အိပ်စက်ခြင်းဟာ လူတစ်ယောက်ရဲ့ ကျန်းမာပျော်ရွှင်ခြင်းအတွက် သိပ်ကိုအရေးပါတဲ့ လုပ်ငန်းစဉ်တစ်ခုပါ။ ဒါပေမယ့် ဘာကြောင့် အိပ်ရေးဝဖို့ က အလွန်အရေးကြီးတယ်လို့ ဆိုနေရတာလဲ။ ဘယ်လို အိပ်စက်သင့်လဲဆိုတာကိုရော သိကြပါရဲ့လား။ ကောင်းကောင်းအိပ်စက်တာက လေ့ကျင့်ခန်းလုပ်တာနဲ့ အာဟာရပြည့်ဝအောင်စားသောက်တာလိုပဲ လူခန္ဓာကိုယ်ကြီးအတွက် အရေးပါလှပါတယ်။ ဒါပေမယ့် လူတိုင်းကတော့ အိပ်ရေးဝဝမအိပ်စက်ဖြစ်ကြပါဘူး။ ခုခေတ်မှာဆို ပိုဆိုးပါတယ်။ လူတိုင်းက အရင်တုန်းကထက် အိပ်စက်ချိန်ပိုနည်းပါးလာကြတယ်လို့ လေ့လာချက်တွေကဆိုပါတယ်။ လူတွေဟာ နေ့စဉ်နေ့တိုင်း စိတ်ရောကိုယ်ပါ ကျန်းမာနေဖို့အတွက် အိပ်စက်ပေးဖို့လိုအပ်ပါတယ်။ အရွယ်ရောက်ပြီးသား လူတစ်ယောက်အနေနဲ့ တစ်နေ့ကို အနည်းဆုံး ၈နာရီလောက်အိပ်ပေးမှ တက်ကြွ လန်းဆန်းတဲ့ နေ့ရက်လေးတွေ ရရှိမှာပါ။ တစ်ခါတစ်လေ အိပ်ရေးပျက်တာက အရမ်းကြီး ပြဿနာမရှိဘူးဆိုပေမယ့် အိပ်ရေးပျက်တာ များလာတဲ့အခါ ကိုယ်ခန္ဓာ အတွက်ရော၊ စိတ်ခံစားချက်တွေပါ သိသိသာသာ ထိခိုက်လာနိုင်ပါတယ်။ ဒါကြောင့် အိပ်ရေးဝဝအိပ်စက်ဖို့ တိုက်တွန်းနေရတာပါ။ အိပ်ရေးဝဝအိပ်စက်ဖို့ ဘာကြောင့်လိုအပ်တယ်ဆိုတာကို […]

တစ်နေကုန် ရုံးအလုပ်၊ အိမ်အလုပ်တွေနဲ့ စိတ်ပင်ပန်း၊ လူပင်ပန်းဖြစ်သမျှကို ပျောက်သွားစေဖို့ အကောင်းဆုံးအချိန်ဟာ ညအိပ်ချိန်ပါပဲ။ ညဘက်မှာ ကောင်းစွာ အိပ်စက်အနားယူနိုင်ဖို့ဆိုတာ ခန္ဓာကိုယ်နဲ့ အရေပြားက ပူလောင်အိုက်စက်နေတာမျိုး မရှိဘဲ အေးအေးလေးနဲ့ လေဝင်လေထွက်ကောင်းနေမှ အဆင်ပြေမှာပါ။ မြန်မာနိုင်ငံလို ပူနွေးစိုစွတ်တဲ့ နိုင်ငံမှာဆိုရင် ညဘက်အိပ်စက်ဖို့ အဝတ်အစားကို သေချာရွေးချယ်တတ်ဖို့ အရေးကြီးပါတယ်။ ညအိပ်ရင် ဘာဝတ်ကြမလဲ။ အမျိုးသားများအတွက် လမ်းညွှန် မြန်မာအမျိုးသားတွေအတွက် အကောင်းဆုံးရွေးချယ်မှုကတော့ စွပ်ကျယ်နဲ့ ပုဆိုးပါပဲ။ ချည်သားစွပ်ကျယ်က ချွေးကို စုပ်ယူပေးသလို ပုဆိုးက လေဝင်လေထွက် ကောင်းတဲ့အတွက် လိင်အင်္ဂါက အနံ့အသက်ဆိုးတွေကိုလည်း လျော့နည်းစေပါတယ်။ ဘောင်းဘီလိုမျိုး ကိုယ့်အရေပြားနဲ့ အမြဲထိကပ်နေတာမဟုတ်လို့ အရေပြားယားယံတာ၊ ခြောက်သွေ့တာမျိုးလည်း သိပ်ပြီးမဖြစ်စေနိုင်ပါဘူး။ စွပ်ကျယ်၊ အကျီမပါဘဲ ပုဆိုးပဲ သီးသန့်ဝတ်ထားလို့လည်း ရပါတယ်။ ဘောင်းဘီဝတ်ရတာမှ ကြိုက်တယ်ဆိုရင် အားကစား ဘောင်းဘီအတိုကို ဝတ်အိပ်လို့ ရပါတယ်။ […]

ညရောက်ရင် အိပ်မှာပဲလို့ လူတိုင်းတွေ့ကြပါတယ်။ ဒါက သဘာဝမို့ပါ။ ဒါပေမယ့် ညရောက်တိုင်း အလွယ်တကူအိပ်ပျော်ရဲ့လားဆိုတာ တကယ်တွေးကြည့်ရင် ထင်သလောက်တော့ မဟုတ်တာကို သတိထားမိလာမှာပါ။ အိပ်ရာဝင်ချိန်ရောက်တိုင်း အိပ်စက်ဖို့ ခက်ခဲနေတာမျိုး လူတိုင်း ကြုံဆုံဖူးမှာပါ။ ဒီကနေ့ခေတ်လို COVID-19 ကြောင့် လူတိုင်းနီးပါး ပူပင်သောကတွေများနေချိန်မျိုးမှာ ညညအိပ်မပျော်နိုင်သူတွေ အမြောက်အများရှိနေပါတယ်။ လူတွေ တွေးထင်သလောက် အလွယ်တကူအိပ်မပျော်နိုင်တဲ့အခါ အိပ်ရေးပျက်ပြီး ကျန်းမာရေးကိုလည်း ထိခိုက်လာပါတယ်။ အိပ်ရေးပျက်တာဟာ ကိုယ်ခံအားစနစ်ကို ထိခိုက်စေတာမို့ ခုလိုကာလမျိုးမှာ အန္တရာယ်များတဲ့ ပြဿနာတစ်ခုဖြစ်ပါတယ်။ ဒါကြောင့် ညအချိန်တွေမှာ အချိန်မှန်မှန် အိပ်ရေးဝဝအိပ်စက်ဖြစ်ဖို့ အလွယ်တကူအိပ်ပျော်ဖို့ လိုအပ်လာပါပြီ။ သိပ္ပံနည်းကျလေ့လာချက်တွေအရ တွေ့ရှိထားတဲ့ အိပ်စက်ရလွယ်ကူစေတဲ့နည်းလမ်းတွေ ရှိပါတယ်။ ဒီလွယ်ကူရိုးရှင်းတဲ့ နည်းလမ်းတွေကို ပြောပြပါရစေ။ ၁။ အပူချိန်လျှော့ချပါ အခန်းအပူချိန် မြင့်မားရင် အိပ်ပျော်ဖို့ခက်ပါတယ်။ အေးရင် အိပ်စက်ရပိုမိုလွယ်ကူပါတယ်။ ဒါကြောင့် အခန်းအပူချိန် နည်းပါးအောင်လုပ်တာမျိုး ဒါမှမဟုတ် […]

သင်ဟာ နေ့စဉ် ကိစ္စများမြောင်နဲ့ မအားမလပ် လှုပ်ရှားတက်ကြွနေမယ် ဆိုပါစို့။ အားရတယ် မရှိဘူး ဇယ်ဆတ်သလိုလုပ်နေရတာပဲ လို့လည်း နှုတ်ကနေ ဖွင့်ဟညည်းတွားမိပါလိမ့်မယ်။ သင်ဟာ တကယ်ကိုပဲ အလုပ်နဲ့လက်နဲ့မပြတ်သူဆိုရင် နောင်မှာလည်း အလုပ်တွေကို အင်ပြည့်အားပြည့် လုပ်နိုင်အောင် ခေတ္တအနားယူဖို့တော့ လိုပါတယ်။ စိတ်ရောကိုယ်ပါ အပြည့်အ၀ အနားယူခြင်းကို ဆိုလိုပါတယ်။ နားနေချိန်မှာတောင် စိတ်ထဲမှာ လုပ်စရာတွေကို တန်းစီစဉ်းစားနေခြင်းဟာ သင့်အားအင်တွေကို ထင်သလောက် ပြန်ပြည့်ဝစေမှာ မဟုတ်ပါဘူး။ အထူးသဖြင့် အောက်ဖော်ပြပါ အခြေအနေတွေ ကြုံနေရမယ်ဆိုရင်တော့ သင့်အနေနဲ့ လုပ်လက်စအလုပ်တွေကို ရပ်တန့်ပြီး အနားယူဖို့ လိုအပ်ပါလိမ့်မယ်။ ဂနာမငြိမ်ဖြစ်နေခြင်း သင့်အနေနဲ့ အလုပ်စားပွဲကထပြီး ထမင်းစားဖို့၊ တစ်နေရာမှာထိုင်ပြီး ကော်ဖီသောက်ဖို့တောင် အချိန်မပေးနိုင်ဖြစ်နေပါလိမ့်မယ်။ အပေါင်းအသင်းများနဲ့ တွေ့ဆုံစားသောက်စဉ်မှာလည်း သင့်စိတ်ဟာ စကားဝိုင်းမှာ ရှိမနေပါဘူး။ ထိုင်ရမလို ထရမလို အလုပ်ပဲပြေးလုပ်ရမလို ဝေခွဲမရဖြစ်နေတတ်ပါတယ်။ ကောင်းကောင်း […]

အိပ်စက် ခြင်းဟာ လူ့ကျန်းမာရေးနဲ့ အမြဲဆက်စပ်နေတတ်ပါတယ်။ လူတစ်ယောက်ကျန်းမာရွှင်လန်းစွာ ရှင်သန်နေထိုင်ချင်တယ်ဆိုရင် အိပ်စက်ချိန်ကို သတိထားဖို့ လိုအပ်မှာပါ။ ပုံမှန်အားဖြင့် လူတစ်ယောက်ဟာ ည ၉ နာရီနဲ့ ၁၀ နာရီဝန်းကျင်တွေမှာ အိပ်စက်ဖို့ ကျွမ်းကျင်သူတွေက တိုက်တွန်းကြပါတယ်။ ဒီအချိန်မှာစတင်အိပ်စက်ပြီး ပျမ်းမျှ ၆-၈ နာရီလောက် အိပ်စက်ပေးဖို့လည်း အကြံပေးတတ်ကြပါတယ်။ အကြောင်းကတော့ အိပ်ရာဝင်နောက်ကျခြင်းနဲ့ အိပ်ရေးပျက်ခြင်းတို့ဟာ ဆက်စပ်နေတာကြောင့်ပါ။ အိပ်ရေးမဝဘူးဆိုရင် သင့်ကျန်းမာရေးဟာလည်းထိခိုက်လာနိုင်ပါတယ်။ ပြောင်းပြန်အနေနဲ့ အိပ်ရာစောစောဝင်ပြီး အိပ်ရေးဝဝအိပ်မယ်ဆိုရင် သင့်ကျန်းမာရေးကို အကျိုးရှိစေမှာပါတဲ့။ တကယ်လို့သင်သာ သန်းခေါင်မတိုင်ခင် ဒါမှမဟုတ် ည ၉ နာရီနဲ့ ၁၀ နာရီအကြားမှာ ပုံမှန် အိပ်စက်မယ်ဆိုရင် အောက်ပါ အကျိုးကျေးဇူးတွေ ရလာမှာပါ။ ၁။ ကိုယ်အလေးချိန်ကျမယ် - ညဉ့်နက်မှ အိပ်လေလေ ကိုယ်အလေးချိန်တိုးလေလေပါ။ ဒါကြောင့် စောစောစီးစီးအိပ်ရာဝင်တာက သင့်ကို ကိုယ်အလေးချိန်လျော့ကျစေနိုင်ပါတယ်။ ၂။ […]

တစ်နေကုန်သုံးလိုက်ရတဲ့ ဖုန်းဆိုတာ မနက်မိုးလင်းလို့ နာရီalarmထပိတ်ရာက စလို့ ညမိုးချုပ် အိပ်တဲ့အထိပါပဲ။ နည်းပညာတွေ တိုးတက်လာတာနဲ့အမျှ ဒီလက်တစ်ဖဝါးစာ ဖုန်းလေးတစ်ခုရှိရုံနဲ့ အကုန်လုပ်လို့ရနေတာကြောင့် လက်က မချနိုင် ဖြစ်နေတာကိုလည်း အပြစ်မဆိုသာပါဘူး။ ဒါပေမယ့် ကိုယ့်ရဲ့ ညအိပ်ချိန်ထဲကနေပါ ဖဲ့ပြီး ပေးနေရပြီဆိုရင်တော့ ရေရှည်မှာ အဆင်ပြေမှာ မဟုတ်ပါဘူး။ ဒီတစ်ပိုင်း ပြီးရင် ဆက်မကြည့်ဘူးလို့ ပြောပြီး မိုးလင်းသွားတဲ့ နေ့တွေ၊ ခဏလောက်သုံးပြီးရင် အိပ်တော့မယ်ဆိုပြီး နာရီပေါင်း များစွာကြာသွားတာတွေက သူသူကိုယ်ကိုယ်ပါပဲ။ ဒီတော့ မိုးလင်းရင် ဒီအကျိုးဆက်ကို ကောင်းကောင်းကြီး ခံစားရတော့တာပါပဲ။ ညဘက် မအိပ်ဘဲ ဖုန်းသုံးတဲ့အခါ အိပ်ရေးတွေ ပျက်လာတယ်။ ဖုန်းက ထွက်တဲ့ အလင်းရောင်က အိပ်စက်ခြင်း ဟော်မုန်း မယ်လတိုနင် မထွက်အောင် တားဆီးပေးတာကြောင့် တော်ရုံ မအိပ်ချင်တော့ပါဘူး။ မအိပ်ချင်တော့ ဖုန်းကို ဆက်သုံးမိတာပေါ့။ […]

ညဇီးကွက်လေးတွေ အိပ်ချိန်ပုံမှန်လေး ဖြစ်ဖို့ အိပ်ရာဝင်ချိန်တွေ ပြောင်းလဲဖို့ လိုပြီနော်။ ဘာကြောင့် စောစောအိပ်သင့်လဲဆိုတဲ့ အကြောင်းရင်းတွေကတော့… ၁။ စိတ်ဖိစီးမှုတွေ နည်းစေပါတယ်။ အိပ်ရေးဝဝ အိပ်ခြင်းက ခံစားချက်တွေကို ပိုမိုကောင်းမွန်စေတဲ့အပြင် စိတ်ပန်း၊ လူပန်းဒဏ်ကိုလည်း ပိုပြီး ခံနိုင်ရည် ရှိစေပါတယ်။ တစ်ရက်ကို ၇နာရီကနေ ၉နာရီထိ မအိပ်ဘဲနေမယ်ဆိုရင် ပင်ပန်းနွမ်းနယ်မှုတွေ ပိုများပြီး ဒီပင်ပန်းမှုတွေက ဦးနှောက်ပေါ် မကောင်းတဲ့ အကျိုးဆက်တွေ သက်ရောက်နိုင်ပါတယ်။ ဒီအကျိုးဆက်တွေထဲ စိတ်ကျရောဂါ၊ စိတ်ပူပန်သောကများတာနဲ့ အခြားသော ခံစားချက်ဆိုင်ရာ ဝေဒနာတွေ ပါဝင်ပါတယ်။ လက်ရှိထက် ပိုပျော်ရွှင်ပြီး စိတ်ဖိစီးမှုတွေ ပိုနည်းသွားဖို့ဆိုရင် လုပ်ရမယ့် နည်းလမ်းက လွယ်လွယ်လေးပါပဲ။ စောစော အိပ်ရာဝင်ပါ။ အိပ်ရေးဝအောင်အိပ်ပါ။ အတိုပြောရရင် တစ်နာရီ ပိုအိပ်ပါပေါ့။ နေထွက်ချိန်မှာ ထပါ။ ဒါဆို ဇီဝနာရီလည်း မှန်ကန်သွားပါလိမ့်မယ်။ ၂။ […]

သင့်ရဲ့ပတ်ဝန်းကျင်မှာ သစ်ပင်ပန်းမန်များကို မြင်ရခြင်းဟာ အင်မတန်ကောင်းတဲ့ အချက်ဖြစ်ပါတယ်။ သင့်အနေနဲ့ သစ်ပင်သစ်ရွက်တွေ ပန်းတွေကို မမြင်ရတော့ရင် လူသားတယောက်အနေနဲ့ ဘယ်လောက်အထီးကျန်သွားမယ်ဆိုတာ သင်မသိသေးပါဘူး။ အကြောင်းကတော့ ဒီလိုအဖြစ်မျိုးကို မကြုံဖူးသေးလို့ပါပဲ။ အဆိုပါအနေအထားမျိုးကို ထုတ်ပြောခဲ့သူကတော့ အာကာသသူရဲကောင်းတဦး ဖြစ်ပါတယ်။ သူ့ရဲ့ အာကာသစခန်းမှာလည်း အပင်လေးများစိုက်ပျိုးပြီး အိပ်ပျော်အောင် ကြိုးစားခဲ့တယ်လို့ ဆိုပါတယ်။ နောက်ပိုင်းမှာ သုတေသီများရဲ့ လေ့လာချက်အရ နေအိမ်အိပ်ခန်းများအတွင်းမှာ အပင်လေးများ စိုက်ပျိုးထားရှိခြင်းဟာ လူရဲ့စိတ်ကို သက်သောင့်သက်သာဖြစ်စေပြီး ညဖက်မှာလည်း နှစ်ခြိုက်စွာ အိပ်ပျော်ဖို့ အထောက်အကူပြုတယ်လို့ ဆိုပါတယ်။ အပင်ငယ်လေးများကို အိပ်ခန်းထဲထားတဲ့အခါ သင့်ကိုတယောက်တည်းဖြစ်နေတယ်လို့ ခံစားရတာမျိုးကို လျော့ပါးစေပါတယ်။ ပတ်ဝန်းကျင်နဲ့ ထီးတည်းဖြစ်နေတယ်ဆိုတဲ့ ခံစားချက်မျိုးကို ပျောက်စေပါတယ်။ ညအချိန်တွေမှာ နှစ်ခြိုက်စွာ အိပ်ပျော်စေဖို့ အထောက်အကူပြုပါတယ်။ တည်ငြိမ်အေးချမ်းသောအရောင် သုတေသနတွေအရ အိပ်ခန်းတွေထဲထားတဲ့ အပင်များရဲ့ အရောင်ဟာလည်း သင်ကောင်းကောင်းအိပ်ပျော်စေဖို့ ကူညီရာမှာ အရေးပါပါတယ်။ ဥပမာ အစိမ်းရောင်၊ […]

အိပ်စက်ချိန်ဆိုရင် သက်သောင့်သက်သာရှိဖို့ အရေးကြီးပါတယ်။ လူသားတို့အတွက် အဆင်ပြေတဲ့ အိပ်စပ်ပုံကတော့ လဲလျောင်းအိပ်စက်ပုံ ဖြစ်ပါတယ်။ ရပ်လျက်နဲ့တစ်ခုခုကို မှီပြီးဖြစ်စေ၊ ခုံမှာထိုင်ပြီးဖြစ်စေ အိပ်စက်မယ်ဆိုရင် သင့်ကြွက်သားများဟာ သင့်ကိုယ်နေဟန်ထားကို သက်သောင့်သက်သာဖြစ်အောင် လိုက်ပါထိန်းညှိနေရလို့ အိပ်စက်ဖို့ ခက်ခဲပါလိမ့်မယ်။ ဒါ့အပြင် REM လို့ခေါ်တဲ့ အိပ်စက်ခြင်းကနဦးအဆင့်ကို စတင်နိုင်ဖို့ လဲလျောင်းအိပ်စက်ဖို့ လိုအပ်ပါတယ်။ အဆိုပါအဆင့်မှာ ကြွက်သားများလည်း မလှုပ်ရှားတော့ပါဘူး။ လူအများစုဟာ မွေ့ရာပေါ်မှာ၊ ခုတင်ပေါ်မှာ အိပ်စက်ကြပေမယ့် နောက်ပိုင်းမှာ ကြိုးပုခက်နဲ့ အိပ်စက်ခြင်းဟာ ခေတ်စားလာပါတယ်။ သက်သောင့်သက်သာဖြစ်စေမယ့် မွေ့ရာခုတင်မျိုးမရှိရင် ပုခက်ပေါ်အိပ်ခြင်းက အကောင်းဆုံးပဲလို့ ညွှန်းလာကြပါတယ်။ ယခုဆောင်းပါးမှာ ဆက်လက်ဖော်ပြသွားမှာကတော့ ကြိုးပုခက်နဲ့ အိပ်စက်ခြင်းကြောင့် ရရှိလာနိုင်တဲ့ ကောင်းကျိုးဆိုးကျိုးများအကြောင်း ဖြစ်ပါတယ်။ အကျိုးကျေးဇူးများ ပိုမိုနှစ်ခြိုက်စွာ အိပ်ပျော်ခြင်း ကြိုးပုခက်ရဲ့လှုပ်ရှားမှုဟာ လူကို ပိုပြီး နှစ်ခြိုက်စွာ အိပ်ပျော်နိုင်အောင် ကူညီပေးပါတယ်။ သုတေသနတစ်ခုမှာ လူ ၁၂ […]

လူသားတွေဟာ သူတို့ဘဝရဲ့ သုံးပုံတပုံကို အိပ်စက်ချိန်အဖြစ်တဲ့ ဖြတ်သန်းကြပါတယ်။ တကယ်တော့ အိပ်စက်ခြင်းဟာ စိတ်ရောကိုယ်ပါ ကျန်းမာခြင်းနဲ့ ဆက်စပ်နေပါတယ်။ အိပ်ရေးပျက်ရင် စိတ်ရောကိုယ်ပါ မလန်းဆန်းဘဲ အိမ်မှာ၊ ကျောင်းမှာ စွမ်းဆောင်ရည် ကျဆင်းနိုင်ပါတယ်။ ကြာလာရင် ကျန်းမာရေးကိုပါ ထိခိုက်လာနိုင်ပါတယ်။ လူအများဟာ အိပ်စက်ခြင်းနဲ့ပတ်သက်ပြီး အယူအဆအမှားတချို့ ရှိနေတတ်ပါတယ်။ ယုံတမ်းစကားများအနေနဲ့ တယောက်နဲ့တယောက်လက်ဆင့်ကမ်းပြီး အချက်အလက်အမှားတွေ ဖြန့်ချိနေကြပါတယ်။ ယခုဆက်လက်ဖော်ပြမှာကတော့ အိပ်စက်ခြင်းနဲ့ပတ်သက်တဲ့ ကြားနေကျယုံတမ်းစကားတွေ ဖြစ်ပါတယ်။ အဆိုပါအယူအဆများဟာ မှားယွင်းနေတာကို သတိပြုရပါမယ်။ ယုံတမ်းစကား ၁။ အရွယ်ရောက်ပြီးသူတွေဟာ ၅ နာရီလောက်အိပ်ရင် လုံလောက်တယ် သုတေသီတွေရဲ့ အဆိုအရ အဆိုပါအယူအဆကြောင့် လူအများစုရဲ့ ကျန်းမာရေးကို ထိခိုက်နေကြောင်း သိရပါတယ်။ တကယ်တော့ အရွယ်ရောက်ပြီးသူတွေမှာ အိပ်စက်ချိန်အနေနဲ့ တရက်ကို ၇ နာရီနဲ့ ၉နာရီကြား လိုအပ်ပါတယ်။ ၅ နာရီလောက်ပဲအိပ်မယ်ဆိုရင် ရေရှည်မှာ […]