ဒါပေမယ့် သတိထားရမှာက ရာသီလာနေချိန်မှာ အချဉ်ဓာတ်ပါတာတွေကိုပဲ တစ်ချိန်လုံး စားနေလို့တော့ မရဘူးပေါ့။ ရာသီလာချိန်မှာ ခန္ဓာကိုယ်ကနေ ဆုံးရှုံးသွားတဲ့ သွေးပမာဏ ပြန်လည် ပြည့်တင်းစေဖို့ဆိုရင် အာဟာရကို ပြည့်ဝအောင် စားရပါမယ်။
တစ်နေ့ကို ၃ နပ်ကို အာဟာရပြည့်ဝအောင် စားဖို့လိုပါမယ်။ တစ်ခါတည်း အများကြီး မစားနိုင်ရင်တောင် နည်းနည်းချင်းနဲ့ ၄ ကြိမ်လောက် စားပေးတာမျိုး လုပ်ပေးပါ။ ဒါမှ ရာသီလာချိန်မှာ ခန္ဓာကိုယ်မှာ အင်အားပြည့်ဝနေစေမှာပါ။
ရာသီလာနေချိန်မှာ အာဟာရကို ပြည့်ဝမျှတအောင် စားဖို့ပဲ လိုတာပါ။ အချဉ်မို့ မစားရဘူး။ အစပ်မို့ ရှောင်ရမယ်၊ အဖန် မစားရဘူးဆိုတာမျိုးတော့ မရှိပါဘူး။ သင့်တင့်မျှတတဲ့ ပမာဏထဲမှာ စားလို့ရပြီး အလွန်အကျွံ မစားမိဖို့တော့ လိုတာပေါ့။
ရာသီလာချိန်မှာ ကိုယ်တွင်းက သွေးတွေနဲ့ အတူ ဆုံးရှုံးသွားတဲ့ သံဓာတ်တွေ ပြည့်ဝစေဖို့တော့ သံဓာတ်ဖြည့်တင်းပေးနိုင်မယ့် ကြက်သား၊ အဆီမပါတဲ့ အနီရောင် အသား၊ ဥအမျိုးမျိုး၊ ငါး စတာတွေကို စားပေးဖို့ လိုပါမယ်။ ဒိန်ချဉ်သောက်တာ၊ နွားနို့သောက်တာ၊ ဟင်းနုနွယ်ရွက် စားပေးတာတွေ လုပ်ပေးလို့ ရပါတယ်။
သံဓာတ်အားဖြည့်ဆေး ပုံမှန်လေး သောက်ပေးတာမျိုးလည်း ရပါတယ်။ ဆေးကိုတော့ မသောက်ခင်မှာ ဆရာဝန်နဲ့ အရင် တိုင်ပင်စေချင်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။