အစာအိမ်နှင့်အူလမ်းကြောင်း ကျန်းမာရေး

အူလမ်းကြောင်းလှုပ်ရှားမှု မူမမှန်ခြင်း(IBS) ဆိုတာ အဖြစ်များတဲ့ နာတာရှည် အစာခြေစနစ်ပြဿနာတစ်ခုဖြစ်ပါတယ်။ သူ့လက္ခဏာတွေက များသောအားဖြင့် ဗိုက်ရစ်ရစ်ပြီးနာတာ၊ ဗိုက်အောင့်တာ၊ လေပွတာ၊ ဝမ်းလျှောတာ၊ ဝမ်းကိုက်သလို ‌မကြာခဏ အိမ်သာသွားရတာ၊ ဝမ်းချုပ်တာတို့ ဖြစ်တတ်တယ်။ သူ့ရဲ့ လက္ခဏာတွေက များသောအားဖြင့် ဗိုက်နာ ခြင်းနှင့် နောက်ဖေးသွားတဲ့ အလေ့အကျင့်ပြောင်းလဲခြင်း တို့ဖြစ်တတ်ပါတယ်။ ဥပမာ – ဝမ်းချုပ်လေ့ရှိသူများက ဝမ်းသွားခြင်းနဲ့ ဝမ်းချုပ်ခြင်းတလှည့်စီခံစားရတာမျိုးဖြစ်တယ်။ ဗိုက်နာ တာက များသောအားဖြင့် စားပြီးချိန်မှာ ပိုဆိုးတတ်ပြီး နောက်ဖေးသွားပြီးရင် သက်သာသွားတတ်ပါတယ်။ IBS လက္ခဏာတွေက တစ်ချိန်နဲ့တစ်ချိန်မတူဖြစ်တတ်ပြီး ပြောင်းလဲတတ်ပါတယ်။ အဖြစ်များဆုံးလက္ခဏာတွေကတော့ - ဗိုက်အောင့်ခြင်း၊ ဗိုက်နာခြင်း ဝမ်းချုပ်ခြင်း၊ ဝမ်းလျှောခြင်း၊ စသည်ဖြင့်ပြောင်းလဲခြင်း လေပွခြင်း၊ ဖောခြင်း ဝမ်းမနိုင်ခြင်း ဝမ်းကျန်နေသလိုခံစားရခြင်း ဝမ်းသွားရင် ချွဲပါခြင်း IBS ဖြစ်ရတဲ့အကြောင်းအရင်းကိုသေချာမသိသေးပေမယ့် အူတွေရဲ့လုပ်ဆောင်ချက် […]

ပိုးသတ်ဆေး ကြောင့်ဖြစ်တဲ့ ဝမ်းပျက်ဝမ်းလျှော ဖြစ်နိုင်တယ်ဆိုတာ တကယ်ကြီးလား။ ပိုးသတ်ဆေးဆိုတာ ဘတ်တီးရီးယားပိုးတွေကို သတ်တဲ့နေရာမှာ သုံးတဲ့ဆေးတွေပါ။ တစ်ခါတစ်လေ ဒီဆေးတွေကြောင့်ပဲ ဘေးထွက်ဆိုးကျိုးတွေ ခံစားရတတ်ပါတယ်။ ဒီထဲမှာ ဝမ်းလျှောတာကန အတွေ့ရအများဆုံးပါပဲ။ ပိုးသတ်ဆေးသောက်သူတွေရဲ့ ၅-၂၅ရာခိုင်နှုန်းမှာတွေ့ရတတ်ပါတယ်။ ဒါပေမယ့် ဘာလို့ ဒီလိုဖြစ်ရတာလဲ။ ကာကွယ်လို့မရဘူးလား။ ဖြစ်လာရင် ဘယ်လိုတွေလုပ်ကြမလဲဆိုတာ ဆက်ကြည့်ရအောင်။ ဘာလို့ဖြစ်ရတာလဲ။ ပိုးသတ်ဆေးသောက်လိုက်ပြီဆိုရင် သူက ခန္ဓာကိုယ်ထဲက ဆဲလ်တွေကလွဲပြီး ပိုးတွေအကုန်လုံးကို သတ်လိုက်ပါတယ်။ ဒီထဲမှာ ကောင်းတဲ့ပိုးရော မကောင်းတဲ့ပိုးရော အကုန်ပါသွားပါတယ်။ ခန္ဓာကိုယ်ရဲ့ထူးခြားချက်က ကောင်းတဲ့ပိုးတွေနည်းသွားတဲ့အခါ မကောင်းတဲ့ပိုးတွေက ပိုများလာသလို ဖြစ်သွားပါတယ်။ မကောင်းတဲ့ပိုးထဲမှာ Clostridium difficileဆိုတဲ့ပိုးလည်းပါပါတယ်။ သူက အဆိပ်တွေထုတ်တဲ့အတွက် အူနံရံတွေ ရောင်ပြီး ဝမ်းလျှောလာပါတယ်။ လက္ခဏာများ လက္ခဏာတွေကတော့ ပိုးသတ်ဆေးသောက်တဲ့အချိန်အတွင်းမှာ တစ်နေ့ကို ၃ခါလောက် ဝမ်းလျှောပါတယ်။ ဆေးစသောက်ပြီး ၁ပတ်နေရင် စဖြစ်နိုင်သလို ဆေးရပ်လိုက်ပြီး […]

ဗိုက်ပွ ၊လေပွတယ်ဆိုတာ ဘယ်လောက်နေရခက်တယ်ဆိုတာ ခံစားဖူးတဲ့သူတွေပဲသိပါတယ်။ အခန့်မသင့်ရင် လေထိုးလေအောင့်တာတွေလည်း ထဖြစ်နိုင်ပါသေးတယ်။ ရေတောင်သိပ်မသောက်ရဲဘဲ အီလည်လည်နဲ့ ဗိုက်ကယ်နေတတ်တာပါ။ ဆိုးဆိုးဝါးဝါးမဟုတ်ပေမယ့် မသိမသာဝေဒနာလေးတွေကနေ နေလို့မကောင်းဖြစ်စေတာလေ။ ဒီလို ဗိုက်ပွဝေဒနာဖြစ်လွယ်စေတဲ့ အစားအစာတွေကိုတော့ သိထားသင့်တယ်မဟုတ်လား။ အထူးသဖြင့် အစာမကြေဖြစ်လွယ်၊ လေထိုးလေအောင့်လွယ်၊ လေပွလွယ်၊ ရင်ပြည့်ရင်ကယ်ဖြစ်လွယ်တဲ့သူတွေအတွက် အသုံးဝင်မှာပါ။ သူတို့မှာ အရေးပါတဲ့ အာဟာရဓာတ်တွေပါဝင်တာမို့ အပြီးရှောင်ရမှာမဟုတ်ပေမယ့် ကိုယ့်အစာအိမ်အခြေအနေကို ချင့်ချိန်ပြီး ဉာဏ်ရှိသလိုစားသုံးနိုင်ဖို့ပြောပြပေးမှာဖြစ်ပါတယ်။ ဗိုက်ပွ စေနိုင်တဲ့ အစားအစာ (၈) မျိုး (၁) ပန်းသီး ပန်းသီးမှာ sorbitol လို့ခေါ်တဲ့ သဘာဝသကြားဓာတ် ပါဝင်ပါတယ်။ တချို့လူတွေရဲ့ ခန္ဓာကိုယ်က ဒီဓာတ်ကို ကောင်းကောင်းမစုပ်ယူနိုင်တဲ့အခါ လေပွတာတွေ ဖြစ်လာနိုင်တယ်။ (၂) ဘလက်ဘယ်ရီသီး ဘလက်ဘယ်ရီသီးကို  ဒီတိုင်းလည်း စားတယ်၊ ဖျော်သောက်တယ်၊ မုန့်ထဲထည့် လုပ်တယ်၊ အသီးခြောက်အနေနဲ့လည်း ပုံစံအမျိုးမျိုးစားကြပါတယ်။ သူ့ရဲ့သဘာဝသကြားဓာတ်က အချိုလျှော့စားချင်သူတွေအတွက် အဆင်ပြေတယ်ဆိုပေမယ့် […]

အသည်းရဲ့အဓိကအလုပ်ကတော့ အစာခြေလမ်းကြောင်းထဲကထွက်လာတဲ့သွေးတွေကို သန့်စင်ပေးဖို့ပဲဖြစ်ပါတယ်။ နောက်ပြီး ခန္ဓာကိုယ်ထဲဝင်ရောက်လာတဲ့ ဓာတုဓာတ်အမျိုးမျိုးနဲ့ သောက်သုံးလိုက်တဲ့ ဆေးဝါးတွေကို ချေဖျက်ပေးတာ၊ သွေးခဲတဲ့လုပ်ငန်းစဉ်မှာလိုအပ်တဲ့ ပရိုတင်းဓာတ်ထုတ်လုပ်ပေးတာတွေလည်း လုပ်ဆောင်ပေးနေပါတယ်။ ပြောရရင်တော့ အသည်းဆိုတာ ခန္ဓာကိုယ်ဇီဝဖြစ်ပျက်မှုတွေပုံမှန်ဖြစ်နေဖို့အတွက် အရမ်းအရေးကြီးတဲ့ အစိတ်အပိုင်းတစ်ခုပါ။ ဒါပေမဲ့ အခုပြောမယ့် အလေ့အကျင့်တွေလုပ်နေမိပြီဆိုရင် အသည်းကိုတဖြည်းဖြည်းပျက်စီးစေနိုင်တယ်နော်။ ဘာတွေကိုဂရုစိုက်ရမလဲဆိုတာ တစ်ချက်လောက် လေ့လာကြည့်လိုက်ပါဦး။ ၁. အချိုတွေအရမ်းစားတာ အချိုတွေအစားများရင် သွားပျက်စီးတတ်တယ်ဆိုတာ အတော်များများသိပေမဲ့ အသည်းကိုပါ ထိခိုက်နိုင်တယ်ဆိုတာ သိပါသလား။ အသည်းကအဆီပြုလုပ်ဖို့အတွက် fructose ဆိုတဲ့သကြားဓာတ်လိုအပ်ပါတယ်။ ပြုပြင်ထားတဲ့သကြားနဲ့လုပ်ထားတဲ့အချိုမုန့်တွေအစားများရင် အသည်းမှာအဆီတွေလိုတာထက်ပိုများလာပြီးအသည်းရောဂါဖြစ်လာစေမှာပါ။ ဒါ့ကြောင့် အမြဲတမ်းလျှာအလိုမလိုက်မိဖို့လိုမယ်နော်။ ၂. ဖြည့်စွက်စာတွေ အကုန်လျှောက်သောက်တာ အခုခေတ်မှာ ဖြည့်စွက်စာတွေမှီဝဲတာအတော်လေးကျယ်ပြန့်လာတာတွေ့ရပါတယ်။ “ခန္ဓာကိုယ်အတွက်လိုအပ်တဲ့ သက်စောင့်ဓာတ်တွေပါဝင်တယ်၊ သဘာဝအတိုင်းထုတ်လုပ်ထားလို့စိတ်ချလက်ချသောက်သုံးနိုင်ပါတယ်” စသည်ဖြင့် အမျိုးမျိုး ကြော်ငြာနေကြပေမဲ့ တကယ်တမ်းကျတော့ ဖြည့်စွက်စာအချို့မှာပါတဲ့ဓာတ်တွေက အသည်းရဲ့ပုံမှန်လုပ်ငန်းဆောင်တာကို ထိခိုက်စေတတ်ပါတယ်။ ဥပမာပြောရရင် ဗီတာမင် အေ ဓာတ်ကိုကျွန်တော်တို့ခန္ဓာကိုယ်က လိုအပ်တာမှန်ပေမဲ့ […]

တကယ်လို့ သင့်ဆရာဝန်က အူမကြီးမှန်ပြောင်းကြည့်ပါလို့ ညွှန်ကြားလိုက်ရင် အရမ်းကြောက်မသွားပါနဲ့နော်။ အူလမ်းကြောင်းထဲ မှန်ပြောင်းကြည့်တယ်ဆိုတာ အူမကြီးကင်ဆာကို ထိထိရောက်ရောက်ကာကွယ်နိုင်တဲ့ နည်းလမ်းတစ်ခုဖြစ်တာကြောင့် အသက် ၄၅ နဲ့အထက်လူကြီးတွေဆို မှန်ပြောင်းကြည့်ဖို့ ဆရာဝန်တွေက ညွှန်ကြားလေ့ရှိပါတယ်။ အူမကြီးကင်ဆာတင်မကပဲ အကြောင်းအရင်းမသိမရှိ ဗိုက်အောင့်အောင့်နေတာ၊ သွေးဝမ်းသွားတာ၊ အစားအသောက်ပျက်တာလို ပြဿနာတွေပါ ကြုံရရင်လည်း အူမကြီးမှန်ပြောင်း ကြည့်ဖို့ လိုအပ်နိုင်ပါတယ်။ ဒါဆို အူမကြီးမှန်ပြောင်းကြည့်တာနဲ့ ပတ်သတ်ပြီး ကြိုတင်ပြင်ဆင်သင့်တာလေးတွေနဲ့ သိသင့်တာလေးတွေကို Hello Sayarwon ပရိသတ်တွေသိအောင် ပြောပြပေးသွားမယ်နော်။ အူမကြီးမှန်ပြောင်း မကြည့်ခင် ဘာလုပ်ရမလဲ သင့်ကို အူမကြီးမှန်ပြောင်း မကြည့်ခင် သင့်မှာထူးခြားတဲ့ ကျန်းမာရေးအခြေအနေ တစ်မျိုးမျိုးခံစားနေရတာမျိုး ရှိမရှိ ဆရာဝန်က မေးမြန်းမှာဖြစ်ပါတယ်။ ဒီအချိန်မှာ အမှန်အတိုင်း၊ ကိုယ်ခံစားနေရတဲ့အတိုင်း ဆရာဝန်ကို ပြောပြပါ။ အဓိကအားဖြင့် -           ကိုယ်ဝန်ရှိမရှိ -           နှလုံးရောဂါရှိမရှိ -           အဆုတ်ပြဿနာရှိမရှိ -           သောက်ဆေးတစ်မျိုးမျိုးနဲ့ […]

အသည်းရောင် အသားဝါ ရောဂါပိုးတွေ ကြောင့်ဖြစ်ဖြစ် ၊ အရက်ကြောင့်ဖြစ်ဖြစ် ပြင်ပက အကြောင်းအရာ တစ်ခုခုကြော့င် ဖြစ်ဖြစ် အသည်းရောင်လာပါပြီဆိုပါစို့။ စသိလိုက်တဲ့အချိန်တည်းက ရောဂါတော်တော်ပြင်းနေတာမျိုးလည်းဖြစ်နိုင်တယ် သိသိချင်းတုန်းက ရောဂါအခြေအနေမပြင်းထန်သေးပေမယ့် ပေါ့ပေါ့ဆဆ နေမိတာကြောင့် အသည်းရောင်တာပိုဆိုးလာတာမျိုးတွေလည်း ရှိတတ်ပါတယ်။ ဘယ်လိုပဲဖြစ်ဖြစ်အသည်းရောင်တဲ့ ပြဿနာ တော်တေ်ာကြီးကို ဆိုးနေပြီဖြစ်တာကြောင့် ဆေးသောက်တာအပြင် ကိုယ့်နေထိုင်မှု ပုံစံတွေမှာ ပြောင်းလဲစရာတွေ ရှိနေပါပြီ။ ဘာတွေများဖြစ်မလဲ အသည်းရောင်တဲ့ပြဿနာ အဆိုးဆုံးအဆင့်နဲ့ကြုံတွေနေရချိန် ဒါတွေလိုက်နာသင့်ပါတယ်။ အသည်းရောင်တဲ့ ပြဿနာရဲ့ လက္ခဏာတွေဖြစ်တဲ့ အသားတွေယားတာ၊ နာကျင်ကိုက်ခက်မှု ဝေဒနာတွေအတွက် ဆရာဝန်တွေ ဆေးတွေပေးမှာ ဖြစ်ပါတယ် ။ဒီလို ကုသမှုတွေ ခံယူထားတာ အပြင်ကိုမှ ကိုယ့်ဘက်က အခြားလိုက်နာသင့်တဲ့ ပြောင်းလဲသင့်တဲ့နေထိုင်မှု ပုံစံလေးတွေ ရှိပါတယ်။ ဒါတွေကတော့ အာဟာရ မျှတအောင်စားပါ။ - အသည်းရောင်တာရဲ့ နောက်ဆက်တွဲ ဆက်ဖြစ်နိုင်တဲ့အဆိုးဆုံးက အသည်းခြောက်တဲ့ ပြဿနာမဟုတ်လား။ […]

အားလုံးသိကြမှာပါ။ အသည်းကို ဒုက္ခပေးနေတဲ့ ရောဂါပိုးတွေထဲမှာမှ အသည်းရောင် အသားဝါ Bပိုးနဲ့ C ပိုးက အဆိုးဆုံးဆိုတာ။ B ပိုးကမှ ကာကွယ်ဆေးထိုးပြီး ကြိုကာကွယ်လို့ရသေးတယ်။ စမ်းသပ်ဆဲဖြစ်လို့ ကာကွယ်ဆေးမရှိသေးဘူးလို့ပြောလို့ရတဲ့ C ပိုး ကူးစက်ခံရပြီဆိုရင် ဘာတွေဆက်လုပ်ကြမလဲ။ အသည်းရောင် အသားဝါ C ပိုးရှိနေတဲ့သူတစ်ယောက် ဘယ်လိုဆက်ပြီး ကျန်းမာအောင် နေထိုင်ရမလဲ။ အသည်းရောင် အသားဝါ C ပိုးရှိနေတဲ့သူတစ်ယောက် ဘယ်လိုဆက်ပြီး ကျန်းမာအောင် နေထိုင်ရမလဲ ။ ။ စီပိုးရှိနေတယ်လို့ ဆိုလိုက်တာနဲ့ လူတိုင်း စိတ်ဓာတ်ကျသွားမှာ အမှန်ပါ။ သူက ကိုယ့်ဆီကနေ အခြားသူဆီကို သွေးကနေ လိင်ဆက်ဆံရာကနေ ကူးစက်တတ်တဲ့ ရောဂါဆိုတော့ ဒီရောဂါပိုးရှိနေပြီဆိုတာနဲ့ စိတ်ညစ်တတ်ကြတာ အမှန်ပါ။ ဒါပေမယ့် နောက်ပိုင်းတိုးတက်လာတဲ့ ဆေးပညာအရ ဆေးပုံမှန်သောက်မယ်ဆိုရင် စီပိုးကနေ အသည်းကိုဒုက္ခမပေးနိုင်တော့အောင် ကာကွယ်နိုင်မှာဖြစ်သလို […]

အစာအိမ်ရောဂါဖြစ်လာတဲ့အခါ ခံစားရတာ မသက်သာလှပါဘူး။ ဆန်ပြုတ်သောက်ရုံ၊ နားနေရုံနဲ့ သက်တောင့်သက်သာ အမြန်နေကောင်းလာမယ်ထင်ပါသလား။ ပုံမှန်အတိုင်း အစားစားလို့လည်းမရ၊ မစားလို့လည်းမရ၊ စားလိုက်လည်း အစာအိမ်ကသိပ်လက်မခံတာ၊ အန်ချင်လာတာနဲ့ အတော်ခံစားရခက်ပါတယ်။ ပြောတော့သာ အစာအိမ်ပြဿနာ၊ တကယ်တမ်းဖြစ်တဲ့ လက္ခဏာကျတော့ ဗိုက်အောင့်ရုံတင်မကဘဲ လက္ခဏာပေါင်းစုံစုပေးထားသလိုမျိုး။ ခေါင်းကိုက်ရင်ကိုက်မယ်၊ မအီမသာလည်းဖြစ်တယ်၊ အဖျားတက်သလို ချမ်းတုန်ရင်တုန်နေမယ်၊ အစာဝင်တာနဲ့ ထအန်ရင်အန်မယ်၊ ဝမ်းလျှောထားတဲ့ လူတစ်ယောက်လို အားကုန်နုံးချိနေမယ်၊ ပူလိုက်အေးလိုက်နဲ့ ခန္ဓာကိုယ်အပူချိန်မမှန်တာလည်း ဖြစ်ရင်ဖြစ်မယ်၊ ရင်ခေါင်းတွေအောင့်မယ်၊ တစ်ခါတစ်ခါ အလူးအလိမ့်ခံစားရတာတွေက  လူတစ်ယောက်နဲ့တစ်ယောက် လက္ခဏာချင်းမတူနိုင်ပါဘူး။ ဒီလိုအချိန်မှာ ဆေးခန်းပြထားတယ်၊ ဆရာဝန်ညွှန်ကြားတဲ့ဆေးတွေသောက်နေတယ်ဆိုပေမယ့်လည်း မြန်မြန်သက်သာအောင် ဘယ်လိုလုပ်မလဲဆိုတာနဲ့ ဆောင်ရန်၊ ရှောင်ရန်တွေကို သိထားမယ်ဆို ခံစားရတဲ့ဒဏ်တွေလျော့တာပေါ့။ ရေများများသောက်ပါ။ ချွေးထွက်တာ၊ အန်တာတွေကြောင့် ခန္ဓာကိုယ်ကနေ ဆုံးရှုံးသွားတဲ့အရည်ဓာတ်တွေ ကို ပြန်ရရှိဖို့ လိုအပ်ပါတယ်။ ဒီအချိန်မှာ ရေသောက်ဖို့ အဆင်မပြေသေးဘူးဆိုရင်လည်း ဇွန်းလေးနဲ့ တစ်ဇွန်းချင်းဖြစ်ဖြစ်၊ […]

အစာအိမ်အူရောင်တယ်ဆိုတာ ရောဂါကြီးတစ်ခုလိုထင်ရပေမယ့် အဖြစ်များကြတာ မသိကြလို့ပါနော်။ ဒီဆောင်းပါးကိုဖတ်ပြီးပြီဆိုရင်တော့ ကိုယ့်မှာဒီဝေဒနာဖြစ်လာတဲ့အခါ စောစောသိရှိပြီး မြန်မြန်ကုသနိုင်ပါလိမ့်မယ်။ ဘာကြောင့်ဖြစ်တာလဲ အစာအိမ်အူလမ်းကြောင်းရောင်ရမ်းတာက ဗိုင်းရပ်စ်၊ ဘက်တီးရီးယား ဒါမှမဟုတ် ကပ်ပါးပိုးတွေကြောင့် ဖြစ်ပါတယ်။ အများအားဖြင့် - အစားအသောက်(အထူးသဖြင့် ပင်လယ်စာ) သောက်သုံးရေ ရောဂါပိုးရှိနေတဲ့ လူနဲ့ထိတွေ့မှု လက်မဆေးခြင်း ဇွန်း၊တူ စတာတွေ မသန့်ရှင်းခြင်း တို့ကတဆင့် ရောဂါပိုးကို ကူးစက်ရရှိနိုင်ပါတယ်။ ဘယ်သူတွေမှာ ဖြစ်နိုင်ခြေပိုများလဲ ဒီအတွက် ဘယ်သူမဆို ရောဂါပိုးကူးစက်ခံရနိုင်ပါတယ်။ ဒါပေမယ့် ဘယ်လိုလူတွေမှာ ပိုဖြစ်လေ့ရှိသလဲ၊ ပိုဖြစ်လွယ်သလဲဆိုရင် - ကလေးငယ်တွေ အဆောင်နေ ကျောင်းသားတွေ ခရီးသွားသူတွေ အပြင်စာ၊ မသန့်ရှင်းစာ ခဏခဏစားသူတွေ ကိုယ်ခံအားနည်းသူတွေ၊ နေမကောင်းခဏခဏဖြစ်သူတွေ ရောဂါအခံရှိသူတွေ မှာဖြစ်နိုင်ခြေအများဆုံးပါ။ လက္ခဏာတွေက ဘာတွေလဲ လက္ခဏာတွေကတော့ - မအီမသာဖြစ်ခြင်း၊ ချွေးထွက်များခြင်း၊ ရင်ခေါင်းအောင့်၊ ရင်ခေါင်းတောင့်ခြင်း ပျို့အန်ခြင်း၊ ဝမ်းလျှောခြင်း၊ ဗိုက်နာခြင်း၊ […]

ပိတ်ရက်တွေရောက်လာပြီဆို အပီအပြင်လည်ဖို့ ဒါမှမဟုတ် ခရီးထွက်ဖို့ စီစဉ်ထားကြမှာပဲ။  ဒါပေမယ့် ခရီးကိုရောက်တာ တစ်ရက်ပဲရှိသေးတယ် နေမကောင်းဖြစ်သွားရပြီဆို ပလန်တွေအကုန် ပလုံသွားမှာနော်။ ဒီတော့ ခရီးသွားရင်း တွေ့ကရာစားပြီး အစာအိမ်မထိခိုက်အောင် ဘယ်လို ကာကွယ်ရမလဲ ဆိုတာကို ပြောပြပေးမယ်နော်။ အရေးကြီးဆုံးက လမ်းမှာ ဒါမှမဟုတ် ခရီးရောက်တဲ့အခါ  စားမယ့်အစားအသောက်ကိစ္စပါပဲ။ ခရီးသွားရင်း ပျော်ရင်းရွှင်ရင်း လမ်းမှာစားစရာဆိုင်တွေ့ရင်ပဲ ရတနာတွေ့သလို ပြေးဝယ်စားကြ၊ သောက်ကြ တာ ပျော်စရာ။ ဒါပေမယ့် တွေ့ရာစားဖို့ ကိုယ့်ဗိုက်ကရော ကောင်းလို့လား။ ဘယ်အချိန်မဆို ဆင်ခြင်စားသင့်တဲ့ အစားအသောက်စာရင်းကို သတိပေးလိုက်ပါဦးမယ်။ ခရီးသွားရင်း တွေ့ကရာစားပြီး အစာအိမ်မထိခိုက်အောင် ကာကွယ်မယ် ခရီးသွားရင်း တွေ့ကရာစားပြီး အစာအိမ်မထိခိုက်အောင် ကာကွယ်မယ် ဆိုရာမှာ ဒါလေးတွေကို သိထားတာ မမှားပါဘူး။ ဆီကြော်စာ ဆီကြော်တွေက ချေဖျက်ရခက်ရတဲ့အထဲ နေရာဒေသအပြောင်း၊ ရာသီအပြောင်းမှာ အစာပိုပြီးမကြေတော့ပါဘူး။ နဂိုတည်းက အစာခြေရည်ပြန်ဆန်တက်တတ်တဲ့၊ […]