backup og meta

အစိမ်းစားသင့်လား၊ ချက်ပြုတ်စားသင့်သလား

မှ အချက်အလက် စစ်ဆေးထားပါသည်။ Dr. Thurein Hlaing Win


Yun Sandi Nan Mon မှ ရေးသားသည်။ · 4 ပတ် အကြာက တွင် အသစ်ဖြည့်စွက်ခဲ့သည်။

    အစိမ်းစားသင့်လား၊ ချက်ပြုတ်စားသင့်သလား

    အဆီအဆိမ့်တွေ အငန်တွေလျှော့၊ အသီးတွေ အရွက်တွေ စားရမယ်ဆိုတာကတော့ ဟုတ်ပါပြီ။ အသီးအရွက်တွေကို ဘယ်လိုစားနေကြပါသလဲ။ ဘယ်လိုစားရမလဲ ပါးစပ်နဲ့ စားတာပေါ့နော်။ ဒါကိုပြောချင်တာ မဟုတ်ပါဘူး။ အစားအစာတွေကို စားတဲ့အခါ အစိမ်းစားသင့်လား၊ ချက်ပြုတ်စားသင့်သလား ဆိုတာပါ။

    ဆိုလိုတာက ဘယ်အသီးအရွက်ကို အစိမ်းစားပြီး ဘယ်အသီးအရွက်ကို ချက်ပြုတ်စားတာကောင်းသလဲဆိုတာ သင်သိပါသလား။ တချို့က ဟင်းသီးဟင်းရွက်တွေရဲ့ သဘာဝအာဟာရဓာတ်တွေက အပူနဲ့ထိတွေ့တဲ့အခါ ပျက်ပြယ်သွားတတ်ကြတာမို့ အစိမ်းစားတာ ပိုကောင်းပါတယ်၊ တချို့ကျတော့ အပူပေးလည်း အာဟာရဓာတ်ဆုံးရှုံးမှု မရှိနိုင်တာကြောင့် ချက်ပြုတ်စားတာက သန့်ရှင်းမှုအတွက် စိတ်ချရပါတယ်၊ ဘယ်ဟာတွေကို ဘယ်လိုစားတာ အာဟာရဓာတ်ပိုရနိုင်မလဲ ဆက်ကြည့်ရအောင်။

    အစိမ်းစားသင့်လား၊ ချက်ပြုတ်စားသင့်သလား

    အစိမ်းစားသင့်လား၊ ချက်ပြုတ်စားသင့်သလား ဆိုတော့

    ဟင်းချက်တိုင်းပါတတ်တဲ့ ကြက်သွန်ဖြူကို အစိမ်းစားတာလည်း ကောင်းပါတယ်။ ကြက်သွန်ဖြူမှာ ဓာတ်တိုးဆန့်ကျင်ပစ္စည်းတွေ ကြွယ်ဝလို့ သွေးဖိအားကိုထိန်းညှိနိုင်ပြီး ကင်ဆာကာကွယ်ပေးနိုင်ပါတယ်။ ချက်စားတာလည်း ဒီဓာတ်တွေရနိုင်ပေမယ့် အစိမ်းထက်တော့ အာဟာရဓာတ်တွေ လျော့စေနိုင်ပါတယ်။ မြန်မာ့ဓလေ့မှာတော့ လက်ဖက်သုပ်နဲ့ ကြက်သွန်ဖြူတွဲစားကြတာက ဆေးဖက်ဝင်အာနိသင်ကို ထည့်တွေးထားပုံရပါတယ်။

    ခုခေတ်မှာတော့ ကြက်သွန်ဖြူရော၊ အနီရော အစိမ်းစားရင် ခံတွင်းနံမှာကြောက်လို့ သိပ်မစားကြပါဘူး။ ဒီတော့ ကြက်သွန်ဖြူအစိမ်းစားဖို့က အချဉ်ထောင်းစားတာ၊ ငါးပိထောင်းစားတာတွေနဲ့ဆို အိုကေပဲ။ ထိုင်းအစားအစာဆိုပြီး အထောင်းတွေတောင်အမျိုးမျိုး စားကြတယ်မဟုတ်လား။

    • တို့စရာ အရွက်တွေ

    မြင်းခွာရွက်လို တို့စားလို့ရတဲ့ အစိမ်းရောင်အရွက်တွေကို အစိမ်းလည်းစားပေးပါ။ သဘာဝအရောင်ဖြစ်တဲ့ အစိမ်းရောင်က chlorophyll ပါဝင်မှုကြောင့် ကျန်းမာရေးအကျိုးကျေးဇူးရှိနေတာပါ။ အစိမ်းရောင်မပျက်အောင် ချက်နိုင်ရင်တော့ အာဟာရဓာတ်တွေ ထိုက်သင့်သလောက်ရနိုင်ပါတယ်။

    ခရမ်းချဉ်သီးကို အစိမ်းအနေနဲ့ ဘာဂါထဲမှာ၊ ဆန်းဒဝစ်ထဲမှာ၊ အသုပ်တွေထဲမှာ ထည့်ကြတာပေါ့။ ဒါပေမယ့် ကင်ဆာကာကွယ်တယ်ဆိုတဲ့ lycopene ဓာတ်ကို ချက်ထားတဲ့ ခရမ်းချဉ်သီးကနေ ပိုရနိုင်ပါတယ်။

    မုန်လာဥနီမှာ carotenoids လို့ခေါ်တဲ့ သဘာဝဓာတ်ပစ္စည်းတွေကြောင့် မျက်စိအားကောင်းစေတယ်၊ ကင်ဆာကာကွယ်နိုင်တယ်။ Carotenoids ဟာလည်း အပူပေးလိုက်မှ ခန္ဓာကိုယ်က စုပ်ယူရလွယ်ကူစေနိုင်ပါတယ်။

    အစိမ်းစားတဲ့အခါ အစာမကြေဖြစ်တတ်တာ၊ ပိုးသတ်ဆေးအန္တရာယ်စိုးရိမ်ရတာကြောင့် ပေါင်းတာလောက်တော့ လုပ်ပါ။ အရည်ဆူဆူမှာတည်တာ၊ ကြော်တာက ပေါင်းတာထက် glucosinolate လို့ခေါ်တဲ့ ကင်ဆာကာကွယ်တဲ့ ဒြပ်ပေါင်းကိုဆုံးရှုံးရနိုင်ပါတယ်။

    မှိုက ကယ်လိုရီနည်းပြီး အမျှင်ဓာတ်တွေ၊ ဓာတ်တိုးဆန့်ကျင်ပစ္စည်းတွေ ပါဝင်ပါတယ်။ သေချာတာကတော့ အစိမ်းစားလို့ မရတာပါပဲ။ ပေါင်း၊ ချက်၊ ကင် အမျိုးစုံ လုပ်စားပါ။ တချို့ မှိုတွေက အပူပြင်းပြင်းနဲ့ အမြန်ချက်ရင် ဓာတ်တိုးဆန့်ကျင်ပစ္စည်း ပိုရစေပါတယ်။

    အမျှင်ဓာတ်၊ ဗီတာမင်A နဲ့ C ၊ ကယ်လ်စီယမ်နဲ့ မဂ္ဂနီဆီယမ်တို့ ကြွယ်ဝတဲ့ ကန်စွန်းဥက အရိုးကို ကျန်းမာစေပါတယ်။ ဒါပေမယ့် ပြုတ်လိုက်တဲ့ အရည်မှာ သူ့ရဲ့ အာဟာရတွေ ပါသွားစေနိုင်လို့ မီးဖုတ်စားတာ အကောင်းဆုံးပါ။ ဒါမှမဟုတ်လည်း ပေါင်းစားပါ။

    • အရည်ကြိတ်သောက်မယ်ဆိုရင်

    အသီးတွေ၊ အရွက်တွေကို ကြိတ်သောက်မယ်ဆိုရင် အာဟာရဓာတ်တွေ အများကြီး ရနိုင်ပေမယ့် အဲဒီအသီး၊ အရွက်တွေက လတ်ဆတ်ရဲ့လား၊ သန့်ရှင်းရဲ့လား၊ အဆိပ်အတောက် ကင်းစင်ရဲ့လား ဆိုတာ သေချာအောင် လုပ်ပါ။ သေချာဆေးကြောသန့်စင်မှ ဝမ်းပျက်ခြင်း၊ အစာအဆိပ်သင့်ခြင်းကို ကာကွယ်နိုင်မှာပါ။

    မသက်ဆိုင်ကြောင်း ရှင်းလင်းချက်

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    မှ အချက်အလက် စစ်ဆေးထားပါသည်။

    Dr. Thurein Hlaing Win


    Yun Sandi Nan Mon မှ ရေးသားသည်။ · 4 ပတ် အကြာက တွင် အသစ်ဖြည့်စွက်ခဲ့သည်။

    advertisement iconadvertisement

    ဤဆောင်းပါးက အကူအညီဖြစ်ပါသလား။

    advertisement iconadvertisement
    advertisement iconadvertisement