတစ်ပတ်၃ရက်မှ၄ရက်လုပ်ပါ။ တကယ်လို့သင်ကဒီနေ့ထိလှုပ်လှုပ်ရှားရှားသိပ်မလုပ်ဘူးဆိုရင်အပေါ်ကပမာဏအထိ ဖြည်းဖြည်းချင်းလေ့ကျင့်သွားပါ။ အဲဒီလောက်ထိရောက်ဖို့ရက်သတ္တပတ်အနည်းငယ်ကြာလည်းအဆင်ပြေပါတယ်။ ပထမဆုံး သွေးပူအောင်လုပ်ပါ။၅မိနစ်ကနေ၁၀မိနစ်အထိ သွေးပူစေခြင်းကသင့်ရဲ့ကိုယ်ကိုလှုပ်ရှားရပိုအဆင်ပြေစေတဲ့အပြင်အနာတရဖြစ်ခြင်းမှလည်းကာကွယ်ပေးပါတယ်။ နောက်တစ်ခုကလေ့ကျင့်ခန်းအပြင်းအပျော့ကိုချိန်ဆပါ။ အလွန်အကျွံမလုပ်ပါနဲ့။ သင့်အနေနဲ့ လေ့ကျင့်ခန်းလုပ်နေစဉ်စကားပြောနိုင်တဲ့အနေအထားရှိရပါမယ်။ သီချင်းပါဆိုနိုင်သေးရင်တော့နည်းနည်းပိုလုပ်ပါ။ နောက်ဆုံးအနေနဲ့အရှိန်လျှော့ပါ။ ပြီးပြီဆိုပြီးချက်ချင်းမရပ်ချလိုက်ပါနဲ့။ တဖြည်းဖြည်းချင်းအရှိန်လျှော့ပြီးရပ်ပါ။ အထူးသဖြင့်ဒါက သွေးတိုးရှိသူတွေအတွက်ပိုအရေးကြီးပါတယ်။   လေ့ကျင့်ခန်းမှန်မှန်လုပ်စေနိုင်ဖို့ နည်းလမ်း (၃) သွယ် ပျော်ပျော်ရွှင်ရွှင်လုပ်ပါ။ အဲဒီအခါကျရင်သင်လေ့ကျင့်ခန်းလုပ်ရတာကိုစွဲလာပါလိမ့်မယ်။ လေ့ကျင့်ခန်းလုပ်ခြင်းကိုသင့်တစ်နေ့တာအချိန်ဇယားထဲထည့်ထားပါ။ သင်ဘယ်အချိန်လေ့ကျင့်ခန်းလုပ်မယ်ဆိုတာကြိုစီစဉ်ပြီးပြက္ခဒိန်မှာမှတ်ထားပါ။ လေ့ကျင့်ခန်းအတူလုပ်ဖော်ရှာပါ။ ဒါကသင့်ကိုလေ့ကျင့်ခန်းလုပ်ရတာစိတ်ဓါတ်တက်ကြွစေပြီးပိုပျော်စေပါတယ်။ လေ့ကျင့်ခန်းလုပ်တာ ဘေးကင်းရဲ့လား ။ တက်တက်ကြွကြွနေခြင်းက သွေးတိုးရှိသူအတွက်လုပ်နိုင်တဲ့အကောင်းဆုံးအရာတစ်ခုပါ။ သင့်ဆရာဝန်ကိုသင်ကန့်သတ်ထားရမယ့်ပမာဏရှိလားမေးထားပါ။ လေ့ကျင့်ခန်းလုပ်တဲ့အခါသင့်ရဲ့ခန္ဓါကိုယ်ဘယ်လိုခံစားရလဲသတိပြုပါ။ နေသားကျဖို့ခဏတော့အချိန်ယူရမှာဖြစ်ပြီးဒါကပုံမှန်ပါပဲ။ လေ့ကျင့်ခန်းလုပ်နေစဉ်အသက်ရှူမြန်ခြင်း ချွေးထွက်ခြင်းနှလုံးခုန်မြန်ခြင်းတို့ကပုံမှန်ပါပဲ။ ဒါပေမယ့် အသက်ရှူအရမ်းကျပ်တာ၊နှလုံးခုန်အရမ်းမြန်တာ၊ နှလုံးခုန်မူမမှန်တာတို့ခံစားရရင်တော့အရှိန်လျော့ပြီးနားလိုက်ပါ။ ရင်ဘတ်အောင့်ခြင်း၊ပျော့ခွေခြင်း၊ ခေါင်းမူးခြင်းနဲ့လည်ပင်း၊လက်မောင်း၊ မေးရိုး၊ပုခုံးတွေမှာနာတာတွေဖြစ်လာရင်တော့လေ့ကျင့်ခန်းလုပ်တာရပ်လိုက်ပါ။ တကယ်လို့အပေါ်ကပြောသွားတာတွေကမြန်မြန်ပျောက်မသွားတာပဲဖြစ်ဖြစ်ထပ်ဖြစ်လာတာပဲဖြစ်ဖြစ်ဆရာဝန်ခေါ်ပါ။ လိုအပ်ရင်အရေးပေါ်ကုသမှုခံယူပါ။

သွေးတိုးအတွက် နောက်ဆက်တွဲဂရုစိုက်မှုများ သွေးတိုးရောဂါကိုကုသရာမှာအရေးကြီးတာတစ်ခုကနောက်ဆက်တွဲဂရုစိုက်မှုပါပဲ။ သင့်ရဲ့သွေးတိုးကိုဆရာဝန်ညွှန်ကြားတဲ့အတိုင်းပုံမှန်နှုန်းမှာရှိလားဆိုတာပုံမှန်စစ်ဆေးရပါမယ်။ တကယ်လို့ သွေးတိုးကပုံမှန်နှုန်းထဲမှာမဟုတ်ဘူးဆိုရင်လိုအပ်တဲ့ကုသမှုတွေထပ်ပြီးခံယူရမှာပါ။ သွေးတိုးရှိတဲ့လူတစ်ယောက်ကတစ်နှစ်ကိုအနည်းဆုံးတစ်ကြိမ်ဒါမှမဟုတ်မကြာခဏဆရာဝန်နဲသွားတွေ့ရမှာဖြစ်ပါတယ်။ တကယ်လို့သင်ဟာ ဆီးချိုနှလုံးရောဂါဒါမှမဟုတ် လေဖြတ်ထားတယ်ဆိုရင်သင့်ရဲ့သွေးတိုးကိုပြန်မဖြစ်အောင်ပိုပြီးဂရုစိုက်ရပါမယ်။ သင်အနေနဲ့ဘယ်သွေးပေါင်ချိန်မှာရှိသင့်လဲဆိုတာဆရာဝန်နဲ့ဆွေးနွေးပါ။ အသက်ကြီးလာတာနဲ့အမျှသွေးကြောတွေမာလာခြင်းကအပေါ်သွေး (Systolic blood pressure)ကိုမြင့်လာစေပါတယ်။ အရင်ကကုသခဲတဲ့ကုသမှုကအခုအကျိုးသက်ရောက်မှုရှိချင်မှရှိပါတော့မယ်။ သင့်အတွက် ဆေးပမာဏနဲ့ကုသမှုတွေကပြောင်းလဲသွားပြီး ဆေးနည်းအသစ်လိုချင်လိုလာပါမယ်။ ရက်ချိန်းပြည့်လို့ဆေးခန်းသွားတဲ့အခါ သွေးတိုးနဲ့ဆက်စပ်နေတဲ့နှလုံးမျက်လုံး ကျောက်ကပ်နဲ့ သွေးကြော တွေကိုပါစစ်ဆေးသင့်ပါတယ်။ ဆရာဝန်ဆီရက်ချိန်းမှန်မှန်သွားပြခြင်းကသင့်ဆရာဝန်ကိုသင်ဆေးတွေကြောင့်ဆိုးကျိုးရှိမရှိသိစေပြီးလိုအပ်ရင် ဆေးနည်းပြောင်းပေးပါလိမ့်မယ်။ ဆရာဝန်ဆီရက်ချိန်းမှန်မှန်သွားပြ၍ နောက်ဆက်တွဲ ဂရုစိုက်မှုခံယူခြင်းကကိုလက်စထရောမြင့်တက်လာခြင်းအဝလွန်ခြင်းစတာတွေကိုစောင့်ကြည့်ဖို့အခွင့်ကောင်းတစ်ခုပါ။

သင့်မှာသွေးတိုးရှိနေရင်sleep apnea (အိပ်နေစဉ်ခဏတာအသက်ရှူရပ်ခြင်း) အကြောင်း လေ့လာထားပါ။ သွေးတိုးရောဂါဖြစ်စေတဲ့ထဲမှာ လူသိနည်းပြီး အဖြစ်များတဲ့ ရောဂါတစ်ခုက sleep apnea(အိပ်နေစဉ်ခဏတာအသက်ရှူရပ်ခြင်း)ပဲ ဖြစ်ပါတယ်။ လေ့လာမှုတွေအရ သွေးတိုးရှိသူတွေရဲ့ငါးဆယ်ရာခိုင်နှုန်းက sleep apnea ဖြစ်နိုင်ချေရှိပါတယ်။ Obstructive Sleep apneaကထိန်းချုပ်ရခက်တဲ့ သွေးတိုးရောဂါဖြစ်စေတဲ့အကြောင်းအရင်းတွေထဲက တစ်ခုဆိုရင်လည်း မမှားပါဘူး။ ထိန်းချုပ်ရခက်တဲ့သွေးတိုးဆိုတာ သွေးတိုးကိုထိန်းဖို့ သွေးကျဆေးသုံးမျိုးနဲ့အထက် သောက်ရခြင်းကိုဆိုလိုတာပါ။ သင်အိပ်မပျော်အောင် နှောင့်ယှက်သောအရာများသည် သင့်ကို သွေးတိုးဖြစ်နိုင်ချေများစေပါတယ်။ Sleep apneaကထိန်းချုပ်ရခက်တဲ့ သွေးတိုးရောဂါဖြစ်စေနိုင်တဲ့ အကြောင်းအရင်းပါ။ သင့်မှာ Sleep apnea ရှိနေမှန်းသင်ဘယ်လိုသိမလဲ ? ယေဘူယျလက္ခဏာတွေကတော့ အိပ်နေစဉ် ပြင်းထန်စွာ ဟောက်ခြင်း။ အိပ်နေစဉ် စက္ကန့်ပိုင်းလေး အသက်ရှူရပ်သွားခြင်း။ မနက်မိုးလင်းရင် ပင်ပန်းနွမ်းနယ်နေခြင်း။ ဒါက သာမန်ပင်ပန်းနွမ်းနယ်ခြင်းထက် ပိုပြီး အလွန်အမင်း ပင်ပန်းနေတာမျိုးပါ။ မိုးလင်းရင် လန်းဆန်းနေရမယ့်အစား နောက်ထပ် ရှစ်နာရီလောက် ထပ်အိပ်လိုက်ရရင် ပိုကောင်းမယ်လို့ […]

ေသွးတိုးကျဖို့ လေ့ကျင့်ခန်းလုပ်ခြင်း လေ့ကျင့်ခန်းနဲ့ သွေးတိုး လေ့ကျင့်ခန်းလုပ်ခြင်းက သွေးတိုးကျစေတဲ့အဓိကအချက်တွေထဲကတစ်ခုပါ။ လေ့ကျင့်ခန်းလုပ်တာကသင်သွေးတိုးကိုကုသနေတဲ့ကုသမှုတွေကိုလည်းပိုထိရောက်မှုရှိစေပါတယ်။ ဒီအတွက်သင်ဟာအားကစားသမားတစ်ယောက်ဖြစ်ဖို့လည်းမလိုပါဘူး။ လေ့ကျင့်ခန်းလုပ်ပြီး ပျော်ရွှင်မှုကိုရှာဖွေပါ။ သင်ကြိုက်တဲ့ လေ့ကျင့်ခန်းကို ရွေးချယ်ကစားပါ။ တစ်ရက်ကိုမိနစ်၃၀ လောက်တစ်ပတ်မှာရက်လောက်လုပ်ပေးရင်လုံလောက်ပါပြီ။ တကယ်လို့သင် Gym ကစားလို့အဆင်မပြေဘူးဆိုလည်းကလို့ရပါတယ်။ ဒါမှမဟုတ် ယောဂကျင့်ခြင်း၊ တောင်တက်ခြင်း၊နဲ့တခြားသင့်နှလုံးကိုအခုန်မြန်စေမယ့်ဘာဖြစ်ဖြစ်လုပ်လို့ရပါတယ်။ အကျင့်ပါသွားပြီဆိုရင်ကိုယ်ကြိုက်တာသာ ရွေးလုပ်ပါ။ သင့်ဆရာဝန်ကိုလည်းသင့်အခြေအနေကိုပြောပြပြီးအကြံတောင်းပါ။ လေ့ကျင့်ခန်းကိုစလုပ်တည်းကအဆင်ပြေပြေလုပ်ချင်ရင်တော့ထရိန်နာငှားပါ။ သူကသင့်ကို လေ့ကျင့်ခန်းလုပ်ဖို့နည်းမှန်လမ်းမှန်ပြပေးမှာဖြစ်တဲ့အတွက်သင့်အတွက်အရမ်းသင့်တော်ပါတယ်။ ပိုပြီးသန်မာလာအောင်လုပ်ပါ။ သန်မာလာအောင်လုပ်ဖို့ကလည်းအရေးကြီးပါတယ်။ သင့်အနေနဲ့ဝိတ်မခြင်း၊စက်အကူအညီနဲ့အလေးမခြင်း၊အိပ်ထမတင်လုပ်ခြင်းစတာတွေကိုလုပ်နိုင်ပါတယ်။ သင်အဆီကျလာမယ့်အပြင်ကြွက်သားတွေကိုသန်မာလာစေပြီးဇီဝကာမလုပ်ငနးကိုလည်းအထောက်အကူပြုပါတယ်။ သင်ကအဝလွန်နေရင်၁၀ ပေါင်လောက်ကျတာကိုကသင့်ရဲ့သွေးတိုးကိုလျော့စေပါတယ်။ ရေကူးပါ။ အေရိုးဘစ်လေ့ကျင့်ခန်းတွေလုပ်ခြင်းကလည်း သွေးတိုးကျစေပါတယ်။ ရေကူးခြင်းကလည်းအကောင်းဆုံးရွေးချယ်မှုပါ။ မိနစ်၃၀ လောက်ကူးတာကလုံလောက်ပါတယ်။ လေ့ကျင့်ခန်းဘယ်လောက်လုပ်တာကလုံလောက်ပြီလဲ ? မပြင်းထန်တဲ့ လေ့ကျင့်ခန်းတွေကိုတစ်ရက်အနည်းဆုံးမိနစ်၃၀တစ်ပတ်အနည်းဆုံး၅ရက်လုပ်ပါ။ဥပမာ - လမ်းလျှောက်ခြင်း။ ဒီလောက်ကသင့်ကုသမှုတွေကိုပိုမိုထိရောက်စေဖို့ကူညီဖို့လုံလောက်ပါပြီ။ လေ့ကျင့်ခန်းတွေကသင့်သွေးတိုးကို၅ကနေ၁၅အထိလျှော့ချပေးနိုင်ပါတယ်။ တဖြည်းဖြည်းပုံမှန်လုပ်ရာကနေပြင်းထန်တဲ့ဆီတစ်ဆင့်ချင်း လေ့ကျင့်ခန်းလုပ်သွားတာကသင့်သွေးတိုးကိုကျစေပြီးပုံမှန်နှုန်းမှာထိန်းထားဖို့ကူညီပါလိမ့်မယ်။ လေ့ကျင့်ခန်းစလုပ်ခြင်း။ မလိုအပ်တဲ့ထိခိုက်မှုတွေမဖြစ်စေဖို့ဖြည်းဖြည်းပဲစလုပ်ပါ။ သင်ကြိုက်တဲ့ လေ့ကျင့်ခန်းတစ်ခုကိုတစ်ရက်၁၀မိနစ်ကနေ၁၅မိနစ်လောက်ထိစလုပ်ပါ။ တဖြည်းဖြည်းနဲ့မှကြာချိန်ကိုမြှင့်သွားပါ။ မလိုလားအပ်တဲ့ထိခိုက်မှုမဖြစ်အောင်သတိထားပါ။ သင်ကအခုမှ လေ့ကျင့်ခန်းစလုပ်မယ်ဆိုရင်ဖြေးဖြေးချင်းပဲစပါ။ ယောဂကျင့်တာကဲ့သို့ပုံမှန်လေ့ကျင့်ခန်းတွေပဲစလုပ်ပါ။ နောက်မှပိုပြင်းထန်တဲ့ လေ့ကျင့်ခန်းကိုလုပ်တာကသင့်ကိုပိုပြီးကျန်းမာလာစေတဲ့အပြင် သင့်သွေးတိုးကိုလည်း လျှော့ချပေးပါတယ်။ လေ့ကျင့်ခန်းလုပ်တာကိုအဆင်ပြေပြေလုပ်ပါ။ လေ့ကျင့်ခန်းလုပ်ခြင်ကိုသင့်ရဲ့နေ့စဉ်အချိန်စာရင်းထဲထည့်လိုက်ပါ။ သင်နဲ့အဆင်အပြေဆုံးဖြစ်မယ့်အချိန်ကို ရွေးပါ။ အလုပ်မသွားခင်၊အလုပ်ဆင်းပြီး၊နေ့လည်ထမင်းစားချိန်စတဲ့အချိန်တွေမှာလုပ်နိုင်ပါတယ်။ တကယ်လို့သင်ကအပြင်ထွက်ဖို့အဆင်မပြဘူးဆိုရင်အိမ်မှာပဲ လေ့ကျင့်ခန်းနည်းပြ Software တွေ DVD […]

စံသွေးပေါင်ချိန်က၉၀/၆၀ mmHg နဲ့၁၂၀/၈၀ mmHg ကြားဖြစ်ပါတယ်။ တကယ်လို့၁၄၀/၉၀ နဲ့အထက်ဖြစ်နေပြီဆိုရင်တော့သင့်မှာသွေးတိုးရှိနေပါပြီ။ သွေးတိုးကပုံမှန်ဆိုရင်အရွယ်ရောက်ပြီးသားလူတွေနဲ့အသက်ကြီးတဲ့သူတွေမှာသာဖြစ်နေကျဆိုပေမယ့်ဆေးရုံတွေနဲ့ကျန်းမာရေးစောင့်ရှောက်မှုဌာနတွေကနေရရှိတဲ့အချကအလက်တွေအရကလေးတွေမှာလည်းသွေးတိုးရှိသူတဖြည်းဖြည်းနဲ့ပိုများလာပါတယ်။ အခုပြောပြသွားမှာကတော့သင့်ကလေး သွေးတိုးမဖြစ်အောင် ရှောင်ကြဉ်ရမယ့်အချက် လေးချက်ပါ။   (၁) သင့်ကလေးရဲ့ သွေးပေါင်ချိန်ကို စောင့်ကြည့်နေပါ။ သင့်အနေနဲ့သူတို့ရဲ့ သွေးပေါင်ချိန်ကိုမကြာခဏတိုင်းတာပေးဖို့မမေ့ပါနဲ့။ သင့်ကလေးတွေကဆေးခန်းသွားစစ်ဖို့အဆင်မပြေဘူးဆိုရင်သင့်အနေနဲ့ သွေးပေါင်ချိန်တိုင်းကိရိယာဝယ်ပြီးအိမ်မှာပဲတိုင်းနိုင်ပါတယ်။ အခုအချိန်မှာကိရိယာများစွာကတတ်နိုင်တဲ့ဈေးနှုန်းနဲ့ ပေါပေါသီသီရနိုင်တဲ့အပြင်သုံးရလည်းလွယ်ကူအဆင်ပြေပါတယ်။ သင့်ကလေးတွေရဲ့ သွေးပေါင်ချိန် တွေကို ရေးမှတ်ထားပါ။ မူမမှန်တဲ့အခြေအနေတွေကိုလည်းချက်ချင်းလက်ဦးမှုရယူနိုင်ဖို့မျက်ခြေမပြတ်စေပါနဲ့။   (၂) သင့်ကလေးတွေအတွက်ကျန်းမာတဲ့စားသောက်မှုပုံစံစီစဉ်ပေးပါ။ သင့်ကလေးတွေရဲ့ အစားအသောက်တွေထဲမှာအဆီနဲ့အချိုကိုလျှော့ပေးပါ။ သစ်သီးဝလံ၊ဟင်းသီးဟင်းရွက်နဲ့အစေ့အဆံများများကျွေးပါ။ တကယ်လို့သင့်ကလေး မကြာသေးခင်က သွေးပေါင်ချိန်တက်နေရင်ဆားလျှော့ကျွေးပါ။ တကယ်လို့သင့်အနေနဲ့သူတို့အတွက်အစားအသောက်ပုံစံမစီစဉ်တတ်ရင် အာဟာရပညာရှင်ကိုသင့်တစ်မိသားစုလုံးအတွက်သင့်တော်မယ့်အစားအသောက်ပုံစံစီစဉ်ပေးဖို့အကူအညီတောင်းပါ။ ဒီပုံစံနဲ့သင့်တစ်မိသားစုလုံးကျန်းမာခြင်းအကျိုးတွေရနိုင်မှာပါ။   (၃) သင့်ကလေးရဲ့ကိုယ်အလေးချိန်ကိုထိန်းပါ။ အဝလွန်ခြင်းက သွေးတိုးဖြစ်ခြင်းရဲ့အဓိကအကြောင်းရင်းပါ။ သင့်ကလေးတွေအဝလွန်နေရင်သူတို့ ကိုယ်အလေးချိန်အနည်းငယ်စီကျဖို့ကူညီပေးပါ။ သင့်တော်တဲ့စားသောက်မှုပုံစံနဲ့ လေ့ကျင့်ခန်းတွေကသင့်ကလေးကိုပုံမှန်အလေးချိန်မှာထိန်းထားပေးနိုင်ပါလိမ့်မယ်။ သင့်ဆရာဝန်နဲ့ဘယ်လောက်ထိလျှော့ချသင့်လဲ၊ဘယ်အချိန်၊ဘယ်လိုလျှော့ချရမလဲဆိုတာကိုတိုင်ပင်ပါ။   (၄) ဆေးရွက်ကြီးဆေးလိပ်သောက်ခြင်းရှောင်ပါ။ ဆေးရွက်ကြီးဆေးလိပ်သောက်သုံးခြင်းကသင့်ကလေးကျန်းမာရေးကိုဆိုးရွားစွာထိခိုက်စေနိုင်ပါတယ်။ သူက သွေးတိုးစေရုံသာမကနှလုံးနဲ့ သွေးကြောတွေကိုလည်းထိခိုက်စေနိုင်ပါတယ်။ ထို့ကြောင့် သင့်ကလေးကိုကာကွယ်ဖို့အရေးကြီးဆုံးတွေထဲကတစ်ခုကဆေးလိပ်ငွေ့မရှူမိစေဖို့ပါ။ တစ်ဆင့်ခံ ဆေးလိပ်ငွေ့ရှူမိခြင်းကလည်းဆိုးပါတယ်။ တကယ်လို့သင်ဆေးလိပ်သောက်တယ်ဆိုရင်သင့်ကလေးကျန်းမာရေးကိုထောက်ပြီးဖြတ်လိုက်ပါ။ တကယ်လို့မိသားစုဝင်ထဲကတစ်ယောက်ယောက်သောက်တယ်ဆိုရင်လည်းအပြင်ထွက်သောက်ဖို့ပြောပါ။ နာတာရှည်သွေးတိုးရောဂါကမကုသဘဲထားခဲ့ရင်အသက်ဆုံးရှုံးနိုင်ပါတယ်။ ဒါကြောင့်သင့်ကလေးသွေးပေါင်ချိန်ကို အနီးကပ်စောင့်ကြည့်တိုင်းတာဖို့အရေးကြီးပါတယ်။ ရောဂါ စောစောသိခြင်းကသင့်ကလေးကိုအကောင်းဆုံးကုသမှုတွေ […]

သွေးတိုးခြင်းနဲ့ ပတ်သက်ပြီး မှားယွင်းသောအယူအဆ ၅ ချက် သွေးတိုးခြင်းက တစ်ခါတစ်လေ ထိန်းညှိရခက်ပါတယ်။ သင်ကျန်းမာနေတယ်လို့ သင်ထင်နေပေမယ့် ဒီသွေးတိုးခြင်းက သင့်ရဲ့ခန္ဓါကိုယ်ကို ဆိုးကျိုးတွေ ဖြစ်စေနိုင်ပါတယ်။ သွေးတိုးခြင်းက လက္ခဏာတွေ သိပ်ပြလေ့မရှိဘဲ တစ်ခါတစ်လေ နှစ်နဲ့ချီပြီး ရှိလို့ရှိမှန်း မသိပါဘူး။ တကယ်လို့ မကုသဘဲထားလိုက်မယ်ဆိုရင် လေဖြတ်ခြင်း နှလုံးရောဂါဖြစ်ခြင်း တို့ပါ ကြုံတွေ့လာနိုင်ပါတယ်။ တကယ်လို့ သင့်မှာသွေးတိုးရှိနေပြီဆိုရင် ဒီသွေးတိုးရောဂါအကြောင်းကို လေ့လာထားသင့်ပါတယ်။ အောက်မှာပြောပြသွားမှာက သွေးတိုးရောဂါနဲ့ပတ်သက်တဲ့ မှားယွင်းတဲ့ အယူအဆ ၅ ချက်ပါ။ မှားယွင်းတဲ့အယူအဆ (၁) - သွေးတိုးရောဂါက ရောဂါကြီးကြီးမားမားမဟုတ်ဘူး သင့်အထင်လုံးဝမှားပါလိမ့်မယ်။ သွေးတိုးရောဂါဟာ အသံတိတ်လူသတ်သမားလို့တောင် တင်စားရတဲ့ထိဆိုးရွားပါတယ်။ သွေးတိုးရောဂါဟာ သင့်ရဲ့သွေးကြောလေးတွေ၊ ကျောက်ကပ် နှလုံးအပြင် တခြားအစိတ်အပိုင်းတွေကိုပါ ပျက်စီးစေပါတယ်။ ပုံမှန်ဆို နှလုံးခုန်ခြင်းဖြင့် လူ့ကိုယ်အတွက်လိုအပ်တဲ့ အောက်ဆီဂျင်နဲ့ အာဟာရဓါတ်တွေကို သွေးကိုအသုံးပြုပြီး သွေးကြောလေးတွေကတစ်ဆင့် […]

သွေးတိုးရောဂါ ဆိုတာဘာလဲ။ သွေးတိုးရောဂါဟာ သွေးဖြတ်သန်းစီးဆင်းတဲ့ သွေးလွှတ်ကြောတွေဟာ ပုံမှန် ဖိအားထက်များနေတဲ့ သွေးပေါင်တက်တဲ့ အခြေအနေကို ခေါ်တာ ဖြစ်ပါတယ်။ သွေးပေါင်ဟာ ရက်သတ္တပတ် အတော်များများ အမြဲတမ်း ၁၄၀၊ ၉၀ ကျော်နေမယ်ဆိုရင် သွေးတိုးလို့ခေါ်ပါတယ်။ သွေးလွှတ်ကြောနံရံကို ဆန့်ကျင်တဲ့ သွေးတွေရဲ့ အားဟာ ပုံမှန်ထက်ကျော်နေတယ်ဆိုရင် သွေးတိုးလို့ခေါ်ပါတယ်။ ရောဂါလက္ခဏာတွေ မရှိပဲနဲ့ ရေရှည်မှာဆိုရင် သူဟာ ကျန်းမာရေး ပြဿနာတွေ ဖြစ်တဲ့ နှလုံးရပ်ခြင်းနဲ့ လေဖြတ်ခြင်းတို့ကိုပါ ဖြစ်စေနိုင်ပါတယ်။ သွေးတိုးဟာ အတော်အဖြစ်များပါတယ်။ ဒါပေမယ့် သွေးတိုးရှိသူတွေဟာ နှစ်ပေါင်းများစွာ ဘာလက္ခဏာမှ မပြတာလဲ ဖြစ်နိုင်ပါတယ်။ လက္ခဏာတွေ မရှိပဲတောင်မှ သူဟာ သွေးလွှတ်ကြောတွေ သွေးကြောတွေကို ထိခိုက်နိုင်ပါတယ်။   သွေးပေါင်တက်ခြင်းရဲ့ လက္ခဏာတွေက ဘာတွေလဲ။ သွေးတိုးရှိတဲ့ လူအများစုဟာ သူတို့ အန္တရာယ်ရှိနေရင်တောင်မှ ဘာလက္ခဏာမှ မပြတတ်ပါဘူး။ အချို့သူတွေမှာသာ ခေါင်းကိုက်ခြင်း၊ […]