home

What are your concerns?

close
Inaccurate
Hard to understand
Other

သို့မဟုတ် လင့်ခ်ကူးယူမည်

အရေပြားပေါ်က ခြင်ကိုက်ဖုတွေကို သက်သာပျောက်ကင်းစေဖို့

အရေပြားပေါ်က ခြင်ကိုက်ဖုတွေကို သက်သာပျောက်ကင်းစေဖို့

ခြင်ကိုက်မခံရဖူးတဲ့သူဆိုတာ မရှိသလောက်ပါပဲ။ခြင်ကိုက်တဲ့အခါ အရေပြားမှာယားယံမှုတွေဖြစ်လာပြီး အနီရောင်အဖုလေးတွေကျန်နေတတ်ပါတယ်။ များသောအားဖြင့်ကတော့ အဝတ်တွေလွတ်နေတတ်တဲ့ခြေထောက် နဲ့ လက်တို့မှာ အဖြစ်များပါတယ်။ခြင်ကိုက်ဖုက အချိန်ကြာလာတာနဲ့အမျှ အညိုရောင်အစက်လေးတွေအဖြစ် ကျန်ရှိနေတတ်ပါတယ်။ အသားအရေက ထိခိုက်လွယ်သူတွေမှာဆိုရင်တော့ခြင်ကိုက်ဖုတွေက အချိန်တော်တော်ကြာတဲ့အထိ မပျောက်ဘဲ ရှိနေတတ်ပါတယ်။ ဒီလိုအရေပြားမှာ ကျန်နေတဲ့ခြင်ကိုက်ဖုတွေကို ဘယ်လိုသက်သာအောင်လုပ်ရမလဲ မသိဖြစ်နေသူတွေအတွက် ဒီဆောင်းပါးလေးက အသုံးတည့်မှာပါ။

အရေပြားပေါ်ကခြင်ကိုက်ဖုတွေကို ဒီလိုသက်သာအောင်လုပ်ပါ

အရေပြားပေါ်ကခြင်ကိုက်ဖုတွေကြောင့် စိတ်ညစ်ခံမနေပါနဲ့ ဒီနည်းလေးတွေ သုံးပြီးသက်သာအောင်လုပ်လို့ရပါတယ်။

ဗီတာမင် E

အရေပြားကို အနာကျက်စေနိုင်ပါတယ်။ခြင်ကိုက်ဖုတွေကို သက်သာစေမယ့် အလွယ်ကူဆုံးနဲ့ အထိရောက်ဆုံးနည်းလမ်းတစ်ခုပါ။ ဗီတာမင် E ကို တစ်နေ့နှစ်ကြိမ် ကနေ သုံးကြိမ်လောက်အထိလူးပေးပါ။

ခရမ်းချဉ်သီး

ခရမ်းချဉ်သီးကို အကွင်းလိုက်လှီးပြီးခြင်ကိုက်ဖုပေါ်မှာ တစ်နေ့နှစ်ကြိမ်ပွတ်ပေးပါ။ အမာရွတ်တွေနဲ့ခြင်ကိုက်ဖုတွေပျောက်ကင်းစေပြီ အသားအရေ ဝင်းလက်စိုပြေလာစေမှာပါ။ ၁၀ မိနစ်လောက်ထားပြီးရင်တော့ရေအေးနဲ့ဆေးချလိုက်ပါ။

သံပရိုသီး

အရေပြားပေါ်က အမာရွတ်၊အမဲစက်တွေကို သက်သာပျောက်ကင်းစေနိုင်ပြီး အသားအရေကို ဝင်းလက်စေနိုင်ပါတယ်။ သံပရိုသီးစိတ်လေးနဲ့ခြင်ကိုက်ဖုပေါ်ပွတ်ပေးပါ။ ၁၀ မိနစ်လောက်ထားပြီးရေအေးနဲ့ဆေးချပေးပါ။ တစ်နေ့နှစ်ကြိမ်ပုံမှန်လုပ်ပေးပါ။

သင်္ဘောသီး

သင်္ဘောသီးက အသားအရေအတွက်ကောင်းမွန်စေနိုင်ပါတယ်။ သင်္ဘောသီးကို ကြိတ်ခြေပြီး အနှစ်ကိုခြင်ကိုက်ဖုပေါ်မှာ အုံပေးပါ။ အရေပြားကစုပ်ယူနိုင်စေဖို့ ၁၀ မိနစ်လောက်ထားပြီးရေအေးနဲ့ဆေးချလိုက်ပါ။

အုန်းဆီ

အလွယ်ကူဆုံးနဲ့ အကောင်းဆုံးသောနည်းလမ်းတွေထဲကတစ်ခုပေါ့။ အမာရွတ်တွေကို ပါးစေပြီး အသားအရေကို စိုပြေစေနိုင်ပါတယ်။ ဒါကြောင့်ခြင်ကိုက်ဖုတွေကို အုန်းဆီလိမ်းပေးပါ။

ရှားစောင်းလက်ပပ်

အရေပြားအတွက် အသုံးဝင်တဲ့ သဘာဝပစ္စည်းလေးတစ်ခုပါ။ အတွင်းက ဂျယ်လီသားကို အအေးခံပြီးခြင်ကိုက်ဖုပေါ်မှာ ကပ်ပေးပါ။ တစ်နေ့ နှစ်ကြိမ်လုပ်ပေးပါ။

ပျားရည်

ပျားရည်က အရေပြားရောင်ရမ်းတာကို သက်သာစေနိုင်ပါတယ်။ လွန်ခဲ့သောနှစ်ပေါင်းများစွာကတည်းက ပျားရည်ကို အရေပြားအတွက် အသုံးပြုခဲ့ကြတာပါ။ခြင်ကိုက်ဖုပေါ်မှာ ပျားရည်လိမ်းပေးပြီးရေနွေးနွေးလေးနဲ့ဆေးချလိုက်ပါ။ ယားယံမှုကို သက်သာစေပြီးခြင်ကိုက်ဖုတွေကို သက်သာစေမှာပါ။

ဗီနီကာ

ခြင်ကိုက်ဖုပေါ်ကို ဗီနီကာအစက်ချပေးပါ။ နည်းနည်းစပ်သလိုခံစားရနိုင်ပါတယ်။ ၁၀ မိနစ်လောက်ထားပြီးရင်တော့ရေအေးလေးနဲ့ဆေးချလိုက်ပါ။

မျက်လုံးစပ်စေတတ်တဲ့ ကြက်သွန်နီကခြင်ကိုက်ဖုတွေကိုလည်း သက်သာစေနိုင်ပါတယ်။ ကြက်သွန်နီအရည်ကို ဂွမ်းစလေးနဲ့ယူပြီးခြင်ကိုက်ဖုပေါ်မှာ တို့ပေးလို့ရသလို ကြက်သွန်နီကိုစိတ်ပြီး တစ်စိတ်ကိုယူလို့ ခြင်ကိုက်ဖုပေါ်မှာပွတ်ပေးရင်လည်းရပါတယ်။ ခဏလောက်ထားပြီးရင်ရေအေးလေးနဲ့ဆေးချလိုက်ပါ။
ဆေးဖက်ဝင်တဲ့အရာအဖြစ်သိထားကြတဲ့ ကြက်သွန်ဖြူက အရေပြားပေါ်ကခြင်ကိုက်ဖုတွေကိုလည်း သက်သာစေနိုင်ပါတယ်။ ကြက်သွန်ဖြူကို ထက်ပိုင်းပိုင်းပြီးခြင်ကိုက်ဖုကို ပွတ်ပေးလို့ရသလို အရည်ကြိတ်ပြီးခြင်ကိုက်ဖုပေါ်မှာစွတ်ပေးလို့လည်းရပါတယ်။ ခဏလောက်ထားပြီးရင်ရေအေးလေးနဲ့ဆေးချလိုက်ပါ။
အရေပြားပေါ်က စိတ်အနှောင့်အယှက်ဖြစ်စေတဲ့ခြင်ကိုက်ဖုတွေကို ဒီနည်းလေးတွေသုံးပြီး သက်သာအောင်လုပ်လိုက်ပါ Hello ဆရာဝန်ပရိသတ်ကြီးရေ…..

Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

13 Home Remedies for Mosquito Biteshttps://www.healthline.com/health/outdoor-health/home-remedies-for-mosquito-bites Accessed Date 9 January 2019

How to Get Rid of Dark Spots From Mosquito Biteshttps://www.livestrong.com/article/254154-how-to-get-rid-of-dark-spots-from-mosquito-bites/ Accessed Date 9 January 2019

How To Get Rid Of Mosquito Bite Scars Naturallyhttps://m.dailyhunt.in/news/india/english/youngisthan-epaper-youngeng/how+to+get+rid+of+mosquito+bite+scars+naturally-newsid-74843046 Accessed Date 9 January 2019

စာရေးသူ ဓာတ်ပုံbadge
Aye Thi Mon မှ ရေးသားသည်။ 13/10/2021 တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။