ကလေးကို ဘယ်အချိန်မှာ ဒိန်ချဉ်စတိုက်နိုင်ပြီလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဩဂုတ် 21, 2020 . 2 mins read
Share now

ကလေးအများစုအနေနဲ့ အဖတ် စစားနိုင်တဲ့ အရွယ် (အသက် ခြောက်လနောက်ပိုင်း)မှာ ဒိန်ချဉ်ကို စသောက်နိုင်ပါပြီ။ ဒိန်ချဉ်မှာ ကယ်လ်ဆီယမ်၊ ပရိုတင်းနဲ့ ဗီတာမင်ဓာတ်တွေအပါအဝင် အာဟာရဓာတ်တွေ ကြွယ်ဝစွာ ပါဝင်တာမို့ ကလေးအတွက် ရွေးချယ်သင့်တဲ့ ကနဦးအစားအစာ တစ်မျိုး ဖြစ်ပါတယ်။ အချိုဓာတ်လုံးဝမပါဘဲ ပိုးသတ်ပြီးသား နွားနို့စစ်စစ်က ထုတ်လုပ်ထားတဲ့ ဒိန်ချဉ်ကို ကျွေးတာတော့ အကောင်းဆုံးရွေးချယ်မှုပဲ ဖြစ်ပါတယ်။

အချိုဓာတ်လုံးဝမပါဘဲ နွားနို့စစ်စစ်ကနေ ပြုလုပ်ထားတဲ့ ဒိန်ချဉ်ကိုသောက်ဖို့ ဘာလို့လိုအပ်တာလဲ။

ကလေးတွေကြိုက်အောင် အနံ့အရသာတွေထည့်ထားတဲ့ ဒါမှမဟုတ် သစ်သီးလေးတွေပါတဲ့ ဒိန်ချဉ်တွေ (ကလေးများအတွက်လို့ တံဆိပ်ကပ်ထားပေမယ့်)အားလုံးနီးပါးဟာ ဆေးသကြားတွေ ပါဝင်နိုင်တဲ့အတွက် သွားပိုးစားခြင်းနဲ့ အဝလွန်ခြင်းတွေကို ဖြစ်စေနိုင်ပါတယ်။ ဒါကြောင့် ဘာအချိုဓာတ်မှမပါတဲ့ ဒိန်ချဉ်ဟာ ဆေးသကြားတွေကို ရှောင်ရှားဖို့ အကောင်းဆုံးနည်းလမ်းပဲ ဖြစ်ပါတယ်။

ကလေးတွေအနေနဲ့ နွားနို့စစ်စစ်ကနေ ပြုလုပ်ထားတဲ့ နို့ထွက်ပစ္စည်းတွေမှာပါဝင်တဲ့ ကယ်လိုရီနဲ့ အဆီဓာတ်တွေကို လိုအပ်ပါတယ်။ ဒါကြောင့် (ဆရာဝန်က အထူးတလည်ညွှန်ကြားထားတဲ့ အခြေအနေကလွဲလို့) အသက်၂နှစ်အောက်ကလေးတွေမှာ အဆီနည်းတဲ့ ဒါမှမဟုတ် အဆီလုံးဝမပါတဲ့ ဒိန်ချဉ်တွေကို မတိုက်ပါနဲ့ဦး။

နွားနို့ထဲမှာပါဝင်တဲ့ ဘက်တီးရီးယားအရှင်တွေဆိုတာဘာလဲ။ သူတို့က ကလေးအတွက် ဘာကောင်းသလဲ။

အချို့သော ဒိန်ချဉ်တွေထဲမှာ probiotics လို့ခေါ်တဲ့ ဘက်တီးရီးယားအရှင်တွေ ပါဝင်ပါတယ်။ အဆိုပါ ဘက်တီးရီးယားပိုးမွှားတွေဟာ နွားနို့ကို ဒိန်ချဉ်အဖြစ်ပြောင်းလဲပေးနိုင်သလို ဒိန်ချဉ်ထဲမှာလည်း ဆက်လက်ပါဝင်လာတတ်ပါတယ်။ သူတို့ဟာ အူလမ်းကြောင်းထဲမှာရှိတဲ့ အကျိုးပြုဘက်တီးရီးယားတွေရဲ့ ကြီးထွားပွားများမှုကို လှုံ့ဆော်ပေးနိုင်ပါတယ် (အကျိုးပြုဘက်တီးရီးယားတွေဟာ အစာချေခြင်းလုပ်ငန်းစဉ်အတွက် အရေးကြီးပါတယ်)။

သင်ဝယ်ယူတဲ့ တံဆိပ်ရဲ့ အညွှန်းမှာ “ ဤဒိန်ချဉ်တွင် ဘက်တီးရီးယားအရှင်များ ပါဝင်ပါသည်” လို့ဖော်ပြထားသင့်ပါတယ်။ ဆိုလိုတာက ဒိန်ချဉ်ပြုလုပ်ခြင်းနည်းလမ်းစဉ်မှာ အဆိုပါ ဘက်တီးရီးယားတွေကို အပူနဲ့ ဖယ်ထုတ်ခြင်းမပြုထားဖူးလို့ ဆိုလိုတာ ဖြစ်ပါတယ်။ ဒါပေမယ့် “ ဘက်တီးရီးယားအရှင်များနှင့် ပြုလုပ်ထားသည်” ဆိုတဲ့ အညွှန်းပါတဲ့ တံဆိပ်တွေကတော့ အဆိုပါ ဘက်တီးရီးယားတွေကို သုံးပြီးပြုလုပ်ထားတယ်လို့ပဲ ဆိုလိုတာပါ။ ဘက်တီးရီးယားတွေ ပါဝင်တယ်လို့ ဆိုလိုတာ မဟုတ်ပါဘူး။

တကယ်လို့ ကလေးတွေအနေနဲ့ နွားနို့ ဒါမှမဟုတ် lactose နဲ့ ဓာတ်မတည့်တာမျိုး ရှိနေရင် ဘယ်လိုလုပ်မလဲ။

တကယ်လို့ သင့်ကလေးမှာ နွားနို့ ဒါမှမဟုတ် တခြားအစားအစာတွေနဲ့ ဓာတ်မတည့်တာမျိုး (ဥပမာ နှင်းခူ)ရှိနေရင် ဆရာဝန်နဲ့ မတိုင်ပင်ရသေးဘဲ ကလေးကို ဒိန်ချဉ်လုံးဝ မတိုက်ပါနဲ့။ ဓာတ်မတည့်ခြင်းရဲ့ အတွေ့ရများတဲ့ လက္ခဏာတွေကတော့ ယားယံစေသော အနီစက်များ၊အနီကွက်များထွက်ခြင်း၊နှုတ်ခမ်းနား ဒါမှမဟုတ် မျက်လုံးနားတဝိုက် ရောင်ရမ်းခြင်း၊အစာစားပြီး နှစ်နာရီအတွင်း အန်ခြင်း စတာတွေပဲ ဖြစ်ပါတယ်။

အဆိုပါ လက္ခဏာတွေ ပေါ်ပေါက်လာရင်တော့ ကျွေးလက်စအစာတွေကို ချက်ချင်းရပ်လိုက်ပြီး ဆရာဝန်နဲ့ အမြန်ဆုံးပြသရမှာပဲ ဖြစ်ပါတယ်။ lactose နဲ့ ဓာတ်မတည့်တာမျိုးကတော့ ကလေးတွေမှာ အင်မတန်ရှားပါးပြီး ဒီပြဿနာရှိနေရင်တောင်မှ ဒိန်ချဉ်ကို တိုက်ကျွေးနိုင်ပါသေးတယ်။ ဒိန်ချဉ်ထုတ်လုပ်တဲ့ လုပ်ငန်းစဉ်မှာ lactose ဓာတ်အများအပြားကို ဖျက်ဆီးပစ်လိုက်တဲ့အတွက် အခြားသော နို့ထွက်ပစ္စည်းတွေနဲ့ ယှဉ်ရင် ဒိန်ချဉ်ဟာ ကလေးတွေအတွက် ပိုပြီးအဆင်ပြေပါတယ်။

နွားနို့နဲ့ မတည့်ဘူး၊ နွားနို့ကနေ ထုတ်ထားတဲ့ ဒိန်ချဉ်ကျတော့ တည့်တယ်။ ဘာလို့လဲ။

ကလေးအနေနဲ့ ဒိန်ချဉ်သောက်နိုင်ပေမယ့် နွားနို့ကိုတော့ အသက်တစ်နှစ်ပြည့်တဲ့အထိ မသောက်ရပါဘူး။ နွားနို့ နည်းနည်းပါးပါး တိုက်တာလောက်ကတော့ ကလေးအတွက် ပြဿနာ မရှိပါဘူး။ နွားနို့ဟာ မိခင်နို့ ဒါမှမဟုတ် နို့ဘူးနေရာမှာ အစားထိုးဖို့ မသင့်တော်ဘူးဆိုတဲ့ အချက်ကိုပဲ အဓိက ပြောချင်တာပါ။

ကလေးတွေဟာ မိခင်နို့ ဒါမှမဟုတ် (စနစ်တကျ ဖော်စပ်ထုတ်လုပ်ထားတဲ့) နို့မှုန့်ကို ရာနှုန်းပြည့်ခြေဖျက်နိုင်ပေမယ့် နွားနို့ကိုတော့ အလွယ်တကူ မခြေဖျက်နိုင်ပါဘူး။ ဒါ့အပြင် မိခင်နို့ ဒါမှမဟုတ် (စနစ်တကျ ဖော်စပ်ထုတ်လုပ်ထားတဲ့) နို့မှုန့်တွေကနေ ရရှိနိုင်တဲ့ အဆီနဲ့ အာဟာရဓာတ်တွေကို နွားနို့ကနေ အပြည့်အဝ ရရှိနိုင်မှာ မဟုတ်ပါဘူး။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကလေးလေးတွေကို နွေးနွေးထွေးထွေး ပွေ့ဖက် ပေးပါ

ချစ်ခင်ကြင်နာစွာ ပွေ့ဖက် ပေးခြင်းက ချစ်ရတဲ့ ကလေးတွေ အတွက် အကျိုးကျေးဇူးတွေ အများကြီး ရနိုင်တယ်ဆိုတာ ဖေဖေမေမေ တို့ သိထားသင့်ပါတယ်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

ကိုယ်တိုင် နို့ချိုတိုက်ကျွေးတဲ့ မေမေ တွေပဲ ရရှိနိုင်မယ့် အကျိုးကျေးဇူးများ

မေမေ မိခင်နို့ ဘေဘီလေး ကလေး ကလေးအာဟာရ နို့တိုက်ကျွေးခြင်း ကလေးကျန်းမာရေး အကျိုးကျေးဇူး ရောဂါကာကွယ်နိုင်ခြင်း ကိုယ်အလေးချိန် နို့တိုက်မိခင်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

ကလေးငယ်ငယ် ဆံပင် ရိတ်ရမယ် ဆိုတဲ့ အယူအဆမှား

ထုံးတမ်းစဉ်လာအရ၊ ယဉ်ကျေးမှုအရ၊ ဘာသာရေးအရ၊ အရပ်ပြောစကားအရ ကလေးလေးတွေကို ဆံပင် ရိတ်ပေးလေ့ ရှိကြပါတယ်။ ဒီလို ရိတ်တာ လုပ်သင့်ရဲ့လား။

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

ကလေးနဲ့ ဖေဖေ ရင်းနှီးချစ်ခင်ဖို့ မေမေတို့ စီမံပေးပါဦးနော်

ဖေဖေ မေမေ ကလေးကျန်းမာရေး မိသားစု ချစ်ခင်ရင်းနှီးမှု ချစ်ခြင်းမေတ္တာ ကလေးအာဟာရ တာဝန်ဝတ္တရား မိဘ မိဘတာဝန် ကလေးပြုစုစောင့်ရှောက်ခြင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

သင့်အတွက် ရွေးချယ်ထားသည်

ကလေးကျန်းမာရေး အကြောင်း

ကလေးကျန်းမာရေး အကြောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 3, 2021 . 3 mins read
Covid ကာလမှာ ကလေးနေမကောင်း ရင် ဘယ်လိုပြုစုပေးရမလဲ

Covid ကာလမှာ ကလေးနေမကောင်း ရင် ဘယ်လိုပြုစုပေးရမလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Yun Sandi Nan Mon
ရေးသား ထုတ်ဝေခဲ့သည် စက်တင်ဘာ 16, 2020 . 1 min read
ကိုယ်ဝန်ဆောင်မေမေ ကိုယ်ခံအားကောင်းစေဖို့ ဘာတွေ စားမလဲ

ကိုယ်ဝန်ဆောင်မေမေ ကိုယ်ခံအားကောင်းစေဖို့ ဘာတွေ စားမလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဩဂုတ် 28, 2020 . 2 mins read
အဝလွန်နေတဲ့ ကလေးတွေအတွက် အသက်အရွယ်အလိုက် ဝိတ်ချနည်းများ

အဝလွန်နေတဲ့ ကလေးတွေအတွက် အသက်အရွယ်အလိုက် ဝိတ်ချနည်းများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဩဂုတ် 13, 2020 . 3 mins read