ဆေးတွေက သောက်တိုင်း ကောင်းတာတော့ မဟုတ်ပါဘူး။ ဆေးတွေကို မလိုအပ်ဘဲ သောက်တာက အသည်းတွေ ကျောက်ကပ်တွေကို ထိခိုက်စေနိုင်သလို ခန္ဓာကိုယ်မှာ ထိခိုက်မှုတွေကို ဖြစ်စေနိုင်ပါတယ်။ ဒါကြောင့် ဆေးတွေ သောက်တဲ့အခါ ကိုယ်နဲ့ တည့်ရဲ့လား။ တကယ်လိုအပ်ရဲ့လား။ ဘယ်အချိန်မှာ ဘယ်အတိုင်းအတာ ပမာဏလောက် သောက်ရမလဲဆိုတာကို သေချာလေး ဂရုစိုက်ဖို့ လိုပါမယ်။
ကဲ …. အခုကစပြီး ဖောလစ်အက်ဆစ်သောက်သုံးမှုက ရာသီစက်ဝန်းအပေါ် ဘယ်လို သက်ရောက်နေသလဲ ဆိုတာကို ပြောပြပေးသွားပါမယ်။
ရာသီလာချိန်မှာ ဖြစ်ဖြစ်၊ ပုံမှန်ဖြစ်ဖြစ် လေဒီလေးတွေအနေနဲ့ ဖောလစ်အက်ဆစ်ကို သောက်ပေးလို့ ရပါတယ်။ ဖောလစ်အက်ဆစ်က ကိုယ်ဝန်ဆောင်ချိန်မှာပဲ ဖြည့်တင်းဖို့ လိုတာ မဟုတ်ဘဲ သာမန်အချိန်တွေမှာ သောက်သုံးပေးတာက လေဒီလေးတွေကို ကျန်းမာစေဖို့ ထောက်ကူပေးနိုင်ပါတယ်။
ရာသီလာချိန်မှာ ဖောလစ်အက်ဆစ် သောက်သုံးတာက သွေးနီဥဆဲလ်တွေ ဖြစ်ပေါ်စေဖို့ ထောက်ကူပေးပါတယ်။
လေဒီလေးတွေ အနေနဲ့ ဖောလစ်အက်ဆစ် သောက်သုံးတာက သွေးတိုးရောဂါ ခံစားရနိုင်ခြေ နည်းသလို ဖောလိတ်ချို့တဲ့တာကြောင့် သွေးအားနည်းတာမျိုးမဖြစ်အောင် ကာကွယ်ပေးပါတယ်။ သွေးဆင်းများတာကြောင့် သွေးအားနည်းတာ မဖြစ်စေဖို့လည်း ထောက်ကူပေးပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။