သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ask-doctor-icon

ဆရာဝန်အား အခမဲ့မေးမြန်းလိုက်ပါ။

Hello ဆရာဝန်မှာ သင့်အတွေးများကို အသိပေးနိုင်ပါတယ်။

ခန္ဓါကိုယ်မှာ ဗီတာမင် A ရဲ့ အခန်းကဏ္ဍ

    ခန္ဓါကိုယ်မှာ ဗီတာမင် A ရဲ့ အခန်းကဏ္ဍ

    အာဟာရြပည့်ဝမှ ခန္ဓါကိုယ်ကျန်းမာမှာပါ။ ဒါကြောင့်နေ့စဉ်စားသုံးတဲ့ အစားအစာတွေထဲမှာ အာဟာရပြည့်ဝစွာပါဝင်အောင်စားသုံးပြီး ခန္ဓါကိုယ်ကျန်းမာအောင်ဂရုစိုက်ကြပါတယ်။ ဒီတစ်ခေါက်တော့ ခန္ဓါကိုယ်အတွက် လိုအပ်တဲ့ အာဟာရဓါတ်တစ်မျိုးဖြစ်တဲ့ ဗီတာမင် A အကြောင်းလေးနည်းနည်းလောက်ပြောပြချင်ပါတယ်။

    ဗီတာမင် A ဆိုတာ

    ဗီတာမင် A ဆိုတာက အဆီပျော်ဝင်လွယ်တဲ့ ဗီတာမင် တစ်မျိုးပါ။ ဗီတာမင် Aက အမြင်အာရုံအသားအရေအရိုးနဲ့ ခန္ဓါကိုယ်က အခြားတစ်ရှုးတွေကို ကျန်းမာဖွံ့ဖြိုးစေနိုင်ပါတယ်။ ဗီတာမင် A က ဓါတ်တိုးဆန့်ကျင်ပစ္စည်းတစ်ရပ်အဖြစ်နဲ့ ဆဲလ်တွေပျက်စီးတာကို ကာကွယ်ပေးသလို အခြားသောကျန်းမာရေး အကိုးကျေးဇူးတွေလည်းထောက်ပံ့ပေးပါတယ်။

    ဗီတာမင် A က ဆဲလ်တွေကြီးထွားဖို့ထောက်ပံ့ပေးသလို နှလုံး၊ အဆုတ် နဲ့ အခြားသောအရေးပါတဲ့ ကိုယ်အင်္ဂါအစိတ်အပိုင်းတွေကို အကောင်းဆုံးလုပ်ဆောင်နိုင်စေဖို့ အထောက်အပံ့ပေးပါတယ်။ ဗီတာမင် A ကအခြား အာဟာရဓါတ်တွေလိုမျိုး ခန္ဓါကိုယ်အတွက် မရှိမဖြစ်လိုအပ်တဲ့ ဓါတ်တစ်မျိုးပါ။ ဗီတာမင် A ကိုခန္ဓါကိုယ်က မထုတ်ပေးနိုင်တာကြောင့် အစားအစာတွေကနေတဆင့် ရယူရပါတယ်။ အစားအစာတွေကို စားသုံးလိုက်တဲ့အခါ ပါဝင်တဲ့ ဗီတာမင် A ကို အသည်းမှာ သိမ်းဆည်းလိုက်ပြီး ခန္ဓါကိုယ်က လိုအပ်တဲ့အခါမှာ ထုတ်ယူအသုံးပြုတာပါ။

    ဗီတာမင် A ရဲ့ အခန်းကဏ္ဍ

    ဗီတာမင် A ကအပေါ်မှာပြောခဲ့သလိုပဲ ခန္ဓါကိုယ်အတွက်တော်တော်လေးအထောက်အကူပြုပေးတာပါ။

    အမြင်အာရုံကောင်းစေတယ်

    ဗီတာမင် A ကမျက်လုံးတွေကျန်းမာစေပြီး ကြက်မျက်သင့်တာ နဲ့ အသက်အရွယ်ကြောင့်ဖြစ်တဲ့ အမြင်အာရုံအားနည်းတာကိုလျော့ပါးသက်သာစေနိုင်ပါတယ်။

    ကင်ဆာဖြစ်နိုင်ခြေလျှော့ချပေးတယ်
    ဗီတာမင် A က ကင်ဆာဖြစ်နိုင်ခြေကိုလျှော့ချပေးနိုင်တယ်၊လို့လေ့လာမှုတွေအရသိရပါတယ်။ ဗီတာမင် Aပြည့်ဝမှုက သားအိမ်ခေါင်းကင်ဆာ၊ အဆုတ်နဲ့ ဆီးအိမ်ကင်ဆာတွေဖြစ်နိုင်ခြေကိုလျှော့ချပေးနိုင်မှာဖြစ်ပါတယ်။
    ကိုယ်ခံအားကောင်းစေတယ်
    ဝက်ခြံဖြစ်နိုင်ခြေနည်းစေတယ်
    ဝက်ခြံက နာတာရှည်အရေပြားရောင်ရမ်းတဲ့ဝေဒနာတစ်မျိုးပါ။ အရေပြားပေါ်က အဆီဂလင်းတွေ ပိတ်ဆို့တာကြောင့် အရေပြားမှာ ဝက်ခြံတွေဖြစ်လာရတာပါ။ ဒီပြဿနာက ကင်းချင်ရင်တော့ ဗီတာမင် A ပါတဲ့ အစားအသောက်တွေကို စားသုံးပေးရုံပါ။
    အရိုးသန်မာစေနိုင်တယ်
    အရိုးတွေသန်မာဖို့ကလည်း ခန္ဓါကိုယ်ကျန်းမာဖို့အတွက် မရှိမဖြစ်လိုအပ်တဲ့အချက်တစ်ခုပါ။ အရိုးတွေကြံ့ခိုင်သန်စွမ်းဖို့ဆိုရင်တော့ ပရိုတင်း၊ ကယ်လ်ဆီယမ်၊ ဗီတာမင် D နဲ့ ဗီတာမင် A တို့ပြည့်ဝစွာရရှိစေဖို့ ဂရုပြုပါ။

    ဗီတာမင် A ကို ဒီအစားအစာတွေကနေရရှိနိုင်ပါတယ်

    • နို့
    • ဥအမျိုးမျိုး
    • အသား
    • ချိစ်
    • ပင်လယ်ငါးအဆီ
    • အသည်း
    • သခွားမွှေး
    • ဂရိတ်ဖရုစ်
    • တရုတ်ဇီးသီး
    • မုန်လာဥနီ
    • ရွှေဖရုံသီး
    • ကန်စွန်းဥ
    • ကိုက်လန်၊ ဟင်းနုနွယ်၊ဆလတ်ရွက်တို့လိုမျိုး အစိမ်းရောင်ရှိတဲ့ အရွက်တွေ
    • ပန်းဂေါ်ဖီစိမ်း တို့ကိုစားသုံးပေးပါ။

    Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

    health-tool-icon

    အခြေခံတစ်နေ့တာ ကယ်လ်လိုရီ လိုအပ်ချက်ပမာဏ တွက်ချက်ခြင်း ကိရိယာ (BMR)

    အရပ််၊ အသက်၊ ကိုယ်အလေးချိန်၊ တစ်နေ့တာ လှုပ်ရှားမှုတွေအပေါ်မူတည်ပြီး တစ်နေ့တာ လိုအပ်မယ့် ကယ်လ်လိုရီ ပမာဏကို သိရှိနိုင်ဖို့ အခြေခံတစ်နေ့တာ ကယ်လ်လိုရီ လိုအပ်ချက်ပမာဏ တွက်ချက်ခြင်း ကိရိယာ (BMR)ကို အသုံးပြုပြီး တွက်ချက်နိုင်ပါတယ်

    အမျိုးသား

    အမျိုးသမီး

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    ရင်းမြစ်များ

    Vitamin A Functionshttps://www.news-medical.net/health/Vitamin-A-Functions.aspx Accessed Date 9 January 2019

    Vitamin Ahttps://medlineplus.gov/ency/article/002400.htm Accessed Date 9 January 2019

    6 Health Benefits of Vitamin A, Backed by Sciencehttps://www.healthline.com/nutrition/vitamin-a-benefits Accessed Date 9 January 2019

    Vitamin A: Sources & Benefitshttps://www.livescience.com/51975-vitamin-a.html Accessed Date 9 January 2019

    What is vitamin A and why do we need it?https://www.ncbi.nlm.nih.gov/pmc/articles/PMC3936685/ Accessed Date 9 January 2019

    စာရေးသူ ဓာတ်ပုံbadge
    Aye Thi Mon မှ ရေးသားသည်။ တစ်ပတ် အကြာက တွင် ပြန်လည်ပြင်ဆင်ခဲ့သည်။
    Hello Sayarwon Panel မှ အချက်အလက် စစ်ဆေးထားပါသည်။
    Next article: