ကလေးပြုစုစောင့်ရှောက်ခြင်း

ကလေးငယ်လေးတွေကို နှိပ်နယ်ပေးတာက ကလေးတွေကို အနားရစေပြီး ပိုမိုအိပ်ပျော်စေနိုင်တဲ့အပြင် အငိုလည်း နည်းစေနိုင်ပါတယ်၊ လို့The Cochrane Library ကလေ့လာမှုတစ်ရပ်အရသိရပါတယ်။ မွေးကင်းစကလေးငယ်လေးတွေကို နှိပ်နယ်ပေးတာက မိခင် နဲ့ ကလေးတို့ကြားက အပြန်အလှန်နားလည်မှုရရှိစနိုင်မှာဖြစ်တဲ့အပြင် ကလေးရဲ့အိပ်စက်မှုပိုင်းမှာလည်း အထောက်အကူပြုပြီး ကလေးငိုတာကိုလည်း သက်သာစေတဲ့အပြင် ကလေးတွေကိုနှိပ်နယ်ပေးတာက စိတ်ဖိစီးမှုဖြစ်တာကိုလည်း သက်သာစေပါတယ်။ ဥပမာပြောပြရရင် ကလေးငယ်လေးတွေကို နှိပ်နယ်ပေးတာက စိတ်ဖိစီးမှုဖြစ်စေတဲ့ဟော်မုန်းကြောင့် ကလေးငယ်တွေမှာ ဆီးခဏခဏသါားတာမျိုးကိုသက်သာလျော့ပါးစေပါတယ်။ လေ့လာမှုတွေအတွင်း ကလေးကိုအချိန်ဘယ်လောက်ကြာအောင်နှိပ်ပေးတာ နဲ့ ဘယ်လ်ုနှိပ်ပေးတာကကောင်းလဲဆိုတာတွေကိုလေ့လာခဲ့ပါတယ်။ ကလေးငယ်လေးတွေကို နှိပ်နယ်ပေးတာက ကလေးငယ်ရဲ့ကြီးထွားမှုကိုထိခိုက်မှုမရှိစေသလို အန္တရာယ်ရှိစေတာမျိုးလည်းမရှိပါဘူး၊ လို့သိရှိရပါတယ်။ ကလေးငယ်လေးတွေကို နှိပ်နယ်ပေးတာနဲ့ပတ်သက်ပြီးနောက်ထပ်လေ့လာမှုတွေလုပ်ဆောင်ကြည့်ဖိုတော့လိုအပ်ဦးမှာဖြစ်ပါတယ်။ မိမိရဲ့ ကလေးငယ်ကိုနှိပ်နယ်ပေးချင်တယ်ဆိုရင်တော့ အရင်ဆုံးဆရာဝန်နဲ့တိုင်ပင်ပါ။ ကလေးငယ်လေးတွေကို ဆီတစ်မျိုးမျိုးသုံးပြီး နှိပ်နယ်ပေးတာက အရမ်းကိုအရေးကြီးပါတယ်။ ကလေးငယ်လေးတွေကို နှိပ်နယ်ပေးတဲ့နေရာမှာ အရေးကြီးဆုံးအချက်တစ်ခုက မှန်ကန်တဲ့ဆီရွေးချယ်မှုပဲဖြစ်ပါတယ်။ ညင်ညင်သာသာနှိပ်နယ်ပေးတာက ကလးငယ်ကိုစိတ်ခံစားမှုကောင်းမွန်စေပြီး ကလေးငယ်ရဲ့အရေပြားအတွက်လိုအပ်တဲ့ အာဟာရဓါတ်ကိုပြည့်ဝစေပါတယ်။ ကလေးငယ်ရဲ့အရေပြားမှာလိုအပ်တဲ့ အာဟာရဓါတ်ပြည့်ဝစေဖို့အတွက်ကရွေးချယ်တဲ့ အဆီအပေးမှာ […]

ကလေးလေးတွေ မျက်လုံးခဏခဏပွတ်တတ်တာ ချစ်စရာကောင်းတဲ့အမူအရာလို့ မိဘတွေကမြင်ကြပါတယ်။ သူတို့မျက်လုံးပွတ်နေချိန်မှာ နှာခေါင်းလေးတွေ၊ မျက်နှာလေးတွေနီလာတာကိုကြည့်ရတာလည်း ချစ်စရာကောင်းနေမှာပါ။ ဒါပေမယ့် ဘာမှမလုပ်ဘဲ ကလေးကိုပဲသေချာစောင့်ကြည့်ကြည့်ပါ။ အဲဒီအမူအရာလေးကတဆင့် သင့်ကို သူပြောပြချင်နေတဲ့ အကြောင်းတစ်ခုခုရှိနေတာသိလာရင် သင်မျက်နှာလွှဲနိုင်တော့မှာမဟုတ်ပါဘူး။ သူ အိပ်ချင်နေတာ ဒါမှမဟုတ် ပင်ပန်းနေတာ စသည်ဖြင့် အခြေအနေတစ်ခုခုကို ညွှန်ပြချင်နေတာဖြစ်ကောင်းဖြစ်နိုင်ပါတယ်။ ဒါဟာ ကလေးတစ်ယောက်ရဲ့ခြေဟန်လက်ဟန်တစ်ခုလောက်ပဲလို့ ယူဆမယ်ဆို မှားယွင်းနေပါတယ်။ ကလေးလေးတွေက မျက်စိကို ပွတ်နေတာဟာ သူဘာလိုချင်သလဲဆိုတာ သင့်ကို သိစေချင်နေတဲ့အကြောင်းရင်းက အများကြီးရှိနေနိုင်ပါတယ်။ ကလေးလေးတွေ မျက်လုံးခဏခဏပွတ်တတ်တာ ဘာကြောင့်လဲ ကလေးလေးတွေ မျက်လုံးခဏခဏပွတ်တတ်တာ အခုလို အကြောင်းအရင်းတွေကြောင့်ပါ။ မျက်စိညောင်းလာခြင်း ကလေးတစ်ယောက်ပင်ပန်းလာပြီဆိုရင် မျက်လုံးလေးတွေ စင်းလာတတ်ပါတယ်။ သူမျက်လုံးတွေ ပွတ်နေတဲ့အခါ မျက်လုံးတစ်ဝိုက်က၊ မျက်လုံးထဲက၊ မျက်ခွံထဲမှာရှိနေတဲ့ ကြွက်သားနာကျင်တောင့်တင်းမှုကို လျော့စေဖို့ လုပ်နေတာဖြစ်ပါတယ်။ ကလေးက မျက်စိညောင်းလာတဲ့အခါ သူ့မျက်လုံးထဲမှာ မျက်သား ခြောက်သွေ့လာပါတယ်။ မျက်လုံးရှေ့ဘက်ခြမ်းက အကာအကွယ်အလွှာပါးမှာ လေနဲ့ထိတွေ့တာ ကြာလာတဲ့အခါ […]

ကလေးတွေဟာ ပုရွက်ဆိတ်၊ ခြင်၊ ကြမ်းပိုး၊ နကျယ်၊ ပျား၊ ကင်းနဲ့ ပင့်ကူတို့လို အင်းဆက်အမျိုးမျိုးအကိုက်ခံရတတ်ပါတယ်။ ပျားတုပ်တာ၊ ပိုးမွှားကိုက်တာတွေက ခံရခက်ပြီး နာကျင်ရပေမယ့် အန္တရာယ်ဖြစ်ခဲပါတယ်။ နာကျင်မှုက နောက်တစ်နေ့မှာ လျော့ပါးသွားတတ်ပြီး လုံးဝပျောက်သွားတာလည်း ရှိနိုင်ပါတယ်။ ဒါပေမယ့်  တချို့တွေမှာ အကိုက်ခံရလို့ပြင်းထန်တဲ့ဓာတ်မတည့်မှုဖြစ်လာရင် ချက်ချင်းကုသမှုခံယူသင့်ပါတယ်။ ကလေးတွေဟာ အင်းဆက်၊ ပိုးမွှားတွေရဲ့၊ အထူးသဖြင့်ခြင်တွေရဲ့ ပစ်မှတ်ထားခံရတာများပါတယ်။ အကောင်ကိုက်မခံရအောင် ဘယ်လိုကာကွယ်မလဲ၊ ပိုးမွှားကိုက်ခံရတဲ့ကလေးမှာဖြစ်တဲ့ အရေပြားပြဿနာ ဘယ်လိုဖြေရှင်းမလဲ ဆိုတာကို မိဘတွေအနေနဲ့ ကြိုတင်လေ့လာထားသင့်ပါတယ်။ ကလေးမှာ အဖြစ်များတဲ့ အကောင်ကိုက်ခံရခြင်းများ ခြင်ကိုက်ခံရရင် ခြင်ကိုက်ခံရတဲ့အခါ ခြင်ဖုတွေက နီရဲပြီးယားလာပါတယ်။ ခြင်ကိုက်ဖုက အရေးမကြီးပေမယ့် ခြင်တွေက ငှက်ဖျား ၊သွေးလွန်တုပ်ကွေး၊ ဦးနှောက်ရောင်ရောဂါ၊ yellow feverရောဂါ၊ ဦးနှောက်အမြှေးရောင်ရောဂါ (meningitis )တို့လို ပြင်းထန်တဲ့ရောဂါတွေလည်းဖြစ်စေနိုင်ပါတယ်။ သန်းကိုက်ခံရရင် ကြောင်သန်း၊ ခွေးသန်းတွေကိုက်ခံရရင် ယားယံတဲ့အဖုလေးတွေ။ တခါတရံ နာကျင်တဲ့အဖုတွေ […]

ကလေးဖွံ့ဖြိုးကြီးထွားတာကို အထောက်အကူပြုနိုင်တဲ့ ပျော်ရွှင်စရာလှုပ်ရှားမှုများ နေ့စဉ်လုပ်ဆောင်နေတဲ့ ကိုယ်လက်လှုပ်ရှားမှုတွေက ကလေးတွေအတွက် အဘက်ဘက်ကနေ အကျိုးပြုနေပါတယ်။ မိဘတွေက ကလေးငယ်ရဲ့လှုပ်ရှားမှုတွေနဲ့ ဆော့ကစားတဲ့အခါမျိုးတွေမှာ အတူပါဝင်ဆောင်ရွက်ပေးခြင်းက ကလေးရဲ့ လှုပ်ရှားမှုကိုပိုမိုလွယ်ကူစေမှာဖြစ်ပါတယ်။ ကလေးလေးတွေက သူတို့နှစ်သက်တဲ့ လှုပ်ရှားမှုတွေကို အခြားအရာတွေထက်ပိုမိုလုပ်ဆောင်ချင်စိတ်ရှိတတ်ပါတယ်။ လှုပ်ရှားဆောင်ရွက်မှုတွေနဲ့ပျော်မွေ့လာတဲ့အခါ ကလေးရဲ့လုပ်ဆောင်နိုင်မှုစွမ်းရည်ကလည်း တဖြည်းဖြည်းနဲ့ကောင်းမွန်လာမှာဖြစ်ပါတယ်။ ကိုယ်လက်လှုပ်ရှားမှုတွေကို ကလေးရဲ့နေ့စဉ်ဆော့ကစားမှုတွေမှာ တစ်စိတ်တစ်ပိုင်းအနေနဲ့ ထည့်သွင်းနိုင်သလိုတော်တော်ငယ်ငယ်အရွယ်လောက်မှာကတည်းက သင်ကြားပေးလို့ရနေပြီဖြစ်ပါတယ်။   ကလေး ၂ နှစ်ခွဲ နဲ့ ၃ နှစ်အရွယ်လောက်မှာဘာတွေလုပ်နိုင်ပြီလဲ။ ကလေးတွေဟာ အသက် ၂ နှစ်ခွဲအရွယ်ရောက်တဲ့အခါ - ကောင်းကောင်းပြေးနိုင်နေပြီ၊ ကစားစရာတွေပေါ် တက်တတ်၊ဆင်းတတ်ပြီ၊ ဇွန်းကိုင်ပြီး ကိုယ်တိုင်စားနိုင်ပြီ၊ ခွက်ကိုင်ပြီး ကိုယ်တိုင်သောက်နိုင်ပြီ။ ဦးတည်ချက်မှန်အောင်မချိန်ရွယ်နိုင်သေးပေမယ့်ဘောလုံးလိုမျိုး ခပ်ပျော့ပျော့အရာတွေကို ကန်တတ်ပြီ၊ လှေကားတက်တတ်ပြီ၊ ပစ်ချင်တဲ့နေရာကိုရောက်အောင်ဘောလုံးကိုပစ်တတ်ပြီ၊ ကိုယ်တိုင် အဝတ်လဲနိုင်ဖို့စသင်ယူနိုင်နေပြီ၊   ကလေးတွေ ၃ နှစ်သားအရွယ်ရောက်လာတဲ့အခါ တစ်ယောက်တည်း လှေကားတွေလည်းတက်နိုင်ဆင်းနိုင်ပြီ၊ ကလေးစက်ဘီးလိုမျိုးခြေထောက်နဲ့နင်းပြီးစီးရတာတွေကို စစီးတတ်ပြီ၊ ဟန်ချက်ညီညီလမ်းလျှောက်တတ်ပြီဖြစ်သလိုခြေဖျားထောက်ပြီး […]

လူသားတွေမှာ အဓိကအားဖြင့် ABO blood group system နဲ့ Rh (Rhesus) blood group system ရယ်ဆိုပြီး အဓိကသွေးအုပ်စုတွေ သတ်မှတ်ထားတာရှိပါတယ်။ တကယ်လို့ သင့်ရဲ့သွေးအမျိုးအစားက A Rh (အတိုကောက်ပြောပြရင် A positive) ဆိုပါက သင်ဟာ ABOသွေးအမျိုးအစားအုပ်စုမှာ Aသွေးအမျိုးအစားဖြစ်ပြီး Rhသွေးအုပ်စုအမျိုးအစားမှာ Rh positiveဖြစ်ပါတယ်။ မိဘရဲ့ ABO သွေးအမျိုးအစားအုပ်စု မတူတာကြောင့် ကလေးရဲ့ကျန်းမာရေးအပေါ်မျာ ထိခိုက်မှုမရှိပေမယ့် ဖခင်ဖြစ်သူက Rh positiveဖြစ်နေပြီး မိခင်က Rh negativeဖြစ်နေမယ်ဆိုရင်မွေးဖွားလာမယ့် ဒုတိယမြောက်ကလေးမှာ Rhဝေဒနာဖြစ်နိုင်ခြေရှိပါတယ်။ ဘာတွေဖြစ်နိုင်သလဲ။ ဖခင်ဖြစ်သူရဲ့သွေးအမျိုးအစားက Rh positiveဖြစ်ပြီး မိခင်ရဲ့သွေးအမျိုးအစားက Rh negativeဖြစ်နေမယ်ဆိုရင် ကလေးရဲ့သွေးအုပ်စုအမျိုးအစားက Rh positiveဖြစ်နိုင်ခြေရှိပါတယ်။ ပထမဆုံး သားဦးကလေးကိုမွေးဖွားချိန်မှာ မိခင်က ကလေးရဲ့သွေးအမျိုးအစားနဲ့ ထိတွေ့မိပြီး မိခင်ရဲ့ […]

ဖွံ့ဖြိုးတိုးတက်မှုနှင့် အပြုအမူ ကျွန်ုပ်၏ကလေးသည် မည်သို့ဖွံ့ဖြိုးလာသင့်ပါသလဲ။ သူမ၏ စိတ်ခံစားမှုသည် ပိုပြီးရှင်းလင်းလာပါသည်။ နောက်လာမည့် လများတွင် သင့်ကလေးသည် နှစ်သက်ခြင်း၊ သူများငိုလျှင် လိုက်ငိုခြင်းကဲ့သို့သော စိတ်ခံစားမှုများ အမူအရာများကို အတုခိုးတတ်လာပါလိမ့်မည်။ ရှေ့ဆက်၍ သင့်ကလေးသည် သင် အခြားသူများကို မည်သို့ဆက်ဆံသည်ကို သူမြင်သည့်အတိုင်း သင်ယူပါလိမ့်မည်။   ၇လ၏ နောက်ဆုံးပတ်တွင် သင့်ကလေးသည် • ထိုင်ရာမှ ထရပ်နိုင်သည်။ • ဝမ်းလျားမှောက်နေရာမှ ထထိုင်နိုင်သည်။ • လက်ခုပ်တီးတတ်ပြီး လက်ကိုဝှေ့ရမ်းနှုတ်ဆက်တတ်သည်။ • ပစ္စည်းများကို လက်ဖြင့် ကောက်ယူတတ်သည်။ • အိမ်နှင့် အနီးတဝိုက်ကို စူးစမ်းတတ်သည်။ • မေမေ၊ ဖေဖေ ခေါ်တတ်ပြီဖြစ်သည်။   ကလေးကို မည်သို့ ကူညီသင့်ပါသလဲ။ သင့်ကလေးသည် အခြားအခန်းတွင် သီးခြားအိပ်လျှင် သင်နှင့်ခွဲရမည်ကို စိုးရိမ်စိတ်ရှိလျှင် အိပ်ရာမဝင်ခင် သင့်ကလေးကို စာဖတ်ပြခြင်း၊ ပုခက်လွှဲပေးခြင်း၊ သီချင်းဖွင့်ပြခြင်းများလုပ်ပေးပြီး သူ့အနားတွင် အချိန်ပိုနေပေးပါ။ အိပ်ရာမဝင်ခင် ပုံမှန်လုပ်တတ်သောအရာများကို လုပ်ပေးခြင်းဖြင့် သင့်ကလေးကို […]

တဦးတည်းသောသား၊တဦးတည်းသောသမီးတွေဟာ အများအားဖြင့် မိဘက အလိုလိုက်ခံထားရပေမယ့် လူမှုပေါင်းသင်းဆက်ဆံရေးမှာ ညံ့ဖျင်းတာမျိုး မရှိပါဘူး။ သူငယ်ချင်းတွေနဲ့ ခင်ခင်မင်မင်နေထိုင်ပေါင်းသင်းတတ်ခြင်းနဲ့ ညီအကိုမောင်နှမ ရှိမရှိအကြားမှာ ဘာဆက်စပ်မှု၊သက်ရောက်မှုမှ မရှိဖူးလို့ လေ့လာချက်တွေက သက်သေပြခဲ့ပြီး ဖြစ်ပါတယ်။ မိသားစုတွေရဲ့ အရွယ်အစားဟာ တဖြည်းဖြည်းနဲ့ သေးသေးလာပါတယ်။ စက်မှုဖွံ့ဖြိုးပြီးနိုင်ငံတွေမှာ မိသားစုတွေရဲ့ အရွယ်အစား သေးငယ်လာတာနဲ့အမျှ ကလေးတွေရဲ့ လူမှုပေါင်းသင်းဆက်ဆံရေးစွမ်းရည်တွေနဲ့ ပတ်သက်လို့ စိုးရိမ်မှုတွေကတော့ ပိုမိုမြင့်တက်လို့ လာပါတယ်။ မိသားစုအရွယ်အစားသေးလာတယ်ဆိုတဲ့ အဓိပ္ပါယ်က ကလေးတွေအနေနဲ့ မွေးချင်းမရှိဘဲ ကြီးပြင်းလာရမယ်ဆိုတဲ့ အဓိပ္ပါယ်ဖြစ်ပါတယ်။ မွေးချင်းမရှိတဲ့ ကလေးတွေဟာ ညီအစ်ကိုမောင်နှမတွေနဲ့ ပြောဆိုဆက်ဆံရတာမျိုးမရှိတဲ့အတွက် ပေါင်းသင်းဆက်ဆံရေး ညံ့ဖျင်းတတ်တယ်လို့ အများက ယုံကြည်ထားကြပါတယ်။   တဦးတည်းသော သား/သမီးဖြစ်ရခြင်းရဲ့ ကောင်းကျိုးတွေ တဦးတည်းသော သား/သမီးတွေဟာ တကိုယ်ကောင်းဆန်တယ်၊အပေါင်းအသင်းမရှိဘူး၊ကြီးကျယ်တယ်၊ဘာမှမလုပ်တတ် မကိုင်တတ်ဖူး အစရှိသဖြင့် နှစ်ပေါင်းများစွာတိုင်အောင် ယူဆခြင်းခံထားရပါတယ်။ မွေးချင်းမရှိသူတွေအားလုံး ဒီပုံစံတွေချည်းပဲလို့ ယူဆလက်ခံထားသူတွေ အခုထိလည်း ရှိနေတုန်းပါပဲ။ ဒါပေမယ့် လေ့လာချက်အများအပြားအရ […]

အကောင်းမြင်တတ်ခြင်းသည် အရွယ်ရောက်ပြီးသူတို့၏ ကျန်းမာရေးက်ု အထောက်အကူဖြစ်စေရုံသာမက ဆယ်ကျော်သက်များ၏ စိတ်ပိုင်းတိုင်ရာကျန်းမာရေးနှင့် အပြုအမူများကိုလည်း တိုးတက်စေသည်။ အကောင်းမြင်စိတ်များသောသူများသည် မူးယစ်ဆေးသုံးစွဲခြင်း နှင့် ပတ်ဝန်းကျင်နှင့် သဟဇာတမဖြစ်ခြင်းတို့ဖြစ်နိုင်ချေနည်းစေပြီး စိတ်ကျရောဂါဖြစ်နိုင်ချေကို အင်မတန်နည်းစေကြောင်းတွေ့ရသည်။ အကောင်းမြင်စိတ်နည်းခြင်းနှင့် ဆက်နွယ်နေသော စိတ်ကျရောဂါများသည် မိန်းကလေးများတွင် ပိုဖြစ်သည်ကိုတွေ့ရသည်။ အကောင်းမြင်စိတ်အားနည်းသော ယောကျာ်းလေးများသည် မိန်းကလေးများနှင့် နှိုင်းစာလျှင် စိတ်ကျရောဂါဖြစ်နိုင်ချေ ထက်ဝက်ခန့်လျော့နည်းကြောင်းတွေ့ရသည်။   မိဘများအနေဖြင့် ဆယ်ကျော်သက်များကို ဘယ်လိုအားပေးနိုင်သလဲ။ မိဘများသ်ည ဆယ်ကျော်သက်များအား အကောင်းမြင်စိတ်ထားပါ။ အကောင်းဘက်ကနေကြည့်ပါ ထိုင်ပြောနေရုံသည် ထိရောက်စေသော နည်းမဟုတ်နိုင်ပါ။ ထိုသို့ပြုလုပ်မည့်အစား သင့်ကလေးကို နေ့စဉ်ကြုံတွေ့နေရသည့် ပဋိပက္ခများကို ကိုယ်တိုင်ကိုင်တွယ်စေခြင်းမျိုးကို ပြုလုပ်ကြည့်ပါ။ ပြသနာများဖြစ်လာပါက မိဘများအနေဖြင့် ကောင်းကွက်ဆိုးကွက်များကို သူတို့နားလည်လာအောင် သုံးသပ်ပြပါ။ ထို့နောက် တွေးခေါ်မျှော်မြင်တတ်လာအောင်းနှင့် သူများနေရာမှနေပြီး စဉ်းစားတတ်လာအောင် သင်ပေးပါ။ အားပေးပါ။   ဆယ်ကျော်သက်များကို အကောင်းမြင်စိတ်ဖြစ်လာအောင် ဘယ်လိုပြုလုပ်မလဲ။ အောက်ပါတို့သည် ဆယ်ကျော်သက်များကို အကောင်းမြင်စိတ်ဖြစ်လာအောင် ပြုလုပ်ရန် နည်းလမ်းအချို့ဖြစ်ပါသည်။   ကောင်းသောအဖြစ်အပျက်များကို မှတ်သားထားပါ။ နေ့တနေ့ပြီးဆုံးသွားချိန်တွင် သင်တနေ့တာပြုလုပ်ခဲ့သမျှ၊ […]

ကလေးများသည် အသက် ၂ နှစ်အရွယ်လောက်မှစတင်ပြီး ကိုယ့်သဘောနှင့်ကိုယ်ပြုမူနေထိုင်ရန် ကြိုးပမ်းခြင်းတို့ဖြစ်လာသောအခါ အများစုသောမိဘများသည် ထိုအခြေအနေနှင့် ရင်ဆိုင်လာကြသည်။ ထိုအခြေအနေသည် မိဘနှင့် သားသမီးကြားထဲတွင် အားပြိုင်မှုတခုဖြစ်လာသည်။ ယင်းသို့ဖြစ်ခြင်းသည် မိဘများအတွက်မူ စိန်ခေါ်မှုကြီးတရပ်ဖြစ်နိုင်ပြီး ထိုစိန်ခေါ်မှုသည် သူတို့သားသမီး ကလေးဘဝမှ ဆယ်ကျော်သက်အထိ ရင်ဆိုင်ရတတ်ပါသည်။ ထိုသို့ရုန်းကန်နေရသော ကာလများတွင် မိဘများအနေဖြင့် ကလေးများတွင် ဝင်လာစေမည့် မကောင်းသော အမြင်နှင့် အတွေးအခေါ်များကို ပြောင်းလဲပေးခြင်း၊ ကောင်းသော အပြုအမူများရှိလာအောင်း လေ့ကျင့်ပေးခြင်း စသည်တို့ကို ပြုလုပ်ပေးရပါသည်။   ကလေးငများကို အာဏာသုံးခြင်း ရှောင်ကြဉ်ပါ။ ကလေး၏အပြုအမူများကို မကောင်း ဟုယူဆပြီး သင်သည် အတင်းကာရော ပြုပြင်စေခြင်းကို ပြုမည့်အစား ထိုသို့အမူအရာများပြောင်းလဲလာခြင်းသည် ကလေးများကျန်းမာခြင်း ကြောင့် တိုးတက်မှုဖြစ်စဉ်တခုဖြစ်ခြင်းဟု ခံယူပြီး သူတို့ကို ပြုမူခွင့်ပေးထားလိုက်ပါ။ မိဘများက မိမိဖြစ်စေချင်သော အရာများကို အာဏာသုံပြီး ပြုပြင်ခိုင်းလိုက်လျှင် သူတို့စိတ်ထဲတွင် သူတို့သည် မည်သည့်အရာကိုမှ […]

သင့်တွင် မူလတန်းအရွယ်ကလေးများရှိပါက သူတို့ကို ကျန်းမာသော လူနေမှုပုံစံနှင့် ကောင်းမွန်သော ဘဝပုံရိပ်များရရှိအောင်ပြုစုပျိုးထောင်ပေးရမည်မှ သင့်တာဝန်ပင်ဖြစ်သည်။ ကလေးများသည် သင့်စိတ်တိုင်းကျညွှန်ကြားချက်များကို တသဝေမတိမ်း လိုက်နာမည်မဟုတ်ပါ။ သင့်နည်းပေးလမ်းပြမှုများသည် သင့်ကလေးကို ထိန်းကျောင်းရာတွင် မှားယွင်းနေသလား သင်စဉ်းစားမိပါသလား၊ ထိုသို့မှားယွင်းနေပါက ယင်းတို့အစား ပိုပြီး ပညာသားပါသော နည်းများဖြင့် ကိုင်တွယ်နိုင်ကြောင်း အောက်ပါအတိုင်းရေးသားအကြံပေးလိုက်ရပါသည်။ သင့်ကလေးသည် အဝလွန်နေသော်လည်း လက်မခံခြင်း ကျောင်းနေရွယ်ကလေးများ နှင့် အရွယ်ရောက်စ မြီးကောင်ပေါက်များသည် ရုပ်ပိုင်းဆိုင်ရာပြောင်းလဲမှုများစွာကို ကြုံတွေ့ရပါသည်။ ထို့ကြောင့် ထိုကာလတွင် ကိုယ်လက်လှုပ်ရှားမှုများလုပ်ခြင်း၊ ကျန်းမာစေသော အစာများစားခြင်းတို့ပြုလုပ်ရန် လိုပါသည်။ ထိုအချိန်သည် ကောင်းသော အကျင့်များစတင်အောင် မွေးပေးနိုင်သလို အကျင့်ဆိုးများလည်း အမြစ်တွယ်ရလွယ်ကူသော အချိန်ပင်ဖြစ်ပါသည်။ သွေးတိုးခြင်း၊ သွေးတွင်းသကြားဓါတ်များခြင်းနှင့် သွေးတွင်းအဆီဓါတ်များခြင်းတို့သည် လူကြီးများတွင် ဖြစ်သောရောဂါဟု လူအများစုက မှတ်ယူထားခြင်းသည် မှားယွင်းသော အယူအဆပင်ဖြစ်သည်။ ကလေးဘဝတွင်ကိုယ် အလေးချိန်လွန်ကဲမှုဖြစ်ခြင်းကြောင့် ထိုရောဂါများဖြစ်လာနိုင်ချေများပါသည်။ သင့်ကလေးသည် အဝလွန်နေပါက သင့်ကလေးကို သူ့ကိုယ်ခန္ဓါအရွယ်အစားနှင့် […]