မွေးဖွားပြီးကာလကိုယ်တိုင် ဂရုစိုက်မှု

ကိုယ်ဝန်ဆောင်နေချိန် ဗိုက် တဖြည်းဖြည်း ကြီးလာတဲ့အခါ ဗိုက်က ကြွက်သားတွေ ပုံပျက် သွားကြရတာ ဓမ္မတာ ပါပဲ။ ဒါပေမဲ့ ကလေးမွေးပြီးနောက်မှာ ဗိုက်ပူပြီး ကျန်ခဲ့တာမျိုးကို ဘယ်သူမှ မဖြစ်ချင်ကြ ပါဘူး။ ဗိုက်အရှေ့ ကြွက်သားများ တနည်း ဆိုရသော် six packs muscles တွေ ပြန်လည် တင်းရင်း ချပ်ရပ်ဖို့ အတွက် ကလေးမွေးပြီးနောက် အိမ်တွင် ပြုလုပ်သင့်သော ပေါ့ပေါ့ပါးပါး လေ့ကျင့်ခန်း ၅ မျိုး ကို ဖော်ပြပေးလိုက် ပါတယ်။ ကလေးမွေးပြီးနောက် အိမ်တွင် ပြုလုပ်သင့်သော ပေါ့ပေါ့ပါးပါး လေ့ကျင့်ခန်း ၅ မျိုး ကလေးမွေးပြီးနောက် ပြုလုပ်သင့်သော ပေါ့ပေါ့ပါးပါး လေ့ကျင့်ခန်း ၅ မျိုး ကတော့ ၁။ Diaphragmatic breathing အသက်ကို ဝအောင် ရှူပါ။ […]

အကြောပြတ်တယ်ဆိုတာ ကိုယ်ဝန်ဆောင်ဖူးထားတဲ့ အမျိူးသမီးတစ်ယောက်အတွက်တော့ ကြိုမျှော်လင့်ထားရမယ့်အရာတစ်ခုပါ။ ကိုယ်ဝန်ဆောင်ချိန်မှာ ခန္ဓာကိုယ်က ပုံမှန်ထက် ရုတ်တရက်ပိုကြီးထွားဖွံ့ဖြိုးလာပါတယ်။ အဲဒီအခါ အပေါ်က ဖုံးထားတဲ့အရေပြားကို ဆွဲဆန့်လိုက်သလိုဖြစ်ပြီး အရေပြားရဲ့ အလယ်အလွှာ ဒါမှမဟုတ် အရေပြားအောက်က တစ်ရှူးတွေကို ဆွဲဖြဲလိုက်သလိုဖြစ်တဲ့အတွက် အဲဒီအပြဲတွေကို အရေပြားရဲ့အပေါ်လွှာကနေ မြင်နိုင်တာမျိူးပါ။ ကိုယ်ဝန်ဆောင်မီးဖွားပြီးတဲ့နောက် ပေါ်လာတဲ့ အကြောပြတ်ရာတွေ က သဘာဝဆိုပေမယ့် လူအတော်များများက ကိုယ့်ခန္ဓာကိုယ်ပေါ်မှာ မြင်ရတာမနှစ်မြို့ကြပါဘူး။ အကြောပြတ်ရာတွေက ကိုယ်ဝန်ဆောင်နေစဉ်နဲ့ ကလေးမွေးပြီးချိန်တွေမှာ အဖြစ်များပေမယ့်  ကိုယ်ဝန်ဆောင်မဟုတ်ဘဲလည်း အကြောပြတ်နိုင်ပါတယ်။ ကိုယ်အလေးချိန်ရုတ်တရက်တိုးလာတာ၊ (လေ့ကျင့်ခန်းလုပ်လို့ ကြွက်သားထု ရုတ်တရက်တက်လာတာဖြစ်ဖြစ်၊ ရုတ်တရက် အဆီတွေနဲ့ ၀လာတာဖြစ်ဖြစ်) အကြောပြတ်နိုင်ပါတယ်။ ဆယ်ကျော်သက်တွေမှာလဲ ရုတ်တရက်ကြီးထွားနှုန်းမြင့်လာတဲ့ အချိန်မျိုးတွေမှာ အကြောပြတ်နိုင်ပါတယ်။ ဒါပေမယ့် ကိုယ်ဝန်ဆောင်အမျိုးသမီးတွေမှာတော့ အဓိကအတွေ့များပြီး ကိုယ်ဝန်ဆောင် ကိုးဆယ်ရာခိုင်နှုန်းမှာဖြစ်နိုင်ပါတယ်။ ဒါ့အပြင် အကြောပြတ်ခြင်းဟာ မျိုးရိုးဗီဇနဲ့လဲ အများကြီး သက်ဆိုင်ပါတယ်။ ဒါကြောင့် […]

ပထမ ရင်သွေးလေးက တစ်နှစ်ပြည့်ပြီ။ မေမေရဲ့ မိသားစု အစီအစဉ်က သားသားမီးမီးလေး ၂ ယောက်ယူဖို့ ဆုံးဖြတ်ထားတာမို့ နောက်ကလေးတစ်ယောက်ယူဖို့ဆုံးဖြတ်ထားတယ်။ ဒီလိုနဲ့ ဘေဘီလေး တစ်နှစ်ခွဲ လောက်မှာ နောက်ထပ် ဘေဘီလေးကို ကိုယ်ဝန်ဆောင်ထားရတယ်။ ရှေ့က ကလေးကိုလည်း ၂ နှစ် အထိမိခင်နို့ ဆက်တိုက်ချင်တယ်။ ဗိုက်ထဲက ဘေဘီလေးကိုလည်း မထိခိုက် စေချင်တဲ့ မေမေတွေရှိလား.......... ဒါဆိုရင် ဒီဆောင်းပါးလေးက မေမေတို့အတွက် ပါနော်။ ကိုယ်ဝန်ဆောင်နေချိန် မိခင်နို့ ဆက်တိုက်မယ်ဆိုရင် ကိုယ်ဝန်ဆောင်ချိန်မှာ မိခင်နို့ဆက်တိုက်တာက စိတ်ချရလားဆိုရင်တော့ စိတ်ချရပါတယ်။ တစ်ခုရှိတာက ကိုယ်ဝန်ဆောင်ချိန်မှာ မိခင်နို့က အရောင်နဲ့ အရသာပြောင်းလဲလာတာမျိုးတော့ရှိနိုင်ပါတယ်။ အာဟာရ ပါဝင်မှုကတော့ မပြောင်းလဲပါဘူး။ ကိုယ်ဝန် ၄ လက၊ ၅လလောက်ရောက်လာတဲ့အခါ နို့အရသာက သိသိသာပြောင်းလာနိုင်ပါတယ်။ နောက်တစ်ချက်က ကိုယ်တွင်းမှာ အောက်ဆီတိုစင်ဟော်မုန်းထွက်ရှိတာကြောင့် နို့ထွက်နည်းတာနဲ့ […]

ခုကိုယ်ဝန်ဆောင်နေဆဲ မေမေတွေပဲဖြစ်ဖြစ်၊ မီးဖွားပြီးခါစ မေမေသစ်လေးတွေပဲဖြစ်ဖြစ်၊ ကိုယ့်ရဲ့ ဗိုက်ကလေးကို ကိုယ်ဝန်မဆောင်ခင်ကအတိုင်း ပြန်ရအောင် ဘယ်လိုလုပ်လို့ရလဲ။ ဘေဘီလေးကို ကိုယ်ဝန်ဆောင်ပြီး မီးဖွားပြီးတာနဲ့ ကိုယ့်ရဲ့ ခန္ဓာကိုယ်ကို ပုံမှန်လိုမျိုး ပြန်ဖြစ်ချင်တယ်။ အပျိုလေးတုန်းကလို မဟုတ်ရင်တောင် ကိုယ်ဝန်မဆောင်ခင်ကလိုမျိုး ကျစ်ကျစ်လျစ်လျစ်ဖြစ်ချင်ကြတာ သဘာဝပါ။ မေမေတို့ မီးဖွားပြီး ဗိုက်ကလေး ဟာ သဘာဝအတိုင်း တဖြည်းဖြည်း သေးပြီး ချပ်သွားမှာပါ။ ဒါပေမဲ့ ဗိုက်ပြန်ချပ်တဲ့ချိန်မှာ မြန်ဆန်ဖို့အတွက် နည်းလမ်းလေးတွေရှိပါတယ်။ ကိုယ်ဝန်ဆောင်တဲ့အခါ ဗိုက်အရေပြားတင်မကဘဲ ဗိုက်ရဲ့ အတွင်းပိုင်းဆုံး ကြွက်သားတွေအထိပါ ဆွဲဆန့်ခြင်းခံရပါတယ်။ ဒါတင်ပဲလားဆိုတော့ မဟုတ်ပါဘူး။ ဘေဘီလေးနေခဲ့တဲ့ သားအိမ်ကလည်း ၉ လတိုင်တိုင် အကျယ်ကြီး ဆွဲဆန့်နေခဲ့ရပါတယ်။ ဒါကြောင့် မီးဖွားပြီးဗိုက်ကလေးဟာ ဘာကြောင့်ပူနေရတာလဲဆိုတဲ့ အကြောင်းအရင်းတွေ အများကြီးရှိနေနိုင်ပါတယ်။ ၁။ ဆွဲဆန့်ခံထားရတဲ့ဗိုက်အရေပြားကြောင့် ၂။ ဘေဘီလေးအတွက် အဆမတန်ကြီးပေးခဲ့ရတဲ့ သားအိမ် ၃။ ခန္ဓာကိုယ်ရဲ့ အဆီပမာဏ ၄။ ခန္ဓာကိုယ်ထဲမှာ […]

ဒီဘက်ခေတ်မှာ ဗိုက်ခွဲမွေးတယ်ဆိုတာ အရင်တုန်းကလောက်တော့ ကြောက်စရာမကောင်းတော့ပါဘူး။ ဒါပေမယ့်လည်း ခွဲထားတဲ့အရှိန်က ရှိနေတော့ မေမေတွေအနေနဲ့ ကလေးနို့တိုက်တဲ့အခါ ကိုယ့်ကျန်းမာရေးကြောင့် ပြဿနာတစ်စုံတစ်ရာများ ရှိလာမလားဆိုပြီး စိုးရိမ်ပူပန်စိတ်တွေ ဝင်လာတတ်ပါတယ်။ နောက်ပြီးတော့ ခွဲထားတဲ့နေရာကိုလည်း သေချာဂရုစိုက်ဖို့၊ ကိုယ့်ရဲ့ နေထိုင်စားသောက်မှုပုံစံကို အရင်ကထက် ပိုသတိထားဖို့ လိုပါတယ်နော်။ ဒီဆောင်းပါးမှာတော့ ဗိုက်ခွဲမွေးထားတဲ့မေမေတွေ အတွက် အမြန်နာလန်ထူနိုင်ဖို့၊ ခွဲမွေးထားတဲ့ အနာမြန်မြန်ကျက်ဖို့၊ သိထားသင့်တဲ့ ဆောင်ရန်၊ ရှောင်ရန်၊ နေထိုင်မှုပုံစံတွေကို ပြောပြပေးချင်ပါတယ်။ ဗိုက်ခွဲမွေးတဲ့မေမေတွေ အနာအမြန်ကျက်ပြီး သက်သာလာစေဖို့ ဗိုက်ခွဲမွေးတဲ့မေမေတွေ အနာအမြန်ကျက်ပြီး သက်သာလာစေဖို့ ဆိုရင် ၁။ အရင်ဆုံး အိပ်ချိန်ပြည့်ဝစွာအိပ်ပါ။ ဘယ်လောက်ပဲ စိုးရိမ်စရာ သိပ်မရှိတော့ဘူးပြောပြော ဗိုက်ခွဲမွေးတယ်ဆိုတာ အကြီးဆုံးခွဲစိတ်မှုတစ်ခုပါပဲ။ ခွဲစိတ်မှုအပြီးမှာ ဒဏ်ရာအမြန်ကျက်ဖို့ အရင်ဆုံးလုပ်ရမယ့်အရာကတော့ ကောင်းကောင်းမွန်မွန် အိပ်စက်အနားယူဖို့ပါပဲ။ အကောင်းဆုံးကတော့ ခွဲမွေးပြီး တစ်ပတ်အတွင်း ဆေးရုံမှာပဲ သေချာအနားယူပါ။ ဆေးရုံကဆင်းပြီး […]

မီးဖွားတယ်ဆိုတဲ့ အလုပ်ဟာ ကျွန်မတို့ အမျိုးသမီးတွေအတွက် သမိုင်းပေးတာဝန်၊ ကမ္ဘာဦးအစတည်းက ဖြစ်တည်လာတဲ့အရာတစ်ခုပါ။ လူသားတစ်ဦးကို ဖွားမြင်ပေးရတာလောက် ဝမ်းမြောက်စရာကောင်းတာ မရှိသလို အဲဒီအချိန် ကြုံတွေ့ရတဲ့ ပင်ပန်းဆင်းရဲ ဝေဒနာကလည်း အများကြီးပါ။ ကိုယ်ဝန် ဆောင်တုန်း ကြုံရမယ့် အခက်အခဲတွေ အများကြီးရှိသလို မီးဖွားပြီးပြန်တော့လည်း ပြောင်းလဲသွားမယ့် အရာတွေ ၊ ဝေဒနာတွေ အများကြီးရှိပါတယ်။ ဒီတော့ အမျိုးသမီးတိုင်းနီးပါး ကြုံတွေ့ရမယ့် မီးဖွားပြီးနောက် ပြောင်းလဲလာမယ့် ကိုယ်ခန္ဓာအကြောင်း ဗဟုသုတအနေနဲ့ ပြောပြပေးချင်ပါတယ်။ မီးဖွားပြီးနောက်ပိုင်း ဘာတွေ ကြုံတွေ့ရမလဲ ။ ။ မီးဖွားပြီးနောက်ပိုင်း ကြုံတွေ့ရမယ့် ပြောင်းလဲမှုတွေကတော့ Lochia မီးဖွားပြီးနောက်ပိုင်း သွေးဆင်း၊ ရေဆင်းခြင်း။ မီးဖွားပြီး ပထမ ၃ ရက်အတွင်းမှာဆို သွေးတွေဆင်းတတ်ပြီး နောက်ပိုင်းကျ တဖြည်းဖြည်း အရောင်လျော့သွားကာ အရည်ကြည်လေးတွေ ပန်းရောင်အရည်လေးတွေ ဆင်းမှာဖြစ်ပါတယ်။ မီးဖွားပြီး […]

ဘေဘီလေးကို မွေးဖွားမှုက မေမေတို့ရဲ့ ဘဝတလျှောက်မှာ အကြီးမားဆုံးသော စွန့်စားမှုကြီးကို လုပ်ဆောင်တာပါပဲ။ ဒီလိုမွေးဖွားမှုထဲမှာမှ ခွဲမွေးထားတဲ့ မေမေတို့ ဆိုရင်ဘေဘီလေးကို ဂရုစိုက်ရသလို ချုပ်ရိုးသက်သာစေဖို့အတွက်လည်း ဂရုစိုက်ရပါသေးတယ်။ ဘေဘီလေးကို ခွဲမွေးထားတဲ့မေမေတို့အတွက် ချုပ်ရိုးကို မြန်မြန်သက်သာစေဖို့ ဒီဆောင်းပါးလေးကနေ နည်းလမ်းလေးတွေပြောပြမယ်နော်။ ခွဲမွေးထားတဲ့ မေမေတို့ အတွက် ချုပ်ရိုးသက်သာစေမယ့်နည်းလမ်းကောင်းအချို့ ဘေဘီလေးကို ခွဲမွေးထားတဲ့မေမေတို့ အနေနဲ့ ချုပ်ရိုးမြန်မြန်သက်သာစေဖို့ ဒီနည်းလမ်းလေးတွေက အကောင်းဆုံးအထောက်အပံ့ဖြစ်စေမှာပါ။ လမ်းလျှောက်ပေးပါ လမ်းလျှောက်တာက စိတ်ရောကိုယ်ပါကျန်းမာစေဖို့ အကောင်းဆုံးထောက်ပံ့ပေးနိုင်ပါတယ်။ ဒါတင်မကသေးပါဘူး။ လမ်းပုံမှန်လျှောက်ပေးတာက သွေးခဲတာမျိုးဖြစ်နိုင်ခြေနည်းစေပြီး နှလုံးသွေးကြောဆိုင်ရာရောဂါတွေကို ကင်းစေနိုင်ပါတယ်။ ဘေဘီလေးကို ခွဲမွေးထားတဲ့မေမေတို့အနေနဲ့လည်း တစ်နေ့ကို ၁၅ မိနစ်လောက် ပုံမှန်လမ်းလျှောက်ပေးတာက ချုပ်ရိုးမြန်မြန်ကျက်စေဖို့ အကောင်းဆုံးအထောက်အပံ့ဖြစ်စေမှာပါ။ အမျှင်ဓာတ်များများစားပေးပါ အမျှင်ဓာတ်များများစားပေးတာက ဗိုက်ခွဲမွေးထားတဲ့ မေမေတို့ ကို ဝမ်းချုပ်တာကြောင့် ချုပ်ရိုးထိခိုက်နိုင်ခြေကနေ အကောင်းဆုံးကာကွယ်ပေးနိုင်မှာပါ။ ဒါကြောင့် အမျှင်ဓာတ်ကြွယ်ဝတဲ့ ရုံးပတီသီး၊ အုတ်ဂျုံ၊ […]

မီးဖွားပြီးနောက်ပိုင်း ၄၅ရက်ကြာလို့ အမျိုးသားနဲ့ အတူပြန်နေတဲ့အခါ မိန်းမကိုယ်နာကျင်တဲ့ ပြဿနာ အမျိုးသမီးတိုင်း ကြရုံတဲ့ ကိစ္စတစ်ခုပါ။ ရိုးရိုးပဲ မွေးမွေး ခွဲပဲမွေးမွေး ဒီလိုပြဿနာ ကြုံရပြီဆိုရင် ဒါတွေ ကြောင့် ဖြစ်နိုင်ပါတယ်။ မီးဖွားပြီးနောက်ပိုင်း အတူပြန်နေတဲ့အခါ ဒီ အချက်တွေကြောင့် မိန်းမကိုယ်နာကျင်နိုင်ပါတယ်။ ရိုးရိုးမီးဖွားစဉ် ရလာတဲ့ ဒဏ်ရာတွေကြောင့်ပါ။ ရိုးရိုးမီးဖွားတဲ့အခါ ကလေးဆင်းရ လွယ်ကူအောင်ဆိုပြီး မိန်းမကိုယ်ချဲ့လေ့ရှိပါတယ်။ ချဲ့ထားတဲ့ မိန်းမကိုယ်ကို ကလေးထွက်ပြီးရင် ပြန်ချုပ်ရပါတယ် ။ ဒီတော့ မီးဖွားစဉ် မိန်းမကိုယ်ချဲ့ထားတဲ့အရှိန်ရယ် ၊ချုပ်ရိုးကြောင့်နာတဲ့အရှိန်ရယ်ကြောင့် မီးဖွားပြီးအမျိုးသားနဲ့ ပထမဆုံး အကြိမ် အတူပြန်နေတဲ့အခါ နာကျင်တဲ့ ဝေဒနာ ခံစားရနိုင်ပါတယ်။ မိန်းမကိုယ်ကို ပြန်ချုပ်ထားတဲ့ချုပ်ရိုးတွေ ကြောင့်ပါ။ မီးဖွားပြီးပြီဆိုတာနဲ့ တင်းနေတဲ့ မိန်းမကိုယ်က ပြေလျော့သွားလေ့ရှိပါတယ် ။ ဒါပေမယ့် ဒီလို ပြေလျော့သွားရမှာကို ဆွဲတင်းထားတဲ့ ချုပ်ရိုးတွေကြောင့် အမာရွတ် တွေ […]

လူပိစိလေး တစ်ယောက်လုံးကို လွယ်ထားရတဲ့ မေမေတွေရဲ့ ခန္ဓာကိုယ် အရေပြားတွေဟာ မွေးပြီးတဲ့အခါ ချက်ချင်းတော့ ပြန်မကျုံ့နိုင်ပါဘူး။ အရေပြား၊ အထူးသဖြင့် ဗိုက်အရေပြားမှာ လျော့ရဲတွဲနေတာမျိုး ဖြစ်ကျန်ခဲ့နိုင်တယ်၊ ဗိုက်ပူနေနိုင်တယ်။ ကလေးထွားလေ ပိုဆိုးလေ၊ အမြွှာမွေးတဲ့ဗိုက်ဆို ပိုဆိုးလေပါပဲ။ ဒီတစ်ခေါက်တော့ မေမေတို့အတွက် ဘေဘီလေးတွေ မွေးပြီးနောက်ပိုင်း အသားအရေ လျော့တွဲမနေစေဖို့  ဘာတွေ ဂရုစိုက်ရမလဲ ဆိုတာကို ပြောပြပေးချင်ပါတယ်။ ကိုယ်ဝန်ကြောင့် အရေပြားမှာ အပြောင်းအလဲတွေ အများကြီး ဖြစ်စေနိုင်မယ့် တော်တော်များများက မီးဖွားပြီးနောက်ပိုင်း ပုံမှန် ပြန်ဖြစ်ကြပါတယ်။ ပုံမှန် ပြန်မဖြစ်တာက ခုနက ပြောတဲ့ အရေပြား လျော့တွဲမှု ပြဿနာပါ။ အရေပြား ဆိုတာ collagen ၊ elastin တို့နဲ့ ဖွဲ့စည်းထားတာမို့ ခန္ဓာကိုယ် ကြီးလာတာနဲ့အမျှ သူက လိုက်ပြန့်ကားလာနိုင်ပါတယ်။ […]

ပထမ ကလေးမွေးပြီးတာ သိပ်မကြာသေးဘူး။ နောက်ထပ်ကိုယ်ဝန်ရသွားတဲ့ အဖြစ်မျိုးတွေ ကြားဖူးမှာပါ။ ပထမကလေးကလည်း ငယ်သေး နောက်ကိုယ်ဝန်လည်း ထပ်ရှိတော့ အကုန်လုံး ဗျာများရတော့တာပေါ့။ ဒါတွေအားလုံးဟာ မီးဖွားြပီးနောက်ပိုင်း အချိန်သိပ်မခြားဘဲ နောက်ကိုယ်ဝန်မရအောင် ဘယ်လိုတားရလဲဆိုတာနဲ့ ပက်သက်တဲ့ အကြောင်းလေး မသိကြသေးလို့ ဖြစ်ရတာပါ။ ကိုယ်ဝန်တားချင်ပေမယ့် ဘယ်အချိန်ဆို တားဆေး၊ ထိုးဆေး သောက်လို့ ထိုးလို့ရပြီလဲဆိုတာကို မသိကြတဲ့သူတွေလည်းရှိတာကြောင့် ဒီဆောင်းပါးလေးကို ဖတ်ကြည်စေချင်ပါတယ်။ ။ ကလေးမွေးပြီးပြီးချင်း ကိုယ်ဝန်ရသွားတာမျိုး ဖြစ်တတ်လား ။ ။ ကလေးမွေးပြီး နို့တိုက်လား၊ နို့ဘူးတိုက်လားဆိုတာပေါ်မူတည်ပြီး ရာသီ ပေါ်တာ အပြောင်းအလဲရှိတတ်ပါတယ်။ ကိုယ်ဝန်ရရှိခြင်းရဲ့ အဓိက ဇာတ်လိုက်ဖြစ်တဲ့ သားဥက ရာသီမလာခင် ၂ ပတ်လောက်အလိုမှာ ကြွေတတ်တာကြောင့် ကိုယ်ဝန်ရသွားတာမျိုး ဖြစ်နိုင်ပါတယ်။ ကလေးမွေးပြီးနောက်ပိုင်း ၄၅ ရက် မရှောင်မိလိုက်တဲ့အခါ ကလေးနို့တိုက်နေရင်တောင် ၊ […]