သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ရေနွေးပူပူသောက်ခြင်း၏ အကျိုးကျေးဇူးများ

ရေနွေးပူပူသောက်ခြင်း၏ အကျိုးကျေးဇူးများ

အခုလို မိုးအေးအေးနဲ့ရာသီဥတုမှာ ရေနွေးပူပူလေးတခွက်နဲ့ ဇိမ်ကျနေဖူးပါသလား။ တကယ်တော့ ရေနွေးပူပူလေးတခွက်ဟာ သင့်ကိုနွေးထွေးစေရုံသာမက တခြားအကျိုးကျေးဇူးတွေလည်း ပေးနိုင်ပါသေးတယ်။ အစာကြေခြင်း၊ နှာစေးသက်သာစေခြင်း၊ လန်းဆန်းစေခြင်း စတဲ့ အကျိုးကျေးဇူးတွေ ရစေနိုင်ပါတယ်။
ရေနွေးတခွက်ရဲ့ ပျမ်းမျှအပူချိန်ဟာ ၁၂၀ ဒီဂရီဖာရင်ဟိုက်ကနေ ၁၄၀ ဒီဂရီဖာရင်ဟိုက်အကြားပဲ ရှိသင့်ပါတယ်။ ဒီထက် ပူသွားရင် လျှာက အရသာခံအဖုလေးတွေကို ထိခိုက်သွားနိုင်ပါတယ်။

ယခုဆက်လက်ဖော်ပြမှာကတော့ ရေနွေးသောက်ခြင်းအားဖြင့် ရရှိနိုင်တဲ့ အကျိုးကျေးဇူးတွေ ဖြစ်ပါတယ်။

နှာစေးနှာပိတ်ခြင်းကို သက်သာစေခြင်း

ရေနွေးပူပူကထွက်တဲ့ အငွေ့ဟာ နှာစေးနှာပိတ်ခြင်းကို သက်သာစေပါတယ်။ ရေနွေးခွက်ကို လက်နှစ်ဖက်နဲ့ ကိုင်ထားပြီး ထွက်လာတဲ့အငွေ့များကို နိုင်သလောက်ရှူပေးခြင်းအားဖြင့် နှာပိတ်ခြင်းနဲ့ ခေါင်းကိုက်ခြင်းကို သက်သာစေပါတယ်။ ရေနွေးကို သောက်လိုက်တဲ့အခါ လည်ချောင်းတလျှောက်မှာရှိတဲ့ ချွဲသလိပ်တွေကို ပျော်စေပါတယ်။

အစာကြေစေခြင်း

ရေနွေးသောက်ခြင်းဟာ အစာအိမ်အူလမ်းကြောင်းကို လှုပ်ရှားမှု ကောင်းမွန်စေပါတယ်။ အစာအိမ်အူလမ်းကြောင်းတလျှောက်မှာ အရည်ဓာတ်ကို ဖြည့်တင်းပေးတဲ့အပြင် အညစ်အကြေးများကို စွန့်ထုတ်ဖို့လည်း အထောက်အကူပြုပါတယ်။ အစားအစာများကို ကောင်းစွာပျော်ဝင်စေပြီး အစာချေဖို့ လွယ်ကူစေပါတယ်။

ဝမ်းချုပ်ခြင်းကို သက်သာစေခြင်း

ရေနွေးသောက်လိုက်တဲ့အခါ အူများကို ညှစ်အားဖြစ်ပေါ်စေပါတယ်။ အဲဒီအခါ အူလမ်းကြောင်းထဲ ပိတ်ဆို့နေတဲ့ အညစ်အကြေးတွေကို ထွက်လာစေပါတယ်။ ဒါကြောင့် ရေနွေးနွေးကို ပုံမှန်သောက်သုံးပေးခြင်းဟာ ဝမ်းချုပ်ခြင်းကို သက်သာစေပါတယ်။

ကိုယ်အလေးချိန် လျှော့ချရန် ကူညီပေးခြင်း

ရေနွေးသောက်လိုက်ရင် ကိုယ်ခန္ဓာရဲ့ အပူချိန်ထိန်းသိမ်းတဲ့စနစ်ကို နှိုးကြွလာစေပါတယ်။ သောက်လိုက်တဲ့ရေနွေးကို ကိုယ်ခန္ဓာကနေ တုံ့ပြန်ရာကနေ ကိုယ်တွင်းအပူချိန်ကျဆင်းစေပြီး ဇီဝဖြစ်ပျက်မှုကို လှုံ့ဆော်ပေးပါတယ်။ ဇီဝဖြစ်ပျက်မှု ပိုမိုဖြစ်ပေါ်ခြင်းဟာ ကိုယ်အလေးချိန်လျှော့ချဖို့ အထောက်အကူပြုပါတယ်။

သွေးလည်ပတ်မှုကို ကောင်းစေခြင်း

ရေနွေးနဲ့ ရေချိုးခြင်းဟာ သွေးကြောများကို ကျယ်လာစေပြီး သွေးများကို ပိုမိုလည်ပတ်စေပါတယ်။ ရေနွေးသောက်ပေးခြင်းဟာလည်း ယခုအာနိသင်ကိုမျိုး ရစေနိုင်ပါတယ်။ သွေးလည်ပတ်မှု ကောင်းခြင်းကြောင့် သွေးပေါင်ချိန်မှန်စေပြီး နှလုံးရောဂါဖြစ်နိုင်ခြေကိုလည်း ကျဆင်းစေပါတယ်။ ညအချိန် ရေနွေးနဲ့ ရေချိုးခြင်း၊ ရေနွေးသောက်ခြင်းဟာ သင့်ကိုသက်တောင့်သက်သာဖြစ်စေပြီး ကောင်းကောင်းအိပ်ပျော်စေပါတယ်။

စိတ်ဖိစီးမှုကျစေခြင်း

ရေနွေးသောက်ခြင်းဟာ ဗဟိုအာရုံကြောစနစ်ကို လှုံ့ဆော်ပေးပါတယ်။ ရေနွေးသောက်ပြီးချိန်မှာ စိတ်ပူပန်မှု လျော့ပါးတတ်ပါတယ်။ စိတ်လည်းငြိမ်စေတယ်လို့ သိရပါတယ်။

အဆိပ်အတောက်တို့ကို လျှော့ချပေးခြင်း

ရေနွေးသောက်လိုက်ရင် ကိုယ်ခန္ဓာပူနွေးလာပါတယ်။ ချွေးလည်းစို့လာစေပါတယ်။ ချွေးထွက်ခြင်းဟာ သက်တောင့်သက်သာဖြစ်စရာမဟုတ်ပေမယ့် ကိုယ်ခန္ဓာကနေ ပတ်ဝန်းကျင်ကို ထိတွေ့ရာကနေ ကပ်ငြိလာနိုင်မယ့် အဆိပ်အတောက်များကို ကာကွယ်ပေးနိုင်ပါတယ်။ ကိုယ်ခန္ဓာထဲက အညစ်အကြေးတွေကိုလည်း စွန့်ထုတ်ပြီးသား ဖြစ်ပါတယ်။

အစာနင်ခြင်းကို သက်သာစေခြင်း

အစာရေမျို ရောင်ရမ်းသူအချို့ဟာ အစာကိုမျိုချဖို့ ခက်ခဲပါတယ်။ ဒီအခြေအနေကို achalasia လို့ ခေါ်ပါတယ်။ တစ်ခါတစ်လေမှာ အစာမျိုချရင် နာနေတတ်ပါတယ်။ အဆိုပါပြဿနာအတွက် ရေနွေးပူပူသောက်ပေးရင် အစာရေမြို ရောင်ရမ်းခြင်းကို သက်သာစေပြီး အစာများကိုလည်း ရှောရှောရှူရှူ ဝင်စေပါတယ်။ အထူးသဖြင့် ဆီများတဲ့ စားစရာတွေ၊ အသားကြီးငါးကြီးတွေအတွက် အထောက်အကူဖြစ်ပါတယ်။

သတိပြုရန်

ရေနွေးဟာ အရမ်းပူရင်တော့ အဆင်မပြေပါဘူး။ အစာရေမျိုနဲ့ လျှာကို အပူလောင်စေနိုင်ပါတယ်။ ဒါ့အပြင် ရာသီဥတုပူချိန်နဲ့ လေ့ကျင့်ခန်းလုပ်ချိန်တွေမှာ ရေနွေးမသောက်သင့်ပါဘူး။

Hello Health Group သည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

health-tool-icon

အခြေခံတစ်နေ့တာ ကယ်လ်လိုရီ လိုအပ်ချက်ပမာဏ တွက်ချက်ခြင်း ကိရိယာ (BMR)

အရပ််၊ အသက်၊ ကိုယ်အလေးချိန်၊ တစ်နေ့တာ လှုပ်ရှားမှုတွေအပေါ်မူတည်ပြီး တစ်နေ့တာ လိုအပ်မယ့် ကယ်လ်လိုရီ ပမာဏကို သိရှိနိုင်ဖို့ အခြေခံတစ်နေ့တာ ကယ်လ်လိုရီ လိုအပ်ချက်ပမာဏ တွက်ချက်ခြင်း ကိရိယာ (BMR)ကို အသုံးပြုပြီး တွက်ချက်နိုင်ပါတယ်

အမျိုးသား

အမျိုးသမီး

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ
စာရေးသူ ဓာတ်ပုံbadge
Dr. Thant Zin မှ ရေးသားသည်။ 4 ပတ် အကြာက တွင် ပြန်လည်ပြင်ဆင်ခဲ့သည်။