ကျန်းမာစွာ စားသောက်ခြင်း

တော်တော်များများက ပိုတက်ဆီယမ်ဓာတ်ရအောင် ငှက်ပျောသီး စားကြပါတယ်။ ကျောက်ကပ်၊ နှလုံးတို့ကအစ ကြွက်သားတွေ၊ အာရုံကြောတွေအထိ လူ့ခန္ဓာကိုယ်အစိတ်အပိုင်းအားလုံးနီးပါး ပိုတက်ဆီယမ်ကို လိုအပ်တာကြောင့်ပါ။ ဒါပေမယ့် ငှက်ပျောသီး တစ်မျိုးတည်းကိုပဲ အားကိုးပြီး စားနေဖို့တော့မလိုပါဘူး။ ဒီဓာတ်ကို ရနိုင်တဲ့ တခြားအရင်းအမြစ်တွေက အများကြီးရှိနေသေးလို့ပါ။ ငှက်ပျောသီးလိုပဲ ပိုတက်ဆီယမ်ကြွယ်ဝတဲ့ အစားအစာတွေ က ဘာတွေဖြစ်မလဲ ကြည့်လိုက်ရအောင်နော်။ ငှက်ပျောသီးလိုပဲ ပိုတက်ဆီယမ်ကြွယ်ဝတဲ့ အစားအစာတွေ ငှက်ပျောသီးအပြင် ပိုတက်ဆီယမ်ကြွယ်ဝတဲ့ အစားအစာတွေ ကတော့ ပဲစိမ်း နှစ်ပြန်ကြော်တွေထဲမှာ ပါတတ်တဲ့ ပဲစိမ်းလေးတွေကို သိမှာပါ။ အဲဒီပဲတွေက ပိုတက်ဆီယမ် ကြွယ်ဝတဲ့အပြင် သံဓာတ်နဲ့ အမျှင်ဓာတ် ပါဝင်မှု များပါတယ်။ အချိုဓာတ် နဲ့ အဆီဓာတ်တော့ နည်းပါးပါတယ်။ အာလူး အရွယ်တော် အာလူးလေးတွေမှာ ဗီတာမင်B1၊ B3 နဲ့ B6 တို့လည်း ကြွယ်ဝပါသေးတယ်။ အာလူးကြော် […]

မြန်မာနိုင်ငံဆိုတာ ထမင်းကို အဓိကထား စားသုံးတဲ့ နိုင်ငံတစ်ခုပါ။ နေ့တိုင်း စားနေတဲ့ အနပ်တွေထဲမှာ ထမင်းက လုံးဝကို မပါမဖြစ်ပါ။ ဆန်အမျိုးအစားအများကြီးရှိတဲ့အတွက် ထမင်းတွေလည်း အမျိုးမျိုးရှိပါတယ်။ ဒီမှာတော့ ဆန်လုံးညိုနဲ့ ထမင်းဖြူ အကြောင်းကို အဓိက ထားပြောပြပေးမှာဖြစ်ပါတယ်။ ကြားဖူးကြမှာပါ။ ထမင်းဖြူထက်စာရင် ဆန်လုံးညိုက ကျန်းမာရေးအတွက် ပိုကောင်းတယ်ဆိုတာမျိုးပေါ့။ ထမင်းဖြူနဲ့ ဆန်လုံးညို ဘယ်သူက ပိုကောင်းလဲ ။ ထမင်းဖြူနဲ့ ဆန်လုံးညို ဘယ်သူကပိုကောင်းလဲ ။ ကျန်းမာရေးအပေါ်ကို ဘယ်လိုတွေ သက်ရောက်သလဲ ။ ။ ဆန်လုံးညိုပဲ ဖြစ်ဖြစ် ထမင်းဖြူပဲ ဖြစ်ဖြစ် သေချာတာကတော့ နှစ်ခုလုံးက ဗိုက်ပြည့်စေပြီး ကစီဓါတ် တွေ ကြွယ်ဝတယ်ဆိုတာပါပဲ။ တစ်ခြား အချက်တွေ ကြောင့်သာ သူတို့ နှစ်ခုကို နှိုင်းယှဉ်ပြီး ခွဲပြောနေရတာပါ။ အရင်ဆုံး ပါဝင်တဲ့ […]

အဝလွန်တဲ့ သက်လတ်ပိုင်းအရွယ်တွေမှာ ဦးနှောက်တစ်ရှူးတွေ ကျုံ့နေတာတွေ့ရတယ်လို့ဗြိတိန်သုတေသနတစ်ခုကလေ့လာတွေ့ရှိခဲ့ပါတယ်။ အထူးသဖြင့် ဗိုက်မှာအဆီပိုတွေစုနေတဲ့သူတွေမှာပိုဆိုးတယ်လို့ ဆိုပါတယ်။ အဝလွန်သူတွေဟာ ပုံမှန်ကိုယ်အလေးချိန်ရှိတဲ့သူတွေနဲ့ယှဉ်ရင် ဦးနှောက်ရဲ့ gray matter အရွယ်အစားကျုံ့နေတာကို အင်္ဂလန် Loughborough University သုတေသနအဖွဲ့က တွေ့ရှိခဲ့တာပါ။Gray matter မှာ ဦးနှောက်ရဲ့အာရုံကြောဆဲလ်အများစုပါဝင်နေတာဖြစ်ပြီး White matter မှာတော့ ဦးနှောက်ရဲ့အစိတ်အပိုင်းတွေကိုချိတ်ဆက်ပေးတဲ့အာရုံကြောမျှင်တွေပါရှိပါတယ်။ အရင်သုတေသနမှာတော့gray matter ကျုံ့ခြင်းက dementia (ဦးနှောက်မှတ်ဉာဏ်ချို့ယွင်းမှုရောဂါ)ဖြစ်နိုင်ခြေပိုများစေတယ်လို့ ဆက်နွှယ်မှုကိုတွေ့ရှိထားပါတယ်။ ဒါပေမယ့် ဒီသုတေသနမှာတော့ ဆက်နွှယ်မှုကိုသာတွေ့ရှိတာဖြစ်ပြီး အချိန်ကြာရှည်လေ့လာထားတာမဟုတ်တဲ့အတွက် အဝလွန်ခြင်းက ဦးနှောက်ကျုံ့စေတယ်လို့ သက်သေမပြနိုင်သေးပါဘူးလို့ ဦးဆောင်တဲ့သုတေသီMark Hamer ကပြောပါတယ်။ အသက် ၅၅ နှစ်အရွယ် လူဦးရေ ၉၆၅၂ ဦးကိုလေ့လာခဲ့တာဖြစ်ပြီး သူတို့ထဲက ၁၉ ရာခိုင်နှုန်းက အဝလွန်နေသူတွေဖြစ်ပါတယ်။ ဦးနှြေက် MRI စကင်န်စစ်ဆေးတဲ့အခါ အဝလွန်နေတဲ့သူတွေမှာ gray matter အရွယ်အစား […]

အဆီအဆိမ့်တွေ အငန်တွေလျှော့၊ အသီးတွေ အရွက်တွေ စားရမယ်ဆိုတာကတော့ ဟုတ်ပါပြီ။ အသီးအရွက်တွေကို ဘယ်လိုစားနေကြပါသလဲ။ ဘယ်လိုစားရမလဲ ပါးစပ်နဲ့ စားတာပေါ့နော်။ ဒါကိုပြောချင်တာ မဟုတ်ပါဘူး။ အစားအစာတွေကို စားတဲ့အခါ အစိမ်းစားသင့်လား၊ ချက်ပြုတ်စားသင့်သလား ဆိုတာပါ။ ဆိုလိုတာက ဘယ်အသီးအရွက်ကို အစိမ်းစားပြီး ဘယ်အသီးအရွက်ကို ချက်ပြုတ်စားတာကောင်းသလဲဆိုတာ သင်သိပါသလား။ တချို့က ဟင်းသီးဟင်းရွက်တွေရဲ့ သဘာဝအာဟာရဓာတ်တွေက အပူနဲ့ထိတွေ့တဲ့အခါ ပျက်ပြယ်သွားတတ်ကြတာမို့ အစိမ်းစားတာ ပိုကောင်းပါတယ်၊ တချို့ကျတော့ အပူပေးလည်း အာဟာရဓာတ်ဆုံးရှုံးမှု မရှိနိုင်တာကြောင့် ချက်ပြုတ်စားတာက သန့်ရှင်းမှုအတွက် စိတ်ချရပါတယ်၊ ဘယ်ဟာတွေကို ဘယ်လိုစားတာ အာဟာရဓာတ်ပိုရနိုင်မလဲ ဆက်ကြည့်ရအောင်။ အစိမ်းစားသင့်လား၊ ချက်ပြုတ်စားသင့်သလား အစိမ်းစားသင့်လား၊ ချက်ပြုတ်စားသင့်သလား ဆိုတော့ ကြက်သွန်ဖြူ ဟင်းချက်တိုင်းပါတတ်တဲ့ ကြက်သွန်ဖြူကို အစိမ်းစားတာလည်း ကောင်းပါတယ်။ ကြက်သွန်ဖြူမှာ ဓာတ်တိုးဆန့်ကျင်ပစ္စည်းတွေ ကြွယ်ဝလို့ သွေးဖိအားကိုထိန်းညှိနိုင်ပြီး ကင်ဆာကာကွယ်ပေးနိုင်ပါတယ်။ ချက်စားတာလည်း ဒီဓာတ်တွေရနိုင်ပေမယ့် […]

ကိုယ်နေ့တိုင်းသောက်နေတဲ့ နွားနို့ မှာ ကောင်းကျိုးတွေ အများကြီးရှိတယ်ဆိုတာကို သင်သိပါသလား။ ဗီတာမင်၊ သတ္တုဓာတ်နဲ့ ပရိုတင်းဓာတ်တွေ ကြွယ်ဝစွာပါတဲ့ ဒီနွားနို့ဟာ သောက်လို့ ကောင်းတဲ့ အပြင် သင့်ကျန်းမာရေး အတွက် အကျိုးပြုပေးတဲ့ အရာတွေ အများကြီးရှိပါတယ်။ ဘာတွေလဲဆိုတာ ဆက်ကြည့်ရအောင်။ ပြောလို့တောင် မကုန်နိုင်တဲ့ နွားနို့ ရဲ့ ကောင်းကျိုးတွေ သွားနှင့် အရိုးများကို သန်စွမ်း ကြံ့ခိုင်စေတယ်။  နွားနို့မှာ ကယ်လ်ဆီယမ်နဲ့ ဗီတာမင် D တွေ ပါတာကြောင့် အရိုးနဲ့ သွားသန်မာစေဖို့ သူ့ကို နေ့တိုင်းသောက်သင့်တယ်ဆိုတာ ပြောစရာလိုမယ်တောင် မထင်ပါဘူး။ ငယ်ငယ်လေးထဲက နွားနို့သောက်လာခဲ့တဲ့ ကလေးတစ်ယောက်ဟာ ဖွံဖြိုးမှု အပိုင်းမှာ အခြားသူတွေထက် မြန်ဆန်သလို နွားနို့က အသက်ကြီးရင်ဖြစ်တတ်တဲ့ အရိုးပါးရောဂါ၊ အရိုးပွ ရောဂါတွေကိုလည်း ကာကွယ်ပေးဦးမှာပါ။ နှလုံးကျန်းမာရေးကိုလည်း အားပေးတယ်။  နွားနို့ […]

ချောကလက်ကို လူအများစု ကြိုက်နှစ်သက်ကြသလို အချိုမကြိုက်တဲ့သူတွေလည်း ရှိကြပါတယ်။ အဖြူရောင် နို့ချောကလက်၊ အညိုရောင် ချောကလက်နဲ့ အနက်ရောင် အခါးအရသာရှိတဲ့ ချောကလက်ဆိုပြီး မျိုးစုံရှိပါတယ်။ ဒီနေ့မှာတော့ လူတွေ သိပ်မစားတတ်ကြတဲ့ အနက်ရောင် ချောကလက်ခါးခါးရဲ့ အသားအရေနဲ့ အလှအပဆိုင်ရာ ကျန်းမာရေးကောင်းကျိုးတွေကို ဝေမျှပေးချင်ပါတယ်။ အနက်ရောင် ချောကလက်ဆိုတာ ဘာလဲ။ အနက်ရောင် ချောကလက်ကို ကိုကိုးပင်ကနေတစ်ဆင့် ပြုလုပ်ထားတာဖြစ်ပြီး ခါးသက်တဲ့ အရသာရှိပါတယ်။ တခြားချောကလက်နဲ့ မတူတဲ့ အရသာကြောင့် လူတွေ မကြိုက်နှစ်သက်ကြပေမယ့် အနက်ရောင်ချောကလက်ဟာ ဆံသားနဲ့ အရေပြားအလှအပကို ကောင်းကျိုးများစွာ ဖြစ်စေတဲ့အပြင် ကိုယ်ခန္ဓာကျန်းမာရေးအတွက်လည်း အထောက်အကူပေးနိုင်ပါတယ်။ အနက်ရောင်ချောကလက်ကို စားပေးလို့ ရနိုင်တဲ့ အရေပြားဆိုင်ရာ ကောင်းကျိုးတွေ။ ၁။ Antioxidant တွေ ပေါကြွယ်ဝလို့ အသားအရေကို နူးညံ့လှပလာစေတယ်။ အရွယ်တင်နုပျိုစေတယ်။ အရေပြားကို ဝင်းမွတ်တောက်ပလာစေနိုင်ပါတယ်။ ၂။ နေရောင်ခြည်မှာ ပါဝင်တဲ့ […]

သွေးတွင်း အဆီ ဘာကြောင့်များရတာလဲ ။ ။ သွေးတွင်း အဆီဓာတ်များရခြင်းရဲ့ အဓိကအကြောင်းအရင်းကတော့ ကိုလက်စရော မြင့်တက်စေတဲ့ အစားအသောက်တွေကို မဆင်မခြင်စားမိတာကြောင့်ဖြစ်ရတာပါ။ ဒီလိုနဲ့ အဆီတွေ အနည်ကျလာလို့ သွေးကြောတွေ ကျဉ်းလာပါတော့တယ်။ ဒီလို သွေးကြောကျဉ်းရောဂါကိုဖြစ်စေတဲ့ ကိုလက်စရောတွေ သွေးထဲမှာ များမနေချင်ဘူးဆိုရင်တော့ ကိုလက်စရော တက်စေတဲ့ အစားအသောက်တွေက ဘာလဲဆိုတာ သင်သိထားဖို့လိုပါတယ်။ ကိုလက်စရော မြင့်တက်စေတဲ့ အစားအသောက်များ ။ ။ ကော်ဖီ။ ။ Expresso တို့၊ အသင့်ဖျော်ကော်ဖီတို့မှာပါတဲ့ cafestol ဟာ မကောင်းတဲ့ အဆီဓာတ်ဖြစ်တဲ့ LDL ကိုလက်စရောကို မြင့်တက်စေပါတယ်။ ဒါပေမယ့် ခွက်သေးသေးနဲ့ တစ်နေ့ တစ်ခွက်လောက်ပဲ ကော်ဖီ သောက်တတ်ရင်တော့ ကိစ္စမရှိပါဘူး။ နှပ်ကော်ဖီဟာ သွေးတွင်း ကိုလက်စရောကို မြင့်တက်စေခြင်း မရှိတာကြောင့် နှပ်ကော်ဖီကြိုက်တဲ့ သူတွေအတွက်ကတော့ ဝမ်းသာစရာပါပဲ ။ ဆီပြန်အစပ်ဟင်းတွေ […]

သင့်တစ်ကိုယ်လုံးက ပေးပို့တဲ့ အချက်ပြစနစ်တွေကို တုန့်ပြန်ရတယ်၊ တွေးခေါ် စဉ်းစားရတယ်၊ လေ့လာသင်ယူဖို့အတွက်လည်း ဦးနှောက် ကမရှိမဖြစ်ဆိုတော့ သူက အလုပ်အများဆုံးဖြစ်ပြီး အာရုံကြော သန်းပေါင်းများစွာနဲ့ ဖွဲ့စည်းထားတဲ့အတွက် အရှုပ်ထွေးဆုံး အစိတ်အပိုင်းတစ်ခုပါ။ အသက်ကြီးလာရင် ဦးနှောက်က ဆဲလ်တွေကျုံ့လာတတ်သလို ၊ ကိုယ်စားတဲ့အစားအသောက်တွေ ကိုယ့်အနေအထိုင် အပြုအမူတွေ မဆင်ခြင်တဲ့အခါ ဦးနှောက်ကို ထိခိုက်ပြီး မှတ်ဉာဏ်ချို့ယွင်းလာကြပါတယ်။ တစ်ခုခုပြောပြီး လုပ်ပြီးတာနဲ့ မေ့လွယ်တာ( dementia)၊ အတိတ်ကို လုံးဝ သတိမရတော့တဲ့ ရောဂါ ( Alzheimer ) တို့ဆိုတာ အဖြစ်များတဲ့၊ လူတိုင်းဖြစ်မှာ ကြောက်ကြတဲ့ ဦးနှောက် မှတ်ဉာဏ်ပိုင်းဆိုင်ရာ ချို့ယွင်းမှုတွေပါ။ ဒါဆို ဒီလို မှတ်ဉာဏ်ပျောက်ဆုံးတဲ့ အဖြစ်ဆိုးမျိုး မကြုံတွေ့အောင် ကြိုတင်ကာကွယ်လို့ရလား ။ ။ သင့်မှတ်ဉာဏ်စွမ်းရည်ကို မြင့်တက်စေမယ့် အစားအသောက်များ ။ […]

အာဟာရြပည့်ဝမှ ခန္ဓါကိုယ်ကျန်းမာမှာပါ။ ဒါကြောင့်နေ့စဉ်စားသုံးတဲ့ အစားအစာတွေထဲမှာ အာဟာရပြည့်ဝစွာပါဝင်အောင်စားသုံးပြီး ခန္ဓါကိုယ်ကျန်းမာအောင်ဂရုစိုက်ကြပါတယ်။ ဒီတစ်ခေါက်တော့ ခန္ဓါကိုယ်အတွက် လိုအပ်တဲ့ အာဟာရဓါတ်တစ်မျိုးဖြစ်တဲ့ ဗီတာမင် A အကြောင်းလေးနည်းနည်းလောက်ပြောပြချင်ပါတယ်။ ဗီတာမင် A ဆိုတာ ဗီတာမင် A ဆိုတာက အဆီပျော်ဝင်လွယ်တဲ့ ဗီတာမင် တစ်မျိုးပါ။ ဗီတာမင် Aက အမြင်အာရုံ၊ အသားအရေ၊ အရိုးနဲ့ ခန္ဓါကိုယ်က အခြားတစ်ရှုးတွေကို ကျန်းမာဖွံ့ဖြိုးစေနိုင်ပါတယ်။ ဗီတာမင် A က ဓါတ်တိုးဆန့်ကျင်ပစ္စည်းတစ်ရပ်အဖြစ်နဲ့ ဆဲလ်တွေပျက်စီးတာကို ကာကွယ်ပေးသလို အခြားသောကျန်းမာရေး အကိုးကျေးဇူးတွေလည်းထောက်ပံ့ပေးပါတယ်။ ဗီတာမင် A က ဆဲလ်တွေကြီးထွားဖို့ထောက်ပံ့ပေးသလို နှလုံး၊ အဆုတ် နဲ့ အခြားသောအရေးပါတဲ့ ကိုယ်အင်္ဂါအစိတ်အပိုင်းတွေကို အကောင်းဆုံးလုပ်ဆောင်နိုင်စေဖို့ အထောက်အပံ့ပေးပါတယ်။ ဗီတာမင် A ကအခြား အာဟာရဓါတ်တွေလိုမျိုး ခန္ဓါကိုယ်အတွက် မရှိမဖြစ်လိုအပ်တဲ့ ဓါတ်တစ်မျိုးပါ။ ဗီတာမင် A […]

မုန့်ဟင်းခါးစားရင် ငှက်ပျောအူတွေ အသည်းအသန်ဖယ်ခိုင်းတဲ့သူတွေရှိလား။ ကိုယ်တွေကတော့ ဟင်းရည်တောင်းရင် ငှက်ပျောအူဖတ်လေးထည့်ပေးပါလို့ကို ထည့်တောင်းတာ။ ငှက်ပျောပင်ဟာ အသီး၊အခွံ၊အရွက်၊ ပင်စည်အထိကို တစ်ပင်လုံးဆေးဘက်ဝင်နေတာ တကယ်အံ့သြဖို့ကောင်းပါတယ်။ ငှက်ပျောသီးက ဗီတာမင်နဲ့သတ္တုဓါတ်တွေပါဝင်တယ်၊ အခွံကလည်း အသားအရေအတွက် အသုံးဝင်တယ်၊ အရွက်ဆိုလည်း ဟိုရှေးတည်းကမြန်မာမုန့်လုပ်တဲေ့နရာမှာ အမြဲထည့်သုံးလေ့ရှိတာ အဆိပ်အတောက်ကင်းတဲ့ သူ့ရဲ့ကျန်းမာရေးအကျိုးကျေးဇူးကြောင့်ပါ။ အခုတော့ ပင်စည်ဖြစ်တဲ့ ငှက်ပျောအူရဲ့ဆေးဘက်ဝင်ပုံကိုပြောပြချင်လို့ ဖတ်ကြည့်လိုက်ပါဦး။ သူများနိုင်ငံမှာဆို ငှက်ပျောအူကို ကြိတ်ပြီးအရည်ကိုဖျော်ရည်တောင်လုပ်သောက်တာနော်။ အဆိပ်အတောက်ဖယ်ရှားနိုင်စွမ်း ငှက်ပျောအူဟာ ခန္ဓါကိုယ်ထဲက အဆိပ်အတောက်ဓါတ်ေတွကို ဖယ်ရှားရှင်းလင်းပေးနိုင်ပါတယ်။ ဆီးလည်းရွှင်စေသလို အမျှင်ဓါတ်လည်း ကြွယ်ဝပါတယ်။ ဆီးကျောက်ကို ကြေစေပြီး ဆီးလမ်းကြောင်းပိုးဝင်ခြင်းကို ကုသနိုင်စွမ်း ငှက်ပျောအူနဲ့ဖာလာစေ့ ပေါင်းစပ်လိုက်ရင် ဆီးအိမ်ကို ပြေလျော့စေပြီး ဆီးကျောက်တွေကို ကြေစေနိုင်ပါတယ်လို့ ဆိုကြပါတယ်။ ငှက်ပျောအူနဲ့ သံပရာသီး ပေါင်းစပ်ရင် ဆီးလမ်းကြောင်းပိုးဝင်ခြင်းကြောင့် ခံစားရတဲ့ဝေဒနာတွေကို သက်သာစေနိုင်ပါတယ်။ ဝိတ်ကျစေခြင်း အမျှင်ဓါတ်ကြွယ်ဝလွန်းတဲ့ ငှက်ပျောအူက ခန္ဓါကိုယ်ရဲ့ ဆဲလ်တွေထဲ သကြားဓါတ်နဲ့အဆီဓါတ်တွေ မစုပုံလာအောင် […]