အသားအရေနှင့် အလှအပ

မျက်နှာလေးက လှချင်ပါလျက် ရုပ်လေးကဖျက်တယ်တဲ့။ပြောမနာဆိုမနာ သူငယ်ချင်းတွေကြား စနောက်ကြတဲ့စကား။ ဒါပေမယ့် ဝက်ခြံရှိတဲ့သူလေးတွေအတွက် တကယ်မှန်နေပါရော။ နဂိုမျက်နှာလေးက လှသားနဲ့ ဝက်ခြံတွေကရှုပ်နေတဲ့အခါ ရုပ်ရည်အသွင်အပြင်မှာ အားနည်းချက်တစ်ခုလိုခံစားရစေပါတယ်။ ဝက်ခြံကင်းပြီး ကြည်ကြည်ရှင်းရှင်းလေးဆိုရင် သိပ်မချောလည်း လှနေမှာပါပဲ။ ဒီလိုအလှပျက်စေတဲ့ ဝက်ခြံတွေက ဘာလို့ဖြစ်လာရတာလဲ၊ ဘာလို့များမပျောက်ရတာလဲလို့ အမြဲကိုမေးချင်နေမှာနော်။ ဝက်ခြံပျောက်ဆေးတွေဝယ်သုံးလည်းဖြစ်နေတာပဲ။ ဘယ်လိုလုပ်ရမလဲဆိုတော့ အကြောင်းရင်းကို အရင်ဆုံးသိထားတာကောင်းပါတယ်။ အနည်းဆုံးတော့ မပျောက်သေးရင်တောင် ပိုမဆိုးအောင် ထိန်းလို့ရတာပေါ့။ ဝက်ခြံတွေ ဘာလို့ဖြစ်ရလဲ ဝက်ခြံဖြစ်စေတဲ့ အဓိကအကြောင်းရင်း (၄) ခုရှိပါတယ်။ မျက်နှာမှာ အဆီထွက်ရှိတာများနေတာကြောင့် ချွေးပေါက်တွေမှာ အဆီနဲ့ အရေပြားဆဲလ်သေတွေပိတ်ဆို့နေတာကြောင့် ဘက်တီးရီးယားကြောင့် Androgen ဟော်မုန်းကြောင့်ဖြစ်ပါတယ်။ ဝက်ခြံဖြစ်လာအောင် ဒါမှမဟုတ် ပိုဆိုးအောင် ပံ့ပိုးပေးနေတဲ့အရာတွေကတော့ - ဟော်မုန်း - Androgen ဟော်မုန်းတွေဟာယောကျာ်းလေးဖြစ်ဖြစ်၊ မိန်းကလေးဖြစ်ဖြစ် ပျိုဖော်ဝင်ချိန်မှာ ပိုများလာတတ်ပြီး အဆီဂလင်းလေးတွေကို ကြီးလာစေ၊ အဆီပိုထွက်စေတဲ့ဟော်မုန်းတွေပါ။ […]

မနက်အိပ်ရာနိုးလို့ မှန်ထဲကြည့်လိုက်မိရင်အရင်ဆုံး မျက်လုံးထဲကို ဝင်လာမှာက ဝက်ခြံတွေများလိုက်တာ။ စိတ်ညစ်တယ်။ မျက်နှာလေးကြည်ပြီး သန့်နေတာမျိုးဖြစ်ချင်လိုက်တာလို့ဖြစ်နေပြီလား။ ဝက်ခြံကြောင့် ငါက သူများတွေလိုမလှဘူး။ အပြင်သွားရင်လည်း သူများတွေလိုက်ကြည့်တာက ဝက်ခြံကြောင့်ပဲနေမှာပါ၊ လို့တွေးပြီး စိတ်ဓါတ်တွေများကျနေပြီလား။ တစ်ခါတလေရှိသေးတယ် ဝက်ခြံများလို့ စိတ်ညစ်နေတာကိုပျော်အောင် မနည်းနေနေရပါတယ်ဆိုမှ ဝက်ခြံတွေများတယ်နော်။ ဘာမှမသုံးဖူးလား။ ဆိုတဲ့ အမေးမျိုးကပြုံးပြီးသာဖြေနေရတယ်။ စိတ်ထဲတော့တော်တော်လေးအောင့်သက်သက်ရယ်။ ဒီပြဿနာတွေကြောင့် စိတ်ညစ်နေတယ်ဆိုရင်တော့ ဒီဆောင်းပါးလေးက သင့်အတွက်ပါနော်။ ဝက်ခြံ ဘာလို့ထွက် ဝက်ခြံဆိုတာက ညစ်ပတ်လို့ထွက်တယ်။ လို့ထင်နေသူတွေရှိပါတယ်။ တကယ်တော့ ဒီလိုမဟုတ်ပါဘူး။ဟော်မုန်းအပြောင်းအလဲ၊ စိတ်ဖိစီးမှု၊ အိပ်ရေးပျက်တာ၊ ပတ်ဝန်းကျင်က ညစ်ညမ်းတဲ့အရာတွေကြောင့် ၊ အဆီပြန်တာ နဲ့ချွေးပေါက်ကျယ်တာတွေကြောင့် ဝက်ခြံဖြစ်ရတာပါ။ အပျိုဖော်၊ လူပျိုဖော်ဝင်ချိန်မှာ ဝက်ခြံတွေဖြစ်တတ်ကြပါတယ်။ ဒါပေမယ့် ဝက်ခြံကပျောက်မသွားတဲ့အခါ စိတ်ဖိစီး၊ စိတ်ဖိစီးမှုကြောင့် ဝက်ခြံဖြစ်နဲ့ သံသရာလည်နေရောလေ။ ဒီဝက်ခြံတွေက စိတ်အနှောင့်အယှက်ဖြစ်စေနိုင်ပါတယ်။ ဝက်ခြံကြောင့် စိတ်ညစ်ခံမနေပါနဲ့တော့ ဝက်ခြံကြောင့် စိတ်ပျက်နေမယ့်အစား […]

နှုတ်ခမ်းသားလေးတွေ မည်းခြောက်နေလား။ စိတ်မပူနဲ့တော့နော်။ ဘာကြောင့် ဒီလို ပြောရတာလဲဆိုတာကိုတော့ အတူတူ ကြည့်လိုက်ရအောင်နော်။ နှုတ်ခမ်းရဲ့ နဂိုမူလအရောင်ဆိုတာ ပန်းရောင် ဒါမှမဟုတ် အသားရောင်လေးအတိုင်း ရှိနေပြီး ခြောက်တာမျိုးမဟုတ်ဘဲ စိုစိုလက်လက်လေး ဖြစ်နေရမှာပါ။ တချို့လူတွေမှာတော့ နေထိုင်စားသောက်မှုပုံစံတွေ၊ ကျန်းမာရေးအခြေအနေတွေကြောင့် မယ်လနင် (Melanin) လို့ခေါ်တဲ့ ရောင်ခြယ်ဆဲလ်တွေ အရေပြားပေါ်မှာ စုပုံလာတယ်။ ကြာလာတော့ နှုတ်ခမ်းသားက ပုံမှန်အရောင် ပျောက်သွားပြီး အရောင်မှိုင်းလာတော့တာပေါ့။ မယ်လနင်ဆဲလ်တွေကို ကိုယ်ခန္ဓာက များများထုတ်ဖို့ တွန်းအားပေးဖြစ်စေတဲ့ အချက်တွေကတော့ နေရောင်ခြည်နဲ့ အရေပြား တိုက်ရိုက်ထိတွေ့မှု များတာ ရေဓာတ်ခမ်းခြောက်တာ ဆေးလိပ်သောက်တာ ကိုယ့်အသားအရေနဲ့ ဓာတ်မတည့်တဲ့ သွားတိုက်ဆေး၊ နှုတ်ခမ်းနီတွေ အသုံးပြုတာ ကဖင်းဓာတ် ပါတဲ့ ဖျော်ရည်၊ ကော်ဖီသောက်လွန်းတာ နှုတ်ခမ်းကို အမြဲလျှာနဲ့သပ်နေတာ စတဲ့ အမူအကျင့်တွေကြောင့်ပဲ ဖြစ်ပါတယ်။ ကင်ဆာဆေးသွင်း ကုသခံနေရသူတွေ၊ […]

မိုးလေးအေးလို့ နွေပူပူမှာလို အသားမမည်းတော့ဘူး၊ အဆီမပြန်တော့ဘူး။ ဝက်ခြံတွေတော့ သက်သာသွားတော့မှာပဲလို့ တွေးပျော်နေသူလေးတွေရှိနေလား။ အပျော်ကြီးမပျော်လိုက်ပါနဲ့ဦးနော်။ မုတ်သုံက နွေလောက်မပူတာမှန်ပေမယ့် အရေပြားပြဿနာတွေ ကင်းသွားဖို့တော့ မဖြစ်နိုင်ပါဘူး။ ဒီတော့ မိုးရာသီမှာ ဝက်ခြံ တွေပိုမဆိုးစေဖို့ ဒီလိုလေးနေထိုင်ကြရအောင်လား..... မိုးရာသီမှာ ဝက်ခြံ တွေပိုမဆိုးစေဖို့ မုတ်သုံမှာ ဝက်ခြံတွေက သက်သာမသွားဘဲ ပိုဆိုးလာနိုင်ပါတယ်။ ပတ်ဝန်းကျင်က အေးနေတာ၊ စိုထိုင်းဆတွေ များနေတာကြောင့် ဝက်ခြံအပါအဝင် အခြားအရေပြားပြဿနာတွေပါ ခံစားရနိုင်ပါသေးတယ်နော်။ မိုးရာသီမှာ ဝက်ခြံ တွေပိုမဆိုးစေဖို့ ရင်တော့ ဒီအချက်လေးတွေကို လိုက်နာပေးဖို့လိုပါမယ်နော်။ သန့်စင်ပါ ဒါက ရာသီတိုင်းအတွက် အရေးပါပါတယ်။ မုတ်သုံဆိုပေမယ့်လည်း အရေပြားမှာ ဖုန်မှုန့်နဲ့ အညစ်အကြေးတွေကပ်ညှိနေနိုင်သလို ဘက်တီးရီးယားနဲ့ ဆဲလ်သေတွေ၊ အဆီတွေလည်းရှိနေနိုင်ပါတယ်။ ဒါတွေက ချွေးပေါက်တွေကို ပိတ်ဆို့ပြီး ဝက်ခြံ တွေကို ပိုဆိုးစေနိုင်ပါတယ်။ ဒါကြောင့် မျက်နှာကို […]

အသားအရေက မွဲခြောက်ခြောက်ဖြစ်နေတယ်။ ဝက်ခြံတွေကလည်းနေ့တိုင်းကိုဖြစ်နေတယ်။ ကိုယ့်အသားအရေကိုကြည့်ပြီး စိတ်ညစ်လိုက်တာလို့ဖြစ်နေပြီလား။ အသားအရေညစ်တာ၊ ဝက်ခြံထွက်ရတာက တစ်ခါတလေမှာ အနေအထိုင်အစားအသောက်တွေကြောင့်ဖြစ်နိုင်သလို ကိုယ်တွင်းမှာ အဆိပ်အတောက်တွေ များနေတာကြောင့်လည်းဖြစ်နိုင်ပါတယ်။ ဒီတော့ ကြည်လင်ပြီး ဝက်ခြံကင်းတဲ့ အသားအရေလေးဖြစ်စေဖို့ Detox Waterသောက်ကြည့်ရအောင်လား။ အသားအရေအတွက် Detox Water ဝက်ခြံကင်းပြီး အသားအရေလှစေဖို့ရေသောက်ပါဆိုလို့ မနက်ကနေစပြီး ညအိပ်ရာဝင်ခါနီးအထိသောက်ပါတယ်။ ဒါပေမယ့်လည်း ဝက်ခြံကပျောက်သွားတယ်ရယ်မရှိသလို အသားအရေကလည်း မစိုပြေဘူးဆိုရင်တော့ ဒီနည်းလေးတွေက အသုံးတည့်မှာပါနော်။ သခွားသီး၊ သံပရိုသီး၊ ပူစီနံ Detox Water ခန္ဓါကိုယ်ကျန်းမာပြီး လှပစိုပြေတဲ့ အသားအရေပိုင်ဆိုင်စေဖို့သောက်သင့်ပါတယ်။ လိုအပ်တဲ့ရေဓါတ်ဖြည့်ပေးပြီး ကိုယ်တွင်းအဆိပ်အတောက်တွေကို အထိရောက်ဆုံးဖယ်ရှားနိုင်မှာပါ။ သခွားသီးက ခန္ဓါကိုယ်ရေဓါတ်ကိုဖြည့်ပေးပြီး ကိုယ်တွင်းစနစ်တွေထဲက အဆိပ်အတောက်တွေကို အထိရောက်ဆုံးဖယ်ရှားပေးနိုင်ပါတယ်။ ပူစီနံက အစာခြေစနစ်ကို ကျန်းမာစေနိုင်ပြီး သံပရိုသီးက အသားအရေကိုကြည်လင်စေပြီး အသည်းနဲ့ အူသိမ်ထဲက အဆိပ်အတောက်တွေကို ဖယ်ရှားပေးနိုင်ပါတယ်။ ဒီ၃ ခုကို အချိုးကျကျရောစပ်ပြီးရေတစ်လီတာ […]

ဆံပင်တို့ မျက်ခုံးမွှေးတို့ဆိုတာ လူတိုင်း နှစ်သက်ကြ၊ လှအောင်ပြင်ချင်ကြတဲ့အရာတွေပါ။ ကိုယ်ပေါ်မှာကလည်း ဆံပင် မျက်ခုံးမွှေးလောက်ပဲ လူတွေက လိုချင်ကြတာဆိုတော့ အခြားနေရာက မလိုချင်တဲ့ အမွှေးအမျှင် ေတွကို ဖယ်ရှားဖို့ လုပ်ကြပါတော့တယ်။ ဒီတိုင်း ရိတ်တာတို့ နှုတ်တာတို့ဆိုရင် ပြန်ထွက်နိုင်တဲ့အတွက် ခုနောက်ပိုင်း လေဆာနဲ့ အမွှေးအမျှင်ဖယ်ရှားတာဟာ နာမည်ကြီးလာပါတယ်။ လူတိုင်းနဲ့ စိမ်းတဲ့ အရာတစ်ခုဖြစ်တဲ့အတွက် လေဆာကုထုံးနဲ့ ပက်သက်ပြီး မေးချင်တဲ့ မေးခွန်းတွေ များနေလိမ့်မယ်လို့ထင်ပါတယ်။ ။ အခြားနည်းတွေလည်းရှိရက်သားနဲ့ လေဆာနဲ့ အမွှေးအမျှင်ဖယ်ရှားတဲ့နည်းက ဘာလို့ နာမည်ကြီးတာလဲ ။ ။ နှုတ်ခမ်းမွှေး၊ ြေခသလုံးမွှေး ချိုင်းမွှေးနဲ့ စည်းခုံမွှေးတို့ဟာ လူတိုင်း မလိုချင်တဲ့ အမွှေးအမျှင်တွေဆိုတော့ သူတို့ကို ဖယ်ရှားဖို့အတွက် ရိတ်ကြ၊ နှုတ်ကြတာတွေကို လုပ်ရပါတယ်။ ဒါပေမယ့် ဒီလို ရိတ်တာ၊ နှုတ်တာတွေက ယာယီလောက်သာ […]

ပွေးဆိုတာ အရေပြားချင်း ထိတွေ့ရာမှ ကူးစက်ဖို့ အရမ်းလွယ်ကူတဲ့ ရောဂါတွေထဲက တစ်ခုပါ။ အထူးသဖြင့် ခြေထောက်မှိုစွဲ ရောဂါဆိုရင် အရေပြားချင်း ထိမိရုံသာမက အများသုံး ရေချိုးခန်း၊ အိမ်သာကနေလည်း ကူးစက်နိုင်ပါတယ်။ သူ့ကို ခြေထောက်မှိုစွဲပွေးလို့လည်းခေါ်သလို ခြေထောက် သဲဝဲစားတယ်လို့လည်းခေါ်လို့ရပါတယ်။ ပွေးရောဂါဆိုတာ သိပ်ပြီး စိုးရိမ်စရာ ကျန်းမာရေးပြဿနာတော့ မဟုတ်ပေမဲ့ ခံစားရတဲ့သူအတွက်တော့ ဒုက္ခက မသေးလှပါဘူး။ ယားယံတာကို မနေနိုင်ဘဲ လက်နဲ့ကုတ်မိလိုက်ရင်လည်း အသားက ပွန်းပဲ့ပြီး ပိုးဝင်သွားရင် ပိုပြီးတောင် ကုသဖို့ ခက်သွားနိုင်ပါတယ်။ ဒါကြောင့် အကောင်းဆုံးကတော့ ကိုယ့်မှာ ခြေထောက်မှိုစွဲ ပွေးရောဂါ ရှိနေတယ်လို့ သံသယရှိနေပြီဆိုရင်တော့ အရေပြားဆရာဝန်နဲ့ အမြန်ဆုံး ပြသဖို့ လိုပါတယ်။ ဘာတွေကြောင့် ခြေထောက်မှာ ပွေးပေါက်လာတာလဲ။ ပွေးဟာ ကိုယ်ခန္ဓာနေရာအနှံ့မှာ ပေါက်နိုင်တဲ့ ယားနာတစ်မျိုးပါ။ ဦးရေပြား၊ မျက်နှာ၊ လက်သည်း၊ […]

တက်တူးထိုး ဖူးတဲ့ သူတော်တော်များများက ဒီလိုယားယံမှုမျိုးကို ခံစားဖူးကြမှာပါ။ လတ်လတ်ဆတ်ဆတ် တက်တူးထိုးပြီးကာစမှာ အပ်နဲ့ မင်ရဲ့ ဒဏ်ကြောင့် အရေပြားအပေါ်ယံလွှာ ပျက်စီးပြီး တစ်ခါတစ်ရံ ယားယံခြင်း ဖြစ်တတ်ပါတယ်။ ဘယ်လောက်ပဲ ယားနေပါစေ တက်တူးထိုးထားတဲ့ အရေပြားကိုတော့ ကုတ်ဖဲ့တာတွေ မလုပ်သင့်ပါဘူး။ ပြန်ကောင်းဖို့ အရေပြားဆဲလ်တွေ အလုပ်လုပ်နေတဲ့အချိန်မှာ တက်တူးကိုလည်း ပျက်စီးစေနိုင်သလို အရေပြားပိုးဝင်တာတွေလည်း ဖြစ်နိုင်ပါတယ်။ တက်တူးထိုး တဲ့နေရာက ဘာလို့ယားရတာလဲ။ ၁။ ထိုးပြီးကာစမှာ ယားယံမှု ပိုအဖြစ်များပြီး တက်တူးထိုး ထားတာ တော်တော်ကြာရင်လည်း ယားတတ်ပါတယ်။ ထိခိုက်ပျက်စီးသွားတဲ့ နေရာကို ပြန်လည်ကုစားဖို့ အရေပြားက အလုပ်လုပ်နေတာကြောင့်လည်း ဖြစ်နိုင်သလို ပိုးဝင်တာလည်း ဖြစ်နိုင်ပါတယ်။ ၂။ တက်တူးထိုးလိုက်တဲ့အခါ ကျန်ခဲ့တဲ့ ဒဏ်ရာကို အရေပြားက ဖြည်းဖြည်းချင်းကုစားပါတယ်။ ဒဏ်ရာကြောင့် နီရဲနေတဲ့ အရေပြားထဲ ပိုးမဝင်ဖို့၊ အပေါ်ယံတစ်သျှူးတွေကို […]

ရုပ်ရှင်တွေထဲမှာ ကောင်လေးက သူ့ချစ်သူအတွက် ရေထဲမှာ နှင်းဆီပန်းပွင့်ေလးတွေ စိမ်ထားပြီး ရိုမန်းတစ်ဆန်ဆန် စီစဉ်ပေးတာမျိုး မြင်ဖူးကြမှာပါ။ မိန်းကလေးတွေအကြိုက် နှင်းဆီပွင့်ဖတ်လေးတွေကို ခြွေပြီး စိမ်ထားတဲ့ ရေနဲ့ချိုးလိုက်ရင် ဘယ်လိုကောင်းကျိုးတွေရနိုင်မလဲ၊ ဘာကြောင့် မိန်းကလေးတွေက ဒါကို သိပ်သဘောကျကြတာလဲဆိုတာနဲ့ ပတ်သက်ပြီး ပြောပြပေးချင်ပါတယ်။ နှင်းဆီပွင့်ဖတ်နှင့် ရေစိမ်ခြင်းအလေ့အထ နှင်းဆီပန်းပွင့်ကို ရှေးယခင် နှစ်ပေါင်းများစွာကတည်းက အလှကုန်ပစ္စည်းတွေ၊ အလှအပထိန်းသိမ်းမှုဆိုင်ရာမှာ အသုံးပြုခဲ့ကြပါတယ်။ ဓါတုဗေဒပစ္စည်းတွေ ပါဝင်တဲ့ ရေမွှေးအစား သင်းပျံ့တဲ့မွှေးရနံ့နဲ့ နှင်းဆီပန်းဟာ မိန်းကလေးတွေ အကြိုက်ပါပဲ။ နောက်ပိုင်း အလှကုန်တွေမှာသာမက အစားအစာနဲ့ ဖျော်ရည်ေတွမှာပါ နှင်းဆီပွင့်ဖတ်ကို ထည့်သွင်းအသုံးပြုလာကြပါတယ်။ နှင်းဆီပွင့်ဖတ်ကို သေချာလေးခြွေပြီး ရေစိမ်လိုက်တဲ့အခါ သူ့ထဲမှာ ပါနေတဲ့ ဗီတာမင်နဲ့ အာဟာရဓါတ်တွေက ရေထဲကိုစိမ့်ဝင်သွားပါတယ်။ အဲ့ရေနဲ့စိမ်လိုက်တဲ့အခါ စိတ်ကိုကြည်လင်လန်းဆန်းစေတယ်။ ကိုယ်သင်းရနံ့ကို မွှေးပျံ့စေတယ်။ အသားအရေ ဖြူစင်ဝင်းပလာစေပါတယ်။ ဒါကြောင့်လည်း မိန်းကလေးတွေက […]

မိုးလေးစ ရွာလာမှုနဲ့အတူ အပူတွေလျော့ပြီး ပတ်ဝန်းကျင်က စိမ်းစိုစပြုလာပြီ။ အရာရာက ကဗျာဆန်နေချိန်မှာ မိုးရေအောက်မှာ ထီးလေးဆောင်းရင်းခြေထောက်လှလှလေးတွေကို ကြည့်ပြီး လမ်းလျှောက်ရတာကိုသဘောကျကြလား။ မိုးရာသီက ခြေညှပ်ဖိနပ်လေးတွေ စီးရတာများတဲ့အချိန်မှာ ခြေထောက် က လှနေရင် တစ်ပန်းသာတာပဲနော်။ ခြေထောက်ကို လှနေစေဖို့ နည်းလမ်းလေးတွေ ပြောပြပေးပါမယ်။ မုတ်သုံမှာ ခြေထောက်လေး ကို ဒီလိုဂရုစိုက်ပါ မုတ်သုံမှာ ခြေထောက်လေး ကို ဒီလိုဂရုစိုက်ပါ ဘယ်လိုဂရုစိုက်ရမလဲဆိုတာကို ပြောပြပေးမယ်နော်။ မိုးရေက ခြေထောက်လေး တွေကို ထိခိုက်စေနိုင်လား မိုးရေက ခြေထောက်ကိုရော ခြေသည်းကိုပါ ထိခိုက်စေနိုင်တာပါ။ မိုးရာသီမှာ ဗွက်ထတဲ့အခါ၊ ရေတစိုစိုနဲ့ အကြာကြီးနေတဲ့အခါ ဘက်တီးရီးယားတွေနဲ့ အရေပြားကိုထိခိုက်စေနိုင်တဲ့ အရာတွေနဲ့ ထိတွေ့မှု များလာပါတယ်။ ဒီတော့ မုတ်သုံရာသီမှာ ခြေထောက်လေးကို ထိခိုက်မှုမရှိစေဖို့ သေချာလေးဂရုစိုက်သင့်ပါတယ်။ မိုးရေကြောင့် ခြေထောက်မှာ ရေဝဲစားနိုင်တယ်၊ သဲဝဲစားနိုင်တယ်၊ ခြေသည်းမှိုပိုးဝင်တာမျိုးဖြစ်စေနိုင်တယ်။ မုတ်သုံရာသီမှာ […]