အသားအရေနှင့် အလှအပ

Jock itch ဆိုတာဟာ တကယ်တော့ ပေါင်ခြံမှာ မှိုစွဲတဲ့ ရောဂါဖြစ်ပါတယ်။ သူက ပွေးပုံစံတစ်မျိုးပါ။ ဒီမှိုက အရေပြားကို နီရဲကာ အရေပြားစတွေလန်နေတတ်တဲ့ ဒါမှမဟုတ် အနားသတ်မှာ အဖုသေးသေးလေးတွေရှိနေတဲ့ ယားယံတဲ့အကွက်တွေ ဖြစ်လာစေပါတယ်။ သူ့ကို ပေါင်ခြံပွေး လို့လည်း ခေါ််ပါတယ်။ ပေါင်ခြံပွေးက အဖြစ်များသလား ကမ္ဘာအနှံ့မှာ ဖြစ်လေ့ဖြစ်ထ အရမ်းများတဲ့ အခြေအနေပါ။ တခါတလေ ပူနွေးစိုစွတ်ပြီး သန့်ရှင်းမှုညံ့ဖျင်းတတ်တဲ့ ပတ်ဝန်းကျင်နဲ့ လူပေါင်းစုံအသုံးပြုတတ်တဲ့ အများသုံးရေချိုးခန်း၊ အများသုံးအဝတ်လဲခန်းလို နေရာမျိုးတွေမှာ ကူးစက်ရောဂါတစ်မျိုးလိုတောင် ဖြစ်နေတတ်ပါတယ်။ ပေါင်ခြံမှာ မှိုစွဲတဲ့ရောဂါ ရဲ့ လက္ခဏာများ ပေါင်အတွင်းဘက်လိုမျိုး စိုစွတ်တတ်တဲ့နေရာတွေမှာ ယားယံတဲ့ အနီရောင်အကွက်တွေဖြစ်လာတတ်ပြီး တင်ပါးနဲ့ စအိုဝတဝိုက်ကို ပြန့်သွားနိုင်ပါတယ်။ ပေါင်ခြံ၊ ကပ္ပာယ်အိတ်တို့လိုမျိုး အရေပြားခေါက်နေတဲ့နေရာတွေမှာလည်း စဖြစ်တတ်ပါတယ်။ ချွေးတွေစိုပြီး သန့်ရှင်းမှုမရှိတဲ့ လေ့ကျင့်ခန်း ဝတ်စုံတွေ၊ မသန့်ရှင်းတဲ့ အတွင်းခံတွေကြောင့် ရနိုင်ပါတယ်။ […]

ခရုသင်းသမင်ဖြူဆိုတာဘာလဲ။ ခရုသင်းသမင်ဖြူသည် အရေပြားပေါ်တွင် အကွက်လိုက်အရောင်ပြောင်းသွားသောရောဂါဖြစ်သည်။ အရေပြားအရောင်ပျောက်/ဖျော့သောနှုန်းကိုခန့်မှန်း၍မရပါ။ ဆံပင်၊ ခံတွင်းနှင့် မျက်လုံးအပါအဝင် ခန္ဓါကိုယ်၏ အရေပြားမည်သည့်နေရာတွင်မဆိုဖြစ်နိုင်သည်။ ခရုသင်းသမင်ဖြူမည်သည့်အသားအရေမျိုးတွင်မဆိုဖြစ်နိုင်ပြီးအသားညိုသူများတွင်ပိုသိသာသည်။ ထိုရောဂါသည် အသက်အန္တရာယ်မရှိပါ။ ကူးစက်တတ်သောရောဂါမျိုးလည်းမဟုတ်ပါ။ သို့သော်လည်းသင့်အတွက် အနေခက်စေလိမ့်မည်။ ရောဂါလက္ခဏာများ ခရုသင်းသမင်ဖြူဘာကြောင့်ဖြစ်ရလဲ။ အရေပြား၏ရောင်ခြယ်ပစ္စည်းတမျိုးဖြစ်သောမယ်လနင် (Melanin)မရှိသောနေရာများတွင်ကွက်၍ ခရုသင်းသမင်ဖြူဖြစ်ရခြင်းဖြစ်သည်။ မယ်လနင်ကို Melanocyte ဟုခေါ်သောအရေပြားဆဲလ်တမျိုးမှထုတ်ပေးပြီး၎င်းသည် အသားရေအရောင် နှင့် နေရောင်ဒဏ်မှကာကွယ်နိုင်ရန်အကူအညီပေးသည်။ Melanin မရှိရခြင်းအကြောင်းကိုတိကျစွာမသိသေးသော်လည်း ခန္ဓါကိုယ်၏ခုခံအားစနစ် နှင့် အရေပြားရှိအာရုံကြောများမူမမှန်ခြင်းကြောင့်ဖြစ်သည်ဟုယူဆပါသည်။ မိသားစုဝင်ထဲတွင် ရောဂါဖြစ်ဖူးသူရှိလျှင် ၊ ခန္ဓါကိုယ်၏ခုခံအားစနစ်မူမမှန်ခြင်းကြောင့် သိုင်းရွိုက်ဟော်မုန်းလွန်ကဲသောရောဂါရှိလျှင်ခရုသင်းသမင်ဖြူဖြစ်နိုင်ချေပိုများသည်။ ခရုသင်းသမင်ဖြူသည် ကူးစက်တတ်သောရောဂါမဟုတ်သည့်အတွက် ရောဂါရှိသူနှင့် ထိတွေ့ရုံမျှနှင့်မကူးစက်ပါ။ သင့်ဆံပင်၊ ခံတွင်းနှင့် မျက်လုံးများအရောင်ဖျော့လာသည်ဟုသံသယရှိပါက ဆရာဝန်နှင့်တိုင်ပင်ပါ။   ခရုသင်းသမင်ဖြူကိုဘယ်လိုကုသမလဲ။ နဂိုအရေပြားအရာင်ရရှိရန် ကုသနည်းများစွာရှိသော်လည်းရလဒ်ကိုခန့်မှန်း၍မရနိုင်ပါ။ ဘေးထွက်ဆိုးကျိုးများလည်းခံစားရနိုင်ပါသည်။ ထို့ကြောင့် သင့်ဆရာဝန်က ပထမဦးစွာနေပူစာလှုံခြင်းနှင့် မိတ်ကပ်အချို့ကိုအသုံးပြုရန် အကြံဉာဏ်ပေးကောင်းပေးနိုင်ပါသည်။ ဆေးသို့မဟုတ် အခြားသောနည်းများဖြင့်ကုသမည်ဆိုလျှင် သိသာသောအကျိုးရလဒ်ရရန် လအတန်ကြာမြင့်ပါလိမ့်မည်။ အကျိုးမထူးခင်ပင် သင်သည် အခြားသောနည်းလမ်းတမျိုးဖြင့် ပြောင်း၍ကုသကောင်းကုသနေနိုင်သည်။ ဆေးများ ခရုသင်းသမင်ဖြူသည် Melanin မရှိခြင်းကြောင့်ဖြစ်ရာတွင်၎င်းကိုရပ်တန့်စေသောဆေးမရှိပါ။ သို့သော် အချို့ဆေးများသည် […]

Autoimmune ရောဂါတွေဆိုတာ ခန္ဓါကိုယ်ရဲ့ ကိုယ်ခံအားစနစ်က မိမိတစ်သျှူးတွေကို မှားယွင်းတိုက်ခိုက်တဲ့အခြေအနေပါ။ အကြောင်းအမျိုးမျိုးပေါ်မူတည်ပြီး ထိုအခြေအနေက ကိုယ်တွင်းအင်္ဂါတွေ၊ အရိုး၊ အဆစ်၊ ကြွက်သားနဲ့ တခြားတစ်သျှူးများအပါအဝင် ခန္ဓါကိုယ်ရဲ့အစိတ်အပိုင်း အများအပြားကိုထိခိုက်စေနိုင်ပါတယ်။ ထို autoimmune ရောဂါတွေရဲ့ အများအားဖြင့် တိုက်ခိုက်ခံရတာတော့ အရေပြားဖြစ်တယ်၊ ထိုကနေ အရည်ဖုတွေပေါ်တတ်တဲ့ အခြေအနေတစ်ရပ်ဆီ ဦးတည်သွားပါတော့တယ်။ Autoimmune ရောဂါဆိုတာဘာလဲ ခန္ဓါကိုယ်ရဲ့ ကိုယ်ခံအားစနစ်ဟာ ပုံမှန်အားဖြင့် ခန္ဓါကိုယ်အတွက် အန္တရာယ်ဖြစ်စေမယ့် ပြင်ပအရာတွေ၊ အဆိပ်ဖြစ်စေတဲ့ပစ္စည်းတွေကို ချေမှုန်းပစ်ဖို့၊ ဒါမှမဟုတ် အားလျော့သွားစေဖို့ ပဋိဇီဝပစ္စည်းလို့ခေါ်တဲ့ အထူးပြုလုပ်ထားတဲ့ ပရိုတင်းတွေထုတ်ပေးလေ့ရှိပါတယ်။ ထိုခန္ဓါကိုယ်ရဲ့ ကိုယ်ခံအားစနစ်က မှားယွင်းပြီး ကျန်းမာနေတဲ့ တစ်သျှူးတွေကိုတိုက်ခိုက်မိတဲ့အခါ အရည်ကြည်ဖုတွေလို အဖုတွေ အရေပြားနဲ့တခြားအမြှေးပါးတွေမှာ ပေါ်လာပါတော့တယ်။ ဒီ autoimmnue blistering diseases (ကိုယ်ခံအားစနစ်မှားယွင်းတိုက်ခိုက်မှုကြောင့် အဖုတွေပေါက်ရတဲ့အခြေအနေ) မှာဆိုရင် အရေပြားအလွှာလေးတွေ […]

Dermatitis herpetiformis ဆိုတာဘာလဲ Dermatitis herpetiformis(DH) လို့ခေါ်တဲ့ ယားယံတတ်တဲ့အနီရောင်အရည်ကြည်ဖုလေးတွေပေါက်ခြင်း တစ်မျိုးဟာ ဒီတိုင်းငြိမ်နေဖို့ ခက်ခဲတဲ့အခြေအနေတစ်ခုပါ။ အဖုလေးတွေနဲ့ ယားယံခြင်းတွေဟာ တံတောင်ဆစ်၊ ဒူး၊ ဦးရေပြား၊ ကျော၊ တင်ပါး တို့မှာပေါ်လေ့ရှိပါတယ်။ Gluten လို့ခေါ်တဲ့ ကစီဓါတ်တစ်မျိုးနဲ့ မတည့်တာဖြစ်နိုင်ပြီး ပိုပြီးစိုးရိမ်စရာရှိတဲ့ အူဆိုင်ရာပြဿနာတစ်ခုခု (celiac disease) နဲ့ ဆိုင်နေနိုင်ပါတယ်။ DH ကို Duhring’s disease ဒါမှမဟုတ် gluten rash လို့လည်းခေါ်လေ့ရှိပါတယ်။ ထိုကဲ့သို့ရောဂါရှိသူဟာ စားသောက်မှုမှာ gluten(ဂလူတန်) ကိုသေချာရှောင်သင့်ပါတယ်။   ဘယ်လောက်အဖြစ်များလဲ အမျိုးသားတွေထက် အမျိုးသမီးတွေမှာပိုတွေ့ရတတ်ပေမယ့် အမျိုးသားတွေမှာ ပိုအဖြစ်များတာပါ။ အသက်၂၀၊ ၃၀ ဝန်းကျင်မှာစတင်တွေ့လာရတတ်ပြီး၊ ကလေးဘဝကတည်းက စတင်တာလည်းဖြစ်နိုင်ပါတယ်။ ဥရောပသားတွေမှာ တွေ့ရများတတ်ပြီး အာရှနဲ့ အာဖရိက လူမျိုးတွေမှာ သိပ်တွေ့ရလေ့မရှိပါဘူး။ ဖြစ်နိုင်ချေတက်စေတဲ့ အချက်တွေကိုရှောင်ခြင်းဖြင့် ထိန်းချုပ်နိုင်မှာပါ။ […]

လူတော်တော်မျာများမှာ ဦးရေပြားနဲ့ပတ်သတ်တဲ့၊ ဆံပင်နဲ့ပတ်သတ်တဲ့ ပြဿနာတွေအသီးသီးရှိကြပါလိမ့်မယ်။ ဆံပင်ပါးတာ၊ ဆံပင်ကျွတ်လွယ်တာ၊ ဆံပင်တွေကျိုးပြတ်တာ၊ အရှည်နှေးတာ စသည်ဖြင့်ပေါ့။ ဗောက်ထခြင်းဟာလည်း ရှက်ဖို့ကောင်းပြီး စိတ်ညစ်စရာအခြေအနေတစ်ခုပါပဲ။ ဆံပင်နဲ့ဦးရေပြားပြဿနာတွေဟာ စိတ်ရှုပ်ရပါတယ်။ ဒါပေမယ့် ကျန်းမာရေးပြဿနာကြီးကြီးမားမားတော့ မဖြစ်စေပါဘူး။ ဆံပင်ကျွတ်ခြင်း ဆံပင်ကျွတ်ခြင်း၊ ဆံပင်ပါးခြင်း ဆံပင်တွေကျိုးကြေခြင်းဟာ ကြုံရလေ့ရှိတဲ့ ဦးရေပြားပြဿနာတစ်ခုတွေပါ။ လူအများစုဟာ တစ်ရက်မှာ ဆံပင် ၅၀ မှ ၁၀၀ ထိဆုံးရှုံးနေကြပါတယ်။ အသက်တွေကြီးလာတဲ့အခါ ဆံပင်တွေတဖြေးဖြေးကျဲပါးလာတယ်။ လူတိုင်းတော့မဟုတ်ပေမယ့်ပေါ့…။ မျိုးရိုးဗီဇအရ ဆံပင်ပါးခြင်း၊ ထိပ်ပြောင်ခြင်းတွေဟာ ဆံပင်ပါးရခြင်းရဲ့ အကြောင်းအရင်းတွေဖြစ်လေ့ရှိပါတယ်။ ထိုဗီဇရှိတဲ့အမျိုးသမီးတွေမှာ ဆံပင်ပါးတတ်ပြီး အမျိုးသားတွေဆိုရင်တော့ လုံးဝကိုထိပ်ပြောင်သွားတော့တာပါပဲ။ ထိုအခြေအနေက ဆယ်ကျော်သက်၊ ၂၀ ဝန်းကျင်၊ ၃၀ ဝန်းကျင်တွေကနေ စတင်နိုင်တယ်။ ဟော်မုန်းတွေပြောင်းလဲမှုကြောင့် ကလေးမွေးပြီး ဒါမှမဟုတ် နို့တိုက်ပြီး ၁လကနေ ၆လအတွင်းမှာလည်း အမျိုးသမီးတွေဆံပင်တွေကျွတ်တတ်ပါတယ်။ ကလေးငယ်လေးတွေမှာလည်း ဆံနုလေးတွေကျွတ်သွားပြီး […]

ရိုစေးရှား (Rosacea) ဆိုတာ အန္တရာယ်တော့မများတဲ့ နာတာရှည်အရေပြားရောဂါအခြေအနေတစ်ခုပါ။ အန္တရာယ်မများဘူးဆိုပေမယ့် မိမိပုံပန်းသဏ္ဍာန်အပေါ် ယုံကြည်ချက်ပြန်ရှိလာဖို့အတွက် အလျင်အမြန်ကုသတာကောင်းပါလိမ့်မယ်။ ရိုစေးရှား (Rosacea) လက္ခဏာတွေနဲ့အမျိုးအစား Rosacea ရှိတဲ့လူတွေဟာ သူတို့အသားအရေက တခြားလူတွေထက်ပိုပြီးလွယ်လွယ်နဲ့ ခဏခဏနီရဲလာတတ်တာကို သတိထားမိပါလိမ့်မယ်။ မျက်နှာမှာသွေးကြောတွေမြင်နေရတာ၊ ဒါမှမဟုတ် ပြည်တွေစုနေတဲ့အဖုတွေပေါ်လာတာမျိုးတွေ ကြုံဖူးကြပါလိမ့်မယ်။ ထိုအရာတွေက မျက်နှာမှ နားတွေ၊ ရင်ဘက်နဲ့ နောက်ကျောဘက်ဆီထိပျံ့သွားနိုင်ပါတယ်။ ထိုကဲ့သို့ အရေပြားနုတာကြောင့် သူတို့အသားအရေဟာ အလှကုန်ပစ္စည်းတွေကို လိုတာထက်ပိုပြီးတုံ့ပြန်ပါလိမ့်မယ်။ ရိုစေးရှား (Rosacea) လေးမျိုးရှိပါတယ်။ တစ်မျိုးဆီမှာ လက္ခဏာတွေ ကုသမှုတွေ ကွဲပြားကြတယ်။ ဘယ်အမျိုးအစားလဲသိဖို့အတွက်က အရေပြားဆရာဝန်နဲ့တွေ့ပြီး သင့်တော်တဲ့ကုသမှုမျိုးရှာဖို့က အရေးကြီးပါတယ်။ ဘယ်လိုလူမျိုးတွေမှာဖြစ်တတ်လဲ လူတိုင်းမှာရတတ်ပေမယ့် အသက် ၃၀ နဲ့ ၅၀ ကြား အသားဖြူတဲ့လူတွေမှာ ပိုဖြစ်တတ်ပါတယ်။ ဒါ့အပြင် အမျိုးသမီးတွေက အမျိုးသားတွေထက် ပိုအဖြစ်များပြီး လက္ခဏာတွေကတော့ အမျိုးသားတွေမှာ ပိုဆိုးတတ်ပါတယ်။ ဒီရောဂါမှာ […]

ရိုစေးရှား (Rosacea)ကိုဖြစ်စေနိုင်သော အကြောင်းအရာများ ရိုစေးရှား (Rosacea) ဆိုတာ အရေပြားနီရဲတဲ့ အခြေအနေတစ်ခုပါ။ သွေးကြောများ၊ အစက်ငယ်လေးများပေါ်လာတတ်ပြီး ပူစပ်ပူလောင်ဖြစ်ခြင်း၊ စူးခြင်းခံစားချက်များနဲ့ တွဲတတ်ပါတယ်။ လက္ခဏာတွေမကြာခဏပေါ်ပြီး အရေပြားကိုရောင်ရမ်းကာ အဖုအထစ်တွေကျန်ခဲ့စေနိုင်ပါတယ်။ ရိုစေးရှား (Rosacea) ဟာ တစ်ခါတရံ အရေပြားဆီသွေးလျှောက်မှုများစေသော အချက်တွေကြောင့် ဖြစ်လာတတ်တာကြောင့် ထိုအချက်တွေကိုရှောင်ကြဉ်ခြင်းဖြင့် လျှော့ချနိုင်ပါလိမ့်မယ်။ ဖြစ်စေနိုင်သော အချက်တချို့ကတော့- အစားအသောက်များ- • အရက် • အပူအစပ်အစားအစာများ • သောက်စရာ အပူများ • စားစရာ အပူများ (အထူးသဖြင့်ရာသီဥတုပူချိန်တွင်) • သံပုရာသီး၊ လိမော်သီး၊ ခရမ်းချဉ်သီး၊ ငှက်ပျောသီး၊ ဆီးသီးအနီ၊ စပျစ်သီးခြောက် များကဲ့သို့ တချို့သောအသီးအနှံများ • ရှာလကာရည်စိမ်ထားသောအသားများ • တချို့သောဟင်းသီးဟင်းရွက်များ • နို့နှင့်နို့ထွက်ပစည်း လှုပ်ရှားမှုများ • နေလောင်ခံခြင်း • ပြင်းထန်သောကိုယ်လက်လှုပ်ရှားမှုများ • ရေနွေးစိမ်ခြင်း၊ ချွေးထုတ်ခန်းသွားခြင်း ရာသီဥတုအခြေအနေ • ပူလွန်းခြင်း • အေးလွန်းခြင်း • စွတ်စိုထိုင်းမှိုင်းခြင်း • လေပြင်းခြင်း • နေရောင်ပြင်းခြင်း စိတ်ခံစားချက်များ • စိတ်ဖိစီးမှု၊ စိတ်ပင်ပန်းမှု • ရုတ်တရတ်ခံစားချက်ပြောင်းလဲခြင်း- […]

အပျိုဖော် လူပျိုဖော်ဝင်ချိန်မှာ ဝက်ခြံတွေပေါက်လာတတ်တာသဘာဝပါ။ ဆယ်ကျော်သက်တွေကြားမှာ အတွေ့ရဆုံးဖြစ်ပြီး ၇၀ မှ ၈၇ ရာခိုင်နှုန်းလောက်ထိ ပျံ့နှံ့မှုရှိပါတယ်။ ဖြစ်ပွားမှုနှုန်းတက်လာပြီး ပိုငယ်တဲ့အရွယ်မှာတောင် ဝက်ခြံပေါက်လာပါပြီ၊ ဒါပေမယ့် အပျိုဖော် လူပျိုဖော်ဝင်ချိန်ကျော်သည်ထိ ဝက်ခြံတွေပေါက်နေတုန်းပဲဆိုရင်တော့ cystic acne လို့ခေါ်တဲ့ ဝက်ခြံတစ်မျိုးဖြစ်နိုင်နေပါပြီ။ ကုသလို့ရတာမို့ ပျောက်အောင်စောင့်မနေပါနဲ့၊ နှစ်နဲ့ချီကြာတတ်တဲ့အတွက် သင်လည်းစောင့်ချင်မှာမဟုတ်ပါဘူး။ cystic acne(ဆစ်စတစ်ဝက်ခြံ) ဆိုတာဘာလဲ တခြားဝက်ခြံတွေလိုပဲ cystic acne ဟာလည်း အပေါက်တွေပိတ်တာကြောင့်ရတာပါ။ ထိုအခါ အဆီတွေ၊ ဖုန်တွေနဲ့ ဆဲလ်အသေတွေက ထိုအပေါက်တွေထဲစုပုံသွားပါတယ်။ တခါတလေ ဘတ်တီးရီးယားတွေလည်းဝင်နေတတ်တယ်။ Cystic acne တနည်း Cyst acne ဟာ ဝက်ခြံတွေထဲမှာ အပြင်းဆုံးဝက်ခြံတစ်မျိုးပါ၊ အဆီတွေ ဆဲလ်အသေတွေပုံလာတဲ့အခါ ဖြစ်တတ်ပါတယ်။ ဘတ်တီးရီးယားတွေ အရေပြားထဲနက်နက်တိုးဝင်သွားတဲ့အခါ ပြည်တွေစုပြီး ရောင်ရမ်းနေတဲ့ အဖုအနီကြီးတွေ ပေါ်လာပါတယ်။ နာတတ် […]

Rhinophyma ခေါ် Bulbous Nose ခေါ် Phymatous rosacea ဟာ ရှားပါးသောအရေပြားရောဂါတစ်မျိုးပါ။ နှာခေါင်းမှာ နီရဲကြီးမားပြီး အဖုအထစ်တွေဖြစ်လာခြင်းဖြစ်တယ်။ တိကျတဲ့အကြောင်းအရင်းမသိရသေးဘဲ ပြင်းထန်တဲ့ rosacea(ရိုစာစီရာ) တွေရဲ့ နောက်ဆုံးအဆင့်မှာဖြစ်ပေါ်လေ့ရှိပါတယ်။ Rosacea ဆိုတာ တွေ့ရတတ်တဲ့ နာတာရှည် အရေပြားရောင်ရမ်းတတ်တဲ့ အခြေအနေတစ်ခုဖြစ်ပြီး မျက်နှာမှာမညီမညာအနီရောင်အကွက်တွေပေါ်တတ်တဲ့ အခြေအနေဖြစ်တယ်။ လက္ခဏာများ Rhinophyma ကနှာခေါင်းပုံစံ၊ အရွယ်ကို ပြောင်းလဲစေပါတယ်။ နှာခေါင်းရောင်လာ၊ နီရဲလာပြီး မညီမညာအဖုတွေပေါ်လာတာ သတိထားမိမှာပါ။ အရေပြားအပြင်လွှာကိုထူလာစေပြီး အလွယ်တကူနီရဲစေပါတယ်။ နှာခေါင်းနဲ့ ပါးပြင်မှ သွေးကြောငယ်လေးများရောင်ရမ်းခြင်းကြောင့်ဖြစ်ပြီး အဆီဂလင်းများ၊ ချွေးပေါက်များလည်း များပြားလာပါတယ်။ Rosacea ဆိုးလာတဲ့အဆင့်တွေမှာဖြစ်တတ်ပြီး မကုသဘဲထားပါက ပိုဆိုးတတ်ပါတယ်။ လက္ခဏာတွေ ပျောက်လိုက်၊ ပြန်ပေါ်လိုက်ဖြင့် လှည့်ပတ်နေတတ်တယ်။ ဖြစ်စေသောအကြောင်းများ ဖြစ်စေသောအကြောင်းတွေကို သေချာနားမလည်ထားပါဘူး။ အရင်က အမျိုးသားတွေမျာပိုဖြစ်တာကြောင့် အရက်ကြောင့်လိုထင်ခဲ့ကြပါတယ်။ သို့ပေမယ့် လတ်တလောလေ့လာချက်တွေကတော့ ထိုဆက်သွယ်ချက်ကို မထောက်ခံထားပါဘူး။ […]

အဓိပ္ပါယ်ဖွင့်ဆိုချက်Head Lice (ဦးခေါင်းသန်းတွယ်ခြင်း) ကဘာလဲ။ “သန်း” သတ္တဝါဟာ လူ့ဦးရေပြားပေါ်မှာ နေထိုင်ပြီး အလွန်သေးငယ်တဲ့ အင်းဆက်တမျိုးဖြစ်ကာ အစာအာဟာရအဖြစ် လူတွေရဲ့ သွေးကို စုပ်ယူပါတယ်။ ခေါင်းမှာသန်းတွယ်တာကို ဆေးပညာစာလုံးနဲ့ Pediculosis capitis လို့ ခေါ်ပါတယ်။ သန်း ဟာ လူတယောက်ရဲ့ ဆံပင်ကနေ နောက်တယောက်ရဲ့ ဆံပင်ပေါ်ကို တိုက်ရိုက်ကူးနိုင်ပါတယ်။   Head Lice (ဦးခေါင်းသန်းတွယ်ခြင်း) က ဘယ်လောက်အဖြစ်များသလဲ။ ဦးခေါင်းသန်းတွယ်တာဟာ အလွန်အဖြစ်များပြီး ကလေးတွေမှာ အများဆုံး ဖြစ်ပွားလေ့ရှိတယ်ဆိုပေမယ့် အသက်အရွယ်မရွေး သန်းတွယ်နိုင်ပါတယ်။ ရောဂါဖြစ်ပွားနိုင်တဲ့ အကြောင်းရင်းခံတွေကို လျှော့ချခြင်းအားဖြင့် ကာကွယ်နိုင်ပါတယ်။ အချက်အလက်များထပ်မံသိရှိဖို့အတွက် ဆရာဝန်နဲ့ တိုင်ပင်ဆွေးနွေးသင့်ပါတယ်။ လက္ခဏာများHead Lice (ဦးခေါင်းသန်းတွယ်ခြင်း) ရဲ့လက္ခဏာတွေကဘာတွေလဲ။ အတွေ့ရများတဲ့ လက္ခဏာတွေက သန်းတွယ်ပြီး ၂ပတ်ကနေ ၆ပတ်အကြာမှာ ဦးရေပြား၊လည်ပင်း နဲ့ နားရွက်တွေ ယားတာ။ ဦးရေပြားပေါ်က သန်းဟာ သေးငယ်ပြီး […]