၄။ ရောဂါအခြေအနေတချို့ကို ဖြစ်နိုင်ခြေ လျှော့ချပေးခြင်း
ဓာတ်တိုးဖိစီးခြင်းဟာ မျိုးရိုးဗီဇ ဒီအန်အေအပေါ် ထိခိုက်မှုရှိပါတယ်။ ဒါဟာ ကျန်းမာရေးပြဿနာတွေ ဖြစ်ပွားနိုင်ခြင်းကို ဦးတည်စေပါတယ်။ ကီဝီသီးမှာပါတဲ့ ဓာတ်တိုးဆန့်ကျင်ပစ္စည်းများဟာ ဓာတ်တိုးဖိစီးခြင်းကို လျှော့ချခြင်းအားဖြင့် ရောဂါဘယများဖြစ်နိုင်ခြေကို လျော့နည်းစေပါတယ်။ ဥပမာ ဓာတ်တိုးဖိစီးခြင်းကြောင့် ဒီအန်အေထိခိုက်မှုရှိခြင်းဟာ အူမကြီးကင်ဆာဖြစ်ပွားမှုနဲ့ သိသိသာသာ ဆက်စပ်နေပါတယ်။ ကီဝီသီးကို ပုံမှန်စားသုံးပေးခြင်းဟာ ဒီအခြေအနေကို ကာကွယ်ပေးနိုင်ပါတယ်။
ကီဝီသီးဟာ သွေးပေါင်ချိန်အပေါ် သက်ရောက်မှု ရှိပါတယ်။ တစ်နေ့ကို ကီဝီသီးသုံးလုံး စားပေးခြင်းဟာ သွေးပေါင်ချိန်ကို ထိန်းပေးနိုင်တယ်လို့ သိရပါတယ်။ ရေရှည်မှာ သွေးတိုးခြင်းနဲ့ ဆက်စပ်ပြီးဖြစ်တတ်တဲ့ လေဖြတ်ခြင်း၊ နှလုံးထိခိုက်ခြင်း စတာတွေကို ဖြစ်နိုင်ခြေ လျော့ကျစေနိုင်ပါတယ်။
ကီဝီသီးဟာ သွေးတိုးကို ကျစေရုံသာမက သွေးခဲခြင်းကိုလည်း ကာကွယ်ပေးပါတယ်။ အော်စလိုတက္ကသိုလ်က ပြုလုပ်ခဲ့တဲ့ သုတေသနအရ ကီဝီသီးကို တစ်နေ့ နှစ်လုံးသုံးလုံးခန့်စားပေးခြင်းဟာ သွေးခဲနိုင်ခြေကို သိသိသာသာ လျော့ကျစေတယ်လို့ ဆိုပါတယ်။ သွေးထဲမှာရှိတဲ့ အဆီဓာတ်ကိုလည်း လျှော့ချပေးနိုင်ပါတယ်။ ဒါဟာ နေ့စဉ် အက်စ်ပရင်ဆေး သောက်နေသလို နှလုံးကျန်းမာရေးအတွက် အထောက်အကူပြုတယ်လို့ ဆိုပါတယ်။
၇။ အမြင်အာရုံ ပျက်စီးခြင်းကို ကာကွယ်ပေးခြင်း
မျက်လုံးအိမ်နောက်ပိုင်းမှာရှိတဲ့ အမြင်လွှာချို့ယွင်းလာခြင်းဟာ မျက်စိမမြင်ရခြင်းရဲ့ အကြောင်းအရင်းတစ်ခု ဖြစ်ပါတယ်။ ကီဝီသီးဟာ ဒီအခြေအနေကို ကာကွယ်ပေးနိုင်ပါတယ်။ တစ်နေ့ကို ကီဝီသီး သုံးလုံးခန့် စားပေးခြင်းဟာ မျက်စိအမြင်လွှာပျက်စီးခြင်းကို ၃၆ ရာခိုင်နှုန်း လျှော့ချပေးတယ်လို့ သိရပါတယ်။ ကီဝီသီးမှာပါဝင်တဲ့ zeaxanthin နဲ့ lutein တို့ဟာ အဆိုပါ ဂုဏ်သတ္တိရှိတယ်လို့ သုတေသနတချို့မှာ ဖော်ပြထားပါတယ်။
သတိပြုရန်
ကီဝီသီးဟာ လူအများနဲ့တည့်ပါတယ်။ ဒါပေမယ့် ဓာတ်မတည့်သူတွေမှာ ယားယံခြင်း၊ အင်ပျဉ်ထခြင်း၊ အသက်ရှူခက်ခြင်း စတဲ့လက္ခဏာတွေ ဖြစ်စေတတ်ပါတယ်။ သွေးခဲခြင်းဖြစ်စဉ်ကို နှေးစေတာမို့ တစ်ခါတစ်ရံမှာ သွေးယိုခြင်း၊ သွေးထွက်ခြင်း စတဲ့ပြဿနာတွေ ကြုံနိုင်ပါတယ်။ ဒါကြောင့် သွေးရောဂါရှိသူတွေ ရှောင်သင့်ပါတယ်။ ခွဲစိတ်ကုသမှု ခံယူဖို့ရှိရင်လည်း စားသုံးဖို့ မသင့်တော်ပါဘူး။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။