ကျန်းမာစွာ စားသောက်ခြင်း

နာကျင်ကိုက်ခဲမှုတိုင်းဟာ ကျွန်မတို့ခန္ဓာကိုယ်ရဲ့ ရောင်ရမ်းခြင်းဖြစ်စဉ်နဲ့ ရောင်ရမ်းခြင်းတုံ့ပြန်မှုတို့အပေါ် မူတည်နေပါတယ်။ နှလုံးရောဂါ၊ အဆစ်ရောင်ခြင်း၊ ပန်းနာရင်ကျပ်၊ ကင်ဆာစတဲ့ ရောဂါတွေမှာ နာတာရှည်ရောင်ရမ်းခြင်းဖြစ်စဉ်ကို တွေ့ရပါတယ်။ ရောင်ရမ်းခြင်းကို ကောင်းကောင်း ထိန်းချူပ်နာမယ်ဆိုရင် နာကျင်မှုတွေကို သက်သာစေပြီး ရောဂါကို ပိုမဆိုးလာအောင် ထိန်းထားနိုင်မှာပါ။ ပေါင်မုန့်အဖြူ၊ သကြားများတဲ့ အစားအစာတွေက ရောင်ရမ်းခြင်းကို ပိုမိုဆိုးရွားစေပါတယ်။ အချိူ့သော အစားအစာတွေကတော့ ရောင်ရမ်းခြင်းကို ပိုမိုသက်သာစေနိုင်ပါတယ်။ ဘယ်လိုအစားအစာတွေက ရောင်ရမ်းခြင်းကို သက်သာစေသလဲဆိုတာ လေ့လာကြည့်ရအောင်။ (၁) အိုမီဂါ 3ဖက်တီးအက်စစ် လေ့လာချက်များအရ သံလွင်ဆီကို နေ့စဉ်တိုက်ကျွေးခံရတဲ့ ကြွက်တွေရဲ့ အဆစ်ရောင်ရောဂါဟာ သက်သာလာတာကို တွေ့ရပါတယ်။ရောင်ရမ်းခြင်းဟာ သုံးပုံတစ်ပုံကနေ တစ်ဝက်ထိ လျော့ကျသွားတာတွေ့ရပါတယ်။ လူတွေမှာလည်း အိုမီဂါ 3 ဖက်တီးအက်စစ် ပါဝင်တဲ့ အစားအစာတွေကို စားပေးမယ်ဆိုရင် ရောင်ရမ်း နာကျင်ခြင်းကို သက်သာစေမှာပါ။ အိုမီဂါ3ပါတဲ့ အစားအစာတွေကတော့ ဆယ်မွန်၊ […]

တချို့ အစားအသောက်တွေက ဝယ်လာပြီးပြီးချင်း လတ်လတ်ဆတ်ဆတ် စားသုံးရမှာတွေရှိသလို တချို့ကျတော့ ကြာရှည်အထားခံအောင် သိမ်းဆည်းထားရတာတွေ ရှိပါတယ်။ အခုတစ်ခေါက်တော့ အစားအသောက်တွေကို ကျန်းမာရေးနဲ့ညီညွတ်အောင် စနစ်တကျသိမ်းဆည်းရမယ့် နည်းလမ်းတွေကို ပြောပြပေးပါမယ်။ အရင်ဆုံး ကိုယ့်ရဲ့ရေခဲသေတ္တာအပူချိန်ကို သေချာထိန်းသိမ်းရပါမယ်။ အစားအသောက်တွေ သိမ်းဆည်းတဲ့ ရေခဲသေတ္တာအပူချိန်ကို အမြဲတမ်း ၅ ဒီဂရီ စင်တီဂရိတ် (ဒါမှမဟုတ်) ဒီထက်နည်းတဲ့ အပူချိန်မှာပဲ ထားပါ။ တချို့ရေခဲသေတ္တာတွေက အတွင်းပိုင်းအပူချိန်ကို ဖော်ပြပေးတဲ့ ဒစ်ဂျစ်တယ်စနစ် ပါဝင်တာကြောင့် အပူချိန်ထိန်းညှိဖို့ ပိုအဆင်ပြေစေပါတယ်။ အစားအသောက် လက်ကျန်တွေထဲက ဘယ်ဟာတွေကို လွှင့်ပစ်မလဲ၊ ဘယ်ဟာတွေကို သိမ်းဆည်းမလဲဆိုတာ တစ်ပတ်တစ်ခါ စစ်ဆေးပေးပါ။ ရေခဲသေတ္တာထဲ ထည့်ထားတဲ့ အစားအသောက်တွေကို ၃ လတစ်ကြိမ်လောက် အကုန်ထုတ်ပြီး  ရေခဲသေတ္တာကို သေချာ သန့်ရှင်းရေးလုပ်ပေးသင့်ပါတယ်။ အအေးခန်း (freezer) ထဲတွင် သိမ်းဆည်းခြင်း  အစားအသောက်အတော်များများကို […]

ကြော်ချက်ပဲ ချက်စားစား၊ ဟင်းချိုပဲ ချက်ချက်၊ ဟော့ပေါ့ထဲပဲ ထည့်စားစား စားရတာ ချိုချိုလေးနဲ့ အရသာရှိတဲ့ ရွှေဖရုံညွန့်လေးကို ကြိုက်တဲ့သူတွေရှိလား....... ဒါဆိုရင်တော့ ဒီဆောင်းပါးလေးကို ဖတ်ကြည့်လိုက်ပါ။ အရမ်းကြိုက်တဲ့ ဟင်းတစ်ခွက်က ကျန်းမာရေးကို ဘယ်လို အကျိုးပြုနေသလဲ ဆိုတာကိုပါ။ ရွှေဖရုံညွန့်ကပေးတဲ့ အာဟာရ အဝါရောင်သန်းပြီး အရသာချိုချိုလေးနဲ့ စားလို့အရသာရှိလှတဲ့ ရွှေဖရုံသီးတွေသီးတဲ့ ရွှေဖရုံပင်ရဲ့ အရွက်လေးတွေထဲမှာ ကျန်းမာရေးနဲ့ ညီညွတ်တဲ့ ဗီတာမင်နဲ့ သတ္တုဓာတ် များစွာပါဝင်နေပါတယ်။ သံဓာတ် ဗီတာမင် B6 မဂ္ဂနိစ် Phosphorus ကော့ပါး ဗီတာမင် A ဗီတာမင် C အမိုင်နိုအက်ဆစ် Tryptophan Threonine Isoleucine Leucine နဲ့ Lysine တို့ ပါဝင်နေပါတယ်။ ရွှေဖရုံရွက်ကပေးတဲ့ ကျန်းမာရေး စားလိုက်ရင် အရသာရှိတဲ့ ရွှေဖရုံရွက်က ကင်ဆာ ကာကွယ်ပေးတယ် ကမ္ဘာတစ်လွှားမှာ သေဆုံးမှုနှုန်း […]

သင့်ရဲ့အသားအရေကို ဂရုစိုက်ခြင်းဟာ သင့်ကျန်းမာရေးအတွက် အရေးကြီးတဲ့ လုပ်ဆောင်မှုဖြစ်ပါတယ်။ ဘာကြောင့်လဲဆိုရင် သင့်အရေပြားဟာ သင့်ကိုယ်ခန္ဓာရဲ့ အကြီးမားအကျယ်ပြန့်ဆုံး အင်္ဂါအစိတ်အပိုင်း ဖြစ်နေလို့ပါပဲ။ အသားအရေကို မပျက်စိးအောင် ထိန်းသိမ်းဖို့ဆိုရင် အများစုအနေနဲ့ ပြောနေကြကတော့ ခရမ်းလွန်ရောင်ခြည်ထိတွေ့ခြင်း မရှိအောင် နေရောင်ခြည် တိုက်ရိုက်ထိတွေ့မှုကို ရှောင်ဖို့၊ အပြင်ထွက်တဲ့အခါ အကာအကွယ်တွေ သေချာဝတ်ဆင်သွားဖို့ ဖြစ်ပါတယ်။ ဒါပေမယ့် နေရာင်ခြည်ဟာ ဆိုးကျိုးပဲပေးတာ မဟုတ်ပါဘူး။ တစ်နေ့ကို ၁၀-၁၅ မိနစ်ခန့် နေရောင်ခြည်နဲ့ ထိတွေ့ပေးခြင်းဟာ ဗီတာမင် D ကို ရရှိစေပါတယ်။ ဗီတာမင် D အပါအဝင် ဗီတာမင် C၊ ဗီတာမင် D နဲ့ ဗီတာမင် K တို့ဟာလည်း အသားအရေကို ထိန်းသိမ်းရာမှာ အထောက်အကူပြုတဲ့ ဗီတာမင်တွေပဲ ဖြစ်ပါတယ်။ ယခုဆက်လက်ပြီး သင့်အသားအရေကို အထောက်အကူပြုတဲ့ အကောင်းဆုံး […]

သံလွင်သီး ကို ဒီမှာတော့ ဟင်းလျာထဲ ထည့်ချက်တာ သိပ်မရှိကြပါဘူး။ သံလွင်ဆီကိုတော့ အစားများကြပါတယ်။ ဒါပေမယ့် ပီဇာ စားတဲ့အခါမျိုးမှာတော့ သံလွင်သီးက ပါတတ်စမြဲပါ။ ဒီ သံလွင်သီးလေးက ဘာတွေများ ကောင်းကျိုးများလဲ ဆိုတာကို ​ကြည့်လိုက်ရအောင်လား။ သံလွင်သီး ကပေးတဲ့ ကျန်းမာရေး သံလွင်သီးက မြေထဲပင်လယ်ဒေသရဲ့ အစားအစာတစ်မျိုးဖြစ်ပြီး အာဟာရတန်ဖိုးအပြင် ကျန်းမာရေး အာနိသင်ပါကြွယ်ဝပါတယ်။ သံလွင်သီး စားသုံးပေးတာက နှလုံးကျန်းမာစေသလို ကင်ဆာမဖြစ်အောင် ကာကွယ်ပေးတာအပြင် ဘယ်လိုများ ကျန်းမာရေး အကျိုးထူးတွေ ပေးစွမ်းသလဲဆိုတာကို ကြည့်လိုက်ရအောင်လား.......... ဓာတ်တိုးဆန့်ကျင်အာနိသင် ကြွယ်ဝတယ် သံလွင်သီးမှာ ဓာတ်တိုးဆန့်ကျင်အာနိသင် ကြွယ်ဝတာကြောင့် နှလုံးရောဂါ၊ ကင်ဆာလိုမျိုး နာတာရှည်ရောဂါတွေ ခံစားရနိုင်ခြေကို လျှော့ချပေးပါတယ်။ နာကျင်ရောင်ရမ်းမှုကို သက်သာစေပြီး ဘက်တီးရီးယားတွေကို အထိရောက်ဆုံး တိုက်ဖျက်ပေးနိုင်ပါတယ်။ နှလုံး ကျန်းမာစေနိုင်တယ် သွေးတွင်းကိုလက်စထရော များတာ နဲ့ သွေးပေါင်ချိန်မြင့်တာက […]

မိုးလေးကျလာပြီဆိုရင် ဖလံတောင်ဝှေးလေးတွေက အစို့လေးတွေထွက်လို့ အပြိုင်အဆိုင် ကြီးထွားလာကြပါပြီ။ မိုးအေးအေးမှ ဖလံတောင်ဝှေးကို ထုပြီး ပုစွန်ခြောက်လေးနဲ့ ဖြစ်ဖြစ် ပုစွန်ဆိတ်လေးနဲ့ဖြစ်ဖြစ် ကြော်စားတာက ထမင်းမြိန်စေတဲ့ ဟင်းတစ်ခွက်ပေါ့။ ဖလံတောင်ဝှေး ကြော်ကို ထမင်းပူပူနဲ့ တွဲစားရတဲ့ မိုးတွင်းအရသာလေးက စားကောင်းရုံတင်ပဲလားဆိုတော့ မဟုတ်သေးပါဘူး။ အစာလည်း ဆေး၊ ဆေးလည်း အစာ ဆိုတဲ့ စကားအတိုင်း ကျန်းမာရေးအတွက် ဘယ်လိုများ အထောက်အကူပြုပေးလဲဆိုတာ ပြောပြပေးမယ်နော်။ ဖလံတောင်ဝှေးဆိုတာ ဘာလဲ........ အစိမ်းရောင် အရိုးတံရှည်ရှည်လေးတွေရှိနေတဲ့ တစ်တောင်သာသာလှီးဖြတ်ထားတဲ့ ဖလံတောင်ဝှေးလေးတွေက မြန်မာလူမျိုးတွေနဲ့ ရင်းနှီးကျွမ်းဝင်ရှိပြီးသားဖြစ်မှာပါ။ ဖလံတောင်ဝှေးက စားကောင်းတဲ့ ဟင်းတစ်ခွက်ဆိုတာထက် ဆေးဖက်ဝင် အပင်တစ်မျိုးဆိုရင် ပိုမှန်ပါမယ်။ ချက်ပြုတ်စားတဲ့ ပင်စည်တင်မကပဲ အမြစ်ကစလို့ ပွင့်လာမယ့် ပန်းအထိ အကုန်လုံးက ဆေးဖက်ဝင်ပါတယ်။ ဖလံတောင်ဝှေးအမြစ်ကို သဘာဝ သန်ချဆေးအဖြစ် အသုံးပြုပေးလို့ရပါတယ်။ ဖလံတောင်ဝှေး အဆီကို ချောင်းဆိုးတာ၊ပန်းနာရင်ကြပ်နဲ့ […]

ကန်စွန်းရွက်ကြော် ဆိုတာနဲ့ ကန်စွန်းပလိန်း ပူပူလေးကို ပြေးမြင်ကြမှာပါပဲ။ ကန်စွန်းရွက်ကို ကြော်စား၊ ချဉ်ရည်ချက်စားကြသလို လူကြိုက်များတဲ့ ကော်ရည်ခေါက်ဆွဲ၊ ဟော့ပေါ့၊ မာလာရှမ်းကော တို့မှာလည်း သူပါတာပဲလေ။ ဒီလို အမြဲစားနေကျ ကန်စွန်းရွက်က ဘယ်လို အာဟာရဓာတ်တွေ ပါတယ်၊ ဘာ ကျန်းမာရေး အကျိုးကျေးဇူးတွေ ပေးနိုင်သလဲ ဆိုတာ မသိချင်ကြဘူးလား။ ဒီဆောင်းပါးလေး ဖတ်ပြီး ကန်စွန်းရွက် မကြာမကြာ စားဖြစ်တယ်ဆို ဘယ်လောက် အကျိုးထူးသွားလိုက်မလဲ။ ကန်စွန်းရွက်ကြော် ဟင်းတစ်ခွက် ကနေ ရလာမယ့် အကျိုးကျေးဇူးများ ကန်စွန်းရွက်ကြော် စားတာက- သွေးတွင်းကိုလက်စထရော ကျစေတယ် ကန်စွန်းရွက် က ကိုလက်စထရော ကျစေခြင်းနဲ့ ကိုယ်အလေးချိန်ကျစေဖို့ အထောက်အကူပြုပါတယ်။ ကန်စွန်းရွက်ကြော် စားပေးတာက Triglycoside လိုမျိုး မကောင်းတဲ့ ကိုလက်စထရောတွေကို လျော့ကျစေတာပါ။ အသည်း အတွက် ကောင်းတယ် ကန်စွန်းရွက်မှာ ပါဝင်တဲ့ ဓာတ်တိုးဆန့်ကျင်အာနိသင်တွေက အသည်းကို အဆိပ်အတောက် […]

တရုတ်နံနံပင် (celery) ဟာ ဖျော်ရည်လုပ်သောက်လို့ရတဲ့ အရွက်ဖြစ်ပါတယ်။ အာဟာရဓာတ်ကြွယ်ဝတဲ့အတွက် သင်နေ့စဉ်သုံးစွဲသင့်တဲ့ အစားအသောက်ထဲ တခုအပါအဝင် ဖြစ်ပါတယ်။ တရုတ်နံနံဖျော်ရည်တခွက်မှာ ကယ်လိုရီများစွာပါဝင်ခြင်းမရှိဘဲ ၄၀ ကယ်လိုရီသာ ပါဝင်ပါတယ်။ အာဟာရဓာတ်အားဖြင့် - ဗီတာမင် A - ဗီတာမင် K - ဗီတာမင် C - ဘီတာကယ်ရိုတင်း - Flavonoid - အပင်များမှရရှိသော phytonutrient အာဟာရဓာတ်များ - ကယ်လ်ဆီယမ် - သံဓာတ် - မဂ္ဂနီဆီယမ် - ဖော့စဖရပ်စ် - ပိုတက်ဆီယမ် စတာတွေ ပါဝင်ပါတယ်။ တရုတ်နံနံဖျော်ရည်မှာ အရွက်အနေအထားမှာ ရှိခဲ့တဲ့ အမျှင်ဓာတ်တွေတော့ မရှိတော့ပါဘူး။ ဒါပေမယ့် တခြားအာဟာရဓာတ်တွေ ကြွယ်ဝတဲ့အတွက် သင့်ကျန်းမာရေးအတွက် များစွာ အကျိုးရှိပါတယ်။ ယခု ဆက်လက်ဖော်ပြမှာကတော့ တရုတ်နံနံဖျော်ရည်ကနေ ရရှိနိုင်မယ့် အကျိုးကျေးဇူးတွေပဲ ဖြစ်ပါတယ်။ ၁။ သွေးတိုးကျစေခြင်း သုတေသနအချို့အရ တရုတ်နံနံအစေ့ဟာ သွေးတိုးကျစေတဲ့ အာနိသင်ရှိတယ်လို့ သိရပါတယ်။ […]

ခါးသက်သော အစားအစာကို ကျန်တဲ့အရသာရှိ အစားအစာတွေထက် လူကြိုက်နည်းပါတယ်။ အနံ့အရသာမျိုးစုံနဲ့ ဆွဲဆောင်နေကြတဲ့ အစားအစာမျိုးစုံကြားမှာ များသောအားဖြင့် ခါးတဲ့အစာတွေကို ရွေးချယ်မှုနည်းတတ်ပါတယ်။ ဒါပေမယ့် ခါးတဲ့အစားအစာတွေဟာလည်း အာဟာရဓာတ်ကြွယ်ဝပြီး ကျန်းမာရေးအတွက် အကျိုးအာနိသင်များစွာ ပေးစွမ်းနိုင်ပါတယ်။ယခုဆောင်းပါးမှာ ဆက်လက်ဖော်ပြမှာကတော့ သင့်ကျန်းမာရေးကို အကျိုးပြုမယ့် ခါးသက်တဲ့အရသာရှိတဲ့ စားသောက်ဖွယ်ရာတွေ အကြောင်းပဲ ဖြစ်ပါတယ်။ ၁။ ကြက်ဟင်းခါးသီး ကြက်ဟင်းခါးသီးကို အာရှ၊ အာဖရိကနဲ့ ကရစ်ဘီယန်ပင်လယ်ဒေသတဝိုက်က နိုင်ငံတွေမှာ စားသုံးမှုများပါတယ်။ ကြက်ဟင်းခါးသီးဟာ အတော်လေးကို ခါးသက်တဲ့အရသာ ရှိပါတယ်။ ထူးခြားချက်ကတော့ triterpenoid၊ polyphenol နဲ့ flavonoid ဆိုတဲ့ ဓာတ်ပစ္စည်းတွေပါဝင်ပြီး ကင်ဆာဆဲလ်တွေ ကြီးထွားမှုကို အဟန့်အတားဖြစ်စေတဲ့ အထောက်အထားတွေ ရှိနေပါတယ်။ တိုင်းရင်းဆေးပညာတချို့မှာ ကြက်ဟင်းခါးသီးကို ဆီးချိုဝေဒနာသည်တွေမှာ သွေးတွင်းအချိုဓာတ် လျှော့ချဖို့ အသုံးပြုကြပါတယ်။ ဒါ့အပြင် ကြက်ဟင်းခါးသီးမှာ ဓာတ်တိုးဆန့်ကျင်ပစ္စည်းတွေ ပါဝင်ပြီး […]

အခုလို မိုးအေးအေးနဲ့ ရာသီဥတုမှာ ရေနွေးပူပူလေးတခွက်နဲ့ ဇိမ်ကျနေဖူးပါသလား။ တကယ်တော့ ရေနွေးပူပူလေးတခွက်ဟာ သင့်ကိုနွေးထွေးစေရုံသာမက တခြားအကျိုးကျေးဇူးတွေလည်း ပေးနိုင်ပါသေးတယ်။ ရေနွေးပူပူသောက်ခြင်း၏ အကျိုးကျေးဇူးများ ကတော့ အစာကြေခြင်း၊ နှာစေးသက်သာစေခြင်း၊ လန်းဆန်းစေခြင်း စတာတွေ ရစေနိုင်ပါတယ်။ ရေနွေးတခွက်ရဲ့ ပျမ်းမျှအပူချိန်ဟာ ၁၂၀ ဒီဂရီဖာရင်ဟိုက်ကနေ ၁၄၀ ဒီဂရီဖာရင်ဟိုက်အကြားပဲ ရှိသင့်ပါတယ်။ ဒီထက် ပူသွားရင် လျှာက အရသာခံအဖုလေးတွေကို ထိခိုက်သွားနိုင်ပါတယ်။ ရေနွေးပူပူသောက်ခြင်း၏ အကျိုးကျေးဇူးများ ရေနွေးပူပူသောက်ခြင်း၏ အကျိုးကျေးဇူးများ ကတော့ နှာစေးနှာပိတ်ခြင်းကို သက်သာစေခြင်း ရေနွေးပူပူကထွက်တဲ့ အငွေ့ဟာ နှာစေးနှာပိတ်ခြင်းကို သက်သာစေပါတယ်။ ရေနွေးခွက်ကို လက်နှစ်ဖက်နဲ့ ကိုင်ထားပြီး ထွက်လာတဲ့အငွေ့များကို နိုင်သလောက် ရှူပေးခြင်းအားဖြင့် နှာပိတ်ခြင်းနဲ့ ခေါင်းကိုက်ခြင်းကို သက်သာစေပါတယ်။ ရေနွေးကို သောက်လိုက်တဲ့အခါ လည်ချောင်းတလျှောက်မှာရှိတဲ့ ချွဲသလိပ်တွေကို ပျော်စေပါတယ်။ အစာကြေစေခြင်း ရေနွေးသောက်ခြင်းဟာ အစာအိမ်အူလမ်းကြောင်းကို လှုပ်ရှားမှု ကောင်းမွန်စေပါတယ်။ […]