ကျန်းမာစွာ စားသောက်ခြင်း

တချို့သူတွေဟာ အသားစိမ်း၊ ငါးစိမ်း စသဖြင့် အစားအစာတွေကို ကျက်အောင် ချက်ပြီးစားသောက်တာထက် အစိမ်းစား ရတာကို ပိုပြီး နှစ်ခြိုက်ကြပါတယ်။ ဒီဆောင်းပါးလေးမှာတော့ ကျက်အောင်မချက်ဘဲ အစိမ်းမစားသင့်သော ၊ စားရင် ကျန်းမာရေးဆိုးကျိုးတွေကို ဖြစ်စေနိုင်တဲ့ အစားအစာလေးတွေအကြောင်းကို ပြောပြပေးချင်ပါတယ်။ အစိမ်းမစားသင့်သော အစားအစာများ ၁။ အသားစိမ်း၊ ငါးစိမ်းများ အသားတွေ၊ ငါးတွေမှာ Salmonella, E.coli, Campylobacter, Clostridium, Listeria စတဲ့ ပါလာနိုင်တဲ့ ဘက်တီးရီးယား၊ ဗိုင်းရပ်စ်နဲ့ အခြားကပ်ပါးကောင်တွေအများကြီး ရှိပါတယ်။ အသား၊ ငါးတွေကို အစိမ်းစားမယ်ဆိုရင် အဲဒီပိုးမွှားလေးတွေကြောင့် ပျို့အန်ခြင်း၊ ဝမ်းလျှောခြင်း၊ ဗိုက်နာခြင်း၊ ဖျားနာခြင်း နဲ့ အစာအဆိပ်သင့်ခြင်းတွေ ဖြစ်လာနိုင်ပါတယ်။ ပိုးမွှားအမျိုးအစားအပေါ် မူတည်ပြီး ရောဂါလက္ခဏာတွေဟာ ၁ရက်မှ ရက်ပေါင်းများစွာအထိ ဆိုးဆိုးရွားရွားဖြစ်နိုင်ပါတယ်။ အဲဒီပိုးမွှားလေးတွေဟာ သေသေချာချာ ကျက်အောင် […]

ဒါက ရေဓာတ်ခမ်းခြောက်တာလိုမျိုး အဖြစ်များတဲ့ ကျန်းမာရေးပြဿနာတစ်ခုတော့ မဟုတ်ပါဘူး။ ရေသောက်တဲ့ နေရာမှာလည်း တန်ဆေး၊ လွန်ဘေးဆိုတာ ရှိပါတယ်။ နည်းရင်လည်း ဘေးဖြစ်သလို များလွန်းရင်လည်း ခန္ဓာကိုယ်အတွက် အဆိပ်အတောက် ဖြစ်သွားတတ်ပါတယ်။ ခုပြောပြမယ့် အကြောင်းအရာကတော့ ရေသောက်များခြင်းကြောင့် ဆန့်ကျင်ဘက် ခန္ဓာကိုယ်အတွက် ဆိုးကျိုးဖြစ်သွားတဲ့ ပြဿနာပဲ ဖြစ်ပါတယ်။ ရေဆိပ်သင့်ခြင်း ဆိုတာ ဘာလဲ။ ခန္ဓာကိုယ်က သတ်မှတ်ထားတဲ့ အတိုင်းအတာတစ်ခုထက် ကျော်လွန်ပြီး ရေအများအပြား သောက်မိလိုက်တဲ့အခါ ဖြစ်တတ်တဲ့ ကျန်းမာရေးပြဿနာတစ်ခုပါ။ ရေကို အလွန်အကျွံ သောက်မိတဲ့အခါ ကျွန်တော်တို့ ခန္ဓာကိုယ်ထဲမှာ ရေပမာဏ အလွန်များသွားပြီး သွေးထဲက ဆိုဒီယမ်ဓာတ်ကို ကျဲသွားစေပါတယ်။ ဆိုဒီယမ်ဓာတ်သည် ခန္ဓာကိုယ်တွင်း ဆဲလ်တွေရဲ့ အတွင်းဘက်နဲ့ အပြင်ဘက်မှာ ရှိတဲ့ အရည်ပမာဏကို ထိန်းညှိပေးတာကြောင့် ဆိုဒီယမ်ဓာတ် ကျဲ (နည်း) သွားတဲ့အခါ […]

ဖွံ့ဖြိုးတိုးတက်လာတဲ့ ခေတ်ကြီးမှာ အစားအသောက် တွေကလည်း ပုံစံအမျိုးမျိုး၊ အရသာမျိုးစုံ နဲ့ ရွေးချယ်စရာ အတော်ကို စုံလင်လာပါတယ်။ စုံလင်လှတဲ့ စားသောက်ဆိုင်တွေအပြင် နောက်ပိုင်းမှာ buffet လို့ခေါ်တဲ့ အဝစားဆိုင်တွေလည်း များပြားလာတဲ့ အခါ လူတွေကို အစားအသောက်တွေကို အတော်လေးပိုပြီး စားဖြစ်လာကြပါတယ်။ စိတ်ညစ်ရင်စားတယ်၊ ပျော်ရင်စားတယ်၊ အလိုလို နေရင်းစားတယ် စသဖြင့် အချိန်တိုင်းမှာ စားလာကြတာကို တွေ့ရပါတယ်။ အစားအစာက လူနဲ့တည့်တယ်၊ စားသင့်တယ်ဆိုတာ မှန်ပေမယ့် “တန်ဆေး၊ လွန်ဘေး” ဆိုတဲ့ စကားအတိုင်း အလွန်အကျွံစားမိမယ်ဆိုရင်တော့ ရေရှည်မှာ ကျန်းမာရေးအတွက် ဆိုးကျိုးတွေ ရှိလာနိုင်ပါတယ်။ ဒီဆောင်းပါးလေးမှာတော့ အစားအစာတွေကို ခဏခဏ အလွန်အကျွံစားမိမယ်ဆိုရင် ကျန်းမာရေးအတွက် ဘယ်လိုဆိုးကျိုးတွေ ဖြစ်လာနိုင်တယ်ဆိုတာလေးကို ပြောပြပေးချင်ပါတယ်။ အစားအသောက်တွေကို မကြာခဏ လိုတာထက်ပိုပြီး အလွန်အကျွံစားမယ်ဆိုရင် ၁။ ပျို့အန်ချင်လာမယ်။ ဒါကတော့ ရေရှည်မှ မဟုတ်ဘဲ […]

“An apple a day keeps the doctor away” ဆိုတဲ့ စကားလေးကို ကြားဖူးကြမှာပါ။ အဲဒီစကားလေးအတိုင်း ပန်းသီး ဟာ တစ်နေ့တစ်လုံး ပုံမှန်လေးစားပေးမယ် ဆိုရင် ကျန်းမာရေးကောင်းကျိုးတွေကို အများကြီးရရှိစေနိုင်တဲ့ သစ်သီးလေး တစ်မျိုး ဖြစ်ပါတယ်။ အဲဒီလို ကျန်းမာရေးကောင်းစေနိုင်တဲ့ အစွမ်းထက် ပစ္စည်းလေးတွေက ပန်းသီးအသားထက် အခွံမှာ ပိုပြီးအများကြီးပါဝင်ပါတယ်။ ဒါပေမယ့် ပန်းသီးဆိုရင် တချို့သူတွေက အခွံနွှာပြီးမှ စားကြတာကို တွေ့ရပါတယ်။ ဒါ့ကြောင့် ဒီဆောင်းပါးလေးမှာတော့ ပန်းသီးကို အခွံမနွှာဘဲစားသင့်တဲ့ အကြောင်း ပြောပြပေးသွားချင်ပါတယ်။ ပန်းသီးလေးတွေဟာ ဆားဓာတ်နဲ့ အဆီဓာတ်နည်းပြီး အမျှင်ဓာတ်နဲ့ ဗီတာမင် C ဓာတ်ကြွယ်ဝတဲ့ အသီးတစ်မျိုးဖြစ်ပါတယ်။ ဒါ့အပြင် ပန်းသီး မှာ ပါဝင်တဲ့ flavonoid လို့ခေါ်တဲ့ ပစ္စည်းလေးက […]

ငါးစားခြင်းဟာ ကျန်းမာရေးအတွက် ကောင်းမွန်တာကို အတော်များများ သိထားကြမှာပါ။ ဒါပေမယ့် တချို့က ငါးစားတဲ့အခါမှာ ငါးအရေပြားကိုပါ စားမယ်ဆိုရင် အန္တရာယ်ရှိ၊ မရှိနဲ့ စားရင် ကျန်းမာရေးအတွက် ကောင်း၊ မကောင်း သေသေချာချာ မသိကြတာမျိုးကြောင့် မစားဖြစ်တဲ့ သူတွေကို တွေ့ရပါတယ်။ ဒါ့ကြောင့် ဒီဆောင်းပါးလေးမှာတော့ ငါးအရေခွံ နဲ့ ကျန်းမာရေးအကြောင်းလေးကို မျှဝေပေးသွားမှာပါ။ ၁။ ငါးအရေခွံ ကို စားမယ်ဆိုရင် အန္တရာယ်ဖြစ်နိုင်လား။ ငါးတွေကို ဝယ်ပြီးတဲ့အခါမှာ စင်ကြယ်အောင် ဆေးကြောသန့်စင်ပြီး အကြေးခွံတွေကို သေသေချာချာ ဖယ်ရှားပြီးပြီဆိုရင်တော့ ဘာအန္တရာယ်မှမရှိပါဘူး။ ငါးတွေမှာ ငါးအမျိုးအစားနဲ့ မွေးမြူရာနေရာ၊ နေထိုင်ရာနေရာ အပေါ်မူတည်ပြီး အနည်းနဲ့အများ မာကျူရီလို့ခေါ်တဲ့ အဆိပ်ဓာတ်တစ်မျိုး ထိတွေ့ပါဝင်ကြပါတယ်။ အဲဒီ မာကျူရီကတော့ ငါးအရေခွံတင်မက ငါးအသားမှာလည်း ရှိနေနိုင်ပါတယ်။ ဒါပေမယ့် သာမာန်လူတွေမှာ ပုံမှန်စားရုံနဲ့တော့ […]

မုန့်ဟင်းခါးထဲပဲ ထည့်စားစား၊ ချဉ်ရည်ဟင်းထဲပဲ ထည့်ချက်ချက်၊ ပဲဟင်းထဲရောချက်ချက်၊ ဘဲဥ၊ ပုစွန်ခြောက်၊ ပုစွန်ဆိတ် သေးသေးလေးတွေနဲ့ပဲ ရောကြော်ကြော် စားလို့ကောင်းတဲ့ ပဲသီးလေးကို ကြိုက်တဲ့သူ ရှိလား.... ဒါဆိုရင်တော့ ဒီဆောင်းပါးလေးကို ဖတ်ကြည့်နော်။ ပဲသီးက ဘယ်လို အကျိုးကျေးဇူးတွေပေးလဲဆိုတာကို သိရှိနိုင်တာပေါ့။ ပဲသီးလေးကပေးတဲ့ ကျန်းမာရေး နေ့စဉ်နီးပါး တစ်မျိုးမျိုးနဲ့ စားသောက်နေမိတဲ့ ပဲသီးလေးမှာ ကျန်းမာရေးအတွက် အထောက်အကူပြုတဲ့ ဗီတာမင် နဲ့ သတ္တုဓာတ်တွေ ကြွယ်ဝစွာ ပါဝင်နေပါတယ်။ ပဲသီးလေးကို စားသုံးပေးမယ်ဆိုရင် ပရိုတင်း ရရှိစေမယ် ပဲသီး ၁၀၀ ဂရမ်မှာ ပရိတင်း ၈.၃ ဂရမ်အထိ ပါဝင်နေပါတယ်။ ပဲသီးကို နေ့စဉ် စားသုံးပေးတာက ခန္ဓာကိုယ် အတွက် လိုအပ်တဲ့ ပရိုတင်းကို ဖြည့်တင်းရာ ရောက်ပါတယ်။ ဗီတာမင် B Complex ပါဝင်နေတယ် ပဲသီး ၁၀၀ ဂရမ်မှာ […]

လက်ရှိအချိန်ထိ တစ်ကမ္ဘာလုံး အတိုင်းအတာအရ နေ့စဉ် အများဆုံး သောက်နေကြတဲ့ ဖျော်ရည်စာရင်းမှာ ကော်ဖီဟာ ထိပ်ဆုံးမှာ ရပ်တည်နေပါတယ်။ သူ့မှာ ပါတဲ့ ကဖင်းဓာတ်ကြောင့် စိတ်ကို နိုးကြားတက်ကြွစေသလို အိပ်ချင်တာ၊ ခေါင်းမူးတာတွေ ပြေစေပြီး စိတ်ကို ရွှင်လန်းစေတယ်။ တချို့တွေကျတော့လည်း ကော်ဖီကို ကျန်းမာရေးအတွက် မသင့်တော်ဘူးဆိုပြီး ရှောင်ကြတယ်။ ကော်ဖီ သောက်သင့်လား၊ မသောက်သင့်ဘူးလား။ တန်ဆေး၊ လွန်ဘေး ဆိုတဲ့ စကားပုံကို အမြဲတမ်း လက်စွဲကျင့်သုံးဖို့သာ လိုအပ်ပါတယ်။ ကော်ဖီမှာလည်း သူ့ရဲ့ ကောင်းကျိုးတွေ ရှိသလို ဆိုးကျိုးတွေလည်း ရှိနေနိုင်တာကြောင့် တစ်နေ့ တစ်ခွက်၊ အများဆုံး နှစ်ခွက်လောက်ပဲ သောက်ပေးနိုင်ရင်တော့ အကောင်းဆုံးပဲပေါ့။ နေ့တိုင်း သောက်နေတာထက်လည်း တစ်ရက်ခြားစီ သောက်ပေးနိုင်ရင် ပိုအဆင်ပြေပါတယ်။ ဒီနေရာမှာတော့ ထူးခြားခြား ကော်ဖီနဲ့ ဓာတ်မတည့်တာမျိုး၊ ကော်ဖီ သောက်လို့ […]

ကီဝီသီးဟာ အရသာကောင်းမွန်ပြီး ကျန်းမာရေးအတွက် အကျိုးကျေးဇူးရှိတဲ့ အသီးအနှံတစ်မျိုးဖြစ်ပါတယ်။ အစိမ်းရောင်အတွင်းသားဟာ ချိုချဉ်ပြီး စူးရှပါတယ်။ ဗီတာမင် C၊ ဗီတာမင် K၊ ဗီတာမင် E၊ ဖောလိတ်နဲ့ ပိုတက်ဆီယမ် စတဲ့ အာဟာရဓာတ်တွေ ပါဝင်ပါတယ်။ ဓာတ်တိုးဆန့်ကျင်ပစ္စည်းတွေပါဝင်ပြီး အမျှင်ဓာတ်လည်း ကြွယ်ဝပါတယ်။ ကီဝီသီးဟာ နေရာဒေသမျိုးစုံမှာ စိုက်ပျိုးနိုင်ပြီး တစ်နှစ်ပတ်လုံးလိုလို ရရှိနိုင်ပါတယ်။ ယခုဆက်လက်ဖော်ပြမှာကတော့ ကီဝီသီးရဲ့ ကျန်းမာရေးအပေါ် အကျိုးပြုပုံ ဖြစ်ပါတယ်။ ၁။ ပန်းနာရင်ကျပ်ကို သက်သာစေခြင်း ကီဝီသီးမှာပါဝင်တဲ့ ဗီတာမင် C နဲ့ ဓာတ်တိုးဆန့်ကျင်ပစ္စည်းတွေဟာ ပန်းနာရင်ကျပ်ရှိသူတွေအတွက် အထောက်အကူပြုပါတယ်။ ကီဝီသီးကို ပုံမှန်စားသုံးခြင်းဟာ အဆုတ်ရဲ့ ပုံမှန်လုပ်ငန်းတာဝန်တွေကို အကျိုးပြုတယ်လို့ သုတေသနအချို့အရ သိရပါတယ်။ ၂။ အစာကြေစေခြင်း ကီဝီသီးမှာ အမျှင်ဓာတ်များစွာ ပါဝင်ပြီး အစာချေစနစ်ကို အထောက်အကူဖြစ်စေပါတယ်။ ကီဝီသီးမှာ actinidin လို့ခေါ်တဲ့ အင်ဇိုင်းတစ်မျိုးပါဝင်ပြီး […]

အမျှင်ဓာတ် ဟာ လူတို့အတွက် အရေးကြီးတဲ့ အာဟာရဓာတ်တစ်မျိုး ဖြစ်ပါတယ်။ အမျှင်ဓာတ်ကနေ သွေးတွင်းသကြားဓာတ်ကို ထိန်းပေးခြင်း၊ အစာအိမ်အူလမ်းကြောင်းကို ကောင်းမွန်စေခြင်း၊ ဝမ်းချုပ်ခြင်းမှ ကာကွယ်ပေးခြင်း စတဲ့အကျိုးကျေးဇူးတွေ ရနိုင်ပါတယ်။ ဒီတစ်ခေါက်တော့ အမျှင်ဓာတ်များသော အစားအစာများ အကြောင်း ပြောပြပေးချင်ပါတယ်။ နေ့စဉ် စားသုံးသင့်တဲ့ ပမာဏကတော့ အမျိုးသမီးများအတွက် ၂၅ ဂရမ်ဖြစ်ပြီး အမျိုးသားများအတွက် ၃၈ ဂရမ် ဖြစ်ပါတယ်။ ဒါပေမယ့် လူအများစုဟာ တစ်ရက်မှာ ၁၅-၁၇ ဂရမ်လောက်ပဲ စားဖြစ်ကြတယ်လို့ ဆိုပါတယ်။ တကယ်တော့ အမျှင်ဓာတ်ကို ပိုမိုစားသုံးနိုင်ဖို့ဆိုတာ မခက်ခဲပါဘူး။ အမျှင်ဓာတ်များတဲ့ အစားအစာတွေကို မိမိပတ်ဝန်းကျင်မှာ အလွယ်တကူ ရရှိနိုင်ပါတယ်။ ယခု ဆက်လက်ဖော်ပြမှာကတော့ အမျှင်ဓာတ် ကြွယ်ဝတဲ့ အစားအစာတွေအကြောင်း ဖြစ်ပါတယ်။ အမျှင်ဓာတ်များသော အစားအစာများ အကြောင်း အမျှင်ဓာတ်များသော အစားအစာများ ၁။ သစ်တော်သီး (၃.၁ […]

အမျှင်ဓာတ်ဟာ လူ့ကိုယ်ခန္ဓာအတွက် အရေးကြီးတဲ့ အာဟာရဓာတ် တမျိုးဖြစ်ပါတယ်။ အစာအိမ်အူလမ်းကြောင်းကို အကျိုးပြုခြင်း၊ သွေးတွင်းသကြားဓာတ်ကို ထိန်းပေးနိုင်ခြင်း စတဲ့အကျိုးကျေးဇူးတွေကြောင့် အမျှင်ဓာတ်ကို နေ့စဉ် ပုံမှန်စားသုံးပေးသင့်ပါတယ်။ အမေရိကန်နှလုံးကျန်းမာရေးအသင်းကြီးရဲ့ အဆိုအရ ၂၀၀၀ ကယ်လိုရီခန့် စားသုံးသူတစ်ဦးဟာ အမျှင်ဓာတ် ၂၅ ဂရမ် လိုအပ်ပါတယ်။ အသက်အရွယ်၊ ကျား/မ ကွဲပြားမှုတွေအပေါ် မူတည်ပါသေးတယ်။ အသက် ၅၀ အောက် အမျိုးသမီးအနေနဲ့ တစ်ရက်ကို အမျှင်ဓာတ် ၂၁ မှ ၂၅ ဂရမ်ထိ စားသုံးသင့်ပြီး အသက် ၅၀ အောက် အမျိုးသားဆိုရင် တစ်ရက်ကို ၃၀ မှ ၃၈ ဂရမ်ထိ စားသုံးသင့်ပါတယ်။ အသက်တစ်နှစ်မှ ၁၈ နှစ်အကြားဆိုရင် တစ်ရက်ကို အမျှင်ဓာတ် ၁၄ မှ ၃၁ ဂရမ်ကြား […]