စတော်ဘယ်ရီသီးအရွယ်တော် ၅ လုံးလောက်ကို ထက်ခြမ်းခြမ်းပြီးရေတစ်လီတာဗူးထဲမှာထည့်လို့ ရေခဲသေတ္တာထဲမှာ ၆ နာရီကြာစိမ်ပြီးသောက်လို့ရပါပြီ။ မသောက်ခင်မှာရေထဲကို သံပုရာသီးတစ်စိတ်လောက်ညှစ်ထည့်လိုက်ပါ။
ဘလူးဘယ်ရီနဲ့လိမ္မော်သီး Detox Water
ဝက်ခြံထွက်နေသူတွေအတွက် အထူးသင့်တော်ပါတယ်။ ဘလူးဘယ်ရီမှာ ဓါတ်တိုးဆန့်ကျင်ပစ္စည်းပါဝင်နေတာကြောင့် ဝက်ခြံရှိသူတွေအတွက် အဆင်ပြေစေမှာပါ။ လိမ္မော်သီးမှာပါတဲ့ ဗီတာမင် စီကအရေပြားကို အာဟာရဖြည့်ပေးပြီး ဝက်ခြံဖြစ်ပေါ်မှုကို ဟန့်တားပေးနိုင်ပါတယ်။
လိမ္မော်သီးတစ်လုံးကို အစိတ်လေးတွေမြွှာပါ။ ဘလူးဘယ်ရီ ၅ လုံးလောက်ကိုရေတစ်လီတာနဲ့ရောပြီး တစ်ရက်တိတိရေခဲသေတ္တာထဲမှာ ထည့်ထားပေးပါ။ ဝက်ခြံကင်းပြီး စိုပြေတဲ့ အသားအရေရရှိစေမှာပါ။
သံပရိုသီး၊ ရှားစောင်းလက်ပပ်၊ ပန်းသီးရှာလကာရည်၊ ပျားရည်၊ ပူစီနံ Detox Water
အသားအရေစိုပြေမှုမရှိလို့ စိတ်ညစ်နေသူတွေအတွက် အထူးသင့်တော်ပါတယ်။ ဗီတာမင် စီက အသည်းက အဆိပ်အတောက်တွေကိုဖယ်ရှားပေးပြီး ကိုယ်တွင်းကအဆိပ်အတောက်တွေကို အကောင်းဆုံးဖယ်ရှားသန့်စင်ပေးပါတယ်။ရောဂါပိုးတွေအန္တရာယ်ကနေကာကွယ်ပေးပြီး အရေပြားပြဿနာကင်းစေမှာပါ။ ပန်းသီးရှာလကာရည်က အူမကြီးကို သန့်စင်ပေးပြီး အသားအရေကို စိုပြေလှပစေမှာပါ။
ရေဖန်ခွက်နှစ်ခွက်စာကို သံပရိုသီးတစ်စိတ်ညှစ်ထည့်ပါ။ ပန်းသီးရှာလကာရည် လက်ဖက်ရည်ဇွန်း၊ ပျားရည်လက်ဖက်ရည်ဇွန်းတစ်ဇွန်း၊ ရှားစောင်းလက်ပပ်အနှစ် လက်ဖက်ရည်ဇွန်းတစ်ဇွန်း၊ ပူစီနံရွက်နည်းနည်းတို့ကိုရောလို့ ၃ နာရီလောက်ရေခဲသေတ္တာထဲထည့်စိမ်ထားပါ။ပြီးရင်တော့သောက်လို့ရပါပြီ။ အချိုမကြိုက်ဘူးဆိုရင် ပျားရည်မထည့်ဘဲသောက်လို့ရပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။