စိတ်ကျန်းမာရေး

ဒေါသတွေ ထွက်လာတိုင်း ကိုယ့်ကိုကိုယ် ထိန်းချုပ်နိုင်ဖို့ ကြိုးစားပါ။ အကြောင်းကတော့ ဒေါသအလျောက်လုပ်မိတဲ့ အပြုအမူက လူမှုဆက်ဆံရေးမှာ ထိခိုက်စေနိုင်တာကြောင့်ပါ။ ဖြစ်နိုင်ရင်တော့ ဒေါမဖြစ်တာက အကောင်းဆုံးပေါ့။ အကြောင်းကတော့ ဒေါသအလျောက်ပြုမူတာကြောင့် လူမှုဆက်ဆံရေးမှာတင် ထိခိုက်တာမဟုတ်ဘဲ ခန္ဓာကိုယ်မှာပါ ထိခိုက်တာတွေ ရှိလာနိုင်တာကြောင့်ပါ။ ဒေါသ​ကြောင့် ထိခိုက်လာနိုင်တဲ့ ကျန်းမာရေး အကြောင်းလေး ပြောပြပေးချင်ပါတယ်။ ဒေါသကြောင့် ထိခိုက်လာနိုင်တဲ့ ကျန်းမာရေး ဒေါထွက်တယ်ဆိုတာက စကားအနေနဲ့ပြောတာပဲကောင်းပါတယ်။ တကယ်ကို ဒေါသ ထွက်လာတဲ့အခါ ဆက်ဆံရေးတင် ထိခိုက်တာမဟုတ်ဘဲ ကျန်းမာရေးကိုပါ ထိခိုက်စေနိုင်ပါတယ်။ ဒေါသ ထွက်တာက နှလုံး ထိခိုက်စေနိုင်တယ်  ဒေါသထွက်လာတဲ့အခါ နှလုံးခုန်မြန်လာတာကို သတိထားမိရဲ့လား။ ဒေါသထွက်တာက နှလုံးခုန်နှုန်းကိုတင် မြန်စေတာမဟုတ်ပါဘူး။ ဒေါသထွက်တာက နှလုံးကျန်းမာရေးကိုပါ ထိခိုက်စေနိုင်တာပါ။ မြောက်ကယ်လ်ရိုလိုင်းနားတက္ကသိုလ်တစ်ခုကပြုလုပ်ခဲ့တဲ့ လေ့လာမှုအရ ၂ နာရီကြာဒေါသထွက်တာက ရုတ်တရက်နှလုံးရပ်တန့်နိုင်ခြေကို ပုံမှန်ထက် ၂ ဆ တိုးစေနိုင်တယ်၊ […]

ကိုယ့်ရဲ့မျိုးဆက်သစ် သားသမီးတွေကို အဆင့်အတန်းမြင့်မြင့်ထားပေးနိုင်ဖို့နဲ့ မိသားစုသာယာပျော်ရွှင်နိုင်ဖို့ လူတိုင်းဆန္ဒရှိကြပါတယ်။ ဒါနဲ့ပဲ ဖေဖေမေမေက အလုပ်တွေဖိလုပ်၊ ကလေးတွေကို ကလေးထိန်းနဲ့ထား၊ ဒါမှမဟုတ် အဖိုးအဖွားတွေလက်မှာအပ်ထားတာမျိုးတွေ အများကြီးပါ။ မိဘကတော့ ဘဝအတွက်အချိန်မလပ် ကြိုးစားနေပေမယ့် သားသားမီးမီးတို့ ဒီအရွယ်မှာ လိုအပ်တာက ငွေနဲ့တင်မလုံလောက်ပါဘူး။ အလုပ်ကြိုးစားတာလည်း လုပ်ပါ၊ အဲဒီအထဲကမှ အချိန်ကို ရအောင်ဖဲ့ပြီး မိသားစုအတွက် အချိန်ပေးနိုင်မယ့် နည်းလမ်းလေးတွေ သိရမယ်ဆို ပိုအဆင်မပြေဘူးလား။ အထူးသဖြင့် အားလပ်ရက်လေးတွေမှာ အချိန်သိပ်မရရင်တောင် ဒီထဲက တစ်ချက်လောက်ဖြစ်ဖြစ်လုပ်ကြည့်ပါ။ ခရီးထွက်တာကလွဲလို့ အချိန်သိပ်မပေးရသလို ခက်ခဲတဲ့အရာတွေလည်း မဟုတ်တာမို့ ဖေဖေမေမေတို့ ကြိုးစားကြည့်ဖို့ တိုက်တွန်းလိုက်ပါတယ်။ (၁) အစီအစဉ်ဆွဲပါ ရေခဲသေတ္တာနားမှာ ဒါမှမဟုတ် မိသားစုဝင်အကုန်လုံးမြင်နိုင်တဲ့တစ်နေရာရာမှာ ပြက္ခဒိန်ကပ်ထားပေးပြီး နောက်တစ်ပတ်အတွက် ဘာအစီအစဉ်ရှိသလဲ ကြည့်ပါ။ ဗျာများနေရတဲ့ရက်တွေနဲ့ အလုပ်သိပ်မများတဲ့ ရက်တွေကို အချိန်ညှိပြီး သိပ်အရေးမကြီးတဲ့ကိစ္စတွေကို နောက်ရွှေ့သင့်ရွှေ့ပါ။ […]

ယုံကြည်မှုဆိုတာက အမျိုးသမီးတွေကို ကိုယ်ပိုင်လုပ်ငန်းတစ်ခုမစတင်အောင်ဟန့်တားတဲ့ အချက်တစ်ချက်ဖြစ်သလို လုပ်ငန်းလုပ်ဆောင်မှုတွေကိုလည်းဟန့်တားနေတဲ့အချက်လည်းဖြစ်ပါတယ်။ ယုံကြည်မှုဆိုတာကမွေးကတည်းပါလာတဲ့ အရည်အသွေးတစ်ရပ်မဟုတ်ပါဘူး။ ယုံကြည်မှုကို တိုးတက်အောင် လုပ်ဆောင်နိုင်သလို မွေးမြူတည်ဆောက်လို့လည်းရပါတယ်။ ယုံကြည်မှုကိုဘယ်လိုမြှင့်တင်မလဲ....... ၁။ ယုံကြည်မှုရှိအောင်ပြင်ဆင်ပါ အချိန်ယူပြီး တွေ့ကြုံရတဲ့အခြေအနေတိုင်းအတွက်လိုအပ်တဲ့အရာတွေကို ကြိုတင်ပြင်ဆင်တာတွေ၊ အစီအစဉ် ရေးဆွဲတာမျိုးတွေ လုပ်ကြည့်ပါ။ သည်လိုလုပ်ဆောင်တာကသင့်ကို ယုံကြည်မှုရှိလာစေဖို့အတွက် အမှန်တကယ် အကျိုးသက်ရောက်မှုရှိစေမှာဖြစ်သလို အသုံးဝင်စေမှာလည်းဖြစ်ပါတယ်။ ချိန်းထားတဲ့နေရာကို အချိန်မီ ရောက်အောင်သွားတာ၊ သပ်သပ်ရပ်ရပ်ဝတ်စားတာနဲ့ ယူဆောင်သွားရမယ့်အရာတွေကို ကြိုတင်ပြင်ဆင်တာတွေ ကိုလုပ်ကြည့်ပါ။ သည်အချက်တွေက သင့်ကို ကိုယ့်ကိုယ်ကိုယ်ယုံကြည်မှုရှိလာအောင်လုပ်ဆောင်ပေးမယ့် အကောင်းဆုံးသောအစပျိုးမှုတွေပဲဖြစ်ပါတယ်။ ၂။ ပင်ကိုအစွမ်းအစကို သိရှိပါစေ ကြိုတင်အစီအစဉ်ရေးဆွဲမှုက ယုံကြည်မှုကိုမြှင့်တင်ပေးတဲ့အရေးပါတဲ့အရာတစ်ခုဖြစ်ပါတယ်။ ကိုယ့်ရဲ့ ပင်ကိုအစွမ်းအစကို အမှန်တကယ်သိနားလည်မှုကနေဖြစ်ပေါ်လာတဲ့ ယုံကြည်မှုရှိတဲ့ခံစားချက်ကိုဘယ်အရာနဲ့မှ အစားမထိုးနိုင်ပါဘူး။ အချက်အလက်အကြောင်းအရာတွေကို အမှန်တကယ်တတ်မြောက်သိရှိထားမှုက စွမ်းအင်တစ်မျိုးဖြစ်ပြီး သည်စွမ်းအင်ဟာ စဉ်းစားချင့်ချိန်နိုင်စွမ်းရှိတဲ့ယုံကြည်မှုကိုတည်ဆောက်တဲ့အခါမှာအထောက်အပံ့ပေးပြီး ကိုယ်ကျွမ်းကျင်ရာနယ်ပယ်ကိုတိုးတက်အောင်ဆောင်ရွက်နိုင်စေမယ့် အခွင့်အရေးတိုင်းကိုရယူနိုင်စေမှာ ဖြစ်ပါတယ်။ ဒါကြောင့်သင့်အနေနဲ့ သင့်ရဲ့အယူအဆ၊အတွေ့အကြုံနဲ့ကျွမ်းကျင်မှုတို့ကို ယုံကြည်မှုရှိရှိနဲ့ မျှဝေနိုင်မှာဖြစ်ပါတယ်။ ၃။ အကြောက်တရားကြောင့်လုပ်ဆောင်နေတာတွေကိုမရပ်တန့်စေပါနဲ့ ကျွန်မအနေနဲ့သင့်ကို အဆုံးစွန်ထိစွန့်စားလုပ်ဆောင်ကြည့်ပြီး လုပ်ဆောင်နေတဲ့အလုပ်ဆုံးရှုံးသွားတဲ့အခါ […]

ခုလက်တလော ရုံတင်ထားတဲ့ Now and ever ရုပ်ရှင်မှာ မင်းသမီးဖြစ်တဲ့ ဝတ်မှုံ (ပိုင်ဖြိုးသု) မှာ ဆိုက်ကိုးစစ်စ် (psychosis) ဆိုတဲ့ စိတ်ရောဂါရှိတယ်ပေါ့နော်။ ငယ်ဘဝမှာ ဆိုးဆိုးရွားရွား အဖြစ်အပျက်တစ်ခုကြောင့် စိတ်ဒဏ်ရာကြီးကြီးမားမားရခဲ့တယ်။ အဲဒီစိတ်ဒဏ်ရာက ဒီစိတ်ရောဂါဖြစ်ဖို့ အကြောင်းဖြစ်လာခဲ့တယ်။ အဲ့ဒီအဖြစ်အပျက်ထဲမှာပါတဲ့ ကြောက်စရာကောင်းတဲ့ အခြေအနေတွေကို တကယ်အပြင်မှာ ရှိသလိုမျိုးတွေ ခဏ ခဏမြင်တယ် ကြားတယ်၊ လူအကောင်အထည်လိုက်ကြီးတွေကို မြင်တယ်၊ ဒါမှမဟုတ်ရင် အိပ်မက်ဆိုးတွေပြန်မက်တယ်။ သူ့ကိုယ်သူလဲ ဒါဟာ အိပ်မက်လား၊ အပြင်မှာ တကယ်ဖြစ်နေတာလားကို မခွဲခြားနိုင်ဘူး။ သူစိတ်ရောဂါကြောင့် ကယောင်ကတန်း မြင်နေရတဲ့လူတစ်ယောက်က သူ့ကိုခိုင်းတာတွေကို အပြင်မှာ တကယ်လုပ်တယ်။ ဒါကို hallucination လို့ခေါ်ပါတယ်၊ တကယ်မရှိတဲ့အရာတွေကို မြင်တယ်၊ ကြားတယ်။ Hallucination တွေဟာ များသောအားဖြင့် ကိုယ်ကြောက်လန့်တဲ့အရာတွေကို အခြေခံပါတယ်။ ရုပ်ရှင်ထဲမှာ […]

တရားထိုင်ခြင်းဆိုတဲ့ အလေ့အကျင့်ဟာ ကောင်းကျိုးတွေအများကြီးပေးနိုင်တယ်ဆိုတာ လေ့လာသိရှိပြီးတဲ့နောက် လူအများကြားမှာ ပိုပြီးခေတ်စားလာပါတယ်။ တကယ်တော့တရားထိုင်ခြင်း meditation ဆိုတာ စိတ်ကိုအာရုံစုစည်းပြီး မိမိကိုယ်ကို နဲ့ ပတ်၀န်းကျင်ကို ပိုပြီး ကိုယ့်ဖာသာ သတိထားမိအောင်လုပ်ခြင်းပါပဲ။ တရားထိုင်ခြင်းကပေးတဲ့ ကောင်းကျိုးတွေကို အောက်မှာဖော်ပြပေးလိုက်ပါတယ်။  (၁) စိတ်ဖိစီးမှုကိုလျော့ကျစေတယ်။  ဒီအချက်ဟာ အနောက်နိုင်ငံတွေကလူတွေအပါအ၀င် လူအများအပြားကို တရားထိုင်ဖို့ဆွဲဆောင်နိုင်တဲ့ အဓိကအကြောင်းအရင်းတွေထဲက တစ်ချက်ပါပဲ။ ပုံမှန်အားဖြင့်ဆိုရင် လူတွေဟာ စိတ်ပိုင်းဆိုင်ရာ၊ ရုပ်ပိုင်းဆိုင်ရာ ဖိစီးမှုတွေနဲ့ရင်ဆိုင်ရတဲ့အခါ ကော်တီစောလို့ခေါ်တဲ့ ဟော်မုန်းဓာတ်တစ်မျိုးထွက်ပါတယ်။ အဲဒီဟော်မုန်းကြောင့် ခီမိုကိုင်းအစရှိတဲ့ အန္တရာယ်ရှိတဲ့ ဓာတုပစ္စည်းတွေကို ဆက်တိုက်ထွက်လာစေပါတော့တယ်။ အဲဒီအခါ အိပ်မရတာ၊ စိတ်ဓာတ်ကျတာ၊ စိတ်ပူပန်မှုများတာ၊ သွေးတိုးတာ၊ အားအင်ကုန်ခမ်းမောပန်းတာနဲ့ ဘာမှတွေးမရ အာရုံစိုက်မရဖြစ်တာတွေ ကြုံရစေပါတယ်။ လေ့လာတွေ့ရှိမှုတွေအရ တရားထိုင်တဲ့သူတွေမှာတော့ ဒီလိုဓာတ်ပစ္စည်းတွေထုတ်လွှတ်မှုကို နည်းစေပါသတဲ့။  (၂) စိတ်ပူပန်စိုးရိမ်စိတ်ကို လျော့ကျစေတယ်။ စိတ်ဖိစီးမှုနည်းတဲ့အခါ စိတ်ပူပန်မှုကျတာ အံ့သြစရာတော့မရှိပါဘူး။ လူတွေနဲ့တွေ့ဆုံဆက်ဆံရမှာကိုကြောက်တဲ့ […]

ကိုယ့်ကိုယ်ကိုယ်ယုံကြည်မှုမြင့်မားခြင်းဟာ လူတစ်ယောက်ရဲ့ စိတ်ရောခန္ဓာကိုယ်ပါ ကျန်းမာစေတဲ့အပြင် နေထိုင်လို့ကောင်းစေပြီး အောင်မြင်မှုကိုလည်း ဆောင်ကြဉ်းပေးပါတယ်။ လူတိုင်းဟာ ကိုယ့်ကိုယ်ကိုယုံကြည်မှုနဲ့တွဲပြီးမွေးလာကြတာမဟုတ်ပါဘူး။ ကိုယ့်ဖာသာကိုယ်တည်ဆောက်ယူရတာပါ။ လူတစ်ယောက်အောင်မြင်ဖို့ဆိုရင် ဘယ်အရာကြုံလာ ကြုံလာ မတုန်လှုပ်တတ်ဖို့နဲ့ ဘယ်သူရိုက်ချိုးလဲ ပျက်စီးမသွားတဲ့ ကိုယ့်ကိုယ်ကို ယုံကြည်မှုမျိုး မဖြစ်မနေလိုအပ်ပါတယ်။ ဒါကြောင့် ဘယ်လို စိန်ခေါ်မှုမျိုးကိုပဲ ကြုံနေရသည်ဖြစ်စေ၊ ကိုယ့်ကိုယ်ကို တန်ဖိုးထားဖို့နဲ့ ယုံကြည်မှုမြင့်မားလာစေဖို့ လိုက်နာကျင့်သုံးသင့်တဲ့ အချက်တွေကို တင်ပြပေးလိုက်ပါတယ်။  (၁) သင်ဖြစ်ချင်နေတဲ့ဘ၀မှာသင်ရောက်နေပြီလို့ ကိုယ့်ကိုယ်ကို မြင်ယောင်ပါ။  ကိုယ့်ကိုယ်ကို ဂုဏ်ယူရတဲ့ လူတစ်ယောက်အဖြစ်၊ ကိုယ်လိုချင်တဲ့ဘဝကို ပိုင်ဆိုင်ထားပြီးတဲ့ အခြေအနေမျိုးနဲ့ အာရုံထဲမှာ ကြိုတင်မြင်ယောင်ပုံဖော်ကြည့်ပါ။ ဒါက ဦးနှောက်ကို အပေါင်းလက္ခဏာဆောင်တဲ့ အတွေးတွေပိုမိုဖြစ်ပေါ်လာစေပြီး တကယ်လဲ လက်တွေ့မှာ အောင်မြင်မှုနဲ့ နီးကပ်သွားစေပါတယ်။ (၂)သင့်ကိုကြောက်စေတဲ့အရာကို တစ်နေ့တစ်ခုလုပ်ပါ။  သင်ကိုယ့်ကိုယ်ကိုယ်မယုံကြည် မလုံမခြုံဖြစ်နေတယ် ဆိုပါစို့။ သိထားရမှာက တစ်လောကလုံးက ကျန်တဲ့လူတွေလဲ သင့်လိုပဲ မလုံမခြုံဖြစ်နေကြတယ်ဆိုတာပါပဲ။ […]

ခေတ်ကာလတွေ တဖြည်းဖြည်းပြောင်းလဲလာတဲ့ကြားထဲမှာမှ ခုလို ၂၁ ရာစု အပြိုင်အဆိုင်များတဲ့ ခေတ်ကြီးထဲမှာ လူငယ်တွေဟာလည်း ဘဝအတွက် အနာဂတ်အတွက် အရာရာကို ရင်ဆိုင်နေပြီး လူကြီးတွေထက် ပိုများတဲ့ စိတ်ဖိစီးမှုဒဏ်ကို အလူးအလဲ ခံစားနေရပါတယ်။ ဒါကလည်း လူငယ်တွေ စိတ်ခွန်အားနည်းမှုကြောင့် မဟုတ်ဘဲ တိုးတက်ပြောင်းလဲလာတဲ့ ခေတ်ရေစီးကြောင်းရဲ့ နောက်မှာ လိုက်ပါစီးနင်းလာတဲ့ လူနေမှုပုံစံတွေကြောင့်ပဲလို့ ဆိုရမှာပါ။ အဲ့တော့ ဘယ်လိုလောကဓံနဲ့ လူမှုရေးရာပြဿနာတွေက ကျွန်တော်တို့လူငယ်တွေကို စိတ်ပင်ပန်း လူပင်ပန်းဖြစ်စေလဲဆိုတာကို တစ်ချက်လောက် ကြည့်လိုက်ကြရအောင်။ ၁။ နည်းပညာတွေရဲ့ လွှမ်းမိုးမှု ဒီဘက်ခေတ်မှာ လူငယ်တိုင်းနီးပါး ဖုန်းတစ်လုံးကိုင်လာနိုင်တာကို သတိထားမိမှာပါ။ လူတိုင်းကြည့်လိုက်ရင် ကိုယ့်ဖုန်းကိုပဲ သဲကြီးမဲကြီးအသုံးပြုနေကြတယ်။ အရင်ခေတ်တွေကလို ကိုယ့်ခွန်အား၊ ကိုယ့်လက်နဲ့ လုပ်ကိုင်ရတာ၊ ရှာဖွေရတာမျိုး မရှိတော့ဘဲ ဖုန်းလေးကိုပဲ အလွယ်တကူ ပွတ်ပြီး ကိုယ်သိချင်တာတွေကို ရှာဖွေလေ့လာနေကြတယ်။ ကောင်းတဲ့ဘက်ကကြည့်ရင်တော့ […]

ခုဆို ပိတ်ရက်တွေကလည်းများ ခရီးသွားမယ်ဆိုရင်လည်း သူငယ်ချင်းတွေက ကမ်းခြေသွားမယ်ဆိုရင် ကိုယ်က အဖွဲ့ထဲက ရေကူးရမှာကြောက်တဲ့သူ၊ ရေမကူးတတ်တဲ့သူဖြစ်နေတယ်ဆိုရင် ပင်လယ်ပြင်ကိုသွားတဲ့ခရီးတွေမှာဆို ပင်လယ်ပျော်တွေကြားထဲမှာ ကိုယ်ကမျက်နှာငယ်ရမှာပါ။ သူများတွေက ရေငုပ်တယ်၊ ရေအောက်အလှတွေကိုလည်း ခံစားတယ်၊ ပင်လယ်ပြင်ထဲမှာ ရေကူးတယ်၊ ကိုယ်ကတော့ ရေအနက်ကိုကြောက်ပြီး ရေတိမ်မှာပဲနေတယ် ဓာတ်ပုံရိုက်ရုံလောက်နဲ့ဆိုရင်တော့ ကမ်းခြေခရီးဟာ အဓိပ္ပါယ်ရှိမှာမဟုတ်ပါဘူး။ ဒီဆောင်ပါးလေးမှာတော့ ရေကိုအရမ်းကြောက်တတ်တဲ့သူတွေအတွက်မဟုတ်ဘဲ ရေကူးသင်ရမှာ၊ ရေနက်ထဲ ရေကူးရမှာကြောက်တဲ့သူတွေအတွက် အဲ့ဒီစိတ်တွေကို ဘယ်လိုကျော်လွှားမယ်ဆိုတာကို ပြောပြပေးသွားမှာဖြစ်ပါတယ်။ ၁။ အတွေးမလွန်ပါနဲ့။ ရေကူးရမှာကြောက်တတ်တဲ့သူအများစုက အတွေးတွေလွန်နေကြလို့ပါ။ ရေထဲမဆင်းခင် ခေါင်းထဲမှာ ဘာမှမတွေးပါနဲ့။ အရင်ဆုံး ကိုယ်ကြိုက်တဲ့ ကိုယ့်ခန္ဓာကိုယ်နဲ့ အချိုးကျကျ လိုက်ဖက်မယ့် ရေကူးအင်္ကျီကို ဝယ်ဝတ်ပါ။ ကိုယ့်ကိုယ်ကို လှလှပပနဲ့ ယုံကြည်မှုရှိနေရင် တခြားကြောက်စိတ်တွေနဲ့ အတွေးလွန်တာတွေကို လျော့စေပါတယ်။ ၂။ ပတ်ဝန်းကျင်နဲ့ ရင်းနှီးပါစေ။ ရေကူးသင်တော့မယ်ဆိုရင် ကိုယ်ကူးမယ့်ရေကန်ကို ရင်းနှီးအောင်လုပ်ပါ။ ကားမောင်းစသင်တဲ့ချိန်မှာ ကိုယ်မောင်းမယ့်လမ်းကို […]

စိတ်ပူပန်မှုကင်းတဲ့ လူရယ်လို့မရှိပါဘူး။ လူတိုင်းက ကိုယ်ရေးကိုယ်တာကြောင့်ဖြစ်ဖြစ်၊ အလုပ်ခွင်ကိစ္စရပ်တွေကြောင့်ပဲဖြစ်ဖြစ် စိတ်ပူပန်မှုက အမြဲလိုလို ရှိနေတတတ်ပါတယ်။ ဒီစိတ်ပူပန်မှုတွေက မွေးထားရင် ပိုများလာပြီး နောက်ဆက်တွဲအနေနဲ့ ကျန်းမာရေးကို ပြင်းထန်စွာထိခိုက်စေနိုင်ပါတယ်။ ဒီတော့ ဒီစိတ်ပူပန်မှုတွေကို အနိုင်ယူနိုင်စေမယ့် ရိုးစင်းတဲ့နည်းလမ်းလေးတစ်ခုရှိပါတယ်။ ဒါကတော့ ဘာဖြစ်မလဲ သိချင်ရင် ဆက်ကြည့်လိုက်နော်။ စိတ်ပူပန်မှုတွေကို ကျော်လွှားနိုင်မယ့် အကောင်းဆုံးနည်းလမ်းတစ်ခု စိတ်ပူပန်မှုကို ကျော်လွှားနိုင်စေမယ့်အကြောင်းမပြောခင် အရင်ဆုံး စိတ်ပူပန်မှုကိုဖြစ်စေတဲ့ အဓိကအကြောင်းအရင်းတွေအကြောင်းအရင်ဆုံး ပြောပြပေးပါရစေ။ ဘယ်အရာကများသင့်ကို စိတ်ပူပန်မှုဖြစ်နေစေတယ်ထင်လဲ။ သင်တောင် မသိလိုက်ဘဲ လုပ်မိနေတဲ့ အပြုအမူလေးတစ်ခုပေါ့။ဒါကတော့ ခဏလောက်ပဲဆိုပြီး စာဖတ်နေမိတာ၊ အလုပ်တွေကို လက်စသတ်နေတာနဲ့ ဂိမ်းဆော့တာ၊ ရုပ်ရှင်ကြည့်တာတွေကို အရေးပေးလုပ်ရင်း နောက်ဆုတ်လိုက်မိတဲ့ အိပ်ရာဝင်ချိန်လေးပေါ့။ပြည့်ဝတဲ့အိပ်စက်ချိန်မရှိတာက သင့်ကို အခြားသူတွေထက် စိုးရိမ်ပူပန်မှုကို ၃၀ ရာခိုင်နှုန်းလောက် ပိုများစေနိုင်ပါတယ်၊ လို့ လေ့လာမှုတစ်ရပ်အရတွေ့ရှိခဲ့ရပါတယ်။ လေ့လာမှုအသစ်အရ သုတေသီတွေ အကြံပြုလိုက်တာက […]

သူငယ်ချင်းအုပ်စု ခရီးသွားဖို့ စီစဉ်ကြပြီဆိုပါတော့။ တောင်တက်ချင်တဲ့သူက တစ်ဖက်၊ ကမ်းခြေမှ ကမ်းခြေပဲဆိုတဲ့သူတွေက တစ်မျိုး၊ ပူတဲ့နေရာ၊ ဖုန်ထူတဲ့နေရာ၊ ပင်ပန်းတဲ့နေရာကိုဆို မသွားချင်ဘူးဆိုတဲ့သူက တစ်ဖုံ၊ ငါကဘယ်နေ့ဆိုမအားဘူးနော်၊ ငါက စနေ၊တနင်္ဂနွေပဲရတယ်ဆိုပြီး စီစဉ်လိုက်ကြတာ နောက်ဆုံး နီးမှ ကပ်ပြီး နေမကောင်းလို့၊ အိမ်ကမလွှတ်လို့ ဆိုတဲ့ အကြောင်းပြချက်အမျိုးမျိုးနဲ့ ပျက်သွားတဲ့ခရီးစဉ်မျိုးကို စီစဉ်ဖူးကြတယ်မလား။ သူငယ်ချင်းတွေနဲ့ ခရီးထွက်ရတာ ပျော်စရာကောင်းပေမဲ့ ခရီးမသွားခင် စီစဉ်တာတွေ၊ တစ်ယောက်တစ်ပေါက်ဖြစ်နေတာတွေက စိတ်ညစ်စရာကောင်းတယ်မလား။ လေ့လာချက်တွေအရ လူအများ ခရီးမသွားဖြစ်တဲ့ အကြောင်းအရင်းတွေထဲမှာ တူတူသွားဖို့ လူမရှိတာက အဓိကအကြောင်းအရင်းပါတဲ့။ တချို့ကကျတော့ တစ်ယောက်ထဲခရီးသွားတာကို အန္တရာယ်များတဲ့အတွက်၊ တစ်ယောက်တည်း အထီးကျန်တယ်ဆိုပြီး မစဉ်းစားကြဘူး။ တကယ်တော့ တစ်ယောက်တည်း ခရီးသွားတာရဲ့ ကောင်းတာတွေက မကောင်းတာတွေထက်ကို ပိုများပါတယ်တဲ့။ ကိုယ်သွားချင်တဲ့နေရာတွေကို တူတူသွားမယ့်သူမရှိလို့ ပျက်ခဲ့ရတဲ့ ခရီးစဉ်တွေကို ဘာကိုမှ […]