သဘာဝဆေးဖက်ဝင်

သန်ကျဆေး သောက်ပါဆိုရင် မိုးတွင်းကြီးမို့ မသောက်ချင်ဘူး။ လူကြီးတွေက မလိုဘူးဆိုပြီး ပြောတတ်ကြပါတယ်။ တကယ်က သူတို့က သန်ချဆေးသောက်ဖို့ ကြောက်နေကြတာပါ။ သန်ကျဆေး သောက်ရမှာကြောက်တဲ့သူတွေအတွက် သဘာဝဆေး တွေက ဘာတွေလဲဆိုတာကို သိရှိနိုင်စေဖို့ ဖော်ပြပေးလိုက်ပါတယ်။ သန်ကျဆေးသောက်ဖို့ လိုသလား။ သန်ကောင်၊ တုတ်ကောင်တွေဆိုတာ ပုံသဏ္ဍာန်ကိုက အူယားစရာ၊ ရွံစရာကောင်းပါတယ်။ လူ့ခန္ဓာကိုယ် အတွင်းထဲမှာ ရှင်သန်ပွားများနေကြတာကို တွေးကြည့်ရင်ပဲ စိတ်ပျက်စရာပါ။ ဒါတင်မက သူတို့တွေက အူလမ်းကြောင်းမှာပဲ ရှိနေတာမဟုတ်ပါဘူး။ ဒီကပ်ပါးကောင်တွေက အဆုတ်၊ အစာလမ်းကြောင်း၊ နားလမ်းကြောင်း စတဲ့ ခန္ဓာကိုယ်အစိတ်အပိုင်းများစွာထိအောင်  ပျံ့နှံ့ရောက်ရှိနေနိုင်ပါတယ်။ လူက စားလိုက်သမျှကို သူတို့ကစားသုံးတယ်၊ လူရဲ့သွေးကိုလည်း စားသုံးတယ်ဆိုတော့ ကြာလာရင် အရေးပါတဲ့ သံဓာတ်နဲ့ ပရိုတင်းဓာတ်တို့လို အာဟာရဓာတ်တွေ ချို့တဲ့တာတွေဖြစ်လာစေတာပေါ့။ တုတ်ကောင်၊ သန်ကောင်တွေက သွေးကြောထဲကိုလည်း ဝင်ရောက်နိုင်ပါတယ်။ ခန္ဓာကိုယ်အနှံ့ကို သွားလာနိုင်တယ်ဆိုတော့ အသည်း၊ […]

အတို့အမြှုပ်အဖြစ်နဲ့ဖြစ်ဖြစ်၊ ဘဲဥနဲ့ဖြစ်ဖြစ်ကြော်စားကြတယ်လေ။ စားလို့လည်းကောင်းတယ်နော်။ အရွက်တင်မဟုတ်ပါဘူး။ အဖူးအပွင့်လေးတွေကလည်း စားလို့ရပါတယ်နော်။ တစ်ပင်လုံးနီးပါးဆေးဖက်ဝင်တာပါ။ ဒီလိုဆေးဖက်ဝင်တဲ့စားစရာအပင်လေးက သင်္ဘောမယ်ဇလီပင်ပါနော်။ ဒီအပင်လေးကတော်တော်လေးဆေးဖက်ဝင်တာပါ။ သင်္ဘောမယ်ဇလီပင်က ဒီလိုဆေးဖက်ဝင်ပါတယ် အာရှတိုက်နေရာတော်တော်များများမှာပေါက်ရောက်တဲ့ သင်္ဘောမယ်ဇလီပင်ကနေရာတိုင်းလိုလိုမှာ တိုင်းရင်းဆေးအဖြစ် အသုံးပြုကြပါတယ်။ သဘာဝ ဝမ်းနုတ်ဆေးတစ်ခုဖြစ်သလိုပွေးနဲ့ဝဲလိုမျိုး အရေပြားပြဿနာတွေကိုလည်း သက်သာစေနိုင်ပါတယ်။ မှိုပိုးတွေကိုလည်း တိုက်ဖျက်ပေးနိုင်ပါတယ်။သွေးသန့်စေဖို့အတွက် စားသုံးပေးလို့ရသလို ဝမ်းချုပ်ေနသူတွေအနေနဲ့လည်း စားသုံးပေးလို့ရပါတယ်။ ဝမ်းပျက်ဝမ်းလျှောတာကို သက်သာစေဖို့အတွက်လည်း အသုံးပြုပေးနိုင်ပါသေးတယ်နော်။ အမျိုးသမီးတွေမှာဆိုရင်လည်း သင်္ဘောမယ်ဇလီက သားအိမ်ကိုကျန်းမာစေနိုင်ပါတယ်။ အသားအရောင် မညီတာအတွက်လည်း အသုံးပြုပေးလို့ရပါသေးတယ်။ ဝမ်းပျက်ဝမ်းလျှောဖြစ်တဲ့အခါ သင်္ဘောမယ်ဇလီပင်ရဲ့ အခေါက်ကို အသုံးပြုပေးလို့ရပါတယ်။ အရေပြားပြဿနာတွေအတွက်ကတော့ အရွက်ကို အခြောက်ခံအမှုန့်ကြိတ်ပြီး အုန်းဆီနဲ့ရောလို့ အရေပြားပြဿနာခံစားနေရတဲ့နေရာမှာ လူးပေးလို့ရပါတယ်နော်။ ဝမ်းချုပ်နေမယ်ဆိုရင်တော့ သင်္ဘောမယ်ဇလီ အပွင့်ကို အုန်းနို့နဲ့ရောစပ်ပြီးသောက်သုံးပေးလို့ရပါတယ်။ အစာအိမ်ဝေဒနာရှိသူတွေအနေနဲ့လည်း အရွက်၊အပွင့်၊ အသီးခြောက်တို့ကို အခြေခံပြီးရေနွေးကြမ်းသောက်သလိုသောက်ပေးလို့ရပါတယ်နော်။ သင်္ဘောမယ်ဇလီ အစေ့ကတော့ သဘာဝ ဝမ်းနုတ်ဆေးပါ။ အရွက်ကို ဘဲဥနဲ့ […]

မိန်းကလေးတစ်ယောက်က မျက်ခုံး၊မျက်လုံး၊မျက်တောင်လေးလှမှ ကြည့်ရလှတာနော်။ မျက်ခုံးလေးနဲ့ မျက်တောင်လေးတွေကို သဘာဝအတိုင်းလျအောင်လုပ်ပေးလို့ရပါတယ်နော်။ အရုပ်မလေးလိုမျိုး မျက်တောင်ထူထူကော့ကော့လေးနဲ့ လှချင်တဲ့ Hello ဆရာဝန်ပရိသတ်ကြီးများရှိလား။ ဒါဆိုရင်တော့ ဒီဆောင်းပါးလေးက သင့်အတွက်ပါနော်။ ဘာတွေကြောင့်မျက်တောင် ပါးရတာလဲ မျက်တောင်ပါးရတဲ့အကြောင်းအရင်း မျိုးရိုးလိုက်တာ အသက်အရွယ်ရလာတာ ဆေးဝါးတွေသောက်သုံးနေရတာ ဓါတုကုထုံးခံယူနေရတာ အာဟာရချို့တဲ့တာ မျက်လုံးမှာ ပိုးဝင်ကူးစက်ခံရတာ ဟော်မုန်းအပြောင်းအလဲဖြစ်တာတွေကြောင့် မျက်တောင်ပါးနိုင်ပါတယ်။ မျက်တောင်မကျွတ်အောင် ဒါတွေရှောင် မျက်တောင်ကျွတ်တာကနေ ကင်းဝေးပြီး မျက်တောင်ရှည်ရှည်ကော့ကော့လေးနဲ့လှပစေဖို့အတွက် လိုက်နာသင့်တဲ့ အချက်ကလေး ၆ ချက်ရှိပါတယ်နော်။ (၁) မျက်လုံးမပွတ်ပါနဲ့။ မျက်တောင်တွေကျွတ်စေနိုင်တာကြောင့်ပါ။ (၂) မျက်တောင်ကော့ကိရိယာသုံးတဲ့အခါ မျက်တောင်တွေကို မဆွဲပါနဲ့။ (၃) ညအိပ်ရာမဝင်ခင် မျက်တောင့်ကော့ဆေးတွေဖယ်ပါ။ (၄) မျက်တောင့်ကော့ဆေးတွေ မခြောက်ခင်မှာသုတ်ပါ။ ခြောက်သွားမှ သုတ်တာမျိုးမလုပ်ပါနဲ့။ (၅) မျက်တောင်ကော့ဆေးကို ၆ လထက်ပိုမသုံးပါနဲ့။ (၆) မျက်လုံးတဝိုက်မှာသုံးတဲ့ မိတ်ကပ်တွေကို သတိထားရွေးချယ်ပါ။ မျက်လုံးနီလာတာမျိုးဖြစ်ရင် ဆက်မသုံးပါနဲ့။ မျက်တောင်သန်စေတဲ့ သဘာဝပစ္စည်းတွေက ကြက်ဆူဆီ ကြက်ဆူဆီ ၂ စက်လောက်ကို လာဗင်ဒါဆီတစ်စက် ဒါမှမဟုတ် […]

ထန်းရည် ကြိုက်တတ်တဲ့ Hello ဆရာဝန်ပရိသတ်ကြီးများရှိလား။ ဒါဆိုရင်တော့ ဆက်သာသောက်လို့ ပြောပါရစေလား။ ထန်းရည်က ကျန်းမာရေးအကျိုးကျေးဇူးတွေ ပေးစွမ်းနိုင်ပါတယ်။ ဘယ်လိုများ ကျန်းမာရေးအကျိုးကျေးဇူးတွေ ရနိုင်လဲသိချင်ရင်တော့ တူတူဆက်ဆွေးနွေးရအောင်လား။ ထန်းရည် ထန်းရည်ဆိုတာက ထန်းသီးကနေရတဲ့ အရည်မဟုတ်ပါဘူး။ ထန်းဖူးကနေ ရတဲ့အရည်ပါ။ ထန်းရည်ကို သောက်စရာတစ်ခုအနေနဲ့ သောက်လာခဲ့တာ အရင်ကတည်းကပါ။ ထန်းရည်မှာ အချိုနဲ့ အခါးဆိုပြီး ရှိပါတယ်။ ဒီထန်းရည်က သဘာဝဆေးတစ်ခုအနေနဲ့ ခန္ဓာကိုယ်ကို အကျိုးပြုပေးနိုင်ပါတယ်။ ထန်းရည်က pH ၈ ကနေ ၉ ရှိပါတယ်။ ထန်းရည်က ကျန်းမာရေးအကျိုးကျေးဇူးများတဲ့ သောက်စရာတစ်ခုလို့ ပြောပါရစေနော်။ ထန်းရည်ကနေ ဒီလိုအာဟာရဓာတ်တွေ ရနိုင်ပါတယ် ထန်းရည်မှာ အာဟာရဓာတ်အနေနဲ့ ဆူးခရို့စ် ပရိုတင်း Ascorbic acid အမျှင်ဓာတ် အမိုင်နိုအက်ဆစ် ဗီတာမင် C နဲ့ ဓာတ်တိုးဆန့်ကျင်အာနိသင်တွေ ကြွယ်ဝစွာ ပါဝင်ပါတယ်။ ထန်းရည် […]

ထန်းလျက်လေးတွေကို မီးဖိုချောင်တိုင်းမှာ ပုလင်းလေး၊ ဒါမှမဟုတ် လေလုံတဲ့ဗူးလေးနဲ့ ထည့်ထားတာ တွေ့ဖူးမှာပေါ့။ နေ့ခင်းနေ့လယ် ရေနွေးကြမ်းလေးနဲ့ သောက်ကြသလို ရင်ချောင်အောင်ဆိုပြီး အချိုတည်းတာမျိုးလည်းရှိပါတယ်။ နောက်ပြီး ထန်းလျက်ကို အုန်းသီးနဲ့တွဲစားတာကလည်း တော်တော်လေးအရသာရှိသေးတယ်။ ထန်းလျက် ပါတဲ့ မုန့်တွေကလည်း စားလို့ကောင်းတာ အမှန်ပါပဲ။ ဒီလိုစားကောင်းတဲ့ ထန်းလျက်လေးက ဆေးဖက်ဝင်တဲ့အချက်လေးတွေလည်းရှိနေပါသေးတယ်နော်။ ထန်းလျက်ဆိုတာက ထန်းလျက်ဆိုတာက အချိုဓာတ်ပါတဲ့ စားစရာတစ်ခုပေါ့။ ဒီအတိုင်းစားလို့ရသလို အရည်ကျိုပြီး မုန့်လက်ကောက်ကြော်၊ နှမ်းကပ်ကြော်တို့နဲ့ တို့စားတာ၊ သာကူကျိုတဲ့အခါ ထန်းလျက်နဲ့ ကျိုတာ။ မုန့်လက်ဆောင်းကို ထန်းလျက်ရည်လေး အုန်းသီးလေးထည့်ပြီးသောက်လိုက်ရင် ‌‌နွေရာသီမှာ ရင်အေးစေတာအမှန်ပါ။ ဒီလိုစားကောင်းအရသာရှိတဲ့ အချိုတည်းစရာ ထန်းလျက်လေးက ထန်းရည်ကို ကျိုချက်လိုက်တာကနေရလာတဲ့ စားစရာတစ်ခုပေါ့။ ထန်းပင်ကကျတဲ့ သန့်စင်ထားတဲ့ ထန်းရည်ချိုကို ဒယ်အိုးထဲသို့ထည့်ပြီး မီးပြင်းပြင်းနဲ့ပျစ်လာတဲ့အထိ ဆူပွက်အောင်ကျိုပေးပြီး သမအောင်မွှေပေးရပါတယ်။ အရည်ပျစ်လာတဲ့အခါ ထန်းလျက်သားကျလာတဲ့အခါ မီးဖိုပေါ်ကနေချပြီး လိုသလိုပုံစံနဲ့ […]

စတော်ဘယ်ရီချယ်ရီရောရင် ဘုံကမ္ဘာ ၇ ဆင့်ကို ရောက်သွားတယ်လို့ တင်စားတတ်ကြပါတယ်။ ဒါတွေဟာ အကြောင်းမဲ့ပြောနေတာ မဟုတ်ပါဘူး။ နီနီရဲရဲ လေးနဲ့ လှပတဲ့ စတော်ဘယ်ရီနဲ့ ချယ်ရီသီးတို့ဟာ အရသာရှိတဲ့အပြင် အဆင်းလည်းလှပြီး ကျန်းမာရေးအတွက်လည်း အထောက်အကူပြုတဲ့ အသီးတွေပါ။ စတော်ဘယ်ရီကတောင် ချဉ်တဲ့အရသာရှိသေးပေမယ့် ချယ်ရီသီးကတော့ အချိုသီးသန့်တလိုင်းသွားတော့ အချဉ်ကြောက်တဲ့သူတွေအတွက် အဆင်ပြေတာပေ့ါ။ ။ ဒီလိုမျိုးအေးတဲ့ဆောင်းရာသီဆိုတာ ချယ်ရီတို့ စတော်ဘယ်ရီတို့ပေါတဲ့ ရာသီပါ။ ။ ချယ်ရီသီးကြောင့် ရနိုင်တဲ့ ကျန်းမာရေး ကောင်းကျိုးတွေ။ ။ မနက်စာကို အုတ်ဂျုံ လေးစားမယ်လို့ စိတ်ကူးလိုက်ပြီး ဘာသီးနဲ့ တွဲစားရမှန်းမသိရင် ချယ်ရီသီးကိုသာ ပြေးမြင်လိုက်တော့။ အုတ်ဂျုံနဲ့ ချယ်ရီပေါင်းစပ်တဲ့ အတွဲလောက် စားကောင်းတာမရှိဘူး။ မနက်စာတင်လား မဟုတ်ပါဘူး။ ကြိုက်တဲ့အချိန် ချယ်ရီသီးကို စားနေလို့ရပါတယ်။ များများစားလေ ကျန်းမာရေးကို ပိုအထောက်အကူ ပြုလေပါပဲ […]

ပဲကတ္တီပါ လို့ပြောလိုက်ရင်ကို ထွေထွေးထူးထူး သိပ်ပြောစရာမလိုအောင် လူတိုင်းသိထားပြီးသား ဖြစ်မယ်ထင်ပါတယ်နော်။ အညိုရောင်ရင့်ရင့်လေးဖြစ်ပြီး စားလိုက်ရင် ခပ်ဆိမ့်ဆိမ့်အရသာလေးနဲ့ စားကောင်းပါတယ်။ ပဲကတ္တီပါကို ပြုတ်ပြီး စားကြတာပါ။ ပြုတ်ပြီးသား ပဲကတ္တီပါကိုမှ ကြက်သွန်စိမ်းနဲ့ သုပ်စားတာဖြစ်ဖြစ်၊ ကြော်စားတာမျိုးဖြစ်ဖြစ် စားတတ်ကြပါတယ်။ အရှေ့တောင်အာရှနိုင်ငံ တော်တော်များများမှာ စားသုံးကြပါတယ်။ ပဲကတ္တီပါ မှာ ဘယ်လိုအာဟာရဓာတ်တွေ ပါဝင်နေတာလဲ ဒီစားကောင်းတဲ့ ပဲကတ္တီပါမှာ ပရိုတင်း၊ ခန္ဓာကိုယ်အတွက် မရှိမဖြစ်လိုအပ်တဲ့ fatty acids၊ ကစီဓာတ် နဲ့ အမိုင်နိုအက်ဆစ်တို့ပါဝင်နေပါတယ်။ ခန္ဓာကိုယ်ကျန်းမာရေးအတွက် တော်တော်လေးအထောက်အကူပြုနိုင်တဲ့ စားစရာတစ်ခုပါ။ ဆေးဖက်ဝင်တဲ့ စားစရာတစ်ခုဆိုလည်း မမှားပါဘူး။ ပဲကတ္တီပါကနေ ရရှိနိုင်မယ့် ကျန်းမာရေးအကျိုးကျေးဇူးတွေက သိမြင်မှုစွမ်းရည်ကို တိုးတက်ကောင်းမွန်စေနိုင်တယ် ပဲကတ္တီပါမှာ L-dopa လို့ခေါ်တဲ့ အမိုင်နိုအက်ဆစ်ပါဝင်နေတာကြောင့် သိမြင်မှုစွမ်းရည်တွေကို တိုးတက်ကောင်းမွန်စေနိုင်သလို စိတ်ပိုင်းဆိုင်ရာ ကျန်းမာစေနိုင်ပါတယ်။ ဦးနှောက်ကိုကျန်းမာစေနိုင်ပြီး စိတ်ဖိစီးမှု ကင်းစေနိုင်ပါတယ်။ အစာခြေစနစ်ကို ကျန်းမာစေနိုင်တယ် အစာခြေစနစ်ကို […]

အခု နောက်ပိုင်း အောင်မဲညို ပန်းခြောက်လေးတွေ ဈေးကွက်မှာ ခေတ်စားလာတယ်နော်။ ပန်းခြောက်လေးတွေကို ရေနွေးကြမ်းထဲခတ်သောက်တာ၊ ဆိုင်တွေမှာ အရောင်လှတဲ့အချိုရည်၊ ကော့တေးတွေအထိ အသုံးပြုလာကြပြီ။ မုန့်လုပ်တဲ့ထဲလည်း ထည့်သွင်းလာကြပြီ။ ဒီတော့ အောင်မဲညိုပန်းရဲ့ကျန်းမာရေးအကျိုးကျေးဇူးတွေအပေါ် သိပ္ပံပညာအရ ဘယ်လို လေ့လာတွေ့ရှိထားလဲ ဖတ်ကြည့်လိုက်ရအောင်။ အောင်မဲညို ပန်းရဲ့ ဆေးဖက်ဝင်အာနိသင်တွေ အောင်မဲညို ပန်းရဲ့ ဆေးဖက်ဝင်အာနိသင်တွေ ကတော့ မျက်စိအားကောင်းတယ် Proanthocyanidin လို့ခေါ်တဲ့ ဓာတ်တိုးဆန့်ကျင်ပစ္စည်း ပါဝင်လို့ မျက်စိကို သွေးလည်ပတ်မှု ကောင်းစေပြီး အမြင်အာရုံ ပိုကောင်းစေပါတယ်။ မျက်စိ ကြည့်မကောင်းတာ၊ မှုန်တာ၊ မျက်စိ ညောင်းတာ၊ မြင်လွှာ ထိခိုက်တာတို့ အတွက်လည်း ကုသနိုင်စွမ်းရှိပါတယ်။ ဆံပင်သန်စေတယ် အောင်မဲညိုပန်းမှာ bioflavonoids ဓာတ်တွေ ကြွယ်ဝစွာ ပါဝင်လို့ ဆံပင်ဖြူခြင်းကို ကာကွယ်ပေးပြီး ဆံပင် သန်စေနိုင်ပါတယ်။ ဆံပင်ပါး၊ ဆံပင်ကျွတ်တဲ့သူတွေ အောင်မဲညို ရေနွေးကြမ်း […]

ရေထဲမှာ ကလိုရင်း( chlorine) ခတ်တယ်ဆိုတာ ၂၀ ရာစုနောက်ပိုင်းမှာ ခေတ်စားလာတဲ့အရာတစ်ခုဖြစ်ပြီး ၂၁ ရာစုမှာတော့ တွင်တွင်ကျယ်ကျယ် အသုံးပြုနေကြပြီဖြစ်တဲ့ အရာတစ်ခုပါ။ ရေထဲမှာ ကလိုရင်း ခတ်တဲ့ ဓလေ့က ကောင်းကျိုူးတွေကိုရစေဖို့ မျှော်ကိုးပြီး လုပ်တာဖြစ်ပေမယ့် သူ့မှာ အခြား ဆိုးကျိုးတွေလည်းရှိနိုင်ပါသေးတယ်။ ဒီဆောင်းပါးလေးထဲမှာတော့ ကလိုရင်းခတ်ခြင်းကြောင့် ရနိုင်တဲ့ ကောင်းကျိုး၊ ဆိုးကျိုးတွေ ကို ပြောပြပေးသွားမှာပဲဖြစ်ပါတယ်။ ကလိုရင်းခတ်ထားတဲ့ ရေကိုသုံးခြင်းကြောင့် ရရှိနိုင်တဲ့ ကောင်းကျိုးများ ။ ။ ကလိုရင်းဟာ oxidizing agent ( ဓါတ်တိုးဆန့်ကျင် ပစ္စည်း) ဖြစ်တာကြောင့် ရေထဲမှာရှိတဲ့ ဘက်တီးရီးယားတော်တော်များများကို သေစေနိုင်တဲ့ အစွမ်းရှိပါတယ်။ ကလိုရင်းက ဘက်တီးရီးယားပဲ မဟုတ်ပါဘူး။ ဗိုင်းရပ်စ်တွေကိုပါ သတ်နိုင်စွမ်းရှိပါတယ်။ ကလိုရင်းခတ်ထားတဲ့ ရေကူးကန်ထဲ ဘယ်ပိုးမှ ဝင်နေလို့မရတာကြောင့် ရေကူးကန်ကနေ […]

အဆစ်တွေမကောင်းတော့ ထိုင်ရထရခက်တယ်၊ လှုပ်ရှားရမလွယ်ဘူး။ စိတ်သွားတိုင်း ကိုယ်မပါဘူး၊ လို့များတွေးနေလား။ လူတစ်ယောက်အကောင်းဆုံးလှုပ်ရှားနိုင်ဖို့ အဆစ်တွေကတော်တော်လေးအရေးပါတာပါ။ ဒီတော့ အရေးပါတဲ့ အစိတ်အပိုင်းလေးတွေဖြစ်တဲ့ အဆစ်လေးတွေကို အမှုမဲ့အမှတ်မဲ့ဖြစ်ဖြစ် မသိလို့ပဲဖြစ်ဖြစ် ထိခိုက်တာမျိုးမဖြစ်စေဖို့ ဒီအချက်လေးတွေကို စမ်းသပ်ကြည့်ရအောင်ပါ။ ဒီအပြုအမူတွေကြောင့်အဆစ်တွေထိခိုက်နိုင်ပါတယ် စာရိုက်များတာ - တစ်နေ့တာမှာ စာရိုက်တာအတွက်အချိန်တွေတော်တော်လေးအသုံးပြုနေရပြီလား။ ဒီအလေ့အထကလည်း ကြည့်တော့သာဘာမှမဟုတ်တယ် အဆစ်တွေကိုတော်တော်လေးထိခိုက်စေနိုင်ပါတယ်။ ဒါကြောင့် စာရိုက်တာကို ဖုန်းနဲ့ဖြစ်ဖြစ် ကွန်ပျူတာမှာဖြစ်ဖြစ် တရစပ်ရိုက်နေတာမျိုးမလုပ်ပါနဲ့။ အနားပေးပါ။ သက်တောင့်သက်သာအနေအထားမှန်မှန်နဲ့ စာရိုက်ဖို့မမေ့ပါနဲ့။ အထိုင်များတဲ့ ဘဝနေထိုင်မှုပုံစံ -ကိုယ်လက်လှုပ်ရှားမှုနည်းပြီး အထိုင်များတဲ့ ဘဝနေထိုင်မှုပုံစံကလည်း အဆစ်တွေကို ထိခိုက်စေနိုင်တဲ့အချက်တစ်ခုပါ။ ဒါကြောင့်နေ့စဉ် ကိုယ်လက်လှုပ်ရှားမှုလုပ်ပေးတာမျိုး၊ လမ်းလျှောက်တာမျိုးလေးတွေ အခါသင့်သလိုလုပ်ပေးပါ။ တစ်ချိန်လုံး ထိုင်မနေပါနဲ့။ တစ်ခုခုကို အချိန်ကြာရှည်စွာလုပ်တာ - ထိုင်ရင်းဖြစ်ဖြစ် မတ်တတ်ရပ်ရင်းဖြစ်ဖြစ် အလုပ်တစ်ခုခုကိုအချိန်ကြာမြင့်စွာလုပ်တာကလည်း အဆစ်တွေကို ထိခိုက်စေနိုင်ပါတယ်။ ကွန်ပျူတာကိုအချိန်အကြာကြီးကြည့်နေတာ။ ဖုန်းအကြာကြီးသုံးတာလည်း လည်ပင်း၊ လက်နဲ့ ခန္ဓါကိုယ်က […]