အမျိုးသမီး ကျန်းမာရေး

လစဉ် ရာသီလာချိန် ရောက်လာမှာကို လေဒီလေး တော်တော်များများ စိတ်အနှောင့်အယှက် ဖြစ်နိုင်ပါတယ်။ အကြောင်းကတော့ ရာသီလာချိန်မှာ အစာခြေစနစ်ပြဿနာကို ခံစားရနိုင်သလို အမျိုးမျိုးသော နာကျင်ကိုက်ခဲမှုတွေကိုပါ ခံစားရနိုင်ပါတယ်။ ရာသီလာချိန်မှာ ဟော်မုန်း ပြောင်းလဲမှုနဲ့ ရုပ်ပိုင်းဆိုင်ရာ ပြောင်းလဲမှုတွေက ရာသီစက်ဝန်းရဲ့ တစ်စိတ်တစ်ပိုင်းပါပဲ။  ဒါပေမယ့် ဒီလက္ခဏာတွေက တစ်ယောက်နဲ့ တစ်ယောက်မှာ ခံစားရတဲ့ အတိုင်းအတာတွေလည်း မတူသလို ဖြေရှင်းနိုင်တဲ့ ပုံစံချင်းလည်း မတူကြပါဘူး။ ရာသီလာချိန်မှာ နာကျင်တာက ဗိုက်အောက်ဖက်နားနဲ့ နောက်ကျော ခါးတွေမှာ နာကျင်တာကို ခံစားရနိုင်ပါတယ်။ ကံကောင်းတာ တစ်ခုကတော့ ရာသီလာချိန်မှာ နာကျင်ကိုက်ခဲတာကို ဖြေရှင်းနိုင်တဲ့ နည်းလမ်းတွေ အများကြီး ရှိနေတာပါပဲ။ ဒီတစ်ခေါက်မှာတော့ ရာသီလာချိန်မှာ နာကျင်မှုကို သက်သာစေမယ့် လေ့ကျင့်ခန်းလေးတွေ အကြောင်း ပြောပြပေးချင်ပါတယ်။ ရာသီလာချိန်မှာ နာကျင်တာကို သက်သာစေဖို့ဆိုရင် OTC […]

လူအများစုအတွက်တော့ ချစ်တင်းနှောတာက ပျော်ရွှင်ကြည်နူးစရာ အတွေ့အကြုံဆိုပေမယ့် လူတိုင်းအတွက်တော့ မဟုတ်နိုင်ပါဘူး။ အချို့သော လေဒီလေးတွေမှာ အမျိုးသားနဲ့ အတူနေပြီးချိန်မှာ ဗိုက်အောင့်တာကို ခံစားရနိုင်ပါတယ်။ ဒီလို ခံစားရတဲ့အခါ ချစ်တင်းနှောခြင်းက ပျော်ရွှင်ကြည်နူးစရာလို့ လက်ခံနိုင်စရာ မရှိပါဘူး။ ဒီတစ်ခေါက်တော့ လေဒီလေးတွေ အတူနေပြီးချိန်မှာ ဗိုက်အောင့်တာ ဘာကြောင့်များလဲ ဆိုတာကို ပြောပြပေးသွားပါမယ်။ လေဒီလေးတွေ အတူနေပြီးချိန်မှာ ဗိုက်အောင့်တာ ဘာကြောင့်များလဲ ခုမှ အတူစနေတဲ့အတွဲတွေက နေပြီးစမှာ ဆီးစပ် ဒါမှမဟုတ် ဗိုက်အောင့်တာက ဖြစ်တတ်ပါတယ်။ နောက်ပိုင်းကျရင်တော့ မဖြစ်တော့ပါဘူး။ ဒါက အန္တရာယ်မရှိပါဘူး။ ဒါပေမယ့် တစ်ခါတလေမှာ အတူနေပြီးတိုင်း အောင့်နေတာမျိုးလည်း ရှိတတ်ပါတယ်။ ဒါဆိုရင်တော့ သတိထားရပါမယ်။ လေဒီလေးတွေ အတူနေပြီးချိန်မှာ ဗိုက်အောင့်တာ ဘာကြောင့်များလဲ ဆိုတော့ အကြောင်းအရင်း များစွာ ရှိနေပါတယ်။ အရင်ဆုံး အဖြစ်များတဲ့ အကြောင်းအရင်းတွေကနေ […]

ဖောလစ်အက်ဆစ် ဆိုတာက အမျိုးသမီးလေးတွေကို ကျန်းမာစေမယ့် ဆေးဝါးတစ်မျိုးပေါ့။ ကိုယ်ဝန်ဆောင်ချိန်မှာ မေမေရော ဘေဘီလေးပါ ကျန်းမာစေဖို့ သောက်ပေးရတယ်လို့ သိထားပေမယ့် ဖောလစ်အက်ဆစ် သောက်သုံးမှုက ရာသီစက်ဝန်းအပေါ် ဘယ်လိုသက်ရောက်နေသလဲ ဆိုတာကိုတော့ သိသူနည်းနေနိုင်သေးတာကြောင့် ဒီဆောင်းပါးလေးကနေတဆင့် ဖော်ပြပေးလိုက်ပါတယ်။ ဖောလစ်ဆက်ဆစ် ဆိုတာ ဖောလစ်အက်ဆစ်ဆိုတာက ရေထဲမှာ ပျော်ဝင်နိုင်တဲ့ ဗီတာမင် B အုပ်စုဝင် ဗီတာမင် တစ်မျိုးပါ။ တိတိကျကျ ပြောရရင် ဗီတာမင် B9 ပေါ့။ ဖောလစ်အက်ဆစ်က ဖောလိတ်ကို ခန္ဓာကိုယ်က အသုံးပြုလို့ရတဲ့ ဖြည့်စွက်အာဟာရအဖြစ် ပြောင်းလဲထားတဲ့ ပုံစံပါ။ နေ့စဉ် စားသောက်မှုမှာ မရှိမဖြစ် ပါဝင်ဖို့လိုတဲ့ အာဟာရပါ။ ခန္ဓာကိုယ်အတွက် DNA နဲ့ RNAတွေ ဖြစ်ပေါ်စေဖို့အတွက် ဆဲလ်တွေ ကွဲပွားဖို့ လိုအပ်တဲ့ အမိုင်နိုအက်ဆစ်ကို ထုတ်လုပ်ပေးပါတယ်။ https://hellosayarwon.com/womens-health/menstruation/tips-for-cyclical-breast-pain/ ဖောလစ်အက်ဆစ်သောက်သုံးမှုက ရာသီစက်ဝန်းအပေါ် […]

လူတစ်ယောက်မှာ ရှိသင့်တဲ့ ကိုယ်အလေးချိန်ထက် များနေတာက ကျန်းမာရေးဆိုးကျိုးတွေ ဖြစ်စေနိုင်ပါတယ်။ အဝလွန်တာက အမျိုးသားတွေမှာ ဖြစ်ဖြစ် အမျိုးသမီးတွေမှာဖြစ်ဖြစ် ပြင်းထန်တဲ့ ကျန်းမာရေး ပြဿနာတွေကို ခံစားရစေနိုင်ပါတယ်။ အဝလွန်တယ်ဆိုတာက ပုံမှန် ရှိသင့်တဲ့ ကိုယ်အလေးချိန်ထက် များနေတာပါ။ တိတိကျကျ ပြောပြရမယ်ဆိုရင် အဝလွန်တယ်ဆိုတာက BMI တွက်ချက်မှု ရလဒ်မှာ ၃၀ ကျော်နေတာကို အဝလွန်တယ်လို့ သတ်မှတ်ပါတယ်။ ဒီတစ်ခေါက်တော့ အဝလွန်တဲ့ အမျိုးသမီးတွေမှာ ခံစားရနိုင်တဲ့ ကျန်းမာရေးပြဿနာတွေ အကြောင်း ပြောပြပေးချင်ပါတယ်။ အမျိုးသမီးတွေကို အဝလွန်စေတဲ့ အကြောင်းအရင်းတွေက ဘာတွေဖြစ်မလဲ! အဝလွန်တယ်ဆိုတာက များသောအားဖြင့်ကတော့ အစားစားတာ များပြီး လှုပ်ရှားမှု နည်းတာကြောင့်ပါ။ အထူးသဖြင့် အဆီအအိမ့် စားတာများတဲ့သူတွေမှာ အဝလွန်နိုင်ခြေက ပိုများပါတယ်။ အထိုင်များတာ၊ လှုပ်ရှားမှု နည်းတာတွေကို လုပ်ဆောင်နေရသူတွေမှာလည်း အဝလွန်နိုင်ခြေ များပါတယ်။ အမျိုးသမီးတွေမှာ […]

အမျိုးသားတွေနဲ့ အမျိုးသမီးတွေမှာ ရုပ်ပိုင်းဆိုင်ရာ လိုအပ်ချက် ကွာခြားမှု ရှိတယ်ဆိုတာကို အားလုံးလိုလို သိထားပြီး ဖြစ်မှာပါ။ အခုလည်း လေ့လာတွေ့ရှိမှုတွေအရ သိရတာက အမျိုးသားနဲ့ အမျိုးသမီးတွေရဲ့ လိုအပ်ချက် ကွာခြားမှုတွေထဲမှာ အိပ်စက်ချိန်လည်း ပါဝင်နေတယ်ဆိုတာပါ။ ကျန်တဲ့ အချက်တွေကို သတိထားမိပေမယ့် တော်တော်များများက ဒီအချက်ကို သတိမထားမိပါဘူး။ ဒီတစ်ခေါက်တော့ အမျိုးသမီးတွေက အမျိုးသားတွေထက် အိပ်ချိန် ပိုမို လိုအပ် ရတဲ့ အကြောင်းအရင်းလေးကို ပြောပြပေးချင်ပါတယ်။ အမျိုးသမီးတွေက အမျိုးသားတွေထက် အိပ်ချိန် ပိုမို လိုအပ် လေ့လာမှု ရလဒ်တွေအရ သိရတာက အမျိုးသားတွေထက် အမျိုးသမီးတွေက အိပ်ချိန် ပိုမို လိုအပ်ကြသလို အနားယူချိန် ပိုမိုရရှိဖို့လည်း လိုအပ်ကြပါတယ်။ Sleep Research Center at England’s Loughborough University လေ့လာမှုအရ သိရတာက […]

သားအိမ်ခေါင်းမှာ သားအိမ်ခေါင်းကင်ဆာ အပါအဝင် အခြားကျန်းမာရေး ပြဿနာတွေလည်း ဖြစ်စေနိုင်တယ်ဆိုတာကို သိပြီးပြီလား။ မသိသေးဘူးဆိုရင်တော့ ဆောင်းပါးလေးထဲမှာ ဖတ်ကြည့်လိုက်တော့နော်။ ဒီတစ်ခေါက်တော့ သားအိမ်ခေါင်းမှာ ခံစားရနိုင်တဲ့ ကျန်းမာရေးပြဿနာတွေက ဘာတွေလဲဆိုတာကို ပြောပြပေးသွားမှာပါ။ သားအိမ်ခေါင်းမှာ ခံစားရနိုင်တဲ့ ကျန်းမာရေးပြဿနာတွေအကြောင်း မပြောခင်မှာ သားအိမ်ခေါင်းက ဘယ်လို အစိတ်အပိုင်းလဲ ဆိုတာနဲ့ သားအိမ်ခေါင်းက ဘာတွေ လုပ်ဆောင်ပေးလဲဆိုတာကို အရင်ဆုံး ပြောပြပေးချင်ပါတယ်။ သားအိမ်ခေါင်း ဆိုတာ သားအိမ်ခေါင်း ဆိုတာ ကြွက်သားတွေနဲ့ ဖွဲ့စည်းထားတဲ့ ပြွန်ပုံစံ အစိတ်အပိုင်း တစ်ခုပါ။ သားအိမ်နဲ့ မိန်းမကိုယ်ကို ဆက်သွယ်ပေးထားပါတယ်။ သားအိမ်ရဲ့ လည်တံလို့လည်း ခေါ်ကြပါတယ်။ သားအိမ်ခေါင်းက သားအိမ်နဲ့ မိန်းမကိုယ်ကြား ဆက်သွယ်ပေးထားတဲ့ အစိတ်အပိုင်း တစ်ခုပေါ့။ ဘေဘီလေး မွေးဖွားချိန်မှာလည်း သားအိမ်ထဲက ဘေဘီလေးကို မွေးလမ်းကြောင်းကနေတဆင့် မွေးဖွားလာစေဖို့ ဆက်သွယ်လုပ်ဆောင်ပေးပါသေးတယ်။ သားအိမ်ခေါင်းက ဘာတွေ […]

သားအိမ်ခေါင်းကင်ဆာက အမျိုးသမီးတွေမှာ အတော်လေး အဖြစ်များလာတဲ့ ကျန်းမာရေး ပြဿနာ တစ်ရပ်ပါ။ သားအိမ်ခေါင်းမှာ သားအိမ်ခေါင်းကင်ဆာအပြင် တခြားရောဂါတွေလည်း ဖြစ်နိုင်ပါတယ်။ ဥပမာ သားအိမ်ခေါင်းပိုးဝင်တာမျိုးပေါ့။  နေထိုင်စားသောက်မှုတွေကို သေချာလေး ဂရုစိုက်ပေးတာကလည်း သားအိမ်ခေါင်း ကျန်းမာရေးကို ဂရုစိုက်ရာ ရောက်ပါတယ်။ ဒီတစ်ခေါက်တော့ သားအိမ်ခေါင်း ကျန်းမာရေးအတွက် ဘာတွေ စားကြမလဲ ဆိုတာကို ပြောပြပေးချင်ပါတယ်။ သားအိမ်ခေါင်း ဆိုတာ သားအိမ်ခေါင်း ဆိုတာ ကြွက်သားတွေနဲ့ ဖွဲ့စည်းထားတဲ့ ပြွန်ပုံစံ အစိတ်အပိုင်း တစ်ခုပါ။ သားအိမ်နဲ့ မိန်းမကိုယ်ကို ဆက်သွယ်ပေးထားပါတယ်။ သားအိမ်ရဲ့ လည်တံလို့လည်း ခေါ်ကြပါတယ်။ သားအိမ်ခေါင်းက သားအိမ်နဲ့ မိန်းမကိုယ်ကြား ဆက်သွယ်ပေးထားတဲ့ အစိတ်အပိုင်း တစ်ခုပေါ့။ ဘေဘီလေး မွေးဖွားချိန်မှာလည်း သားအိမ်ထဲက ဘေဘီလေးကို မွေးလမ်းကြောင်းကနေတဆင့် မွေးဖွားလာစေဖို့ ဆက်သွယ်လုပ်ဆောင်ပေးပါသေးတယ်။ သားအိမ်ခေါင်းက ဘာတွေ လုပ်ပေးလဲ သားအိမ်ခေါင်းက […]

လေဒီလေး တော်တော်များများက အမွေးရိတ်ရမှာကို ကြောက်ကြပါတယ်။ အကြောင်းကတော့ အမွေးရိတ်တာက အရေပြားကို မည်းစေတာမျိုး ဖြစ်စေသလို ပြန်ထွက်ရင်လည်း အမွေးကြမ်းတွေ ထွက်လာပြီး အမွေးတွေက ပိုထူလာတယ်ဆိုတဲ့ အတွေးကြောင့်ပါ။ ဒါက တကယ်ပဲလား.... အမွေးရိတ်ရင် အမွေးအမျှင်ပိုထူလာမယ် ဆိုတာ တကယ်လား ဆိုတာကို အဖြေထုတ်ကြည့်လိုက်ရအောင်နော်။ လေဒီလေးတွေ ထင်နေကြတဲ့ အမွေးရိတ်ရင် အမွေးအမျှင်ပိုထူလာမယ် ဆိုတာ တကယ်လား ခြေသလုံးမွေးတွေ၊ ချိုင်းမွေးတွေ၊ မျက်နှာပေါ်က အမွေးတွေကို ရိတ်မယ်လို့ စိတ်ကူးလိုက်တိုင်း စိတ်ထဲကို မေးခွန်းတွေ အများကြီး ရောက်လာတယ်ဟုတ်။ အမွေးရိတ်တာ ဘေးကင်းပါ့မလား ဆိုတာပါ။ အမွေးတွေများ ပိုထူလာမလားပေါ့။ ဒီလိုမျိုး စိုးရိမ်တာက ဖြစ်တတ်တဲ့ အနေအထား တစ်ခုပါ။ ဒါပေမယ့် ဒီစာကို ဖတ်ပြီး စိတ်ပူတာတွေကို ရပ်လိုက်ပါတော့လို့ ပြောချင်ပါတယ်။ အမွေးရိတ်ရင် အသားအရေ အရောင်ရင့်လာမှာလား […]

အချဉ်တွေ စားနေတာလား ...... ရာသီလာနေတယ်လို့ ဘာလို့စားနေရတာလဲဆိုပြီး မေမေတို့ ဖွားဖွားတို့ ကြီးကြီးတို့ မာန်တာကို ခံခဲ့ဖူးတော့ ခေါင်းထဲမှာ မှတ်ထားလိုက်တာက ရာသီလာနေတယ်ဆိုရင် အချဉ် မစားရဘူးလို့ပေါ့။ ဒီတော့ ရာသီလာနေချိန်မှာ အချဉ်လေး ခံတွင်းတောင်း နေရင်တောင် စားလိုက်မိရင် တစ်ခုခုပဲ ဖြစ်တော့မလားဆိုပြီး မစားရဲဘူး ဖြစ်နေပြီလား။ ဒီတစ်ခေါက်တော့ ရာသီလာနေချိန်မှာ ချဉ်ချဉ်လေး စားချင်ပေမယ့် မစားရဲဖြစ်တဲ့သူလေးတွေအတွက် သိထားဖို့လိုမယ့် အကြောင်းအရာလေးတွေကို ပြောပြပေးမှာမို့ အတူတူ ကြည့်လိုက်ရအောင်နော်။ လေဒီလေးတိုင်းကို စိတ်ဖိစီးစေတဲ့ အခိုက်အတန့် ရာသီလာတာက တစ်လကို တစ်ကြိမ် တစ်ခါတစ်လေဆို ၂ ကြိမ်တောင် ကြုံရတာမျိုး ရှိပါတယ်။ ဒီလို ရာသီလာချိန်မှာ ကောင်းကောင်း မအိပ်ရတာ၊ နာကျင်ကိုက်ခဲတာတွေကြောင့် အတော်လေး ပင်ပန်းရပါတယ်။ တကယ်ကတော့ ရာသီလာတယ်ဆိုတာက လေဒီလေးက ကျန်းမာတယ်ဆိုတဲ့ လက္ခဏာပါ။  ဒီလိုဆိုပေမယ့်လည်း […]

ရာသီလာချိန်မှာ ပင်ပန်းတာ၊ ခြေကုန်လက်ပမ်းကျတာကို လေဒီလေးတော်တော်များများ ခံစားဖူးမှာပါ။ ဒီအခြေအနေက ပုံမှန်အားဖြင့်ကတော့ ဖြစ်လေ့ဖြစ်ထရှိတဲ့ အခြေအနေပါ။ ကိုယ်လက်လှုပ်ရှားမှုတွေ ပြင်းပြင်းထန်ထန် လုပ်တာ၊ ကျန်းမာရေးနဲ့ မညီတဲ့ စားသောက်မှု အလေ့အထတွေ၊ အိပ်ရေးပျက်တာ နဲ့ ဆေးဝါးတွေရဲ့ ဘေးထွက်ဆိုးကျိုးတွေကြောင့် ရာသီမလာခင် ရက်တွေနဲ့ ရာသီလာနေချိန်တွေမှာ ပင်ပန်းမှုကို ခံစားရတာပါ။ ဒါပေမယ့် ရာသီလာချိန်မှာ ပင်ပန်းတာက ပုံမှန်ပဲ ဆိုပေမယ့် အချို့သော အခြေအနေတွေမှာတော့ ကျန်းမာရေး အချက်ပြလက္ခဏာဖြစ်နေတတ်တာကြောင့် ရာသီလာချိန်မှာ ပင်ပန်းနေတာကို လျစ်လျူ မရှုမိပါစေနဲ့ လို့ ပြောရတာပါ။ ရာသီလာချိန်မှာ သွေးဆင်းများတာနဲ့အတူ ပင်ပန်းတာကို ခံစားရတဲ့ အမျိုးသမီး ၃ ဦးမှာ ၁ ဦးက ကျန်းမာရေးပြဿနာ တစ်ရပ်ရပ်ကို ခံစားနေရတာပါ။ ဒါကြောင့် ရာသီလာချိန်မှာ သွေးဆင်းများမယ် အရမ်းပင်ပန်းတာမျိုး […]