ကူးစက်ရောဂါများ

ဝက်သက်လို့ပြောရင် ကလေးတွေမှာပဲပေါက်တာလေလို့များတွေးနေလား၊ မဟုတ်ပါဘူးနော်။ အသက်ကြီးမှလည်း ဝက်သက်ပေါက်နိုင်ပါတယ်။ ကြီးမှပေါက်တဲ့ ဝက်သက်က ပိုခံရခက်ပါတယ်။ ဝက်သက်က အရွယ်မရွေးပေါက်နိုင်တဲ့ ကျန်းမာရေးအခြေအနေတစ်ရပ်ပါ။ အခုတစ်ခေါက်တော့ အသက်ကြီးမှပေါက်တဲ့ ဝက်သက်အကြောင်းလေးနည်းနည်းလောက်ပြောပြပါရစေလား။ ဝက်သက်ဆိုတာက ဘာလဲ ဝက်သက်ဆိုတာက အသက်ရှုလမ်းကြောင်းစနစ်မှာ ပိုးဝင်ကူးစက်တဲ့ရောဂါတစ်မျိုးပေါ့။ ကူးစက်မြန်တဲ့ရောဂါတစ်မျိုးပါ။ရောဂါပိုးရှိနေတဲ့ ချွဲသလိပ်တွေ၊တံထွေးတို့နဲ့ထိမိရင်ဖြစ်ဖြစ်ရောဂါပိုးရှိတဲ့လူကနှာချေလိုက်တဲ့အခါချောင်းဆိုးလိုက်တဲ့အခါမှာရောဂါပိုးတွေပြန့်နှံ့ပြီး ကူးစက်နိုင်ပါတယ်။ ဒီရောဂါပိုးဟာပြင်ပလေထုနဲ့ ပစ္စည်းတွေပေါ်မှာ အချိန်အတော်ကြာရှင်သန်နေနိုင်ပါတယ်။ရောဂါပိုးရှိတဲ့သူနဲ့ နီးနီးကပ်ကပ်နေရင်ဖြစ်ဖြစ်၊ရောဂါပိုးတွေကပ်ငြိနေတဲ့နေရာကို ထိတွေ့မိရင်ဖြစ်ဖြစ် ဝက်သက်ရောဂါကူးစက်ဖြစ်ပွားနိုင်ပါတယ်။ရောဂါပိုးရှိသူနဲ့ တစ်ခွက်တည်းအတူတူသောက်မိတာ၊အသုံးအဆောင်တွေအတူတူမျှသုံးတာတွေကြောင့် ဝက်သက်ရောဂါကူးစက်ခံရနိုင်ပါတယ်။ ဝက်သက်က ကလေးငယ်တွေကိုအသက်ဆုံးရှုံးစေတဲ့ အဓိကအကြောင်းအရင်းပါ။ ၂၀၁၄ ခုနှစ်အတွင်း ကမ္ဘာတလွှားမှာ ဝက်သက်ရောဂါကြောင့် ကလေးငယ် ၁၁၄၉၀၀ ဦးအထိရှိခဲ့တာပါ။ အသက် ၅ နှစ်အောက်ကလေးငယ်တွေဟာ ဝက်သက်ရောဂါကြောင့် အသက်ဆုံးရှုံးနေရပါတယ်။ ဝက်သက်က ဒီလောက်ထိကြောက်ဖို့ကောင်းတာပါ။ ဘယ်လိုလက္ခဏာတွေတွေ့ရနိုင်လဲ ဝက်သက်ရောဂါပိုးက ကူးစက်ခံထားရပြီး ၁၀ ရက်ကနေ ၁၄ ရက်အတွင်းမှာရောဂါလက္ခဏာပြတတ်ပါတယ်။ ဝက်သက်ကူးစက်ခံထားရပြီဆိုရင် အဖျားတက်မယ် ချောင်းခြောက်ဆိုးမယ် နှာစေးမယ် လည်ချောင်းနာမယ် မျက်လုံးတွေရောင်မယ် မျက်လုံးတွေနီရဲနေမယ် […]

ဝက်သက်ရောဂါက ကူးစက်ပြန့်ပွားနှုန်းမြင့်မားလိုက်ပုံများချောင်းဆိုးတာ၊ နှာချေတာလောက်နဲ့လေထဲကနေကူးနိုင်တာပါ။ ဝက်သက်လက္ခဏာတွေက ဖျားတယ်၊ချောင်းဆိုးတယ်၊ နှာစေးတယ်၊ မျက်စိတွေနီတယ်၊ လည်ချောင်းနာတယ်။ ခုချိန်မှာ ကူးစက်မှုကိုထိန်းထားနိုင်ပေမယ့် အရင်ကဆို ဝက်သက်ပေါက်တယ်ဆိုတာ တစ်သက်မှာတစ်ခါကြုံကိုကြုံဖူးကြမယ့် အခြေအနေတစ်ခုအဖြစ် လူကြီးတွေပြောလေ့ရှိပါတယ်။ ကလေးတွေမှာ ဝက်သက်ပေါက်မယ်၊ ရေများများချိုးပေးမယ်၊ ငယ်တုန်းတစ်ကြိမ် ပေါက်ပြီးရင်ပြီးရော၊ တစ်သက်လုံးအေးဆေးပဲ သူတို့အပြောက။ ဒါပေမယ့် ဝက်သက်မပေါက်အောင်ကာကွယ်တာပိုကောင်းတယ်ဆိုတာ၊ ဝက်သက်က အခန့်မသင့်ရင် အသက်ဆုံးရှုံးရနိုင်တယ်ဆိုတာ လူတိုင်းသိဖို့လိုပါတယ်။နောက်ပြီးတော့ရော ဘာတွေအသိမှားနေသေးလဲ။ ဟိုးအရင်တည်းက အဖြစ်များတဲ့ အတွေးမှားတချို့ကို ဒီကနေပြောပြမယ်နော်။ (၁) ဝက်သက်က ကလေးတွေမှာပဲဖြစ်တတ်တယ် ဖြစ်နိုင်ခြေနည်းတယ်ဆိုပေမယ့်လူကြီးတွေမှာလည်းဖြစ်တတ်ပြီး ပိုပြင်းထန်တတ်ပါတယ်။ ကာကွယ်ဆေးမထိုးထားဘဲ ငယ်စဉ်မှာလည်း ဝက်သက်မပေါက်ဖူးသေးဘူးဆိုရင် အသက်ကြီးမှ ကူးစက်ခံရတဲ့အခါ ခံစားရတာပိုပြင်းထန်ပြီး အသက်အန္တရာယ်ပါရှိနိုင်ပါတယ်။   (၂) သဘာဝနည်းတွေနဲ့ ကြိုကာကွယ်လို့ရတယ်၊ ကာကွယ်ဆေးမလိုဘူး ဝက်သက်ကိုဝေဒနာသက်သာစေမယ့်နည်းတွေရှိကောင်းရှိမယ်၊ လုံးဝကြိုတင်ကာကွယ်နိုင်ဖို့ကတော့ လုံလောက်နိုင်မှာမဟုတ်ပါဘူး။ ကာကွယ်ဆေးထိုးခြင်းကသာလျှင် ကူးစက်မခံရအောင် ကာကွယ်တားဆီးနိုင်ဖို့လုပ်နိုင်တဲ့ အကောင်းဆုံးနည်းလမ်းဖြစ်ပါတယ်။ ကလေးတွေကိုကာကွယ်ဆေးထိုးဖို့အရေးမှာ မိဘတွေဘက်က အကြောင်းအမျိုးမျိုးကြောင့်( အခြေအနေမပေးလို့၊ […]

မာကျူရီ အဆိပ်သင့်ခြင်းဆိုတာကို အားလုံးကြားဖူးကြမယ်လို့ ထင်ပါတယ်။ ကြားဖူးပေမယ့် ဘယ်ကနေ ဘယ်လို ဒီလို အဆိပ်သင့်တာဖြစ်ရသလဲဆိုတာကိုတော့ အလုံးစုံ သိတဲ့သူတွေ သိပ်မရှိသေးတာမို့ ဒီဆောင်းပါးလေးမှာ မာကျူရီအဆိပ်သင့်တဲ့ အကြောင်းပြောပြပေးချင်ပါတယ်။ မာကျူရီ အဆိပ်သင့်( ပြဒါး အဆိပ်သင့်) တယ်ဆိုတာ ဘာလဲ။  မာကျူရီအဆိပ်သင့်ခြင်းဆိုတာ မာကျူရီအဆိပ်ဓာတ်ပါနေတဲ့ အစားအသောက် တွေကို စားမိရာက စတာပါပဲ။ မာကျူရီဆိုတာ အဆိပ်ရှိတဲ့ သတ္တုပစ္စည်းတစ်ခုဖြစ်ပြီး ပင်လယ်စာတွေမှာ အတွေ့များပါတယ်။ နည်းနည်းလေးစားမိရင် ကျန်းမာရေးကို မထိခိုက်စေတတ်ပေမယ့် မသိလိုက်ဘဲ အများကြီးစားလိုက်မိရင်တော့ မာကျူရီအဆိပ်သင့်ခြင်း စတင်ဖြစ်တော့တာပါပဲ။ မာကျူရီ အဆိပ်သင့်( ပြဒါး အဆိပ်သင့်)ခြင်းရဲ့ လက္ခဏာများ မာကျူရီအဆိပ်ဟာ သင့်ရဲ့ ဦးနှောက်နဲ့ အာရုံကြောစနစ်ကို အဓိက ပြဿနာဖြစ်စေပါတယ်။ မာကျူရီပါတဲ့ အစားအသောက်တွေ နည်းနည်းချင်းစီစားမိနေတဲ့သူတစ်ယောက်ဟာ ကြာလာရင် ခြေတွေ လက်တွေ ထုံကျင်လာမယ် မှတ်ဉာဏ်ပိုင်းစွမ်းရည်တွေ ကျဆင်းလာမယ် စိုးရိမ်မှုတွေ […]

လက်ဆေးပါ၊ လက်ဆေးပါ ဆိုတဲ့အမှာစကားတွေက အလကားမဟုတ်ဘူးနော်။ မနက်အိပ်ရာထတည်းကစောင်ကိုခွာမယ်၊ခြင်ထောင်ကိုမမယ်၊ မျက်လုံးကိုပွတ်မယ်၊ ဒီလက်နှစ်ဖက်နဲ့ပဲမလား။ ဘာလုပ်လုပ် ဘာကိုင်ကိုင် ဒီလက်ချောင်းတွေ၊လက်ဖဝါးတွေနဲ့ မထိတွေ့ဘဲ မပြီးပါဘူး။ တစ်နေ့တာမှာ ဒီလောက်ထိတွေ့မှုများတဲ့အစိတ်အပိုင်းကို ဘာလို့များသန့်တယ်ထင်နေရတာလဲ။ အမယ် လာသေးတယ်...ငါ့လက်ကဆေးပြီးသားတဲ့။ ဘယ်တုန်းကလဲဆိုရေချိုးတုန်းကလေ ဆိုတာမျိုး။ အခုပြောချင်တာက ကိုယ့်အိမ်မှာထက်တောင်နေရချိန်ပိုများနေတဲ့ လုပ်ငန်းခွင်ရုံးခန်းမှာ သန့်ရှင်းမှုဂရုစိုက်မိဖို့ပါ။ မနက်စောစော ရုံးကိုပြေးလာမယ်၊ အချိန်မရလို့ မနက်စာကိုအပြေးအလွှားစားမယ်၊ ရောက်တာနဲ့ အလုပ်တွေဝင်လုပ်မယ်။ ဒါတော်တော်များများလုပ်နေကြ ပရိုစီဂျာပဲ။ မနက်မိုးလင်းကနေ ညမှောင်တဲ့အထိ ရှိနေခဲ့တဲ့ ရုံးမှာ လက်ဘယ်နှကြိမ်ဆေးခဲ့သလဲ။ရောဂါဘယကင်းစေဖို့အတွက် သန့်ရှင်းမှုကိုဂရုစိုက်ဖို့ ဘာလို့အရေးကြီးတာလဲ ဆက်ဖတ်ကြည့်နော်။ရောဂါပိုးမွှားတွေအများဆုံးရှိနိုင်တဲ့ ရုံးကနေရာတွေကို သိရင် ယူတို့ လက်မဆေးဘဲ မနေနိုင်တော့လောက်ပါဘူး။ ဓါတ်လှေကားခလုတ် အပေါ်တက်မယ်၊အောက်ဆင်းမယ်နဲ့ ဓါတ်လှေကားခလုတ်လေးတွေကနေ့တိုင်းအလုပ်လုပ်ရပါတယ်။ အထပ်တိုင်းမှာ လူရှိ၊ရုံးခန်းတွေရှိနေတော့ ခလုတ်တိုင်းကို ထိတွေ့သူအများကြီးပေါ့။ မမြင်ရပေမယ့် ဒီခလုတ်တွေမှာရောဂါပိုးမွှားတွေလည်း အများကြီးရှိနေမှာပါ။ တံခါးလက်ကိုင် အလုပ်လာတက်တဲ့လူတိုင်း ရုံးခန်းထဲဝင်ချင်ရင် တံခါးလက်ကိုင်ကို ထိရကိုင်ရမှာပဲ။ လူတွေများလေရောဂါပိုးမွှား၊ […]

ခြင်ကိုက်တယ် ြခင်ကိုက်တယ်နဲ့ ခြင်ထောင်တွေ ထောင်အိပ်ကြ၊ ခြင်ဆေးခွေတွထွန်း၊ ခြင်ဆေးတွေဖျန်းကြ၊ ခြင်မကိုက်တဲ့လိမ်းဆေးတွေ လိမ်းကြနဲ့ ခြင်နဲ့ စိမ်းတဲ့သူရှိမယ်မထင်ပါဘူး။ အကောင်းသေးသလောက် နားနားကပ်အောင်ရင် အမြင်ကပ်စရာကောင်းလောက်အောင် အသံကျယ်တဲ့ခြင်။ ကိုက်လိုက်ရင်လည်း ယားကျန်ခဲ့သလို ရောဂါပိုးတွေလည်း ဖြန့်ဝေတတ်တဲ့ ခြင် ကို လူတိုင်းနီးပါး ရင်းနှီးပြီးသား ဖြစ်ပေမယ့် ခြင် အကြောင်း အတွင်းကျကျ ပိုလေ့လာချင်တဲ့သူတွေ အတွက် ဒီဆောင်ပါးကို ရေးသားရတာ ဖြစ်ပါတယ်။ စာရေးသူကိုယ်တိုင်ကလည်း ခြင်ဆို အင်မတန်မုန်းပါတယ်။ ။ ခြင်ဆိုတာ ဘာလဲ။ ။ ခြင်( Mosquito ) ဆိုတာ စပိန်စကားကနေ ဆင်းသက်လာပြီး ယင်ကောင်အသေးစားလေးလို့ အဓိပါ္ပယ်ရပါတယ်။ ခြင်မျိုးစိတ်ပေါင်း ထောင်ကျော်လောက်ရှိပြီး မျိုးပွားမှု အင်မတန်မှ မြန်တဲ့ များတဲ့ အကောင်တွေပါ။ မျိုးပွားဖို့အတွက်ကို ထုံးစံအတိုင်း ခြင်မတွေကသာ တာဝန်ယူရပြီး […]

မနက်ခင်းမှာ ဆောင်းလေ အေးလေး မျက်နှာကို ထိတွေ့တိုက်ခတ်မှုက ကဗျာဆန်တယ်နော်။ စိတ်ကြည်နူးစရာလည်း ကောင်းပါတယ်။ ဆောင်းရဲ့ အငွေ့အသက်က လူကို ပျော်ရွှင် လန်းဆန်းစေပါတယ်။ ဆောင်းမနက်ခင်းက အလှအပတရားတွေ ပြည့်စုံတယ်လို့ တင်စားကြတာတောင် ရှိပါတယ်။ ဒီပျော်ရွှင်စရာကောင်းတဲ့ ဆောင်းရာသီကို လန်းဆန်းပျော်ရွှင်စွာ ဖြတ်သန်းနိုင်ဖို့ ဒီ ဆောင်းပါးလေးကနေ သတိထားရမယ့် အချက်တွေကို ပြောပြမယ်နော်။ ပျော်ရွှင်စရာ ဆောင်းရာသီလေးဖြစ်စေဖို့ ဘယ်အချက်တွေ လိုက်နာရမလဲ ဆိုတာ ကြည့်လိုက်ရအောင်နော်။ ပျော်ရွှင်စရာ ဆောင်းရာသီလေးဖြစ်စေဖို့ ပျော်ရွှင်စရာ ဆောင်းရာသီလေးဖြစ်စေဖို့ ဒါလေးတွေ လိုက်နာပါနော်...... အိပ်ရေးဝဝ အိပ်ပါ ဆောင်းရာသီက အိပ်ကောင်းတာလည်း အမှန်ပဲနော်။ ဒီတော့ အိပ်ပျော်အောင် အိပ်ဖို့တော့ လိုမှာပေါ့။ ညဘက်တွေမှာ ဖုန်းသုံးတာ၊ ဂိမ်းဆော့တာတွေ လျှော့လို့ အိပ်ရေးဝအောင် အိပ်ပေးပါနော်။ အိပ်ရေးဝဝ အိပ်တာက ကိုယ်ခံအား ကောင်းစေတဲ့ […]

လွန်ခဲ့သည့်နှစ်အနည်းငယ်ကစပြီး ရုပ်မြင်သံကြားမှာ ထုတ်လွှင့်နေတတ်တဲ့ လက်ဆေးခြင်းအကြောင်း ပညာပေး ကာတွန်းရုပ်ရှင်လေးကို ကြည့်ဖူးပါသလား။ ဆေးရုံဆေးခန်းတွေမှာ လူနာသွားမေးတဲ့အခါ အထူးကြပ်မတ်ကုသခန်းအဝင်တွေမှာ လက်ဆေးဆပ်ပြာရည်ဘူးလေးတွေ တပ်ဆင်ပေးထားတာ မြင်ဖူးပါသလား။ ဒါဟာ လက်ဆေးခြင်းရဲ့ အရေးပါပုံကို မမေ့ရအောင် သတိပေးနေတာတွေ ဖြစ်ပါတယ်။ အောက်တိုဘာ (၁၅) ရက်နေ့ကိုလည်း Global Hand Washing Day လို့ သတ်မှတ်ထားပါတယ်။ ဘာကြောင့်လက်ဆေးဖို့လိုသလဲ နေ့စဉ်အရာဝတ္တုများကို ထိတွေ့ကိုင်တွယ်နေရတဲ့ လက်ဟာ ဘက်တီးရီးယားနဲ့ တခြားရောဂါပိုးတွေ ကပ်ငြိနေနိုင်ပါတယ်။ သုတေသနစာစောင်တခုမှာ ၁စတုန်းစင်တီမီတာမှာ ဘက်တီးရီးယားပေါင်း ၁၅၀၀ လောက်ရှိတယ်လို့ ဖော်ပြထားပါတယ်။ လက်ဖျားကနေ တံတောင်ဆစ်အထိဆိုရင် သန်းနဲ့ချီပြီး ရှိနေနိုင်ပါတယ်။ ကလေးငယ်တွေဆိုရင် ညစ်ပေတဲ့အရာတွေကို ထိတွေ့ကိုင်တွယ်ရာကနေ ပါးစပ်ထဲကို လက်ထည့်တတ်တာကြောင့် ရောဂါပိုးတွေ ဝင်ရောက်နိုင်ပါတယ်။ လက်ကနေတဆင့် ဝင်ရောက်နိုင်တဲ့ ကူးစက်ရောဂါမျိုးစုံကို အထိရောက်ဆုံး၊ ကုန်ကျစရိတ် အသက်သာဆုံးနဲ့ အရိုးရှင်းဆုံး ကာကွယ်တားဆီးပေးနိုင်တဲ့ […]

အဓိပ္ပါယ်ဖွင့်ဆိုချက်ဝိုင်းလ်ရောဂါ ဆိုတာဘာလဲ။ ဝိုင်းလ်ရောဂါဆိုတာ လပ်တိုစပိုင်ရိုးစစ်ရောဂါရဲ့ ပြင်းထန်အမျိုးအစားတစ်မျိုးဖြစ်ပါတယ်။ ဘက်တီးရီယားရောဂါတစ်မျိုးပါ။ လပ်တိုစပိုင်ရာ ဘက်တီးရီးယားတွေကြောင့်ဖြစ်ရတာပါ။ ဘက်တီးရီးယားကူစက်ခံထားရသော တိရိစ္ဆာန်တို့၏ သွေး၊ ဆီးနဲ့ တစ်ရှုးတို့ဖြင့် ထိတွေ့မိမယ်ဆိုရင် ထိုရောဂါရရှိလာနိုင်ပါတယ်။ အောက်ပါတိရိစ္ဆာန်များ ဖြစ်နိုင်ပါတယ်။ ကျွဲ၊နွား ဝက် ခွေး ကြွက် ရောဂါပိုးကူးစက်ခံထားရတဲ့ ရေ၊မြေတို့ဖြင့် ထိတွေ့မိခြင်းဖြင့်လည်း ရရှိနိုင်ပါတယ်။ လပ်တိုစပိုင်ရိုးစစ်က ခေါင်းကိုက်ခြင်း၊ ချမ်းတုန်ခြင်းလိုမျိုး တုပ်ကွေးအပျော့စားလက္ခဏာတွေနဲ့ ဆင်တူပါတယ်။ ကိုယ်တွင်းအင်္ဂါတွေကို ကူးစက်သွားမယ်ဆိုရင် ပိုမိုပြင်းထန်တဲ့ ဓါတ်ပြုမှုတွေ ဖြစ်ပေါ်လာနိုင်ပါတယ်။ ယင်းကိုယ်တွင်းအင်္ဂါတွေက အောက်ပါတို့ဖြစ်ပါတယ်။ အသည်း ကျောက်ကပ် အဆုတ် နှလုံး ဦးနှောက် သင့်မှာလပ်တိုစပိုင်ရိုးစစ်ရှိတယ်လို့ တွေ့ရှိလာပြီဆိုရင် ဆရာဝန်က ပဋိဇီဝဆေးတွေနဲ့ ကုသပါလိမ့်မယ်။ ဝိုင်းလ်ရောဂါထိဖြစ်သွားပြီဆိုရင်တော့ ပိုမိုစောင့်ရှောက်မှုလိုတဲ့အတွက်ကြောင့် ဆေးရုံတင်ရနိုင်ပါတယ်။ ဝိုင်းလ်ရောဂါဟာ ဘယ်လောက်ထိ အဖြစ်များသလဲ။ ဒီရောဂါဟာ အတွေ့ရနည်းပါတယ်။ အသက်အရွယ်မရွေးဖြစ်နိုင်ပါတယ်။ ရောဂါဖြစ်ပွားနိုင်တဲ့အချက်အလက်တွေကို လျှော့ချခြင်းအားဖြင့် စီမံနိုင်ပါတယ်။ အချက်အလက်များထပ်မံသိရှိဖို့အတွက် ဆရာဝန်နဲ့ တိုင်ပင်ဆွေးနွေးသင့်ပါတယ်။ ရောဂါလက္ခဏာများဝိုင်းလ်ရောဂါရဲ့ ရောဂါလက္ခဏာတွေက ဘာတွေလဲ။ လပ်တိုစပိုင်ရိုးစစ်အပြီး ၁ရက်နေ ၃ရက်အတွင်းမှာ ဝိုင်းလ်ရောဂါရဲ့ လက္ခဏာတွေဖြစ်ပေါ်လာပါတယ်။ ထိခိုက်ခံရတဲ့ ကိုယ်အင်္ဂါတွေပေါ်မူတည်ပြီး ရောဂါလက္ခဏာတွေ […]

အဓိပ္ပါယ်ဖွင့်ဆိုချက်ဝှစ်ပယ်ရောဂါ ဆိုတာဘာလဲ။ ဝှစ်ပယ်ရောဂါဆိုတာ ရှားပါးဘက်တီးရီးယားရောဂါတစ်မျိုးဖြစ်ပြီး ခန္ဓါကိုယ်အနှံ့က စနစ်မျိုးစုံတို့ကို ထိခိုက်ကာ ရောဂါလက္ခဏာအမျိုးမျိုး ရရှိစေပါတယ်။ ခန္ဓါကိုယ်အခြားအစိတ်အပိုင်းများကို မပြန့်နှံ့ခင် အစာအိမ်နဲ့အူလမ်းကြောင်း (အဓိက အူသိမ်)မှာ အများဆုံးဖြစ်ပွားတတ်ပါတယ်။ ဝှစ်ပယ်ရောဂါဆိုတာ ရှားပါးပေမယ့် ဖြစ်ပွားလာရင်တော့ အသက်အန္တရယ်ရှိပါတယ်။ ဝှစ်ပယ်ရောဂါဟာ ဘယ်လောက်ထိ အဖြစ်များသလဲ။ ဝှစ်ပယ်ရောဂါဟာ တော်တော်ရှားပါးပါတယ်။ အသက်၄၀နဲ့၆၀ကြား လူဖြူယောက်ျားတွေက အခြားလူမျိုးတွေထက် ဖြစ်ပွားနိုင်ခြေများပါတယ်။ ရေချိုမရှိတဲ့နေရာ၊ သန့်ရှင်းမှုမရှိတဲ့နေရာတွေမှာ ဖြစ်ပွားနှုန်းမြင့်မားပါတယ်။ အချက်အလက်များထပ်မံသိရှိဖို့အတွက် ဆရာဝန်နဲ့ တိုင်ပင်ဆွေးနွေးသင့်ပါတယ်။ ရောဂါလက္ခဏာများဝှစ်ပယ်ရောဂါရဲ့ ရောဂါလက္ခဏာတွေက ဘာတွေလဲ။ ဝှစ်ပယ်ရောဂါက ခန္ဓါကိုယ်ကို အာဟာရဓါတ်တွေ မစုပ်ယူနိုင်အောင် တာဆီးပါတယ်။ ထိုအကြောင်းအရင်းကြောင့် ခန္ဓါကိုယ်အနှံ့ကို ထိခိုက်ပြီး ရောဂါလက္ခဏာမျိုးစုံဖြစ်ပွားလာပါတယ်။ ရောဂါအဆင့်မြင့်လာပြီဆိုရင် အူကနေ အခြားသော ကိုယ်အင်္ဂါတွေကို ပြန်နှံ့သွားပါတယ်။ အောက်ပါတို့ပါဝင်ပါတယ်။ နှလုံး အဆုတ် ဦးနှောက် အဆစ်အမျက် မျက်လုံး ဝှစ်ပယ်ရောဂါရဲ့ အတွေ့ရများဆုံး ရောဂါလက္ခဏာတွေက အောက်ပါတို့ဖြစ်ပါတယ်။ နာတာရှည်အဆစ်နာခြင်း သွေးပါနိုင်သောဝမ်းလျောခြင်း ကိုယ်အလေးချိန်သိသိသာသာကျခြင်း အစာအိမ်တင်းခြင်း၊ အောင့်ခြင်း အမြင်အာရုံကျခြင်း၊ မျက်စိနာခြင်း ဖျားခြင်း ပင်ပန်းနွမ်းနယ်ခြင်း သွေးအားနည်းရောဂါ (သွေးနီဥအရည်အတွက်ကျခြင်း) အောက်ပါရောဂါလက္ခဏာတွေက အတွေ့မများသော်လည်း ရောဂါပိုဆိုးလာပြီဆိုတာကို ပြသပါတယ်။ အရေပြားပုံမှန်ရောင်မဟုတ်သောအကွက်များထခြင်း ပြန်ရည်ဖုရောင်ခြင်း နာတာရှည်ချောင်းဆိုးခြင်း ရင်ဘတ်အောင့်ခြင်း နှလုံးအကာရောင်ခြင်း၊ […]