ဆောင်းရာသီမှာ ညစာ အများကြီး စားတာက ရင်ပြည့်တာ အစာမကြေတာတွေကို ဖြစ်စေနိုင်သလို ညဘက် အိပ်ပျော်ဖို့ ခက်စေနိုင်ပါတယ်။ ဒါကြောင့် ညစာကို ဗိုက်ပြည့်ရုံပဲ စားပေးပါ။ အများကြီး စားတာမျိုး၊ အဆီများတာ၊ အစာကြေခဲတာတွေ စားတာမျိုး မလုပ်ပါနဲ့။
- နေ့လယ်စာနောက်ပိုင်းမှာ ကော်ဖီသောက်တာမျိုး မလုပ်ပါနဲ့
နေ့လယ်စာ စားပြီးချိန်မှာ ကော်ဖီသောက်တာ၊ ညစာ စားပြီးချိန်တွေမှာ ကော်ဖီ၊ လက်ဖက်ရည် စတာတွေ သောက်သုံးတာက ညဘက် အိပ်ပျော်ဖို့ ခက်စေပြီး အိပ်ရေးပျက်စေမှာ အသေအချာပါ။ ဒါကြောင့် ဆောင်းအေးအေးလေးက ကော်ဖီလေး သောက်လို့ ကောင်းတယ်ဆိုပေမယ့် ညနေမစောင်းခင် နောက်ဆုံးထားပြီး သောက်ပေးပါ။
- အိပ်ရာဝင်ခါနီး အယ်လ်ကိုဟော မသောက်ပါနဲ့
အိပ်ရာဝင်ခါနီးမှာ အချမ်းပြေဆိုပြီး အရက်ဘီယာ သောက်တာမျိုးတွေ မလုပ်ပါနဲ့။ ဒီလိုလုပ်တာက ညဘက်မှာ ကောင်းကောင်း အိပ်ပျော်စေဖို့ ခက်စေနိုင်ပါတယ်။ စသောက်ချိန်မှာသာ မူးပြီး အိပ်ချင်သလိုလို ဖြစ်ပေမယ့် ၄−၅နာရီလောက်နေရင် လူက လန်းပြီး မျက်စိကြောင်လာပါတယ်။
- အိပ်ရာကို သက်သောင့်သက်သာ ရှိအောင် ထားပါ
ဆောင်းအေးအေးမှာ ညဘက် ကောင်းကောင်း အိပ်ပျော်စေမယ့် နည်းလမ်း တစ်ခုကတော့ အိပ်ရာကို သက်သောင့်သက်သာ ရှိအောင် ထားတာပါ။ အိပ်ရာလေးက အကြောတွေကို ပြေလျော့စေလောက်အောင်အထိ သက်သောင့်သက်သာ ရှိတာက အိပ်ရေးဝဝ အိပ်ပျော်စေဖို့ ထောက်ကူပေးနိုင်မှာပါ။
- နှာခေါင်းနဲ့ အသက်ရှူလမ်းကြောင်းမှာ အစိုဓာတ် ရှိအောင် ဂရုစိုက်ပါ
ဆောင်းရာသီမှာ အဖြစ်များတဲ့ နှာစေး နှာပိတ်တာတွေက ညဘက်တွေမှာ အိပ်ရေးပျက်စေနိုင်ပါတယ်။ ဒါကြောင့် ရေများများ သောက်တာ၊ အိပ်ခန်းထဲမှာ အစိုဓာတ်ထိန်းစက် ဖွင့်တာမျိုး လုပ်ဆောင်ပြီး နှာစေး နှာပိတ်မှု ကင်အောင် ဂရုစိုက်ပေးပါ။
ဆောင်းအေးအေးမှာ အိပ်ရေးပျက် မခံဘဲ အခုလို နည်းလမ်းလေးတွေ လိုက်နာ လုပ်ဆောင်ရင်း အိပ်ပျက်ညတွေကို တာတာ့ ပြလိုက်စို့နော်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။