ပန်းသီးလေးတွေဟာ ဆားဓာတ်နဲ့ အဆီဓာတ်နည်းပြီး အမျှင်ဓာတ်နဲ့ ဗီတာမင် C ဓာတ်ကြွယ်ဝတဲ့ အသီးတစ်မျိုးဖြစ်ပါတယ်။ ဒါ့အပြင် ပန်းသီး မှာ ပါဝင်တဲ့ flavonoid လို့ခေါ်တဲ့ ပစ္စည်းလေးက ကျန်းမာရေးအတွက် အင်မတန်အထောက်အကူ ပြုနိုင်ပါတယ်။ တကယ်လို့ သင်က ပန်းသီးအခွံကို နွှာလိုက်ပြီး အထဲက အသားကိုပဲ စားမယ်ဆိုရင်တော့ အဲဒီ flavonoid နဲ့ အမျှင်ဓာတ်ပမာဏတွေ အများကြီး လျော့နည်းသွားမှာပါ။
ပန်းသီး ကို အခွံမနွှာဘဲ စားမယ်ဆိုရင် ဘာအကျိုးကျေးဇူးတွေ ရနိုင်လဲ။
၁။ အစာမကြေတဲ့ ပြသနာတွေ၊ ဝမ်းရောဂါတွေကို ကူညီကာကွယ်ပေးနိုင်တယ်။
ပန်းသီးအခွံမှာပါဝင်တဲ့ pectin လို့ခေါ်တဲ့ အမျှင်ဓာတ်လေးဟာ အစာမကြေဖြစ်တာတွေကို ကူညီပေးနိုင်တဲ့အပြင် ပုံမှန်စားပေးမယ်ဆိုရင် အစာခြေလမ်းကြောင်းအတွက်ကောင်းတဲ့ ဘက်တီးရီးယားလေးတွေကို အားဖြစ်စေနိုင်တဲ့အတွက် ဝမ်းပျက်ဝမ်းလျှောနဲ့ အခြားအစာခြေလမ်းကြောင်းမှာ ဖြစ်တတ်တဲ့ ရောဂါတွေကိုလည်း ကာကွယ်ပေးနိုင်ပါတယ်။
၂။ ကိုယ်အလေးချိန်ကို ထိန်းညှိဖို့ ကူညီပေးနိုင်တယ်။
ပန်းသီးတွေမှာ ကြွယ်ဝတဲ့ အမျှင်ဓာတ် နဲ့ ရေဓာတ် ပါဝင်တာကြောင့် ကိုယ်အလေးချိန်ထိန်းနိုင်ဖို့ ကူညီပေးနိုင်တဲ့အပြင် ကိုလက်စထရောလို့ခေါ်တဲ့ အဆီဓာတ်တစ်မျိုးကိုလည်း လျော့နည်းစေနိုင်ပါတယ်။ ဒါ့အပြင် ကိုယ်အလေးချိန်ကျအောင် ကူညီပေးနိုင်တဲ့ သဘာ၀ ပစ္စည်းလေးတွေလည်း ပါဝင်တဲ့အတွက် ဝိတ်ချနေတဲ့ သူတွေလည်း စားနိုင်တဲ့ သစ်သီးလေးတစ်မျိုးပဲ ဖြစ်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။