လက်ကောက်ဝတ်ပတ် သွေးပေါင်ချိန်တိုင်းစက်တွေ ဘယ်လောက်တိကျသလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

ရေးသား ထုတ်ဝေခဲ့သည် နိုဝင်ဘာ 26, 2020 . 2 mins read
Share now

လက်ကောက်ဝတ်ပတ် သွေးပေါင်ချိန်တိုင်းစက်တွေရဲ့ စိတ်ချရမှုအတိုင်းအတာနဲ့ စနစ်တကျအသုံးပြုပုံတွေကို ပြောပြပေးချင်ပါတယ်။

အသံတိတ်လူသတ်ရောဂါတစ်မျိုးဖြစ်တဲ့သွေးတိုးရောဂါကို အထိရောက်ဆုံးကာကွယ်နိုင်တဲ့နည်းကတော့ သွေးပေါင်ချိန်မှန်မှန်တိုင်းတာဖို့ပဲဖြစ်ပါတယ်။ဒီလိုလုပ်ဖို့အတွက်လည်း အလွယ်တကူသုံးစွဲနိုင်တဲ့  အိမ်သုံးသွေးပေါင်ချိန်တိုင်းစက်မျိုးစုံဈေးကွက်ထဲမှာရှိနေပါပြီ။ တီထွင်မှုအားကောင်းလာတဲ့အတွက် အရင်လိုသွေးပေါင်ချိန်တစ်ခါတိုင်းဖို့အတွက်လက်ပတ်တွေ၊ လက်ညှစ်ပူဖောင်းတွေ၊ နားကြပ်တွေနဲ့ရှုပ်ယှက်ခပ် နေစရာမလိုတော့ပါဘူး။

နောက်ဆုံးပေါ်သွေးပေါင်ချိန်တိုင်းစက်တွေမှာ လက်ပတ်လေးပတ်ပြီး ခလုတ်တစ်ချက် နှိပ်လိုက်ရုံနဲ့တင် စက္ကန့်ပိုင်းအတွင်းအဖြေထုတ်ပေးနိုင်တဲ့အထိ အဆင့်မြင့်လာပါပြီ။ တချို့စက်တွေက သွေးပေါင်ချိန်ရလဒ်ကို ကိုယ့်ဖုန်းထဲအထိအလိုအလျောက်ပို့ပေးနိုင်တဲ့အပြင် အဖြေကစိုးရိမ်စရာရှိနေခဲ့ရင် ကိုယ်နဲ့ချိတ်ဆက်ထားတဲ့ဆရာဝန်ကိုပါ တိုက်ရိုက်အသိပေးတဲ့အထိတိုးတက်လာပါပြီ။

ဒါပေမဲ့တစ်ခုရှိတာက တိုင်းတာရရှိတဲ့သွေးပေါင်ချိန် ရလဒ်တွေမှန်ဖို့လည်းလိုပါသေးတယ်။ လက်မောင်းပတ်သွေးပေါင်ချိန်တိုင်းစက် တွေကအရင်တုန်းကသုံးခဲ့တဲ့သွေးပေါင်ချိန်တိုင်းစက်နဲ့အလုပ်လုပ်ပုံသိပ်မကွာတဲ့အတွက် နည်းမှန်လမ်းမှန် တိုင်းတာမယ်ဆို အတော်လေးတိကျတဲ့အဖြေရရှိမှာပါ။

လက်မောင်းပတ်တိုင်းတာတဲ့စက်တွေကို အခုချိန်မှာ အတော်ကျယ်ကျယ်ပြန့်ပြန့်သုံးစွဲနေကြပြီး လက်ကောက်ဝတ်ပတ်သွေးပေါင်ချိန်တိုင်းစက်နဲ့ လက်ချောင်းမှာ သွေးပေါင်ချိန်တိုင်းတာပေးတဲ့စက်တွေကိုလည်း အသုံးပြုလာတာတွေ့ရလာရပါတယ်။ ဒီတစ်ခေါက်မှာတော့ လက်ကောက်ဝတ်ပတ်သွေး ပေါင်ချိန်တိုင်းစက်တွေရဲ့တိကျမှုနဲ့ အသုံးပြုမယ်ဆိုသတိထားသင့်တဲ့ အချက်တွေကို ပြောပြပါ့မယ်။

အားနည်းချက်များ

– လက်ကောက်ဝတ်ပတ် သွေးပေါင်ချိန်တိုင်းစက်တွေရဲ့အဓိကအားနည်းချက်ကတော့ တိုင်းတာနေချိန်မှာ ခန္ဓာကိုယ်အနေအထားနည်းနည်းလေးပြောင်းလိုက်တာနဲ့ အဖြေပြောင်းလဲသွားတာပါပဲ။ဒီစက်တွေကလူနာရဲ့ အနေအထားကို အရမ်း Sensitive ဖြစ်ပါတယ်။ သွေးပေါင်ချိန်တိုင်းတဲ့နေရာက နှလုံးနဲ့တပြေးညီဖြစ်မှ တိကျတဲ့သွေးပေါင်ချိန်အဖြေရနိုင်မှာပါ။ ဒါ့ကြောင့်လက်ကောက်ဝတ်ပတ်သွေးပေါင်ချိန်တိုင်းစက်နဲ့ တိုင်းတာချိန်မှာလက်ကို ဆန့်ကျင်ဖက်ပုခုံးပေါ် ကန့်လန့်ဖြတ်တင်ထားပြီး နှလုံးနဲ့သွေးပေါင်ချိန်တိုင်းစက်နဲ့ တပြေးညီဖြစ်အောင်ထားပြီးမှ တိုင်းသင့်ပါတယ်။

– ဒီလိုတိုင်းတာရင်တောင်မှ လက်မောင်းကတိုင်းတာရရှိတဲ့အဖြေထက်များနေနိုင်ပြီး လွဲချော်မှုတွေရှိနေနိုင် ပါသေးတယ်။ ၂၀၁၆ ခုနှစ်ထုတ် သွေးတိုးရောဂါဂျာနယ်မှာဖော်ပြထားတဲ့ လေ့လာမှုအရဆိုရင် လက်ကောက်ဝတ်ပတ်သွေးပေါင်ချိန်တိုင်းစက်အသုံးပြုသူတွေရဲ့ ၈၀% ကျော်ရဲ့ သွေးပေါင်ချိန်ရလဒ်က သာမန်ထက်များနေတာကို တွေ့ရှိခဲ့ရပါတယ်။ဒီလိုဖြစ်ရတဲ့အကြောင်းရင်းကတော့ သွေးပေါင်ချိန်တိုင်းတာ တယ်ဆိုတာ သွေးကြောတွင်းကသွေးတွေက သွေးကြောနံရံတွေအပေါ်ကိုသက်ရောက်နေတဲ့ဖိအားကို တိုင်းတာပေးတာဖြစ်ပါတယ်။ လက်ကောက်ဝတ်အတွင်းက သွေးကြောတွေက လက်မောင်းသွေးကြော တွေထက်ပိုသေးငယ်ကျဉ်းမြောင်းပြီး အရေပြားနဲ့အရမ်းနီးကပ်နေတဲ့အတွက် သွေးပေါင်ချိန်ကို တိတိကျကျမတိုင်းတာပေးနိုင်တာပဲဖြစ်ပါတယ်။

ဒါဆို လက်ကောက်ဝတ်ပတ်သွေးပေါင်ချိန်တိုင်းစက်တွေကို လုံးဝမသုံးရတော့ဘူးလားလို့ မေးစရာရှိပါတယ်။ ဒီလိုလည်းမဟုတ်ပါဘူး။ လက်မောင်းပတ်သွေးပေါင်ချိန်တိုင်းစက်တွေလောက်တိကျမှုမရှိပေမဲ့ ဒီစက်တွေနဲ့မှ အဆင်ပြေတဲ့သူတွေလည်း ရှိနေပါတယ်။ အထူးသဖြင့် အရမ်းဝပြီးလက်မောင်းအရမ်းတုတ်တဲ့သူတွေဆို လက်မောင်းပတ်သွေးပေါင်ချိန် စက်အသုံးပြုလို့မရနိုင်ပါဘူး။ လက်ပတ်ပတ်လို့ရရင်တောင် လေသွင်း လိုက်ချိန်မှာလက်မောင်းကို အတင်းဆွဲညှစ်သလိုဖြစ်သွားနိုင်တဲ့အတွက် သွေးပေါင်ချိန်တိုင်းဖို့ခက်ခဲနိုင်ပါတယ်။ ဒီလိုလူတွေဆို လက်ကောက်ဝတ်ပတ်သွေးပေါင်ချိန်စက်က အဆင်ပြေစေမှာပါ။

နောက်ပြီးရင်သွားကင်ဆာခွဲစိတ်မှုခံယူထားတဲ့သူတွေမှာ ရင်သားနဲ့လက်မောင်းထဲကပြန်ရည်ကြောအကျိတ် တွေ တစ်ခါတစ်ရံရောင်ရမ်းတတ်ပါတယ်။ ပြန်ရည်ကြောအကျိတ်တွေဆီသွေးစီးဆင်းမှုအားကောင်းသွားလေ  အကျိတ်တွေရောင်ရမ်းလာနိုင်လေပါပဲ။ သွေးပေါင်ချိန်တိုင်းချိန်မှာ တိုင်းတဲ့နေရာအပေါ်စက္ကန့် ပိုင်းလောက် ဖိအားများများပေးဖို့လိုတဲ့အတွက်ပြန်ရည်ကြောအကျိတ်တွေဆီ သွေးစီးဆင်းမှုများသွားတတ်ပါတယ်။ ဒါကြောင့်မို့ ရင်သားကင်ဆာခွဲစိတ်မှုခံယူထားတဲ့အခြမ်းမှာ လက်မောင်းပတ်သွေးပေါင်ချိန်စက်ကို တတ်နိုင် သလောက်အသုံးမပြုသင့်ပါဘူး။ ဒီအစား လက်ကောက်ဝတ်ပတ်သွေးပေါင်ချိန်စက်နဲ့ တိုင်းတာနိုင်ပါတယ် (ဒါမှမဟုတ်) ရိုးရိုးလက်ညှစ်သွေးပေါင်ချိန်တိုင်းနည်းနဲ့လည်း တိုင်းနိုင်ပါတယ်။

အတိုချုံးပြောရမယ်ဆို အိမ်တွင်းသုံးသွေးပေါင်ချိန်တိုင်းစက်တွေမှာအားသာချက်တွေ ရှိတဲ့အတွက်အသုံးပြုသင့် ပါတယ်။ ဆေးရုံဆေးခန်းရောက်မှသွေးပေါင်ချိန်တိုင်းတာခြင်းက လူနာကိုကြောက်လန့်စိတ်အနည်းနဲ့အများဖြစ် စေတဲ့အတွက်ရလာတဲ့အဖြေအပေါ်သက်ရောက်မှုရှိနိုင်ပါတယ်။ အိမ်မှာတိုင်းတာဖို့စက်ဝယ်ယူမယ်ဆို အပေါ်မှာပြောခဲ့တဲ့သူတချို့ကလွဲရင် တိုင်းတာနည်းလည်းမှန်ကန်သလို အဖြေလည်းပိုတိကျတဲ့ လက်မောင်းပတ်သွေးပေါင်ချိန်တိုင်းစက်ကို အသုံးပြုဖို့ပိုအားပေးပါတယ်။

Dr. Htoo Tint

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

မြန်မာနိုင်ငံမှာ မြင့်တက်လာနေတဲ့ ဆီးချိုခံစားရသူ အရေအတွက်

ဆီးချိုက ကမ္ဘာတလွှားမှာတင် ဖြစ်ပွားမှုနှုန်း မြင့်တက်နေတာ မဟုတ်ဘဲ မြန်မာနိုင်ငံမှာလည်း ပြီးခဲ့တဲ့ နှစ်တွေအတွင်း အတော်လေး မြင့်တက်လာခဲ့ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အာသီးခွဲစိတ်ဖြတ်ထုတ်ခြင်း

အာသီးဟာ အာခေါင်ရဲ့အတွင်းပိုင်းမှာရှိတဲ့ ဂလင်းနှစ်ခုပါ။ အာသီးခွဲစိတ်ခြင်းဆိုတာ အာသီးမှာ တစ်စုံတစ်ခုဖြစ်လို့ ဖယ်ရှားဖို့လိုတဲ့အခါအသုံးပြုတဲ့ခွဲစိတ်ကုသခြင်းပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

နှလုံးသွေးကြောကျဉ်းရောဂါ သေချာဂရုစိုက်ပါ။

နှလုံးခုန်သံ စည်းချက်မှန်မှန်လေးက ရှင်သန်နေတယ်ဆိုတာကို အသိပေးနေတယ်။ ဒီနှလုံးလေး ခုန်နေစေဖို့ ထောက်ပံ့ပေးထားတာက နှလုံးသွေးကြောတွေလေ။ 

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကိုဗစ်ကာလ အိမ်တိုင်းဆောင်ထားသင့်တဲ့ ကျန်းမာရေးကိရိယာ

pulse oximeter ဆိုတာက ညှပ်လေးနဲ့ တူတဲ့ ကိရိယာသေးသေးလေးပါ။ အရေပြားကို ဖောက်စရာမလိုဘဲ ကိုယ်တွင်းက အောက်ဆီဂျင်ပမာဏကို တိုင်းတာပေးပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ကျန်းမာစွာနေထိုင်ခြင်း, Corona Virus, COVID-19 အောက်တိုဘာ 28, 2020 . 2 mins read

သင့်အတွက် ရွေးချယ်ထားသည်

နှလုံးသွေးကြော ရောဂါများ

နှလုံးသွေးကြော ရောဂါများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဒီဇင်ဘာ 28, 2020 . 3 mins read
ကိုယ်အလေးချိန်ကို ဘယ်လို ထိန်းညှိကြမလဲ။

ကိုယ်အလေးချိန်ကို ဘယ်လို ထိန်းညှိကြမလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဒီဇင်ဘာ 3, 2020 . 2 mins read
ကိုယ်ဝန်ဆောင်မေမေ တည်သီးစားလို့ ရလား........................

ကိုယ်ဝန်ဆောင်မေမေ တည်သီးစားလို့ ရလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဒီဇင်ဘာ 2, 2020 . 2 mins read
အယ်ကာလီဓာတ်များတဲ့ရေနဲ့ ကျန်းမာရေး

အယ်ကာလီဓာတ်များတဲ့ရေနဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် နိုဝင်ဘာ 26, 2020 . 2 mins read