စိတ်ကျန်းမာရေး

စိတ်ပူပန်မှု ဆိုတာ ဒေါသစိတ်ကို တုံ့ပြန်ခြင်းမျိုးဖြစ်ပြီး ခြိမ်းခြောက်မှုကို ခံစားရချိန်မှာ၊ စိတ်ဖိအားဖြစ်တဲ့အခါ၊ စိတ်ဖိစိးမှုရှိတဲ့ အနေအထားကို ကြုံလာရချိန်မှာ အလိုအလျောက် စေ့ဆော်လာတဲ့ သဘာဝပဲဖြစ်ပါတယ်။ စိတ်ပူပန်မှုပုံစံတွေ ကွဲပြားတဲ့အလိုက် ကုသမှုတွေလည်း အမျိုးမျိုး ရှိပါတယ်။ တချို့ဟာ ကြိုတင်ကာကွယ်ခြင်းဖြစ်ပြီး တချို့ကတော့ ပျောက်ကင်းအောင် ကုသခြင်းဖြစ်ပါတယ်။ ဆေးကုသခြင်း စိတ်ကျရောဂါဆေးများဟာ SSRI ဆေးအုပ်စုဝင်ဆေးများ ဖြစ်ပြီး စိတ်ပူပန်မှု ပြဿနာမျိုးစုံကို ကာကွယ်ကုသဖို့ သုံးကြပါတယ်။ အောက်ပါဆေးများဟာ နာတာရှည်စိတ်ပူပန်မှု ပြဿနာကို ကုသရာမှာ သုံးကြပါတယ်။ Prozac Zoloft Celexa Paxil Lexapro antidepressants Effexorနဲ့ Cymbalta Tofranil ဒီဆေးတွေကို နေ့စဉ်သောက်ဖို့လိုသလား၊ ရောဂါဖြစ်ချိန်မှ သောက်သင့်သလားဆိုတာ နားလည်တတ်ကျွမ်းသူကို မေးမြန်းသင့်ပါတယ်။ ရုတ်တရက်ဖြစ်လာတဲ့ စိတ်ပူပန်မှု ပြဿနာအတွက် စိတ်ပူပန်မှုပျောက်ကင်းစေတဲ့ စိတ်ငြိမ်ဆေးတွေ သုံးစွဲနိုင်ပါတယ်။ အမြန်ဆုံးသက်သာစေတဲ့ စိတ်ငြိမ်ဆေးတွေကို Benzodiazepines […]

စိတ်စွဲလွန်ခြင်းအတွက် ကုသမှုများ စိတ်စွဲလွန်ခြင်းဟာ တွေ့ရများပါတယ်။ ဒီရောဂါ ခံစားရသူဟာ အတွေးတွေကို မထိန်းချုပ်နိုင်ဘဲ ထပ်တလဲလဲတွေးမိခြင်း၊ အပြုမူတချို့ကို မလုပ်ဘဲမနေနိုင်အောင် လုပ်နေမိခြင်း စတာတွေကို ကြာမြင့်စွာ နာတာရှည်ရောဂါသဖွယ် ဖြစ်လာနိုင်ပါတယ်။ ဆေးကုသခြင်း SRI အုပ်စုဝင်ဆေးများနဲ့ SSRI အုပ်စုဝင်ဆေးများကို စိတ်စွဲလွန်ပြသနာများအတွက် အသု့းပြုပါတယ်။ လူကြီးအတွက်ရော ကလေးအတွက်ပါဆိုရင် clomipramine ဆိုတဲ့ ဆေးဟာ အကျိုးသက်ရောက်မှု ရှိပါတယ်။ သူဟာ tricyclic အုပ်စုဝင် စိတ်ကျဆန့်ကျင်ဆေးဖြစ်ပါတယ်။ အောက်ပါဆေးများဟာ SSRI အုပ်စုဝင်ဆေးတွေ ဖြစ်ကြပါတယ်။ · Fluoxetine · Fluvoxamine · Sertraline SRI ဆေးတွေရဲ့ နေ့စဉ် သုံးစွဲရတဲ့ပမာဏဟာ စိတ်ကျရောဂါအတွက် သုံးစွဲရတဲ့ ပမာဏထက် များပါတယ်။ အာနိသင်ပြဖို့ ၈ပတ်ကနေ ၁၂ပတ်အထိ ကြာတတ်ပါတယ်။ ဒါပေမယ့် လူနာအချို့ဟာ ပိုပြီး လျင်မြန်စွာ သက်သာကြပါတယ်။ ဒီဆေးအမျိုးအစားများနဲ့ မသက်သာတဲ့ […]

စိတ်ကျရောဂါကုဆေးများဟာ စိတ်ဓါတ်ကျဆင်းမှုကို ကုသရန်ဖြစ်ပြီး ပြန်မဖြစ်အောင်လည်း ကာကွယ်ပေးပါတယ်။ တခြားပြသနာတွေမှာလည်း သုံးနိုင်ပါတယ်။ အဲဒါတွေကတော့ - စိတ်စွဲလွန်ခြင်း - စိတ်ပူပန်ခြင်းပြသနာ - ထိခိုက်မှုအပြီး စွဲမြဲကျန်ခဲ့သော စိတ်ဖိအားပြသနာ၊ စတာတွေ ဖြစ်ပါတယ်။ စိတ်ကျရောဂါကုဆေးများဟာ စိတ်ကျခြင်းရဲ့ လက္ခဏာတွေကို ကုသပေးနိုင်ပေမယ့် အကြောင်းရင်းများကိုတော့ အမြဲတမ်း မပျောက်စေနိုင်ပါဘူး။ ဒါကြောင့် ဆိုးရွားတဲ့ စိတ်ဓါတ်ကျခြင်းနဲ့ တခြားစိတ်ပိုင်းဆိုင်ရာ ပြသနာတွေမှာ တချို့ကုထုံးများနဲ့ပေါင်းစပ်ခြင်း ဖြစ်ပါတယ်။ စိတ်ကျရောဂါကုဆေး အမျိုးအစားများ စိတ်ကျရောဂါကုဆေး အမျိုးအစားများစွာ ရှိပါတယ်။ အဲ့ဒါတွေကတော့ - SSRI အုပ်စုဝင်ဆေးများ - SNRI အုပ်စုဝင်ဆေးများ - Tricyclic အုပ်စုဝင်ဆေးများနှင့် ဆက်စပ်ဆေးများ - MAOI ဆေးများ - အခြား စိတ်ကျရောဂါကုဆေးများ စတာတွေ ဖြစ်ပါတယ်။ သူတို့ဟာ တူညီတဲ့ဦးနှောက် ဓါတ်ပစ္စည်းများပေါ် လုပ်ဆောင်ပြီး တူညီတဲ့သက်ရောက်မှုတွေ ရှိပါတယ်။ ဒါပေမယ့် အမျိုးအစားမတူတဲ့အတွက် တည်ဆောက်ပုံကွဲပြားပြီး ဘေးထွက်ဆိုးကျိုးတွေလည်း ကွဲပြားပါတယ်။   စိတ်ကျရောဂါကုဆေး […]

ကမ္ဘာပေါ်ရှိလူဦးရေ သန်းပေါင်း ၄၅၀ ခန့်က စိတ်မူမမှန်မှုများကို ခံစားနေကြရပြီး ဒါက လူ ၄ ယောက်မှာ ၁ ယောက်နှုန်းဖြစ်ပါတယ်။ ကမ္ဘာ့ကျန်းမာရေးအဖွဲ့အစည်းရဲ့ အဆိုအရ စိတ်မူမမှန်မှုဖြစ်စဉ်များ ခံစားနေရသူတွေရဲ့ ၃ ပုံ ၂ ပုံက ဆေးကုသမှု မခံယူဘဲနေကြပါသည်။ ဒီတစ်ခေါက်တော့ စိတ်ကျန်းမာရေးနှင့် ပတ်သက်ပြီး သိထားသင့်သော အကြောင်းရာများ ကို ဖော်ပြပေးလိုက်ပါတယ်။ စိတ်ကျန်းမာရေးနှင့် ပတ်သက်ပြီး သိထားသင့်သော အကြောင်းရာများ စိတ်ကျန်းမာရေးမကောင်းမွန်ရင် မိမိဘဝမှာ မကောင်းတဲ့ သက်ရောက်မှုများဖြစ်လာနိုင်ပြီး နေရထိုင်ရ ခက်ခဲလာနိုင်ပါတယ်။ ဒါကြောင့် စိတ်ရောဂါများ၊ မူမမှန်မှုများ ခံစားနေရရင် ဆေးကုသမှုများ ခံယူသင့်ပါတယ်။ စိတ်ရောဂါဆိုတာ ဘာလဲ။ စိတ်ကျန်းမာရေးတွင် ခံစားမှုပိုင်းဆိုင်ရာ၊ စိတ်ပိုင်းဆိုင်ရာနှင့် လူမှုဆက်ဆံမှုပိုင်းဆိုင်ရာ စသည့် အချက်များပါဝင်သည်။ ကိုယ်ကျန်းမာနေဖို့ လိုသလို စိတ်ကျန်းမာနေဖို့လည်း အရေးကြီးသည်။ စိတ်ရောဂါဟူသည် ဦးနှောက်တွင် […]

စိတ်ဓါတ်ကျခြင်းဆိုတာ ဘာလဲ စိတ်ဓါတ်ကျခြင်းဆိုတာကို စိတ်ကျရောဂါလို့လည်း ခေါ်ပါတယ်။ စိတ်ထဲမှာ အမြဲလိုလို ဝမ်းနည်း ပူဆွေးနေပြီး ဘာကိုမှ စိတ်မဝင်စားတဲ့ အခြေအနေ ဖြစ်ပါတယ်။ ဒီလိုဖြစ်နေချိန်မှာ တွေးခေါ်ပြုမူပုံတွေအပေါ် သက်ရောက်မှုရှိပြီး စိတ်ပိုင်းဆိုင်ရာ၊ ရုပ်ပိုင်းဆိုင်ရာ ပြသနာတွေ ရှိပါတယ်။ ဝမ်းနည်းမှုဟာ အချိန်ကြာလာပြီး လုပ်ငန်းခွင်ကို ထိခိုက်လာရင် မိသားစုဝင်များ၊ မိတ်ဆွေများနဲ့ ဆက်ဆံရာမှာ အခက်အခဲတွေ ရှိလာရင်၊ သေကြောင်းကြံစည်လိုတဲ့ အတွေးများဝင်လာရင် စိတ်ဓါတ်ကျခြင်း ဖြစ်နေနိုင်ပါတယ်။ အဲဒီလက္ခဏာတွေရှိရင် ဆရာဝန်နဲ့ တိုင်ပင်ဆွေးနွေးပါ။ စိတ်ဓါတ်ကျခြင်းဟာ ဘယ်လောက်ထိ အဖြစ်များတတ်လဲ အဖြစ်များတဲ့ ပြသနာဖြစ်ပါတယ်။ သုတေသနတွေအရ လူအားလုံးရဲ့ ၈၀ %ခန့်ရဲ့ ဘဝတလျှောက်မှာ တချိန်ချိန်တော့ ဒီပြသနာကို ဘယ်အသက်အရွယ်မဆို ကြုံဖူးတယ်လို့ ဆိုပါတယ်။ အမျိုးသားများထက် အမျိုးသမီးတွေမှာ ပိုအဖြစ်များပါတယ်။ စိတ်ဓါတ်ကျခြင်းရဲ့ လက္ခဏာတွေဟာ ဘာတွေလဲ တယောက်နဲ့တယောက် ကွဲပြားနိုင်ပါတယ်။ စိတ်ဓါတ်ကျနေသူခြင်းတူတူ တချို့က […]

စိတ်အတက်အကျရောဂါဆိုတာ ဘာလဲ စိတ်အတက်အကျရောဂါကို စိတ်ကြွစိတ်ကျခြင်း လို့လည်းခေါ်ပြီး စိတ်အစွန်းနှစ်ဘက်ကို ပြောင်းလဲစေနိုင်တဲ့ ဆိုးရွားတဲ့ စိတ်အခြေအနေ ဖြစ်ပါတယ်။ အလွန်အမင်းပျော်ရွှင်နေရာက ချက်ချင်း ဝမ်းနည်းတဲ့စိတ်ကို ပြောင်းသွားတာမျိုး ဖြစ်ပါတယ်။ ပုံမှန်စိတ်လည်း မကြာခဏ ပြန်ရောက်သွားပါတယ်။ စိတ်ဓါတ်ကျနေချိန်မှာ မျှော်လင့်ချက်မဲ့သလို ခံစားနေရပြီး နေ့စဉ်အလုပ်တွေကို စိတ်မဝင်စားဘဲ နေတတ်ပါတယ်။ စိတ်ဓါတ်တက်ကြွလာချိန်မှာဆိုရင် ပျော်ရွှင်တက်ကြွပြီး ခွန်အားအပြည့် ဖြစ်နေတတ်ပါတယ်။ ဒီလိုစိတ်အတက်အကျဟာ တနှစ်မှာ အကြိမ်အနည်းငယ်ဖြစ်တတ်ပြီး ပိုဆိုးတဲ့ ကေ့စ်တွေမှာ တပတ်ကို အကြိမ်အနည်းငယ် ဖြစ်ပါတယ်။ ဒီရောဂါကြောင့် မိတ်ဆွေအပေါင်းအသင်း ဆက်ဆံရေးပျက်စီးတာ၊ လုပ်ငန်းခွင်နဲ့ ကျောင်းတွေမှာ စွမ်းဆောင်ရည်ကျတာတွေ ဖြစ်တတ်ပြီး မိမိကိုယ်ကို သေကြောင်းကြံတာမျိုးထိ ဖြစ်နိုင်ပါတယ်။ စိတ်အပြောင်းအလဲကို ထိန်းချုပ်နိုင်အောင် ဆေးကုသမှု ခံယူသင့်ပါတယ်။   စိတ်အတက်အကျရောဂါဟာ ဘယ်လောက်ထိ အဖြစ်များတတ်လဲ ဒီပြသနာဟာ ဆက်ကျော်သက်အရွယ်နှောင်းပိုင်း၊ အရွယ်ရောက်ခါစ အချိန်တွေမှာ ဖြစ်တတ်ပါတယ်။ ဒါပေမယ့် ကလေးတွေန့ […]

စိတ်ဝေဒနာ ဆိုတာဘာလဲ ဆိုတော့ စိတ်ဝေဒနာ ဆိုတာ ဆိုးရွားတဲ့ စိတ်ပိုင်းဆိုင်ရာ ပြဿနာ တခုဖြစ်ပါတယ်။ အတွေးအခေါ်ပိုင်း၊ စိတ်ခံစားမှု အပိုင်းမှာ လက်တွေ့နဲ့ လွတ်ကင်းပြီးတော့ မှားယွင်းနေတတ်ပါတယ်။ စိတ်ဝေဒနာ ဆိုတာဘာလဲ စိတ်ဝေဒနာ ဆိုတာဘာလဲ ဆိုတာကို အတူတူ ပြောကြည့်လိုက်ရအောင်နော်။ ဖြစ်နိုင်ခြေများ စိတ်ဝေဒနာဟာ စိတ်ပိုင်းဆိုင်ရာ နာမကျန်းဖြစ်မှုပေါင်းများစွာမှာ ဖြစ်ပွားနိုင်ပါတယ်။ အောက်ပါ အခြေအနေတွေ ပါဝင်ပါတယ်။ - ဆေးဝါးများကြောင့်ဖြစ်သော စိတ်ဝေဒနာ။ ဆေးဝါးများသောက်သုံးမှု၊ ဆေးဖြတ်တောက်မှု စတာတွေကြောင့် ပေါ်လာတတ်ပါတယ်။ အထူးသဖြင့် ဆေးခြောက်၊ အင်ဖက်တမင်း စတဲ့ဆေးတွေ ဖြစ်ပါတယ်။ စိတ်ဝေဒနာလက္ခဏာများဟာ အချိန်အတိုင်းအတာ တခုအထိ ကြာနိုင်ပါတယ်။ - ရေတိုတန်ပြန်သော စိတ်ဝေဒနာ။ ရောဂါလက္ခဏာဟာ စိတ်ဖိစီးမှုကြီးကြီးမားမား ကြုံပြီးတဲ့အခါ ရုတ်တရက်ဖြစ်လာတတ်ပါတယ်။ - စိတ်ကစဉ့်ကလျားဖြစ်ခြင်း။ အနည်းဆုံး ၆လခန့် ကြာအောင် ဖြစ်နိုင်ပါတယ်။ ဒီရောဂါဖြစ်သူတွေဟာ အပြည့်အ၀ ပြန်ကောင်းနိုင်ပြီး […]

စိတ်ကစဉ့်ကလျားရောဂါဟာ အတွေ့ရများတဲ့ ပြသနာဖြစ်ပါတယ်။ လူ ၁၀၀ မှာတယောက်ခန့်ဟာ စိတ်ကစဉ့်ကလလျားရောဂါ ဖြစ်နိုင်ပါတယ်။ ဒီရောဂါဟာ ငယ်ရွယ်စဉ်မှာ ဖြစ်နိုင်ပါတယ်။ စောစောပိုင်းမှာ တွေ့ရတာတွေကို ရှေ့ပြေးလက္ခဏာလို့ ခေါ်ပါတယ်။ အဲဒီအခြေအနေမှာ အိပ်စက်မှု၊ စိတ်ခံစားမှု၊ စိတ်အား ထက်သန်မှု၊ လူမှုဆက်ဆံရေးနဲ့ တွေးခေါ်နိုင်စွမ်း စတာတွေ သိသာစွာ ပြောင်းလဲ သွားပါတယ်။ ဒီရောဂါဟာ သင့်ရဲ့ အတွေးအခေါ်၊ ခံစားမှုနဲ့ ပြုမူပုံတွေကို ပြောင်းလဲစေပါတယ်။ ဖြစ်တဲ့လူတွေမှာ တွေ့ရတဲ့လက္ခဏာဟာ တယောက်နဲ့တယောက်တော့ မတူပါဘူး။ လက္ခဏာဟာ ပေါ်လိုက်ပျောက်လိုကလည်း ဖြစ်တတ်ပါတယ်။ ဘယ်သူမှာ လက္ခဏာအားလုံးကို အမြဲတမ်းတော့ ဖြစ်မနေပါဘူး။ ယေဘုယျအားဖြင့် သုံးမျိုးရှိပါတယ်။ - ဖြစ်တည်မှုရှိသော လက္ခဏာများ (စတင်ဖြစ်ပျက်ခြင်း) - ဖြစ်တည်မှုမရှိသော လက္ခဏာများ (ဖြစ်ပေါ်နေသည်များ ရပ်တန့်သွားခြင်း) - သိမြင်ခြင်းဆိုင်ရာ လက္ခဏာများ (သတင်းအချက်အလက်နှင့် ဆက်နွယ်ခြင်း) အဲဒီလက္ခဏာတွေဟာ အသက် […]

ဓါတ်မတည့်ခြင်းဟုဆိုလျှင် ကျွန်ုပ်တို့သည် ဖြစ်နေကျ နှာချေခြင်း၊ မျက်လုံးယားလာခြင်း၊ အင်ပြင်ထလာခြင်း ၊ အသက်ရှုကျပ်လာခြင်း ၊ မူးဝေအော့အန်ခြင်း စသည်တို့ကို မျက်လုံးထဲတွင်မြင်ယောင်မိမည်ဖြစ်သည်။ ၎င်းတို့သည် ရုပ်ပိုင်းဆိုင်ရာ တုန့်ပြန်မှုများဖြစ်ပြီး အခြားသော ဓါတ်မတည့်မှုပုံစံများလည်းများစွာရှိပါသည်။ အစားအစာ သို့မဟုတ် ဓါတုဗေဒပစ္စည်းများနှင့် ဓါတ်မတည့်လျှင် ရုတ်တရက်အမောဖောက်ခြင်း၊ စိတ်ဓါတ်ကျခြင်း၊ စိတ်ဆတ်ခြင်း၊ စိတ်ဖောက်ပြန်ခြင်း စသည့် စိတ်ပိုင်းဆိုင်ရာ အပြုပိုင်းဆိုင်ရာပြောင်းလဲမှုများဖြစ်လာနိုင်ပါသည်။ ထိုမှတဆင့် စိတ်ပိုင်းဆိုင်ရာခံစားမှုများဆိုးလာကာ ဒေါသထွက်လွယ်ခြင်း၊ စိုးရိမ်စိတ်လွန်ကဲခြင်းနှင့် အာရုံစူးစိုက်မှုမပြုနိုင်ခြင်းတို့ဖြစ်လာနိုင်ပါသည်။   ဦးနှောက်တွင် ဓါတ်မတည့်မှုဖြစ်ခြင်း ဦးနှောက်တွင် ဓါတ်မတည့်မှုဖြစ်ခြင်းကြောင့် စိတ်တိုလွယ်ခြင်း၊ဒေါသထွက်လွယ်ခြင်း၊ စိုးရိမ်ပူပန်ခြင်း၊ အာရုံစူးစိုက်မရခြင်း၊ စိတ်ဓါတ်ကျခြင်း စသည့် စိတ်ခံစားမှုနှင့် ဆိုင်သောစိတ်ပိုင်းဆိုင်ရာရောဂါ လက္ခဏာများဖြစ်လာရသည်။ အစားအစာများနှင့် ဓါတ်မတည့်မှုဖြစ်စဉ်ကြောင့် ဦးနှောက်ဆဲလ်များရောင်ရမ်းကာ ပင်ကိုယ်စရိုက်များပြောင်းလဲသွားခြင်း၊ တုန့်ပြန်မှုစနစ်များမမှန်တောခြင်း၊ အာရုံကြောစနစ်များပြောင်းလဲသွားခြင်း စသည်တို့ခံစားရပါသည်။ အဖြစ်များသော လက္ခဏာများမှာ စိတ်ဓါတ်ကျခြင်းနှင့် စိတ်ပင်ပန်းနွမ်းနယ်ခြင်းတို့ဖြစ်သည်။ · စိတ်ပင်ပန်းနွမ်းနယ်ခြင်း စိတ်ပင်ပန်းနွမ်းနယ်ခြင်း သည် ရုပ်ပိုင်းဆိုင်ရာပင်ပန်းခြင်းထက်များစွာပိုဆိုးသော ရောဂါလက္ခဏာဖြစ်သည်။ စိတ်ရှုပ်ထွေးခြင်း၊ […]

အဓိပ္ပါယ်ဖွင့်ဆိုချက်Mental Retardation (ဉာဏ်ရည်နှောင့်နှေးခြင်း) ကဘာလဲ။ လူတယောက်သည် သာမန်အသိဉာဏ်၊ စိတ်ပိုင်းဆိုင်ရာစွမ်းရည်နှင့် နေ့စဉ်လူနေမှုဘဝတွင် ရှိသင့်ရှိထိုက်သော အရည်အသွေးများ မရှိခြင်းသည် အသိဉာဏ်မစွမ်းခြင်း ခေါ် ဉာဏ်ရည်နှောင့်နှေးခြင်းဖြစ်သည်ဟုဆိုပါသည်။ ဉာဏ်ရည်နှောင့်နှေးခြင်းသူများသည် ပညာရပ်တခုကို ပုံမှန်သူများထက်ကျွမ်းကျင်ရန် ပိုနှေးပါသည်။ ဉာဏ်ရည်နှောင့်နှေးသူများတွင် အနုဆုံးအဆင့်မှ အဆိုးရွားဆုံးအဆင့်ဟူ၍ရှိပါသည်။ အလွမ်ပြင်းထန်သော အဆင့်များသည် မွေးကတည်းက ဉာဏ်နှေးကြောင်းသိရသည်။ သို့သော် အနုစားအဆင့်ရှိသော ကလေးများသည် သူတို့၏အရွယ်အလိုက် ဖွံ့ဖြိုးမှုမှတ်တိုင်များ မရောက်ရှိတော့မှသာ ဉာဏ်နှေးကြောင်းသိရပြီး အများစုသည် ၁၈ နှစ်ခန့်အရွယ်ရောက်မှသာ သိကြသည်။ ဉာဏ်ရည်နှေးသူများသည် အောက်ပါ ၂ချက်တွင်အားနည်းပါသည်။ အသိဉာဏ်ဆိုင်ရာလုပ်ဆောင်မှုများ IQဟုသိကြသောအသိဉာဏ်ဆိုင်ရာလုပ်ဆောင်မှုများတွင် လေ့လာနိုင်စွမ်း၊ အကြောင်းပြချက်များပေးနိုင်စွမ်း၊ ဆုံးဖြတ်နိုင်စွမ်းနှင့် ပြသနာများ ဖြေရှင်းနိုင်စွမ်းတို့ပါဝင်သည်။ လိုက်လျောညီစွာနေထိုင်ပြုမူတတ်ခြင်း လိုက်လျောညီစွာနေထိုင်ပြုမူတတ်ခြင်းတွင် နေ့စဉ်ဘဝအတွက်လိုအပ်သော ကျွမ်းကျင်မှုများ၊ လူအချင်းချင်း အပြန်အလှန် အဆင်ပြေအောင်ဆက်ဆံမှုများ နှင့် တဦးကို တဦး အပြန်အလှန်ဂရုစိုက်မှုများပါဝင်သည်။ Mental Retardation (ဉာဏ်ရည်နှောင့်နှေးခြင်း) က ဘယ်လောက်အဖြစ်များသလဲ ဉာဏ်ရည်နှောင့်နှေးခြင်းသည် မည်သည့်အရွယ်တွင်မဆိုဖြစ်နိုင်ပါသည်။ ထို့ကြောင့်ဖြစ်နိုင်ချေရှိသော […]