Cyclothymia ခေါ် အပျော့စားစိတ်နှစ်ခွရောဂါ

ဆေးပညာပိုင်းဆိုင်ရာတည်းဖြတ်သူ | ရေးသားသူ

ရေးသား ထုတ်ဝေခဲ့သည် နိုဝင်ဘာ 27, 2020 . 2 mins read
Share now

စိတ်အတက်အကျမြန်ရောဂါတစ်ခုဖြစ်တဲ့ cyclothymia စိတ်ရောဂါကို bipolar ရောဂါမဖြစ်ခင်မှာခံစားရလေ့ ရှိပါတယ်။ Bipolar လိုစိတ်အတက်အကျအရမ်းဆိုးဆိုးရွားရွားမဖြစ်တာကြောင့် သူ့ကိုအပျော့စားစိတ်ရောဂါ တစ်မျိုးအနေနဲ့ သတ်မှတ်ထားပြီး လူတိုင်း သိထားသင့်တဲ့စိတ်ကျန်းမာရေးအခြေအနေတစ်ခုဖြစ်ပါတယ်။

ဘာရောဂါလက္ခဏာတွေပြတတ်လဲ

Cyclothymia စိတ်ရောဂါမှာ စိတ်အရမ်းတက်ကြွတဲ့လက္ခဏာတွေနဲ့ စိတ်ဓာတ်ကျနေတဲ့လက္ခဏာတွေဆိုပြီး ပုံစံ(၂)မျိုးပြသတတ်ပါတယ်။ အရမ်းတက်ကြွနေချိန်မှာဆိုရင်

– အကြောင်းရင်းမရှိဘဲအရမ်းတွေပျော်ရွှင်နေမယ်

– အရာရာကိုအရမ်းအကောင်းမြင်နေမယ်

– ကိုယ့်ကိုယ်ကိုယုံကြည်မှုလွန်ကဲနေမယ်

– စကားတွေအရမ်းပြောမိမယ်

ဂနာမငြိမ်ဖြစ်နေမယ်

– အလုပ်၊ လူမှုရေး၊ အချစ်ရေး ဘယ်လိုကိစ္စမှာမဆိုအာင်မြင်အောင်လုပ်နိုင်မယ်လို့ကိုယ့်ကိုယ်ကိုထင်နေမယ်

– အားအင်တွေအရမ်းပြည့်ဝနေပြီး အနားယူစရာတောင်မလိုဘူးလို့ယူဆမယ်

စိတ်ဓာတ်ကျနေချိန်မှာတော့

– ဘာမှမစားချင်မသောက်ချင်ဖြစ်နေမယ်

– အပေါ်နဲ့ပြောင်းပြန်ကိုယ့်ကိုယ်ကိုဘာမှသုံးစားမရသူလို့ထင်နေမယ်

– ညဖက်ကောင်းကောင်းအိပ်မရဖြစ်လာမယ်

– ဘာမှလည်းမည်မည်ရရမလုပ်ဘဲ ပင်ပန်းနွမ်းနယ်နေသလိုခံစားရမယ်

ကိုယ်အလေးချိန်လျော့ကျသွားမယ်

– တစ်ခါတစ်လေကိုယ့်ကိုယ်ကိုအဆုံးစီရင်မိဖို့အထိ စဉ်းစားမိနိုင်ပါတယ်

Cyclothymia ရောဂါကသိပ်မပြင်းထန်တဲ့အတွက် ဒီလက္ခဏာတွေခံစားရလည်းခဏပဲ ဖြစ်ပါတယ်။ ဒါ့ကြောင့် ဒီရောဂါရှိသူအများစုကကိုယ့်ကိုယ်ကိုရောဂါရှိနေမှန်းတောင် သိပ်သတိမထားမိတတ်တာတွေ့ရပါတယ်။ ဒါပေမဲ့ ရောဂါလက္ခဏာတွေမကြာခဏပေါ်လာတတ်ပြီး အနည်းဆုံး(၂)လကိုတစ်ကြိမ်ဒီလိုလက္ခဏာတွေ ခံစားရနိုင်ပါတယ်။

Cyclothymia ရောဂါဘာ့ကြောင့်ဖြစ်ရသလဲ

စိတ်ရောဂါအများစုနည်းတူ Cyclothymia ဖြစ်ရတဲ့အကြောင်းရင်းကို အခုချိန်ထိ ရေရေရာရာမသိရှိရသေးပါဘူး။ သုတေသနတွေလည်း ပြုလုပ်ဆဲပါပဲ။ မိသားစုမျိုးရိုးထဲမှာစိတ်ရောဂါ ခံစားဖူးတဲ့သူ၊ ဦးနှောက်လုပ်ဆောင်ချက် သိပ်မမှန်တဲ့သူတွေနဲ့ စိတ်ဒဏ်ရာအကြီးအကျယ်ရဖူးသူတွေမှာ ပိုအဖြစ်များတာကိုတွေ့ရပါတယ်။

ရောဂါရဲ့နောက်ဆက်တွဲပြဿနာတွေကဘာတွေလဲ

စိတ်ရောဂါတစ်ခုဖြစ်တာကြောင့် မကုသဘဲထားလေ နောက်ပိုင်းမှာပိုဆိုးတဲ့ရောဂါတစ်ခုအဖြစ်ပြောင်းလဲသွား နိုင်လေပါပဲ။ Cyclothymia စိတ်ရောဂါအပျော့စားကိုမကုသခဲ့ရင် နောက်ပိုင်းမှာ စိတ်အတက်အကျမြန် Bipolar ရောဂါအဆင့်ထိရောက်သွားဖို့ရာခိုင်နှုန်းများပါတယ်။ နောက်ပြီးရောဂါလက္ခဏာတွေကြောင့် ပုံမှန်လူမှုဆက်ဆံ ရေးနဲ့အလုပ်ကိစ္စတွေမှာ ထိခိုက်မှုတွေအများကြီးဖြစ်ပေါ်လာနိုင်ပါတယ်။ ပိုဆိုးတာက လတ်တလောခံစားရတဲ့ ဝေဒနာတွေကို သက်သာချင်တဲ့စိတ်နဲ့ ဆေးလိပ်၊အရက်လို မူးယစ်ဆေးဝါးတွေကို သုံးစွဲမိပြီး စွဲသွားနိုင်တာ ပါပဲ။ ဒီလိုနဲ့နောက်ဆုံးမှာ ကိုယ့်ကိုယ်ကိုအဆုံးစီရင်မိတဲ့အထိ ဆိုးရွားသွားနိုင်ပါတယ်။

ရောဂါကိုဘယ်လိုရှာဖွေအတည်ပြုသလဲ

Cyclothymia ရောဂါဟုတ်မဟုတ်ကို ဒီအချက် (၃) ချက်နဲ့ အတည်ပြုပါတယ်

၁ – စိတ်အတက်အကျဖြစ်တဲ့လက္ခဏာတွေကို (၂) နှစ်အတွင်းအနည်းဆုံးအချိန်တစ်ဝက်လောက်ခံစားရခြင်း

၂ – ရောဂါလက္ခဏာတွေပျောက်ကင်းချိန်က အချိန်(၂)လ ထက်မပိုခြင်း

၃ – စိတ်အတက်အကျလက္ခဏာတွေက မူးယစ်ဆေးဝါးသုံးစွဲမှု၊ ရောဂါဝေဒနာခံစားရမှု စတာတွေနဲ့ မသက်ဆိုင်ခြင်း

ဒီအချက် (၃) ချက်နဲ့ကိုက်ညီနေရင် အပျော့စားစိတ်အတက်အကျရောဂါခံစားနေရသူလို့ ယေဘုယျအနေနဲ့ သတ်မှတ်ပါတယ်။

ဘယ်လိုကုသနိုင်သလဲ

Cyclothymia စိတ်ရောဂါကိုကုသဖို့နည်းနည်းတော့ခက်ခဲပါတယ်။အဓိကအကြောင်းကတော့ လက္ခဏာ အရမ်းမပြင်းထန်တဲ့အတွက် ကိုယ့်ကိုယ်ကိုရောဂါရှိတယ်လို့မယူဆကြပါဘူး၊ ဒီအတွက်ကြောင့်ကုသမှုခံယူ ဖို့လည်း တွန့်ဆုတ်တတ်ကြပါတယ်။ နောက်ပြီးCyclothymia စိတ်ရောဂါကနာတာရှည်ရောဂါတစ်ခု ဖြစ်တဲ့အတွက် လုံးဝပျောက်ကင်းသွားအောင်ကုသဖို့မဖြစ်နိုင်သေးပါဘူး။ကုသမှုရဲ့အဓိကရည်ရွယ်ချက်က ဝေဒနာခံစားရမှု နည်းနိုင်သမျှနည်းသွားပြီး ပုံမှန်လူတစ်ယောက်လိုသွားလာပြောဆိုဆက်ဆံနိုင်ဖို့ ရည်ရွယ်ပါတယ်။ ဒီလိုဖြစ်လာအောင် သောက်ဆေးတွေ၊ စိတ်ကျန်းမာရေးကုသမှုတွေဖြစ်တဲ့ အမူအကျင့်ကုထုံး၊လူမှုဆက်ဆံရေးကုထုံးတွေ သုံးပြီး ကုသပေးလျက်ရှိပါတယ်။

Dr. Htoo Tint

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

အရိုးအဆစ်ရောင်ခြင်း၏ နောက်ဆက်တွဲပြဿနာများ

အရိုးအဆစ်ရောင်ခြင်းဆိုတာဟာ ခန္ဓာကိုယ်ရဲ့အရိုးတွေအဆုံး တခုနဲ့တခု အဆစ်အနေနဲ့စုဆုံရာမှာရှိတဲ့ အရိုးနုတွေ ပျက်စီးလာတဲ့ အခြေအနေပဲ ဖြစ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

ဆီးချိုနှင့်ဆက်နွယ်သော ကျောက်ကပ်ရောဂါ

ကျောက်ကပ်ရောဂါဟာ ဆီးချိုရောဂါကို ခံစားနေရသူတွေအတွက် အဆိုးဆုံးကြုံနိုင်တဲ့ နောက်ဆက်တွဲပြဿနာ ဖြစ်ပါတယ်။ ဆီးချိုနောက်ဆက်တွဲ ကျောက်ကပ်ထိခိုက်တတ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

အရိုးအဆစ် ဒီလိုဖြစ်ရင် အမြန်ဆုံးကုသသင့်ပါတယ်

အရိုးအဆစ် ဒီလိုဖြစ်ရင် အမြန်ဆုံး ကုသမှု ခံယူသင့်ပါတယ်။ မကုသရင် နောက်ဆက်တွဲပြဿနာတွေ ဖြစ်လာနိုင်ပြီး အခန့်မသင့်ရင် အရေးပေါ် ခွဲစိတ်ကုသရနိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Yun Sandi Nan Mon

စိတ်ရောဂါထိန်းချုပ်ဆေးနဲ့ ပတ်သက်ပြီး မှားသိထားတဲ့အရာတွေ

စိတ်ရောဂါ ထိန်းချုပ်ဆေး စိတ်ကျရောဂါ စိုးရိမ်ပူပန် စိတ်ဖိစီးမှု စိတ်ကုထုံး အတွေးအခေါ် ဘေးထွက်ဆိုးကျိုး ခေါင်းမူးခေါင်းကိုက် ဗိုက်အောင့် လိင်တံမထောင်မတ်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat
စိတ်ကျန်းမာရေး ဇူလိုင် 31, 2020 . 2 mins read

သင့်အတွက် ရွေးချယ်ထားသည်

ဘုရားပုံတော်တွေကို ကြည့်တိုင်း စိတ်ထဲမှာ ပြစ်မှားချင်စိတ်ပေါ်နေတာ . . .

ဘုရားပုံတော်တွေကို ကြည့်တိုင်း စိတ်ထဲမှာ ပြစ်မှားချင်စိတ်ပေါ်နေတာ . . .

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဒီဇင်ဘာ 7, 2020 . 3 mins read
ရာသီဥတု အကူးအပြောင်းမှာ ဖြစ်လာမယ့် စိတ်အပြောင်းအလဲကို ဘယ်လိုထိန်းချုပ်မလဲ

ရာသီဥတု အကူးအပြောင်းမှာ ဖြစ်လာမယ့် စိတ်အပြောင်းအလဲကို ဘယ်လိုထိန်းချုပ်မလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် နိုဝင်ဘာ 22, 2020 . 2 mins read
စိတ်ကျန်းမာရေးအကြောင်း

စိတ်ကျန်းမာရေးအကြောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် အောက်တိုဘာ 13, 2020 . 5 mins read
ဆီးချိုဝေဒနာရှင်တွေကို အထူးအန္တရာယ်ပေးနေတဲ့ကိုဗစ်

ဆီးချိုဝေဒနာရှင်တွေကို အထူးအန္တရာယ်ပေးနေတဲ့ကိုဗစ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် စက်တင်ဘာ 25, 2020 . 2 mins read